114. ALDIZKARIA - 2025eko ekainaren 9a

1. NAFARROAKO FORU KOMUNITATEA

1.7. BESTELAKOAK

46/2025 FORU AGINDUA, maiatzaren 27koa, Hezkuntzako kontseilariak emana, xedatzen duena argitaratu dadila Hezkuntzako kontseilariak eta Memoria eta Bizikidetzako, Kanpo Ekintzako eta Euskarako kontseilariak 2025eko maiatzaren 20an hartutako Erabakia, zeinaren bidez biek batera baimentzen baitute kudeaketa-esleipen bat egitea Euskarabidea-Euskararen Nafar Institutua erakunde autonomoari, euskaratik gaztelaniara itzultzeko zenbait proba, Irakasleak Hautatzeko eta Lanpostuak Betetzeko Zerbitzuko zuzendariaren azaroaren 15eko 249/2024 Ebazpenaren bidez onetsitako hautapen-prozeduretakoak, Bigarren Hezkuntzako irakasleen kidegoko Nekazaritza Ekoizpeneko Lanak eta Ekipamenduak (euskaraz) eta Nekazaritzako Ekoizpen Prozesuak (euskaraz) espezialitateetan.

Bat etorriz Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 14. artikuluko 3. apartatuan xedatutakoarekin, Hezkuntzako kontseilariak eta Memoria eta Bizikidetzako, Kanpo Ekintzako eta Euskarako kontseilariak, 2025eko maiatzaren 20ko Erabakiaren bitartez, batera baimendu dute kudeaketa-esleipen bat egitea Euskarabidea-Euskararen Nafar Institutua erakunde autonomoari, euskaratik gaztelaniara itzultzeko zenbait proba, Irakasleak Hautatzeko eta Lanpostuak Betetzeko Zerbitzuko zuzendariaren azaroaren 15eko 249/2024 Ebazpenaren bidez onetsitako hautapen-prozeduretakoak, Bigarren Hezkuntzako irakasleen kidegoko Nekazaritza Ekoizpeneko Lanak eta Ekipamenduak (euskaraz) eta Nekazaritzako Ekoizpen Prozesuak (euskaraz) espezialitateetan.

Aipatu foru legearen 14. artikuluaren 6. apartatuak xedatzen du, orobat, kudeaketa-esleipena eraginkorra izan dadin beharrezkoa dela Nafarroako Aldizkari Ofizialean argitaratzea oso-osorik.

Horrenbestez, Nafarroako Gobernuari eta Lehendakariari buruzko abenduaren 3ko 14/2004 Foru Legearen 41. artikuluak ematen dizkidan eskumenak erabiliz,

AGINTZEN DUT:

1. Nafarroako Aldizkari Ofizialean argitaratzea foru agindu hau eta Hezkuntzako kontseilariak eta Memoria eta Bizikidetzako, Kanpo Ekintzako eta Euskarako kontseilariak 2025eko maiatzaren 20an hartutako Erabakia, zeinaren bidez biek batera baimentzen baitute kudeaketa-esleipen bat egitea Euskarabidea-Euskararen Nafar Institutua erakunde autonomoari, euskaratik gaztelaniara itzultzeko zenbait proba, Irakasleak Hautatzeko eta Lanpostuak Betetzeko Zerbitzuko zuzendariaren azaroaren 15eko 249/2024 Ebazpenaren bidez onetsitako hautapen-prozeduretakoak, Bigarren Hezkuntzako irakasleen kidegoko Nekazaritza Ekoizpeneko Lanak eta Ekipamenduak (euskaraz) eta Nekazaritzako Ekoizpen Prozesuak (euskaraz) espezialitateetan.

2. Foru agindu hau igortzea Memoria eta Bizikidetzako, Kanpo Ekintzako eta Euskarako Departamentura, Euskarabidea-Euskararen Nafar Institutua erakunde autonomora, Hezkuntza Departamentuko Langileriaren eta Azpiegituren Zuzendaritza Nagusira, Nominen eta Gizarte Aseguruen Zerbitzura eta Azterlan Ekonomikoen eta Ikastetxeen Finantzaketaren Zerbitzura, Hezkuntza Departamentuko eta Memoria eta Bizikidetzako, Kanpo Ekintzako eta Euskarako Departamentuko idazkaritza tekniko nagusietara eta, orobat, aipatu departamentuetako kontu-hartzaile delegatuei.

