Iragarkia

95. ALDIZKARIA - 2024ko maiatzaren 9a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

37/2024 FORU AGINDUA, apirilaren 17koa, Landa Garapeneko eta Ingurumeneko kontseilariak emana; honen bidez ezartzen da araubide orokorra landa garapenerako laguntzak eman, kudeatu eta kontrolatzeko Nafarroako Foru Komunitatean, NPEPE 2023-2027 planeko zenbait esku-hartzeri dagozkion ingurumen eta klima arloko konpromisoetarako eta kudeaketarako beste hainbat konpromisotarako.

Europako Parlamentuaren eta Kontseiluaren 2021/2115 (EB) Erregelamenduak, 2021eko abenduaren 2koak, ezartzen ditu Europar Batasuneko estatuek Nekazaritza Bermatzeko Europako Funtsaren (NBEUF) eta Landa Garapenerako Europako Nekazaritza Funtsaren (LGENF) kargura finantzatutako Nekazaritza Politika Erkidearen esparruan prestatu behar dituzten plan estrategikoetarako (NPEaren plan estrategikoak) laguntzari buruzko arauak, eta indargabetzen ditu 1305/2013 (EB) eta 1307/2013 (EB) erregelamenduak.

Europako Parlamentuaren eta Kontseiluaren 2021/2116 (EB) Erregelamendua, 2021eko abenduaren 2koa, Nekazaritza Politika Erkidearen finantzaketa, kudeaketa eta jarraipenari buruzkoa, 1306/2013 (EB) Erregelamendua indargabetzen duena.

Batzordearen 2022ko maiatzaren 4ko 2022/1172 (EB) Erregelamendu Delegatuak osatzen du Europako Parlamentuaren eta Kontseiluaren 2021/2116 (EB) Erregelamendua, nekazaritza politika erkidearen kudeaketaren eta kontrolaren sistema integratuari eta baldintzazkotasunaren esparruan aplikatzen ahal zaizkien penalizazio administratiboei dagokienez.

Batzordearen 2022ko abuztuaren 31ko Betearazpen Erabakiaren bidez, Espainiako 2023-2027ko NPEren Plan Estrategikoa onetsi zen Nekazaritza Bermatzeko Europako Funtsak eta Landa Garapenerako Europako Nekazaritza Funtsak finantzatzen duten Europar Batasunaren laguntzarako (CCI: 2023ES06AFSP001).

Abenduaren 23ko 30/2022 Legeak Nekazaritza Politika Erkidea (NPE) kudeatzeko sistema eta lotutako beste gai batzuk arautzen ditu.

1046/2022 Errege Dekretuak, abenduaren 27koak, Nekazaritza Politika Erkidearen Plan Estrategikoaren eta NBEUF eta LGENF nekazaritza funts europarren gobernantza arautzen du Espainian.

147/2023 Errege Dekretuak, otsailaren 28koak, Nekazaritza Politika Erkidearen Plan Estrategikoan jasotako esku-hartzeetan penalizazioak aplikatzeko arauak ezartzen ditu, eta 2023-2027 aldirako Nekazaritza Politika Erkidea Espainian aplikatzearekin lotutako zenbait alderdi arautzen dituzten errege dekretu batzuk aldatzen ditu.

1048/2022 Errege Dekretuak, abenduaren 27koak, 2023tik aurrera Nekazaritza Politika Erkidearen Plan Estrategikoaren esparruko zuzeneko ordainketen aplikazioa eta baldintza komunen ezarpena arautzen ditu, baita kudeaketa eta kontrol sistema integratuko eskaera bakarra ere.

Abenduaren 27ko 1049/2022 Errege Dekretuak baldintzazkotasun indartua eta baldintzazkotasun soziala aplikatzeko arauak ezartzen ditu, betebehar horiek baitituzte Nekazaritza Politika Erkidearen esparruan zuzeneko ordainketak, landa garapenerako urteko ordainketa jakin batzuk eta Urruntasunagatiko eta Uhartetasunagatiko Aukera Espezifikoen Programaren esparrukoak jasotzen dituzten laguntzen onuradunek.

1054/2022 Errege Dekretua, abenduaren 27koa; haren bidez ezarri eta arautzen zen Nekazaritzako eta abeltzaintzako ustiategien eta nekazaritza ekoizpenaren informazio sistema, bai eta Nekazaritza ustiategien erregistro autonomikoa eta Nekazaritza ustiategiaren koaderno digitala ere.

APA/204/2023 Agindua, otsailaren 28koa; haren bidez ezarri eta arautzen da nekazaritza ustiategien Erregistro autonomikoak eta nekazaritza-ustiategiaren Koaderno digitalak izan beharreko gutxieneko edukia eta, orobat, nekazaritzako eta abeltzaintzako ustiategien eta nekazaritza ekoizpenaren Informazio sisteman informazio iturriak sartzeko kronologia.

Otsailaren 8ko 45/2019 Errege Dekretuak abere arrazak zaindu, hobetu eta sustatzeko programa nazionala ezarri zuen eta arrazen katalogo nazionala arautu zuen.

Dirulaguntzei buruzko azaroaren 9ko 11/2005 Foru Legea aplikatuko zaio foru agindu honi.

Landa Garapeneko eta Ingurumeneko kontseilariak maiatzaren 23an emandako 54/2023 Foru Aginduan, 2023 kanpainarako laguntzen eskaera bakarraren deialdia egin zen, eta 2023-2027 eperako laguntza ematea eta 2023. urtekoa ordaintzea onartu zen, 2023-2027 NPEPEen hurrengo esku-hartzeetarako: biodibertsitatearen aldeko erlezaintza eta hegaztientzako animalia-ongizatea.

Nafarroako Foru Komunitateak NPEPE 2023-2027an sartu dituen Kudeaketa eta Kontrol Sistema Integratuarekin parekatutako FEADERen konturako Eskualdeko Esku-hartzeak hauek dira:

6501.2 Hazitarako patataren ingurumen nekazaritzako ekoizpena.

6501.3 Balio natural handiko dailu-euntzeak.

6501.4 Biodibertsitaterako erlezaintza.

6501.5 Estepako hegaztiendako lugorriak eta ardien larratzea estepako zereal-agrosistemetan.

6501.6 Agrosistema mediterraneo jasangarriak.

6501.6 Abeltzaintza estentsiboa eta haragijale handiak batera izatea.

6503 Nekazaritza ekologikoa.

6504 Animalien ongizatea.

6505.1 Nafarroako arraza autoktonoak.

6613 Muga naturalak edo bestelako muga espezifikoak dituzten eremuetarako laguntzak.

Arestian aipatutako esku-hartzeez gain, NPEPE 2024rako aldatzeko proposamenean artzaintza jasangarriari buruzko esku-hartze bat sartuko da, Landa Garapenerako Landa Planean (LGP) egon zenaren antzekoa, hasiera batean diseinatu ez zena lehen pilareko Eko-erregimenekiko bateraezintasun-arriskuaren aurrean. Bateraezintasunik eza atzeman ondoren, eta abeltzaintza jarduera hori modu iraunkorrean sustatzeko interes estrategikoa kontuan hartuta, beharrezkotzat jo da berriro NPEPEn sartzea (6501.3 Abeltzaintzako sistema jasangarriak deituko da). Horretarako, NPEPE 2024-2027 planean aldatu beharreko alderdien artean sartuko da. 2024an laguntza horren deialdia zabaltzeko baldintza izanen da Europako Batzordeak esku-hartze hori NPEPEn sartzea onartzea.

Era berean, laguntzak emateko baldintza izanen da Europako Batzordeak onestea NPEPE 2024-2027 planari egiten ahal zaizkion aldaketak.

Nekazaritza Politika Erkidearen Plan Estrategikoaren gobernantza sistema, antolamendua eta funtzionamendua arautzen dituen maiatzaren 24ko 49/2023 Foru Dekretuaren azken xedapenetako lehenengoak ahalmena ematen die Landa Garapeneko eta Ingurumeneko Departamentuko kontseilariari eta, kasua bada, zuzendari nagusiei ere, bakoitzak bere eskumenen esparruan, foru dekretua garatzeko eta betearazteko behar diren xedapen guztiak eman ditzaten eta, bereziki, osorik edo partez Europako nekazaritzako funtsen bidez finantzatzen diren dirulaguntzen arauak, deialdiak eta oinarri arautzaileak ezar ditzaten.

Azaldutakoarekin bat, eta Nafarroako Gobernuari eta lehendakariari buruzko abenduaren 3ko 14/2004 Foru Legearen 41.1 g) artikuluak ematen dizkidan eskudantziak erabiliz,

AGINTZEN DUT:

I. TITULUA.–ALDERDI OROKORRAK

1. artikulua. Xedea.

Foru agindu honen xedea da araubide orokorra ezartzea laguntzak eman, kudeatu eta kontrolatzeko Nafarroako Foru Komunitatean, Nekazaritza Politika Erkidearen 2023-2027 Plan Estrategikoan jasotako esku-hartzeei dagokienez:

–Hazitarako patataren ingurumen nekazaritzako ekoizpena.

–Balio natural handiko dailu-euntzeak.

–Abeltzaintza sistema jasangarriak.

–Biodibertsitaterako erlezaintza.

–Estepako hegaztientzako lugorriak.

–Ardiak larratzea estepako zereal-agrosistemetan.

–Agrosistema mediterraneo jasangarriak zaintzea.

–Abeltzaintza estentsiboa eta haragijale handiak batera izatea.

–Nekazaritza ekologikoa.

–Abereen ongizatea.

–Nafarroako arraza autoktonoak.

2. artikulua. Jarduketa esparrua.

Foru agindu honetan ezarritako laguntzen araubidea Nafarroako Foru Komunitatean kokatutako nekazaritzako eta abeltzaintzako ustiategi guztiei aplikatuko zaie.

3. artikulua. Arau esparrua eta esku-hartzeen identifikazioa.

Europako Parlamentuaren eta Kontseiluaren 2021eko abenduaren 2ko 2021/2115 (EB) Erregelamenduaren 70. artikulua (ingurumen eta klima arloko konpromisoak eta kudeaketa arloko beste hainbat konpromiso).

4. artikulua. 2023-2027 NPEaren Plan Estrategikoaren aipamena.

1. Esku-hartze horiek NPEaren Espainiako 2023-2027 Plan Estrategikoan sartzen dira, 2021/2115 (EB) Erregelamendutik sortzen da plana, eta neurri hauei buruz NPEPEn ezarritakoari jarraituko diote:

–Ingurumen eta klima arloetako eta kudeaketa arloko 70 konpromiso.

6501.2 Ingurumen nekazaritzako konpromisoak nekazaritzako azaleretan (6501.2 SIGC). Laborantza jasangarrien konpromisoak.
6501.3 Ingurumen nekazaritzako konpromisoak nekazaritza azaleretan (6501.3 SIGC). Larreen sustapen eta kudeaketa jasangarrirako konpromisoak.
6501.4 Ingurumen nekazaritzako konpromisoak nekazaritza azaleretan (6501.4 SIGC). Biodibertsitaterako erlezaintza.
6501.5 Ingurumen nekazaritzako konpromisoak nekazaritza azaleretan (6501.5 SIGC). Hegaztien babesa.
6501.6 Ingurumen nekazaritzako konpromisoak nekazaritza azaleretan (6501.6 SIGC). Biodibertsitatea babesten duten habitatak eta nekazaritza jarduera tradizionalak mantentzea eta hobetzea.
6503 Ingurumen nekazaritzako kudeaketarako konpromisoak nekazaritza ekologikoan.
6504 Animalien ongizaterako eta osasunerako konpromisoak (6504 SIGC).
6505.1 Baliabide genetikoak kontserbatzeko konpromisoak.

2. Europako Parlamentuaren eta Kontseiluaren 2021/2115 Erregelamenduaren 70. artikuluan oinarritutako esku-hartzeetarako laguntza eskaerek berrikuspen klausula bat izan beharko dute, artikulu horren 7. paragrafoan adierazitakoaren arabera.

5. artikulua. Definizioak.

1. Foru agindu honen ondorioetarako, aplikatu beharrekoak izanen dira 2021eko abenduaren 2ko Europako Parlamentuaren eta Kontseiluaren 2021/2115 (EB) Erregelamenduan ezarritako definizioak (haren bidez ezarri ziren nekazaritza politika erkidearen esparruan prestatu behar diren plan estrategikoetarako laguntzei buruzko arauak); orobat, abenduaren 27ko 1048/2022 Errege Dekretuan ezarritakoak (Nekazaritza Politika Erkidearen Plan Estrategikoaren esparruko zuzeneko ordainketen formako esku-hartzeei eta baldintza komunak ezartzeari buruzkoak); eta kudeaketa eta kontrol sistema integratuko eskaera bakarraren erregulazioa, eta otsailaren 28ko 147/2023 Errege Dekretuan ezarritako definizioak (haren bidez ezarri ziren Nekazaritza Politika Erkidearen Plan Estrategikoan jasotako esku-hartzeen gainean zehapenak aplikatzeko arauak).

2. Halaber, foru agindu honen ondorioetarako, honako definizio hauek hartuko dira aintzat:

2.1. Abeltzaintzako laguntzen definizio komunak.

a) Bazkarako eremua: Nekazaritzako azalera erabilgarria, abereak bazkatzeko, dela animaliak larratuz dela belarra ebakiz. Halaber, halakotzat joko da ustiategiaren titularrak aziendak larratzeko erabiltzen duena, banaka edo taldeka izan, urtaroaren araberako aprobetxamendurako eskubidea edukitzeagatik. Bazkatokiaren eremua honako hauek eraturik dago: larre iraunkorrek (larrea, zuhaixka-larrea edo larre zuhaiztuna), kontuan izanda larreen diru-lagungarritasunaren koefizientea, 5 urte baino gutxiagoko bazkaleku txikiak eta belarren edo beste bazka-moten taldea.

b) Larratzeko belardiak: bazkatzeko belardi naturalak (berez sortuak) edo landutakoak (ereinak), larre iraunkorrak barne direla, larratzeko erabiliak SIGPAC erabilera edozein dela ere.

c) Azienda-karga kalkulatzeko kontuan hartzen den bazkaleku-azalera: artzaintzarako aprobetxamendu bera duten barruti guztiek osatuko dute. Azalera hauek osatuko dituzte:

1. Larre iraunkorrak: larre iraunkorrek (larreak, zuhaixka larreak edo zuhaizti larreak) osatzen duten azalera, larreen onargarritasun koefizientea kontuan hartuta.

2. Belarrak edo bestelako bazkak: bazkatzeko belardi naturalak (berez sortuak) edo landutakoak (ereinak), larre iraunkorrak barne daudela, larratzeko erabiliak SIGPAC erabilera edozein dela ere.

3. Bazka daitezkeen azpiproduktuak: bazka bidez aprobetxatzeko azalerak, hala nola, uztondoak.

d) Abeltzaintza estentsiboa: Nafarroako Abeltzaintzako Ustiategien Erregistroan inskribatutako ustiategiak, elikaduraren zati handi bat larratzearen bidez lortzen dutenak eta ondoko sailkapen zooteknikoak dituztenak:

–Behi azienda: haragia, esnea edo mistoa ekoizteko ugalketarako sailkapen zooteknikoa duten ustiategiak, estentsibo edo erdi-estentsibo gisa sailkatuak.

–Ardi eta ahuntz azienda: haragia, esnea edo mistoa ekoizteko ugalketarako sailkapen zooteknikoa duten ustiategiak, estentsibo gisa sailkatuak.

–Behor azienda: haragia edo mistoa ekoizteko ugalketarako sailkapen zooteknikoa duten ustiategiak, estentsibo gisa sailkatuak.

–Zerri azienda: Uztailaren 17ko 1221/2009 Errege Dekretuko baldintzak betetzen dituzten ustiategiak. Dekretu horren bidez, zerri aziendaren ustiategi estentsiboak eta Nafarroako abeltzaintzako ustiategien erregistroko datu-basean estentsibo gisa erregistratuta daudenak antolatzeko oinarrizko arauak ezarri ziren.

e) Azienda larriko unitatea (AzLU): Abeltzaintzako ustiategien erregistroko erregistro ofizialetan sartuta dauden ustiategietako animaliei dagozkienak, baliokidetza hauen arabera: Sei hilabete baino gehiagoko ardi, ahuntz, zerri eta behi aziendak azienda-unitate bihurtzeko 2021/2290 (EB) Betearazpen Erregelamenduaren eranskineko emaitzen adierazleetan jasotzen diren koefizienteak erabiliko dira (2021/2115 (EB) Erregelamenduaren I. eranskinean ezarritako gauzapen eta emaitzen adierazle komunak kalkulatzeko metodoak jasotzen ditu eranskin horrek). Hegazti ustiategien kasuan, uztailaren 27ko 637/2021 Errege Dekretuan jasotzen direnak erabiliko dira, hartan ezarri baitziren hegazti haztegiak antolatzeko oinarrizko arauak.

AZIENDA MOTA	AZIENDA LARRIKO UNITATEA (AzLU)
6 hilabetetik gorako behor azienda	1’00 AzLU
2 urtetik gorako behi azienda	1’00 AzLU
Behi azienda, 6 hilabetetik 2 urtera bitartekoa (biak barne)	0’60 AzLU
Ugalketarako ardi azienda (emeak eta hazitarako arrak)	0’15 AzLU
Ugalketarako ahuntz azienda (emeak eta hazitarako arrak)	0’15 AzLU
Ugalketarako zerri azienda (erregimen estentsiboan)	0’50 AzLU
Oilo erruleak.	0,005 AzLU
Haragitarako oilaskoak	0,003 AzLU

2.2. "Nafarroako arraza autoktonoak" esku-hartzearen definizioak.

f) Nafarroako arraza autoktonoak eta Nafarroako arraza autoktono "mehatxatuak": Halakotzat definitu zirenak Landa Garapeneko eta Ingurumeneko kontseilariak abenduaren 18an emandako 76/2023 Foru Aginduan; haren bidez aldatu zen 2003ko maiatzaren 26ko Foru Agindua, Nekazaritza, Abeltzaintza eta Elikadurako kontseilariak emana, Nafarroako Azienda Arraza Autoktonoen Katalogoa onesten zuena.

g) Abere hautagarria edo diruz lagungarria: ugalketarako animaliak edo etorkizunean ugalketarako direnak: erditu diren emeak edo gutxieneko adina dutenak, espeziearen arabera etorkizunean ugalketarako erabiltzeko modukoak:

–Ardi eta ahuntz espezieko ugalketarako emeak: ugalketarako direnak, banakako identifikazio ofiziala dutela.

–Behi espezieko ugalketarako emeak: erditu direnak edo gutxienez 18 hilabete dituztenak.

–Behor espezieko ugalketarako emeak: erditu direnak edo gutxienez 18 hilabete dituztenak.

–Zerri espezieko ugalketarako emeak: erditu direnak edo gutxienez urte 1 dutenak.

2.3. "Biodibertsitaterako erlezaintza" esku-hartzearen definizioak.

h) Erlauntza: Laguntza jasotzeko erlauntza onargarritzat jotzen dira laukidun motakoak, ekoizpenean gutxienez 5 lauki edo panel dituztenak, eta bertan bizi diren erleen kolonia, baldin eta ustiategiaren identifikazio kodearekin markatuta badaude.

i) Erlategia: titular batenak diren eta kokaleku berean dauden erlauntzen multzoa, inguruan erleei janaria ematen ahal dien berezko landaredi azalera bat duena. Nafarroako Foru Komunitatean kokaleku bat baino gehiago erabiltzen duten erlauntz transhumanteak erlategi bakar batekoak direla joko da: eskatzaileak aitortutakoa, hain zuzen.

j) Landaredia berez sortzen den azalera": SIGPAC erabileraren bat duen azalera (baso-erabilera, larre zuhaiztunak, larre zuhaixkadunak edo larreak).

2.4. "Animalien ongizatea" esku-hartzearen definizioak.

k) Oilo erruleak: arrautzak erruteko helduak diren Gallus gallus espezieko oiloak, inkubatzeko ez diren arrautzak ekoizteko hazitakoak.

l) Haragitarako oiloak: Gallus gallus espezieko animalia, haragitarako itxita hazitakoak edo mantenduak.

2.5. "Nekazaritza ekologikoa" esku-hartzearen definizioak.

m) Nekazaritza ekologikoaren metodo eta jardunbideak mantentzea: erabiliko diren produkzio metodoetan betetzea Europako Parlamentuaren eta Kontseiluaren 2018ko maiatzaren 30eko 2018/848 (EE) Erregelamendua, produkzio ekologikoari eta produktu ekologikoen etiketatuari buruzkoa, eta otsailaren 22ko 13/2023 Foru Dekretua, haren bidez arautu baitzen nekazaritzako produkzio ekologikoa eta horren argibidea Nafarroako Foru Komunitateko nekazaritza eta elikadura produktuetan, ziurtapen erakunde ofizial batek kontrolatu eta ziurtatuta, eta aldaketarako hasierako epea iraganda.

n) Nekazaritza ekologikoaren metodo eta jardunbideetara aldatzea: nekazaritza konbentzionaletik nekazaritza ekologikora pasatzea denbora jakin batean, zeinetan produkzio ekologikoari buruzko xedapenak aplikatuko baitira.

o) Belarki-laboreak: zerealen, proteina-landareen, olio-landareen eta lekadunen laboreak, lur goldagarrien gainean, urtero txandakatuak. Haietan, tokian tokiko baldintza arruntetan egiten da nekazaritzako jarduera.

p) Bazka laboreak: larre naturaletan ereindako bazka-belar guztiak, edo larreetarako edo ebakitzeko belardietarako hazien nahasketetan sartzen direnak, baita bazkarako lekadunak eta bazkarako artoa ere, ebakitzeko izan edo larratzeko izan.

2.6. "Agrosistema mediterraneo jasangarriak" esku-hartzearen definizioak.

q) Mahasti zaharra: ontzi formako mahatsondo landaketak, Nafarroako Mahastizaintza eta Ardogintza Erregistroan inskribatuta eskatzailearen/ustiategiaren izenean, 1985 baino lehen landatuak, lantzeko baldintza onetan daudenak.

r) Olibadi zaharra: SIGPAC barrutiak, non azaleraren % 25, gutxienez, 1955 baino lehen landatutako olibadiek hartzen duten, lantzeko baldintza onetan daudenak. Olibadi zaharraren ehuneko hori txikiagoa bada, olibadi zaharraren zatitzat hartuko dira olibadi horien eragin eremuak hartzen dituzten azalerak.

"Agrosistema mediterraneo jasangarrien" laguntzarako onargarriak diren olibadi zaharren azalerak erregistro grafiko batean jasota daude (Landa Garapeneko eta Ingurumeneko Departamentuko Nekazaritzako Informazio Sistemen Bulegoak kudeatzen du erregistroa). Olibadien titularrek olibadi zaharretan gertatzen diren aldaketak jakinarazi beharko dituzte, dela olibondo zaharren erauzketak, dela olibondo zaharrak gaztetzeko inausketak edo beste partzela batzuetara egiten diren birlandaketak.

s) Sagarrondo diruz lagungarriak: SIGPAC barrutiak, sagarrondo landaketekin, 01 eskualdeko (Ipar-mendebaldea) udalerri batean, salbu eta sagarrondoek hartzen duten azalera barruti osoaren azaleraren % 25 baino txikiagoa bada. Landaketak lantzeko egoera onean egon behar dira.

t) Gereziondo diruz lagungarriak: SIGPAC barrutiak, gereziondo landaketekin, 03 eskualdeko (Iruñerria) udalerri batean, salbu eta gereziondoek hartzen duten azalera barruti osoaren azaleraren % 25 baino txikiagoa bada. Landaketak lantzeko egoera onean egon behar dira.

2.7. "Balio natural handiko dailu-euntzeak" esku-hartzearen definizioak.

u) Balio natural handiko belardia: landaredi nahiz fauna biodibertsitatea oparo duen belardia, abeltzaintzako erabilera estentsiboen mendekoa. Belardi horiek flora aniztasun handia dute, paisaia eta kultura balio handiko egitura elementuekin batera, eta horiek biodibertsitatearen babeslekuak dira. Elementu horiek izaten ahal dira naturalak (zuhaitz bakartuak eta/edo lepatuak, heskaiak, hezeguneak) edo antropikoak (abere-bordak, harrizko hormak). Natur balio handiko dailu-euntzeei laguntzeko, larre horiek SIGPACen larre gisa katalogatutako azaleran kokatu behar dira eta 01 (Ipar-mendebaldea), 02 (Pirinioak) eta/edo 03 (Iruña) nekazaritzako eskualdeetan egon behar dira.

2.8. "Estepako hegaztiendako lugorriak" eta "Ardien larratze jasangarria estepako zerealeko agrosistemetan" esku-hartzeen definizioak.

v) Estepako hegaztiendako eremu kritikoak (AC): estepako hegazti mehatxatuen banaketa eremuan sartzen diren sektoreak, espezie horiek kontserbatzeko funtsezkoak diren habitatak dituztenak, edo espezie horien egoera estrategikoagatik mantentze-lan egokiak behar dituztenak. Oro har, eremu horiek osatzen dituzte ugaltze lurraldeek, habiak egiteko eta kumeak hazteko eremuak barne, baita erakustaldiak egiteko eta arren gorteatze espazioak ere, araldiaren garaian, eta kumeak dituzten habien ingurunea ere bai.

2.9. "Abeltzaintza eta haragijale handiak batera izatea" esku-hartzearen definizioak.

w) Arriskuko eremua: Nafarroan azken urteetan haragijale handiak (hartz arrea) ibiltzen direla egiaztatu den eremuek osatzen duten poligonoa eta horien inguruan habitat egokia duten albo eremuak. Eremu geografiko horretan, haragijale handien eta aziendaren artean topo-egiteak izateko aukera handiagoa da.

3. NPEPE esku-hartze bat eskatzen bada labore batengatik, laborantza nagusitzat jo beharko da, kanpaina bakoitzaren eskaera bakarrean.

6. artikulua. Konpromisoak zabaltzea eta luzatzea.

1. Hurrengo urteetan laguntza berrien deialdirik zabaltzen bada, indarrean dauden konpromisoak dituzten pertsonek/ustiategiek konpromiso hori gainerako aldirako zabaltzeko aukera izanen dute, baldin eta hasierako konpromisoa % 10ean gainditzen badute.

Emakida berriek lehentasuna izanen dute lehendik emakida duten titularrei emakida handitzearen gainetik.

2. Laguntzen lehenengo deialdiaren ondoko urteetan laguntzen deialdia egiten bada berriz, baldintza berriekin, konpromisoa duten pertsonek/ustiategiek aukera izanen dute beren konpromisoak egokitzeko deialdi berrian aurreikusitako baldintzetara, aldi berri baterako.

3. Hartutako konpromisoen urtebeteko luzapenak baimentzen ahalko dira, emakidak egiteko epea bukatu ondoren.

7. artikulua. Konpromisoak eskualdatzea.

1. Konpromiso bat betearazten ari den epean, konpromiso baten titular den pertsonak/ustiategiak osorik edo partez eskualdatzen ahalko du, eta konpromiso horri lotutako azalera edo AzLUak lagako dizkio. Pertsona/ustiategi hartzaileak konpromisoa hartzen du konpromisoa aurrera eramateko, ezarritako epea amaitu arte.

2. Pertsona/ustiategi berriak azpineurri edo ekintza bakoitzerako ezarritako onargarritasun baldintzak bete beharko ditu, konpromisoa eskualdatzen deneko kanpainako eskabide bakarra aurkezteko epea bukatzean.

3. Ustiategia erabat edo partez eskualdatzen den kasuetan, eskualdaketaren agiriaren kopia aurkeztuko da, ondoko datu hauek jasoz, gutxienez: lagatzailearen eta lagapen-hartzailearen izena eta NANa edo IFZ, eskualdatzen diren eta lagapenaren hartzaileak, konpromisoak irauten duen bitartean, mantenduko dituen lurzatien edo animalien zerrenda.

4. Agrosistema mediterraneo jasangarriak, nekazaritza ekologikoa, balio natural handiko dailu-euntzeak eta estepako hegaztiendako lugorriak babesteko laguntzen kasuan, laguntza ematea ekarri zuten barrutietan konpromisoa mantendu beharko da.

5. Onuradun bat hiltzen bada, haren oinordekoek hartuko dituzte lagatzaileen eginkizunak, herentzia onartu ondoren.

6. Konpromisoa ez bada bere gain hartzen, pertsona/ustiategi lagatzaileak jasotako laguntzak itzuli beharko ditu.

8. artikulua. Konpromisoak betetzeko salbuespeneko zailtasunak edo ez betetzeko ezinbesteko arrazoiak.

1. Urte bateko tartean konpromisoa betetzen ez bada, itzuli egin beharko dira aurreko kanpainetan jasotako zenbatekoak.

2. Jasotako laguntza itzultzea ez da eskatuko, konpromisoa bete ez bada ezinbesteko arrazoiren batengatik edo ezohiko egoeraren batengatik; horiek jasota daude 2021eko abenduaren 2ko 2021/2116 (EB) Erregelamenduaren 3. artikuluan; abenduaren 27ko 1047/2022 Errege Dekretuaren 4. artikuluan; abenduaren 27ko 1048/2022 Errege Dekretuaren 3.19. artikuluan; eta otsailaren 28ko 147/2023 Errege Dekretuaren 5. artikuluan.

3. Laguntza itzultzea ez da eskatuko, orobat, kasu hauetan:

–Onuradunaren erretiro hartzea, konpromisoaren indarraldian izan bada.

–Nekazaritzako ustiategi osoa eskualdatzea (beste pertsona/ustiategi bati saltzea edo alokatzea).

4. Pertsona/ustiategi onuradunek idatziz jakinarazi behar diote Landa Garapeneko eta Ingurumeneko Departamentuari, horren berri jakin bezain laster, ustiategian gertatutako edozein gorabehera, horrek baldintzak eta konpromisoak ez betetzea ekartzen ahal badu.

5. Landa Garapeneko eta Ingurumeneko Departamentuari eman beharko zaio ezinbesteko kasuen berri hamabost egun baliodunean, gehienez, egoera eragilea gertatzen denetik hasita.

II. TITULUA.–6501 ESKU-HARTZEAK

I. KAPITULUA.–6501.2 HAZITARAKO PATATAREN INGURUMEN NEKAZARITZAKO EKOIZPENA

9. artikulua. Laguntzaren deskripzioa.

Kapitulu honetan araututako laguntzen bidez nekazariei lagundu nahi zaie hazitarako patataren laborantzari euts diezaioten, hazitarako patata produzitzeko eremu baimenduetan, ingurumen nekazaritzako teknikei jarraituz, inguruneko nekazaritza eta ingurumen balioak gorde eta zaintzeko.

10. artikulua. Laguntza mota.

1. Laguntza urteroko prima bat da, hazitarako patataren laborantzarako erabiltzen den azalera hautagarriaren hektarea bakoitzeko ematen dena, ingurumen nekazaritzako ekoizpenerako arauak betetzen baditu, 5 urteko konpromiso luzagarria hartuta.

2. Foru agindu honen 11. artikuluan jasotzen diren onargarritasun baldintzak betetzen dituzten pertsonei edo ustiategiei emanen zaizkie laguntzak.

3. Laguntzak emateko prozedura norgehiagokako araubideari jarraikiz tramitatuko da.

11. artikulua. Dirulaguntzak hartzeko baldintzak.

Laguntzak emanen dira, soil-soilik, laguntzaren eskaera aldatzeko epea bukatzen den egunean ondoko baldintza hauek betetzen dituzten pertsonentzat/ustiategientzat; horrez gaina, konpromisoak irauten duen bitartean ere bete beharko dituzte:

a) "Nekazari-laguntzaile" gisa integraturik egotea hazitarako edo goi mailako patataren "ekoizle-ugaltzaile" titulua duen entitate batean.

b) Ingurumen nekazaritzako ekoizpeneko laborantzan izatea hazitarako patata, Nafarroako Foru Komunitatean kokatutako lurzatietan, uztailaren 11ko 255/2006 Foru Aginduan eta haren ondoko aldaketetan zerrendatutako udalerriren batean, lau produkzio eremu hauetako batean:

–Pirinioetako eremua.

–Kodes aldea.

–Izarbeibar aldea.

–Baimendutako beste eremu batzuk.

Diru-laguntza jaso dezaketen udalerrien zerrenda VIII. eranskinean jaso da.

c) Laguntzaren xede den azalera hautagarria hektarea batekoa izatea, gutxienez.

d) Araubideari atxikitzea, ereitearen urteko aitorpenean sartzen dituen ustiategiko esparruak zehaztuz. Pertsona/ustiategi eskatzailearen eta entitatearen arteko kontratuan laguntza eskatzen duten barrutiak agertu behar dira.

e) "Hazitarako patataren" azalera landua gutxienez 5 kanpainatan mantentzeko konpromisoa hartzea.

12. artikulua. Konpromisoak eta beste betebehar batzuk.

Pertsona/ustiategi eskatzaileek bost urtez gutxienez konpromiso hauek beren borondatez hartu behar dituzte beren gain:

a) Urtero eskatzea, kanpainaren eskaera bakarrean, laguntzaren urteko ordainketa, Batzordearen 2022ko maiatzaren 4ko 2022/1172 (EB) Erregelamendu Delegatuan xedatuarekin bat.

b) Hazitarako patataren ingurumen nekazaritzako ekoizpenaren azalerari eustea eta, ahal izanez gero, handitzea, eta kanpaina bakar batean ere norberaren ustiategian landatutako azalera ez izatea gehieneko konpromisoaren laguntzaren araubideari atxiki zitzaion urtean zehaztutako azaleraren % 90etik beherakoa.

