1. NAFARROAKO FORU KOMUNITATEA
1.7. BESTELAKOAK
59/2025 EBAZPENA, apirilaren 14koa, Digitalizazioko eta Hezkuntza Zerbitzuetako zuzendari nagusiak emana, zeinaren bidez aldatzen baita Zizur Txikiko "Foro Europeo, Escuela de Negocios de Navarra" Lanbide Heziketako ikastetxe pribatuak duen baimena, irakaskuntza eskaintza handitzeagatik.
Ikusirik Zizur Txikiko "Foro Europeo, Escuela de Negocios de Navarra" Lanbide Heziketako ikastetxe pribatuko titularra den Athenea Bussines & Education Group SLk aurkeztutako eskaera, non eskatzen baitu egun Lanbide Heziketako irakaskuntzak emateko duen baimena aldatzea, eskaintza handitzeagatik Lanbide Heziketako erdi mailako "Administrazio-kudeaketa" heziketa zikloarekin.
Ikusirik Lanbide Heziketaren Plangintza eta Integraziorako Zerbitzuaren, Hezkuntzako Azpiegituren Zerbitzuaren eta Hezkuntzako Ikuskapen Zerbitzuaren aldeko txostenak.
Aintzat hartuta Lanbide Heziketaren Plangintza eta Integrazioari buruzko martxoaren 31ko 3/2022 Lege Organikoan eta berau garatzeko xedapenetan ezarritakoa.
Nafarroako Foru Komunitatean araubide orokorreko irakaskuntza ez-unibertsitarioak ematen dituzten ikastetxe pribatuak baimentzeko prozedura ezarri zuen uztailaren 6ko 251/1992 Foru Dekretuaren III. tituluan ezarritako prozedurari jarraikiz.
Hezkuntza Departamentuaren egitura organikoa ezarri zuen azaroaren 15eko 245/2023 Foru Dekretuaren bidez emandako ahalmenak erabiliz,
EBAZTEN DUT:
1. Zizur Txikiko "Foro Europeo, Escuela de Negocios de Navarra"" Lanbide Heziketako ikastetxe pribatuak (ikastetxearen kodea: 31008864) duen baimena aldatzea, irakaskuntza eskaintza handitzeagatik Lanbide Heziketako erdi mailako "Administrazio-kudeaketa" heziketa zikloarekin.
2. Baimenaren aldaketak 2025-2026 ikasturtearen hasieratik izanen ditu ondorioak.
3. Aldatzea Nafarroako Ikastetxeen Erregistroan dauden ikastetxearen datuak, baimendutako irakaskuntzei, osaerari eta gehieneko edukierari dagokienez, eta gainerako datuak zeuden bezala uztea. Hauek izanen dira ikastetxearen datuak:
Baimendutako ikasketak: Lanbide Heziketako erdi eta goi mailako prestakuntza, aurrez aurrekoa, eta baimendutako osaera eta gehieneko edukiera hauek izanen dituena:
1.–Lanbide Heziketako erdi mailako "Administrazio-kudeaketa" heziketa zikloa, "Administrazioa eta Kudeaketa" lanbide-arlokoa: 2 unitate (1 lehenengo mailan eta 1 bigarren mailan); gehienez ere 48 ikaspostu, barne hartuta ikasle errepikatzaileak eta ikasle berriak, goizeko txandan.
2.–Lanbide Heziketako goi mailako "Administrazioa eta Finantzak" heziketa zikloa, "Administrazioa eta Kudeaketa" lanbide-arlokoa: 2 unitate (1 lehenengo mailan eta 1 bigarren mailan); gehienez ere 48 ikaspostu, barne hartuta ikasle errepikatzaileak eta ikasle berriak, goizeko txandan.
3.–Lanbide Heziketako goi mailako "Zuzendaritzarako Laguntza" heziketa zikloa, "Administrazioa eta Kudeaketa" lanbide-arlokoa: 2 unitate (1 lehenengo mailan eta 1 bigarren mailan); gehienez ere 48 ikaspostu, barne hartuta ikasle errepikatzaileak eta ikasle berriak, goizeko txandan.
4.–Lanbide Heziketako goi mailako "Marketina eta Publizitatea" heziketa zikloa, "Merkataritza eta Marketina" lanbide-arlokoa: 2 unitate (1 lehenengo mailan eta 1 bigarren mailan); gehienez ere 48 ikaspostu, barne hartuta ikasle errepikatzaileak eta ikasle berriak, arratsaldeko txandan.