Iruñean, 2025eko maiatzaren 27an.–Hezkuntzako kontseilaria, Carlos Gimeno Gurpegui.

ERABAKIA, HEZKUNTZAKO DEPARTAMENTUAREN ETA MEMORIA ETA BIZIKIDETZAKO, KANPO EKINTZAKO ETA EUSKARAKO DEPARTAMENTUAREN ARTEKOA, ZEINAREN BIDEZ BIEK BATERA BAIMENTZEN BAITUTE KUDEAKETA-ESLEIPEN BAT EGITEA EUSKARABIDEA-EUSKARAREN NAFAR INSTITUTUA ERAKUNDE AUTONOMOARI, EUSKARATIK GAZTELANIARA ITZULTZEKO ZENBAIT PROBA, IRAKASLEAK HAUTATZEKO ETA LANPOSTUAK BETETZEKO ZERBITZUKO ZUZENDARIAREN AZAROAREN 15EKO 249/2024 EBAZPENAREN BIDEZ ONETSITAKO HAUTAPEN-PROZEDURETAKOAK, BIGARREN HEZKUNTZAKO IRAKASLEEN KIDEGOKO NEKAZARITZA EKOIZPENEKO LANAK ETA EKIPAMENDUAK (EUSKARAZ) ETA NEKAZARITZAKO EKOIZPEN PROZESUAK (EUSKARAZ) ESPEZIALITATEETAN

Carlos Gimeno Gurpegui jaunak, Hezkuntzako kontseilariak, eta Ana Ollo Hualde andreak, Memoria eta Bizikidetzako, Kanpo Ekintzako eta Euskarako kontseilariak,

ADIERAZTEN DUTE:

Lehena.

Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak Langileriaren eta Azpiegituren Zuzendaritza Nagusiari esleitzen dizkio unibertsitateaz kanpoko irakasleen gaineko politika betearazi eta garatzeko eskumenak (56. artikulua) eta, zehazki, Irakasleak Hautatzeko eta Lanpostuak Betetzeko Zerbitzuari esleitzen dio Hezkuntza Departamentuari dagozkion sarrerako deialdiak eta prozedurak prestatu eta tramitatzeko eginkizuna (62. artikulua).

Bestalde, Euskarabidea-Euskararen Nafar Institutua erakunde autonomoaren estatutuak onesten dituen azaroaren 15eko 240/2023 Foru Dekretuaren 3.2.n) artikuluan xedatutakoaren arabera, haren eginkizuna da Nafarroako administrazio publikoek eskatzen dizkioten euskara-gaztelania itzulpen lan ofizialak bi norabideetan egitea, Euskarari buruzko Foru Legeak eta berau garatzen duten arauek xedaturikoarekin bat.

Bigarrena.

Irakaskuntzako funtzio publikorako sarbidea arautzen duen abenduaren 27ko 17/2017 Foru Legearen artikulu bakarraren 2. apartatuan xedatutakoarekin bat, espezialitatea zein hizkuntzatan emanen den edo zein hizkuntza espezialitate den, hautaproba guztiak hizkuntza horretan eginen dira.

Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariak azaroaren 15ean eman 249/2024 Ebazpenaren bidez, Bigarren Hezkuntzako irakasleen kidegora sartu eta igotzeko hautapen-prozedurarako deialdia egin zen. Haren barnean, Nekazaritza Ekoizpeneko Lanak eta Ekipamenduak (euskaraz) eta Nekazaritzako Ekoizpen Prozesuak (euskaraz) espezialitateetan, epaimahaikide batzuek euskaraz ez dakitenez gero, probak gaztelaniara itzuli eta interpretatu beharra dago, izangaien merezimenduak eta gaitasunak baldintza berberetan baloratu ahal ditzaten. Zehazki, 39 dira espezialitate horietan euskaraz lehiatuko diren izangaiak.

