Iragarkia

78. ALDIZKARIA - 2024ko apirilaren 18a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

44E/2024 EBAZPENA, martxoaren 21ekoa, Nekazaritza eta Abeltzaintzako zuzendari nagusiak emana, zeinaren bidez onesten baita abeltzaintzako toki azpiegiturak sortzeko eta hobetzeko laguntzen 2024ko dirulaguntza deialdia. DDBN identifikazioa: 750563.

Nafarroak, bere foru araubideari esker, eskumen esklusiboa du nekazaritza eta abeltzaintza gaietan, ekonomiaren antolamendu orokorrarekin bat, hala ezarrita baitago Nafarroako Foru Eraentza Berrezarri eta Hobetzeari buruzko abuztuaren 10eko 13/1982 Lege Organikoaren 50.1.a) artikuluan.

Foru Eraentza Berrezarri eta Hobetzeari buruzko abuztuaren 10eko 13/1982 Lege Organikoaren 56.1.a) artikuluan ezarritakoaren arabera, eta jarduera ekonomiko orokorraren oinarriekin eta antolamenduarekin bat, Nafarroako Foru Komunitateari dagokio Nafarroaren barnean jarduera ekonomikoa planifikatu eta garapen ekonomikoa sustatzeko eskumen esklusiboa.

Landa Garapeneko eta Ingurumeneko Departamentuaren helburua da, besteak beste, titulartasun eta erabilera publikoko azpiegiturak eta ekipamenduak, abeltzaintzarekin zuzeneko lotura dutenak, sustatzen laguntzea. Nafarroako toki erakunde askoren eskaria da abeltzaintzako toki azpiegituretarako laguntzen deialdia egitea.

Urte anitzeko gastua denez, eta 600.000 eurotik gorakoa, Nafarroako Gobernuak onetsi behar du. Gobernuak 2024ko otsailaren 28an hartutako Erabakiaren bidez, baimena eman zitzaion Nekazaritza eta Abeltzaintzako zuzendari nagusiari urte anitzeko gastu konpromisoa hartzeko, 2025eko ekitaldirako, abeltzaintzako toki azpiegiturak sortzeko eta hobetzeko laguntzen 2024. urteko deialdiaren gastuak finantzatzeko. Baimen hori 1.147.439 euroko gasturako da.

Europako Parlamentuaren eta Kontseiluaren 2021eko abenduaren 2ko 2021/2115 (EB) Erregelamenduak, 73. artikuluan, inbertsioetarako laguntzak ezartzen ditu. Izan ere, erregelamendu horrek arauak ezartzen ditu Europar Batasuneko estatuek, Nekazaritza Politika Erkidearen esparruan, egin beharreko plan estrategikoetarako (NPEren plan estrategikoak) laguntzari buruz, zeina Nekazaritza Bermatzeko Europako Funtsaren (NBEUF) eta Landa Garapenerako Europako Nekazaritza Funtsaren (LGENF) kargura finantzatzen baita.

Batzordearen 2022ko abuztuaren 31ko Betearazpen Erabakiaren bidez, Espainiako 2023-2027ko NPEren Plan Estrategikoa onetsi zen Europar Batasunaren laguntzarako, zeina Nekazaritza Bermatzeko Europako Funtsak eta Landa Garapenerako Europako Nekazaritza Funtsak finantzatzen baitute.

Plan Estrategiko horretan jasoa dagoen 6843.2 neurriak (Nekazaritzako azpiegituretan lehiakortasuna sustatzeko inbertsioak egiteko laguntzak) SO2 helburua (Nekazaritzako ustiategiak hobeki orientatzea merkatura eta haien lehiakortasuna handitzea, arreta handiagoa eskainiz ikerketari, teknologiari eta digitalizazioari) lortzen laguntzen du.

Deialdiaren eranskinetan sartutako hautapen irizpideek 2023-2027ko NPEren Plan Estrategikoaren Jarraipen Batzordearen adostasuna dute, eta 2023-2027ko NPEren Plan Estrategikoaren Kudeaketa Agintaritzak berrikusi ditu.

Honako erregelamendu hauek aplikatu behar dira:

–Europako Parlamentuaren eta Kontseiluaren 2021/2115 (EB) Erregelamendua, 2021eko abenduaren 2koa, arauak ezartzen dituena Europar Batasuneko estatuek, Nekazaritza Politika Erkidearen esparruan, egin beharreko plan estrategikoetarako (NPEren plan estrategikoak) laguntzari buruz –zeina Nekazaritza Bermatzeko Europako Funtsaren (NBEUF) eta Landa Garapenerako Europako Nekazaritza Funtsaren (LGENF) kargura finantzatzen baita–, eta 1305/2013 (EB) Erregelamendua eta 1307/2013 (EB) Erregelamendua indargabetzen dituena. Nolanahi, aukera ematen du, Europako Parlamentuaren eta Kontseiluaren 2020/2220 (EB) Erregelamenduan xedatutakoaren arabera, 1305/2013 (EB) Erregelamendua baldintza berberetan aplikatzen jarraitzeko, landa garapenerako programak gauzatzean, 2025eko abenduaren 31ra arte landa garapenerako programa horien esparruan onuradunek hartutako konpromisoei eta egindako eta erakunde ordaintzaileak ordaindutako gastuei.

Europako Parlamentuaren eta Kontseiluaren 2021/2116 (EB) Erregelamendua, 2021eko abenduaren 2koa, Nekazaritza Politika Erkidearen finantzaketa, kudeaketa eta jarraipenari buruzkoa, 1306/2013 (EB) Erregelamendua indargabetzen duena.

2021/1030 (EB) Erregelamenduaren 19. artikulua, III. tituluko II. kapitulua, 28. artikuluaren lehenengo paragrafoko c) letra izan ezik, eta 46. eta 48. artikuluak aplikatuko zaizkio LGENFek finantzatutako laguntzari.

Halaber, Dirulaguntzei buruzko azaroaren 9ko 11/2005 Foru Legea aplikatuko da.

2024ra luzatutako 2023ko Nafarroako Aurrekontu Orokorretan "710006 71500 7609 414303 NPEPE LGENF 2023-2027. Abeltzaintzako toki azpiegituretarako inbertsioak" partida dago, eta deialdi honi erantzuteko 1.147.439 euroko gastua baimendu beharko da 2025. urteko gastuen aurrekontuan horretarako gaituko den partida beraren edo antzekoaren kargura, betiere, kreditu egokia eta nahikoa baldin badago.

Ebazpen hau maiatzaren 24ko 49/2023 Foru Dekretuaren azken xedapenetako lehenbizikoaren babesean ematen da, foru dekretu horren bidez arautzen baita Nekazaritza Politika Erkidearen Plan Estrategikoaren gobernantza sistema eta funtzionamendua. Aipatu xedapen horren bidez, ahalmena ematen zaie Landa Garapeneko eta Ingurumeneko Departamentuko kontseilariari eta, kasua bada, zuzendari nagusiei, bakoitzak bere eskumenen esparruan, foru dekretu hori garatzeko eta betearazteko behar diren xedapen guztiak eman ditzaten eta, bereziki, osorik edo partez Europako nekazaritzako funtsen bidez finantzatzen diren dirulaguntzen arauak, deialdiak eta oinarri arautzaileak ezartzeko.

Adierazitakoarekin bat, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidaten eskudantziak erabiliz,

EBAZTEN DUT:

1. Oinarri arautzaileak onestea.

Abeltzaintzako toki azpiegiturak sortzeko eta hobetzeko laguntzak 2024. urtean arautuko dituzten oinarri arautzaileak onesten dira, I. eranskinean jasotzen den moduan, bai eta II.etik XIV.era bitarteko eranskinak ere, ebazpen honetan jaso bezala.

2. Deialdia onestea.

Abeltzaintzako toki azpiegiturak sortzeko eta hobetzeko laguntzen deialdia onesten da, 2024ko ekitaldirako.

3. Aurrekontuko kredituak.

Deialdi honek sortzen dituen gastuei erantzuteko, 1.147.439 euroko gastua baimentzen da 2025eko gastuen aurrekontuan horretarako gaituko den partidaren kargura, zeina 2024ko aurrekontuko "710006 71500 7609 414303 NPEPE LGENF 2023-2027. Abeltzaintzako toki azpiegituretako inbertsioak" partidaren baliokidea izanen baita; hori guztia, baldin eta kreditu nahikoa eta egokia badago, aurre egiteko ebazpen honetako I. eranskinean arautzen den deialdiari.

4. Eskaerak aurkezteko epea.

Eskaerak aurkezteko epea 50 egun naturalekoa izanen da, ebazpen hau Nafarroako Aldizkari Ofizialean argitaratu eta biharamunetik hasita.

5. Laguntzak aplikatzeko baldintza.

Europako Batzordeak 6843.2 neurriari buruz (Nekazaritzako azpiegituretan lehiakortasuna sustatzeko inbertsioak egiteko laguntzak) xedatzen duenak baldintzatuko du ebazpen honetan xedatutakoaren aplikazioa. Ildo beretik, Europako Batzordearen eskakizunei erantzuteko asmoz neurri horretan egiten den edozein aldaketak berekin ekarriko du ebazpen honetako laguntzei buruzko oinarri arautzaileak egokitzea.