Baldintza hau betetzetik salbuetsita egonen dira, ez-betetzerik sortu gabe, hasiera batean laborantza horretarako deklaratutako soroak, eta analisiak egin ondoren haietan ezin bada erein, nematodoa egoteagatik, eta ezin badira beste eremu batzuekin ordezkatu.

c) Onartutako edo jasotako dirulaguntzei eta hartutako konpromisoei dagokienez, Landa Garapeneko eta Ingurumeneko Departamentuak egiten ahal dituen egiaztapen ekintza guztiak onartzea. Ondorio horietarako, Administrazioko ikuskaritzako langileei eta ziurtapen eta kontrol agintaritzari libre utzi beharko zaie lurzatietarako sarbidea, eta laguntzaren xede den jardueraren gainean eskatzen zaien informazio guztia emanen zaie.

d) II. eranskinean adierazitako oinarrizko lerroko konpromisoak betetzea.

e) Ongarritzeak ez ditu dosi hauek gaindituko: 100 OU N/ha, 100 OU (P2O5)/ha eta 200 OU (K2O)/ha.

f) Ustiategiaren koaderno batean jasotzea ongarritzearen inguruko oharrak.

g) Lainoztagailuek ikuskapen teknikoa gainditu behar dute, Landa Garapeneko, Ingurumeneko eta Toki Administrazioko kontseilariak abuztuaren 24an emandako 79/2012 Foru Aginduan ezarritakoari jarraiki; haren bidez ezarri zen Nafarroan produktu fitosanitarioak aplikatzeko ekipamenduen aldian aldiko ikuskapenen sistema. Urtero ikuskapen horren egiaztagiria eskatuko da.

h) Urtero kontrolatzea lurzoruaren emankortasunari eusten zaiola, laguntzaren xede diren barruti guztien analisiak aurkeztuta, maila hauek adieraziz: PH, azidotasun aldakorra, truke kationikorako benetako gaitasuna eta fosforo eta potasio asimilerraza.

Barruti batek baino gehiagok osatzen badute nekazaritzako lurzati bera, analisi bat aurkeztuko da nekazaritzako lurzati bakoitzeko, ez barruti bakoitzeko.

i) Kareztatuko da, baimendutako produktuak erabiliz, baldin eta pH-a 5,5etik beherakoa bada eta azidotasun aldakorra zati KTG efektiboa egin ondoko emaitza (ehunekotan adierazia) 10 baino handiagoa bada. Hala, lurzoruaren pH-a 5,5 baino handiagoa dela bermatuko da.

Kareztatze bat egiten bada, ustiapenaren koadernoan jaso beharko da eta erabilitako produktuen fakturak aurkeztu beharko dira.

j) Patataren laborantzari kalte egiten dioten lursaguen edo beste ornodun batzuen harrapari naturalentzako pausalekuak instalatzea.

Gutxienez 4 pausaleku/ha jarri beharko dira, 2 metro inguruko altueran, bai perimetroan bai lurzatiaren erdialdean banatuak, VI. eranskinean adierazten den bezala.

Konpromiso hori egiaztatzeko, gutxienez barruti bakoitzeko pausaleku baten argazki geoerreferentziatuak eta horren xehetasun-argazkia beharko dira.

13. artikulua. Araubidean sartzea.

1. Laguntzaren araubidean sartzeko eskaerak laguntzen eskaera bakarrean aurkeztuko dira. 5 urterako urteko laguntza ematen ahalko zaie 11. artikuluan ezarritako onargarritasun baldintzak betetzen dituzten pertsonei/ustiategiei. Urte gehiagoz luzatzen ahalko da. Laguntzaren eskaerak ebaluatuko dira, eta organo eskudunak onartu edo ukatuko ditu 6 hilabeteko epean, ebazpen baten bidez. Epe hori igarota, administrazioaren isiltasunez ezetsitzat joko dira.

14. artikulua. Laguntzaren zenbatekoa.

1. Hautagarritzat hartutako azalerari aplikatu beharreko zenbateko unitarioa edo prima produkzio eremuaren araberakoa izanen da:

–Pirinioetako eremua: 600 euro/ha.

–Kodes aldea: 400 euro/ha.

–Izarbeibar aldea: 400 euro/ha.

–Beste eremu batzuk: 400 euro/ha.

2. Emakidaren zenbatekoa eragiketa honen emaitza izanen da: zenbateko unitarioa edo prima bider zehazturiko azalera, administrazio kontrolak eta tokian bertan egitekoak egin ondoren eta zehapenik aplikatu aurretik.

3. Onuradun bakoitzari emaniko laguntzaren zenbateko osoa gehieneko muga izanen da, konpromisoaren hurrengo urteetan kobratzeko eskaerari aplikatzeko orduan.

15. artikulua. Urteroko ordainketen eskaerak.

1. 5 urterako laguntzaren onuradun diren pertsonek/ustiategiek urtero eskatu behar dute ordainketa, laguntzaren eskaera bakarraren bidez. Laguntza jasotzeko, 11. artikuluko baldintzak eta 12. artikuluko konpromisoak eta beste baldintza batzuk bete beharko dituzte.

2. Ordainketaren zenbatekoa eragiketa honen emaitza izanen da: zenbateko unitarioa edo prima bider ordaintzeko kontuan hartutako azalera, kasuan kasuko kontrol administratibo eta landa kontrol guztiak egin ondoren, eta foru agindu honen III. eranskinean aurreikusitako zigorrak aplikatu ondoren, urte bakoitzerako emandako zenbatekoa urte horretan gainditu gabe.

3. Ordainketa laguntza eskatu eta hurrengo urteko ekainaren 30a baino lehen eginen da.

16. artikulua. Bateraezintasunak eta hautaketa irizpideak.

1. Hazitarako patataren ingurumen nekazaritzako ekoizpenerako laguntzak ez dira bateragarriak, eremu berean, ekoizpen ekologikorako laguntzarekin.

2. 2024ko kanpainarako eta hurrengoetarako laguntzak kalkulatzeko, hautapen irizpide hauen baremazioa aplikatuko da, eskaera bakarra aldatzeko epearen azken egunean espedientean ageri diren datuak kontuan hartuta:

a) Laguntza zer ustiategitarako eskatzen den, haren azaleraren zer ehuneko dagoen Natura 2000 Sarean sartuta:

NATURA 2000 SAREAN SARTUTAKO AZALERA (%)	PUNTUAZIOA
≥ %50	30 puntu
> 0 eta < 50	15 puntu

b) Laguntza zer ustiategitarako eskatzen den, haren esparruetako batez besteko malden ehunekoa.

BATEZ BESTEKO MALDAK (%)	PUNTUAZIOA
< %5	70 puntu
≥ 5 eta < 10	60 puntu
≥ 10 eta < 20	45 puntu
≥ 20 eta < 25	30 puntu
≥ 25	0 puntu

Eskaera batek laguntza jaso ahal izateko gutxieneko puntuazioa 30 puntukoa da, 100 puntutik.

Espedienteen puntuazioan berdinketarik gertatzen bada, b) irizpidea ("batez besteko malda") erabiliko da berdinketa hausteko. Berdinketak jarraituz gero, lehentasuna eragiketa honen xede diren azalera handieneko espedienteei emanen zaie.

17. artikulua. Ez-betetzeen mailaketa.

1. 11. eta 12. artikuluetan zehaztatutako betebeharren eta konpromisoen ez-betetzeak honako taula honetan ezartzen dira, eta haiei dagokien zehapena, III. eta IV. eranskinetan.

EZ-BETETZE MOTA
Baztertzailea (Bazt.)	Dirulaguntza hartzeko baldintzak, 11. artikulua. a) "Nekazari-laguntzaile" gisa integraturik egotea hazitarako edo goi mailako patataren "ekoizle-ugaltzaile" titulua duen entitate batean. b) Hazitarako patata izatea ingurumen nekazaritzako ekoizpenean, Nafarroan laborantzarako baimendutako eremuetan. c) Laguntzaren azalera hautagarri minimoa hektarea batekoa. d) Araubideari atxikitzea, urteko ereintza deklarazioan sartzen dituen lurzatiak zehaztuta. e) "Hazitarako patataren" azalera landua gutxienez 5 kanpainatan mantentzeko konpromisoa hartzea. Konpromisoak eta beste betebehar batzuk. 12. art. a) Urtero eskatzea kanpainako eskaera bakarrean laguntzaren urteko ordainketa. c) Landa Garapeneko eta Ingurumeneko Departamentuak egiten ahal duen edozein egiaztatze jarduketa onartzea.
Oinarrizkoa (O)	Konpromisoak eta beste betebehar batzuk. 12. art. b) Laguntza jasotzen duen azaleraren % 90 mantentzea. d) Laguntza horri buruz foru agindu honen II. eranskinean jasotako oinarrizko lerroko konpromisoak betetzea.
Nagusia (N)	Konpromisoak eta beste betebehar batzuk. 12. art. e) Ongarritzeak ez ditu dosi hauek gaindituko: 100 OU N/ha, 100 OU (P2O5)/ha eta 200 OU (K2O)/ha. f) Ustiategiaren koaderno batean jasotzea ongarritzearen inguruko oharrak. g) Zipriztingailuek urteko ikuskapen teknikoa gainditua izan behar dute. h) Lurzoruaren emankortasuna mantentzen dela kontrolatzea urtero, laguntza eskatzen den esparru guztien analisiak aurkeztuz: i) Kareztatuko da, baimendutako produktuak erabiliz, baldin eta pH-a 5,5etik beherakoa bada eta azidotasun aldakorra zati KTG efektiboa egin ondoko emaitza (ehunekotan) 10 baino handiagoa bada. Hala, lurzoruaren pH-a 5,5 baino handiagoa dela bermatuko da.
Bigarren mailakoa (BI)	Konpromisoak eta beste betebehar batzuk. 12. art. j) Patataren laborantzari kalte egiten dioten lursaguen edo beste ornodun batzuen harrapari naturalentzako pausalekuak instalatzea.

2. Azalera gehiegi deklaratzearekin lotutako neurriak betetzen ez badira otsailaren 28ko 147/2023 Errege Dekretuaren 18. artikuluan deskribatutako murrizketak eta esklusioak aplikatzea ekarriko du; haren bidez ezartzen dira Nekazaritza Politika Erkidearen Plan Estrategikoan jasotako esku-hartzeetan penalizazioak aplikatzeko arauak, eta aldatzen dira 2023-2027 aldirako Nekazaritza Politika Erkidea Espainian aplikatzearekin lotutako zenbait alderdi arautzen dituzten errege dekretu batzuk.

3. Beste konpromiso edo betebehar batzuk ez betetzeak, otsailaren 28ko 147/2023 Errege Dekretuaren 31. artikuluaren arabera, hartan ezartzen baitira Nekazaritza Politika Erkidearen Plan Estrategikoan jasotako esku-hartzetan penalizazioak aplikatzeko arauak, IV. eranskinean deskribatutako penalizazioak ezartzea ekarriko du, baldin eta ez-betetzeak egiten diren azalera, guztira, ordainketetarako deklaratutako guztizko azaleraren % 20 baino handiagoa edo 0,1 ha baino handiagoa bada.

II. KAPITULUA.–6501.3 BALIO NATURAL HANDIKO DAILU-EUNTZEAK

18. artikulua. Laguntzaren deskripzioa.

1. Laguntzaren helburu nagusia da balio natural handiko abeltzaintza sistema estentsiboetako belardietako biodibertsitatea kontserbatzea eta hobetzea, eta horretan lagundu duten nekazaritza eta basogintzako jardunbide tradizionalen jarraipena, onura eta zerbitzu ekosistemikoak ekarri baitituzte.

2. Balio natural handiko edo oso handiko larretzat hartuko dira lore-aniztasun handia dutenak, beste elementu natural batzuez gain (hormatxoak, zuhaitz motzak, antzinako harrizko etxolak, etab.), paisaiaren aldetik duten balioa handitzen eta flora eta fauna espezie desberdinak hartzen laguntzen dutenak.

3. Laguntza honen helburu zehatza da "biodibertsitatearen galera geldiarazten eta alderantzikatzen laguntzea, zerbitzu ekosistemikoak indartzea eta habitatak eta paisaiak kontserbatzea" (HZ6).

19. artikulua. Laguntza mota.

1. Ordainketa era honetan egiten da: hektarea bakoitzeko ordainketa bat egiten zaie, urtero, 20. eta 21. artikuluetako konpromisoak eta onargarritasun irizpideak konpromisoko 5 urteetan, gutxienez, betetzen dituzten nekazariei.

2. Konpromisoko aldian laguntzan sartu den azaleraren balio natural handia mantendu edo handitzen duten pertsonei/ustiategiei emanen zaie lehentasuna. Balio natural handiaren ebaluazioan lortutako puntuazioa izanen da laguntzaren zenbatekoaren adierazlea.

3. Laguntza eskatzen duen pertsonak/ustiategiak egoki iruditzen zaizkion maneiua edo mantentze-lanak egiten ahalko ditu, laguntzan sartutako belardien azaleraren balio natural handiari eusteko (hein handi batean, flora aniztasunak ordezkatua), baita hura hobetzeko edo handitzeko ere.

4. Deialdi honen xedeko dirulaguntzak norgehiagokako araubidearen bidez emanen dira eta eskaerak 25. artikuluan (hautapen irizpideak) adierazitako moduan lehenetsiko dira.

20. artikulua. Dirulaguntzak hartzeko baldintzak.

Laguntzak emanen dira, soil-soilik, laguntzaren eskaera aldatzeko epea bukatzen den egunean ondoko baldintzak betetzen dituzten pertsonentzat/ustiategientzat; gainera, konpromisoak irauten duen bitartean bete beharko dituzte:

a) Balio natural handiko edo oso handiko belardiak kudeatzen dituzten nekazariak/abeltzainak.

b) Ebaluazio fitxa beterik aurkeztu behar da. Bertan, puntuazioak 100 puntutik 70 izan behar ditu gutxienez.

c) Onartutako azalera NPEPEren "larre" gisa katalogatutakoa izan behar da.

d) Azalera onargarria 01 (ipar-mendebaldea), 02 (Pirinioak) eta/edo 03 (Iruña) nekazaritzako eskualdeetan kokatutako diren udalerrietan egon behar da.

21. artikulua. Konpromisoak eta beste betebehar batzuk.

1. Eskatzaileek bost urtez gutxienez konpromiso hauek borondatez hartu behar dituzte beren gain:

a) Ustiategiaren titularrak eskatu beharko du laguntzaren urteko ordainketa, eskaera bakarrean, Batzordeak 2022ko maiatzaren 4an emandako 2022/1172 Erregelamenduan ezarririko moduan.

b) Ebaluazio fitxa betetzea, dagokion gidaren arabera, belar-soro bakoitzak lortutako balio naturala 0 eta 100 puntu artean kuantifikatzeko, loreen aniztasunean eta balio natural handiko elementuetan oinarrituta.

2. Fisikoki "belardi" bat osatzen duten esparru mugakide bi edo gehiagotarako laguntza eskatzen bada, NPEPE erabilera bera badute, produktu bera NPEn, eta titular bakar batek deklaratzen badu, barruti horietarako guztietarako ebaluazio fitxa bakarra beteko da.

3. Fitxa hau eskaera egin duten pertsonek/azienda-ustiategiek bete beharko dute, eta laguntza eskatzen den kanpainaren maiatzaren 15etik uztailaren 15era bitartean aurkeztu beharko dute, bai laguntzaren lehenengo urtean bai konpromisoak irauten duen urte guztietan. Fitxa betetzen den unean, gutxienez argazki bat aurkeztuko da, Sga@app aplikazioaren bidez egindakoa, belardi-barruti bakoitzeko.

c) Ebaluazio fitxa betetzeko eta ezarritako konpromisoa lortzeko, pertsona/ustiategi onuradunek konpromisoa hartuko dute Biodibertsitatearen eta Arratza Kudeaketaren Zerbitzuak izendatutako teknikari eskudun baten aholkularitza hartzeko, fitxa ahalik eta hobekien bete dezaten.

Laguntza eskatzen den lehen urtean, gutxienez, aholkularitza horren justifikazioa aurkeztu beharko da.

d) Larreen balio natural handiko edo balio natural oso handiko (70 puntu edo gehiago) izaera bost urtez mantentzea. Puntuazioa gutxituz gero, puntuazio-tarte horri dagokion prima ordainduko da (balio natural handia edo oso handia), eta 70 puntu baino gutxiago jaisten bada, urte hori penalizatuko da araudiaren arabera.

e) Konpromisoari atxikitako azaleraren % 90 gutxienez mantentzea.

f) Onartutako edo jasotako dirulaguntzei eta hartutako konpromisoei dagokienez, Landa Garapeneko eta Ingurumeneko Departamentuak egiten ahal dituen egiaztapen ekintza guztiak onartzea. Ondorio horietarako, Administrazioko ikuskatzaileei libre utziko zaie lurzatietarako sarbidea, eta babestutako jardueraren gainean eskatzen duten informazio guztia emanen zaie.

g) Ustiategiko koadernoan betetzea belardian egindako mantentze edo hobekuntza jardueren plana.

22. artikulua. Araubidean sartzea.

1. Laguntzaren araubidean sartzeko eskaerak laguntzen eskaera bakarrean aurkeztuko dira. 5 urterako urteko laguntza ematen ahalko zaie 20. artikuluan ezarritako onargarritasun baldintzak betetzen dituzten eskatzaileei; urte gehiagoz luzatzen ahalko da. Laguntza eskaerak ebaluatuko dira, eta organo eskudunak onartu edo ukatuko ditu 6 hilabeteko epean, ebazpen baten bidez.

2. Epe hori igarota, administrazioaren isiltasunez ezetsitzat joko dira.

23. artikulua. Laguntzaren zenbatekoa.

1. Bi zenbateko ezarri dira, belardien ebaluazioaren emaitzan oinarrituta (ebaluazio fitxako puntuazioa):

–1. zenbatekoa: 1 Balio natural handiko larreak, oso balio handikoak (>=85 puntu): 372 euro/ha (BNHL_OH).

–2. zenbatekoa: Balio natural handiko larreak, balio handikoak (<=70 eta < 85 puntu): 334,8 euro/ha (BNHL_h).

2. Emakidaren zenbatekoa kalkulatzeko biderkatuko dira urte horretako adierazlearen balioaren araberako (BNHL_OH edo BNHL_h zenbatekoa) unitateko zenbatekoa edo prima eta zelai bakoitzaren azalera zehatza, behar diren kontrol administratibo eta landa kontrol guztiak egin ondoren.

3. Eskatzaile diren pertsona/ustiategi guztiei lehenengo urtean gehienezko zenbatekoa emanen zaie (BNHL_OH), kontuan hartu gabe lehenengo eskaera urtean balio altuko edo oso altuko belardia den; beraz, eskatzaile bakoitzarentzat konpromisoaren hurrengo urteetan ordainketa eskaerei aplikatzen ahalko zaizkien gehienezko muga izanen da.

24. artikulua. Urteroko ordainketen eskaerak.

1. 5 urterako laguntzaren onuradun diren pertsonek / ustiategiek urtero eskatu behar dute hura ordaintzeko, laguntzaren eskaera bakarraren bidez. Laguntza jasotzeko, 20. artikuluko baldintzak eta 21. artikuluko konpromisoak eta beste baldintza batzuk bete beharko dituzte.

2. Ordainketaren zenbatekoa kalkulatzeko biderkatuko dira urte horretako adierazlearen balioaren araberako (BNHL_OH edo BNHL_h zenbatekoa) zenbateko unitarioa edo prima bider zehaztutako azalera, dagozkion administrazio eta landa kontrol guztiak egin ondoren, foru agindu honen III. eranskineko penalizazioak aplikatuta, urteko ordainketa bakar batean ere gainditu gabe horretarako emandako zenbatekoa.

3. Ordainketa laguntza eskatzen den urteko abenduaren 15a baino lehen eginen da.

25. artikulua. Bateraezintasunak eta hautaketa irizpideak.

1. Laguntza hau ez da bateraezina NPEren Plan Estrategikoan (NPEPE) sartutako gainerako esku-hartzeekin.

2. 2024ko kanpainarako eta hurrengoetarako laguntzak kalkulatzeko, hautapen irizpide hauen baremazioa aplikatuko da, eskaera bakarra aldatzeko epearen azken eguneko datuak kontuan hartuta:

a) Laguntzan sartutako larreetatik Natura 2000 Sarean sartutako azaleren portzentajea.

NATURA 2000 SAREAN SARTUTAKO AZALERA (%)	PUNTUAZIOA
≥ %75	30 puntu
≥ %50 eta < %75	20 puntu
≥ %25 eta < %50	15 puntu
< %25	10 puntu

b) Balio natural oso handiko (85 puntu edo gehiago ebaluazio fitxan) larreen azaleraren portzentajea, laguntzan sartutako belardien barruan.

BNH BELARDIEN AZALERA (%)	PUNTUAZIOA
≥ %75	40 puntu
≥ %50 eta < %75	20 puntu
< %50	10 puntu

c) Ustiategian dauden azienda espezieen kopurua (behi, ardi, ahuntz edo behor aziendak), eskaera egin den urtean NNUE agirian adierazia.

AZIENDA ESPEZIEEN KOPURUA	PUNTUAZIOA
> 2 espezie	30 puntu
2 espezie	20 puntu
1 espezie	10 puntu

3. Eskaera batek laguntza jaso ahal izateko gutxieneko puntuazioa 30 puntukoa da; guztira 100 puntu dira.

4. Espedienteen artean berdinketarik izanez gero, balio natural oso handiko belardien espedienteak lehenetsiko dira.

26. artikulua. Ez-betetzeen mailaketa.

1. 20. eta 21. artikuluetan zehaztatutako betebeharren eta konpromisoen ez-betetzeak honako taula honetan ezartzen dira, eta haiei dagokien penalizazioa III. eta IV. eranskinetan.

EZ-BETETZE MOTA
Baztertzailea (Bazt.)	Dirulaguntza hartzeko baldintzak, 20. artikulua. a) Nekazariak/nekazaritzako ustiategiak, nekazarien/abeltzainen elkarteak, balio natural handiko edo oso handiko larreen kudeatzaileak direnak. b) Dagokion gidaren arabera betetako ebaluazio fitxa aurkeztea. Fitxa horretan, gutxienez, 70 puntu lortu beharko dira, lortzen ahal diren 100 puntuetatik, laguntzan onartua izateko. c) Azalera onargarria SIGPAC sisteman larre gisa katalogatuta egon behar da. d) Azalera onargarriak 01 (ipar-mendebaldea), 02 (Pirinioak) eta/edo 03 (Iruña) nekazaritzako eskualdeetakoak diren udalerrietan egon behar du. Konpromisoak eta beste betebehar batzuk. 21. art. a) Belardiaren titularrak eskaera bakarrean (EB) eskatu beharko du laguntzaren urteko ordainketa, 2022/1172 Erregelamendu Delegatuan ezarritako moduan. f) Onartutako edo jasotako dirulaguntzei eta hartutako konpromisoei dagokienez, Landa Garapeneko eta Ingurumeneko Departamentuak egiten ahal dituen egiaztapen ekintza guztiak onartzea.
Oinarrizkoa (O)	Konpromisoak eta beste betebehar batzuk. 21. art. b) Ebaluazio fitxa bat betetzea (VII. eranskina), belardiak (barruti) lortutako balio naturala 0 puntutik 100 puntura kuantifikatu ahal izateko, balio natural handiko eta flora aniztasuneko elementuen arabera, maiatzaren 15etik uztailaren 15era. c) Ebaluazio fitxa betetzeko, eta ezarritako konpromisoa lortzeko, pertsona/ustiategi onuradunek aholkularitza jasotzeko konpromisoa hartuko dute, fitxa ahal den ezagutzarik egokienean bete ahal izan dezaten. Gainera, aholkularitza jaso izanaren egiaztagiria aurkeztu behar dute. d) Konpromisoko 5 urteetan barna, larreen balio natural handiko edo balio natural oso handiko (70 puntu edo gehiago) izaerari eutsi behar zaie. Puntuazioa gutxituz gero, puntuazio tarte horri dagokion prima ordainduko da (balio natural handia edo oso handia), eta 70 puntutik behera jaisten bada, urteko ordainketa horri penalizazioa aplikatuko zaio, araudiaren arabera. e) Konpromisoari atxikitako azaleraren % 90 gutxienez mantentzea.
Nagusia (N)	Konpromisoak eta beste betebehar batzuk. 21. art. g) Ustiategiko koaderno digitalean betetzea belardian egindako mantentze edo hobekuntza jardueren plana.

2. Azalera gehiegi deklaratzearekin lotutako neurriak betetzen ez badira, otsailaren 28ko 147/2023 Errege Dekretuaren 18. artikuluan deskribatutako murrizketak eta esklusioak aplikatuko dira; haren bidez ezartzen dira Nekazaritza Politika Erkidearen Plan Estrategikoan jasotako esku-hartzeetan penalizazioak aplikatzeko arauak, eta aldatzen dira 2023-2027 aldirako Nekazaritza Politika Erkidea Espainian aplikatzearekin lotutako zenbait alderdi arautzen dituzten errege dekretu batzuk.

3. Beste konpromiso edo betebehar batzuk ez betetzeak, otsailaren 28ko 147/2023 Errege Dekretuaren 31. artikuluaren arabera, hartan ezartzen baitira Nekazaritza Politika Erkidearen Plan Estrategikoan jasotako esku-hartzeetan penalizazioak aplikatzeko arauak, IV. eranskinean deskribatutako penalizazioak ezartzea ekarriko du, baldin eta ez-betetzeak egiten diren azalera, guztira, ordainketetarako deklaratutako guztizko azaleraren % 20 baino handiagoa edo 0,1 ha baino handiagoa bada.

III. KAPITULUA.–6501.3 ABELTZAINTZAKO SISTEMA JASANGARRIAK

27. artikulua. Laguntzaren deskripzioa.

1. Laguntza horren xedea da azienda larratzean oinarritzen diren abeltzaintzako ustiapen sistema estentsibo tradizionalak bultzatzea, azienda-karga kontrolatuz, sistemaren jasangarritasuna bermatzeko. Bestalde, ustiategietan lurraldeari atxikitako bertako azienda-arrazak mantentzea sustatu nahi du.

2. Esku-hartze horrekin, nekazaritza, ingurumen eta gizarte arloko onurak bultzatu nahi dira, besteak beste:

a) Azienda espezieen dibertsitate genetikoa zaintzea, Nafarroako Foru Komunitateari lotutako arrazak mantenduz, eta, batez ere, arraza autoktonoak eta "mehatxatuak" katalogatu direnak.

b) Abeltzaintza bateragarria izatea higadura izateko arrisku handiko tokietan kokatzen diren ingurune ahulen zaintzarekin, eta larratzeko azalerak era jasangarrian erabil daitezen, azienda-karga egokitasunez gobernatuz, behar baino gehiago edo gutxiago larratzea saihestuz.

c) Larratze antolatua, txandakatua, edo zuzendua, lagungarria da bazkatzeko azaleren kontrol naturala hobetzeko, haien narriadura murriztuz, eta baso-suteak eragin ditzaketen zuhaixka-landareak kontrolatzeko, potentzial ekologikoari eusteaz gain, abeltzaintzako bazka aprobetxamendu tradizionaleko eremuetan.

d) Aziendak lurzoruen ongarritze naturalean laguntzen du, landare-gaiak eransten baititu ongarri organiko gisa.

3. Eta lagungarria da, orobat, landa paisaiaren eta abeltzaintzari lotutako ekosistemen zaintzarako.

28. artikulua. Laguntza mota.

1. Laguntzak ematen dira modu aktiboan larratzeko hartutako konpromisoen ondorioz sortutako kostu gehigarriak eta jaso gabeko errentak konpentsatzeko, osorik edo partez, eta orobat, ustiategia era estentsiboan gobernatzeko sistema tradizionalei eusteko.

2. Hau da laguntza: prima bat hektarea bakoitzeko, bazkatzeko azaleran; ez du ustiategiko abeltzaintza estentsiboko AzLUen balioa gainditzen ahalko. Kontuan hartu beharreko AzLUak SITRAN autonomikoko eta SITRAN nazionaleko datu-basean lau data hauetan erregistratutako balioen batezbestekoa izanen dira: urtarrilaren 1a, martxoaren 1a, apirilaren 30a eta eskaera bakarra aldatzeko epea bukatzen den eguna.

3. Ustiategiaren guztizko transferentzia/titulartasun aldaketa kasuetan, edo abeltzaintza jardueran lehen aldiz sartzen diren titularren kasuan, AzLU onargarrien batez bestekoa kalkulatzeko, SITRAN Autonomikoan alta eman edo abeltzaintza ustiategiaren titulartasuna aldatu ondoren egindako irakurketak soilik hartuko dira kontuan. Horretarako, laguntza eskaera bakarra aurkeztu beharko dute epearen barnean, eta animaliek laguntza eskaera bakarraren aldaketak aurkezteko epea bukatu baino lehen egon beharko dute.

4. Lekuan bertan egindako kontrolik bada, bertatik bertarako ikuskapenean zehaztutako AzLUak bakarrik hartuko dira kontuan, laguntza kalkulatzeko.

5. Deialdi honen xedeko dirulaguntzak norgehiagokako araubidea erabiliz emanen dira.

6. Abeltzaintza sistema jasangarrietarako laguntzen 2024ko deialdia egiteko baldintza izanen da Europako Batzordeak onestea horiek NPEPEn sartzea.

29. artikulua. Dirulaguntzak hartzeko baldintzak.

Laguntzak emanen dira, soil-soilik, laguntzaren eskaera aldatzeko epea bukatzen den egunean eta konpromisoak irauten duen bitartean ondoko baldintzak betetzen dituzten pertsonentzat/ustiategientzat:

a) Behi espezieetako azienda ugaltzaileak izatea ustiategian, abeltzaintza estentsibo edo erdiestentsiboaren araubidean, eta ardi, ahuntz edo behor aziendak izatea araubide estentsiboan, eta bere ustiategiko animalia guztiekin larratze aktiboa egitea deklaratutako azaleretan.

b) Laguntzaren araubidearen babesean sartu nahi duten pertsonek/ustiategiek urtero eskabide bat aurkeztu behar dute, eta ustiategian larratzeko bazkarako azalera osatzen duten lurzatiak deklaratu behar dituzte.

30. artikulua. Konpromisoak eta beste betebehar batzuk.

Eskaeraren bidez, konpromiso hauek borondatez hartu behar dira bost urterako, gutxienez:

a) Urtero eskatzea, kanpainaren eskaera bakarrean, laguntza urtero ordaintzeko, Batzordearen 2022ko maiatzaren 4ko 2022/1172 (EB) Erregelamendu Delegatuan xedatuarekin bat.

b) Abeltzaintzako dentsitatea izatea 0,4 AzLU/ha edo handiagoa eta 1,5 AzLU/ha edo txikiagoa.

Azienda-karga hori kalkulatzeko, ustiategiko bazka azalera eta azienda estentsiboaren AzLUak hartuko dira kontuan. SITRAN Autonomikoaren eta SITRAN Nazionalaren datu-basean lau egun hauetan kontabilizatutako AzLU onargarrien batezbestekoa hartuko da kontuan: urtarrilaren 1a, martxoaren 1a, apirilaren 30a eta eskaera bakarra aldatzeko epea bukatzen den eguna.

Ustiategiaren guztizko transferentzia/titulartasun aldaketa kasuetan, edo abeltzaintza jardueran lehen aldiz sartzen diren titularren kasuan, AzLU onargarrien batez bestekoa kalkulatzeko, SITRAN Autonomikoan alta eman edo abeltzaintza ustiategiaren titulartasuna aldatu ondoren egindako irakurketak soilik hartuko dira kontuan. Horretarako, laguntza eskaera bakarra aurkeztu beharko dute epearen barnean, eta laguntza eskaera bakarraren aldaketak aurkezteko epea bukatu baino lehen animaliek han egon beharko dute.

0,3 AzLU/ha baino gutxiagoko eta 1,6 AzLU/ha baino gehiagoko azienda-kargen dentsitateetarako, oinarrizko konpromisoa hartzen da. Azienda-karga 0,3 - 0,4 AzLU/ha edo 1,5 - 1,6 AzLU/ha bitartekoa bada, konpromiso nagusitzat hartuko da.

Tokian berean egindako kontrolik bada, azienda dentsitatea kalkulatzeko, bazkarako azalera eta bertatik bertarako ikuskapenean zehaztutako AzLUak bakarrik hartuko dira kontuan.

c) Bazkarako azalerak ez dira oinarrizko primarako ezarritako hektareen % 90etik beherakoak izanen, laguntzaren araubideari atxikitzen zaion urtean.

d) Onartutako edo jasotako dirulaguntzei eta hartutako konpromisoei dagokienez, Landa Garapeneko eta Ingurumeneko Departamentuak egiten ahal dituen egiaztapen ekintza guztiak onartzea. Hartarako, Administrazioko ikuskatzaileei eta ziurtapen eta kontrol agintaritzari libre utzi beharko zaie lurzatietarako sarbidea, eta laguntzaren xedeko jardueraren gainean eskatzen duten informazio guztia emanen zaie.

e) Esku-hartzerako deklaratutako bazka-azalera osoaren aprobetxamendua urtero egitea aziendak larratuta. Aintzat hartuko da larre naturalek (larre-bazkalekuak, zuhaixka-larreak eta zuhaizti-larreak) eta 5 urtetik beherako larreek osatutako azalera. Belardi naturalak mantentzeko, aziendak haietan larratu, "errefusak" moztu eta sasiak bitarteko mekanikoen bidez kenduko dira.

31. artikulua. Araubidean sartzea eta laguntzaren zenbatekoa.

1. Laguntzaren araubidean sartzeko eskaerak laguntzen eskaera bakarrean aurkeztuko dira.

2. 5 urterako urteko laguntza ematen ahalko zaie 29. artikuluan ezarritako onargarritasun baldintzak betetzen dituzten pertsonei / ustiategiei. Urte gehiagoz luzatzen ahalko da.

3. Laguntza eskaerak ebaluatuko dira, eta organo eskudunak onartu edo ukatuko ditu 6 hilabeteko epean, ebazpen baten bidez. Epe hori igarota, administrazioaren isiltasunez ezetsitzat joko dira.

4. Honako hau izanen da hautagarritzat hartutako azalerari aplikatu beharreko zenbateko unitarioa edo prima:

–Oinarrizko prima: 28 euro/ha.