Hauek dira deialdiko oposizioaldian egin beharreko probak: lehendabizi, izangaiek eskuz idatzi beharreko proba bat, bi zatirekin: bata praktikoa eta bestea teorikoa. Bigarren probak ere bi zati dauzka: lehenengoan, programazio didaktiko bat aurkeztu eta ahoz defendatu behar dute, eta, bigarrenean, unitate didaktiko bat prestatu eta ahoz aurkeztu. Argi dago, beraz, beharrezkoa dela itzultzea bai idatzizko probak bai eta izangaiek aurkezten duten eta ahozko probetan erabiltzen den dokumentazioa ere (programazio didaktikoa), eta, orobat, proba praktiko horien aldibereko interpretazioa egitea.

Hirugarrena.

Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 14. artikuluak honako hau xedatzen du: "Foru Administrazio Publikoko organoek zilegi izanen dute beste organo batzuei edo zuzenbide publikoko beste erakunde eta entitate batzuei –lotutakoak edo haien menpekoak– eskuordetzea beren eskumeneko jarduera materialak eta teknikoak egitea, dela eraginkortasun-arrazoiengatik, dela lan horietarako baliabide tekniko egokiak ez dituztelako".

Probak administrazio-prozedura baten barruan eginen direnez eta langileak hautatzeko prozesuak garrantzitsuak direnez, behar-beharrezkoa da berme guztiekin egitea proba horien itzulpena eta interpretazioa, eta hori Euskarabideak egin dezake, hura baita modurik eraginkorrenean lan egiteko gai.

Laugarrena.

Aipatutako 14. artikuluko 3. apartatuan ezartzen denez, kudeaketa-esleipen bat egiteko organo esleitzailea atxikia dagoenaz bestelako departamentu bateko administrazio-organo bati, edo beste departamentu baten menpeko erakunde edo entitate publiko bati, bi departamentuen titularren baimen bateratua behar da.

Bosgarrena.

Kudeaketa-esleipenaren indarraldiari dagokionez, kontuan izan behar da oso denbora tarte laburra dagoela (bi hilabete) hautapen-prozesuari lotutako jarduera guztiak egiteko, ikasturte honetako (2024-2025) eskolak bukatzen direnetik hurrengoa ikasturtea (2025-2026) hasi arte, alegia, irailaren 1era arte. Ordurako hautapen-prozesuak amaitua egon beharko du, lehiaketaldia eta oposizioaldia gainditzen dituzten izangaiak praktiketako funtzionario izenda ditzaten eta, izaera horrekin, dagokien destinoaren jabetza hartu ahal dezaten.

Horrek esan nahi du oposizioaldiak (eta haren parte dira arestian adierazitako probak) 2025eko uztailaren 31rako amaitua egon beharko duela, eta abuztua erabiliko dela hautapen-prozesuaren berezko bestelako administrazio-lanak egiteko, horiek ere beharrezkoak baitira. Hala eta guztiz ere, eta ezustekoak gerta daitezkeenez, zuhurtziaz jokatu da, eta erabaki da 2025eko abuztuaren 15era arte iraunen duela kudeaketa-esleipenak. Hasi, berriz, Nafarroako Aldizkari Ofizialean argitaratzen denean hasiko da (Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 14.6 artikulua).

Seigarrena.

Euskarabideak kalkulatu du kudeaketa-esleipenaren gehieneko kostua, aurreikusita gehienez 34 programazio didaktiko izanen direla, eta 27 proba idatzi, horien bi zatiak barne (teorikoa eta praktikoa).

Hortaz, kostua, gehienez, 125.000 eurokoa izanen dela kalkulatu da. Hezkuntza Departamentuak finantzatuko du, eta Euskarabidearen eskura jarriko du zenbateko hori. Edonola ere, kontuan hartu behar da azken kostua aldatu eginen dela, prozesuan zehar sortzen den dokumentazioaren bolumenaren arabera.