6. Muga naturalak edo bestelako muga berariazkoak dituzten eskualdeak.

Muga naturalak edo bestelako muga berariazkoak dituzten eskualdeak dira 6613 neurriaren (Muga naturalak edo bestelako muga berariazkoak dituzten eskualdeetarako laguntzak) zerrendetan agertzen direnak.

7. Nafarroako Gobernuaren Dirulaguntzen Datu Baseari (NGDDB) jakinaraztea.

Oinarri arautzaile hauek eta dagokien deialdia Nafarroako Gobernuaren Dirulaguntzen Datu Basean erregistratu beharko dira.

8. Ebazpen hau eta eranskinak Nafarroako Aldizkari Ofizialean argitaratzea.

9. Deialdiaren eta oinarri arautzaileen kontrako errekurtsoa.

Oinarri arautzaile hauen eta deialdiaren aurka gora jotzeko errekurtsoa jartzen ahalko dute erakunde interesdunek, Landa Garapeneko eta Ingurumeneko kontseilariari zuzendua, Nafarroako Aldizkari Ofizialean argitaratu eta biharamunetik hilabeteko epean, bat etorriz Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluekin.

10. Ebazpen hau jakinaraztea Nekazaritzako Azpiegituren Zerbitzuari, Ekonomia Aferetarako Bulegoari eta Landa Dibertsifikaziorako eta Garapenerako Zerbitzuari, behar diren ondorioak izan ditzan.

Iruñean, 2024ko martxoaren 21ean.–Nekazaritza eta Abeltzaintzako zuzendari nagusia, Ignacio Gil Jordán.

I. ERANSKINA.–ABELTZAINTZAKO TOKI AZPIEGITURAK SORTZEKO ETA HOBETZEKO LAGUNTZEN 2024KO DEIALDIAREN OINARRI ARAUTZAILEAK

1. oinarria.–Xedea eta aplikazio eremua.

Oinarri hauen xedea da toki azpiegiturak sortzeko eta hobetzeko laguntzak, 2023-2027ko NPEren Plan Estrategikoaren barnekoak, 2024. urtean arautzea, Europako Parlamentuaren eta Kontseiluaren 2021eko abenduaren 2ko 2021/2115 (EB) Erregelamenduaren 73. artikuluaren esparruan. Izan ere, erregelamendu horrek arauak ezartzen ditu Europar Batasuneko estatuek, Nekazaritza Politika Erkidearen esparruan, egin beharreko plan estrategikoetarako (NPEren plan estrategikoak) laguntzari buruz, zeina Nekazaritza Bermatzeko Europako Funtsaren (NBEUF) eta Landa Garapenerako Europako Nekazaritza Funtsaren (LGENF) kargura finantzatzen baita.

2. oinarria.–Neurriaren helburua.

1. Bat etorrita Europako Parlamentuaren eta Kontseiluaren 2021eko abenduaren 2ko 2021/2115 (EB) Erregelamenduan ezarritakoarekin eta, halaber, Batzordearen 2022ko abuztuaren 31ko Betearazpen Erabakiaren bidez onetsi zen Espainiako 2023-2027ko NPEren Plan Estrategikoan xedatutakoarekin, neurri honen azken helburua da titulartasun eta erabilera publikoko azpiegiturak eta ekipamenduak, abeltzaintzarekin zuzeneko lotura dutenak, sustatzen laguntzea.

2. Horrekin loturiko berariazko helburutzat hartzen da nekazaritza ustiategiak hobeki orientatzea merkatura eta haien lehiakortasuna handitzea epe laburrean eta luzean, bereziki, arreta handiagoa eskainiz ikerketari, teknologiari eta digitalizazioari.

Neurri honekin premia hauei erantzunen zaiela uste da:

–Nekazaritza ustiategiak eta nekazaritzako elikagaien enpresak eta nekazaritzako enpresa eraldatzaileak lehiakorragoak eta iraunkorragoak izatea epe luzera, arreta berezia eskainita lehiakortasuna kolokan dutenei, inbertsio indibidual eta kolektiboak eta ekoizpen kostuak optimizatzea ahalbidetuko duten tresnak sustatuz eta lagunduz (lehiakortasuna eta jasangarritasuna).

–Nekazaritza ustiategien produktibitatea eta jasangarritasuna hobetzea, ekoizpen eredu jasangarriagoetarako trantsizioa erraztuz (produktibitatea eta jasangarritasuna).

–Elkarteetan integratzen eta eskalako ekonomiak sortzen laguntzea, ustiategien alderdi ekonomikoa handitzea eta ekoizpen sektorearen atomizazioa murriztea.

3. oinarria.–Onuradunak.

Nafarroako toki erakundeek eskuratzen ahal dituzte ebazpen honetan ezarritako dirulaguntzak.

4. oinarria.–Onuradunen eta inbertsioen onargarritasun irizpideak.

1. Aurreko oinarrian deskribatutako entitateak izaten ahal dira neurriaren onuradun, inbertsioak Nafarroan egiten badituzte eta jarduketa diruz lagungarri baten xedeko lurren edo eraikinen titularrak badira edo haiek erabiltzeko eskubidea badute. Lurralde erakundeak ez direnek ere jasotzen ahal dituzte dirulaguntzak, erabilera publikoko lurraldea kudeatzen badute.

2. Inbertsioak diruz lagungarriak izanen dira baldin eta onartuak izateko baldintza hauek betetzen badira laguntza eskaera (II. eranskina) Nafarroako Gobernuaren Erregistro Orokor Elektronikoan aurkezten den egunean:

a) Diruz lagungarriak izanen dira agintaritza eskudunari laguntza eskaera aurkeztu ondotik egindako gastuak soilik, salbu eta proiektua edo memoria teknikoa erredaktatzeko gastuak. Inbertsioak ezin izanen dira hasi laguntzaren eskaera aurkeztu baino lehen.

b) Dirulaguntzei buruzko azaroaren 9ko 11/2005 Foru Legearen 13. artikuluan laguntzen onuradun izateko ezarritako debeku-egoeretako bakar batean ere ez egotea.

5. oinarria.–Jarduketa diruz lagungarriak.

1. Honako hauek dira kostu diruz lagungarriak:

a) Urez hornitzeko jarduketa txikiak sustatzea, abeltzaintzari eta abereen elikadurari lotuak, hala nola askak, putzuak eta beste.

b) Bide publikoak eta larreetarako eta abeltzaintzako ustiategien guneetarako sarbideak sortu eta hobetzea. Ez da dirulaguntzaren xede izanen lurzatiak biltzeko jarduketetan egindako bideak hobetzea, baldin obrak entregatzeko ebazpenak edo agiri baliokideak ez baditu 15 urte baino gehiago.

c) Inbertsioak energia berriztagarrietan eta teknologia berrietan, abeltzaintzako toki azpiegituretarako.

d) Udal eskortak eraikitzea.

e) Abeltzaintzarekin zuzenean lotutako zerbitzuen ekipamendu publikoetarako eraikinak egin edo zaharberritzea.

f) Herri-basoetan larreei lotutako azpiegiturak eta hornidurak: idoiak, itxiturak, ur hodiak, tratamendu-eskortak, langa kanadarrak, etab. Itxituren mantentze-lanak ez dira diruz lagunduko, hauek baldin badira: alanbreak tenkatzea, aske dauden alanbreak jostea edota granpilloiak ezartzea.

2. Dokumentazio teknikoari dagokion dirulaguntza ordainduko da baldin eta ekintza bat, gutxienez, ordaintzen bada.

3. Kostuen moderazioa obra proiektuei aplikatuko zaie ebazpen honen 13. oinarrian jasotako erreferentziak kontuan hartuta.

4. Gastu hautagarrietan ez da BEZa sartzen.

6. oinarria.–Laguntza motak eta zenbatekoa.

1. Landa Garapeneko eta Ingurumeneko Departamentuak honako laguntza hauek banatuko dizkie ebazpen honetako baldintzak betetzen dituzten toki erakunde eskatzaileei:

a) Muga naturalak edo bestelako muga berariazkoak dituzten eskualdeen kasuan, hau da, 2023-2027ko NPEPEko 6613 neurriaren (Muga naturalak edo bestelako muga berariazkoak dituzten eskualdeetarako laguntzak) zerrendetan agertzen direnetan, inbertsio diruz lagungarriaren %60 jasoko dute. Inbertsio diruz lagungarriaren gehieneko zenbatekoa 100.000 eurokoa izanen da espediente bakoitzeko.

b) Gainerako toki erakundeen kasuan, inbertsio diruz lagungarriaren %40. Inbertsio diruz lagungarriaren gehieneko zenbatekoa 30.000 eurokoa izanen da espediente bakoitzeko.

c) Espedienteak ez dira diruz lagungarriak izanen baldin eta diruz lagungarria den inbertsioaren zenbatekoa ez bada 4.000 euro baino handiagoa.

7. oinarria.–Gastu diruz lagungarria.

1. Gastu diruz lagungarria izanen da gastu hauen benetako kostua, BEZik gabe: obrako lanen gastuak; proiektua edo memoria teknikoa idazteko gastuak; obra zuzentzekoak; segurtasun eta osasunekoak; saiakuntza teknikoak; higiezinak, makineria eta ekipamenduak lortzekoak, bai eta, kasua bada, teknologia erostearekin lotutako inbertsio materialekoak ere.

