1. NAFARROAKO FORU KOMUNITATEA
1.7. BESTELAKOAK
ERABAKIA, Nafarroako Gobernuak emana, 2025eko apirilaren 30ekoa, zeinaren bidez foru intereseko inbertsio deklaratzen baitira "Caparroso", "Serralta", "San Gregorio" eta "La Bandera" haize parkeak berrindartzeko proiektuak, Grupo Empresarial Enhol SLrenak, Caparroson, Cabanillasen, Fustiñanan eta Errege Bardean.
Enpresa edo lanbide jarduerak abian jartzeko xedearekin administrazio bideak errazteko neurriei buruzko abenduaren 9ko 15/2009 Foru Legearen 4. artikuluan ezarritakoaren ondorioetarako, Grupo Empresarial Enhol SLk eskatu du, 2025eko otsailaren 28ko 2025/297923 eskabidea aurkeztuta, foru intereseko inbertsio deklara daitezela "Caparroso", "Serralta", "San Gregorio" eta "La Bandera" haize parkeak berrindartzeko proiektuak.
Energia, Enpresa I+G+b eta Ekintzailetza Zuzendaritza Nagusiak, Grupo Empresarial Enhol SLren eskaera aztertu ondoren, proiektua foru intereseko inbertsio deklaratzea proposatu du, inguruabar hauek aintzat hartuta:
–Klima-aldaketari eta Energia-trantsizioari buruzko martxoaren 22ko 4/2022 Foru Legearen 28. artikuluaren arabera, abenduaren 9ko 15/2009 Foru Legearen 4. artikuluan ezarritako ondorioetarako, foru intereseko inbertsiotzat hartuko dira haize parkeak berrindartzea eta energia berriztagarrien instalazioak hibridatzea xede duten energia berriztagarrietako inbertsio proiektuak.
–Berrindartzeko proiektuek honako hau planteatzen dute: "Caparroso" haize parkea berrindartzea (Eólica Caparroso SLU), Caparrosoko udal mugartean:
- 42 haize-sorgailu eraistea eta guztira 34,2 MW-eko potentzia duten 6 haize-sorgailu berri instalatzea.
- "Serralta" haize parkea berrindartzea (Eólica Cabanillas SLU), Cabanillasko udal mugartean: 20 haize-sorgailu eraistea eta guztira 14 MW-eko potentzia duten 2 haize-sorgailu berri instalatzea.
- "San Gregorio" haize parkea berrindartzea (Eólica Cabanillas SLU), Cabanillasko udal mugartean: 25 haize-sorgailu eraistea eta guztira 15 MW-eko potentzia duten 3 haize-sorgailu berri instalatzea.
- "La Bandera" haize parkea berrindartzea (Eólica Caparroso SLU), Fustiñanako eta Cabanillasko udal mugarteetan eta Errege Bardean: 43 haize-sorgailu eraistea eta guztira 34,2 MW-eko potentzia duten 6 haize-sorgailu berri instalatzea.
–Grupo Empresarial Enhol SLk 86.722.381 euroko inbertsioa aurreikusi du.
–Inbertsio proiektu honek mesede eginen die zeharkako plan batzuei, honakoei, besteak beste: Nafarroako Espezializazio Adimentsuaren Estrategia (S4), Horizonte 2030erako Energia Plana, 2021-2025 aldirako Industria Plana.
Azaldutakoarekin bat etorriz, Nafarroako Gobernuak, Industriako eta Enpresen Trantsizio Ekologiko eta Digitalerako kontseilariak proposaturik,
ERABAKITZEN DU:
1. Foru intereseko inbertsio deklaratzea "Caparroso", "Serralta", "San Gregorio" eta "La Bandera" haize parkeak berrindartzeko proiektuak, Grupo Empresarial Enhol SLrenak, Caparroson, Cabanillasen, Fustiñanan eta Errege Bardean, Enpresa edo lanbide jarduerak abian jartzeko xedearekin administrazio bideak errazteko neurriei buruzko abenduaren 9ko 15/2009 Foru Legearen 4. artikuluan ezarritako ondorioetarako. Deklarazio horrek inbertsio proiektuaren balio-bizitzan izanen ditu ondorioak.
2. Erabaki hau Nafarroako Parlamentuko Industriako eta Enpresen Trantsizio Ekologiko eta Digitalerako Batzordera igortzea, abenduaren 9ko 15/2009 Foru Legearen 4. artikuluan ezarritako ondorioetarako.
3. Erabaki hau argitaratzea Nafarroako Aldizkari Ofizialean, orok jakin dezan, eta jakinaraztea Grupo Empresarial Enhol SLri, Eólica Caparroso SLUri, Eólica Cabanillas SLUri eta Eólica La Bandera SLUri, behar diren ondorioak izan ditzan.
Iruñean, 2025eko apirilaren 30ean.–Nafarroako Gobernuko kontseilari-idazkaria, Félix Taberna Monzón.
Iragarkiaren kodea: F2506363
