2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ZANGOZAKO ESKUALDEKO ZERBITZUEN MANKOMUNITATEA
Aldaketa, Hondakinak biltzeko zerbitzuak arautzen dituen ordenantza fiskalean. Hasierako onespena
Zangozako Eskualdeko Zerbitzuen Mankomunitatearen Batzar Nagusiak, 2024ko apirilaren 10ean egindako bilkuran, hasiera batez onetsi zuen aldatzea honako agiri hau: Etxeko eta merkataritzako hondakinak biltzeko zerbitzuengatik eta zerbitzu horri lotutako gainerako jarduerengatik ordaindu beharreko tasak arautzen dituen ordenantza fiskala. Aldaketa hori behin betiko argitaratzen denetik egonen da indarrean, Nafarroako Toki Ogasunei buruzko martxoaren 10eko 2/1995 Foru Legearen 13.5 artikuluan ezarritakoaren arabera.
Onetsitako aldaketa jendaurrean egonen da hogeita hamar egun baliodunean, iragarki hau Nafarroako Aldizkari Ofizialean argitaratu eta biharamunetik hasita, interesdunek espedientea azter dezaten eta erreklamazioak, kexak edo oharrak aurkez ditzaten; hori guztia, bat etorriz uztailaren 2ko 6/1990 Foru Legearen 325. artikuluan xedatutakoarekin (Nafarroako Toki Administrazioari buruzko Foru Legea).
Jendaurreko epea inork alegaziorik egin gabe iragaten bada, ordenantzaren aldaketa behin betiko onetsi eta osorik emanen da argitara Nafarroako Aldizkari Ofizialean.
Zangozan, 2024ko apirilaren 11n.–Mankomunitateko burua, Marta Tiebas Lacasa.
Iragarkiaren kodea: L2405961