Proiektua edo memoria teknikoa idazteko gastuei dagokien gastu diruz lagungarria lanak kontrata bidez gauzatzeko aurrekontuaren %5 izanen da, gehienez, eta obra zuzendaritzari dagokion gastu diruz lagungarria lanak kontrata bidez gauzatzeko aurrekontuaren %6 izanen da, gehienez. Batean zein bestean, Nekazaritzako Azpiegituren Zerbitzuak moderatutako aurrekontua erabiliko da kalkulurako.

Lanak kontrata bidez gauzatzeko aurrekontuak barne hartzen ditu administrazioak onartu duen inbertsio moderatua (lanen gauzatze materialaren aurrekontua), gehi gastu orokorrak (horiek, gehienez ere, lanen gauzatze materialaren aurrekontu diruz lagungarriaren %10 izanen dira), eta industria mozkina (gehienez ere, lanen gauzatze materialaren aurrekontu diruz lagungarriaren %5 izanen da).

2. Inbertsioak, osorik edo hein batean, norberaren baliabideekin edo auzolanean egiten badira, gastu diruz lagungarrietan ez dira sartuko, dagokien proportzioan, eskulanaren kostua, gastu orokorrak eta industria mozkina. Aurrekoa argi eta garbi zehaztuko da proiektuaren separata batean, eta laguntzen eskaeran dagokion laukitxoa markatuko da (II. eranskina). Auzolantzat hartuko dira herriko biztanleek egindako lanak, herriarekin kontratu-harremanik izan gabe.

8. oinarria.–Dirulaguntzak emateko modua eta balorazio irizpideak.

1. Norgehiagokako prozedurari jarraikiz emanen dira laguntza hauek. Beraz, aurkezten diren eskaerak alderatuko dira haien arteko lehentasun-hurrenkera ezartzeko.

2. Eskaeren lehentasun-hurrenkera prestatzeko, honako balorazio irizpide hauek aplikatuz lortzen diren puntuak batuko dira (gehienez ere 100 puntu lortzen ahalko dira):

2.1. Jarduketak ukitutako lehentasunezko nekazaritza ustiategiak: jarduketek ukitzen dituzten toki erakundeko lehentasunezko nekazaritza ustiategien kopurua, Landa Garapeneko eta Ingurumeneko Departamentuaren Nekazaritza Ustiategien Erregistroan inskribatuena. Gehienez 20 puntu lortzen ahalko dituzte. X. eranskinaren bidez eskatuko da. Egiaztatuko dira inbertsioak ukitzen dituen lehentasunezko nekazaritza ustiategiak, toki erakunde eskatzailean zeudenak deialdiaren aurreko urteko urriaren 1ean, eta, lortutako zifren arabera, graduazio hau izanen da:

–1-2 ustiategi: 5 puntu.

–>2 eta <=5 ustiategi: 10 puntu.

–>5 eta <=10 ustiategi: 15 puntu.

–>10 ustiategi: 20 puntu.

2.2. Muga naturalak edo bestelako muga berariazkoak dituzten eskualdeetan kokatutako toki erakundeek (Nafarroako Foru Komunitateak eta Europar Batasunak onartzen duten indarreko ziurtapen ofizialaren arabera) egiten dituzten inbertsioak eta KBEetan (kontserbazio bereziko eremuak) egiten diren jarduketak. Gehienez 25 puntu lortzen ahalko dituzte. Lortutako zifren arabera, graduazio hau izanen da:

–MNEak: Muga naturalak dituzten eskualdeak: 5 puntu.

–MEak eta GMEak: Mendialdeko eta goi mendialdeko eskualdeak: 5 puntu.

–KBEak: 20 puntu. % batez biderkatuko da: KBEan eginen diren lanen GMA (gauzatze materialaren aurrekontu) diruz lagungarriari, moderazioa egin ondokoari, guztizko GMA diruz lagungarriaren aldean dagokion ehunekoaz.

2.3. Aprobetxamendu kanona. Herri-ondasunen aprobetxamenduaren kanona ezarrita daukaten toki erakundeek, eskaera aurkeztu aurreko 3 urteetan aplikatutakoa, 5 puntu. Puntuak ematen zaizkie herri-ondasunen aprobetxamendu kanonaren ziurtagiria aurkezten duten toki erakundeei soilik.

2.4. Interes soziala, ekonomikoa eta teknologikoa. Proiektuetan abeltzaintzaren sektorerako interes soziala, ekonomikoa eta teknologikoa duten jarduketak sartzen dituzten toki erakundeek gehienez ere 50 puntu eskuratzen ahal dituzte:

2.4.1. Lurzatiak biltzeko edo suteen kalteak konpontzeko prozesuen ondoriozko azpiegiturak: 50 puntu, bider lurzatiak biltzeko prozesuen ondoriozko inbertsioei dagokien moderazioaren ondoko GMA diruz lagungarriaren ehunekoa, inbertsio horiek egiten direnean abeltzaintzako toki azpiegiturak ordezkatzeko eta berregituratzeko, finka berrien behin-behineko jabetza hartu ondoko hiru urteetan; edo 50 puntu, bider suteen kalteak konpontzeko inbertsioei dagokien moderazioaren ondoko GMA diruz lagungarriaren ehunekoa, inbertsio horiek egiten direnean finken itxiturak lehengoratzeko eta ur puntu edo azpiegiturak eta abereak gobernatzeko azpiegiturak birkokatzeko, Nafarroako Gobernuari jakinarazten bazaizkio oinarri arautzaileen deialdia argitaratu aurreko bi urteetan.

2.4.2. Behi-aziendan tuberkulosia kontrolatzen laguntzen duten ur hornidurarako azpiegiturak: 50 puntu, bider lanen GMA diruz lagungarriaren ehunekoa. Nafarroako Gobernuko Abeltzaintza Zerbitzuari proposatutako jarduketetarako aldeko txostena eskatuko zaio.

2.4.3. Inbertsioak energia berriztagarrietan eta teknologia berrietan, abeltzaintzako toki azpiegituretarako: 50 puntu, bider abeltzaintzako toki azpiegituretarako egiten diren energia berriztagarriko eta teknologia berrietako inbertsioei dagokien moderazioaren ondoko GMA diruz lagungarriaren ehunekoa.

2.4.4. Abereen elikadurarekin eta beste helburu batzuk dituen ur hornidurarekin lotutako azpiegiturak: 40 puntu, bider abereen elikadurarekin eta beste helburu batzuk dituen ur hornidurarekin lotutako azpiegituretan inbertitzeko lanen GMA diruz lagungarriaren ehunekoa, azpiegitura horiek tuberkulosiaren kontrolerako ez direnean.

2.4.5. Udal eskortak eta abeltzaintzako ekipamendurako eraikinak eraiki edo zaharberritzea, bai eta herri-basoetan larreak hobetzeko azpiegitura eta ekipamendua ere: 30 puntu, bider udal eskortak eta abeltzaintzako ekipamendurako eraikinak eraiki edo zaharberritzeko, baita herri-basoetan larreak hobetzeko azpiegitura eta ekipamenduetarako ere, eginen diren lanen GMA diruz lagungarriaren ehunekoa.

2.4.6. Bide publikoak eta larreetarako edo abeltzaintzako ustiategien guneetarako sarbideak sortu eta hobetzea: 20 puntu, bider bide publikoak, abelbideak eta larreetarako edo abeltzaintzako ustiategien guneetarako sarbideak sortzeko eta hobetzeko lanen GMA diruz lagungarriaren ehunekoa.

9. oinarria.–Norgehiagokako prozeduraren aplikazioa.

1. Laguntzak norgehiagokako araubidearen bidez tramitatuko direnez, eskaeren lehentasun-hurrenkera bat ezarriko da, 8. oinarrian zehaztutako balorazio irizpideak aplikatuz, eta irizpide horiek aplikatuta balorazio handiena lortzen duten eskaerei laguntza emanen zaie, betiere deialdian finkatutako kreditua gainditu gabe.

2. Berdinketa gertatuz gero, lehentasunezko nekazaritza ustiategi gehien dituzten espedienteak lehenetsiko dira. Berdinduta jarraitzen badute, ratio hau txikiena den espedienteak lehenetsiko dira: moderazioaren ondoko aurrekontu diruz lagungarria, zati ukitutako lehentasunezko ustiategiak.

3. Aurrekontuan zuzkidura nahikoa izanik ere, laguntza emateko nahitaezkoa izanen da gutxienez ere 30 puntu lortzea.

4. Deialdirako dagoen aurrekontu-kreditua nahikoa ez bada laguntzarako eskubidea duten eskaera guztiei dirulaguntza emateko, ezetsi eginen dira aurrekontuan zuzkidura nahikoa ez izateagatik aintzat hartu ezin direnak.

10. oinarria.–Onuradunen betebeharrak.

Laguntza hauen onuradun diren toki erakundeek honako betebehar hauek izanen dituzte:

1. Inbertsioko obrak Kontratu Publikoei buruzko apirilaren 13ko 2/2018 Foru Legean ezarritakoaren arabera adjudikatzea. Edonola ere, toki erakundeak diruz lagundutako inbertsioen %100 bitarte kontrata dezake.

2. Hartutako funtsak dirulaguntzak emateko oinarri izan zen helbururako eta ezarritako moduan eta epeetan erabili direla frogatzea Landa Garapeneko eta Ingurumeneko Departamentuan, baita zer gastu egin diren ere hartutako funtsak aplikatzeko.