–Prima osagarria: 8,50 euro/ha. Horren xede izanen dira, abuztuaren 29ko 309/2014 Foru Aginduarekin bat, eskaerak aurkezteko epearen bukaeran, AzLU ugaltzaileen % 50 baino gehiago Nafarroako arraza autoktonoen liburu genealogikoetan inskribatuta dituzten ustiategiak, "arraza autoktono mehatxatuak" aparte utzita.

PRIMA OSAGARRIA JASO DEZAKETEN ARRAZAK
Espeziea	Arraza
Behi azienda	Piriniotarra
Ardi azienda	Latxa, Nafarroakoa

5. Emakidaren zenbatekoa kalkulatzeko, oinarrizko primaren zenbateko unitarioa biderkatuko da prima horretarako zehaztutako azalerarekin, eta prima osagarriaren zenbateko unitarioa, berriz, biderkatuko da prima horretarako ezarritako azalerarekin, bi kasuetan, kontrol administratiboak eta tokian bertakoak egin ondoren eta penalizaziorik aplikatu baino lehen.

6. Espediente bakoitzari emaniko laguntzaren zenbateko osoa gehieneko muga izanen da, konpromisoaren hurrengo urteetan kobratzeko eskaerari aplikatzeko orduan.

32. artikulua. Urteroko ordainketen eskaerak.

1. 5 urteko laguntzaren onuradunek urtero eskatu behar dute hura ordaintzeko laguntzaren eskabide bakarraren bidez. Laguntza jasotzeko, 29. artikuluko baldintzak eta 30. artikuluko konpromisoak bete beharko dituzte.

2. Ordainketaren zenbatekoa lortzeko biderkatuko da zenbateko unitarioa bider ordaintzeko kontuan hartutako azalera, kasuan kasuko kontrol administratibo eta landa kontrol guztiak egin ondoren, eta foru agindu honen III. eranskinean aurreikusitako penalizazioak aplikatu ondoren, hartarako emandako zenbatekoa urteko ordainketa bakar batean gainditu gabe.

3. Ordainketa laguntza eskatu eta hurrengo urteko ekainaren 30a baino lehen eginen da.

33. artikulua. Bateraezintasunak eta hautaketa irizpideak.

1. Laguntza bateraezina da honako kasu hauetan:

–"Nekazaritza ekologikoa" esku-hartzearekin, larratzeko bazkalekuen taldearentzat.

–"Ardiak larratzea estepako zerealeko nekazaritza-sistemetan" esku-hartzearekin.

–Prima osagarria bateraezina da "Nafarroako arraza autoktonoak" esku-hartzearekin.

2. 2024ko kanpainarako eta hurrengoetarako laguntzak kalkulatzeko, hautapen irizpide hauen baremazioa aplikatuko da, eskaera bakarra aldatzeko epearen azken egunean dauden espedienteko datuak kontuan hartuta:

a) Muga naturalak dituzten eskualdeetan dagoen ustiategiko azaleraren portzentajea:

AZALERAREN % MNE-tan	PUNTUAZIOA
Mendiko eta goi-mendiko eremuak %100	20 puntu
Mendiko eta goi-mendiko eremuak < %100 eta/edo ≥ %50	15 puntu
Mendiko eta goi-mendiko eremuak < %50 eta ≥ %70 (muga naturalak dituzten eremuak)	10 puntu
Mendiko eta goi-mendiko eremuak < %50 eta (≥ %10 muga naturalak dituzten eremuak eta < %70 muga naturalak dituzten eremuak)	5 puntu

b) Natura 2000 sarearen barnean dagoen ustiategiko azaleraren portzentajea.

NATURA 2000 SAREAN SARTUTAKO AZALERA (%)	PUNTUAZIOA
≥ %50	30 puntu
≥ %20 eta < %50	20 puntu
> 0 eta < 20	10 puntu

c) Ustiategiaren azienda-karga. Lehentasuna emanen zaie 0,8 eta 1,1 AzLU/ha bitarteko azienda-karga duten ustiategiei, azienda-karga handiagoa edo txikiagoa dutenen gainetik.

AZIENDA-KARGA	PUNTUAZIOA
≥ 0,4 AzLU/ha eta < 0,6	30 puntu
≥ 0,6 AzLU/ha eta < 0,8	40 puntu
≥ 0,8 AzLU/ha eta < 1,1	50 puntu
≥ 1,1 AzLU/ha eta < 1,3	40 puntu
≥ 1,3 AzLU/ha eta ≤ 1,5	30 puntu

3. Eskaera batek laguntza jaso ahal izateko gutxieneko puntuazioa 30 puntukoa da, guztizko 100 puntuetatik.

4. Espedienteen puntuazioan berdinketarik gertatzen bada, azienda-karga hartuko da kontuan, berdinketa hausteko. Berdinketak jarraituz gero, lehentasuna esku-hartzearen xedeko azalera handiena duten espedienteei emanen zaie.

34. artikulua. Ez-betetzeen mailaketa.

1. 29. eta 30. artikuluetan zehaztatutako betebeharren eta konpromisoen ez-betetzeen sailkapena honako taula honetan ezartzen dira, eta haiei dagokien zehapena, III. eta IV. eranskinean.

EZ-BETETZE MOTA
Baztertzailea (Bazt.)	Dirulaguntza hartzeko baldintzak, 29. artikulua. a) Behi espezieetako azienda ugaltzaileak izatea, abeltzaintza araubide estentsibo edo erdiestentsiboan, eta ardi, ahuntz edo behor aziendak araubide estentsiboan, eta bere ustiategiko animalia guztiekin alhatze aktiboa egitea deklaratutako azaleretan. b) Laguntzaren araubidearen babesean sartu nahi duten pertsonek/ustiategiek urtero eskabide bat aurkeztu behar dute, eta ustiategiko larratze-bazkarako azalera osatzen duten lurzatiak deklaratu behar dituzte. Konpromisoak eta beste betebehar batzuk. 30. art. a) Urtero eskatzea, kanpainaren eskaera bakarrean, laguntza urtero ordaintzeko, Batzordearen 2022ko maiatzaren 4ko 2022/1172 (EB) Erregelamendu Delegatuan xedatuarekin bat. d) Landa Garapeneko eta Ingurumeneko Departamentuak egiten ahal duen edozein egiaztatze jarduketa onartzea.
Oinarrizkoa (O)	Konpromisoak eta beste betebehar batzuk. 30. art. b) Abeltzaintzako dentsitatea izatea 0,4 AzLU/ha-koa edo handiagoa eta 1,5 AzLU/ha-koa edo txikiagoa. Badago penalizazio bat, dentsitateak 0,3tik beherakoak eta 1,6tik gorakoak direnean. c) Laguntza jasotzen duen azaleraren %90 mantentzea.
Nagusia (N)	Konpromisoak eta beste betebehar batzuk. 30. art. b) Abeltzaintzako dentsitatea izatea 0,4 AzLU/ha-koa edo handiagoa eta 1,5 AzLU/ha-koa edo txikiagoa. Penalizatzen ditu dentsitateak ≥ 0,3 eta < 0,4 AzLU/ha bitartekoak eta >1,5 eta ≤ 1,6 bitartekoak direnean.
Bete ez den azaleraren arabera (IV. eranskina)	Konpromisoak eta beste betebehar batzuk. 30. art. e) Ustiategiko bazkarako azalera osoaren urteko aprobetxamendua larratzearen bidez.

3. Beste konpromiso edo betebehar batzuk ez betetzeak, otsailaren 28ko 147/2023 Errege Dekretuaren 31. artikuluaren arabera, hartan ezartzen baitira Nekazaritza Politika Erkidearen Plan Estrategikoan jasotako esku-hartzeetan penalizazioak aplikatzeko arauak, IV. eranskinean deskribatutako penalizazioak ezartzea ekarriko du, baldin eta ez-betetzeak egiten diren azalera, guztira, ordainketetarako deklaratutako guztizko azaleraren % 20 baino handiagoa edo 0,1 ha baino handiagoa bada.

IV. KAPITULUA.–6501.4 BIODIBERTSITATERAKO ERLEZAINTZA

35. artikulua. Laguntzaren deskribapena.

Kapitulu honetan araututako laguntzaren bidez, laguntza bat ezarri nahi da erleak elikatzen diren lore-eremuaren azalerako, eskatutako erlauntzak oinarritzat hartuta. Helburua da Nafarroan erlezaintzako jarduera maila egokia mantentzea, erleen funtzio polinizatzaileak biodibertsitateari eusteko duen ingurumen garrantziagatik.

36. artikulua. Laguntza mota.

1. Laguntza urteko prima bat izanen da, erleak elikatzeko lore-eremuaren azaleraren araberakoa, 5 urteko konpromiso-aldi baterako, luzagarria. Prima hori handitzen ahalko da ziurtagiri ekologikoa duten erlauntzen kasuan.

2. Laguntzak emateko prozedura norgehiagokako araubideari jarraikiz tramitatuko da.

37. artikulua. Dirulaguntzak hartzeko baldintzak.

Laguntzak emanen dira, soil-soilik, laguntzaren eskaera aldatzeko epea bukatzen den egunean eta konpromisoak irauten duen bitartean ondoko baldintza hauek betetzen dituzten pertsonentzat/ustiategientzat:

a) Araubideari atxikitzeko eskatzea, haren Nafarroako ustiategian dauden erlategi bakoitzeko erlauntzen kokapena eta kopurua zehaztuta.

b) Gutxienez 5 urterako konpromisoko akordio edo kontratu bat sinatzea.

c) Laguntzaren xede diren erlauntzek ekoizpen egoeran egon beharko dute, Nafarroako Foru Komunitatean kokatuta eta Nafarroako Abeltzaintza Ustiategien Erregistroan inskribatuta.

d) Erlezaintzako ustiategiak 20 erlauntz izan beharko ditu gutxienez.

38. artikulua. Konpromisoak eta beste betebehar batzuk.

Eskaeraren bidez, konpromiso hauek borondatez hartu behar dira bost urterako, gutxienez:

b) Onartutako edo jasotako dirulaguntzei eta hartutako konpromisoei dagokienez, Landa Garapeneko eta Ingurumeneko Departamentuak egiten ahal dituen egiaztapen ekintza guztiak onartzea. Hartarako, Administrazioko ikuskatzaileei eta ziurtapen eta kontrol agintaritzari libre utzi beharko zaie erlategietarako sarbidea, eta laguntzaren xedeko jardueraren gainean eskatzen duten informazio guztia emanen zaie.

c) II. eranskinean adierazitako oinarrizko lerroko konpromisoak betetzea.

d) Erlezainek transhumantzia egiten badute, erlauntzak gutxienez 6 hilabetez (apiriletik irailera bitartean) mantendu beharko dituzte Nafarroako Foru Komunitatean, eta erkidegotik kanpoko joan-etorriak justifikatu, Abeltzaintza Zerbitzuari aurkeztutako lekualdatze-giden edo transhumantzia-planaren bidez.

e) Erlategien artean gutxienez 1 km-ko distantzia mantentzea, baldin eta guztira 80 erlauntz baino gehiago badaude. Laguntzaren zenbateko bat jasotzen duten ustiategiko erlategi guztiak hartuko dira kontuan.

f) Erlezaintzako ustiategi ekologikoetarako, Nafarroako Nekazaritzako Produkzio Ekologikoaren Kontseiluaren (NNPEK) lizentzia eduki behar da, edo kontrol ofizialeko eginkizunak egiteko ahala eman zaion beste agintaritza edo kontrol erakunde batek emandako lizentzia, eskaera egiteko epea bukatzen den egunean, eta eskatzailearen izenean inskribatutako unitateak agertu beharko dira; halaber, ez da egin behar kontrol erakundeak "larria" edo "kritiko" gisa tipifikatutako egintzarik.

g) Laguntza jasotzen duen onuradun baten erlauntzen kokalekuek gutxienez bi hektareako berezko landaretza azalera izan beharko dute erlauntz bakoitzeko, kokalekuaren inguruko 2,5 kilometroko erradioan.

h) Dirulaguntzaren xede diren erlauntzetan gertatzen diren bajen berri ematea Landa Garapeneko eta Ingurumeneko Departamentuari, gehienez hamabost egun baliodunen epean.

i) Emakida jaso duten erlauntzen % 80 gutxienez ekoizpen egoeran mantentzea.

j) Erlezaintzako ustiategiaren liburua eguneratuta izatea, bai eta erlauntzen joan-etorrien erregistro bat ere, kokaleku batetik besterako irteera eta sarrera datak adierazita.

39. artikulua. Araubidean sartzea eta laguntzaren zenbatekoa.

1. Laguntzaren araubidean sartzeko eskaerak laguntzen eskaera bakarrean aurkeztuko dira.

2. 5 urterako urteko laguntza ematen ahalko zaie 37. artikuluan ezarritako onargarritasun baldintzak betetzen dituzten espedienteei. Urte gehiagoz luzatzen ahalko da.

3. Laguntza eskaerak ebaluatuko dira, eta organo eskudunak onartu edo ukatuko ditu 6 hilabeteko epean, ebazpen baten bidez. Epe hori igarota, administrazioaren isiltasunez ezetsitzat joko dira.

4. Diruz lagungarria den berezko landaretzaren azalera 2 hektareakoa izanen da erlauntz bakoitzeko, eta primen zenbatekoak honako hauek izanen dira:

ERLAUNTZ KOPURUA ERLATEGIKO	LAGUNTZAREN ZENBATEKOA	PRIMA GEHIGARRI EKOLOGIKOA
≤ 40	8 euro/ha (16 euro/erlauntza)	1,5 euro/ha (3 euro/erlauntza)
>40	7 euro/ha (14 euro/erlauntza)	1,5 euro/ha (3 euro/erlauntza)

5. Eskatzaile bakoitzeko gehienez 500 erlauntzek izanen dute primarako eskubidea (1.000 hektarea), eta erlategi bakoitzeko gehienez 80 erlauntz izanen dira diruz lagungarriak. Titular batek erlategi bat baino gehiago izan ditzake.

6. Emakidaren zenbatekoa eragiketa honen emaitza izanen da: zenbateko unitarioa edo prima bider erlauntz kopurua, administrazio kontrolak eta tokian bertakoak egin ondoren eta jartzen diren penalizazioak aplikatu baino lehen.

7. Eskaera bakoitzeko emaniko laguntzaren zenbateko osoa gehieneko muga izanen da, konpromisoa hartzen den urtearen hurrengo urteetan kobratzeko eskaerari aplikatzeko orduan.

8. Diruz lagungarria den erlauntz kopurua emakidaren urteko eskaeran eskatutakoa izanen da, abian den kanpainari dagokion urteko erroldara mugatuta (jakinarazitako bajen arabera murriztuta).

40. artikulua. Urteroko ordainketen eskaerak.

1. 5 urteko eperako laguntzaren onuradun diren pertsonek / ustiategiek urtero eskatu behar dute hura ordaintzeko, laguntzaren eskaera bakarraren bidez. Laguntza jasotzeko, kapitulu honetan ezarritako onargarritasun baldintzak eta konpromisoak bete beharko dituzte.

2. Ordainketaren zenbatekoa eragiketa honen emaitza izanen da: zenbateko unitarioa bider kalkulatutako erlauntz kopurua, kasuan kasuko kontrol administratibo eta landa kontrol guztiak egin ondoren, eta foru agindu honen III. eranskinean aurreikusitako penalizazioak aplikatu ondoren, urte bakoitzerako emandako zenbatekoa urteko ordainketa bakar batean gainditu gabe.

3. Ordainketa laguntza eskatu eta hurrengo urteko ekainaren 30a baino lehen eginen da.

41. artikulua. Bateraezintasunak eta hautaketa irizpideak.

1. Laguntza hau ez da bateraezina NPEren Plan Estrategikoan (NPEPE) sartutako gainerako esku-hartzeekin.

a) Natura 2000 Sareko eremuan sartutako barrutietako erlauntzen portzentajea.

NATURA 2000 SAREKO BARRUTIETAKO ERLAUNTZAK (%)	PUNTUAZIOA
≥ %50	20 puntu
≥ %0 eta < %50	10 puntu

b) Mendiko edo goi-mendiko eremuetan edo muga naturalak dituzten eremuetan sartutako barrutietan kokatutako erlauntzen portzentajea:

ERLAUNTZEN % MNE-KO BARRUTIETAN	PUNTUAZIOA
Mendiko eta goi-mendiko eremuak ≥ %50	20 puntu
Mendiko eta goi-mendiko eremuak > %0, eta ahula den eskualdea > %50	20 puntu
Ahula den eskualdea ≥ %50	10 puntu

c) Ustiategiko erlategien batez besteko tamaina:

USTIATEGIKO ERLATEGIEN BATEZ BESTEKO TAMAINA	PUNTUAZIOA
≤ 60 erlauntz	50 puntu
> 60 eta ≤ 80	40 puntu
> 80	30 puntu

d) Erlezaintzako ustiategi ekologikoei 10 puntu gehiago emanen zaizkie.

Eskaera batek laguntza jaso ahal izateko gutxieneko puntuazioa 30 puntukoa da; guztira 100 puntu dira.

Espedienteen puntuazioan berdinketarik gertatzen bada, c) irizpidea erabiliko da berdinketa hausteko. Berdinketak jarraituz gero, lehentasuna emanen zaie eragiketaren xedeko erlauntz gehien dituzten espedienteei.

42. artikulua. Ez-betetzeen mailak.

1. 37. eta 38. artikuluetan zehaztatutako betebeharren eta konpromisoen ez-betetzeen sailkapena honako taula honetan ezartzen dira, eta haiei dagokien zehapena, III. eta IV. eranskinean.

EZ-BETETZE MOTA
Baztertzailea (Bazt.)	Dirulaguntza hartzeko baldintzak, 37. artikulua. a) Araubideari atxikitzeko eskatzea, Nafarroako ustiategian dauden erlauntzen kokapena eta kopurua zehaztuta. b) Gutxienez 5 urterako konpromisoko akordio edo kontratu bat sinatzea. c) Laguntzaren xede diren erlauntzek ekoizpen egoeran egon beharko dute, eta Nafarroako Foru Komunitatean kokatuta. d) Erlezaintzako ustiategiak 20 erlauntz izan beharko ditu gutxienez. Konpromisoak eta beste betebehar batzuk. 38. artikulua. a) Urtero eskatzea kanpainako eskaera bakarrean laguntzaren urteko ordainketa. b) Landa Garapeneko eta Ingurumeneko Departamentuak egiten ahal duen edozein egiaztatze jarduketa onartzea. c) II. eranskinean adierazitako oinarrizko lerroko konpromisoak betetzea.
Oinarrizkoa (O)	Konpromisoak eta beste betebehar batzuk. 38. artikulua. d) Erlezainek transhumantzia egiten badute, erlauntzak gutxienez 6 hilabetez (apiriletik irailera bitartean) mantendu beharko dituzte Nafarroako Foru Komunitatean, eta erkidegotik kanpoko joan-etorriak justifikatu, Abeltzaintza Zerbitzuari aurkeztutako lekualdatze giden edo transhumantzia planaren bidez. e) Erlategien artean gutxienez 1 km-ko distantzia mantentzea, baldin eta guztira 80 erlauntz baino gehiago badaude. Laguntzaren zenbateko bat jasotzen duten ustiategiko erlategi guztiak hartuko dira kontuan. f) Erlezaintzako ustiategi ekologikoetarako, Nafarroako Nekazaritzako Produkzio Ekologikoaren Kontseiluaren (NNPEK) lizentzia eduki behar da, edo kontrol ofizialeko eginkizunak egiteko ahala eman zaion beste agintaritza edo kontrol-erakunde batek emandako lizentzia, eskaera egiteko epea bukatzen den egunean, eta eskatzailearen izenean inskribatutako unitateak agertu beharko dira; halaber, ez da egin behar kontrol-erakundeak "larria" edo "kritiko" gisa tipifikatzen ahal duen ez-betetzea dakarren egintzarik.
Nagusia (N)	Konpromisoak eta beste betebehar batzuk. 38. artikulua. g) Laguntza jasotzen duten erlauntzen kokalekuek gutxienez bi hektareako berezko landaretza azalera izan beharko dute erlauntz bakoitzeko, kokalekuaren inguruko 2,5 kilometroko erradioan. h) Dirulaguntzaren xede diren erlauntzetan gertatzen diren bajen berri ematea Landa Garapeneko eta Ingurumeneko Departamentuari. i) Emakida jaso duten erlauntzen % 80 gutxienez ekoizpen-egoeran mantentzea. j) Erlezaintzako ustiategiaren liburua eguneratuta izatea, bai eta erlauntzen joan-etorrien erregistro bat izatea ere, kokaleku batetik besterako irteera eta sarrera datak adierazita.

3. Beste konpromiso edo betebehar batzuk ez betetzeak, otsailaren 28ko 147/2023 Errege Dekretuaren 31. artikuluaren arabera, hartan ezartzen baitira Nekazaritza Politika Erkidearen Plan Estrategikoan jasotako esku-hartzeetan penalizazioak aplikatzeko arauak, IV. eranskinean deskribatutako penalizazioak ezartzea ekarriko du, baldin eta ez-betetzeak egiten diren azalera, guztira, ordainketetarako deklaratutako guztizko azaleraren % 20 baino handiagoa edo 0,1 ha baino handiagoa bada.

V. KAPITULUA.–6501.5 ESTEPAKO HEGAZTIENTZAKO LUGORRIAK

43. artikulua. Laguntzaren deskripzioa.

1. Laguntzaren helburua habitat diren eremuetako hegaztientzako baldintzak mantentzea eta/edo hobetzea da, estepa erakoak batez ere, horiek erraztuko dituzten nekazaritza teknikak ezarriz. Esku-hartzearen aplikazio eremuak Natura 2000 Sarearen barruko eta kanpoko lurrak hartzen ditu.

2. Babestu nahi diren espezieen artean hauek daude: basoilo handia (Otis tarda), basoilo arrunta (Tetrax tetrax), ganga iberikoa (Pterocles alchata), ganga ortega (Pterocles orientalis), belatz txikia (Falco naumanni), mirotz urdina (Circus pygarcáls) eta mirotz zuria (Cyrcus cyaneus).

3. Helburua da habiak babestea uztaren eraginetik, janaria eta babesa ematea, azken batean, giza jardueraren ondorioak mugatzea, habitat horietako espezie guztiak egoera egokian mantentzeko.

4. Laguntza honen helburu zehatza da "biodibertsitatearen galera geldiarazten eta alderantzikatzen laguntzea, zerbitzu ekosistemikoak indartzea eta habitatak eta paisaiak kontserbatzea" (HZ6).

44. artikulua. Laguntza mota.

1. Hektarea bakoitzeko ordainketa bat egiten zaie 45. eta 46. artikuluetako konpromisoak eta onargarritasun irizpideak konpromisoaren epealdiko 5 urteetan betetzen dituzten nekazariei. Urte gehiagoz luzatzen ahal da.

2. Deialdi honen xedeko dirulaguntzak norgehiagokako araubidea erabiliz emanen dira.

45. artikulua. Dirulaguntzak hartzeko baldintzak.

a) Nekazaria, nekazaritzako ustiategia edo nekazarien elkartea izatea eta lehorreko labore-lurrak kudeatzea, estepako hegaztiendako Eremu Kritiko (EK) gisa sailkatutako eremuren batean. Ikus VII. eranskina:

b) Nekazaritzako ustiategian diruz laguntzeko eskatutako azaleran lehorreko labore belarkarak egonen dira.

46. artikulua. Konpromisoak eta beste betebehar batzuk.

1. Eskaeraren bidez, konpromiso hauek borondatez hartu behar dira bost urterako, gutxienez:

a) Urtero eskatzea laguntzaren urteko ordainketa, kanpainaren Eskaera Bakarrean (Batzordearen 2014ko martxoaren 11ko (EB) 2022/1172 Erregelamendu Delegatuan xedatuarekin bat) eta laguntza aitortzea barruti bakoitzean.

b) Urtero eustea norberaren konpromisoan sartzen den azaleraren % 90eko azalera zehatz hautagarriari gutxienez.

c) Onartutako edo jasotako dirulaguntzei eta hartutako konpromisoei dagokienez, Landa Garapeneko eta Ingurumeneko Departamentuak egiten ahal dituen egiaztapen jarduketa guztiak onartzea. Hartarako, Administrazioko ikuskatzaileei eta ziurtapen eta kontrol agintaritzari libre utzi beharko zaie lurzatietara sartzen, eta laguntzaren xedeko jardueraren gainean eskatzen duten informazio guztia emanen zaie.

d) Bi lursailetako txandakako laboreak: "bi urtetik behin" erako lugorria (urte bat lugorri eta hurrengoa erein) edo "hiru urtetik behin" erako lugorria (bi urteko lugorria ereindako urte bakoitzeko).

Baldintza hauek nabarmentzen dira:

–Lugorri dagoen lursailean (3 urte):

Lan mekanizatu sakonik ez egitea (iraulketa) (abuztuaren 31tik martxoaren 15era). Aldi horretan, lur gaineko laborantza baimentzen da (azaleko 10-15 cm), baita zuhaixkak moztu edo pikatzeko lanak ere.
Lan mekanizaturik ez egitea, eta ez erabiltzea ez fitosanitariorik, ez ongarririk, eta erreketarik ere ez egitea, espezieak ugaltzeko garaian (martxoaren 15etik abuztuaren 31ra).
Azienda larratzea debekatua martxoaren 15etik abuztuaren 31ra.

–Ereintza eremuan (2 urte):

Nekazaritzako lurzatian gutxienez 2 metroko zabalerako zerrenda periferikoak mantentzea, erein gabe edo uzta bildu gabe, abuztuaren 31ra arte gutxienez. Zerrenda horien ordez unadak jartzen ahalko dira, mantentze baldintza beretan, lurzatiaren azaleraren % 15 gutxienez hartzen dutenak.
Lastoa osorik mantentzea, pikatu gabe eta ilaran, barreiatu eta bildu gabe, abuztuaren 31ra arte gutxienez.
Lurzati horietan debekatuta dago uztaren ondoren (uztondoan) artzaintza egitea, eta baimentzen da abuztuaren 31tik hurrengo martxoaren 15era arte.

Eguraldi txarragatik uzta bildu ez den lurzatietan, ez da beharrezkoa izanen "uzta bildu gabeko" zerrenda periferikorik edo unadarik egitea, ezta lasto ilararik egitea ere. Hala ere, lursail horietan abuztuaren 31tik aurrera lurra lantzea gomendatzen da, "lugorri" erako laborantzara igarotzeko.

Bost urte horietan bete ahal izateko Lugorri (3 urte)-Zereal (2 urte) konpromisoak, laguntza eskatzen den lehen urteko azalera guztia "bi urtez behin" egin nahi izanez gero, Lugorriaren eremutik hasi beharko da. "Zereal" eremuarekin hasi nahi izanez gero, lugorria "hiru urtetik behingo laborantza" modalitatean egin beharko da konpromiso aldian.

e) Ustiategiaren koadernoa beteta eta eguneratuta.

47. artikulua. Araubidean sartzea eta laguntzaren zenbatekoa.

1. Laguntzaren araubidean sartzeko eskaerak laguntzen eskaera bakarrean aurkeztuko dira. 45. artikuluan ezarritako onargarritasun baldintzak betetzen dituzten pertsonei / ustiategiei 5 urterako urteko laguntza ematen ahalko zaie; urte gehiagoz luzatzen ahalko da. Laguntza eskaerak ebaluatuko dira, eta organo eskudunak onartu edo ukatuko ditu 6 hilabeteko epean, ebazpen baten bidez. Epe hori igarota, administrazioaren isiltasunez ezetsitzat joko dira.

2. Emakidaren zenbatekoa kalkulatzeko, unitateko zenbatekoa edo prima, euro/ha, biderkatuko da lurraren kategorizazioen arabera. 100 hektareatik gora, primak % 30 jaisten dira.

3. Honako zenbateko hauek finkatu dira bi modalitateetatik bakoitzarentzat:

–Erdi-lehorreko laborea: IV., V. eta VI. nekazaritzako eskualdeetako "Estepako hegaztientzako eremu kritikoak" eremuetan dauden lehorreko belar-laboreak:

1. zenbatekoa: Erdi-lehorreko laborea, 100 ha bitarte: 213,25 euro/ha.
2. zenbatekoa: Erdi-lehorreko laborea, 100 ha-tik aurrera. 149,28 euro/ha.

–Lehorreko idorra: VII. Nekazaritza Eskualdeko "estepako hegaztientzako eremu kritikoetan" kokatutako lehorreko belar-laboreak:

3. zenbatekoa: 100 ha bitarteko lehorreko idorra: 144,23 euro/ha.
4. zenbatekoa: Lehorreko idorra 100 ha-tik aurrera: 100,96 euro/ha.

4. Onuradun bakoitzari emaniko laguntzaren zenbateko osoa gehieneko muga izanen da, konpromisoaren hurrengo urteetan kobratzeko eskaerari aplikatzeko orduan.

48. artikulua. Urteroko ordainketen eskaerak.

1. 5 urterako laguntzaren onuradun diren pertsonek / ustiategiek urtero eskatu behar dute hura ordaintzeko, laguntzaren eskaera bakarraren bidez. Laguntza jasotzeko, 45. artikuluko baldintzak eta 46. artikuluko konpromisoak bete beharko dituzte.

2. Ordainketaren zenbatekoa lortzeko biderkatuko dira zenbateko unitarioa edo prima euro/ha, lursailaren kategorizazio desberdinen arabera, bider ordainketarako kontuan hartutako azalera, kasuan kasuko kontrol administratibo eta landa kontrol guztiak egin ondoren, eta foru agindu honen III. eranskinean aurreikusitako penalizazioak aplikatu ondoren, urte bakoitzerako emandako zenbatekoa urte bakar batean gainditu gabe.

3. Ordainketa laguntza eskatu eta hurrengo urteko ekainaren 30a baino lehen eginen da.

49. artikulua. Bateraezintasunak eta hautaketa irizpideak.

1. Laguntza honetako zereal-eremuetako zerrenden edo unaden azalerak bateraezinak dira nekazaritza ekologikoarekin. Azalera hori ez da ordaintzen, baina baliozkotzat har daiteke "Nekazaritza ekologikoaren" konpromiso azalera kalkulatzeko.

2. Esku-hartze hori bateraezina da P3 praktikarekin (laboreak txandakatzea espezie hobetuekin).

3. Bestalde, bateragarria da P5 praktikarekin (biodibertsitate eremuak laborantza lurretan eta labore iraunkorretan), biodibertsitate espazioen % 7rako zenbatzen diren uzta gabeko edo lugorriko zerrenda/unaden azalera izan ezik (esparruaren azaleraren % 15, gutxi gorabehera), horietan laguntza murriztu eginen baita, eko-erregimenari dagokion hainbestekoan.

4. 2024ko kanpainarako eta hurrengoetarako laguntzak kalkulatzeko, hautapen irizpide hauen baremazioa aplikatuko da, eskaera bakarra aldatzeko epearen azken egunean dauden espedienteko datuak kontuan hartuta:

a) Laguntza jaso duen azaleraren zenbateko portzentajea geratzen den "Interes handieneko eremu kritikoen" barnean (ikus VII. eranskina). Puntuazioa graduatuko da adierazten den moduan, gehienez 70 punturaino.

AZALERAREN PORTZENTAJEA INTERES HANDIENEKO EREMU KRITIKOEN BARNEAN	PUNTUAZIOA
≥ %70	70 puntu
≥ %30-etik < %70era	50 puntu
≥ %1-etik < %30-era	30 puntu
≥ %0-tik < %1-era	10 puntu

b) Laguntza hartu duen ustiategiaren azalera. Puntuazioa graduatuko da adierazten den moduan, gehienez 30 punturaino.

LAGUNTZA HARTU DUEN AZALERA	PUNTUAZIOA
>30 ha	30 puntu
≥ 10etik ≤ 30 ha-ra	20 puntu
< 10 ha	10 puntu

Eskaera batek laguntza jaso ahal izateko gutxieneko puntuazioa 30 puntukoa da; guztira 100 puntu dira.

Espedienteen artean berdinketa izanez gero, lehentasuna emanen zaie laguntza jaso duten eta eremu kritiko interesgarrienen barnean azalera portzentajerik handiena duten espedienteei.

50. artikulua. Ez-betetzeen mailaketa.

1. 45. eta 46. artikuluetan zehaztatutako betebeharren eta konpromisoen ez-betetzeen sailkapena ondoko taula honetan ezartzen dira, eta haiei dagokien zehapena, III. eta IV. eranskinetan.

EZ-BETETZE MOTA
Baztertzailea (Bazt.)	Dirulaguntza hartzeko baldintzak, 45. artikulua. a) Nekazaria, nekazaritzako ustiategia edo nekazarien elkartea izatea eta lehorreko nekazaritza ustiategiei dagozkien lurren kudeatzaileak, estepako hegaztiendako eremu kritikoetako batean kokatuak. b) Nekazaritzako ustiategian diruz laguntzeko eskatutako azaleran lehorreko belar-laboreak egonen dira. Konpromisoak eta beste betebehar batzuk. 46. art. a) Urteko eskaeran, deklaratzea ustiategiko zer lurzati dauden neurriari atxikiak eta haietarako laguntza eskatzea. c) Onartutako edo jasotako dirulaguntzei eta hartutako konpromisoei dagokienez, Landa Garapeneko eta Ingurumeneko Departamentuak egiten ahal dituen egiaztapen jarduketa guztiak onartzea.
Oinarrizkoa (O)	Konpromisoak eta beste betebehar batzuk. 46. art. b) Urtero eustea norberaren konpromisoan sartzen den azaleraren % 90eko azalera zehatz hautagarriari gutxienez.
Nagusia (N)	Konpromisoak eta beste betebehar batzuk. 46. art. d) Bi eremuren arteko txandakako laboreak: "bi urtez behin" edo "hiru urtez behin" lugorri modalitateetan. Nekazaritza lanei eta mantentze lanei buruzko konpromiso guztiak, bai eta artzaintza datak ere, lugorri nahiz zereal eremuak izan.
Bigarren mailakoa (BI)	e) Ustiategiaren koadernoa betea eta eguneratua egon behar da, eta laguntza behar duen lurzati bakoitzaren nekazaritza erabilera jasoko du.