5.–Lanbide Heziketako goi mailako "Nazioarteko Merkataritza" heziketa zikloa, "Merkataritza eta Marketina" lanbide-arlokoa: 2 unitate (1 lehenengo mailan eta 1 bigarren mailan); gehienez ere 40 ikaspostu, arratsaldeko txandan.
6.–Lanbide Heziketako goi mailako "Bidaia Agentziak eta Ekitaldien Kudeaketa" heziketa zikloa, "Ostalaritza eta Turismoa" lanbide-arlokoa: 2 unitate (1 lehenengo mailan eta 1 bigarren mailan); gehienez ere 40 ikaspostu, arratsaldeko txandan.
7.–Lanbide Heziketako goi mailako "Gizarte eta Kirol Animazioa eta Irakaskuntza" heziketa zikloa, "Gorputz eta Kirol Jarduerak" lanbide arlokoa: 2 unitate (1 lehenengo mailan eta 1 bigarren mailan); gehienez ere 48 ikaspostu, barne hartuta ikasle errepikatzaileak eta ikasle berriak, goizeko txandan.
4. Titularrari adieraztea postu egokiak eta nahikoak daudela bermatu behar duela prestakuntza praktikoaren fasea enpresa edo antzeko organismo batean egiteko. Horretarako, 15 egun naturaleko epean, baimen honen jakinarazpena jasotzen denetik zenbatzen hasita, titularrak eskabide bat zuzendu beharko dio Lanbide Heziketako Plangintza eta Integraziorako Zuzendaritzari. Bertan, enpresen zerrenda bat aurkeztuko du, jasotzen duena eskatutako unitateetako ikasleen prestakuntza praktikoa egiteko lanpostuak zer enpresarekin adostu dituen edo zer enpresarekin aurreikusten duen adostea, baita prestakuntza praktikoa egiteko erabiliko den hitzarmenaren eredua ere. Hitzarmen horretan, berariaz adieraziko da ezin dela inolako ordainketa ekonomikorik, kontraprestaziorik edo dohaintzarik izan, ez ikastetxearen ez ikasleen aldetik, curriculumeko prestakuntza praktikoa egiteagatik.
5. Titularrari gogoraraztea baimendutako Lanbide Heziketako irakaskuntzen nondik norakoa Lanbide Heziketa antolatu eta integratzeari buruzko martxoaren 31ko 3/2022 Lege Organikora egokitu beharko duela, bai eta lege horren ondorioz estatuan nahiz Nafarroako Foru Komunitatean sortutako arauetara ere.
6. Titularrari ohartaraztea ezen, uztailaren 6ko 251/1992 Foru Dekretuaren 22. artikuluan ezarritakoari jarraikiz (foru dekretu horrek ezartzen du Nafarroako Foru Komunitatean araubide orokorreko irakaskuntza ez-unibertsitarioa ematen duten ikastetxe pribatuak baimentzeko prozedura), baimena kentzeko arrazoi izanen dela martxoaren 31ko 3/2022 Lege Organikoaren 55.8 artikuluan ezarritakoa ez betetzea.
7. Gogoratu beharra dago ezen ikastetxearen titularrak baimenaren aldaketa edo administrazio baimen berria eskatu beharko duela, baldin ikastetxearen erregistroko datuak, ebazpen honen 2. atalean jasotakoak, aldatzen badira edo instalazioak aldatzen badira, uztailaren 6ko 251/1992 Foru Dekretuaren III. tituluan ezartzen den moduan. Era berean, baimena azkentzen edo baliogabetzen ahalko da aipatu foru dekretuaren IV. tituluan jasotako kasuren bat gertatuz gero.
8. Ebazpen hau ikastetxearen titularrari jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hilabeteko epean.
9. Ebazpena jakinaraztea Hezkuntzako Ikuskapen Zerbitzuari, Hezkuntzako Azpiegituren Zerbitzuari, Lanbide Heziketaren Plangintza eta Integraziorako Zerbitzuari, Hezkuntzako Informazio Sistemen Zerbitzuari, Hezkuntza Zerbitzuen eta Ikasketetarako Laguntzen Zerbitzuari, Ikastetxeen Finantzaketaren Atalari eta Ikastetxeetako Informazioa Kudeatzeko Atalari.
10. Ebazpen hau Nafarroako Aldizkari Ofizialean argitara dadila agintzea.
Iruñean, 2025eko apirilaren 14an.–Digitalizazioko eta Hezkuntza Zerbitzuetako zuzendari nagusia, Luis Calatayud Yuste.
Iragarkiaren kodea: F2507691
