2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ZIZUR NAGUSIA
Euskara-ikastaroak egiteko dirulaguntzen deialdi publikoaren laburpena. 2024/2025 ikasturtea
DDBN (Identif.): 833687.
Dirulaguntza orokorrei buruzko azaroaren 17ko 38/2003 Legearen 17.3.b eta 20.8.a artikuluetan ezarritakoaren arabera, deialdiaren laburpena argitaratzen da. Horren testu osoa datu base nazionalean aurki daiteke. Dirulaguntzak (https://www.infosubvenciones.es/bdnstrans/GE/eu/convocatoria/833687).
2025eko maiatzaren 19ko 885/2025 Alkatetzaren Ebazpenaren bidez onetsia.
Lehena.–Onuradunak:
Euskara-ikastaroetan parte hartu nahi duten udalerriko pertsonak. Horretarako, honako baldintza hauek bete beharko dituzte: 16 urtetik gorakoak izatea, Zizur Nagusian erroldatuta egotea, gutxienez urtebeteko antzinatasunarekin, laguntza eskatzen den egunetik zenbatzen hasita, eta laguntza eskatzen den ikastaroak irauten duen bitartean, eta eskoletara %80tik gorako asistentzia izatea.
Bigarrena.–Xedea:
Euskara sustatzeko jarduerak bultzatzea.
Hirugarrena.–Oinarri arautzaileak:
Euskara-ikastaroak egiteko dirulaguntzen deialdi publikoa. 2024/2025 ikasturtea (2024ko irailetik 2025eko abuztura bitartean egindako ikastaroak).
Laugarrena.–Zenbatekoa:
3.500,00 euro.
Bosgarrena.–Eskabideak aurkezteko epea:
Deialdiaren iragarkia Nafarroako Aldizkari Ofizialean argitaratu eta biharamunean hasiko da, eta 2025eko irailaren 30ean amaituko da.
Zizur Nagusian, 2025eko maiatzaren 19an.–Alkatea, Jon Gondán Cabrera.
Iragarkiaren kodea: L2507223