3. Beste konpromiso edo betebehar batzuk ez betetzeak, otsailaren 28ko 147/2023 Errege Dekretuaren 31. artikuluaren arabera, hartan ezartzen baitira Nekazaritza Politika Erkidearen Plan Estrategikoan jasotako esku-hartzeetan penalizazioak aplikatzeko arauak, IV. eranskinean deskribatutako penalizazioak ezartzea ekarriko du, baldin eta ez-betetzeak egiten diren azalera, guztira, ordainketetarako deklaratutako guztizko azaleraren % 20 baino handiagoa edo 0,1 ha baino handiagoa bada.

VI. KAPITULUA.–6501.5 ARDI LARRATZE JASANGARRIA ESTEPAKO ZEREAL AGROSISTEMETAN

51. artikulua. Laguntzaren deskripzioa.

Laguntza honen helburua da estepako hegaztiek dituzten habitat premiak edo defizitak asetzea; haien artean aipagarriak dira basoilo handia (Otis tarda), basoilo arrunta (Tetrax tetrax), ganga iberikoa (Pterocles alchata), ganga ortega (Pterocles orientalis). Hona hemen habitat arazo zenbait:

–Estepako hegaztien ugalketarako habitatetako (lugorriak eta otalurrak) landarediaren egitura optimoa galtzea, artzaintza gutxiko edo gehiegiko prozesuen ondorioz.

–Arriskuan diren espezie horien kumeak babesteko uztondoek eskaintzen duten kalitatea galtzea, uzta bildu ondoko lastoan ardiak larratzeagatik.

Laguntza honen helburu zehatza da "biodibertsitatearen galera geldiarazten eta alderantzikatzen laguntzea, zerbitzu ekosistemikoak indartzea eta habitatak eta paisaiak kontserbatzea" (HZ6).

52. artikulua. Laguntza mota.

1. Laguntza da hektarea bakoitzeko prima bat ordaintzea 53. eta 54. artikuluetako konpromisoak eta onargarritasun irizpideak konpromiso aldiko 5 urteetan betetzen dituzten pertsonei/ustiategiei. Urte gehiagoz luzatzen ahal dira.

2. Deialdi honen xedeko dirulaguntzak norgehiagokako araubidea erabiliz emanen dira.

53. artikulua. Dirulaguntzak hartzeko baldintzak.

a) Nekazaritzako ustiategien titularrak diren abeltzainak, abeltzainen elkarteak, esku-hartzearen lurralde eremuko lurren kudeatzaileak.

b) Ardi aziendako ustiategi baten titularra izatea.

c) Laguntza eskatzen den urtean saroi/barruti baten larre-aprobetxamenduaren esleipendun izatea, udalerri hauek osatzen duten lerroaren hegoaldeko herrietan (guztiak barne): Viana, Bargota, Armañantzas, Santsol, Los Arcos, Lukin, Arroitz, Arellano, Deikaztelu, Morentin, Aberin, Villatuerta, Mendigorria, Artaxoa, Tafalla, Erriberri, Beire, Pitillas, Santakara, Murillo el Fruto eta Zarrakaztelu.

54. artikulua. Konpromisoak eta beste betebehar batzuk.

Eskaeraren bidez, konpromiso hauek borondatez hartu behar dira bost urterako, gutxienez:

a) Ustiategiaren titularrak laguntzen eskaera bakarrean eskatu beharko du laguntzaren urteko ordainketa, 2022ko maiatzaren 4ko 2022/1172 (EB) Erregelamendu Delegatuan ezarritako moduan.

b) Saroi edo barruti esleituetako berezko bazkalekuen azaleretan, 53. artikuluan aipatutako udalerri hauek osatzen duten lerroaren hegoaldeko herrietan:

–Artzaintzako debekua errespetatzea eskaera egiten den urteko maiatzaren 15etik abuztuaren 31ra. Ez da abeltzaintzako aprobetxamendurik egiten ahalko, laguntzaren lurralde eremuaren barneko larratze-gune guztietan.

–Gutxienez 20 egunez larratu beharko dira nahitaez irailaren 1etik urriaren 31ra bitartean.

c) "Estepako hegaztiendako eremu kritikoetan" kokatuta dauden eta "Estepako hegaztiendako lugorrietako" laguntzaren babesean dauden saroi edo barrutietako lugorri eta galondoen azaleretan:

–Artzaintzako debekua errespetatzea eskaera egiten den urtean, martxoaren 15etik abuztuaren 31ra bitartean, non ez den abeltzaintzako aprobetxamendurik egiten ahalko "Estepako hegaztientzako eremu kritikoetako" lugorri guztietan, NPEaren plan estrategikoan FEADER esku-hartzearen babesean badaude: "Estepako hegaztientzako lugorriak".

d) Urtero eustea norberaren konpromisoko azaleraren % 90eko azalera hautagarriari gutxienez.

e) Onartutako edo jasotako dirulaguntzei eta hartutako konpromisoei dagokienez, Landa Garapeneko eta Ingurumeneko Departamentuak egiten ahal dituen egiaztapen jarduketa guztiak onartzea.

Artzaintzako debekualdiak eta obligazioak kontrolatuko dira, abeltzaintzako gidaliburuetan jasoz mugimenduak edo/eta artzaintzako datak, eta ustiategiaren koadernoan islatuz, espediente guztietan; gainera, landa ikuskapenak eginen dira, egokia ikusten den espediente guztietan.

55. artikulua. Araubidean sartzea eta laguntzaren zenbatekoa.

1. Laguntzaren araubidean sartzeko eskaerak laguntzen eskaera bakarrean aurkeztuko dira. 53. artikuluan ezarritako onargarritasun baldintzak betetzen dituzten pertsonei / ustiategiei 5 urterako urteko laguntza ematen ahalko zaie; urte gehiagoz luzatzen ahalko da. Laguntza eskaerak ebaluatuko dira, eta organo eskudunak onartu edo ukatuko ditu 6 hilabeteko epean, ebazpen baten bidez. Epe hori igarota, administrazioaren isiltasunez ezetsitzat joko dira.

2. Emakidaren zenbatekoa kalkulatzeko, unitateko zenbatekoa edo prima, euro/ha, biderkatuko da lurraren kategorizazioen arabera. 100 hektareatik gora, primak % 30 jaisten dira.

3. Ondoko zenbateko hauek finkatu dira bi modalitateetatik bakoitzarentzat:

–Larreak:

1. zenbatekoa: 100 ha-ra bitarte: 9,18 euro/ha lurralde-eremu osoan.
2. zenbatekoa: 100 hektareatik goiti: 6,43 euro/ha lurralde-eremu osoan.

–Lugorriak:

3. zenbatekoa: 100 ha-ra bitarte: 51,17 euro/ha "estepako hegaztientzako eremu kritikoetan".
4. zenbatekoa: 100 hektareatik goiti: 35,82 euro/ha "estepako hegaztientzako eremu kritikoetan".

4. Espediente bakoitzari emaniko laguntzaren zenbateko osoa gehieneko muga izanen da, konpromisoaren hurrengo urteetan kobratzeko eskaerari aplikatzeko orduan.

56. artikulua. Urteroko ordainketen eskaerak.

1. 5 urteko laguntzaren onuradunek urtero eskatu behar dute hura ordaintzeko laguntzaren eskabide bakarraren bidez. Laguntza jasotzeko, 53. artikuluko baldintzak eta 54. artikuluko konpromisoak bete beharko dituzte.

3. Ordainketa laguntza eskatu eta hurrengo urteko ekainaren 30a baino lehen eginen da.

57. artikulua. Bateraezintasunak eta hautaketa irizpideak.

1. Laguntzaren kudeaketan kontuan hartuko da "Estepako hegaztientzako lugorriak" izeneko ingurumen nekazaritzako esku-hartzearekin duen lotura. Horrela, laguntza emateko epea "Estepako hegaztientzako lugorriak" laguntzarako ezartzen denarekin bat etorriz programatuko da.

2. Esku-hartze hori bateraezina da "Abeltzaintzako sistema jasangarriak" esku-hartzearekin.

3. Laguntza emateko, hautapen irizpide hauen baremazioa aplikatuko da, eskaera bakarra aldatzeko epea bukatzen den unean espedientean ageri diren datuak kontuan hartuta:

a) Neurriaren babesean sartutako ustiategiaren azalera.

USTIATEGIAREN AZALERA	PUNTUAZIOA
>100 ha	30 puntu
≥50 ha-tik < 100 ha-ra	20 puntu
≥25 ha-tik < 50 ha-ra	10 puntu

b) Neurriari atxikitako ustiategiko larreen azalera.

LARREEN AZALERA	PUNTUAZIOA
≥ 75 ha	50 puntu
≥50 ha-tik ≤75 ha-ra	40 puntu
≥25 ha-tik < 50 ha-ra	30 puntu
≥10 ha-tik < 25 ha-ra	20 puntu
<10 ha	10 puntu

c) Natura 2000 sarearen barnean dagoen ustiategiko azaleraren portzentajea.

NATURA 2000 SAREAN DEN AZALERA (%).	PUNTUAZIOA
≥ %50	20 puntu
≥ %0 eta < %50	10 puntu
%0	0 puntu.

Eskaera batek laguntza jaso ahal izateko gutxieneko puntuazioa 30 puntukoa da; guztira 100 puntu dira. Espedienteen artean berdinketa izanez gero, lehentasuna eragiketaren xedeko azalera handienei emanen zaie.

58. artikulua. Ez-betetzeen mailaketa.

1. 53. eta 54. artikuluetan zehaztatutako betebeharrak eta konpromisoak ez-betetzeak honako taula honetan ezartzen dira, eta haiei dagokien penalizazioa III. eta IV. eranskinetan.

EZ-BETETZE MOTA

Baztertzailea (Bazt.)

Dirulaguntza hartzeko baldintzak 53. artikulua.

Laguntzak emanen zaizkie nekazaritza ustiategien titularrak diren abeltzainei, abeltzainen elkarteei eta esku-hartzearen lurralde eremuan kokatutako lurren kudeatzaileei bakarrik.

Konpromisoak eta beste betebehar batzuk. 54. artikulua.

a) Ustiategiaren titularrak eskaera bakarrean eskatu beharko du laguntzaren urteko ordainketa.

e) Onartutako edo jasotako dirulaguntzei eta hartutako konpromisoei dagokienez, Landa Garapeneko eta Ingurumeneko Departamentuak egiten ahal dituen egiaztapen jarduketa guztiak onartzea.

Oinarrizkoa (O)

Konpromisoak eta beste betebehar batzuk. 54. artikulua.

b) Larre naturalen azalerak, udalerri hauek osatzen duten lerrotik hegoaldera daudenak (udalerri berauek guztiak barne): Viana, Bargota, Armañantzas, Santsol, Los Arcos, Lukin, Arroitz, Arellano, Deikaztelu, Morentin, Aberin, Villatuerta, Mendigorria, Artaxoa, Tafalla, Erriberri, Beire, Pitillas, Santakara, Murillo el Fruto eta Zarrakaztelu.

–Larratzeko debekua errespetatzea maiatzaren 15etik abuztuaren 31ra bitartean, eskaera egin den urtean.

–Larratzeko obligazioa gutxienez 20 egunez, irailaren 1etik urriaren 31ra bitartean.

c) "Estepako hegaztiendako eremu kritikoetan" dauden lugorri eta galondoetan:

–Larratzeko debekua errespetatzea martxoaren 15etik abuztuaren 31ra bitartean, eskaera egin den urtean.

d) Urtero eustea norberaren konpromisoko azaleraren % 90eko azalera hautagarriari gutxienez.

3. Beste konpromiso edo betebehar batzuk ez betetzeak, otsailaren 28ko 147/2023 Errege Dekretuaren 31. artikuluaren arabera, hartan ezartzen baitira Nekazaritza Politika Erkidearen Plan Estrategikoan jasotako esku-hartzeetan penalizazioak aplikatzeko arauak, IV. eranskinean deskribatutako penalizazioak ezartzea ekarriko du, baldin eta ez-betetzeak egiten diren azalera, guztira, ordainketetarako deklaratutako guztizko azaleraren % 20 baino handiagoa edo 0,1 ha baino handiagoa bada.

VII. KAPITULUA.- 6501.6 AGROSISTEMA MEDITERRANEO JASANGARRIAK ZAINTZEA

59. artikulua. Laguntzaren deskripzioa.

1. Kapitulu honetan araututako laguntzen bidez, paisaiak eta habitatak sustatu eta zaindu nahi dira, landaketa tradizionalak kontserbatu eta mantenduz, hala nola: ontzi-erako mahasti zaharrak, olibondo zaharrak, 01. eskualdeko (ipar-mendebaldea) sagarrondoak eta gereziondoak 03. eskualdean (Iruñerria).

2. Landaketa horiek bereziak dira, paisaiaren oinarrizko osagaiak dira eta helburua da halakoak bertan behera uztea saihestea, eta haien inguruan sortzen diren flora eta faunari eustea.

60. artikulua. Laguntza mota.

1. Laguntza urteroko prima bat da, azalera hautagarriko hektarea bakoitzeko, olibondo landaketa zaharretan, ontzi-erako mahasti zaharretan eta sagastietan, 01 eskualdean (ipar-mendebaldea) eta gereziondoetan 03 eskualdean (Iruñerria) 5 urteko konpromiso epe batez; urte gehiagoz luzatzen ahal da.

2. Titulu honen 61. artikuluan jasotzen diren onargarritasun baldintzak betetzen dituzten pertsonei/ustiategiei emanen zaizkie laguntzak.

3. Laguntzak emateko prozedura norgehiagokako araubideari jarraikiz tramitatuko da.

61. artikulua. Dirulaguntzak hartzeko baldintzak.

Laguntzak emanen dira, soil-soilik, laguntzaren eskaera aldatzeko epea bukatzen den egunean ondoko baldintza hauek betetzen dituzten pertsonentzat/ustiategientzat; gainera, konpromisoak irauten duen bitartean ere bete beharko dituzte:

a) Legez kontrako landaketei dagokienez, mahastizaintzari eta ardogintzari buruz indarra duen araudia betetzea, Mahastizaintza eta ardogintza arautzeari buruzko abenduaren 5eko 16/2005 Foru Legea garatzen duen abuztuaren 16ko 56/2006 Foru Dekretuarekin bat.

b) Nafarroako Foru Komunitatean kokatutako lurzatietan labore hauetakoren bat izatea:

–Mahastiak (Vitis vinifera), Nafarroako Mahastien Erregistroan laguntzaren eskatzailearen izenarekin inskribatuak, 5.2.6 artikuluaren q) epigrafeko baldintzak betetzen badituzte.

–Olibondo sailak (Olea europaea), 5.2.6 artikuluko r) epigrafeko baldintzak betetzen dituztenak, olibondo zaharren geruza grafikoan sartuak. Landa Garapeneko eta Ingurumeneko Departamentuko SIGCko ikuskapen bulegoaren Ikuskapenen Atalak kudeatzen du geruza hor.

–Sagastiak, 5.2.6 artikuluaren s) epigrafeko baldintzak betetzen badituzte. Dirulaguntza jaso dezaketen udalerrien zerrenda IX. eranskinean ageri da.

–Gereziondo sailak, 5.2.6 artikuluaren t) epigrafeko baldintzak betetzen badituzte. Dirulaguntza jaso dezaketen udalerrien zerrenda IX. eranskinean ageri da.

c) Labore talde bakoitzeko gutxieneko azalera bat izatea:

–2.000 m² olibondo.

–5.000 m² mahasti.

–5.000 m² sagasti.

–5.000 m² gereziondo.

62. artikulua. Konpromisoak eta beste betebehar batzuk.

Eskatzaileek, borondatez, konpromiso hauek onartu beharko dituzte bost urterako:

b) Ez gutxitzea konprometitutako landaketen azalera, ontzi-erako mahastietan, olibadietan, sagastietan eta gereziondo sailetan, laguntzaren araubidean sartu zen urtean zehaztutako azaleraren % 90etik behera.

c) Onartutako edo jasotako dirulaguntzei eta hartutako konpromisoei dagokienez, Landa Garapeneko eta Ingurumeneko Departamentuak egiten ahal dituen egiaztapen jarduketa guztiak onartzea. Ondorio horietarako, Administrazioko ikuskatzaileei libre utzi beharko zaie lurzatietara sartzen, eta neurriaren xedeko jardueraren gainean eskatzen duten informazio guztia emanen zaie.

d) Izurriteak daudenean, Cydia Pomonella (carpocapsa) sagarrondoan eta Drosophila Suzukii gereziondoan, tratamendua egiten bada, tratamendu fitosanitarioen ordezko tratamendu batekin egin beharko da gutxienez. Adibidez, feromona bidezko tratamenduak, sexu nahasketarako, harrapaketa masiboetarako; eta izurriteak erakarri eta desagerrarazteko beitak ere bai.

Tratamendu horiek ustiategiaren koadernoan jaso beharko dira.

e) Olibondo, sagarrondo eta gereziondo sailetan belatz gorrientzako edo/eta saguzarrentzako habiak jarri beharko dira, saguak kontrolatu eta izurriteak kontrolatzen laguntzeko.

Aipatu landaketetako baten hektarea bateko azalerako, belatz gorrientzako edo saguzarretarako habia bat paratu beharko da gutxienez. Hektarea bat baino gutxiagoko azalera badago, ez da nahitaezko eskakizuna, baina bai gomendagarria.

Konpromiso hori egiaztatzeko, argazki geoerreferentziatuak eskatuko dira.

Habia horiek jartzeko jarraibideak X. ERANSKINEAN daude.

f) Laguntzaren xede diren ontzi-erako mahasti zaharrak, olibondo sail zaharrak, sagastiak eta gereziondo sail zaharrak mantentzea.

g) Ontzi-erako mahastiak, sagastiak eta olibondo nahiz gereziondo sailak mantentzea laborantzarako baldintza egokietan, laborantza tradizionaleko sistemekin, eta behar diren lanak egitea (inaustea, ongarritzea, izurrien eta landare espontaneoen kontrola, bilketa, etab.).

63. artikulua. Araubidean sartzea eta laguntzaren zenbatekoa.

1. Laguntzaren araubidean sartzeko eskaerak laguntzen eskaera bakarrean aurkeztuko dira. 61. artikuluan ezarritako onargarritasun baldintzak betetzen dituzten pertsonei / ustiategiei 5 urterako urteko laguntza ematen ahalko zaie; urte gehiagoz luzatzen ahalko da. Laguntza eskaerak ebaluatuko dira, eta organo eskudunak onartu edo ukatuko ditu 6 hilabeteko epean, ebazpen baten bidez. Epe hori igarota, administrazioaren isiltasunez ezetsitzat joko dira.

2. Ondoko zenbateko unitarioak aplikatuko dira laborearen arabera:

–400 euro/ha, olibadientzat.

–500 euro/ha, "Nafarroa" Jatorrizko Deiturako ontzi-erako mahasti zaharrentzat.

–300 euro/ha, "Errioxa Jatorrizko Deiturako" ontzi-erako mahasti zaharrentzat.

–250 euro/ha, sagastientzat.

–400 euro/ha, gereziondoentzat.

3. Emakidaren zenbatekoa eragiketa honen emaitza izanen da: zenbateko unitarioa edo prima bider zehazturiko azalera, administrazio kontrolak eta tokian bertan egitekoak egin ondoren eta penalizazioak aplikatu aurretik.

4. Onuradun bakoitzari emaniko laguntzaren zenbateko osoa gehieneko muga izanen da, konpromisoaldiaren hurrengo urteetan kobratzeko eskaerari aplikatzeko orduan.

64. artikulua. Urteroko ordainketen eskaerak.

1. 5 urteko laguntzaren onuradunek urtero eskatu behar dute hura ordaintzeko laguntzaren eskabide bakarraren bidez. Laguntza jasotzeko, 61. artikuluko baldintzak eta 62. artikuluko konpromisoak eta beste baldintza batzuk bete beharko dituzte.

2. Ordainketaren zenbatekoa kalkulatzeko biderkatuko da zenbateko unitarioa bider ordaintzeko kontuan hartutako azalera, kasuan kasuko kontrol administratibo eta landa kontrol guztiak egin ondoren, eta foru agindu honen III. eranskinean aurreikusitako zigorrak aplikatu ondoren, urte bakoitzerako emandako zenbatekoa urte bakar batean gainditu gabe.

3. Ordainketa laguntza eskatu eta hurrengo urteko ekainaren 30a baino lehen eginen da.

65. artikulua. Bateraezintasunak eta hautaketa irizpideak.

1. Laguntza hau ez da bateraezina NPEren Plan Estrategikoan (NPEPE) jasotzen diren beste esku-hartze batzuekin.

2. 2024 kanpainarako eta hurrengoetarako laguntzak kalkulatzeko, hautapen irizpide hauen baremazioa aplikatuko da, eskaera bakarra aldatzeko epearen azken egunean espedientean ageri diren datuak kontuan hartuta.

Mahastiaren kasuan, eskabidea egin den urteko urriaren 1ean mahastien erregistroan ageri diren datuak hartuko dira.

a) Laguntza zer ustiategitarako eskatzen den, haren esparruetako lehorreko azaleren ehunekoa. Ureztatzeko lurzatiak lehorreko lurtzat hartuko dira, baldin eta agintaritza hidrografiko eskudunak egiaztatzen badu ureztaketa aldizkakoa dela.

LEHORREKO AZALERA (%)	PUNTUAZIOA
%100	17 puntu
≥ 80 eta < 100	14 puntu
≥ 50 eta < 80	10 puntu
≥ 20 eta < 50	7 puntu
< 20	3 puntu

b) Laguntza zer ustiategitarako eskatzen den, haren esparruetako batez besteko malden ehunekoa.

BATEZ BESTEKO MALDAK (%)	PUNTUAZIOA
≥ %20	13 puntu
≥ 15 eta < 20	10 puntu
≥ 10 eta < 15	7 puntu
< 10	3 puntu

c) Laguntza zer ustiategitarako eskatzen den, haren azaleraren zer ehuneko dagoen Natura 2000 Sarean sartuta.

NATURA 2000 SAREAN SARTZEN DEN AZALERA (%)	PUNTUAZIOA
≥ %90	10 puntu
≥ 50 eta < 90	7 puntu
< 50	3 puntu

d) Olibadi eta mahastietan, laguntzaren xede diren ustiategietako landaketen batez besteko adina.

LANDAKETEN BATEZ BESTEKO ADINA	PUNTUAZIOA
≥ 70 urte	60 puntu
≥ 60 eta < 70	50 puntu
≥ 45 eta < 60	40 puntu
≥ 40 eta < 45	30 puntu
< 40	0 puntu

e) Sagarrondoetan, laguntza eskatzen duten sagardotarako barietateak dituzten sagastien azaleraren portzentajea:

SAGARDOTARAKO BARIETATEEN AZALERA (%)	PUNTUAZIOA
≥ %50	60 puntu
≥ %35 eta < %50	50 puntu
≥ %20 eta < %35	40 puntu
%0 eta < %20	30 puntu

f) Gereziondoetan, "Etxauribarko" udalerrietan laguntza eskatzen duten gereziondoen azaleraren ehunekoa: Etxauri (85), Ziritza (75), Etxarri (83), Bidaurreta (253), Beraskoain (52) eta Zabaltza (262):

"ETXAURIBARKO" UDALERRIEN AZALERAREN %	PUNTUAZIOA
≥ %50	60 puntu
≥ %35 eta < %50	50 puntu
≥ %20 eta < %35	40 puntu
%0 eta < %20	30 puntu

Espediente batek laguntza eskatzen badu diruz lagundu daitezkeen labore talde batzuetan (mahastia/olibondoa, sagarrondoak eta/edo gereziondoak), laguntza eskatzen duen labore talde onargarriaren arabera lehenetsiko da titular bakoitza.

Eskaera batek laguntza jaso ahal izateko gutxieneko puntuazioa 30 puntukoa da; guztira 100 puntu dira.

Espedienteen artean puntu berdinketa badago, berdinketa hausteko irizpide hauek hartuko dira kontuan, adierazitako ordenan:

1. Eragiketa honi atxikitako azalera handieneko espedienteak.

2. Laguntza eskatzen duten lehorreko esparru gehien dituzten espedienteak.

3. Aldizka ureztatzen diren esparru egiaztatuen kopuru handiena duten espedienteak.

66. artikulua. Ez-betetzeen mailaketa.

1. 61. eta 62. artikuluetan zehaztatutako betebeharrak eta konpromisoak ez-betetzeak honako taula honetan ezartzen dira, eta haiei dagokien penalizazioa III. eta IV. eranskinetan.

EZ-BETETZE MOTA
Baztertzailea (Bazt.)	Dirulaguntzak hartzeko baldintzak. 61. artikulua. a) Legez kontrako mahastiei dagokienez, indarra duen mahastizaintzako eta ardogintzako araudia betetzea. b) Nafarroan dauden lurzatietan labore hauetakoren bat izatea: –5.2.6 q) artikuluan definitutako mahastiak, laborantza egoera onean daudenak. –5.2.6 r) artikuluan definitutako olibondo sailak, laborantza egoera onean daudenak. –5.2.6 s) artikuluan definitutako baldintzak betetzen dituzten sagastiak. –5.2.6 t) artikuluan zehaztutako baldintzak betetzen dituzten gereziondo sailak. c) Gutxieneko azalera: 0,2 ha olibadietan eta 0,5 ha mahastietan, sagastietan edo gereziondo sailetan. Konpromisoak eta beste betebehar batzuk. 62. art. a) Urtero eskatzea kanpainako eskaera bakarrean laguntzaren urteko ordainketa. c) Landa Garapeneko eta Ingurumeneko Departamentuak egiten ahal duen edozein egiaztatze jarduketa onartzea.
Oinarrizkoa (O)	Konpromisoak eta beste betebehar batzuk. 62. art. b) Mahasti eta olibadien azalera ez murriztea norberaren ustiategia laguntzaren araubidean sartu zen urtean zehaztutako azaleraren % 90etik behera.
Nagusia (N)	Konpromisoak eta beste betebehar batzuk. 62. art. d) Sagarrondoetan eta gereziondoetan, izurriteak daudenean, Cydia Pomonella (carpocapsa) sagarrondoan eta Drosophila Suzukii gereziondoan, tratamendua egiten bada, tratamendu fitosanitarioen ordezko tratamendu batekin egin beharko da gutxienez.
Bigarren mailakoa (BI)	Konpromisoak eta beste betebehar batzuk. 62. art. e) Olibondo, sagarrondo eta gereziondoetan belatz gorrientzako edo/eta saguzarrentzako habiak jarri beharko dira, saguak kontrolatu eta izurriteak kontrolatzen laguntzeko.
Ez-betetzea izan den azaleraren arabera (IV. eranskina)	Konpromisoak eta beste betebehar batzuk. 62. art. f) Laguntzaren xede diren mahatsondo eta olibondoen eta sagarrondo eta gereziondoen landaketa zaharrak mantentzea. g) Mahasti, olibadi, sagasti eta gereziondo sailak laborantzarako baldintza egokietan mantentzea.

3. Beste konpromiso edo betebehar batzuk ez betetzeak, otsailaren 28ko 147/2023 Errege Dekretuaren 31. artikuluaren arabera, hartan ezartzen baitira Nekazaritza Politika Erkidearen Plan Estrategikoan jasotako esku-hartzeetan penalizazioak aplikatzeko arauak, IV. eranskinean deskribatutako penalizazioak ezartzea ekarriko du, baldin eta ez-betetzeak egiten diren azalera, guztira, ordainketetarako deklaratutako guztizko azaleraren % 20 baino handiagoa edo 0,1 ha baino handiagoa bada.

VIII. KAPITULUA.–6501.6 ABELTZAINTZA ESTENTSIBOA ETA HARAGIJALE HANDIAK BATERA EGOTEA

67. artikulua. Laguntzaren deskripzioa.

1. Kapitulu honetan araututako laguntzen bidez, abeltzaintza estentsiboaren eta haragijale handien arteko bizikidetza bultzatu nahi da.

2. Helburu nagusia da haragijale handien presentzia bateragarria izatea, batzuetan nekazaritzako eta abeltzaintzako aprobetxamenduekiko ondorio negatiboak dituzten interakzioak sortzen baitira; beraz, gatazkak gutxitu eta batera bizitzeko gaitasuna hobetu behar dira.

68. artikulua. Laguntza mota.

1. Laguntza urteko prima bat da ustiategi bakoitzeko (ardi/ahuntz aziendaren AzLU tarteak), larre aprobetxamendua estentsiboa bada, eta 5 urteko konpromisoko aldi luzagarria, hautatutako prebentzio neurriaren arabera, ustiategi horiek prestatuta egon daitezen haragijale handien arriskuaren aurrean.

2. Neurriak aplikatzeko lurralde eremua ustiategia dagoen Nafarroako eremuaren araberakoa izanen da:

–1., 2. eta 3. neurrien aplikazio eremua Nafarroako Foru Komunitatea da (udalerri guztiak).

–4. neurriaren eremua arrisku eremu bati dagokio, haren inguruko mugak direla Frantzia eta Aragoiko muga administratiboak, eta errepide hauek: NA-176 (Garde-Anso), NA-137 (Burgi-Izaba-Frantzia), NA-140 (Auritz-Izaba) eta NA-2011 (Iturzaetako lepoa). Arriskuko eremu hori aldian-aldian berrikusiko da eta Landa Garapeneko eta Ingurumeneko Departamentuak aldatzen ahalko du.

3. Kontuan hartu beharreko AzLUak SITRAN autonomikoko eta SITRAN nazionaleko datu-basean lau datetan erregistratutako balioen batezbestekoa izanen dira: urtarrilaren 1a, martxoaren 1a, apirilaren 30a eta eskaera bakarra aldatzeko epea bukatzen den eguna. Lekuan bertan egindako kontrolik bada, bertatik bertarako ikuskapenean zehaztutako AzLUak bakarrik hartuko dira kontuan laguntza kalkulatzeko.

4. Ustiategiaren guztizko transferentzia/titulartasun aldaketa kasuetan, edo abeltzaintza jardueran lehen aldiz sartzen diren titularren kasuan, AzLU onargarrien batez bestekoa kalkulatzeko, SITRAN Autonomikoan alta eman edo abeltzaintza ustiategiaren titulartasuna aldatu ondoren egindako irakurketak soilik hartuko dira kontuan. Horretarako, laguntza eskaera bakarra aurkeztu beharko dute epearen barnean, eta animaliek laguntza eskaera bakarraren aldaketak aurkezteko epea bukatu baino lehen egon beharko dute.

5. Deialdi honen xedeko dirulaguntzak norgehiagokako araubidearen bidez emanen dira eta eskaerak 74. artikuluan (hautapen irizpideak) adierazitako moduan lehenetsiko dira.

69. artikulua. Prebentzio neurriak.

Abian jar daitezkeen neurriak hauek dira:

1. neurria.–Geolokalizatzaileak.

Neurri honen funtsa da artalde bakoitzeko gutxienez geolokalizatzaile bat jartzea, aziendak non dauden zehazki jakiteak eragin positiboa baitu artaldeen kudeaketan, hainbat arrazoirengatik: animaliak lurraldean kokatzeko aukera ematen du, mugitu, lekualdatu edo zenbatu behar badira ere; animalia bati gerta dakizkiokeen gorabeheren berri ematen du, eta ustiategiko arduradunaren erabilera hobetzeko aukera ematen dio, animaliak zaindu eta babesteko neurriak hartzeko, kalte-ordainak, aseguruak, etab. Gaur egun, GPS-GSM teknologian oinarritutako gailu batzuek berehala eta modu nolabait ekonomikoan jakinarazten dute animaliaren kokapenari buruzko informazioa, eta are aziendaren egoera fisikoari buruzkoa ere.

2. neurria.–Gaua igarotzeko aldi baterako egiturak.

Aziendarentzako gaua igarotzeko aldi baterako egiturak paratzea da. Egitura horiek iragazgaitzak izan beharko dute basa-fauna barnealdera edo abereak kanporantz iragaten ez uzteko. Hesi elektrikoa izan behar dute.

3. neurria.–Zakur zaintzaileak.

Zakurrak erabiltzea da, aziendaren ondoan zaintzaile (Espainiako edo Pirinioetako mastina) eginkizuna bete dezaten. Kudeaketa tresna eraginkorra da artaldea ahalik eta ongien biltzeko eta animalia basatiek edo basati bihurtutakoek harrapa ez ditzaten. Mantentze lan egokiak ere bermatu beharko dira, beren funtzioa eraginkortasunez bete dezaten.

a) Artaldearekin batera gutxienez zaintza zakur bat izatea 15 AzLU-tik aurrera, eta aukeran beste bat 40 AzLU bakoitzeko, guztira 4 zakur, gehienez.

b) Azienda babesteko erabiliko den zakur arrazak lan lerroko mastina izan behar du (Espainiako mastina eta/edo Pirinioetako artzanora).

4. neurria.–Zaintza lanetan laguntzea alhatze estentsiboan, arrisku eremuetan.

Neurriaren funtsa da artzain bat kontratatzea (edo proportzioan dagokiona) aziendaren ondoan egon dadin, inguru horretan haragijale handiak egoteagatik sortutako gehiegizko lan erantsia konpentsatzeko. Abeltzaintza estentsiboaren funtsezko kudeaketa tresna da, bai artaldearen zaintzari eta gobernatzeari egiten dion ekarpenagatik, bai basa-animaliekiko eta basa-zakurrekiko interakzioak murrizten dituelako, eta orobat, beste arrisku batzuk ere gutxitzen dituelako (aziendak amiltzea, etab.).

70. artikulua. Dirulaguntzak hartzeko baldintzak.