3. Dirulaguntza ematen duen ebazpen proposamena egiten denean, ez urratzea Dirulaguntzei buruzko azaroaren 9ko 11/2005 Foru Legearen 13. artikuluan erakunde onuraduna izateko ezarritako debekuetatik bat ere eta, zehazki, bere zerga betebeharrak eta Gizarte Segurantzarekikoak egunean izatea. Bestela, ez da laguntzarik emanen.

4. Ebazpen honetan xedatutakoa eta laguntza emateko proposamenaren izaeraren ondorioz ezartzen diren gainerako eginbeharrak betetzea.

5. Diruz lagundutako inbertsioen iraunkortasun konpromisoa: erakunde onuradunak konpromisoa hartzen du inbertsioan aldaketa garrantzitsurik ez egiteko 5 urtean, erakunde onuradunarentzako laguntzaren azkeneko ordainketa onesten duen ebazpenaren egunetik, salbu eta ezinbesteko arrazoiengatik edo salbuespenezko inguruabarrengatik gertatzen bada, 2021/2116 (EB) Erregelamenduaren 3. artikuluaren arabera. Aldaketa garrantzitsutzat hartuko dira inbertsioaren izaera edo laguntza emateko baldintzak ukitzen dituztenak.

6. Xede bererako beste dirulaguntzaren bat jasoz gero, jakinaraztea Nekazaritza eta Abeltzaintza Zuzendaritza Nagusiari. Ez bada jakinarazten, dirulaguntzaren %100 itzuli beharko da.

11. oinarria.–Gerora bete beharreko konpromisoak.

1. Gerora bete beharreko konpromisoak izanen dira erakunde onuradunak bere gain hartzen dituenak bost urtez haiei eusteko konpromisoa hartuta, erakunde onuradunarentzako laguntzaren azkeneko ordainketa onesten duen ebazpenaren egunetik.

2. Espediente eta entitate onuradun guztientzat, gerora bete beharreko konpromisoa da inbertsioaren izaerari edo gauzatzeko baldintzei eragiten ez dien inolako aldaketa garrantzitsurik ez egitea.

3. Oinarri honen 1. atalean aipatzen den konpromisoa ez betetzat joko da baldin honako hau gertatzen bada bost urteko epean (behin erakunde onuradunaren inbertsio edota gastuetarako laguntzaren azkeneko ordainketa onesten duen ebazpenaren egunetik):

a) Inbertsioaren izaera, funtzionaltasuna edo gauzatzeko baldintzak aldatzea.

b) Diruz lagundutako inbertsioen jabetza araubidea aldatzea.

c) Diruz lagundutako inbertsioaren erabilera aldatzea edo etetea.

d) Diruz lagundutako inbertsioen obra unitateak murriztea.

4. Aurreko atalean aipatzen den konpromisoa ez betetzea mailakatuko da jarraian zehaztuko diren irizpideen arabera, eta, horren arabera, laguntzak itzultzeko ehunekoak sortuko dira, eta, kasua bada, legez ezarritako interesak gehituko dira:

a) Diruz lagundutako inbertsioen jabetza araubidea aldatzea: laguntzaren %100 itzuli beharra.

b) Diruz lagundutako inbertsioa abeltzaintzakoa ez den erabilera batera aldatzea: laguntzaren %100 itzuli beharra.

c) Diruz lagundutako inbertsioen erabilera etetea: laguntzaren %50 itzuli beharra. Hilabeteko epean erabilera berriro hasten ez bada, laguntzaren %100 itzuli beharko da.

d) Diruz lagundutako inbertsioen unitateak gutxitzea, salbu behar bezala frogatutako ezinbesteko baldintzak izaten direnean (2021/2116 (EB) Erregelamenduaren 3. artikuluaren arabera): gutxitutako unitateei dagokien laguntzaren %100 itzuli beharra. Hilabeteko epean unitateak berrezartzen badira, berrezarritako unitateen laguntzaren %50 itzuli beharko da.

12. oinarria.–Laguntza-eskaera eta dokumentazio osagarria.

1. Eskaerak aurkezteko epea 50 egun naturalekoa izanen da, ebazpen hau Nafarroako Aldizkari Ofizialean argitaratu eta biharamunetik hasita.

2. Laguntza eskaerak tramiteen katalogoaren bidez tramitatuko dira, ahal dela. Hori teknikoki ezinezkoa bada, Nafarroako Gobernuaren Erregistro Orokor Elektronikoaren bidez aurkeztuko dira. Destinoko unitatearen kodea: Nekazaritzako Azpiegituren Zerbitzua, 10003649. Hori ere ezinezkoa bada, Landa Garapeneko eta Ingurumeneko Departamentuaren Erregistroan aurkeztuko dira (González Tablas k. 9, Iruña), bat etorriz Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluarekin.

3. Dirulaguntza eskatzeak berekin dakar deialdi hau arautzen duten oinarriak onartzea. Eskatzaile bakoitzak eskaera bakarra aurkeztuko du, egin gogo diren jarduketa guztiak azaltzen dituena.

4. Eskaera tramiteen katalogoaren bidez tramitatuko da, ahal dela. Teknikoki posible ez bada, deialdi honen II. eranskinean ezarritako inprimakia erabili beharko da eskaera bideratzeko.

5. Gainera, eskaerarekin batera, dokumentazio hau aurkeztu beharko da:

a) Proiektu teknikoa, teknikari kualifikatu batek egina, non azalduko baita zein den dirulaguntzaren xedeko jarduketa, eta frogatuko baita lotura zuzena duela abeltzaintzarekin eta, kasua bada, abeltegiekin. Proiektua gauzatzeko behar diren baimen guztiak sartuko dira. Lanen gauzatze materialaren aurrekontua 30.000 eurotik beherakoa den inbertsioen kasuan, memoria tekniko baloratua aurkezten ahalko da. Bi dokumentu horiek III. eranskinean deskribatutako gutxieneko edukia izan beharko dute. Berariaz aipatuko dira tuberkulosia kontrolatzeko premiak edo suteek eragindako kalteak.

b) Behar diren baimenak eta lizentziak:

b.1) Nafarroako Foru Komunitateko Administrazioaren kasuan kasuko ingurumen baimena, bat etorriz Ingurumenean Eragina duten Jarduerak arautzen dituen abenduaren 16ko 17/2020 Foru Legearekin, beharrezkoa den kasuetan; edo jarduera sailkatuaren udal lizentzia. Baimena deialdi honetara aurkezten den proiekturako emanen da.

b.2) Nafarroako Foru Komunitateko Administrazioaren ingurumen baimena, bat etorriz Nafarroako Oihan Ondarea Babestu eta Garatzeari buruzko abenduaren 31ko 13/1990 Foru Legearekin, beharrezkoa den kasuetan, adibidez: baso lurzoruaren gainean bide azpiegitura berriak eraikitzea, edo azpiegitura horien kaxa zabaltzea, baso lurzoru berria okupatuta, eta baso lurzoruaren gainean idoi berriak eraikitzea, baita horien ur hodiak ere. Ingurumen eragina duten jarduerak arautzen dituen abenduaren 16ko 17/2020 Foru Legearen 7. artikuluan eta hurrengoetan xedatutakoaren arabera ingurumenean esku-hartzeari buruzko tresnen mende dauden jarduerak eta instalazioak.

b.3) Nafarroako Foru Komunitateko Administrazioaren baimena, bat etorriz Lurraldearen Antolamenduari eta Hirigintzari buruzko Foru Legearen testu bategina onesten duen uztailaren 26ko 1/2017 Legegintzako Foru Dekretuaren 110. artikuluarekin.

Aipatutako 110. artikuluaren arabera, jarduketa hauek salbuetsita daude, eta, hortaz, ez dute lege horren esparruko baimena eduki beharrik:

–Lehendik dauden eraikin edo instalazioetako esku-hartzeak, non ez diren jarduera edo erabilera aldatzen, ezta bolumena handitzen ere, eta non ez den beharrezkoa zerbitzuak berriz eskatzea.

–Instalazio edo eraikin txikiak eraiki edo ezartzea, lanabesak gordetzeko edo etxeko abereei aterpea emateko, baldin eta guztira 15 metro koadroko azalera gainditzen ez badute.

–Lurzatiaren itxiturak.

–Lehendik dauden nekazaritza edo abeltzaintza instalazioen zabalpenak, baldin eta, orokorrean, lurraldearen antolamenduaren eta hirigintzaren arloko departamentu eskudunaren baimenaren bidez eraikitako azalera %20 handitzen ez bada eta zerbitzu berririk eskatzen ez badute.

–Lurrei eusteko lanak, lur mugimenduak eta mendiko pistak edo bideak irekitzea, baldin eta ez badaude lotuta eraikuntzako jarduera edo erabilerak ezartzeari, erauzketa lanei edo hondakindegiak ezartzeari.

