Iragarkia

85. ALDIZKARIA - 2024ko apirilaren 25a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

UNTZITIBAR

Zorokiainera joateko bidea zolatzeko proiektuaren desjabetzeak ukitutako ondasun eta eskubideen hasierako zerrenda. Jendaurreko informazioa

Udal honek, 2024ko otsailaren 22an egin osoko bilkuran, honako erabaki hau hartu zuen:

Lehenengoa.–Onestea Untzitibartik (Nafarroa) Zorokiainera joateko bidea zolatzeko proiektua, eta hasiera batez onestea proiektuak ukitutako ondasunen eta eskubideen zerrenda.

Udalaren zerbitzu publikoa izaki, Nahitaezko Desjabetzeari buruzko Legearen 10. artikuluan eta Nafarroako Toki Administrazioari buruzko uztailaren 2ko 6/1990 Foru Legearen 215.2 artikuluan ezarritakoari jarraituz, tokiko obra eta zerbitzuen proiektuak onesteak berarekin dakar hartzen dituzten ondasunen onura publikoaren adierazpena eta ondasun horiek okupatu behar izatea, nahitaezko desjabetzea egiteko.

Bigarrena.–Aitortzea eta deklaratzea proiektuak ukitutako ondasun eta eskubideen onura publikoa eta okupatu beharra, onespenari loturik baitaude.

Hirugarrena.–Ukitutako ondasun eta eskubideen zerrenda jendaurrean jartzea 15 egun baliodunean (jarraikiz Nahitaezko Desjabetzeari buruzko Legearen 18. artikuluari). Aldi horretan, interesdunek egoki iritzitako ohar edo alegazioak egin ahalko dituzte, eta idatziz aurkeztu argitaratutako zerrendan egon litezkeen akatsak zuzentzeko behar diren datuak. Horretarako, proiektua Itzagako Administrazio Zerbitzuen Mankomunitatearen egoitzetan egonen da eskuragarri (Santo Tomas kalea 5, 31420, Urrotz-Hiria eta Del Burgo kalea 4, 31471, Elo).

Laugarrena.–Erabaki hau argitaratzea Nafarroako Aldizkari Ofizialean, eta paratzea Untzitibarko Udalaren eta Itzagako Administrazio Zerbitzuen Mankomunitateko iragarki-tauletan. Orobat, iragarkia argitaratuko da Foru Komunitateko egunkari batean.

Bosgarrena.–Erabaki hau ukituei jakinaraztea, behar diren ondorioetarako.

Untzitin, 2024ko apirilaren 11n.–Alkatea, Javier Ibiricu Astráin.

I. ERANSKINA.–UNTZITIBARTIK (NAFARROA) ZOROKIAINERA JOATEKO BIDEA ZOLATZEKO PROIEKTUA

Ukitutako ondasun eta eskubideen zerrenda

Iragarkiaren kodea: L2405916