1. NAFARROAKO FORU KOMUNITATEA
1.7. BESTELAKOAK
JENDAURREKO INFORMAZIOA: "Aleta 19" (5450-CE), "Amura 19" (5453-CE), "Cabo de San Vicente 1" (5463-CE), "Elcano 21" (5468-CE) y "La Niña 9" (5473-CE) eguzki instalazio fotovoltaikoak, Alloko eta Leringo udal mugarteetan.
Energia elektrikoa garraiatu, banatu, merkaturatu eta haren horniketa egiteko jarduerak eta halako instalazioetarako baimen prozedurak arautzen dituen abenduaren 1eko 1955/2000 Errege Dekretuaren 125. artikuluan eta Ingurumen Ebaluazioari buruzko abenduaren 9ko 21/2013 Legearen 36. artikuluan xedatutakoa betez, jendaurrean jartzen dira honako espediente hauek:
–Xedea: jendaurrean jartzea proiektuak eta ingurumen-inpaktuaren azterketak, honako helburu hauekin: ingurumen-inpaktuaren ebaluazio arrunta tramitatzea eta aurretiazko administrazio-baimenak lortzea.
–Azalpena: "Aleta 19" (5450-CE), "Amura 19" (5453-CE), "Cabo de San Vicente 1" (5463-CE), "Elcano 21" (5468-CE) eta "La Niña 9" (5473-CE) eguzki instalazio fotovoltaikoak, 4,99 MW-eko potentzia instalatukoa bakoitza, lurrean ezarriak, eta haien transformazio eta ebakuazio azpiegiturak, Alloko eta Leringo udal mugarteetan.
–Eskatzaileak: Enigma Green Power 21 SLU ("Aleta 19"), Enigma Green Power 22 SLU ("Amura 19"), Enigma Green Power 11 SLU ("Cabo de San Vicente 1"), Enigma Green Power 25 SLU ("Elcano 21") eta Enigma Green Power 23 SLU ("La Niña 9").
–Proiektuak baimentzeko eskumena duen organoa: Energia, Enpresa I+G+b eta Ekintzailetza Zuzendaritza Nagusia.
Espedienteak jendaurrean jarriko dira Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, 31005 Iruña), kontsultak egin ahal izateko.
Dokumentazioa esteka hauetan ere aztertzen ahalko da:
https://gobiernoabierto.navarra.es/eu/gardentasuna/jendaurreko-informazioaren-tramitea/espediente-estella2–5450-5453-5463-5468-5473
Alegazioak, iradokizunak edo oharrak idatziz aurkeztu beharko dira 30 egun balioduneko epean, iragarki hau Nafarroako Aldizkari Ofizialean argitaratu eta biharamunetik aitzina, edozein erregistro bulegotan, Nafarroako Gobernuaren erregistro orokor elektronikoan edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan adierazitako beste edozein bide erabiliz. Behar bezala jaso daitezen, Azpiegitura Energetikoen Atalari zuzendu behar zaizkio (Industria Antolamenduaren, Azpiegitura Energetikoen eta Meatzeen Zerbitzua, Industriako eta Enpresen Trantsizio Ekologiko eta Digitalerako Departamentua), espediente kodea adierazita.
Iruñean, 2025eko maiatzaren 29an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
Iragarkiaren kodea: F2507797
