2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ERATSUN
Baso-aprobetxamenduaren enkante publikoa
Eratsungo Udalak, Nafarroako Gobernuak behar bezala baimendurik, gutun-azal itxien bidezko enkante publikoa eginen du honako baso aprobetxamendu hau saltzeko (bi lote dira, enkante bakarrean):
–2 lote dira, lehenengoa Pilotasoro eta Tintagorri parajeetan kokatua, eta bestea Arbea parajean. Haien ustiapena baimendu zen Basoen eta Ehizaren Zerbitzuko zuzendariaren abuztuaren 11ko 179/2023 Ebazpenaren bidez:
- 1. lotea konifero gazteek eta alertzeek osatzen dute:
- 430,04 m³, enbor txikiak, guztira 3.440,31 euroan zenbatetsiak.
- 3.242,32 m³, zerrategirako zura, guztira 123.208,15 euroan zenbatetsiak.
- 2. lotea hostozabalez (pagoa) osatuta dago:
- 302,94 m³, enbor txikiak, guztira 3.635.23 euroan zenbatetsiak.
- 302,94 m³, zerrategirako zura, guztira 10.602,76 euroan zenbatetsiak.
Enkanteko aprobetxamenduaren guztizko balorazioa, beraz, 140.889,45 eurokoa da (BEZik gabe).
Gutun-azal itxian aurkeztuko dira proposamenak, baldintza-agirian ezarritako agiriekin batera, Eratsungo Udaleko Erregistroan, haren egoitza elektronikoan (https://eratsun.egoitzaelektronikoa.eus/info.0), edo indarrean dagoen araudian jasotako beste edozein bitarteko baliatuz, iragarki hau Nafarroako Aldizkari Ofizialean argitaratzen denetik 20 egun naturaleko epean. Proposamenekin batera, aurkeztuko da lizitazio-prezioaren %2ko gordailuaren frogagiria (hau da, 2.817,73 euro), fidantza gisa.
Baldintza tekniko eta ekonomiko-administratiboen agiria interesdunen eskura dago Eratsungo Udalaren bulegoetan.
Eratsunen, 2024ko apirilaren 22an.–Alkatea, Nagore Escudero Baleztena.
Iragarkiaren kodea: L2406497