Aurreko kasu horietan guztietan, gerta daiteke aipatutako baimenak ez edukitzea dirulaguntzak eskatzeko unean. Hala bada, aurkeztu beharko da dagokion administrazio unitateari igorritako baimen edo lizentzia eskaeraren kopia. Edonola ere, ezin izanen zaie dirulaguntzaren xedeko lanei ekin harik eta aldeko baimena eta dagokion lizentzia eduki arte.

c) Toki erakundearen ziurtagiria, adierazten duena badagoela herri-ondasunen aprobetxamendua erregulatzen duen ordenantza bat, azalduta Nafarroako Aldizkari Ofizialeko zer zenbakitan eta zer egunetan argitaratu zen, Nafarroako Toki Administrazioari buruzko uztailaren 2ko 6/1990 Foru Legearen arabera. Lurralde erakundeak ez diren toki erakundeen kasuan, larreen aprobetxamenduari buruzko barneko ordenantzak aurkeztu beharko dira (VII. eranskina).

d) Konpromisoen inprimakia eta adierazpena (IX. eranskina).

e) Kostuen moderazioa frogatzeko inprimakia (V. eranskina). Proiektuaren partidak eranskin horretan definitzen diren unitateei egokituko zaizkie.

f) Toki erakundeko idazkariaren ziurtagiria, adierazten duena badaukala lurren edo eraikinen titulartasuna edo erabiltzeko eskubidea (VIII. eranskina).

Titularra toki erakunde eskatzailea ez den finketan edo eraikinetan egiten badira inbertsioak, lurrak edo eraikinak erabil ditzakeela frogatzen duen agirian erabilgarritasunaren epea agertu beharko da, eta inbertsioaren amortizazio teknikoaren epearen adinakoa izan behar da gutxienez. Horretarako, VI. eranskinean ezarritakoa bete beharko da ("Inbertsioen amortizazio epeak, lurren edo eraikinen erabilgarritasunari loturik"), eta titularren baimena ere aurkeztu beharko da, non erabilgarritasunaren epea agertu beharko baita.

g) Toki erakundearen ziurtagiria, adierazten duena zer kanon aplikatu zaion herri-ondasunen aprobetxamenduari eskaera aurkeztu aurreko 3 urteetan (XI. eranskina).

h) Inbertsioak ukitutako lehentasunezko nekazaritza ustiategien zerrenda, deialdiaren aurreko urteko urriaren 1ean Landa Garapeneko eta Ingurumeneko Departamentuaren Nekazaritza Ustiategien Erregistroan inskribaturik egon eta helbidea toki erakunde eskatzailean dutenena (X. eranskina).

Eredu ofizialik ez duten gainerako agiriak PDF formatuan aurkeztuko dira; proiektuaren edo memoria teknikoaren aurrekontua, berriz, Excel formatuan, eta kartografia ETRS89 proiekzioan eta SHP formatuan. Planoak PDF formatuan aurkeztuko dira, erabat bukaturik eta behar diren legendekin. Agiriak ez dira izanen 8 megabytetik gorakoak.

13. oinarria.–Kostuen moderazioa.

1. Plan Estrategikoaren esku-hartzeak eta Nekazaritza Politika Erkidearen beste laguntza batzuen kudeaketa- eta kontrol-sistema arautzen duen abenduaren 27ko 1047/2022 Errege Dekretuaren 82. artikuluak eta Dirulaguntzei buruzko azaroaren 9ko 11/2005 Foru Legearen 28. artikuluak exijitzen dute proposatutako kostuen moderazioa egiaztatzea, eta horren ebaluaziorako metodologia zehazten dute. Ondorio horietarako, eta bermatzeko kostuen moderazioaren printzipioa aplikatzen dela, instrukzio organoak erreferentzia hauek erabiliko ditu, aplikatzeko lehentasun ordenaren arabera:

a) "Inbertsio moduluak" izeneko IV. eranskinean aipatutako erreferentziak.

b) Beren ezaugarriak direla-eta "Inbertsio moduluak" izeneko IV. eranskinean sartuta ez dauden inbertsioak indarrean dauden Nafarroako baso tarifekin baloratuko dira. Hemen daude ikusgai:

Mendiak eta basoak. Baso tarifak, nafarroa.eus web-orrian (https://www.navarra.es/eu/medio-ambiente/gestion-forestal/tarifas-para-obras-y-trabajos-forestales).

c) TRAGSA enpresa publikoaren indarreko tarifak.

Baldin aurkeztutako memoria edo proiektuan agertzen diren prezioak ez badatoz bat inbertsio moduluetan (IV. eranskina), Nafarroako baso tarifetan edo TRAGSAren tarifetan daudenekin, hura idatzi duen teknikariak justifikatuko du ezberdintasuna, eta Nekazaritzako Azpiegituren Zerbitzuak onartu edo ukatu eginen du.

d) Eskatutako inbertsioak ez baldin badaude inbertsio moduluetan (IV. eranskina), Nafarroako baso tarifetan edo TRAGSAren tarifetan, aurrekontua justifikatu egin beharko da, gutxienez ere proformako hiru fakturaren bidez, hura baliozkotzat hartzeko.

e) Dituzten ezaugarriengatik aurreko kasuetan sartzen ez diren inbertsioak badira, balorazio batzorde batek baloratuko ditu. Batzorde hori instrukzio organoaren arduradunak eta profil teknikoa duten hango bi teknikarik osatuko dute, eta aurkeztutako aurrekontuaren aldeko txostena eman beharko dute, edo bestela, ordezko aurrekontua aurkeztu. Batzorde horren erabakia ere justifikatua eta arrazoitua egonen da, honako irizpide hauen arabera: aurreko tarifen prezio sinpleak, aurreko tarifetan jasota dauden antzeko obra unitateekin alderatuta, makineriaren eta eskulanaren orduen zenbatespenetik abiatuta, erabiliko diren materialek merkataritzako tarifetan duten prezioetatik abiatuta..., edo irizpide horietako batzuen konbinazioak eginda.

14. oinarria.–Instrukzio organoa.

1. Neurri honetan aurreikusitako laguntzak emateko prozeduren instrukzioa Ureztalurren eta Lurzati Berrantolamenduaren Atalari dagokio; atal hori atxikita dago Nekazaritza eta Abeltzaintza Zuzendaritza Nagusiko Nekazaritzako Azpiegituren Zerbitzuari.

2. Nekazaritzako Azpiegituren Zerbitzuak eskatzaileen zerrenda bat osatuko du dokumentazio osoa duten eta jarduketa diruz lagungarriak biltzen dituzten eskaerekin, eta Abeltzaintzako Azpiegituren Batzorde Teknikoari emanen dio, eskaerekin eta horiei erantsitako agiriekin batera, ebaluatu ditzan, 8. oinarrian ezarritako irizpideei jarraituz.

15. oinarria.–Abeltzaintzako Azpiegituren Batzorde Teknikoa.

1. Nekazaritzako Azpiegituren Zerbitzuak, espedienteak ikusirik eta aurrekontuan dagoen kredituaren arabera, txosten bat eskatuko dio Abeltzaintzako Azpiegituren Batzorde Teknikoari, 8. oinarrian ezarritako irizpideen arabera egindako ebaluazioaren emaitza zehazteko. Txostena lau hilabeteko epean eginen da, gehienez, eskaerak aurkezteko epearen azken egunetik hasita.

2. Abeltzaintzako Azpiegituren Batzorde Teknikoa kide anitzeko organoa da, eta haren irizpena loteslea izanen da. Kide hauek izanen ditu:

Batzordeburua: Nekazaritzako Azpiegituren Zerbitzuko zuzendaria.

Lehen batzordekidea: Ureztalurren eta Lurzati Berrantolamenduaren Ataleko burua.

Bigarren batzordekidea: Obren Bulegoko burua.

Idazkaria: Nekazaritzako Azpiegituretarako Laguntzen Bulegoko burua.

Batzordeko kide bakoitzak Nekazaritzako Azpiegituren Zerbitzuko beste teknikari baten esku utz dezake bere ordezkaritza.

3. Abeltzaintzako Azpiegituren Batzorde Teknikoak eskaerak ebaluatu, eta honako hauek ukatzea proposatzen ahalko du: jarduketak ebaluatzea galarazten duten akats teknikoak dituztenak, moduluak gainditzen dituzten obra unitateen neurketak eta prezioak dauzkaten aurrekontuak dituztenak, eta laguntzak arautzen dituen Europar Batasuneko edo Foru Komunitateko araudiarekin bat ez datozenak.

4. Abeltzaintzako Azpiegituren Batzorde Teknikoak proposamena jakinaraziko dio Nekazaritzako Azpiegituren Zerbitzuari.

5. Nekazaritzako Azpiegituren Zerbitzuak ebazpen proposamena eginen du, emanen den laguntza edo dirulaguntza lortutako puntuazioaren arabera esleituta, kontsignatutako aurrekontuko kreditua agortu arte.

Azken erakunde onuradunari esleitu gabe geratzen den saldoa emanen zaio; beraz, aurrekontuko diru kopurua nahikoa izan balitz berari zegokiokeen dirulaguntza baino gutxiago emanen zaio. Horren berri emanen zaio erakunde onuradunari; hark proiektua aldatu eta onartutako inbertsio lagungarrira egokituko du, eta onartua izan dadin igorriko. Proiektu berriaren baremazioa ezin izanen da izan baremazio prozesuan lortutakoa baino txikiagoa.

6. Ebazpen proposamena ikusirik, Nekazaritzako eta Abeltzaintzako zuzendari nagusiak dirulaguntzen gainean ebatziko du, arrazoiak emanda, eskaerak aurkezteko epea bukatzen denetik bost hilabeteko epean gehienez.

Epe hori bukatzen bada berariazko ebazpenik jakinarazi gabe, aurkeztutako eskaera isiltasun administratiboaren bidez ezetsitzat joko da.

