1. NAFARROAKO FORU KOMUNITATEA
1.7. BESTELAKOAK
40/2025 EBAZPENA, martxoaren 27koa, Digitalizazioko eta Hezkuntza Zerbitzuetako zuzendari nagusiak emana, zeinaren bidez Nafarroako Musika eta Dantza Eskolen Berariazko Erregistroan inskribatzen baita "Tronpeta" espezialitatea, Altsasuko Udal Musika eta Dantza Eskolak ematen dituen irakaskuntzen artean.
Ikusita Altsasuko Udaleko Musika Patronatuak, hau da, Altsasuko Udal Musika eta Dantza Eskolako titularrak, aurkeztutako eskabidearen aurrean instruitutako espedientea, patronatuak eskatu baitu "Tronpeta" espezialitatea baimentzea eta erregistratzea Altsasuko Udal Musika eta Dantza Eskolak ematen dituen irakaskuntzen artean.
Kontuan harturik Musika eta Dantza Eskolen sortzea eta funtzionamendua zuzentzen duten oinarrizko arauak onesten dituen abenduaren 21eko 421/1992 Foru Dekretuaren 29. artikuluan xedatutakoa.
Ikusita Hezkuntzako Ikuskapen Zerbitzuak aldeko txostena eman duela titularrak aurkeztutako proposamen pedagogikoak eta irakasleen titulazioak eskatutako baldintzetara egokitzeari buruz.
Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz, eta Hezkuntzako Teknologien eta IKT Azpiegituren Zerbitzuak proposaturik,
EBAZTEN DUT:
1. Nafarroako Gobernuaren Musika eta Dantza Eskolen Berariazko Erregistroan inskribatzea "Tronpeta" espezialitatea "Altsasuko Udal eta Dantza Eskola / Escuela Municipal de Música y Danza de Alsasua" musika eskolak (ikastetxearen kodea: 31004299) ematen dituen irakaskuntzen artean, 2024ko azaroaren 14tik aurrerako ondorioekin; izan ere, egun hartan sartu zen Hezkuntza Departamentuan eskolako titularraren jakinarazpena, non irakaskuntza horiek eskainiko zirela adierazten baitzuen.
2. Adieraztea ezen eskola horrek egun horretatik aurrera emanen dituen irakaskuntzak izanen direla Hezkuntzari buruzko Lege Organikoaren 48.3 artikuluan ezarritakoak –abenduaren 21eko 421/1992 Foru Dekretuaren 9. artikuluan ezarritako antolamenduaren arabera–, hain zuzen honako hauek:
1.–Musikako irakaskuntzak:
Oinarrizko eskaintza, abenduaren 21eko 421/1992 Foru Dekretuaren 9. artikuluko 1. apartatuko a), b) eta c) letretan ezarritako antolamenduari jarraikiz:
–Instrumentu-praktika: Akordeoia, Alboka, Baxu Elektrikoa, Bateria, Bonbardinoa, Kantua, Klarinetea, Zeharkako Flauta, Gaita, Gitarra, Gitarra Elektrikoa, Pianoa, Perkusioa, Saxofoia, Trikitia, Tronboia, Tronpeta, Tuba, Txistua eta Biolina.
–Instrumentu-praktikaren osagarri den musika prestakuntza: Musika Hizkuntza.
–Ahots eta instrumentu jarduerak taldean: Eskolania eta Abesbatza, Instrumentu Taldeak eta Fanfarrea eta Comboak.
2.–Dantzako irakaskuntzak:
–Dantza Herrikoia, abenduaren 21eko 421/1992 Foru Dekretuaren 1. ataleko 10. artikuluan lehentasunezko eskaintzan sartua.
3.–Musika eta dantzako irakaskuntzak:
–Bestelako irakasgaiak, musikaren oinarrizko eskaintzan (9.2 artikulua) eta dantzaren lehentasunezkoen artean (10.2 artikulua) sartu gabeak: Musika eta Mugimendua, 4 urtetik 8 urte bitarteko ikasleentzat.
3. Titularrari gogoraraztea eskolaren osaera aldatuz gero, eta aldaketak 421/1992 Foru Dekretuaren 29. artikuluan araututakoa ukitzen badu, Hezkuntza Departamentuari jakinarazi beharko diola.
4. Ohartaraztea eskolaren inskripzioa baliorik gabe uzten ahalko dela foru dekretu horren 31. artikuluan aipatutako kasuetan.
5. Ebazpen hau Altsasuko Udaleko Musika Patronatuari jakinaraztea, eta aditzera ematea honen kontra administrazioarekiko auzi-errekurtsoa jartzen ahal dela, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, ezertan galarazi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Ebazpen hau jakinarazi eta biharamunetik aurrera kontatuko dira epeak.
Administrazio publiko ez diren interesdunek gora jotzeko errekurtsoa aurkezten ahalko dute, Hezkuntzako kontseilariari zuzendua, hilabeteko epean.
6. Ebazpen hau Hezkuntzako Ikuskapen Zerbitzura, Arte Ikasketen Atalera eta Eskola informazioa kudeatzeko Bulegora igortzea.
7. Ebazpen hau Nafarroako Aldizkari Ofizialean argitara dadila agintzea.
Iruñean, 2025eko martxoaren 27an.–Digitalizazioko eta Hezkuntza Zerbitzuetako zuzendari nagusia, Luis Calatayud Yuste.
Iragarkiaren kodea: F2507687
