1. NAFARROAKO FORU KOMUNITATEA
1.1. XEDAPEN OROKORRAK
1.1.3. Foru Aginduak
36/2025 FORU AGINDUA, apirilaren 30ekoa, Hezkuntzako kontseilariak emana, Hezkuntzako kontseilariaren apirilaren 8ko 37/2020 Foru Aginduaren II. eranskina aldatzen duena; foru agindu horren bidez, arauak onesten dira Hezkuntza Departamentuaren zerbitzuan aldi baterako kontratuekin irakasle lanpostuetan aritu nahi duten izangaien zerrendak kudeatzeko.
Hezkuntzako kontseilariaren apirilaren 8ko 37/2020 Foru Aginduaren bidez, arauak onesten dira Hezkuntza Departamentuaren zerbitzuan aldi baterako kontratuekin irakasle lanpostuetan aritu nahi duten izangaien zerrendak kudeatzeko (2020ko 84.NAO, apirilaren 23koa). Haren II. eranskinean, aldi baterako kontrataziorako izangaien zerrenda orokorra eratzeko eta berrantolatzeko merezimenduen baremoa ezartzen da.
Urriaren 4ko 800/2022 Errege Dekretuak otsailaren 23ko 276/2007 Errege Dekretua aldatzen du (276/2007 Errege Dekretua, otsailaren 23koa, Hezkuntzari buruzko maiatzaren 3ko 2/2006 Lege Organikoan aipatzen diren irakasle funtzionarioen kidegoetan espezialitate berriak sartzeko, eskuratzeko eta eskuratzeko Erregelamendua onartzen duena), atzerriko hizkuntzak baloratzeko hautapen prozeduraren lehiaketaldiko balorazio-baremoan 2.5 apartatua gehitzeko.
Bestalde, Hezkuntzako kontseilariaren apirilaren 8ko 37/2020 Foru Aginduaren 5. artikuluarekin bat etorriz, kontrataziorako zerrenda orokorrak hautapen prozesuetatik eratortzen dira zuzenean; beraz, kontrataziorako izangaien zerrenda ordenatzeko, kontuan hartzen dira eratortzen diren hautapen prozesuan baloratutako merezimenduak. Horrenbestez, egokitzat jotzen da foru agindu horren II. eranskina aldatzea, bat etor dadin oposizio-lehiaketan egindako merezimenduen balorazioarekin.
Horretarako, Nafarroako Gobernuari eta Lehendakariari buruzko abenduaren 3ko 14/2004 Foru Legearen 41.1.g) artikuluak ematen dizkidan ahalmenak erabiliz,
AGINTZEN DUT:
Artikulu bakarra.–Hezkuntzako kontseilariaren apirilaren 8ko 37/2020 Foru Aginduaren II. eranskina aldatzea; foru agindu horren bidez, arauak onesten dira Hezkuntza Departamentuaren zerbitzuan aldi baterako kontratuekin irakasle lanpostuetan aritu nahi duten izangaien zerrendak kudeatzeko.
Hezkuntzako kontseilariaren apirilaren 8ko 37/2020 Foru Aginduaren II. eranskinean, 2.5 apartatua gehitzen da eta ondoko idazketa du:
"2.5. Atzerriko hizkuntzak jakitea.
Atzerriko hizkuntza baten ezagutza maila frogatzen duten ziurtagiriak, sartzeko hautapen-prozeduretako deialdietan zehaztutakoaren arabera egiaztatutako entitateek luzatuak, baldin eta atzerriko hizkuntza batean C1 edo C2 maila aurreratua dutela egiaztatzen badute, Hizkuntzetarako Europako Erreferentzia Esparru Bateratuaren arabera."
Xedapen gehigarri bakarra.–Aplikazioa.
Foru agindu honetan jasotako aurreikuspena aplikatzen hasiko da 2025-2026 ikasturtetik aurrera egiten diren kontratuen esleipenetan.
Xedapen indargabetzaile bakarra.–Arauak indargabetzea.
Indarrik gabe gelditzen dira arau honetan ezarritakoaren kontrakoak diren maila bereko edo beheragoko xedapen guztiak.
Azken xedapen bakarra.–Indarra hartzea.
Foru agindu honek Nafarroako Aldizkari Ofizialean argitaratu eta biharamunean hartuko du indarra.
Iruñean, 2025eko apirilaren 30ean.–Hezkuntzako Kontseilaria, Carlos Gimeno Gurpegui.
Iragarkiaren kodea: F2506396