16. oinarria.–Dirulaguntza emateko prozeduraren instrukzioa.

1. Eskaerak jasotakoan, egiaztatuko da ea baduten eskatzen den dokumentazio guztia. Behar izanez gero, interesdunari eskatuko zaio gehienez 10 eguneko epean zuzentzeko, eta adieraziko zaio ezen, hori egin ezean, ondorioztatuko dela eskaerari uko egiten diola eta espedientea artxibatzeko ebazpena emanen dela, edo dauden agirien arabera instruituko dela espedientea.

2. Behin eskaera osorik dagoela, eskatzen diren baldintzak betetzen dituen egiaztatuko da, eta horretarako behar diren kontrolak eginen dira.

3. Kontrol horiek egiteko, instrukzio organoak joko du Foru Administrazioan edo beste administrazio batzuetan dauden erregistro ofizialetara edo eskura dauden bestelako informazio iturrietara, betiere laguntza eskaera aurkezten den unean dagoen informazioaren arabera.

4. Instrukzioaren prozeduran zehar, unitate arduradunak argibideak eska ditzake aurkeztutako informazioari eta dokumentazioari buruz. Behar izanez gero, interesdunari eskatuko zaio argibideak gehienez 10 egun naturaleko epean aurkezteko, eta adieraziko zaio ezen, hala egiten ez badu, dagoen informazioaren arabera instruituko dela espedientea.

5. Eskaerak ofizioz ebaluatuko dira norgehiagokako prozeduraren arabera eta oinarri hauetan ezarritako balorazio irizpide, modu eta lehentasunen arabera.

6. Nekazaritzako Azpiegituren Zerbitzuak, egindako ebaluazioa eta Abeltzaintzako Azpiegituren Batzorde Teknikoaren txostena ikusita, laguntzak nori eman proposatzen duen txostena eginen du, eta Nekazaritza eta Abeltzaintzako zuzendari nagusiari igorriko.

7. Txosten hori egitean, instrukzio organoak egiaztatuko du erakunde onuradunak egunean dituela bere zerga betebeharrak eta Gizarte Segurantzarekikoak, eta, halaber, ez dagoela Dirulaguntzei buruzko azaroaren 9ko 11/2005 Foru Legearen 13. artikuluan erakunde onuraduna izateko ezarritako ezein debeku egoeratan.

8. Ebaluazioa ikusirik, ebazpen proposamena eginen da, eta laguntza esleitzeko espedientean jaso beharko da erakunde onuradunak laguntza eskuratzeko behar diren baldintza guztiak betetzen dituela.

17. oinarria.–Ebazpena.

1. Ebazpen proposamena ikusirik, Nekazaritza eta Abeltzaintzako zuzendari nagusiak dirulaguntzak emateari buruzko ebazpena emanen du.

2. Ebazpena arrazoitua izanen da, eta hartutako ebazpenaren oinarriak frogaturik egonen dira beti.

3. Ebazpenean dirulaguntza jasoko duten eskatzaileen zerrenda agertuko da, eta, berariaz adieraziko da gainerako eskaerak ezetsi egin direla. Horien artean agertuko dira aurrekontu-baliabideak esleitzeko mugak direla-eta ezetsitakoak, deialdian ezarritako gehieneko kreditua gainditzeagatik, edo oinarri arautzaile hauen 9. oinarriaren 3. puntuan eskatzen den gutxieneko puntuazioa ez erdiesteagatik, edo oinarri arautzaileetan ezarritako nahitaezko dokumentazioa ez aurkezteagatik. Kasu guztietan, adieraziko da zer puntuazio eman zaion horietako bakoitzari, 8. oinarrian ("Dirulaguntzak emateko modua eta baloraziorako irizpideak") ezarritako balorazio irizpideen arabera.

4. Deialdia ixten den egunetik bost hilabeteko epean jakinaraziko da ebazpena, eta honako hauek jasoko ditu: esleitutako dirulaguntzaren zenbatekoa justifikatzeko nahikoa den informazioa, baldintzak eta, orobat, erakunde onuradunak bete beharko dituen konpromisoak.

5. Eskaera ezetsi egin dela ulertuko da, baldin eta berariazko ebazpenik ematen ez bada dirulaguntzaren oinarri arautzaile hauetan ezarritako ebazpena emateko epean.

18. oinarria.–Eskaerak aldatzea.

1. Gerta daiteke toki erakunde onuradunak, arrazoi justifikatuengatik, beharrezkotzat jotzea aldaketa nabarmen bat egitea, 18.3 puntuan definitu den moduan, hasiera batean onetsitako proiektuan. Horrelakoetan, aldatzeko eskaera aurkeztu beharko dio Landa Garapeneko eta Ingurumeneko Departamentuko Nekazaritzako Azpiegituren Zerbitzuari. Eskaera hori prestatutako formatuan aurkeztuko da (XII. eranskina), inbertsioa gauzatu aurretik, eta, betiere, inbertsioak bukatzeko epea amaitu baino bi hilabete lehenago. Aurkeztu beharko da, era berean, aldeko ingurumen baimena edo ingurumen baimenaren eskaera.

2. Proiektuaren aldaketa nabarmenak onartzeko edo ezesteko, instrukzio organoak haien balorazioa eginen du, eta, gero, Nekazaritza eta Abeltzaintzako zuzendari nagusiak onetsi beharko ditu.

3. Aldaketa nabarmentzat jotzen da neurketan eta/edo kokapenean %10etik gorakoa dena, edo unitate berriek GMA diruz lagungarriaren %10 gainditzea, behin horiek moderatuta eta deialdian ezarritako gehieneko tarifa lagungarrietara egokituta. Teknikoki justifikatutako aldaketa nabarmenak soilik onetsiko dira, eraginik ez dutenak inbertsioaren helburuaren eta izaeraren gain, eta gutxiagotzen ez dutenak horiek emateko oinarritzat hartu zen baremoaren puntuazioa (puntuazio berria ezin da gelditu erakunde onuraduna izateko beharrezkoa den gutxienekotik behera).

4. Gerta daiteke onetsitako proiektuaren aldaketa ez-nabarmen batzuk sartuta egotea bukaerako ziurtapenean (%10etik beherakoak, kokapenean edota neurketan; edo GMA diruz lagungarriaren %10 gainditzen ez duten unitate berriak). Horrelakoetan, aldaketa horiek ordaintzen ahalko dira baldin eta ez bada gainditzen emandako laguntzaren guztizkoa, eta baldin eta, obra berriko unitateen kasuan, prezio kontrajarrien akta badago. Gainera, obra berriko unitateen zenbateko horiei deialdiko 13. oinarrian ezarritako kostuen moderazioa aplikatuko zaie. Era berean, aldaketa ez-nabarmentzat hartuko da obra unitateak ezaugarri bereko beste batzuekin ordeztea, baldin eta eginkizun bera betetzen badute. Garestiagoak badira, emandako zenbatekora egokituko da ordaindu beharreko zenbatekoa.

19. oinarria.–Inbertsioa gauzatzeko epea, laguntzak ordaintzeko eskaera aurkezteko modua eta epeak.

1. Inbertsioa bukatzeko eguna 2025eko irailaren 1a izanen da, egun hori barne, 2024ko kanpainako laguntza eskaerentzat.

2. Dirulaguntzak ordainketa bakarrean ordainduko dira, behin frogatuta dirulaguntzaren xedeko inbertsioa burutu dela. Ondorio horietarako, ez da ulertuko inbertsioa gauzatuta dagoela frogatu denik harik eta aurkezten diren arte haren bukaeraren ziurtapena eta inbertsioa gauzatu dela frogatzen duten fakturak eta ordainketen egiaztagiriak.

3. Instrukzio organoak behar adina kontrol eginen ditu egiaztatzeko erakunde onuradunak hartutako konpromisoak betetzen dituela eta, orobat, inbertsioa aurkeztutako proiektuarekin bat datorrela. Kontrolen emaitzak ikusirik, bidezko ordainketak baimenduko ditu, eta laguntzak ordaintzeko ebazpen proposamena prestatuko.

4. Laguntzak Nekazaritzako eta Abeltzaintzako zuzendari nagusiaren ebazpen bidez ordainduko dira.

5. Kontrol horiek egiteko, instrukzio organoak oinarritzat hartuko ditu Foru Komunitatean edo beste administrazio batzuetan dauden erregistro ofizialak edo eskura dauden bestelako informazio iturriak, betiere laguntza ordaintzeko eskaera aurkezten den unean dagoen informazioaren arabera.

Kontrol horien barnean, in situ bisitak egiten ahal zaizkie erakunde onuradunei, inbertsioak bukatu eta zuzen gauzatu direla egiaztatzeko, edo instrukzio organoak beharrezkotzat jotzen duen beste edozein alderdi egiaztatzeko.

6. Instrukzio organoak egindako egiaztapenetan ondorioztatzen baldin bada beheranzko desbideraketak daudela onuradunak aurkeztutako azkeneko ordainketa eskaerarekin alderatuta, 20. oinarrian (Murrizketak eta bazterketak ordainketetan) aipatzen diren murrizketak eta baztertze-irizpideak aplikatuko dira ordainketan.

7. Hasiera batean baimendutako aurrekontuan goranzko desbideraketarik egonik ere esleitutako laguntzaren zenbatekoa ez da handituko, inola ere ez.