Laguntzak emanen dira, soil-soilik, laguntzaren eskaera aldatzeko epea bukatzen den egunean ondoko baldintza hauek betetzen dituzten pertsonentzat/ustiategientzat; konpromisoak irauten duen epe osoan bete beharko dituzte.

a) Nafarroako Nekazaritzako Ustiategien Erregistroan inskribatuta dagoen abeltzaintzako ustiategia izatea.

b) Larre aprobetxamendu estentsibo baten titularra izatea (bazkalekuak deklaratzea eskaera bakarrean).

c) Basa-faunak eragindako intzidentziak estaliko dituen abeltzaintzako aseguru bat izan izatea kontratatuta, eskaera aurkezten den unean.

d) Gutxienez 15 AzLU-ko ardi/ahuntz azienda ustiategia izatea.

e) 4. neurriaren kasuan, arriskugarritzat deklaratutako eremu batean larratzen diren ustiategiak bakarrik onartuko dira. Gainerako neurrietarako, onargarriak dira Foru Komunitate osoko ustiategiak.

71. artikulua. Konpromisoak eta beste betebehar batzuk.

Eskatzaileek beren borondatez onartu beharko dituzte konpromiso hauek, hautatutako neurriaren arabera,bost urteko epe batez:

1. neurria.–Geolokalizatzaileak.

a) Larratze estentsiboan dauden aziendetan jarriko dira lepoko bati atxikitako GPS-GSM gailuak. Artaldeko GPS/GSM gailu bat gutxienez jarriko da, 15 eta 75 AzLU bitartean, eta 2 gailu, 75 AzLUtik goiti.

Laguntzaren xede diren geolokalizatzaile guztiek funtzionamendu egoera onean egon beharko dute 5 urteko epean. Hondatzen badira, konpondu edo berri batez ordeztu beharko dira, eta horren berri eman beharko da.

Nahitaez aurkeztu behar da geolokalizatzaile horiek neurriaren helburuak betetzen dituztela ziurtatzen duen aldeko txostena, Biodibertsitatearen eta Arrantza Kudeaketaren Zerbitzuak izendatutako teknikari eskudun batek egina.

b) Emakidak irauten duen bitartean, gutxienez, lehenengo urtean emandako AzLUen % 90 mantentzea.

c) Onartutako edo jasotako dirulaguntzei eta hartutako konpromisoei dagokienez, Landa Garapeneko eta Ingurumeneko Departamentuak egiten ahal dituen egiaztapen jarduketa guztiak onartzea.

d) Azienden lepoan ezarrita dauden aldi osoan, gailu horiek kokapenak igorriko dituzte, eta informazioa emateko maiztasuna egokia izan behar da artaldearen kokapena jakiteko, denbora-tarte askirekin, gobernatzeko edonolako jarduketa egin ahal izateko.

e) Ustiategiaren kudeatzaileak etenik gabe eta modu egiaztagarrian izanen du eskura GPS-GSM gailuak igortzen dituen kokapenen berri.

f) Basozainek izan behar dute geolokalizatzaileek arrisku aldietan sortzen dituzten mugimenduen berri jakiteko sarabidea.

Aurreko puntu guztiak egiaztatzeko, Biodibertsitatearen eta Arrantza Kudeaketaren Zerbitzuak izendatutako teknikari eskudun batek txostena aurkeztu beharko du, honako hauek egiaztatzeko:

–Zenbat geolokalizatzaile jartzen diren, horiek eramaten dituzten azienden zenbakia adieraziz.

–Erabilitako geolokalizatzaileen modeloa eta data.

2. neurria.–Gaua igarotzeko aldi baterako egiturak.

a) Gutxieneko 15 AzLU-tik aurrera ezartzen da.

b) Gaua pasatzeko erabiliko diren aldi baterako egiturak iragazgaitzak izanen dira, basa-fauna kanpotik barna sar ez dadin edo aziendak kanpora atera ez daitezen. Hesi elektrikoa izan behar dute.

Biodibertsitatearen eta Arrantza Kudeaketaren Zerbitzuak izendatutako teknikari eskudun batek emandako aldeko txostena aurkeztu beharko da, nahitaez, egitura horiek neurriaren helburuak betetzen dituztela ziurtatzeko.

Gainera, gaua igarotzeko egituren argazki geoerreferentziatuak aurkeztu beharko dira, b) apartatuan deskribatu diren ezaugarriak betetzen dituztela frogatzeko.

c) Emakidak irauten duen bitartean, gutxienez, lehenengo urtean emandako AzLUen % 90 mantentzea.

d) Onartutako edo jasotako dirulaguntzei eta hartutako konpromisoei dagokienez, Landa Garapeneko eta Ingurumeneko Departamentuak egiten ahal dituen egiaztapen jarduketa guztiak onartzea.

e) Neurri horiek nahitaez erabili behar dira, gauero-gauero, Landa Garapeneko eta Ingurumeneko Departamentuak haragijale handiak inguratzeko arrisku handiko aldiak deklaratzen dituenean.

f) Itxitura egoera onean mantendu behar da emakidak irauten duen bost urteetan, eraginkorra izan dadin.

Laguntzaren xede diren egitura guztiak, 5 urteko epean, baldintza egokietan mantendu beharko dira denbora horretan, eraginkorrak izan daitezen. Hondatzen badira, konpondu edo berri batez ordeztu egin beharko dira, eta horren berri eman beharko da.

3. neurria.–Zakur zaintzaileak.

a) Artaldearekin batera gutxienez zaintza zakur bat izatea 15 AzLU-tik aurrera, eta aukeran beste bat 40 AzLU bakoitzeko, guztira 4 zakur, gehienez.

b) Azienda babesteko erabiliko den zakurrak lan lerroko mastina arrazakoa izan behar du (Espainiako mastina eta/edo Pirinioetako artzanora).

Biodibertsitatearen eta Arrantza Kudeaketaren Zerbitzuak izendatutako teknikari eskudun batek egindako aldeko txostena aurkeztea nahitaezkoa da, zakur horiek neurriaren helburuak betetzen dituztela ziurtatzeko.

c) Emakidak irauten duen bitartean, gutxienez, lehenengo urtean emandako AzLUen % 90 mantentzea.

d) Onartutako edo jasotako dirulaguntzei eta hartutako konpromisoei dagokienez, Landa Garapeneko eta Ingurumeneko Departamentuak egiten ahal dituen egiaztapen jarduketa guztiak onartzea.

e) Zakurrak behar bezala mantenduko direla bermatu behar da, beren eginkizuna eraginkortasunez bete dezaten. Horretarako, artaldearen/ustiategiaren arduradunak bermatu behar du behar diren zainketak eta elikadura emanen zaizkiela.

Konpromiso hori egiaztatzeko Biodibertsitatearen eta Arrantza Kudeaketaren Zerbitzuak izendatutako teknikari eskudun batek egindako txostena aurkeztuko da.

Laguntzaren xede diren zakur guztiak bost urtez eduki beharko dira eta, zakurra eri dagoelako ordezten bada edo baja ematen bazaio, Landa Garapeneko eta Ingurumeneko Departamentuari jakinarazi beharko zaio.

4. neurria.–Artzain bat kontratatzea zaintza lanetan laguntzeko, arrisku eremuetan egiten den alhatze estentsiboa egiten den garaian.

a) Artzain laguntzaile bat izatea (edo proportzioan dagokiona), artaldearen ondoan egon dadin bazkalekuan, eta zaintza lanak egin ditzan, larratze estentsiboa arriskuko eremuan egiten den bitartean, maiatzaren 1etik urriaren 31ra, gutxienez 2 hilabetez eta gehienez 6 hilabetez. "Artzain" lana eginen duen pertsonaren lan kontratua aurkeztu beharko da, konpromisoak irauten duen urte guztietan.

Laguntza jaso ahal izateko, artaldeak gutxienez 45 egun igaro beharko ditu arrisku eremuan bazkatzen.

Lan kontratua aurkeztea nahitaezkoa da, gainerakoan, laguntzatik kanpo geratuko da. Kontratu hori aurkezteko epea eskaera bakarra aurkezteko epea irekitzen denean hasiko da, eskaera bakarra aldatzeko epea bukatu arte.

Artzain baten kontratuaren konpromisoa 5 urteko epean mantendu beharko da eta lan kontratuak urtero aurkeztuko dira.

Artzainak bi abeltzainentzat lan egiten badu, biek eskatuko dute Nekazaritza Politika Erkidearen laguntza, eta ustiategiaren tamainaren arabera eta bietako bakoitzak kontratatutako hilabeteen arabera kobratuko dute.

b) Emakidak irauten duen bitartean, gutxienez, lehenengo urtean emandako AzLUen % 90 mantentzea.

c) Onartutako edo jasotako dirulaguntzei eta hartutako konpromisoei dagokienez, Landa Garapeneko eta Ingurumeneko Departamentuak egiten ahal dituen egiaztapen jarduketa guztiak onartzea.

d) Artzainaren eguneroko lan erregistro bat bete eta entregatuko da, lanean hasteko eta bukatzeko orduak jasoz, eta artzainak dagokion ustiategian egin dituen eginkizun nagusiak azalduz.

Aipatu konpromisoez gain, artzainak beste lan batzuk ere egin beharko ditu:

–Artzainak abeltzainari lagundu beharko dio Landa Garapeneko eta Ingurumeneko Departamentuak, haragijale handiak egoteagatik, ezartzen dituen arrisku bereziko aldietan, hesi iraunkor edo mugigarriak jartzeko lanean, iragazgaitzak, basa-animaliak barnera edo aziendak kanpora igaro ez daitezen, eta orobat, azienda biltzen edo bazkaleku batetik bestera eramaten, inguruan haragijale handirik dagoen begiratzen, etab.

–Gainera, arrisku berezikotzat jotzen ez diren aldietan, artzainak ustiategiari dagozkion zereginetan lagundu beharko du, hala nola ugalketa-gaietan, patologietan, elikaduran edo abeltzainak beharrezkotzat jotzen duen beste edozein lan arlo edo eginkizunetan.

Arriskuko eremu hori aldian-aldian berrikusiko da eta Landa Garapeneko eta Ingurumeneko Departamentuak aldatzen ahalko du.

72. artikulua. Araubidean sartzea eta laguntzaren zenbatekoa.

1. Laguntzaren araubidean sartzeko eskaerak laguntzen eskaera bakarrean aurkeztuko dira. 70. artikuluan ezarritako onargarritasun baldintzak betetzen dituzten pertsonei / ustiategiei 5 urterako urteko laguntza ematen ahalko zaie; urte gehiagoz luzatzen ahalko da. Laguntza eskaerak ebaluatuko dira, eta organo eskudunak onartu edo ukatuko ditu 6 hilabeteko epean, ebazpen baten bidez. Epe hori igarota, administrazioaren isiltasunez ezetsitzat joko dira.

2. Konpromisoko urte bakoitzean aukeratutako neurriaren arabera, zenbateko unitario hauek aplikatuko dira:

1. neurria.–Geolokalizatzaileak:

248 euro / ustiategia, 15 eta 75 AzLU bitartean.
496 euro / ustiategia 75 AzLUtik goiti.

2. neurria.–Gaua igarotzeko behin-behineko egiturak:

600 euro / ustiategia 15 AzLUtik goiti.

3. neurria.–Zakur zaintzaileak:

705 euro / ustiategia, 15 AzLU-tik goiti, mastin batekin.
1.410 euro / ustiategia, 55 AzLU-tik goiti, bi mastinekin.
2.115 euro / ustiategia 95 AzLU-tik goiti, hiru mastinekin.
2.820 euro / ustiategia 135 AzLU-tik goiti, lau mastinekin.

4. neurria.–Artzain bat kontratatzea zaintza lanetan laguntzeko, alhatze estentsiboa arrisku eremuetan egiten den garaian. Ohiko artzaintza estentsiboa arrisku eremuetan mantentzea:

18.000 euro / ustiategia 300 AzLUtik goiti.
12.000 euro / ustiategia 150 eta 300 AzLU bitartean.
9.000 euro / ustiategia 100 eta 150 AzLU bitartean.
6.000 euro / ustiategia 15 eta 100 AzLU bitartean.

3. Oinarri arautzaileetan 4. neurrirako ezarritako prima oinarrituta dago artzain baten lanaldi osoko kontratazioan 6 hilabeterako. Beraz, kontratua denbora laburragokoa bada, ezarritako primaren zati proportzionalaren arabera eman eta ordainduko da, AzLU kopuruen arabera.

4. Emakidaren zenbatekoa hautatutako neurriaren eta laguntza ematen den kanpainan ustiategiak duen AzLU-en araberakoa izanen da, administrazio kontrolak eta tokian bertakoak egin ondoren eta penalizazioak aplikatu aurretik.

5. Onuradun bakoitzari emaniko laguntzaren zenbateko osoa gehieneko muga izanen da, konpromisoaldiaren hurrengo urteetan kobratzeko eskaerari aplikatzeko orduan.

73. artikulua. Urteroko ordainketen eskaerak.

1. 5 urterako laguntzaren onuradun diren pertsonek / ustiategiek urtero eskatu behar dute hura ordaintzeko, laguntzaren eskaera bakarraren bidez. Laguntza jasotzeko, 70. artikuluko baldintzak eta 71. artikuluko konpromisoak eta beste baldintza batzuk bete beharko dituzte.

2. Ordainketaren zenbatekoa hautatutako neurriaren eta laguntza ematen den kanpainan ustiategiak duen AzLU-en araberakoa izanen da, kasuan kasuko kontrol administratibo eta landa kontrol guztiak egin ondoren, legedian jasotako penalizazioak aplikatu ondoren, urte bakoitzerako emandako zenbatekoa urte horretan gainditu gabe.

3. Ordainketa laguntza eskatzen den urteko abenduaren 15a baino lehen eginen da.

74. artikulua. Bateraezintasunak eta hautaketa irizpideak.

1. Laguntza hau ez da bateraezina NPEren Plan Estrategikoan (NPEPE) sartutako gainerako esku-hartzeekin.

a) Ustiategiko larreen portzentajea arrisku eremuan

ARRISKU EREMUKO LARREEN %	PUNTUAZIOA
≥ %50	30 puntu
≥ %25 eta < %50	20 puntu
> %0 eta < %25	10 puntu
%0	0 puntu

b) Natura 2000 Sarean sartutako azaleraren portzentajea

NATURA 2000 SAREAN SARTZEN DEN AZALERA (%)	PUNTUAZIOA
≥ %50	20 puntu
> 0 eta < 50	10 puntu
%0	0 puntu

c) Ustiategi bakoitzean hartutako neurrien kopurua

HARTUTAKO NEURRIEN KOPURUA	PUNTUAZIOA
3 edo 4 neurri	50 puntu
2 neurri	40 puntu
1 neurri	30 puntu

Eskaera batek laguntza jaso ahal izateko gutxieneko puntuazioa 30 puntukoa da.

Espedienteen artean puntu-berdinketa badago, berdinketa hausteko irizpide hauek hartuko dira kontuan, adierazitako ordenan:

1. Ustiategian dauden azienda buruen kopurua.

2. Ustiategiko larreen portzentajea arrisku eremuan.

75. artikulua. Ez-betetzeen mailaketa.

1. 70. eta 71. artikuluetan zehaztatutako betebeharren eta konpromisoen ez-betetzeen sailkapena honako taula honetan ezartzen dira, eta haiei dagokien zehapena, III. eta IV. eranskinetan.

EZ-BETETZE MOTA

Baztertzailea (Bazt.)

Dirulaguntzak hartzeko baldintzak. 70. artikulua.

a) Nafarroako Nekazaritzako Ustiategien Erregistroan inskribatuta dagoen abeltzaintzako ustiategia izatea.

b) Larre aprobetxamendu estentsibo baten titularra izatea (bazkalekuak deklaratzea eskaera bakarrean).

c) Basa-faunak eragindako intzidentziak estaliko dituen abeltzaintzako aseguru bat izan izatea kontratatuta, eskaera aurkezten den unean.

d) Gutxienez 15 AzLU dituen ardi/ahuntz azienden ustiategia izatea.

e) 4. neurriaren kasuan, arriskuko eremu deklaratuan dauden ustiategiak bakarrik onartuko dira. Gainerako neurrietarako, onargarriak dira Foru Komunitate osoko ustiategiak.

Konpromisoak eta beste betebehar batzuk. 71. artikulua.

1. neurria.–Geolokalizatzaileak.

a) Larratze estentsiboan dauden aziendetan jarriko dira lepoko bati atxikitako GPS-GSM gailuak. GPS/GSM gailu bat gutxienez jarriko da 15 eta 75 AzLU bitarteko artaldean, eta 2 gailu, 75 AzLU-tik goiti.

Geolokalizatzaile horiek neurriaren helburuak betetzen dituztela ziurtatzen duen teknikari eskudun batek emandako aldeko txostena aurkeztea nahitaezkoa da.

c) Onartutako edo jasotako dirulaguntzei eta hartutako konpromisoei dagokienez, Landa Garapeneko eta Ingurumeneko Departamentuak egiten ahal dituen egiaztapen jarduketa guztiak onartzea.

2. neurria.–Gaua igarotzeko behin-behineko egiturak.

a) Gutxieneko 15 AzLU-tik goiti ezartzen da.

b) Gaua pasatzeko erabiliko diren behin-behineko egiturak iragazgaitzak izanen dira, basa-fauna kanpotik barna sar ez dadin edo aziendak kanpora atera ez daitezen. Hesi elektrikoa izan behar dute.

Egitura horiek neurriaren helburuak betetzen dituztela ziurtatzen duen teknikari eskudun batek emandako aldeko txostena aurkeztea nahitaezkoa da. Gainera, gaua igarotzeko egituren argazki georreferentziatuak aurkeztu beharko dira, b) apartatuan azaldutako ezaugarriak betetzen dituztela erakusteko.

d) Onartutako edo jasotako dirulaguntzei eta hartutako konpromisoei dagokienez, Landa Garapeneko eta Ingurumeneko Departamentuak egiten ahal dituen egiaztapen jarduketa guztiak onartzea.

3. neurria.–Zakur zaintzaileak.

a) Artaldearekin batera gutxienez zaintza zakur bat izatea 15 AzLU-tik aurrera, eta aukeran beste bat 40 AzLU bakoitzeko, guztira 4 zakur, gehienez.

b) Azienda babesteko erabiliko den zakurrak lan lerroko mastina izan behar du (Espainiako mastina edo Pirinioetako mastina).

Zakur horiek neurriaren helburuak betetzen dituztela ziurtatzen duen teknikari eskudun batek emandako aldeko txostena aurkeztea nahitaezkoa da.

d) Onartutako edo jasotako dirulaguntzei eta hartutako konpromisoei dagokienez, Landa Garapeneko eta Ingurumeneko Departamentuak egiten ahal dituen egiaztapen jarduketa guztiak onartzea.

4. neurria.–Artzain bat kontratatzea zaintza lanetan laguntzeko, alhatze estentsiboa arrisku eremuetan egiten den garaian.

a) Artzain laguntzaile bat izatea (edo proportzioan dagokiona), artaldearen ondoan bazkalekuetan egon dadin eta zaintza lanak egin ditzan, larratze estentsiboan daudenean, maiatzaren 1etik urriaren 31 arte. "Artzain" lana eginen duen pertsonaren lan kontratua aurkeztu beharko da, konpromisoak irauten duen urte guztietan.

c) Onartutako edo jasotako dirulaguntzei eta hartutako konpromisoei dagokienez, Landa Garapeneko eta Ingurumeneko Departamentuak egiten ahal dituen egiaztapen jarduketa guztiak onartzea.

Oinarrizkoa (O)

Konpromisoak eta beste betebehar batzuk. 71. artikulua.

1. neurria.–Geolokalizatzaileak.

b) Emakidak irauten duen bitartean, gutxienez, lehenengo urtean emandako AzLUen % 90 mantentzea.

2. neurria.–Gaua igarotzeko behin-behineko egiturak.

c) Emakidak irauten duen bitartean, gutxienez, lehenengo urtean emandako AzLUen % 90 mantentzea.

3. neurria.–Zakur zaintzaileak.

c) Emakidak irauten duen bitartean, gutxienez, lehenengo urtean emandako AzLUen % 90 mantentzea.

4. neurria.–Artzain bat kontratatzea zaintza lanetan laguntzeko, alhatze estentsiboa arrisku eremuetan egiten den garaian.

b) Emakidak irauten duen bitartean, gutxienez, lehenengo urtean emandako AzLUen % 90 mantentzea.

Nagusia (N)

Konpromisoak eta beste betebehar batzuk. 71. artikulua.

1. neurria.–Geolokalizatzaileak.

e) Ustiategiaren kudeatzaileak etenik gabe eta modu egiaztagarrian izanen du eskura GPS-GSM gailuak igortzen dituen kokapenen berri.

f) Basozainek arrisku aldietan geolokalizatzaileek sortzen dituzten mugimenduak jakiteko modua izanen dute.

2. neurria.–Gaua igarotzeko behin-behineko egiturak.

e) Neurri horiek nahitaez erabili behar dira, gauero-gauero, Landa Garapeneko eta Ingurumeneko Departamentuak haragijale handiak inguratzeko arrisku handiko aldiak deklaratzen dituenean.

f) Itxitura egoera onean mantendu behar da emakidak irauten duen bost urteetan, eraginkorra izan dadin.

3. neurria.–Zakur zaintzaileak.

4. neurria.–Artzain bat kontratatzea zaintza lanetan laguntzeko arrisku eremuetan egiten den alhatze estentsiboan.

d) Artzainaren eguneroko lan erregistro bat bete eta entregatuko da, lanean hasteko eta bukatzeko orduak jasoz, eta artzainak dagokion ustiategian egin dituen eginkizun nagusiak azalduz.

3. Beste konpromiso edo betebehar batzuk ez betetzeak, otsailaren 28ko 147/2023 Errege Dekretuaren 31. artikuluaren arabera, hartan ezartzen baitira Nekazaritza Politika Erkidearen Plan Estrategikoan jasotako esku-hartzeetan penalizazioak aplikatzeko arauak, IV. eranskinean deskribatutako penalizazioak ezartzea ekarriko du, baldin eta ez-betetzeak egiten diren azalera, guztira, ordainketetarako deklaratutako guztizko azaleraren % 20 baino handiagoa edo 0,1 ha baino handiagoa bada.

III. TITULUA.–6503 ESKU-HARTZEA - NEKAZARITZA EKOLOGIKOA

76. artikulua. Laguntzaren deskripzioa.

1. Produkzio ekologikoa nekazaritzako kudeaketarako eta elikagaien produkziorako sistema orokor bat da, ondokoak biltzen dituena: jardunbide egokienak ingurumenaren arloan, biodibertsitate maila altua, baliabide naturalen babesa eta animalien ongizateari buruzko arau zorrotzen aplikazioa. Halaber, nekazaritza ekologikoak oinarri ditu tokiko nekazaritza sistemetan integratutako baliabide berriztagarriak.

2. Produktu ekologikoen merkatua handitzen ari da; hala ere, haien kostu handiagoak eta produkzio txikiagoa ez dira guztiz berdintzen azken kontsumitzaileek ordaintzen duten prezioaren bidez. Beraz, sektorearen aurrerapena ekarriko duten baldintzak sustatu behar dira, produkzioaren eta merkatuaren bilakaerarekin bat.

3. Espainiako NPEren Plan Estrategiko berriaren proposamenak (NPEPE 2023-2027), Landa Garapeneko esku-hartzeen artean, "ingurumen eta klima arloko konpromisoak betetzeagatiko konpentsazioa" jasotzen du, eta horietako bat da ekoizpen ekologikoari dagokiona. Laguntzak kudeatzeari dagokionez, komeni da bereiztea "Nekazaritza ekologikoaren metodoak eta praktikak aldatzea" neurrian dauden azalerak eta "Nekazaritza ekologikoaren metodoak eta praktikak mantentzea" neurrian daudenak, 5. artikuluan jasotako definizioen arabera.

77. artikulua. Laguntza mota.

1. Laguntza hektarea bakoitzeko urteko prima bat da, produkzio ekologikoan dauden lurzatien azalera hautagarriaren arabera eta eskaera egiten den urtean dauden laborantza taldeen arabera, titulu honetan definitzen baitira, 5 urteko konpromisoaldiarekin; urte gehiagoz luzatzen ahal da.

2. Titulu honen 78. artikuluan jasotzen diren onargarritasun baldintzak betetzen dituzten pertsonei / ustiategiei emanen zaizkie laguntzak.

3. Laguntzak emateko prozedura norgehiagokako araubideari jarraikiz tramitatuko da.

78. artikulua. Dirulaguntzak hartzeko baldintzak.

1. Laguntzak emanen dira, soil-soilik, laguntzaren eskaera aldatzeko epea bukatzen den egunean ondoko baldintza hauek betetzen dituzten pertsonentzat/ustiategientzat; gainera, konpromisoak irauten duen bitartean ere bete beharko dituzte:

a) Nafarroako Nekazaritzako Produkzio Ekologikoaren Kontseiluaren (CPAEN/NNPEK) lizentzia izatea, edo kontrol ofizialeko lanak egiteko ahalmena izan duen beste agintaritza edo kontrol erakunderen batek emandako lizentzia, eskaera bakarra aldatzeko epea amaitzen den egunean, inskribatutako ekoizpen unitateak (azalerak eta animaliak) eskatzailearen izenean jarrita.

b) Laguntzaren araubideari atxikitzeko eskatzea, ustiategi ekologikoaren lurzatiak zehaztuta, eta nekazaritza ekologikoan aritzeko konpromisoa hartzea, bat etorriz Produktu ekologikoak ekoizteari eta etiketatzeari buruz Europako Parlamentuak eta Kontseiluak 2018ko maiatzaren 30ean emandako 2018/848 (EB) Erregelamenduan eta 13/2023 Foru Dekretuan xedatutakoarekin (haren bidez arautzen dira Nafarroako Foru Komunitatean nekazaritzako ekoizpen ekologikoa eta haren azalpena nekazaritza eta elikadurako produktuetan) 5 urteko epean gutxienez, eraldatze prozesuari dagozkionak barne.

c) Nafarroako Foru Komunitateko lurzatiak produkzio ekologikorako erabiltzea, labore mota hauekin:

1.–Urteko labore belarkarak eta urte anitzeko bazka-laboreak, lehorreko laborantzan. Lehorreko laborantzan, hektarea bakoitzeko 2,2 tonako errendimendua edo txikiagoa duten udalerriak, produkzioa eskualdekatzeko indarrean den planaren arabera.

2.–Urteko labore belarkarak, lehorreko laborantzan. Lehorreko laborantzan, hektarea bakoitzeko 2,2 tona baino gehiagoko errendimendua duten udalerriak.

3.–Labore belarkarak, sail ureztatuan.

4.–Urte anitzeko bazka-laboreak, lehorreko laborantzan. Lehorreko laborantzan, hektarea bakoitzeko 2,2 tona baino gehiagoko errendimendua duten udalerriak

5.–Urte anitzeko bazka-laboreak, sail ureztatuan.

6.–Landare aromatikoak, sendabelarrak eta tindatzekoak.

7.–Arroza.

8.–Barazkiak aire zabalean

9.–Barazkiak berotegian

10.–Fruitu oskoldunak.

11.–Ardotarako mahatsa.

12.–Olibondoa.

13.–Fruta-arbolak.

14.–Abeltzaintza ekologikorako ustiategi baten larreak, ondoko espezietarako:

–Behi azienda, zezenketakoa izan ezik.

–Ardi azienda.

–Ahuntz azienda.

–Behor azienda, haragitarakoa.

2. Laguntza hauetatik kanpo daude:

a) 2018/848 (EB) Erregelamenduko 9. artikuluko 7. apartatuko b) letraren arabera, baimenik gabe eta justifikaziorik gabe ekoizpen paraleloa detektatu den laboreak.

b) "Nekazaritza ekologikora aldatzeko" laguntzetatik bazterturik daude aurreko aldian "nekazaritza ekologikoa" eta/edo "abeltzaintza ekologikoa" neurrietako laguntzak jaso eta Nafarroako ziurtapen ekologikorako erakunde ofizialean zuten inskripzioa deuseztatu zituzten lurzatiak. Emakida kalkulatuko zaie lurzati horiei eta, aldatzeko aldia gainditu ondoren, nekazaritza ekologikoaren metodo eta jarduketak kontserbatzeagatik ematen den ordainketa onartuko zaie. Bazterketa hori ez da gertatuko lurzatien zati bat edo ustiategi osoa salerosi, eskualdatu edo errentan hartzen diren kasuan.

c) Lursaila zaindu, egoera onean mantendu edo emankortasuna hobetzeko lanik egiten ez den lursailak, eta halaber herrilurretako larreen bazka-eremuak ere.

3. Lugorriak ez du laguntza zenbatekorik sortzen; hala ere, kontuan hartuko da azaleraren % 90 gutxienez mantentzeko konpromisoa betetzeko unean.

79. artikulua. Konpromisoak eta beste betebehar batzuk.

Neurri honi atxikitzen zaizkion pertsonek / ustiategiek ondoko konpromisoak eta baldintzak bete beharko dituzte, gutxienez 5 urtez:

a) Urtero, kanpainaren eskaera bakarrean, laguntzaren urteko ordainketa eskatzea, Europako Parlamentuaren eta Kontseiluaren 2021/2115 (EB) Erregelamenduan xedatutakoaren arabera, deialdien ezartzen diren lekuan, forman eta epean. Urtero ustiategiko lurzatiak adieraziko dira, produkzio ekologikorako erabiltzen eta laguntzaren urteko ordainketaren xede direnak azalduz.

b) Europako Parlamentuak eta Kontseiluak 2018ko maiatzaren 30ean emandako 2018/848 (EB) Erregelamenduan produkzio ekologikorako ezarritako metodoak aplikatzea, neurri honen xedeko produkzio unitateetan (azalerak eta aziendak), eta Nafarroako ziurtapen erakundearen (NPPEK) ziurtagiria lortzea.

c) Ziurtapen erakundearen gomendioei jarraitzea, arau ekologikoak betetzen ez badira. Egindako gomendioak betetzen direla egiaztatuko da.

d) Laguntza jaso duen azaleraren % 90 gutxienez mantentzea produkzio ekologikoan.

e) Onartutako edo jasotako dirulaguntzei eta hartutako konpromisoei dagokienez, Landa Garapeneko eta Ingurumeneko Departamentuak egiten ahal dituen egiaztapen jarduketa guztiak onartzea. Horretarako, baimena eman beharko zaie ikuskatzaileei eta ziurtatu eta kontrolatzeko agintariei lurzatietan eta ustiategiei loturiko instalazioetan askatasun osoz sartzeko.

f) Laguntza horri buruz foru agindu honen II. eranskinean jasotako oinarrizko lerroko konpromisoak betetzea.

g) Aldatzeko aldia bukatu ondoren, neurri honen xede diren produkzio unitateak mantentzea ustiategiaren barnean, produkzio ekologikoaren metodoak erabiliz haietan.

h) Bai larre iraunkorrak, bai larratzeko bazka-azalera ekologikoak ere, ustiategi horretako azienda ekologikoak bazkatzeko aprobetxatuko dira.

i) Bazka-azaleren aprobetxamendu estentsiboa mantentzea urteko azienda-karga egoki baten bidez (1,5 AzLU eta 0,4 AzLU bitarteko karga hektareako). Azienda-karga hori kalkulatzeko, ustiategiko azienda ekologiko estentsiboaren AzLUekin baimendutako bazka-azalera ekologikoa eta larre-azalera hartuko dira kontuan. SITRAN Autonomikoaren eta SITRAN Nazionalaren datu-basean lau egunetan kontabilizatutako AzLU onargarrien batezbestekoa hartuko da kontuan: urtarrilaren 1a, martxoaren 1a, apirilaren 30a eta eskaera bakarra aldatzeko epea bukatzen den eguna.

Ustiategiaren guztizko transferentzia/titulartasun aldaketa kasuetan, edo abeltzaintza jardueran lehen aldiz sartzen diren titularren kasuan, AzLU onargarrien batez bestekoa kalkulatzeko, SITRAN Autonomikoan alta eman edo abeltzaintza ustiategiaren titulartasuna aldatu ondoren egindako irakurketak soilik hartuko dira kontuan. Horretarako, laguntza eskaera bakarra aurkeztu beharko dute epean, eta aziendak han izan behar dira, laguntza eskaera bakarraren aldaketak aurkezteko epea bukatu baino lehen.

Tokian berean egindako kontrolik bada, abeltzaintzako karga kalkulatzeko, landa-ikuskapenean zehaztutako azalera eta AzLUak bakarrik hartuko dira kontuan.

j) Nekazaritzako ekoizpen prozesu osoan, metodo ekologikoak erabili behar dira, azken kontsumitzailearentzako merkaturatzeko edo industria eraldatzailearentzako produktu egokia lortu arte.

Hazteko abeltzaintza ekologikoaren kasuan, aldatzeko aldia gainditu ondoren, eskatzen da hiltzeko edo gizentzeko azken ekoizle ekologiko bati saltzea ondoko proportzioan:

–Haragitarako behi eta behorren produkzioan, 0,25 azienda, 36 hilabetetik gorako eme bakoitzeko eta urteko. Betizu behi arrazarako, koefiziente hori 0,20ra murrizten da.

–Haragitarako ardi eta ahuntzen produkzioan, ugalketarako den eme bakoitzeko eta urteko 0,40 azienda.

–Esnetarako behi aziendaren kasuan, eskatzen den gutxieneko produkzioa eta salmenta da 3.000 kg esne 24 hilabetetik gorako eme bakoitzeko eta urteko.

–Esnetarako ardi eta ahuntz aziendaren kasuan, 60 eta 100 litro, hurrenez hurren, ugalketarako den eme bakoitzeko eta urteko.

–Gizentzeko abeltzaintza ekologikoaren kasuan, eskatzen da hiltzeko saltzea urtean saldutako abereen % 50 edo gehiago.

Portzentaje horiek lortzen ez badira, konpromisoa betetzen ahalko da, baldin eta merkaturatutako batez bestekoarekin lortzen bada, aurreko urteetako soberakinak kontuan hartuta.

k) Justifikaziorik gabe ez aritzea produkzio paraleloan. Nekazaritza eta/edo abeltzaintza ustiategi guztia ekoizpen ekologikoari aplikatzen ahal zaizkion baldintzen arabera kudeatuko da. Hala ere, ustiategi bat banatzen ahalko da ekoizpen ekologikoko edo ez-ekologikoko unitateetan, modu argi eta eraginkorrean bereizita, baldin eta:

1.–Animaliei dagokienez, espezie desberdinak badira.