Horrenbestez,

ERABAKITZEN DUTE:

Lehenbizikoa.–Hezkuntza Departamentuak eta Memoria eta Bizikidetzako, Kanpo Ekintzako eta Euskarako Departamentuak batera ematea baimena kudeaketa-esleipen bat egiteko Euskarabidea-Euskararen Nafar Institutua erakunde autonomoari, idatzizko eta ahozko probak itzultzeko eta haien aldibereko interpretazioa egiteko Bigarren Hezkuntzako irakasleen kidegora sartu eta igotzeko hautapen-prozeduran, zehazki, Nekazaritza Ekoizpeneko Lanak eta Ekipamenduak (euskaraz) eta Nekazaritzako Ekoizpen Prozesuak (euskaraz) espezialitateetan (aipatu hautapen-prozedurarako deialdia Irakasleak Hautatzeko eta Lanpostuak Betetzeko Zerbitzuko zuzendariaren azaroaren 15eko 249/2024 Ebazpenaren bidez onetsi zen).

Kudeaketa-esleipenaren barnean, zehazki, eginkizun hauek sartzen dira:

–Gehienez ere 34 programazio didaktiko itzultzea. Euskarabideak uztailaren 6a baino lehen entregatuko dizkio horiek guztiak Hezkuntza Departamentuari. Horretarako, Hezkuntza Departamentuak maiatzaren 27a baino lehen igorri beharko dizkio Euskarabideari.

–Gehienez ere 27 proba idatzi itzultzea, horien bi zatiak barne (teorikoa eta praktikoa). Euskarabideak uztailaren 14a baino lehen entregatuko dizkio horiek guztiak Hezkuntza Departamentuari.

Itzulpenak amaitu ahala entregatuko zaizkio Hezkuntza Departamentuari. Modu horretan, epaimahaiak izangaiak baloratzen ahalko ditu eskatutako lan guztiak amaitu arte itxaron beharrik gabe.

Bigarrena.–Kudeaketa-esleipen hau indarrean egonen da iragarkia Nafarroako Aldizkari Ofizialean argitaratzen denetik 2025eko abuztuaren 15era arte.

Hirugarrena.–Hezkuntza Departamentuak itzuli beharreko dokumentazioa emanen dio Euskarabideari itzulpen lana ahalik eta gehien errazteko moduko euskarrian edo formatu elektronikoan.

Laugarrena.–Hezkuntza Departamentuak, Euskarabideak eta esku hartzen ahal duten hirugarrenek isilpean gordeko dute kudeaketa-esleipen honetako lanak aurrera eramateko ematen zaien informazio guztia, bai eta esleipenaren emaitza den informazio oro ere, kontuan hartuta zer izaera duen esleipenaren xedeak: langileak hautatzeko prozedura batena, alegia.

Bosgarrena.–Kudeaketa-esleipen honen lanek eragindako gastuak finantzatzeko, Hezkuntza Departamentuak 125.000 euro utziko ditu Euskarabidearen esku, horretarako beharrezko tramite guztiak egin eta gero, Hezkuntza Departamentuaren 2025erako gastuen aurrekontuko 410005 41400 2267 322000 partidaren (Oposizioetako gastuak) kargura.

Seigarrena.–Erabaki hau igortzea, behar diren ondorioak izan ditzan, Hezkuntza Departamentuko Langileriaren eta Azpiegituren Zuzendaritza Nagusira, Euskarabidera, Hezkuntza Departamentuko eta Memoria eta Bizikidetzako, Kanpo Ekintzako eta Euskarako Departamentuko idazkaritza tekniko nagusietara eta, orobat, aipatu departamentuetako kontu-hartzaile delegatuei.

Iruñean, 2025eko maiatzaren 20an.–Hezkuntzako kontseilaria, Carlos Gimeno Gurpegui.–Memoria eta Bizikidetzako, Kanpo Ekintzako eta Euskarako kontseilaria, Ana Ollo Hualde.

Iragarkiaren kodea: F2507750