8. Laguntzak jasotzeko, erakunde onuradunak ordainketa eskaera aurkeztu beharko du, 2025eko irailaren 15era arte, egun hori barne. Eskaerarekin batera aurkeztu beharko ditu obra ziurtagiriak, fakturak eta gastu zein ordainketa frogagiriak, eta hornitzailearen aukeraketaren justifikazioa (https://www.navarra.es/appsext/DescargarFichero/default.aspx?CodigoCompleto=Portal@@@epub/BON/ANUCLEO/F1806513_IMPRESO_10a.pdf) (XIV. eranskinaren 1. dokumentua). Baldin obrak esleitu badira lanak kontrata bidez gauzatzeko 40.000 euro baino gehiagoko aurrekontuarekin (BEZik gabe), eta laguntza teknikoko 15.000 euro baino gehiagoko aurrekontuarekin (BEZik gabe), XIV. eranskinaren 2. dokumentua eta kontratazio espedientearen kopia (PDF formatuan) aurkeztu beharko dira. Gerta daiteke onuradunek eskaeraren kopia soilik aurkeztu izana eskaerak aurkezteko unean, eta beharrezko lizentziak eta baimen sektorialak aurkeztu ez izana. Hala bada, beharrezko baimen eta lizentzia onetsiak aurkeztu beharko dituzte une honetan.

Ordaintzeko eskaera deialdian adierazitako epean aurkeztu beharko da, horretarako ezarritako inprimakiaren bidez; eredua Nafarroako Gobernuaren web-orriko zerbitzuen katalogoan dago eskura (www.nafarroa.eus). Hala aurkeztu ezean, dagokion dirulaguntza galduko da.

9. Jarduketak gauzatu edo bukatu direla justifikatzeko agiriak ere aurkeztu beharko dira, eta konpromisoak bete izanarena. Deialdian, oinarri arautzaileetan eta laguntzak esleitzeko ebazpenean xedatutakoaren ondoriozko frogagiriak erantsi beharko dira.

10. Nekazaritza eta Abeltzaintzako zuzendari nagusiak 2025eko abenduaren 31 baino lehen emanen du ordainketaren ebazpena.

20. oinarria.–Murrizketak eta salbuespenak ordainketetan.

1. Inbertsioa 19. oinarriko 1. atalean adierazitako egunerako bukatzeko konpromisoa betetzen ez bada, laguntza galduko da.

2. Pertsona/erakunde onuradunak eskatutako zenbatekoaren eta onargarritasuna aztertu ondoren ordaindu beharreko laguntzaren zenbatekoaren arteko diferentziek eragindako murrizketa honela aplikatuko da, Nekazaritza Politika Erkidearen Plan Estrategikoan jasotako esku-hartzeetan zigorrak aplikatzeko arauak ezartzen dituen otsailaren 28ko 147/2023 Errege Dekretuaren arabera:

Administrazio kontrolak eta tokian bertan egin beharreko kontrolak egin ondoren, ordainketa eskaeran azaltzen den zenbatekoa %10 handiagoa bada onargarritasun azterketa egin ondoren ordaindu beharreko zenbatekoa baino, ordaindu beharreko dirulaguntza zenbateko onargarrira egokituko da, eta bi zenbateko horien arteko aldearen zenbatekoa duen zigorra aplikatuko da. Zigor hori ez da laguntza osoa kentzeaz haratago joanen.

Aipatutako murrizketak eta bazterketak ez dira aplikatuko baldin eta erakunde onuradunak frogatzen badu ezinbesteko arrazoiengatik edo salbuespenezko inguruabarrengatik gertatu direla aldaketak (2021/2116 (EB) Erregelamenduaren 3. artikuluaren arabera), edo gerora sortutako eta erakunde onuradunari egotzi ezin zaizkion arrazoien frogagiriak aurkezten baditu.

3. Egiaztatzen bada pertsona/erakunde onuradunak nahita egin duela gezurrezko adierazpen bat, emandako laguntza bertan behera utziko da, eta ordaindutako zenbateko guztiak berreskuratuko dira. Gainera, neurri horretarako laguntzetatik kanpo geratuko da irregulartasuna detektatu zen urte naturalean eta hurrengo bietan, 147/2023 Errege Dekretuaren 6. artikuluaren arabera, alde batera utzi gabe Nekazaritza Politika Erkidea kudeatzeko sistema eta hari loturiko beste gai batzuk arautzen dituen abenduaren 23ko 30/2022 Legean ezarritako zehapenak edo adierazpen hori aurkezteko unean indarrean zeuden iruzurraren aurkako borrokaren ondoriozkoak.

147/2023 Errege Dekretuaren 8. artikuluaren arabera (errege dekretu horren bidez ezarri ziren Nekazaritza Politika Erkidearen Plan Estrategikoan jasotako esku-hartzeetan zigorrak aplikatzeko arauak), ukitutako laguntzaren zatia kanpoan utziko da, baldin eta detektatzen bada pertsona/erakunde onuradun batek artifizialki sortu dituela laguntza lortzeko eskatzen diren baldintzak, abenduaren 27ko 1047/2022 Errege Dekretuaren 3. artikuluarekin bat.

4. Azken ordainketa egin aurretik egiaztatzen bada aldatu egin direla eskaeren hurrenkera ezartzeko erabilitako balorazio irizpideak, puntuazio txikiagoa zegokiola eta, horren ondorioz, erakunde onuradunaren izaera galduko zukeela, laguntza guztia galduko du.

5. Kontratazio publikoarekin lotutako arauak betetzen ez badira, Batzordearen maiatzaren 14ko C (2019) Erabakiaren eranskinean ezarritako ehunekoak aplikatuko dira, erabaki horren bidez ezartzen eta onesten baita zer jarraibide bete behar diren Batzordeak, kudeaketa partekatuaren esparruan, Batasunak finantzatutako gastuei zuzenketa finantzarioak aplikatu behar izanez gero, kontratazio publikoaren arloan arauak betetzen ez diren kasuetan (XIV. eranskina).

6. Xede bererako beste dirulaguntzarik jaso bada eta ez bazaio horren berri eman Nekazaritza eta Abeltzaintzako zuzendari nagusiari, laguntza osoa galdu eta itzuli beharko da.

21. oinarria.–Gerora bete beharreko konpromisoen murrizketak.

Gerora bete beharreko konpromisoa 5 urtez bete behar da laguntza ordaintzeko ebazpenaren ondoren. Bete ezean, jarraian zehazten diren irizpideen arabera mailakatuko da ez-betetzea, horrek sortuko du laguntzaren ehuneko batzuk itzuli beharra (ehuneko horiek ere zehazten dira) eta, kasua bada, legez ezarritako interesak gehituko dira:

a) Diruz lagundutako inbertsioen jabetza araubidea aldatzea: laguntzaren %100 itzuli beharra.

b) Diruz lagundutako inbertsioa abeltzaintzakoa ez den erabilera batera aldatzea: laguntzaren %100 itzuli beharra.

c) Diruz lagundutako inbertsioen erabilera etetea: laguntzaren %50 itzuli beharra. Hilabeteko epean erabilera berriro hasten ez bada, laguntzaren %100 itzuli beharko da.

d) Diruz lagundutako inbertsioen unitateak gutxitzea, salbu behar bezala frogatutako ezinbesteko baldintzak edo salbuespenezko inguruabarrak gertatzen direnean (2021/2116 (EB) Erregelamenduaren 3. artikuluaren arabera): gutxitutako unitateei dagokien laguntzaren %100 itzuli beharra. Hilabeteko epean unitateak berrezartzen badira, berrezarritako unitateen laguntzaren %50 itzuli beharko da.

22. oinarria.–Emandako dirulaguntzen publizitatea eta gardentasuna.

1. Arau hauen esparruan ematen diren laguntzen publizitateari dagokionez, 2022/129 (EB) Erregelamenduan eta Europar Batasuneko, Espainiako eta eskualdeetako arauetan ezarritakoari jarraikiko zaio. Horretarako, erakunde onuradunek Batasunaren laguntza finantzarioaren berri eman beharko dute:

–Eragiketaren exekuzioarekin lotutako informazio- eta komunikazio-jarduera guztietan.

–Onuradunaren webgune ofizialean, webgune hori baldin badago, bai eta sare sozialetako kontu ofizialetan ere.

–Baldin laguntza publikoa 50.000 eurotik gorakoa bada, gutxienez A3 neurriko informazio panel bat jarri beharko da, jendeak ongi ikusteko moduko toki batean.

Informazio hau agertu beharko da: proiektuaren azalpen laburra; Batasunaren ikurra, web-orri honetan dauden arau grafikoekin bat: http://europa.eu/european-union/about-eu/symbols/flag_es. Ikurraren ondoan, Batasunaren eginkizunaren azalpena agertuko da, adierazpen honen bidez: "Landa Garapenerako Europako Nekazaritza Funtsa: Europak landa eremuetan inbertitzen du"; eta Nafarroako Gobernuaren logotipoa.

2. Laguntza hauen erakunde onuradunen datuak honako arau honekin bat argitaratuko dira: Nekazaritzako Politika Erkidearen finantzaketari, kudeaketari eta jarraipenari buruzko Europako Parlamentuaren eta Kontseiluaren abenduaren 2ko 2116/2021 (EB) Erregelamenduaren 98.1 artikulua.

