1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
146/2024 FORU AGINDUA, apirilaren 25ekoa, Eskubide Sozialetako, Ekonomia Sozialeko eta Enpleguko kontseilariaren apirilaren 3ko 283E/2024 Foru Aginduko akatsak zuzentzen dituena. Foru agindu horren bidez oinarrizko gizarte zerbitzuen titular diren toki erakundeei etxeko laguntza zerbitzuak indartzeko dirulaguntzak emateko deialdia onesten da. Dirulaguntzen Datu Base Nazionalaren identifikazioa: 752640.
Eskubide Sozialetako, Ekonomia Sozialeko eta Enpleguko kontseilariaren apirilaren 3ko 283E/2024 Foru Aginduaren bidez oinarrizko gizarte zerbitzuen titular diren toki erakundeei etxeko laguntza zerbitzuak indartzeko dirulaguntzak emateko deialdia onesten da. 2024ko 83. Nafarroako Aldizkari Ofizialean eman zen argitara, apirilaren 23koan, eta Dirulaguntzen Datu Base Nazionalaren identifikazioa 752640 da.
Akatsak zuzentzeko aukera aurreikusita dago bai Nafarroako Foru Komunitateko Administrazioari eta foru-sektore instituzionalari buruzko martxoaren 11ko 11/2019 Foru Legearen 125. artikuluan, bai Administrazio Publikoen Administrazio Prozedura Erkideari buruzko urriaren 1eko 39/2015 Legearen 109.2 artikuluan.
Foru agindu horren 11. oinarriko 5. puntuan akats bat dagoela oharturik, zuzenketa egin behar da.
Gizarte Zerbitzuetako Oinarrizko Laguntza Koordinatzeko Atalaren txostena ikusi da, non egokitzat jotzen baita aipatutako oinarrietan atzemandako akatsa zuzentzea, eskaerak aurkezteko epea aldatu gabe.
Horrenbestez, Nafarroako Gobernuari eta Lehendakariari buruzko abenduaren 3ko 14/2004 Foru Legearen bidez esleitu zaizkidan ahalmenak eta Eskubide Sozialetako, Ekonomia Sozialeko eta Enpleguko Departamentuaren egitura organikoa ezartzen duen azaroaren 15eko 251/2023 Foru Dekretuaren bidez esleitutakoak erabiliz,
AGINTZEN DUT:
1. Eskubide Sozialetako, Ekonomia Sozialeko eta Enpleguko kontseilariaren apirilaren 3ko 283E/2024 Foru Aginduan atzemandako akatsa zuzentzea. Foru agindu horren bidez oinarrizko gizarte zerbitzuen titular diren toki erakundeei etxeko laguntza zerbitzuak indartzeko dirulaguntzak emateko deialdia onesten da. Dirulaguntzen Datu Base Nazionalaren identifikazioa: 752640:
Honako hau dioen tokian:
"–Oinarrizko talde profesionalaren 2023rako zenbatetsitako kostuaren %6,5, uztailaren 15eko 48/2020 Foru Dekretuak ezarritako oinarrizko gizarte zerbitzuei dagokienez."
Honako hau behar du:
–Oinarrizko talde profesionalaren 2023rako zenbatetsitako kostuaren %2,09, uztailaren 15eko 48/2020 Foru Dekretuak ezarritako oinarrizko gizarte zerbitzuei dagokienez."
Honako hau dioen tokian:
"–Uztailaren 15eko 48/2020 Foru Dekretuak 2023rako ezarritako sakabanatze kontzepturako zenbatetsitako diru kopuruaren %6,5."
Honako hau behar du:
–Uztailaren 15eko 48/2020 Foru Dekretuak 2023rako ezarritako sakabanatze kontzepturako zenbatetsitako diru kopuruaren %2,09."
2. Foru agindu hau Nafarroako Aldizkari Ofizialean argitaratzea.
3. Foru agindu hau Oinarrizko Laguntzaren eta Gizarte Inklusioaren Zerbitzura, Ekonomia eta Aurrekontuak Kudeatzeko Ataleko Kontabilitate Zentrora eta departamentuko Idazkaritza Tekniko Nagusiko Administrazio Aferetarako Bulegora igortzea, baita Dirulaguntzen Datu Base Nazionalera ere, behar diren ondorioak izan ditzan.
4. Foru agindu honen aurka gora jotzeko errekurtsoa jartzen ahal da, Nafarroako Gobernuari zuzendua, argitaratu eta biharamunetik hilabeteko epean.
Iruñean, 2024ko apirilaren 25ean.–Eskubide Sozialetako, Ekonomia Sozialeko eta Enpleguko kontseilaria, M.ª Carmen Maeztu Villafranca.
Iragarkiaren kodea: F2406704
