1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
86E/2024 EBAZPENA, martxoaren 27koa, Nafarroako Kirolaren eta Jarduera Fisikoaren Institutuko zuzendari kudeatzaileak emana, kirol babesletzaren 2024ko Nafarroako Kirol Saria eta kirolaren goresmen sariak ematea onesten duena.
Nafarroako Foru Komunitateko kirolaren goresmen sariak arautzen dituen azaroaren 24ko 100/2021 Foru Dekretua da Nafarroako Gobernuak, Nafarroako Kirolaren Institutuaren bidez, kirol arloan ematen dituen sariak eta goresmen sariak emateko oinarria.
Horrenbestez, Nafarroako Kirolaren Institutuaren estatutuak onesten dituen azaroaren 15eko 326/2019 Foru Dekretuak (ekainaren 2ko 45/2021 Foru Dekretuak aldatuak) eta Nafarroako Foru Komunitateko kirolaren goresmen sariak arautzen dituen azaroaren 24ko 100/2021 Foru Dekretuak ematen dizkidaten eskumenen arabera, honako hau,
EBAZTEN DUT:
1. 2024ko Nafarroako Kirol Saria eta kirolaren goresmen sariak honako enpresa hauei ematea:
–Babesle onenaren saria: Saltoki SA.
–Kirol babesletzaren goresmen sariak:
- Babesle fidel/aspaldikoa: Telco Maderas SL.
- Emakumeen kirolaren babeslea: Congelados de Navarra SA.
- Kirol autoktonoaren babeslea: SIF DISFAMON SL.
- Jarduera anitzen babeslea: Construcciones Izquierdo Ibáñez SL.
- Eskualdeko babeslea: Enhol SLU enpresa taldea.
2. Ebazpen hau jakinaraztea, behar diren ondorioak izan ditzan, aholku batzordeari eta pertsona eta entitate interesdunei, eta adieraztea ebazpen honen aurka gora jotzeko errekurtsoa jartzen ahal dutela, Kultura, Kirol eta Turismoko kontseilariari zuzendua, jakinarazi eta biharamunetik hilabeteko epean.
3. Ebazpen hau igortzea, behar diren ondorioak izan ditzan, Administrazio eta Kudeaketa Atalera eta Entitateei Arreta Egiteko eta Kirol Errendimendurako Zuzendariordetzara.
Iruñean, 2024ko martxoaren 27an.–Nafarroako Kirolaren eta Jarduera Fisikoaren Institutuko zuzendari kudeatzailea, Jorge Aguirre Oviedo.
Iragarkiaren kodea: F2405569