2.–Landareei dagokienez, espezie desberdinak badira, kasu hauetan izan ezik:

–Ardogintzarako mahastia: kolore desberdineko barietateak soilik baimendu.

–Fruta-arbolak eta barazkiak: kolore, tamaina edo forma desberdineko barietateak soilik baimendu, kontsumitzaileak begiz erraz bereizten ahal dituenak.

l) Ustiategiko koadernoa eguneraturik edukitzea, non laborantza lan guztiak adieraziko baitira.

m) Nekazaritzako ekoizpen prozesu osoan, metodo ekologikoak erabili behar dira, azken kontsumitzailearentzako merkaturatzeko edo industria eraldatzailearentzako produktu egokia lortu arte. Nekazaritzako lurzatien kasuan, landutako lurzatietako uzta biltzea nahitaezkoa da. Urte anitzeko landaketetan, laborantza ekoizpenean sartu arte, baldintza hori betetzat joko da baldin eta egiaztatzen bada landaketan nekazaritza jarduerarik badela.

n) Nekazaritza jarduera eskualdeko baldintza normaletan egin behar da, nahitaez, laguntzaren xede diren lurzati guztietan.

80. artikulua. Araubidean sartzea eta laguntzaren zenbatekoa.

1. Laguntzaren araubidean sartzeko eskaera laguntzen eskabide bakarraren bidez eginen da. Onargarritasun baldintzak betetzen dituzten eta titulu honetan ezartzen diren konpromisoei atxikitzen zaizkien eskaerei 5 urterako urteko laguntza ematen ahalko zaie; urte gehiagoz luzatzen ahalko da. Laguntzaren eskabideak ebaluatuko dira, eta organo eskudunak onartu edo ukatuko ditu 6 hilabeteko epean, ebazpen baten bidez. Epe hori igarota, eskaera ezetsitzat joko da.

2. Ordainketen degresibitatea

Kontuan hartuta ustiategi bakoitzak jasaten dituen kostu unitarioak eta eskulanaren kostuak gutxitzen direla ustiapenaren azalera handitu ahala, eta tamaina hori ekoizpenaren orientazioaren arabera aldatzen dela, planteatu da zenbait modulazio aplikatzea ustiategiei, hau da, azaleraren atalase bat ezartzea, prima doitu batekin, lehen deskribatutako kostu txikiagoak zuzenduko dituena.

Ustiategiaren tamainaren eta ekoizpenaren orientazioaren arabera egindako analisian oinarrituta, azalera-atalase bat aplikatzen da labore talde bakoitzeko; atalase horretara arteko hektareak ordainduko dira labore talde bakoitzaren zenbateko unitarioaren edo primaren % 100ean. Gainerako azaleran, atalase horretatik goiti, zenbateko unitarioaren edo primaren % 50 ordainduko da:

LABORANTZA MOTA	ATALASEA (hektarea)
1. Urteko labore belarkarak eta urte anitzeko bazka-laboreak. Lehorreko lurrak, ≤ 2,2 t/ha	100
2. Urteko labore belarkarak. Lehorreko lurrak > 2,2 t/ha	50
3. Labore belarkara ureztatuak	40
4. Urte anitzeko bazka-laboreak. Lehorreko lurrak > 2,2 t/ha	65
5. Urte anitzeko bazka-labore ureztatuak	55
6. Landare usaintsuak, sendabelarrak eta tindatzekoak.	40
7. Arroza	30
8. Barazkiak aire zabalean.	15
9. Barazkiak berotegian	8
10. Fruitu oskoldunak	40
11. Ardotarako mahatsa	23
12. Olibondoak	23
13. Fruta-arbolak	15
14. Ustiategi bateko larratzeak nekazaritza ekologikoan	50

3. Laguntzaren zenbatekoa.

Deialdi honetan emandako laguntzei zenbateko unitario hauek aplikatuko zaizkie.

LABORANTZA MOTA	ZENBATEKO UNITARIOAK mantentze aldian (euroak/ha)	ZENBATEKO UNITARIOAK aldaketa aldian (euroak/ha)
Urteko labore belarkarak eta urte anitzeko bazka-laboreak. Lehorreko lurrak ≤ 2,2 t/ha	95,32	114,38
Urteko labore belarkarak. Lehorreko lurrak > 2,2 t/ha	196,20	235,44
Labore belarkara ureztatuak	246,46	295,75
Urte anitzeko bazka-laboreak. Lehorreko lurrak > 2,2 t/ha	149,70	179,64
Urte anitzeko bazka-labore ureztatuak	179,78	215,74
Landare usaintsuak, sendabelarrak eta tindatzekoak.	236,74	284,09
Arroza	310,47	372,56
Barazkiak aire zabalean	668,03	801,64
Barazkiak berotegian	1.249,84	1.499,81
Fruitu oskoldunak	236,25	283,50
Ardotarako mahatsa	429,30	515,16
Olibondoa	428,91	514,69
Fruta-arbolak	695,50	834,60
Abeltzaintza ekologikoak larratzean aprobetxatutako bazkaleku iraunkorrak.	205,50	246,60

4. Ustiategiak eraldaketa-aldian ari diren lurzatiak baditu, ulertuko da labore bat labore mota batzuei dagokiela, eraldatze edo mantentze aldian badago. Titular bakoitzaren laguntza kalkulatuko da "aldatzen" ari diren azaleretarako, ziurtapen erakundeak izendatutako lurzatiak kontuan hartuta, eta lurzatiek aldatze egoeran egon behar duten kanpainetarako. Halaber, "mantentzen" ari diren azaleretarako, kanpaina bakoitzerako kalkulatuko da, egoeran horretan dauden lurzatiak kontuan hartuta, baita aldatzeko aldia gainditu dutenak ere.

5. Espediente bakoitzari emaniko laguntzaren zenbateko osoa gehieneko muga izanen da, konpromisoaldiaren hurrengo urteetan kobratzeko eskaerari aplikatzeko orduan.

6. "Abeltzaintza ekologikoa larratuta aprobetxatzen diren larre iraunkorrak" izeneko labore taldeko larre iraunkorren azalera ustiategiko bertako azienda ekologikoa elikatzeko erabili behar da, eta diruz lagundu daitezkeen hektareek ez dute gainditzen ahalko ustiategiko AzLU ekologikoen balioa. Horiek izanen dira SITRAN Autonomikoaren eta SITRAN Nazionalaren datu-basean kontabilizatzen diren AzLU onargarrien batez bestekoa lau egunetan: urtarrilaren 1a, martxoaren 1a, apirilaren 30a eta eskaera bakarra aldatzeko epea bukatzen den eguna.

Ustiategiaren guztizko transferentzia/titulartasun aldaketa kasuetan, edo abeltzaintza jardueran lehen aldiz sartzen diren titularren kasuan, AzLU onargarrien batez bestekoa kalkulatzeko, SITRAN Autonomikoan alta eman edo abeltzaintza ustiategiaren titulartasuna aldatu ondoren egindako irakurketak soilik hartuko dira kontuan. Horretarako, laguntza eskaera bakarra aurkeztu beharko dute epearen barnean, eta animaliek laguntza eskaera bakarraren aldaketak aurkezteko epea bukatu baino lehen egon beharko dute bertan.

Tokian berean egindako kontrolik bada, bertatik bertarako ikuskapenean zehaztutako AzLUak bakarrik hartuko dira kontuan laguntza kalkulatzeko.

Larre iraunkorrez besteko bazka-azalera dagokion eran deklaratuko da 1., 4. eta/edo 5. labore taldeetan, eta ez dago AzLU akotazioaren mende, baina kontuan hartzen ahalko da azienda-karga kalkulatzeko.

7. Lugorria baldin bada emakidaren urteko lehorreko belarkietarako deklaratutako azaleraren erdia baino gehiago, hori kontuan hartuko da konpromisoaren azalera eta urteko gehieneko zenbatekoa zehazteko unean, betiere, laguntzaren emakidaren xede den azalerak labore mota horretako lur azalera osoaren % 50 gainditu gabe.

8. Eskaeraren urtean lurzatiak berrantolatzeko prozesuan dauden eta laborea ezinezkoa duten udalerrien kasuan, laguntzaren zenbatekoa kalkulatzeko, erreferentzia hartuko da berrantolatze prozesuaren hasieraren aurreko urteko laborantzen aitorpena.

9. Ez da emanen 300 eurotik beherako emakidarik.

10. Ustiategi bakoitzeko ordainduko den gehieneko zenbatekoa 30.000 eurokoa izanen. Sozietateen kasuan, degresibitatearen atalaseak eta ustiategi bakoitzeko gehieneko zenbatekoa handituko dira, bazkideen kopurutik biderkatuta, gehienekoa 2 izanen dela.

81. artikulua. Urteroko ordainketen eskaerak.

1. Urteko ordainketaren eskaera laguntzen eskaera bakarraren bidez eginen da; han aitortuko dira titulu honetan aipatutako konpromisoak mantenduko diren SIGPAC partzelak edo barrutiak, nekazaritza ekologikorako laguntza zein laboretarako eskatzen den adierazita.

2. Urte bateko laboreen kasuan, urteko ordainketaren eskaera aurkeztu beharko da laborea ezartzen den urte berean.

3. Urteko ordainketa kalkulatuko da kanpaina horretan deklaratutako laboreen arabera (degresibitatea aplikatuta) eta foru agindu honen titulu honetan ezarritako labore moten zenbatekoaren arabera, kanpaina horretarako emandako laguntzaren mugaraino.

4. Ordainketa laguntza eskatu eta hurrengo urteko ekainaren 30a baino lehen eginen da.

82. artikulua. Bateraezintasunak eta hautaketa irizpideak.

1. Laguntza bateraezina da NPEPE esku-hartze hauekin:

a) Larratzeko bazkaren multzorako abeltzaintzako sistema jasangarriak.

b) Hazitarako patataren ingurumen nekazaritzako ekoizpenerako laguntza.

c) "Lugorriak estepako hegaztientzat" laguntzaren zereal alorretako zerrenda edo unadetako azalerak; hala ere, azalera hori baliagarria izan daiteke "nekazaritza ekologikoa" laguntzaren konpromisoko azalera kalkulatzeko.

d) Ekintza planetan, programa operatiboetan eta neurri espezifikoetan konpromiso berak edo antzekoak biltzen dituzten laguntzekin.

2. 2024 kanpainarako eta hurrengoetarako laguntzak kalkulatzeko, ondoko hautapen irizpide hauen baremazioa aplikatuko da, eskaera bakarra aldatzeko epearen azken egunean espedientean ageri diren datuak kontuan hartuta.

a) Ustiategiko azaleraren zenbateko portzentajea dagoen sartuta nekazaritza jardueraren ondoriozko nitratoengatik kutsatzeko arriskua duten eremuetan:

AZALERAREN PORTZENTAJEA NITRATOEKIN KUTSATZEKO ARRISKUA DUEN EREMUAN SARTUTA	PUNTUAZIOA
≥ %20	20 puntu
> 0 eta < 20	10 puntu

b) Natura 2000 sarearen barnean dagoen ustiategiko azaleraren portzentajea.

NATURA 2000 SAREAN SARTZEN DEN AZALERA (%)	PUNTUAZIOA
≥ %60	40 puntu
≥ 40 eta < 60	30 puntu
≥ 20 eta < 40	20 puntu
> 0 eta < 20	10 puntu

c) Ustiategiko nekazaritzako lan unitateen (NLU) batura, kontuan hartuta V. eranskinean labore bakoitzeko esleitutako NLU/ha, puntuazio hauen arabera:

USTIATEGIKO NLUak	PUNTUAZIOA
≥ 0,02	40 puntu
≥ 0,01 eta < 0,02	30 puntu
≥ 0,007 eta < 0,01	20 puntu
< 0,007	10 puntu

Eskaera batek laguntza jaso ahal izateko gutxieneko puntuazioa 30 puntukoa da; guztira 100 puntu dira.

Espedienteen puntuazioan berdinketarik gertatzen bada, kontuan hartuko da c) irizpidea "Ustiategiko NLUen batura". Berdinketak jarraituz gero, lehentasuna neurriaren xedeko azalera handienei emanen zaie.

83. artikulua. Ez-betetzeen mailaketa.

1. 78. eta 79. artikuluetan zehaztatutako betebeharren eta konpromisoen ez-betetzeen sailkapena honako taula honetan ezartzen da, eta haiei dagokien zehapena, III. eta IV. eranskinetan.

EZ-BETETZE MOTA
Baztertzailea (Bazt.)	Dirulaguntza hartzeko baldintzak, 78. artikulua. a) Nafarroako Nekazaritza Produkzio Ekologikoaren Kontseiluaren (CPAEN/NNPEK) lizentzia izatea, edo kontrol ofizialeko lanak egiteko ahalmena izan duen beste agintaritza edo kontrol erakunderen batek emandako lizentzia, eskaera bakarra aldatzeko epea amaitzen den egunean, inskribatutako ekoizpen unitateak (azalerak eta abereak) eskatzailearen izenean jarrita. b) Araubideari atxikitzea eskatu behar da, ustiategi ekologikoaren lurzatiak zehaztuz, eta nekazaritza ekologikoan aritzeko konpromisoa hartu behar da, 5 urterako gutxienez, barne direla aldaketa aldiari dagozkionak. c) Produkzio ekologikorako erabiltzea Nafarroako Foru Komunitatean kokatutako partzelak, 78. artikuluaren c) puntuan definitutako taldeetakoak. Konpromisoak eta beste betebehar batzuk. 79. art. a) Urtero eskatzea, kanpainaren eskaera bakarrean, laguntzaren urteko ordainketa, 2021/2115 (EB) Erregelamenduan xedatuarekin bat. e) Landa Garapeneko eta Ingurumeneko Departamentuak egiten ahal duen edozein egiaztatze jarduketa onartzea.
Oinarrizkoa (O)	Konpromisoak eta beste betebehar batzuk. 79. art. b) Produkzio ekologikorako ezarritako metodoak aplikatzea lagunzaren xede diren ekoizpen unitateetan (azalerak eta abereak) eta ekoizle ekologikoaren ziurtagiria lortzea NNPEKen eskutik. c) Ziurtapen erakundearen gomendioei jarraitzea, arau ekologikoak betetzen ez badira. Egindako gomendioak betetzen direla egiaztatuko da. d) Laguntza jaso duen azaleraren % 90 gutxienez mantentzea produkzio ekologikoan. f) Laguntza horri buruz foru agindu honen II. eranskinean jasotako oinarrizko lerroko konpromisoak betetzea. g) Ekoizpen modua aldatzeko aldia gainditu ondoren, neurri honen xede diren produkzio unitateak mantentzea ustiategiaren barnean.
Nagusia (N)	Konpromisoak eta beste betebehar batzuk. 79. art. h) Larre iraunkorrak eta larratzeko bazka-azalerak aprobetxatuko dituzte ustiategiko bertako azienda ekologikoek. i) Bazka-azalera ekologikoen aprobetxamendu estentsiboa mantentzea urteko azienda-karga egoki baten bidez (1,5 AzLU eta 0,4 AzLU bitarteko karga hektareako). j) Abeltzain ekologikoen kasuan. Ustiategiaren produktoreek metodo ekologikoak erabili behar dituzte nekazaritzako produkzioaren prozesu osoan, azken kontsumitzailearentzako edo industria eraldatzailearentzako produktu egokia lortu arte.
Bigarren mailakoa (BI)	Konpromisoak eta beste betebehar batzuk. 79. art. k) Justifikaziorik gabe produkzio paraleloan aritzea. l) Ustiategiko koadernoa eguneraturik edukitzea, non laborantza lan guztiak adieraziko baitira.
Ez-betetzea izan den azaleraren arabera (IV. eranskina)	Konpromisoak eta beste betebehar batzuk. 79. art. m) Landutako lurzatietan uzta biltzea n) Nekazaritzako lurzatien kasuan, nekazaritzako jarduera inguru hartako baldintza arruntetan egitea eskatzen da.

3. Beste konpromiso edo betebehar batzuk ez betetzeak, otsailaren 28ko 147/2023 Errege Dekretuaren 31. artikuluaren arabera, hartan ezartzen baitira Nekazaritza Politika Erkidearen Plan Estrategikoan jasotako esku-hartzeetan penalizazioak aplikatzeko arauak, IV. eranskinean deskribatutako penalizazioak ezartzea ekarriko du, baldin eta ez-betetzeak egiten diren azalera, guztira, ordainketetarako deklaratutako guztizko azaleraren % 20 baino handiagoa edo 0,1 ha baino handiagoa bada.

IV. TITULUA.–6504 ESKU-HARTZEA - ANIMALIEN ONGIZATEA

84. artikulua. Laguntzaren deskripzioa.

1. Laguntza honen xedea da haragitarako eta/edo arrautzatarako hegazti ustiategietan animalien ongizaterako neurriak mantentzea edo ezartzea, eta ekoizpen ekologikoa sustatzea.

2. Ekintza honen bidez, arrautzatarako eta haragitarako hegaztien abeltzaintzako ustiategietan animalien ongizatea eta segurtasuna hobetzen lagunduko duten zenbait neurri garatu nahi dira, nekazaritza, ingurumen nahiz gizarte arloko onurak lortzeko.

85. artikulua. Laguntza mota.

1. Laguntzen helburua da arrautzatarako edo haragitarako hegazti hazkuntza araubide ekologikoan edo landako araubidean maneiatzearen kostu gehigarriak eta jaso gabeko errentak osorik edo horien zati bat konpentsatzea.

2. Laguntza prima bat da ustiategiko landako araubidean edo araubide ekologikoan dauden hegaztien AzLU bakoitzeko.

3. Kontuan hartu beharreko Azienda Larriko Unitateak (AzLU) SITRAN autonomikoaren datu-basean eskaeren aldaketa aurkezteko epearen azken egunean aitortuta ageri direnak izanen dira.

4. Deialdi honen xedeko dirulaguntzak norgehiagokako araubidea erabiliz emanen dira.

86. artikulua. Dirulaguntzak hartzeko baldintzak.

a) Pertsonek / abeltzaintzako ustiategiek, laguntza jaso nahi badute, eskaera bat aurkeztu beharko dute urtero, instalazioen kokapena eta parkearen azalera adieraziz.

b) Ustiategian arrautzatarako hegaztiak edo haragitarako hegaztiak izatea, araubide ekologikoan edo landako araubidean.

c) Ustiategi ekologikoek, arrautzatarako zein haragitarakoak izan, Nafarroako Nekazaritza Produkzio Ekologikoaren Kontseiluaren (NNPEK) lizentzia eduki beharko dute, eta eskatzailearen izenean inskribatutako unitateak agertu beharko dira.

d) Haragitarako landako hegazti ustiategiek ziurtagiri bat aurkeztu beharko dute, enpresa ziurtatzaile ofizialetako batek emana, Batzordearen 2008ko ekainaren 16ko 543/2008 (EE) Erregelamenduarekin bat.

e) Arrautzatarako landako hegazti-ustiategiek, eskabidearekin batera, beren ustiategiko hegaztiak gobernatzeari buruzko txosten tekniko laburra aurkeztu beharko dute, albaitariek emana, bai eta hegazti-haztegiak antolatzeko oinarrizko arauak ezartzen dituen uztailaren 27ko 637/2021 Errege Dekretuan ezarritako baldintzak betetzeari buruzko erantzukizunpeko adierazpena ere.

f) Ustiategiek Ustiategien Erregistro Orokorrean (REGA) inskribatuta egon beharko dute eskaera bakarra aldatzeko epea amaitzen den egunean, hazkuntza sistema hauek dituzten ustiategi gisa (Hegazti-haztegiak antolatzeko oinarrizko arauak ezartzen dituen uztailaren 27ko 637/2021 Errege Dekretuaren II. eranskinean definituta daude sistema horiek):

–Haragitarako ekoizpena:

Hazkuntza ekologikoa.
Askatasun osoz hazitako landakoa.
Landako tradizionala.
Landakoa.

–Arrautzatarako:

Ekologikoa:
Landakoa.

g) Hegaztientzako gutxienez 3 AzLU izatea, haragitarako edo arrautzatarako.

87. artikulua. Konpromisoak eta beste betebehar batzuk.

Neurri honi atxikitzen zaizkion pertsonek/ustiategiek ondoko konpromisoak bete beharko dituzte gutxienez 5 urtez:

a) Gutxienez 5 urterako konpromisoko akordio edo kontratu bat sinatzea.

b) Urtero eskatzea, kanpainaren eskaera bakarrean, urteko laguntza ordaintzeko, 2022ko maiatzaren 4ko 2022/1172 (EB) Erregelamendu Delegatuan xedatuarekin bat.

c) Sektoreko antolamenduaren edo animalien ongizatearen araudiak eskatzen duen prestakuntza egiaztatzea, eskaera aldatzeko epearen azken egunean prestakuntza hori egiaztatzen duen dokumentazioa aurkeztuta.

d) Haragitarako landako hegazti-ustiategietarako, dagokion ziurtagiria eduki beharko da, enpresa ziurtatzaile ofizialetako batek emana, Batzordearen 2008ko ekainaren 16ko 543/2008 (EE) Erregelamenduarekin bat.

e) Arrautzatarako landako hegazti-ustiategietarako, beren ustiategiko hegaztiak gobernatzeari buruzko txosten teknikoa aurkeztu beharko dute, albaitariek emana, bai eta hegazti-haztegiak antolatzeko oinarrizko arauak ezartzen dituen uztailaren 27ko 637/2021 Errege Dekretuan ezarritako baldintzak betetzeari buruzko erantzukizunpeko adierazpena ere.

f) Hegazti ustiategi ekologikoetarako, Nafarroako Nekazaritza Produkzio Ekologikoaren Kontseiluaren (NNPEK) lizentzia eduki behar da eta eskatzailearen izenean inskribatutako unitateak agertu beharko dira.

g) Kontzesioak iraun bitartean, gutxienez, lehenengo urtean emandako AzLUen % 90 mantentzea.

h) Ustiategiko hegaztien zentsuaren kontrola eramatea, animalien altak eta bajak idatziz, animalia kopurua eguneratuta egon dadin.

88. artikulua. Araubidean sartzea eta laguntzaren zenbatekoa.

1. Laguntzaren araubidean sartzeko eskaerak laguntzen eskaera bakarrean aurkeztuko dira.

2. 86. artikuluan ezarritako onargarritasun baldintzak betetzen dituzten pertsonei / ustiategiei 5 urterako urteko laguntza ematen ahalko zaie; urte gehiagoz luzatzen ahalko da.

3. Laguntza eskaerak ebaluatuko dira, eta organo eskudunak onartu edo ukatuko ditu 6 hilabeteko epean, ebazpen baten bidez. Epe hori igarota, administrazioaren isiltasunez ezetsitzat joko dira.

4. Honako hau izanen da AzLU bakoitzeko aplikatu beharreko zenbateko unitarioa edo prima:

–Oinarrizko prima: 70 euro/AzLU.

–Ustiategi ekologikoen prima osagarria: 200 euro/AzLU

5. Emakidaren zenbatekoa eragiketa honen emaitza izanen da: zenbateko unitarioa bider zehazturiko AzLUak, administrazio kontrolak eta tokian bertakoak egin ondoren eta penalizazioak aplikatu baino lehen.

6. Onuradun bakoitzari emaniko laguntzaren zenbateko osoa gehieneko muga izanen da, konpromisoaren hurrengo urteetan kobratzeko eskaerari aplikatzeko orduan.

7. Ustiategi bakoitzeko gehieneko zenbatekoa, hura osatzen duten pertsonen kopurua edozein dela ere, 15.000 eurokoa da ustiategi bakoitzeko.

89. artikulua. Urteroko ordainketen eskaerak.

1. 5 urterako, edo gehiagorako behar bada, laguntzaren onuradun izan diren pertsonek / ustiategiek urtero eskatu behar dute hura ordaintzeko, laguntzaren eskaera bakarraren bidez. Laguntza jasotzeko, 86. artikuluko baldintzak eta 87. artikuluko konpromisoak bete beharko dituzte.

2. Ordainketaren zenbatekoa kalkulatzeko, zenbateko unitarioa biderkatuko da ordaindu beharreko AzLUekin, kasuan kasuko kontrol administratibo eta landa kontrol guztiak egin ondoren, penalizazioak aplikatuta, hartarako emandako zenbatekoa urteko ordainketa bakar batean ere gainditu gabe.

3. Ordainketa laguntza eskatu eta hurrengo urteko ekainaren 30a baino lehen eginen da.

90. artikulua. Bateraezintasunak eta hautaketa irizpideak.

1. Laguntza hau ez da bateraezina NPEren Plan Estrategikoan (NPEPE) sartutako gainerako esku-hartzeekin.

a) Natura 2000 sarearen barnean dagoen ustiategiaren azalaren portzentajea:

USTIATEGIAREN PORTZENTAJEA NATURA 2000 SAREAREN BARNEAN	PUNTUAZIOA
≥ %50	20 puntu
≥ %0 eta < %50	10 puntu

b) Ustiategiaren kokapena mendiko edo goi-mendiko eremuekiko edo muga naturalak dituzten eremuekiko:

KOKAPENA	PUNTUAZIOA
Mendiko eta goi-mendiko eremuak	20 puntu
Eskualde behartsua	10 puntu

c) Hegazti ustiategiko ekoizpenaren orientazioa:

USTIATEGIAREN EKOIZPENAREN ORIENTAZIOA	PUNTUAZIOA
Haragitarako ekoizpena
Hazkuntza ekologikoa	60 puntu
Askatasun osoz hazitako landakoa	50 puntu
Landako tradizionala	40 puntu
Landakoa	30 puntu
Arrautzetarako
Ekologikoa	60 puntu
Landakoa	30 puntu

Eskaera batek laguntza jaso ahal izateko gutxieneko puntuazioa 30 puntukoa da; guztira 100 puntu dira.

Espedienteen artean puntuazio berdinketa badago, ustiategiak ekoizpenaren orientazioaren arabera lehenetsiko dira, honako ordena honi jarraituz: haragitarako hazkuntza ekologikoa, arrautzatarako hazkuntza ekologikoa, askatasun osoz hazitako landakoa eta arrautzatarako landakoa. Berdinketak jarraituz gero, lehentasuna eragiketaren xedeko AzLU gehien dituzten espedienteei emanen zaie.

91. artikulua. Ez-betetzeen mailaketa.

1. 86. eta 87. artikuluetan zehaztatutako betebeharren eta konpromisoen ez-betetzeen sailkapena honako taula honetan ezartzen da, eta haiei dagokien zehapena, III. eta IV. eranskinetan.

EZ-BETETZE MOTA

Baztertzailea (Bazt.)

Dirulaguntza hartzeko baldintzak, 86. artikulua.

a) Pertsonek / abeltzaintzako ustiategiek, laguntza jaso nahi badute, eskaera bat aurkeztu beharko dute urtero, instalazioen kokapena eta parkearen azalera adieraziz.

b) Ustiategian arrautzatarako hegaztiak edo haragitarako hegaztiak izatea, araubide ekologikoan edo landako araubidean.

c) Ustiategi ekologikoak, arrautzatarako nahiz haragitarakoak, Nafarroako Foru Komunitateko erakunde ofizialen batek ziurtatu beharko ditu.

e) Arrautzatarako landako hegazti ustiategiek, eskabidearekin batera, beren ustiategiko hegaztiak gobernatzeari buruzko txosten tekniko laburra aurkeztu beharko dute, albaitariek emana, bai eta hegazti haztegiak antolatzeko oinarrizko arauak ezartzen dituen uztailaren 27ko 637/2021 Errege Dekretuan ezarritako baldintzak betetzeari buruzko erantzukizunpeko adierazpena ere.

f) Ustiategiek Ustiategien Erregistro Orokorrean (REGA) inskribatuta egon beharko dute eskaera bakarra aldatzeko epea amaitzen den egunean, hazkuntza sistema hauek dituzten ustiategi gisa (Hegazti haztegiak antolatzeko oinarrizko arauak ezartzen dituen uztailaren 27ko 637/2021 Errege Dekretuaren II. eranskinean definituta daude sistema horiek):

–Haragitarako ekoizpena:

• Hazkuntza ekologikoa.

• Askatasun osoz hazitako landakoa.

• Landako tradizionala.

• Landakoa.

–Arrautzatarako:

• Ekologikoa.

• Landakoa.

g) Hegaztientzako gutxienez 3 AzLU izatea, haragitarako edo arrautzatarako.

Konpromisoak eta betebeharrak. 87. art.

a) Gutxienez 5 urterako konpromiso akordio edo kontratu bat sinatzea.

b) Urtero eskatzea, kanpainaren eskaera bakarrean, urteko laguntza ordaintzeko, 2022ko maiatzaren 4ko 2022/1172 (EB) Erregelamendu Delegatuan xedatuarekin bat.

c) Sektoreko antolamenduaren edo animalien ongizatearen araudiak eskatzen duen prestakuntza frogatzea, prestakuntza hori egiaztatzen duen dokumentazioa aurkeztuta.

d) Haragitarako landako hegazti ustiategietarako, dagokion ziurtagiria lortu beharko da, enpresa ziurtatzaile ofizialetako batek emana, Batzordearen 2008ko ekainaren 16ko 543/2008 (EE) Erregelamenduarekin bat.

e) Arrautzatarako landako hegazti ustiategietarako, beren ustiategiko hegaztiak gobernatzeari buruzko txosten teknikoa aurkeztu beharko dute, albaitariek emana, bai eta hegazti haztegiak antolatzeko oinarrizko arauak ezartzen dituen uztailaren 27ko 637/2021 Errege Dekretuan ezarritako baldintzak betetzeari buruzko erantzukizunpeko adierazpena ere.

f) Hazkuntza ustiategi ekologikoetarako, Nafarroako Nekazal Produkzio Ekologikoaren Kontseiluaren (NNPEK) lizentzia eduki behar da eta eskatzailearen izenean inskribatutako unitateak agertu beharko dira.

Oinarrizkoa (O)

Konpromisoak eta betebeharrak. 87. art.

g) Kontzesioak iraun bitartean, gutxienez, lehenengo urtean emandako AzLUen % 90 mantentzea.

h) Ustiategiko hegaztien zentsuaren kontrola eramatea, animalien altak eta bajak idatziz, animalia kopurua eguneratuta egon dadin.

3. Beste konpromiso edo betebehar batzuk ez betetzeak, otsailaren 28ko 147/2023 Errege Dekretuaren 31. artikuluaren arabera, hartan ezartzen baitira Nekazaritza Politika Erkidearen Plan Estrategikoan jasotako esku-hartzeetan penalizazioak aplikatzeko arauak, IV. eranskinean deskribatutako penalizazioak ezartzea ekarriko du, baldin eta ez-betetzeak egiten diren azalera, guztira, ordainketetarako deklaratutako guztizko azaleraren % 20 baino handiagoa edo 0,1 ha baino handiagoa bada.

V. TITULUA.–6505.1 ESKU HARTZEA - NAFARROAKO ARRAZA AUTOKTONOAK

92. artikulua. Laguntzaren deskripzioa.

1. Ekintzak helburu du pertsonak eta abeltzaintzako ustiategiak bultzatzea Nafarroako Foru Komunitatean mehatxatutako arrazatzat katalogatutako arrazetako aziendak berezkoak dituzten ustiapen sistema tradizionalak mantentzera, eta beste alde batetik, arraza horietako azienden zentsua sustatzea, eta haien produktibitatea eta errentagarritasuna hobetzea, aldi berean mantenduz haien izaera basa eta ingurunearekiko egokitzapena, eta gobernatze sistema tradizionalak.

2. Laguntzarekin ondoko onurak bultzatu nahi dira nekazaritzaren, ingurumenaren eta gizartearen arloetan:

–Abere espezieen dibertsitate genetikoa zaintzea, Nafarroako arraza autoktonoak mantenduz, eta, batik bat, "mehatxatuak" katalogatu diren arrazak.

–Laguntzea abeltzaintza ingurune hauskorren zaintzarekin bateragarria izan dadin, higadura izateko arrisku handiko tokietan eta larratzeko azalerak era jasangarrian erabil daitezen, azienda-karga (AzLU/ha) egokitasunez gobernatuz, behar baino gehiago edo gutxiago larratzea saihestuz.

–Bazkatzeko azaleren kontrol naturala hobetzea, haien narriadura murriztu nahian, eta baso-suteak sor ditzaketen zuhaixka-landareak kontrolatzea, baita potentzial ekologikoari eustea ere, abeltzaintzako bazka aprobetxamendu tradizionaleko eremuetan.

–Nekazaritza, abeltzaintza eta basogintza sistema jasangarriak sustatzea, besteak beste, nekazaritza ekoizpen ekologikoa.

3. Landa Garapeneko eta Ingurumeneko kontseilariak abenduaren 18an emandako 76/2023 Foru Aginduaren arabera, haren bidez aldatu baitzen Nafarroako Arraza Autoktonoen Katalogoa onetsiz Nekazaritza, Abeltzaintza eta Elikadurako kontseilariak 2003ko maiatzaren 26an eman zuen Foru Agindua; eta bestetik, otsailaren 8ko 45/2019 Errege Dekretuaren I. eranskina aldatuz ekainaren 20an emandako 527/2023 Errege Dekretuaren I. eranskinaren arabera, "mehatxatuta dauden arraza autoktonoak" egoeran dauden arraza autoktonoak, eta beraz, babes berezia behar dutenak, honako hauek dira:

A.–Behi azienda: betizua eta mendiko behi arrea.

–Ardi azienda: Sasi Ardia.

–Behor azienda: Auritz, Nafarroako zaldikoa eta Pottoka.

–Ahuntz azienda: Ahuntz piriniotarra.

–Zerri azienda: Euskal zerria

93. artikulua. Laguntza mota.

