1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
GORA JOTZEKO ERREKURTSOA. Epatze deia, honako errekurtso honetan interesdun direnei: Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren apirilaren 8ko 91/2024 Ebazpenaren aurka jarritako gora jotzeko errekurtsoa. Ebazpen horren bidez onesten ziren, batetik, Nafarroako Foru Komunitateko Administrazioaren kudeaketa esparruko lanpostuetan maisu-maistren kidegoan sartzeko hautapen prozeduran onartutako eta baztertutako izangaien behin betiko zerrendak, eta, bestetik, maisu-maistren kidegoan karrerako langile funtzionarioek kidego horretan espezialitate berriak eskuratzeko prozedura.
Iragarki honen bidez jakinarazten da ondoren adierazitako interesdunek gora jotzeko errekurtsoak aurkeztu dituztela Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariak emandako apirilaren 8ko 91/2024 Ebazpenaren aurka. Ebazpen horren bidez onesten ziren, batetik, Nafarroako Foru Komunitateko Administrazioaren kudeaketa esparruko lanpostuetan maisu-maistren kidegoan sartzeko hautapen prozeduran onartutako eta baztertutako izangaien behin betiko zerrendak, eta, bestetik, maisu-maistren kidegoan karrerako langile funtzionarioek kidego horretan espezialitate berriak eskuratzeko prozedura.
Maisu-maistren kidegoa:
–Lehen Hezkuntza (gaztelaniaz):
BIOQUE ZURITA, JUAN CARLOS
ECHARRI LATORRE, PATRICIA
LOZANOVA PEEVA, ANI
–Lehen Hezkuntza (euskaraz):
BELOQUI ARCELUS, IRANTZU
–Haur Hezkuntza (gaztelaniaz):
BURGUI BENGOA, EDURNE
–Pedagogia Terapeutikoa (gaztelaniaz):
BIOQUE ZURITA, JUAN CARLOS
Hori horrela, eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 45. eta 118. artikuluetan xedatutakoarekin bat etorriz, prozeduran interesdun diren guztiak epatzen dira alegazioak egin ahal izan ditzaten, iragarki hau Nafarroako Aldizkari Ofizialean argitaratu eta biharamunetik hamar egun balioduneko gehieneko epean. Alegazioak Hezkuntza Departamentuaren Erregistroan aurkeztu beharko dira (Iruñeko San Domingo aldapa z.g.), edo, bestela, Administrazio Publikoen Administrazio Prozedura Erkideari buruzko urriaren 1eko 39/2015 Legean ezarritako bideetatik edozein erabiliz.
Jarritako errekurtsoen kopia bat lortzeko, interesdunek aurkeztu diren gora jotzeko errekurtsoak bidaltzeko eskatzen ahalko dute, aurreko paragrafoan adierazitako erregistroetan aurkeztu beharreko eskaera baten bidez, zeina Hezkuntza Departamentuko Idazkaritza Tekniko Nagusiari zuzenduko baitzaio. Eskaeran helbide elektroniko bat adierazi beharko dute, errekurtsoa hara bidaltzeko.
Iruñean, 2024ko apirilaren 19an.–Hezkuntza Departamentuko idazkari tekniko nagusia, Beatriz Ayerra Gamboa.
Iragarkiaren kodea: F2406436
