1. NAFARROAKO FORU KOMUNITATEA
1.7. BESTELAKOAK
JENDAURREKO INFORMAZIOA: "PE Hornazos" (1341-CE), "PE Canraso" (1342-CE) eta "PE Barcelosa" (1343-CE) haize-parkeak, Murchanteko eta Tuterako udal mugarteetan.
Nafarroan haize-parkeak baimentzea arautzen duen maiatzaren 8ko 56/2019 Foru Dekretuaren 7. artikuluak xedatutakoa betetzeko, jendaurrean jartzen dira honako espediente hauek:
–Xedea: Jendaurrean jartzea proiektuak eta ingurumen inpaktuaren azterketa, ingurumen inpaktuaren ebaluazio arrunta izapidetzeko, eta aurretiazko administrazio baimenak eta eraikitzeko administrazio baimenak lortzeko.
–Deskribapena: "PE Hornazos" (1341-CE), "PE Canraso" (1342-CE) eta "PE Barcelosa" (1343-CE) haize-parkeak eta "Promotores La Serna" azpiestaziorainoko ebakuazio azpiegiturak, Murchanteko eta Tuterako udal mugarteetan.
–Eskatzaileak: Mistral Renovables 22 SLU ("PE Hornazos"), Andrómeda Renovables 22 SLU ("PE Canraso") eta Olivo Generación Renovables 22 SLU ("PE Barcelosa").
–Proiektuak baimentzeko eskumena duen organoa: Energia, Enpresa I+G+b eta Ekintzailetza Zuzendaritza Nagusia.
Espedienteak jendaurrean jarriko dira Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, 31005 Iruña), kontsultak egin ahal izateko.
Dokumentazioa esteka hauetan ere aztertzen ahalko da:
https://gobiernoabierto.navarra.es/eu/gardentasuna/jendaurreko-informazioaren-tramitea/murchanteko-espedienteak-1341-1342-1343-CE
Alegazioak, iradokizunak edo oharrak idatziz aurkeztu beharko dira 30 egun balioduneko epean, iragarki hau Nafarroako Aldizkari Ofizialean argitaratu eta biharamunetik aitzina, edozein erregistro bulegotan, Nafarroako Gobernuaren erregistro orokor elektronikoan edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan adierazitako beste edozein bide erabiliz. Behar bezala jaso daitezen, Azpiegitura Energetikoen Atalari zuzendu behar zaizkio (Industria Antolamenduaren, Azpiegitura Energetikoen eta Meatzeen Zerbitzua, Industriako eta Enpresen Trantsizio Ekologiko eta Digitalerako Departamentua), espediente kodea adierazita.
Iruñean, 2025eko ekainaren 4an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
Iragarkiaren kodea: F2507987