Dirulaguntza prima bat da, azienda larriko unitate (AzLU) eta urte bakoitzeko ordaintzena. Laguntza urtero emanen da, eta desagertzeko arriskuan dauden tokiko arrazak mantentzeak eta haiek modu estentsibo tradizionalean gobernatzeak sortzen dituzten kostu gehigarriak eta diru-sarreren galerak estaliko ditu, 5 urteko konpromisoa (luzatzen ahal da) hartuta.

94. artikulua. Dirulaguntzak hartzeko baldintzak.

a) Ustiategian izatea mehatxatuta dauden arraza autoktonoetako baten ugalketarako edo etorkizuneko ugalketarako aziendak; horiek zehaztuta daude Landa Garapeneko eta Ingurumeneko kontseilariak abenduaren 18an emandako 76/2023 Foru Aginduan, haren bidez aldatu baitzen Nafarroako Arraza Autoktonoen Katalogoa onetsiz Nekazaritza, Abeltzaintza eta Elikadurako kontseilariak 2003ko maiatzaren 26an eman zuen Foru Agindua; eta bestetik, otsailaren 8ko 45/2019 Errege Dekretuaren I. eranskina aldatuz ekainaren 20an emandako 527/2023 Errege Dekretuaren I. eranskinean; hartan zehazten dira Nafarroako "arraza autoktono mehatxatuak". Azienda horiek dagokion liburu genealogikoan inskribaturik egon behar dute, eskatzailearen izenean.

b) Gutxienez azienda hautagarrien 5 AzLU izatea inskribatuta dagokion liburu genealogikoan, eta aziendak inskribatzea liburu genealogikoaren jaiotzen erregistroan, eta halaber, arrazaren hazkuntza programan parte hartzea.

c) Araubideari atxikitzea, mehatxatutzat jotzen den bertako arraza eta azienda unitateak zehaztuta, eta konpromisoa hartzea arraza horretako abereen zentsuari eusteko edo hori handitzeko bere ustiategian, 5 kanpainako epealdian, ondoren luzatzen ahal dena.

95. artikulua. Konpromisoak eta beste betebehar batzuk.

Neurri honi atxikitzen zaizkion pertsonek/ustiategiek ondoko konpromiso hauek bete beharko dituzte, gutxienez 5 urtez:

a) Ustiategiaren titularrak eskaera bakarrean eskatu beharko du laguntzaren urteko ordainketa, Batzordea, 2022ko maiatzaren 4an emandako 640/2022 Erregelamenduan ezarritako moduan, laguntza horien deialdian ezarriko forman, lekuan eta epean; ustiategiko bazka-azalera osatzen duten lurzatiak adierazi beharko ditu, eta arraza autoktonoetako zenbat ama ugaltzailerengatik eskatzen duen laguntza zehaztu.

b) Landa Garapeneko eta Ingurumeneko kontseilariak abenduaren 18an emandako 76/2023 Foru Aginduan, haren bidez aldatu baitzen Nafarroako Arraza Autoktonoen Katalogoa onetsiz Nekazaritza, Abeltzaintza eta Elikadurako kontseilariak 2003ko maiatzaren 26an eman zuen Foru Agindua; eta bestetik, otsailaren 8ko 45/2019 Errege Dekretuaren I. eranskina aldatuz ekainaren 20an emandako 527/2023 Errege Dekretuaren I. eranskinean jasotako arraza autoktono mehatxatuetako azienda ugaltzaileen zentsua mantentzea. Azienda horiek dagokien liburu genealogikoan inskribaturik egon beharko dute eta arrazaren hazkuntza programan parte hartu behar dute.

c) Emakidak irauten duen bitartean, gutxienez, lehenengo urtean emandako AzLUen % 90 mantentzea.

d) Onartutako edo jasotako dirulaguntzei eta hartutako konpromisoei dagokienez, Landa Garapeneko eta Ingurumeneko Departamentuak egiten ahal dituen egiaztapen ekintza guztiak onartzea. Hartarako, Administrazioko ikuskatzaileei eta ziurtapen eta kontrol agintaritzari libre utzi beharko zaie lurzatietara sartzen, eta eragiketaren xedeko jardueraren gainean eskatzen zaien informazio guztia emanen zaie.

e) Abeltzaintzako ustiapeneko sistema estentsiboa mantentzea, non azienda neurri handi batean larratuz elikatzen den, eta azienda-dentsitatea ≥ 0,4 AzLU/ha (handiagoa edo berdina) eta ≤ 2 AzLU/ha (txikiagoa edo berdina) bitartekoa den.

Azienda-karga hori kalkulatzeko, ustiategiko bazka azalera eta azienda estentsiboaren AzLU kopurua hartuko dira kontuan. SITRAN Autonomikoaren eta SITRAN Nazionalaren datu-basean lau egunetan kontabilizatutako AzLU onargarrien batezbestekoa hartuko da kontuan: urtarrilaren 1a, martxoaren 1a, apirilaren 30a eta eskaera bakarra aldatzeko epea bukatzen den eguna.

Ustiategiaren guztizko transferentzia/titulartasun aldaketa kasuetan, edo abeltzaintza jardueran lehen aldiz sartzen diren titularren kasuan, AzLU onargarrien batez bestekoa kalkulatzeko, SITRAN Autonomikoan alta eman edo abeltzaintza ustiategiaren titulartasuna aldatu ondoren egindako irakurketak soilik hartuko dira kontuan. Horretarako, laguntzaren eskaera bakarra aurkeztu beharko dute epearen barnean, eta aziendak bertan egon beharko dira, laguntzaren eskaera bakarraren aldaketak aurkezteko epea bukatu baino lehen.

Tokian berean egindako kontrolik bada, abere dentsitatea kalkulatzeko bazka azalera eta bertatik bertarako ikuskapenean zehaztutako AzLUak bakarrik hartuko dira kontuan.

Azienda dentsitatea 2,1 AzLU/ha baino handiagoa bada edo 0,39 AzLU/ha baino txikiagoa, ez-betetze nagusitzat hartuko da; ordea, azienda-karga 2 baino handiagoa eta 2,1 AzLU/ha edo txikiagoa bada, edo 0,4 baino txikiagoa eta 0,39 AzLU/ha edo handiagoa bada, bigarren mailako ez-betetzetzat hartuko da.

f) Arraza zaindu, hobetu eta sustatzeko programan parte hartzea. Liburu genealogikoak kudeatzen dituen elkarteak ezartzen du programa hori, eta ofizialki onetsia da.

96. artikulua. Araubidean sartzea eta laguntzaren zenbatekoa.

1. Laguntzaren araubidean sartzeko eskaerak laguntzen eskaera bakarrean aurkeztuko dira. 94. artikuluan ezarritako onargarritasun baldintzak betetzen dituzten pertsonei / ustiategiei 5 urterako urteko laguntza ematen ahalko zaie; urte gehiagoz luzatzen ahalko da. Laguntza eskaerak ebaluatuko dira, eta organo eskudunak onartu edo ukatuko ditu 6 hilabeteko epean, ebazpen baten bidez. Epe hori igarota, administrazioaren isiltasunez ezetsitzat joko dira.

2. Ustiategiko arraza autoktono mehatxatu bakoitzeko AzLU hautagarriei aplikatu beharreko zenbateko unitarioa edo prima honako hau izanen da:

ARRAZA AUTOKTONO MEHATXATUA	GEHIENEKO ZENBATEKOA (euroak/AzLU)
Behor azienda: Auritz	130
Behor azienda: Nafarroako zaldikoa	200
Behor azienda: Pottoka	200
Behi azienda: Betizua	130
Behi azienda: Mendiko behi arrea.	130
Ardi azienda: Sasi Ardia	130
Ahuntz azienda: Piriniotarra	130
Zerri azienda: Euskal zerria	130

3. Konpromisoari eutsi zaion eta ordainketa kalkulatzeko kontuan hartuko da dagozkien liburu genealogikoetan inskribatutako eta SIMOGANen datu-basean kontabilizatutako AzLUen batez bestekoa. Kontuan hartu beharreko AzLUak SITRAN autonomikoko eta SITRAN nazionaleko datu-basean lau datetan erregistratutako balioen batezbestekoa izanen dira: urtarrilaren 1a, martxoaren 1a, apirilaren 30a eta eskaera bakarra aldatzeko epea bukatzen den eguna.

4. Ustiategiaren guztizko transferentzia/titulartasun aldaketa kasuetan, edo abeltzaintza jardueran lehen aldiz sartzen diren titularren kasuan, AzLU onargarrien batez bestekoa kalkulatzeko, SITRAN Autonomikoan alta eman edo abeltzaintza ustiategiaren titulartasuna aldatu ondoren egindako irakurketak soilik hartuko dira kontuan. Horretarako, epearen barruan aurkeztu beharko dute laguntza eskaera bakarra, eta laguntza eskaera bakar horren gaineko aldaketak aurkezteko epea amaitu baino lehen han egon beharko dute aziendek. Bertatik bertarako kontrolik egiten bada, laguntza kalkulatzeko, landa ikuskapenean zehaztutako AzLUak bakarrik hartuko dira kontuan.

ESPEZIEA	ARRAZAKO AZIENDA HAUTAGARRIEN ADINA (hilabeteak)	AzLU
Behor azienda	> 18	1
Ardi eta ahuntz aziendak	SITRANeko datu-basean deklaratutako azienda ugaltzaileak	0,15
Behi azienda	> 18 eta ≤ 24	0,6
Behi azienda	> 24	1
Zerri azienda	Emea > 50 kg	1

AzLUak zenbatzeko, kontuan hartuko dira ugalketarako diren eme guztiak eta gehienez ere ar bat 30 emeko edo dagokion zatikia.

4. Emakidaren zenbatekoa eragiketa honen emaitza izanen da: zenbateko unitarioa bider zehazturiko AzLUak, administrazio kontrolak eta tokian bertakoak egin ondoren eta penalizazioak aplikatu baino lehen.

5. Onuradun bakoitzari emaniko laguntzaren zenbateko osoa gehieneko muga izanen da, konpromisoaren hurrengo urteetan kobratzeko eskaerari aplikatzeko orduan.

97. artikulua. Urteroko ordainketen eskaerak.

1. Urteko ordainketa bat ematen ahalko zaie, 5 urteko epe batez, 94. eta 95. artikuluetan ezarritakoari jarraikiz onargarritasun baldintza eta konpromisoak betetzen dituzten abeltzainei, betiere dagokion kanpainaren eskaera bakarrean urteko ordainketa eskatu badute, zehaztutako abereak kontuan hartuta.

2. Ordainketaren zenbatekoa eragiketa honen emaitza izanen da: zenbateko unitarioa bider ordaintzeko kontuan hartutako AzLUak, kasuan kasuko kontrol administratibo eta landa kontrol guztiak egin ondoren, eta III. eranskinean aurreikusitako penalizazioak aplikatu ondoren, urte bakoitzerako emandako zenbatekoa urte bakar batean gainditu gabe.

3. Ordainketa laguntza eskatu eta hurrengo urteko ekainaren 30a baino lehen eginen da.

98. artikulua. Bateraezintasunak eta hautaketa irizpideak.

1. Ez dago bateraezintasunik laguntza honen eta NPEren plan estrategikoko (NPEPE) beste esku-hartze batzuen artean.

2. "Nafarroako arraza autoktonoen" esku-hartzeagatik prima jasotzen duten abereek ez dute "Abeltzaintzako sistema jasangarriak" (6501.3) esku-hartzearen prima osagarria jasoko, prima gehigarri hori bateraezina baita.

3. 2024 kanpainarako eta hurrengoetarako laguntzak kalkulatzeko, ondoko hautapen irizpide hauen baremazioa aplikatuko da, eskaera bakarra aldatzeko epearen azken egunean espedientean ageri diren datuak kontuan hartuta. Abereen kontzesioak AzLU uniteetan adieraziko dira, 5. artikuluko bihurketaren arabera.

a) Operaziorako definitutako arrazetako ugalketarako eme kopuru gutxien duen arraza: Euskal zerria, Ahuntz piriniotarra, Sasi ardia, Pottoka, Betizua, Nafarroako zaldikoa, Mendiko behi arrea eta Auritz zaldia.

UGALKETARAKO EME GUTXIEN DITUEN ARRAZA	PUNTUAZIOA
Zerri azienda: Euskal zerria	70 puntu
Ahuntz azienda: Piriniotarra	60 puntu
Ardi azienda: Sasi Ardia	50 puntu
Behor azienda: Pottoka	40 puntu
Behi azienda: Betizua	30 puntu
Behor azienda: Nafarroako zaldikoa	20 puntu
Behi azienda: Mendiko behi arrea.	10 puntu
Behor azienda: Auritz	10 puntu

b) Mehatxatutako arraza autoktonoen 24 hilabete baino gehiagoko AzLU portzentajea (12 hilabete ardi eta ahuntz aziendaren kasuan), ustiategian abandonatzeko mehatxua duten eta liburu genealogikoetan inskribatuta dauden arrazen AzLU guztien gainean.

24 HILABETETIK GORAKO AzLU (%), AzLU GUZTIEN ALDEAN	PUNTUAZIOA
≥ %70	30 puntu
≥ %20 eta < %70	20 puntu

Eskaera batek laguntza jaso ahal izateko gutxieneko puntuazioa 30 puntukoa da; guztira 100 puntu dira.

Espedienteen puntuazioan berdinketarik gertatzen bada, kontuan hartuko da 24 hilabetetik gorako abereen portzentajea, berdinketa hausteko. Berdinketak jarraituz gero, lehentasuna eragiketaren xedeko AzLU gehien dituzten espedienteei emanen zaie.

99. artikulua. Ez-betetzeen mailaketa.

1. 94. eta 95. artikuluetan zehaztatutako betebeharrak eta konpromisoak ez-betetzeak honako taula honetan ezartzen dira, eta haiei dagokien penalizazioa III. eta IV. eranskinetan.

EZ-BETETZE MOTA
Baztertzailea (Bazt.)	Dirulaguntza hartzeko baldintzak, 94. artikulua. a) Mehatxatuta dauden arraza autoktonoren bateko ugalketarako abereak –edo etorkizunean ugalketarako direnak– izatea ustiategian, eta dagokion liburu genealogikoan inskribatuta izatea. b) Gutxienez azienda hautagarrien 5 AzLU izatea inskribatuta dagokion liburu genealogikoan. c) Araubideari atxikitzea, mehatxuan den arraza autoktonoa eta abeltzaintzako unitateak zehaztuta, eta konpromisoa hartzea arraza horretako azienden zentsuari eusteko, 5 urteko kanpainan barna (luzatzen ahal da urtez urte). Konpromisoak eta beste betebehar batzuk. 95. art. a) Ustiategiaren titularrak eskaera bakarrean eskatu beharko du laguntzaren urteko ordainketa. d) Landa Garapeneko eta Ingurumeneko Departamentuak egiten ahal duen edozein egiaztatze jarduketa onartzea.
Oinarrizkoa (O)	Konpromisoak eta beste betebehar batzuk. 95. art. b) Mehatxuan dauden arraza autoktonoetako bateko azienden zentsuari eutsi eta, ahal izanez gero, handitzea, eta dagokion liburu genealogikoan inskribatuta egotea. c) Kontzesioak iraun bitartean, gutxienez, lehenengo urtean emandako AzLUen % 90 mantentzea.
Nagusia (N)	Konpromisoak eta beste betebehar batzuk. 95. art. e) Azienda ustiatzeko sistema estentsibo bat mantentzea, eta azienda dentsitatea ≥ (handiagoa edo berdina) 0,4 AzLU/ha edo ≤ (txikiagoa edo berdina) 2 AzLU/ha. Penalizatzen da azienda dentsitatea 2,1 AzLU/ha-tik gorakoa denean edo 0,39 AzLU/ha-tik beherakoa.
Bigarren mailakoa (BI)	Konpromisoak eta beste betebehar batzuk. 95. art. f) Liburu genealogikoak kudeatzen dituen elkarteak arrazaren kontserbazio, errendimenduen kontrol eta hobekuntzaren inguruan ezartzen duen programan parte hartzea. e) Azienda ustiatzeko sistema estentsibo bat mantentzea, eta azienda dentsitatea ≥ 0,4 AzLU/ha (handiagoa edo berdina) edo ≤ 2 AzLU/ha (txikiagoa edo berdina). Penalizatzen da abere dentsitatea 2 eta 2,1 AzLU/ha bitartean edo 0,4 eta 0,39 AzLU/ha bitartean dagoenean.

2. Azienda gehiegi deklaratzearekin lotutako neurriak betetzen ez badira, otsailaren 28ko 147/2023 Errege Dekretuaren 23. artikuluan deskribatutako murrizketak eta esklusioak aplikatuko dira; haren bidez ezartzen dira Nekazaritza Politika Erkidearen Plan Estrategikoan jasotako esku-hartzeetan penalizazioak aplikatzeko arauak, eta aldatzen dira 2023-2027 aldirako Nekazaritza Politika Erkidea Espainian aplikatzearekin lotutako zenbait alderdi arautzen dituzten errege dekretu batzuk.

VI. TITULUA.–XEDAPEN KOMUNAK

100. artikulua. Ebaluazioa, jarraipena eta kontrola.

Eskarien ebaluazioa, administrazio kontrola eta ordaintzeko ebazpenaren proposamena Errentetarako Laguntzen Atalak eginen ditu. Lurraren gaineko kontrola Ikuskapen Atalak eginen du eta, horretarako, behar diren egiaztapenak eginen dira. Eskatzaileak eskatzen zaion informazio osagarri guztia eman beharko du.

101. artikulua. Deialdiaren antolamendua, instrukzioa eta ebazpena.

1. Eskaera jaso ondoren, egiaztatuko da interesdunek onuradun izateko hautagarritasun-baldintzak betetzen dituztela eta Dirulaguntzei buruzko azaroaren 9ko 11/2005 Foru Legearen 9. artikuluan ezarritako betebeharrak betetzen dituztela. Dokumentazio guztia ez badago, eskatzaileari eskatuko zaio gehienez ere 30 eguneko epean osatu dezala, eta adieraziko zaio, hala egin ezean, ondorioztatuko dela eskaeran atzera egin duela, eta espedientea artxibatzeko ebazpena emanen dela, eta hala jakinaraziko zaiola berari.

2. Zerbitzu kudeatzaileak eskaera ebaluatu ondoren, ebazpen proposamena eginen da.

3. Foru agindu honetan aipatzen diren laguntzak eman, ordaindu edo ukatzeko arrazoiak Nekazaritza eta Abeltzaintza zuzendari nagusiak emanen ditu.

4. Azaroaren 9ko 11/2005 Foru Legearen 31. artikuluaren arabera emanen dira laguntzak.

5. Baimendutako kreditua handitzen ahalko da, laguntzen deialdietan ezartzen diren gehienezko zenbatekoen arabera, programa bereko aurrekontu-kredituen kargura, 2025etik 2029ra bitarteko ekitaldietako aurrekontu orokorren baitan, Dirulaguntzei buruzko azaroaren 9ko 11/2005 Foru Legearen 31.3) artikuluko a) letran ezarritako baldintzekin bat etorriz, eta aurrekontuetan dirurik baldin badago.

6. Prozedura ebazteko epea 6 hilabetekoa izanen da, eskaerak aurkezteko epea bukatzen denetik hasita. Epe hori berariazko ebazpenik eman gabe bukatzen bada, eskaera ezetsitzat joko da.

102. artikulua. Laguntzak ukatzea eta penalizazioak.

1. Konpromisoaldiko kanpaina batean laguntzarik eskatzen ez bada eta epe luzeko konpromisoak betetzen ez direla egiaztatzen bada, eskatu ez den kanpainaren aurreko urteetan jasotako zenbatekoak itzuli beharko dira.

2. Dirulaguntza jasotzeko baldintzak betetzen ez badira, laguntzak ukatuko dira.

3. Ezarritako kontrolen ondorioz egiaztatzen bada aldea dagoela eskatutako hektareen edo AzLU kopuruaren eta egiaztatutakoen artean, administrazio kontrolen edo tokian bertan egindako kontrolen bidez, dagozkion penalizazioak aplikatuko dira, otsailaren 28ko 147/2023 Errege Dekretuaren 18., 23. eta 31. artikuluen arabera.

4. Ustiategiko azalerak osorik ez deklaratzeak otsailaren 28ko 147/2023 Errege Dekretuaren 13. artikuluan aurreikusitako zehapena aplikatzea ekarriko du.

5. Laguntzen xede diren azalerek abenduaren 27ko 1049/2022 Errege Dekretuan ezarritakoa bete beharko dute. Dekretu horren bidez, Nekazaritza Politika Bateratuaren esparruan laguntzen onuradunek bete beharreko baldintzazkotasun indartua eta baldintzazkotasun soziala aplikatzeko arauak ezartzen dira. Hori betetzen ez bada, dagozkien penalizazioak ezarriko dira.

6. Gainera, abenduaren 23ko 30/2022 Legean xedatzen den arau-hauste eta penalizazioen araubidea ere aplikatuko da; haren bidez arautu ziren Nekazaritza Politika Erkidea (NPE) kudeatzeko sistema eta hari atxikitako beste gai batzuk.

103. artikulua. Okerbidez jasotako ordainketak itzultzea.

Ordainketa okerren kasuan, hartzaileek itzuli beharko dituzte zenbatekoak gehi dagozkien interesak, hartzaileari dirua itzultzeko obligazioa jakinarazten zaionetik dirua itzuli edo benetako kenketa egin arteko denboran sortutakoak, Europako Parlamentuaren eta Kontseiluaren 2021eko abenduaren 2ko 2021/2116 Erregelamenduko (EB) 59. artikuluan xedatutakoa betez; politika erkidearen finantziazioari, kudeaketari eta jarraipenari buruzkoa da, eta haren bidez indargabetu en 1306/2013 (EB) Erregelamendua; orobat, bete behar da abenduaren 23ko 30/2022 Legearen 10. artikulua, Nekazaritza Politika Erkidearen kudeaketa sistema eta hari lotutako beste gai batzuk arautzen dituena.

104. artikulua. Laguntzen publizitatea.

Laguntzen onuradunen zerrenda argitaratzean beteko da Europako Parlamentuaren eta Kontseiluaren 2021/2116 (EB) Erregelamendua, 2021eko abenduaren 2koa, Nekazaritza Politika Erkidearen finantzaketa, kudeaketa eta jarraipenari buruzkoa, 1306/2013 (EB) Erregelamendua indargabetzen duena. Onuradunei jakinaraziko zaie beren datuak argitaratuko direla aipatutako 2021/2116 Erregelamenduaren 98. artikulua betez, eta datuak ikuskaritza eta ikerketa erakundeek erabiltzen ahalko dituztela, Batasunaren finantza interesak babesteko. Datu pertsonalak direnean, onuradunei beren eskubideen berri emanen zaie, datuak babesteko arauei eta eskubide horiek erabiltzeko aplikagarriak diren prozedurei jarraikiz.

Xedapen indargabetzaile bakarra.–Arauak indargabetzea.

Indargabetzen da 31/2022 Foru Agindua, martxoaren 11koa, Landa Garapeneko eta Ingurumeneko kontseilariak emana, araubide orokorra ezartzen duena ingurumen nekazaritza eta klima arloko laguntzak (10. neurria) eta nekazaritza ekologikoarenak (11. neurria) eman, kudeatu eta kontrolatzeko, Nafarroako Landa Garapenerako 2014-2020 Programaren barnean.

Foru agindu hau aplikagarria izanen da indarrean dauden eta Landa Garapeneko Planari (2014-2020) lotuta dauden laguntzetarako.

Azken xedapen bakarra.–Indarra hartzea.

Foru agindu honek Nafarroako Aldizkari Ofizialean argitaratu eta biharamunean hartuko du indarra. Arau hau aplikatuko da NPEPE 2023-2027 planean sartutako zenbait esku-hartzeri dagozkien ingurumen eta klima arloko konpromisoak eta beste kudeaketa konpromiso batzuk sustatzeko emandako landa garapeneko laguntzen kudeaketan.

Iruñean, 2024ko apirilaren 17an.- Landa Garapeneko eta Ingurumeneko kontseilaria, José M. Aierdi Fernandez de Barrena.

ERANSKINAK

ERANSKINAREN KODEA	IZENA
I. ERANSKINA	Nekazaritza udalerri eta eskualdeak.
II. ERANSKINA	Oinarrizko lerroko baldintzak.
III. ERANSKINA	Konpromisoak ez betetzearen penalizazioak eta portzentajeak, otsailaren 28ko 147/2023 Errege Dekretuaren 31. artikuluaren arabera.
IV. ERANSKINA	Penalizazioen mailak eta ez-betetzeen portzentajeak, deklaratutako hektarea edo AzLU kopuruei dagozkien konpromisoekin edo bestelako obligazioekin lotutakoak, otsailaren 28ko 147/2023 Errege Dekretuaren 31. artikuluan tipifikatuta ez daudenak haien ez-betetzeen portzentajeen arabera. Errege dekretu horren bidez ezarri ziren Nekazaritza Politika Erkidearen Plan Estrategikoaren esku-hartzeetan penalizazioak aplikatzeko arauak.
V. ERANSKINA	Labore talde bakoitzari esleitutako NLUen kopurua, irailaren 6ko 225/2018 Foru Aginduaren arabera, eta haren ondorengo eguneratzeak.
VI. ERANSKINA	Hazitarako patatari kalte egiten dioten lursagu eta ornodunentzako pausalekuen ezaugarriak eta instalazioa.
VII. ERANSKINA	Estepako hegaztientzako eremu kritikoak.
VIII. ERANSKINA	Udalerri diruz lagungarriak, "Hazitarako patataren ekoizpena ingurumen nekazaritzarako" esku-hartzean.
IX. ERANSKINA	Udalerri diruz lagungarriak, sagasti eta gereziondoen landaketengatik, Agrosistema mediterraneo jasangarriak zaintzea esku-hartzean.
X. ERANSKINA	Belatz gorri eta saguzarrentzako habiak jartzeko jarraibideak, Agrosistema mediterraneo jasangarriak zaintzea" esku-hartzean.

I. ERANSKINA.–NEKAZARITZAKO UDALERRIAK ETA ESKUALDEAK

ESK: Eskualdea, UDAL: Udalerria.

ESKUALDEA	UDALERRIAREN KODEA	UDALERRIAREN DESKRIBAPENA	ESKUALDEA	UDALERRIAREN KODEA	UDALERRIAREN DESKRIBAPENA
01	10	Altsasu	04	1	Abaigar
01	17	Anue	04	2	Abartzuza
01	20	Araitz	04	5	Aberin
01	22	Arantza	04	8	Aguilar Kodes
01	24	Arano	04	11	Allin
01	25	Arakil	04	12	Allo
01	27	Arbizu	04	13	Ameskoabarrena
01	31	Areso	04	14	Antzin
01	37	Arruazu	04	21	Aranaratxe
01	40	Atez	04	26	Aras
01	44	Bakaiku	04	29	Los Arcos
01	49	Basaburua	04	30	Arellano
01	50	Baztan	04	35	Armañantzas
01	54	Bertizarana	04	36	Arroitz
01	55	Betelu	04	41	Aiegi
01	73	Ziordia	04	43	Azuelo
01	81	Donamaria	04	46	Barbarin
01	82	Etxalar	04	47	Bargota
01	84	Etxarri Aranatz	04	61	Busto
01	87	Elgorriaga	04	63	Cabredo
01	90	Eratsun	04	74	Zirauki
01	91	Ergoiena	04	79	Desoio
01	101	Ezkabarte	04	80	Deikaztelu
01	102	Ezkurra	04	96	Esprontzeda
01	117	Goizueta	04	97	Lizarra
01	123	Uharte Arakil	04	99	Etaio
01	126	Imotz	04	100	Eulate
01	127	Irañeta	04	116	Genevilla
01	129	Ituren	04	120	Gesalatz
01	130	Iturmendi	04	125	Iguzkitza
01	137	Beintza-Labaien	04	139	Lana
01	138	Lakuntza	04	141	Lapoblacion
01	140	Lantz	04	143	Larraona
01	144	Larraun	04	145	Elizagorria
01	149	Leitza	04	148	Legaria
01	153	Lesaka	04	154	Lezaun
01	186	Odieta	04	160	Lukin
01	187	Oitz	04	161	Mañeru
01	188	Olaibar	04	162	Marañon
01	189	Olazti	04	166	Mendaza
01	213	Saldias	04	168	Metauten
01	221	Doneztebe	04	170	Mirafuentes
01	226	Sunbilla	04	174	Morentin
01	236	Ultzama	04	175	Mues
01	239	Urdazubi	04	177	Murieta
01	240	Urdiain	04	182	Nazar
01	244	Urrotz	04	184	Oko
01	250	Bera	04	190	Olexua
01	259	Igantzi	04	200	Oteitza
01	263	Zubieta	04	204	Piedramillera
01	264	Zugarramurdi	04	214	Jaitz
01	904	Irurtzun	04	219	Sansol
01	908	Lekunberri	04	225	Sorlada
02	3	Abaurregaina	04	230	Torralba del Rio
02	4	Abaurrepea	04	231	Torres del Rio
02	19	Agoitz	04	251	Viana
02	28	Artzi	04	255	Villamayor de Monjardin
02	33	Aria	04	257	Villatuerta
02	34	Aribe	04	260	Deierri
02	58	Auritz	04	265	Zuñiga
02	59	Burgi	05	9	Oibar
02	71	Gazteluberri	05	38	Artaxoa
02	92	Erroibar	05	45	Barasoain
02	93	Ezkaroze	05	51	Beire
02	95	Espartza Zaraitzu	05	53	Berbintzana
02	98	Esteribar	05	69	Kaseda
02	111	Galoze	05	94	Eslaba
02	112	Garaioa	05	103	Ezporogi
02	113	Garda	05	110	Galipentzu
02	115	Garralda	05	114	Garinoain
02	119	Gorza	05	135	Xabier
02	124	Ibargoiti	05	142	Larraga
02	128	Izaba	05	146	Leatxe
02	132	Itzagaondoa	05	150	Leotz
02	133	Itzaltzu	05	151	Lerga
02	134	Jaurrieta	05	155	Ledea
02	156	Lizoain-Arriasgoiti	05	167	Mendigorria
02	158	Longida	05	191	Erriberri
02	159	Irunberri	05	192	Oloritz
02	172	Elo	05	197	Orisoain
02	181	Nabaskoze	05	203	Petilla Aragoi
02	185	Otsagabia	05	205	Pitilla
02	195	Orbaitzeta	05	207	Puiu
02	196	Orbara	05	212	Sada
02	198	Orontze	05	216	Zangoza
02	199	Orotz-Betelu	05	217	San Martin Unx
02	209	Erromantzatua	05	227	Tafalla
02	210	Erronkari	05	235	Uxue
02	211	Orreaga	05	238	Untzue
02	222	Sartze	05	261	Esa
02	237	Untziti	06	15	Andosilla
02	241	Urraulgoiti	06	42	Azagra
02	242	Urraulbeiti	06	64	Cadreita
02	243	Urrotz Hiria	06	65	Caparroso
02	245	Urzainki	06	66	Carcar
02	247	Uztarroze	06	67	Zarrakaztelu
02	248	Luzaide	06	104	Faltzes
02	252	Bidankoze	06	107	Funeak
02	256	Hiriberri Aezkoa	06	152	Lerin
03	7	Adios	06	157	Lodosa
03	16	Antsoain	06	163	Martzilla
03	18	Añorbe	06	164	Melida
03	23	Aranguren	06	165	Mendabia
03	39	Artazu	06	169	Milagro
03	52	Beraskoain	06	171	Miranda Arga
03	56	Biurrun-Olkotz	06	178	Murillo el Cuende
03	60	Burlata	06	179	Murillo el Fruto
03	75	Ziritza	06	202	Azkoien
03	76	Zizur	06	215	San Adrian
03	83	Etxarri	06	220	Santakara
03	85	Etxauri	06	223	Sartaguda
03	86	Egues	06	224	Sesma
03	88	Noain (Elortzibar)	06	254	Alesbes
03	89	Eneritz	07	6	Ablitas
03	109	Galar	07	32	Arguedas
03	118	Goñi	07	48	Barillas
03	121	Girgillao	07	57	Buñuel
03	122	Uharte	07	62	Cabanillas
03	131	Itza	07	68	Cascante
03	136	Txulapain	07	70	Castejon
03	147	Legarda	07	72	Cintruenigo
03	180	Muruzabal	07	77	Corella
03	183	Obanos	07	78	Cortes
03	193	Oltza Zendea	07	105	Fitero
03	194	Olloibar	07	106	Fontellas
03	201	Iruña	07	108	Fustiñana
03	206	Gares	07	173	Monteagudo
03	228	Tebas-Muru Artederreta	07	176	Murchante
03	229	Tirapu	07	208	Ribaforada
03	234	Ukar	07	232	Tutera
03	246	Uterga	07	233	Tulebras
03	253	Bidaurreta	07	249	Valtierra
03	258	Atarrabia
03	262	Zabaltza
03	901	Barañain
03	902	Berriobeiti
03	903	Berriozar
03	905	Beriain
03	906	Orkoien
03	907	Zizur Nagusia

II. ERANSKINA.–OINARRIZKO LERROKO BALDINTZAK

OINARRIZKO LERROKO EZ-BETETZEAREN KODEA	EKOIZPEN EKOLOGIKOARI BURUZKO ARAUDIA 2018/848 (EB) Erregelamendua	OINARRIZKO LERROA
AE-1	GEO (genetikoki eraldatutako organismoa) esklusioa. Ekoizpen ekologikoan ezin da GEOri erabiuli, ez GEO bidez lortutako produkturik ere, albaitaritzako botikak izan ezik.	1829/2003 (EE) Erregelamendua (I. atala). Genetikoki eraldatutako haziak erabil daitezke, betiere baimena badute.
AE-2	Tratamendu fitosanitarioak. Ekoizpen ekologikoan erabiltzeko baimena duten produktu fitosanitarioak baino ez dira erabiltzen ahalko, eta haien beharraren justifikazioa gorde beharko da.	(Europako Parlamentuaren eta Kontseiluaren 1107/2009 (EE) Erregelamendua, 2009ko urriaren 21ekoa, produktu fitosanitarioen merkaturatzeari buruzkoa): MAGRAMAko Produktu Fitosanitarioen Erregistroan inskribatutako produktu fitosanitario baimenduak bakarrik erabiliko dira. Produktu fitosanitarioak etiketako jarraibideen edo produktuaren segurtasun fitxaren arabera erabiliko dira.
AE-3	Abereen ongizatea. Aziendak lotu edo isolatzea debekaturik egonen da, non ez den azienda bakar bat aldi mugatu baterako. Aziendek etengabe izanen dute aire zabaleko eremuetan ibiltzea, ahal dela larreetan.	Kontseiluaren 2008/119/EE Zuzentarauaren I. eranskina, 2008ko abenduaren 18koa, eta Kontseiluaren 98/58/EE Zuzentarauaren eranskina, 1998ko uztailaren 20koa, animaliak lotu ahal izateko baldintzak eta aire zabalean egoten diren animalien babesa ezartzen dituena.
AE-4	Aziendaren elikadura. Azienda pentsu (elikagai) ekologikoekin elikatuko da, nekazaritza ekologikotik datozen osagaiekin eta nekazaritzakoak ez diren substantzia naturalekin. Jatorri ekologikokoak ez diren landare-lehengaiak, animalia eta mineral jatorriko lehengaiak, pentsuetarako gehigarriak eta animalien elikaduran edo laguntzaile teknologiko gisa erabiltzen diren produktu zehatz batzuk erabiliko dira pentsuetarako, soilik, ekoizpen ekologikoan erabiltzeko baimena eman bazaie.	Kontseiluaren 98/58/EE Zuzentarauaren eranskina, 1998ko uztailaren 20koa, elikadurari, urari eta bestelako substantziei buruzkoa. Pentsuetan gehigarri baimenduak erabil daitezke, etiketak dioena aintzat hartuta.
AE-5	Ongarriak. Ekoizpen ekologikoan erabiltzeko baimena duten ongarriak soilik erabil daitezke.	Ongarriei buruzko ekainaren 28ko 506/2013 Errege Dekretuak nekazaritzan erabil daitezkeen ongarriak definitzen ditu.

