2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
LONGIDA
Jendaurrean jartzea, Pirinioetako hegoaldeko isurialdeko natur bidea (Irati trenaren zatia) berreskuratzeko proiektua aldatzeko desjabetzeak ukitutako ondasun eta eskubideen hasierako zerrenda
Longidako Udalak, 2024ko martxoaren 21ean egin osoko bilkuran, honako erabaki hau hartu zuen, aho batez:
Lehenengoa.–Honako proiektu hau onestea: "Pirinioetako hegoaldeko isurialdeko bide naturala (Irati trenaren zatia) lehengoratzeko proiektua egokitzea, Longidako udal-mugartean. Orobat, hasiera batez onestea proiektuak ukitutako ondasunen eta eskubideen zerrenda.
Udalaren zerbitzu publikoa izaki, bat etorriz xedaturik dagoenarekin Nahitaezko Desjabetzeari buruzko Legearen 10. artikuluan eta uztailaren 2ko 6/1990 Foru Legearen 215.2 artikuluan (Nafarroako Toki Administrazioari buruzko Foru Legea), tokiko obra eta zerbitzuen proiektuak onesteak berarekin dakar onura publikoaren deklarazioa eta proiektuko ondasunak okupatu behar izatea, nahitaezko desjabetzea egiteko.
Bigarrena.–Aitortzea eta deklaratzea onura publikoa eta proiektuak ukitutako ondasunak eta eskubideak okupatu beharra, onespenari loturik baitaude.
Hirugarrena.–Ukitutako ondasun eta eskubideen zerrenda jendaurrean jartzea 15 egun baliodunean (jarraikiz Nahitaezko Desjabetzeari buruzko Legearen 18. artikuluari). Aldi horretan, interesdunek egoki iritzitako ohar edo alegazioak egin ahal izanen dituzte, eta idatziz aurkeztu argitaratutako zerrendan egon litezkeen akatsak zuzentzeko behar diren datuak. Horretarako, proiektua eskuragarri egonen da Longidako Udalean.
Laugarrena.–Erabaki hau Nafarroako Aldizkari Ofizialean argitaratzea eta Longidako Udalaren iragarki-taulan paratzea. Orobat, iragarkia argitaratuko da Foru Komunitateko egunkari batean.
Bosgarrena.–Erabaki hau ukituei jakinaraztea, behar diren ondorioetarako.
Longidan, 2024ko martxoaren 21ean.–Alkatea, Roberto Zazpe Bariain.
PIRINIOETAKO HEGOALDEKO ISURIALDEKO BIDE NATURALA (IRATI TRENAREN ZATIA) LEHENGORATZEKO PROIEKTUA EGOKITZEA, LONGIDAKO UDAL-MUGARTEAN
Ukitutako ondasun eta eskubideen zerrenda
FINKAREN KODEA | TITULARRA/K | UKIPENAK | KATASTROA |
BEHIN BETIKO OKUPAZIOA | ALDI BATERAKO OKUPAZIOA | POLIGONOA | LURZATIA | AZALPENA |
m² | m² |
Longidako udal-mugartea |
LON-01 | Teresa Ollo Goldaraz | - | 10,24 | 14 | 21 | Lehorreko alorra |
LON-02 | Teresa Ollo Goldaraz | 1.103,11 | 608,75 | 14 | 24 | Lehorreko alorra eta basoa/larreak |
LON-03 | Longidako Udalaren herri-lurrak | 558,06 | 432,36 | 14 | 25 | Lehorreko alorra eta basoa/larreak |
LON-04 | Nafarroako Foru Komunitatea (errepideak) | 14,80 | - | 14 | 19 | NA-150 errepidea |
LON-05 | Longidako Udalaren herri-lurrak | 234,35 | - | 14 | 16 | Basoa/zuhaiztia |
LON-06 | Teresa Ollo Goldaraz | 201,23 | - | 14 | 13 | Basoa/zuhaiztia |
Iragarkiaren kodea: L2405930