1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
EPATZE DEIA, Hezkuntzako kontseilariak emandako otsailaren 23ko 576/2024 Foru Aginduaren aurka jarritako 138/2024 prozedura arruntean. Foru agindu horren bidez, metatu eta ezetsi ziren gora jotzeko errekurtso batzuk, hautapen prozedurako epaimahaiak emandako puntuazioen behin betiko baturaren aktaren aurkakoak eta Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren uztailaren 15eko 166/2023 eta 167/2023 Ebazpenen aurkakoak.
Hezkuntza Departamentuko idazkari tekniko nagusiaren ofizioaren bidez, Nafarroako Justizia Auzitegi Nagusiko Administrazioarekiko Auzien Salara bidaliko da 138/2023 prozedura arruntari dagokion administrazio espedientea, Yolanda Barbería Hueso andreak Hezkuntzako kontseilariak emandako otsailaren 23ko 576/2024 Foru Aginduaren aurka jarritakoaren gainekoa, zeinaren bidez metatu eta ezetsi ziren gora jotzeko errekurtso batzuk, hautapen prozedurako epaimahaiak emandako puntuazioen behin betiko baturaren aktaren aurkakoak eta Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren uztailaren 15eko 166/2023 eta 167/2023 Ebazpenen aurkakoak; ebazpen horien bidez argitara eman zen lanpostuak esleitzeko behin betiko zerrenda eta onetsi ziren gainditu dutenen zerrenda bakarrak, hurrenez hurren.
Administrazioarekiko Auzien Jurisdikzioa arautzen duen uztailaren 13ko 29/1998 Legearen 49. artikuluaren arabera, iragarki honen bidez dei egiten zaie Musikako eta Arte Eszenikoetako irakasleen kidegoko Dantza Klasikoa espezialitatean (gaztelania) interesa duten guztiei, Nafarroako Justizia Auzitegi Nagusiko Administrazioarekiko Auzien Salan ager daitezen, argitaratu ondoko bederatzi egun balioduneko epean.
Iruñean, 2024ko apirilaren 18an.–Idazkari tekniko nagusia, Beatriz Ayerra Gamboa.
Iragarkiaren kodea: F2406283