OINARRIZKO LERROKO EZ-BETETZEAREN KODEA	HAZITARAKO PATATAREN EKOIZPENA INGURUMEN NEKAZARITZAN	OINARRIZKO LERROA
PI-1	12., h) artikulua: Lurzoruaren emankortasuna mantentzen dela kontrolatzea urtero, laguntza eskatzen den barruti guztien analisiak aurkeztuz.	Lurzoruari mantenugaiak edo materia organikoa emateko eragiketa guztiek behar bezala erregistraturik egon behar dute ustiategiaren koadernoan. Ustiategiak, bidezkoa denean, produkzio unitate bakoitzerako ongarritze plan bat izan beharko du.
PI-2		RLG 2: Kontseiluaren 91/676/EEE Zuzentaraua, 1991ko abenduaren 12koa, urak nekazaritzako nitratoek eragindako kutsaduratik babesteari buruzkoa (EO L 375, 1991ko abenduaren 31koa, 1. or.).
PI-3	12., g) artikulua: Zipriztingailuek urteko ikuskapen teknikoa gainditu behar dute.	79/2012 Foru Agindua, abuztuaren 24koa, Nafarroan produktu fitosanitarioak aplikatzeko ekipoen aldizkako ikuskapenei buruzkoa. 2020tik aurrera, ikuskapenen urteko programan sartzen dira urte horretan hiru urteko antzinatasuna duten ekipamenduak, edo azken ikuskaritza teknikotik hiru urte egin dituztenak.

OINARRIZKO LERROKO EZ-BETETZEAREN KODEA	BIODIBERTSITATERAKO ERLEZAINTZA	OINARRIZKO LERROA
AP-1	38. artikulua. e) konpromisoa. Erlategien artean gutxienez 1 km-ko distantzia mantentzea, baldin eta guztira 80 erlauntz baino gehiago badaude. Laguntzaren zenbateko bat jasotzen duten ustiategiko erlategi guztiak hartuko dira kontuan.	Martxoaren 20ko 31/2019 Foru Dekretua. IV. eranskina. 235 m-ko distantzia edukiera txikiko kokalekuen eta/edo etxekoen artean (150 erlauntz bitarte), eta 500 m-koa gainerakoetan.
AP-2	38. artikulua. b) konpromisoa. Laguntza jasotzen duten erlauntzen kokalekuek berezko landaretzako gutxienez bi hektareako azalera izan beharko dute erlauntz bakoitzeko, kokalekuaren inguruko 2,5 kilometroko erradioan.	Martxoaren 20ko 31/2019 Foru Dekretua. 11. artikuluko 1. puntua. Erlategiak kokatzeko, 11. eranskinean araututako gutxieneko distantziak errespetatu beharko dira.
AP-3	38. artikulua. i) konpromisoa. Dirulaguntzaren xede diren erlauntzetan gertatzen diren bajen berri ematea Landa Garapeneko eta Ingurumeneko Departamentuari, hamar eguneko epean. Berdin, aldaketarik badago erlategi baten kokapenean, deklaratutakoaren aldean.	209/2002 Errege Dekretua, otsailaren 22koa, erlezaintzako ustiategiak antolatzeko oinarrizko arauak ezartzen dituena. 7. artikulua, 3. puntua. Erlezaintzako ustiategien titularrek une bakoitzean eguneratu beharko dituzte ustiategiko koadernoko datuak.

OINARRIZKO
LERROKO
EZ-BETETZEAREN
KODEA

ERLAUNTZ EKOLOGIKOETAKO BIODIBERTSITATERAKO

ERLEZAINTZA

OINARRIZKO LERROA

APE-1

38. artikulua. f) konpromisoa.

Erlezaintzako ustiategi ekologikoetarako, Nafarroako Nekazaritza Produkzio Ekologikoaren Kontseiluaren (NNPEK) lizentzia eduki behar da eta eskatzailearen izenean inskribatutako unitateak agertu beharko dira. "Varroa" esaten zaion gaitzaren aurkako tratamenduek nekazaritza ekologikoan baimenduta egon beharko dute.

Maiatzaren 19ko 608/2006 Errege Dekretua, Ezti-erleen gaixotasunei aurre egin eta kontrolatzeko programa nazionala ezarri eta arautzen duena. "Varroa" gaitzaren kontrako tratamendua nahitaez urtean behin egin beharko da, gutxienez. Erlezain elkartuentzat, Nafarroako Erlezainen elkarteak aurkeztutako osasun planaren eta egindako tratamenduen bidez kontrolatuko da, eta gainerakoentzat eskaeran.

III. ERANSKINA.–KONPROMISOAK EZ BETETZEAREN PENALIZAZIOAK ETA EHUNEKOAK, OTSAILAREN 28KO 147/2023 ERREGE DEKRETUAREN 31. ARTIKULUAREN ARABERA

Diruz laguntzeko baldintzak

SAILKAPENA

DEFINIZIOA

BAZTERKETA

Baztertzailea

(Bazt.)

Laguntzak emateko eta, kasua bada, laguntza mantentzeko baldintzak errespetatzen ez dituen ez-betetzea da.

Egokia bada, urte anitzeko neurrietan bidezkoa denean, aurreko urteetako zenbatekoak itzultzeko eskatuko da.

Ez-betetze larria bada, faltsukeria, intentzionalitatea eta zabarkeria gertatuz gero, onuraduna neurri edo laguntza lerro horretatik kanpo geratuko da, ez-betetzea atzeman den urte naturalean eta hurrengo urtean.

Konpromisoak edo beste betebehar batzuk

SAILKAPENA	DEFINIZIOA	URTEA	ZK.	ZEHAPENA	BAZTERKETA
Oinarrizkoa (O)	Ez-betetze horrek ondorioak garrantzitsuak dakartza lortu nahi diren helburuetarako, eta ondorio horiek urtebete baino gehiago irauten dute, edo zaila da ondorio horiei amaiera ematea bitarteko onargarriak erabiliz.	1	1 edo gehiago	Laguntzaren % 50	Ez-betetze larria, faltsukeria, intentzionalitatea eta zabarkeria kasuetan bakarrik eskatuko da aurreko urteetako zenbatekoak itzultzeko. Gainera, onuraduna neurri edo laguntza horretatik kanpo geratuko da ez-betetzea atzeman den urte naturalean eta hurrengo urte naturalean.
Oinarrizkoa (O)		2 edo gehiago	1 edo gehiago	Laguntzaren % 100
Nagusia (N)	Ez-betetze horrek ondorio larriak dakartza lortu nahi diren helburuetarako, eta ondorio horiek urtebete baino gutxiago irauten dute, edo aurre egiten ahal zaie, bitarteko onargarriak erabiliz.	1	1	Laguntzaren % 20
		1	2 edo gehiago	Laguntzaren % 40
		2 edo gehiago	1 edo gehiago	Laguntzaren % 40
Bigarren mailakoa (BI)	Ez-betetzeak garrantzi txikia du laguntza lerroaren helburuan.	1	1	Laguntzaren % 5
		1	2 edo gehiago	Laguntzaren % 10
		2 edo gehiago	1 edo gehiago	Laguntzaren % 10
Hirugarren mailakoa (HM)	Ez-betetzeak garrantzi txikia duenean laguntza lerroaren helburuan.	1	1	Laguntzaren % 1
		1	2 edo gehiago	Laguntzaren % 2
		2 edo gehiago	1 edo gehiago	Laguntzaren % 2

IV. ERANSKINA.–PENALIZAZIOEN MAILAKATZEA ETA EZ-BETETZEEN PORTZENTAJEAK, DEKLARATUTAKO HEKTAREA EDO AZLU KOPURUEI DAGOZKIEN KONPROMISOEKIN EDO BESTELAKO OBLIGAZIOEKIN LOTUTAKOAK, TIPIFIKATUTA EZ DAUDENAK HAIEN EZ-BETETZEEN PORTZENTAJEEN ARABERA, OTSAILAREN 28KO 147/2023 ERREGE DEKRETUAREN 31. ARTIKULUAN EZARRITAKOAREKIN BAT. HAREN BIDEZ EZARRI ZIREN NEKAZARITZA POLITIKA ERKIDEAREN PLAN ESTRATEGIKOAREN ESKU-HARTZEETAN PENALIZAZIOAK APLIKATZEKO ARAUAK

MOTA	ELEMENTUAREN DESKRIBAPENA		EZ-BETETZEAREN PORTZENTAJEA	SAILKAPENA (O/N/BI/HM)	PENALIZAZIOA
MOTA	ELEMENTUAREN DESKRIBAPENA		EZ-BETETZEAREN PORTZENTAJEA	SAILKAPENA (O/N/BI/HM)	Bakuna	Mota horretako batzuk ez ditu betetzen
Bestelako betebeharrak	1	Barruti abandonatua	0 - %2	HM	%1	%2
			%2 - %5	BI	%5	%10
			%5 - %20	N	%20	%40
			%20 - %100	O	%50	%100
Bestelako betebeharrak	2	Eskatutako laguntza-lerroa ez dagokio SIGPAC erabilera barrutian	0 - %2	HM	%1	%2
			%2 - %5	BI	%5	%10
			%5 - %20	N	%20	%40
			%20 - %100	O	%50	%100
Bestelako betebeharrak	3	Deklaratutako produktua ez da bateragarria SIGPAC erabilerarekin barrutian	0 - %2	HM	%1	%2
			%2 - %5	BI	%5	%10
			%5 - %20	N	%20	%40
			%20 - %100	O	%50	%100
Bestelako betebeharrak	4	Barrutian deklaratutako produktua ez da baliozkoa eskatutako laguntza lerrorako	0 - %2	HM	%1	%2
			%2 - %5	BI	%5	%10
			%5 - %20	N	%20	%40
			%20 - %100	O	%50	%100
Bestelako betebeharrak	5	Ikuskatutako produktu onargarria laguntza lerrorako, baina ez da deklaratutakoa, eta beste produktu talde batekoa da	0 - %2	HM	%1	%2
			%2 - %5	BI	%5	%10
			%5 - %20	N	%20	%40
			%20 - %100	O	%50	%100
Bestelako betebeharrak	6	Ustiategiko bazkarako azalera osoaren urteko aprobetxamendua larratzearen bidez.	0 - %2	HM	%1	%2
			%2 - %5	BI	%5	%10
			%5 - %20	N	%20	%40
			%20 - %100	O	%50	%100
Bestelako betebeharrak	7	Landaketa iraunkorrak laborantzarako baldintza egokietan mantentzea	0 - %2	HM	%1	%2
			%2 - %5	BI	%5	%10
			%5 - %20	N	%20	%40
			%20 - %100	O	%50	%100
Bestelako betebeharrak	8	Laguntzaren xede diren mahatsondo eta olibondo zaharren eta sagarrondo eta gereziondoen landaketa diruz lagungarriak mantentzea.	0 - %2	HM	%1	%2
			%2 - %5	BI	%5	%10
			%5 - %20	N	%20	%40
			%20 - %100	O	%50	%100
Bestelako betebeharrak	9	Nekazaritza ekologikoan landutako partzelen bilketa egitea	0 - %2	HM	%1	%2
			%2 - %5	BI	%5	%10
			%5 - %20	N	%20	%40
			%20 - %100	O	%50	%100
Bestelako betebeharrak	10	Nekazaritzako jarduera	0 - %2	HM	%1	%2
			%2 - %5	BI	%5	%10
			%5 - %20	N	%20	%40
			%20 - %100	O	%50	%100

V. ERANSKINA.–LABORE TALDE BAKOITZARI ESLEITUTAKO LAN-UNITATE KOPURUA, IRAILAREN 6KO 225/2018 FORU AGINDUAREN ETA ONDORENGO EGUNERATZEEN ARABERA

LABORE TALDEA	LAN-UNITATE KOPURUA/ha
Larreak	0,013
Belarki-laboreak, lehorrekoak	0,01
Belarki-laboreak, ureztatuak	0,02
Fruitu oskoldunak lehorrekoak	0,05
Fruitu oskoldunak ureztatuak	0,067
Lehorreko mahastia	0,083
Mahasti ureztatua	0,1
Barazkiak aire zabalean	0,2
Barazkiak plastiko azpian	1,00
Lehorreko olibondoa	0,059
Olibondo ureztatua	0,067
Fruta-arbolak	0,2
Berotegiak	3,57
Arroza	0,02
Usaintsuak Sendabelarrak Tindatzekoak Lehorrekoak	0,013
Usaintsuak Sendabelarrak Tindatzekoak Ureztatuak	0,020
Lugorria lehorreko lurretan	0,007
Ereindako lugorria lehorrean	0,007
Lugorri ureztatua	0,007

VI. ERANSKINA.–HAZITARAKO PATATARI KALTE EGITEN DIOTEN LURSAGU ETA BESTELAKO ORNODUNENTZAKO PAUSALEKUEN EZAUGARRIAK ETA INSTALAZIOA

a) Azalpena: Hesola edo zutoina lurrean sartuta edo behar bezala tinkatuta, bertikalean, goiko muturrean gurutzeta iltzatua edo torlojutua duena, gaueko eta eguneko harrapariek pausalekua izan dezaten.

b) Kokapena: Lurzatiaren barnean, lurzati osoa babesteko moduan hedatuak.

c) Zutoin eta gurutzetako materialak: Zur tratatua, aire zabalean ongi eusten dioten zurak, metala, zuntza, material plastikoa kenduta.

d) Zutoinaren gutxieneko altuera: 1,80 m.

e) Zutoinaren gutxieneko diametroa oinarrian: 4 cm zurezkoak badira.

f) Gurutzetaren gutxieneko neurriak: luzera 25 cm, zabalera 3 cm, altuera 3 cm.

g) Gurutzetak lurretik 1,70 m-ra egon beharko du gutxienez.

h) Aukeran, aziendak bota ez ditzan, alanbre arantzaduna izaten ahal dute zutoinaren bueltan bildua.

(*) Pausalekuak kentzeko moduan jarriko dira, une batean beharrezkoa bada ere, ereintza lanak egiteko, tratamendu fitosanitarioak eta uzta egiteko, baina lanak bukatu eta berehala berriro kokatu beharko dira.

VII. ERANSKINA.–ESTEPAKO HEGAZTIENTZAKO EREMU KRITIKOAK

Nafarroako eremu kritikoak

ZK.	IZENA	UDAL ID.	UDALERRIA	AZALERA (ha)*
1	1. EK: Aberin-Larraga-Morentin-Oteitza-Villatuerta	174	Morentin	125,37
1	1. EK: Aberin-Larraga-Morentin-Oteitza-Villatuerta	5	Aberin	634,75
1	1. EK: Aberin-Larraga-Morentin-Oteitza-Villatuerta	257	Villatuerta	345,24
1	1. EK: Aberin-Larraga-Morentin-Oteitza-Villatuerta	200	Oteitza	1.495,95
1	1. EK: Aberin-Larraga-Morentin-Oteitza-Villatuerta	142	Larraga	83,13
				2.684,44
2	2. EK: Armañantzas-Bargota-Elizagorria-Torres del Río	47	Bargota	385,61
2	2. EK: Armañantzas-Bargota-Elizagorria-Torres del Río	145	Elizagorria	296,37
2	2. EK: Armañantzas-Bargota-Elizagorria-Torres del Río	231	Torres del Río	276,32
2	2. EK: Armañantzas-Bargota-Elizagorria-Torres del Río	35	Armañantzas	305,61
				1.263,91
3	3. EK: Arroitz-Los Arcos-Mendabia-Sesma	165	Mendabia	1.227,96
3	3. EK: Arroitz-Los Arcos-Mendabia-Sesma	29	Los Arcos	161,00
3	3. EK: Arroitz-Los Arcos-Mendabia-Sesma	224	Sesma	1304,58
3	3. EK: Arroitz-Los Arcos-Mendabia-Sesma	36	Arroitz	79,35
				2.772,88
4	4. EK: Arroiz-Los Arcos-Lukin-Sesma	80	Deikaztelu	4,67
4	4. EK: Arroitz-Los Arcos-Lukin-Sesma	160	Lukin	451,81
4	4. EK: Arroitz-Los Arcos-Lukin-Sesma	29	Los Arcos	238,12
4	4. EK: Arroitz-Los Arcos-Lukin-Sesma	224	Sesma	151,01
4	4. EK: Arroitz-Los Arcos-Lukin-Sesma	36	Arroitz	1.725,43
				2.571,05
5	5. EK: Allo-Arellano-Arroitz-Deikaztelu–32. Fazeria-Lerin	532	32. Fazeria	66,20
5	5. EK: Allo-Arellano-Arroitz-Deikaztelu–32. Fazeria-Lerin	30	Arellano	636,14
5	5. EK: Allo-Arellano-Arroitz-Deikaztelu–32. Fazeria-Lerin	12	Allo	2.041,06
5	5. EK: Allo-Arellano-Arroitz-Deikaztelu–32. Fazeria-Lerin	80	Deikaztelu	1305,90
5	5. EK: Allo-Arellano-Arroitz-Deikaztelu–32. Fazeria-Lerin	152	Lerin	123,37
5	5. EK: Allo-Arellano-Arroitz-Deikaztelu–32. Fazeria-Lerin	36	Arroitz	503,47
				4.676,14
6	6. EK: Lerin-Sesma	152	Lerin	589,92
6	6. EK: Lerin-Sesma	224	Sesma	572,62
				1.162,54
7	7. EK: Andosilla-Carcar-Lodosa-Sartaguda-Sesma	66	Carcar	968,98
7	7. EK: Andosilla-Carcar-Lodosa-Sartaguda-Sesma	223	Sartaguda	317,83
7	7. EK: Andosilla-Carcar-Lodosa-Sartaguda-Sesma	157	Lodosa	244,39
7	7. EK: Andosilla-Carcar-Lodosa-Sartaguda-Sesma	224	Sesma	258,01
7	7. EK: Andosilla-Carcar-Lodosa-Sartaguda-Sesma	15	Andosilla	1.002,34
				2.791,53
8	8. EK: Andosilla-Carcar-Faltzes-Lerin-Azkoien	66	Carcar	468,39
8	8. EK: Andosilla-Carcar-Faltzes-Lerin-Azkoien	152	Lerin	1.653,95
8	8. EK: Andosilla-Carcar-Faltzes-Lerin-Azkoien	15	Andosilla	759,05
8	8. EK: Andosilla-Carcar-Faltzes-Lerin-Azkoien	202	Azkoien	33,91
8	8. EK: Andosilla-Carcar-Faltzes-Lerin-Azkoien	104	Faltzes	3.440,55
				6355,85
9	9. EK: Berbintzana-Larraga-Lerin	53	Berbintzana	367,80
9	9. EK: Berbintzana-Larraga-Lerin	142	Larraga	984,38
9	9. EK: Berbintzana-Larraga-Lerin	152	Lerin	2.511,08
				3.863,26
10	10. EK: Azkoien-Funes	107	Funeak	605,76
10	10. EK: Azkoien-Funes	202	Azkoien	279,34
				885,10
11	11. EK: Miranda Arga-Tafalla-Erriberri	171	Miranda Arga	655,55
11	11. EK: Miranda Arga-Tafalla-Erriberri	227	Tafalla	1.862,39
11	11. EK: Miranda Arga-Tafalla-Erriberri	191	Erriberri	148,93
				2.666,86
12	12. EK: Azkoien	202	Azkoien	270,06
				270,06
13	13. EK: Caparroso-Faltzes-Martzilla-Erriberri	65	Caparroso	160,41
13	13. EK: Caparroso-Faltzes-Martzilla-Erriberri	191	Erriberri	1458,43
13	13. EK: Caparroso-Faltzes-Martzilla-Erriberri	163	Martzilla	458,02
13	13. EK: Caparroso-Faltzes-Martzilla-Erriberri	104	Faltzes	10,72
				2.087,58
14	14. EK: Pitillas-Santakara	220	Santakara	1288,79
14	14. EK: Pitillas-Santakara	205	Pitillas	823,88
				2.112,66
15	15. EK: Corella	77	Corella	1448,87
				1.448,87
16	16. EK: Castejon-Tutera	70	Castejon	56,20
16	16. EK: Castejon-Tutera	232	Tutera	1.015,61
				1.071,81
17	17. EK: Tutera iparraldea	232	Tutera	1161,04
				1.161,04
18	18. EK: Tutera hegoaldea	232	Tutera	653,93
				653,93
19	19. EK: Cintruenigo-Tutera	68	Cascante	877,89
19	19. EK: Cintruenigo-Tutera	232	Tutera	1.834,50
19	19. EK: Cintruenigo-Tutera	72	Cintruenigo	29,04
				2.741,43
20	20. EK: Ablitas	6	Ablitas	3.068,15
				3.068,15
21	21. EK: Errege Bardea	178	Murillo el Cuende	0,09
21	21. EK: Errege Bardea	62	Cabanillas	1.029,42
21	21. EK: Errege Bardea	690	Errege Bardea	35.923,64
21	21. EK: Errege Bardea	32	Arguedas	1979,51
21	21. EK: Errege Bardea	164	Mélida	31,95
21	21. EK: Errege Bardea	232	Tutera	2.848,88
21	21. EK: Errege Bardea	108	Fustiñana	4.768,84
21	21. EK: Errege Bardea	67	Zarrakaztelu	144,47
21	21. EK: Errege Bardea	57	Buñuel	4,80
				46.731,61
22	22. EK: Zarrakaztelu-Mélida	164	Mélida	173,46
22	22. EK: Zarrakaztelu-Mélida	67	Zarrakaztelu	1.077,33
				1.250,79
23	23. EK: Arguedas-Valtierra	32	Arguedas	235,30
23	23. EK: Arguedas-Valtierra	249	Valtierra	382,33
				617,63
EREMU KRITIKOEN AZALERA GUZTIRA				94.909,12
(*) Udalerri bakoitzaren azalera eremu kritikoen barruan.

Interes handieneko eremu kritikoak

ZK.	ZK.	IZENA	UDAL ID.	UDAL.	AZALERA (ha)*
2	2-1	2. EK: Armañantzas-Bargota-Elizagorria-Torres del Río	35	Armañantzas	57,21
					57,21
2	2-2	2. EK: Armañantzas-Bargota-Elizagorria-Torres del Río	145	Elizagorria	60,26
2	2-2	2. EK: Armañantzas-Bargota-Elizagorria-Torres del Río	231	Torres del Río	10,25
					70,51
3	3-1	3. EK: Arroitz-Los Arcos-Mendabia-Sesma	224	Sesma	79,62
					79,62
3	3-2	3. EK: Arroitz-Los Arcos-Mendabia-Sesma	165	Mendabia	106,60
3	3-2	3. EK: Arroitz-Los Arcos-Mendabia-Sesma	224	Sesma	20,73
					127,33
4	4	4. EK: Arroitz-Los Arcos-Lukin-Sesma	36	Arroitz	433,87
					433,87
5	5	5. EK: Allo-Arellano-Arroitz-Deikaztelu–32. Fazeria-Lerin	30	Arellano	366,79
5	5	5. EK: Allo-Arellano-Arroitz-Deikaztelu–32. Fazeria-Lerin	36	Arroitz	84,34
5	5	5. EK: Allo-Arellano-Arroitz-Deikaztelu–32. Fazeria-Lerin	80	Deikaztelu	189,81
					640,94
7	7	7. EK: Andosilla-Carcar-Lodosa-Sartaguda-Sesma	15	Andosilla	434,53
7	7	7. EK: Andosilla-Carcar-Lodosa-Sartaguda-Sesma	66	Carcar	527,21
7	7	7. EK: Andosilla-Carcar-Lodosa-Sartaguda-Sesma	223	Sartaguda	56,96
					1.018,71
8	8-1	8. EK: Andosilla-Carcar-Faltzes-Lerin-Azkoien	15	Andosilla	9,69
8	8-1	8. EK: Andosilla-Carcar-Faltzes-Lerin-Azkoien	66	Carcar	148,68
8	8-1	8. EK: Andosilla-Carcar-Faltzes-Lerin-Azkoien	152	Lerin	1.642,49
8	8-1	8. EK: Andosilla-Carcar-Faltzes-Lerin-Azkoien	104	Faltzes	1,13
					1.801,99
8	8-2	8. EK: Andosilla-Carcar-Faltzes-Lerin-Azkoien	104	Faltzes	307,58
					307,58
9	9-1	9. EK: Berbintzana-Larraga-Lerin	53	Berbintzana	24,33
9	9-1	9. EK: Berbintzana-Larraga-Lerin	142	Larraga	412,10
					436,43
9	9-2	9. EK: Berbintzana-Larraga-Lerin	152	Lerin	146,56
					146,56
11	11	11. EK: Miranda Arga-Tafalla-Erriberri	171	Miranda Arga	346,61
11	11	11. EK: Miranda Arga-Tafalla-Erriberri	227	Tafalla	1104,45
					1.451,07
12	12	12. EK: Azkoien	202	Azkoien	73,30
					73,30
13	13	13. EK: Caparroso-Falces-Martzilla-Erriberri	65	Caparroso	160,41
13	13	13. EK: Caparroso-Faltzes-Martzilla-Erriberri	163	Martzilla	441,49
13	13	13. EK: Caparroso-Faltzes-Martzilla-Erriberri	191	Erriberri	577,55
					1.179,46
19	19	19. EK: Cintruenigo-Tutera	232	Tutera	147,49
					147,49
21	21	21. EK: Errege Bardea	690	Errege Bardea	758,52
					758,52
INTERES HANDIENEKO EREMU KRITIKOEN AZALERA GUZTIRA					8.730,59
(*) Udalerri bakoitzak Interes Handieneko Eremuaren barnean duen azalera.

VIII. ERANSKINA.–UDALERRI DIRUZ LAGUNGARRIAK "HAZITARAKO PATATAREN EKOIZPENA, INGURUMENAREKIN BATERAGARRI DENA" ESKU-HARTZEAN

UDALERRIAREN ID	UDALERRIA	DIRUZ LAGUNDU DAITEKEEN ZENBATEKOA/ha	EREMUA
3	Abaurregaina	600	Pirinioak
4	Abaurrepea	600	Pirinioak
7	Adios	400	Izarbeibar
14	Antzin	400	Kodes
18	Añorbe	400	Izarbeibar
33	Aria	600	Pirinioak
34	Aribe	600	Pirinioak
58	Auritz	600	Pirinioak
63	Cabredo	400	Kodes
89	Eneritz	400	Izarbeibar
92	Erroibar (Auritz berri)	600	Pirinioak
93	Ezkaroze	600	Pirinioak
95	Espartza Zaraitzu	600	Pirinioak
112	Garaioa	600	Pirinioak
115	Garralda	600	Pirinioak
116	Genevilla	400	Kodes
127	Irañeta	400	Sakana
133	Itzaltzu	600	Pirinioak
134	Jaurrieta	600	Pirinioak
147	Legarda	400	Izarbeibar
162	Marañon	400	Kodes
166	Mendaza	400	Kodes
177	Murieta	400	Kodes
180	Muruzabal	400	Izarbeibar
183	Obanos	400	Izarbeibar
185	Otsagabia	600	Pirinioak
195	Orbaitzeta	600	Pirinioak
196	Orbara	600	Pirinioak
198	Orontze	600	Pirinioak
206	Gares	400	Izarbeibar
211	Orreaga	600	Pirinioak
229	Tirapu	400	Izarbeibar
234	Ukar	400	Izarbeibar
246	Uterga	400	Izarbeibar
256	Hiriberri Aezkoa	600	Pirinioak
502	2. fazeria	600	Pirinioak
509	9. fazeria	600	Pirinioak
510	10. faceria (Larraieta)	600	Pirinioak
518	18. Fazeria (Erremendia)	600	Pirinioak

IX. ERANSKINA.–AGROSISTEMA MEDITERRANEO JASANGARRIAK ZAINTZEKO ESKU-HARTZEAN SAGARRONDOAK ETA GEREZIONDOAK LANDATZEAGATIK DIRULAGUNTZA JASO DEZAKETEN UDALERRIAK

Sagarrondoak 01 Eskualdea (Ipar-mendebaldea)

UDAL_KODEA	UDAL_IZENA	UDAL_KODEA	UDAL_IZENA
10	Altsasu	127	Irañeta
17	Anue	129	Ituren
20	Araitz	130	Iturmendi
22	Arantza	137	Beintza-Labaien
24	Arano	138	Lakuntza
25	Arakil	140	Lantz
27	Arbizu	144	Larraun
31	Areso	149	Leitza
37	Arruazu	153	Lesaka
40	Atez	186	Odieta
44	Bakaiku	187	Oitz
49	Basaburua	188	Olaibar
50	Baztan	189	Olazti
54	Bertizarana	213	Saldias
55	Betelu	221	Doneztebe
73	Ziordia	226	Sunbilla
81	Donamaria	236	Ultzama
82	Etxalar	239	Urdazubi
84	Etxarri Aranatz	240	Urdiain
87	Elgorriaga	244	Urrotz
90	Eratsun	250	Bera
91	Ergoiena	259	Igantzi
101	Ezkabarte	263	Zubieta
102	Ezkurra	264	Zugarramurdi
117	Goizueta	904	Irurtzun
123	Uharte Arakil	908	Lekunberri
126	Imotz

Gereziondoak 03. eskualdea (Iruñerria)

UDAL_KODEA	UDAL_IZENA	UDAL_KODEA	UDAL_IZENA
7	Adios	147	Legarda
16	Antsoain	180	Muruzabal
18	Añorbe	183	Obanos
23	Aranguren	193	Oltza Zendea
39	Artazu	194	Olloibar
52	Beraskoain	201	Iruña
56	Biurrun-Olkotz	206	Gares
60	Burlata	228	Tebas-Muru Artederreta
75	Ziritza	229	Tirapu
76	Zizur	234	Ukar
83	Etxarri	246	Uterga
85	Etxauri	253	Bidaurreta
86	Egues	258	Atarrabia
88	Noain (Elortzibar)	262	Zabaltza
89	Eneritz	901	Barañain
109	Galar	902	Berriobeiti
118	Goñi	903	Berriozar
121	Girgillao	905	Beriain
122	Uharte	906	Orkoien
131	Itza	907	Zizur Nagusia
136	Txulapain

X. ERANSKINA.–BELATZ GORRI ETA SAGUZARRENTZAT HABIAK JARTZEKO JARRAIBIDEAK "AGROSISTEMA MEDITERRANEO JASANGARRIAK ZAINTZEA" ESKU-HARTZEAN

Belatz gorrientzako habiak

Nahitaezko gutxieneko baldintzak:

1. Hego-ekialdera begira.

2. Zurezko habia.

3. Habiarako sarrera zirkularra.

4. Altueran jarrita.

Beste gomendio batzuk:

1. Habia-kutxen kokapena funtsezkoa da xede-espezieek ongi onar ditzaten. Habiak kokatzeko leku baliagarriak gutxi badira, esaterako, zuhaiztiak edo nekazaritzako paisaiaren barruko eraikinak, oso ongi onartzen dituzte egurrezko zutoinen gainean jarritako habia-kutxak, 4 metroko altueratik gora.

2. Habiak paratzeko datarik egokienak, hegaztiek ahalik eta lasterren okupatu ditzaten, irailetik urtarrilera bitartekoak dira, baina urte osoan jar daitezke.

Saguzarrentzako habiak

Nahitaezko gutxieneko baldintzak:

1. Hego-ekialdera begira, eremu irekietara.

2. Zurezko edo zur kontratxapatuko habia.

3. Altueran jarrita.

Beste gomendio batzuk:

1. Kutxa-babeslekuen kokapena funtsezkoa da, horien xede diren saguzar-espezieek ongi onar ditzaten. Batez ere zuhaitz enborretan, iltze, alanbre edo briden bidez eutsita. Fatxadetan, hormetan, zubietan eta zurezko zutoinen gainean ere jartzen ahal dira, 4 metroko altueratik gora.

2. Laster okupatzeko data egokienak abuztua eta iraila bitartekoak dira, baina urte osoan jar daitezke.

Iragarkiaren kodea: F2406392

Sarbidea

Loturiko estekak

Nafarroako Aldizkari Ofiziala

Paseo Pablo Sarasate, 38, 2.º izda.

31001 - Iruña

848 42 12 50

bon@navarra.es