II. ERANSKINA.–ABELTZAINTZAKO TOKI AZPIEGITURETARAKO LAGUNTZEN ESKAERA

DEIALDIA: 20____

PROIEKTUAREN IZENA: .....................................................................................................................

ESKATZEN DU, deialdi honetan ezarritakoarekin bat, abeltzaintzako toki azpiegiturak sortzeko eta hobetzeko laguntza eman dakiola, eskaera honi erantsitako agirietan agertzen diren inbertsioen aurrekontuari dagokiona.

.............................................(e)n, 20......(e)ko .....................................aren ........(e)(a)n.

TOKI ERAKUNDEKO IDAZKARIA

Stua.:

III. ERANSKINA.–PROIEKTUEN ETA MEMORIA TEKNIKOEN GUTXIENEKO EDUKIA

–Memoria.

–Baldintza-agiria.

–Aurrekontua.

–Planoak (PDF eta .shp formatuak).

–Segurtasunari eta osasunari buruzko azterlana, indarreko araudiarekin bat.

a) Memoria.

–Behar bezala deskribatu beharko ditu laguntzaren xedeko jarduketak. Argi eta garbi justifikatuko da proposatzen den azpiegituraren abeltzaintzako helburua edota erabilera.

–Tuberkulosi egoerak, halakorik bada, memorian aipatuko dira.

–Proiektua, osorik edo hein batean, norberaren baliabideekin edo auzolanean egin nahi bada, zehatz-mehatz azalduko da.

b) Baldintza-agiria.

–Proiektuetan baizik ez da eskatuko. Aurreko atalean zehaztutako berezitasun guztiak jaso beharko ditu, eta eskatzen diren lan guztiak aipatu beharko ditu.

c) Aurrekontua, honako agiri hauez osatua.

–Neurketen taula.

–Prezioen taulak:

–Unitate guztien prezio banakatuak sartu behar dira.

–Aurrekontu partzialak.

–Aurrekontuen laburpen orokorra.

Proiektua, osorik edo hein batean, norberaren baliabideekin edo auzolanean egin nahi bada, horien aurrekontua zehatz-mehatz azalduko da aurrekontu atalaren berariazko eranskin batean.

d) Planoak.

–Kokalekuaren planoa.

–Plano xehatua, PDF eta shp formatuan. Laguntza eskaeran aipatzen diren jarduketa guztiak geoerreferentziatuta emanen dira, eta lokalizatzeko moduan azalduko.

–Plano zehatzagoak eginen dira fabrika-obretarako, harri-lubetetarako, etab.

–Kartografiaren legendak argiak izanen dira, eta aurrekontuan zehaztutakoari lotuak.

–Aurrekontuetako eta memoriako unitateek bat etorri beharko dute planoetan ageri direnekin.

e) Segurtasunari eta osasunari buruzko oinarrizko azterlana.

–Dokumentu hori proiektuetan bakarrik eskatuko da, eta haren edukia indarreko araudiaren araberakoa izanen da.

IV. ERANSKINA.–INBERTSIO MODULUAK

V. ERANSKINA.–KOSTUEN MODERAZIOAREN JUSTIFIKAZIOA

.............................................(e)n, 20......(e)ko .....................................aren ........(e)(a)n.

* Ez aldatu agiria, egokitu proposatutako eranskinera.

* Lotu proiektuaren partidak eranskin honetako unitateei.

VI. ERANSKINA.–INBERTSIOAK AMORTIZATZEKO EPEAK, LURREN EDO ERAIKINEN ERABILGARRITASUNARI LOTURIK

1.–Eraikinak:

1.1. Obra berria: 25 urte.

1.2. Obra bidezko eraberritzea: 20 urte.

2.–Ekipamenduak: 12 urte.

VII. ERANSKINA.–HERRI-ONDASUNAK ARAUTZEKO ORDENANTZAK IZATEAREN ZIURTAGIRIA

................................................................................................................ (e)ko idazkariak ziurtatzen du badagoela herri-ondasunen aprobetxamendua arautzeko ordenantza bat, Nafarroako Toki Administrazioari buruzko uztailaren 2ko 6/1990 Foru Legearen araberakoa (.................. zenbakidun Nafarroako Aldizkari Ofizialean argitaratua, .................................................... egunekoan).

Lurralde erakundeak ez diren toki erakundeen kasuan, ziurtatzen da badaudela larreen aprobetxamenduari buruzko barneko ordenantzak, ......................................................... egunean onetsiak, eta horien kopia erantsi da.

.............................................(e)n, 20......(e)ko .....................................aren ........(e)(a)n.

TOKI ERAKUNDEKO IDAZKARIA

Stua.:

VIII. ERANSKINA.–TITULARTASUN PUBLIKOAREN ZIURTAGIRIA

................................................................................................................ (e)ko idazkariak ziurtatzen du ezen toki erakundearena dela honako proiektu honetan zehaztutako obrak eginen diren lurren edo eraikinen titulartasuna edo erabiltzeko eskubidea: ............................................................................

Toki erakunde eskatzailea ez denean inbertsioak eginen diren finken edo eraikinen titularra, hau da erabilgarritasunaren epea: .................................. urte.

.............................................(e)n, 20......(e)ko .....................................aren ........(e)(a)n.

TOKI ERAKUNDEKO IDAZKARIA

Stua.:

IX. ERANSKINA.–KONPROMISOEN ADIERAZPENA

DEIALDIA: 20_____

Izen-deiturak: ..........................................................................................................................................

Toki erakunde honen alkatea/burua baita: ..............................................................................................

Adierazten du:

a) BAI  / EZ : eskaera honen xedeko inbertsioetarako beste laguntza publiko batzuk eskatu dituela.

b) Laguntza eskaera honek biltzen dituen datu guztiak eta agiriak benetakoak direla.

c) Ez dagoela Dirulaguntzei buruzko azaroaren 9ko 11/2005 Foru Legean ezarrita dauden eta dirulaguntza publikoen erakunde onuraduna izatea galaraziko lioketen debeku egoeretako batean ere.

d) Departamentuari baimena ematen diola bere datu pertsonalak eskura ditzan administrazioen fitxategi eta datu-baseetan, egiaztatzeko betetzen dituela laguntza hauek eskatzen dituzten baldintzak eta konpromisoak.

e) Baimena ematen duela eskaeran agertzen diren bere datu pertsonalak fitxategi automatikoetan sartzeko, Datu Pertsonalak Babesteari eta Eskubide Digitalak Bermatzeari buruzko abenduaren 5eko 3/2018 Lege Organikoari jarraikiz erabiltzeko.

Konpromiso hauek betetzeko hitza ematen du:

a) Emandako dirulaguntzari uko egiteko, baldin toki erakundeak erabakitzen badu laguntzaren xede diren inbertsioak ez egitea. 10 eguneko epea izanen du horretarako, laguntza eman zaiola jakinarazten den egunetik.

b) Landa Garapeneko eta Ingurumeneko Departamentuari justifikatzekoa hartutako funtsak aplikatu dituela dirulaguntzak emateko oinarri izan zen helbururako eta ezarritako moduan eta epeetan erabili direla, baita hartutako funtsak aplikatzeko zer gastu egin diren ere.

c) Dirulaguntzei buruzko azaroaren 9ko 11/2005 Foru Legearen 13. artikuluan erakunde onuradun izateko ezarritako ezein debekutan sarturik ez egotekoa, ez laguntzak emateko ebazpenaren proposamena egiten denean, ez eskaera egiten denean, eta, zehazki, baita zerga arloko betebeharrak eta Gizarte Segurantzarekikoak egunean izatekoa ere.

d) Laguntzak emateko deialdia arautzen duen ebazpenean xedatutakoa eta laguntza emateko proposamenaren izaeraren ondorioz ezartzen diren gainerako eginbeharrak betetzekoa.

e) Diruz lagundutako inbertsioen iraunkortasun konpromisoa: erakunde onuradunak konpromisoa hartzen du laguntza ordaintzeko ebazpenaren egunaren ondoko 5 urtean ez duela inbertsioan aldaketa garrantzitsurik eginen, salbu eta hondamendi naturalen ondorioz edo ezinbestez. Oinarri arautzaile hauen 11. oinarrian ezarritakoari jarraikiz.

f) Inbertsio berberetarako beste dirulaguntzaren bat jasoz gero, horren berri ematea Nekazaritza eta Abeltzaintza Zuzendaritza Nagusiari.

.............................................(e)n, 20......(e)ko .....................................aren ........(e)(a)n.

TOKI ERAKUNDEKO IDAZKARIA

Stua.:

X. ERANSKINA.–UKITUTAKO LEHENTASUNEZKO ABELTZAINTZAKO USTIATEGIEN ZERRENDA, DEIALDIAREN AURREKO URTEKO URRIAREN 1EAN LANDA GARAPENEKO ETA INGURUMENEKO DEPARTAMENTUAREN NEKAZARITZA USTIATEGIEN ERREGISTROAN INSKRIBATURIK EGON ETA HELBIDEA TOKI ERAKUNDE ESKATZAILEAN DUTENENA

.............................................(e)n, 20......(e)ko .....................................aren ........(e)(a)n.

TOKI ERAKUNDEKO IDAZKARIA

Stua.:

XI. ERANSKINA.–HERRI-LURRETAKO APROBETXAMENDU KANONARI BURUZKO ADIERAZPENA

.................................................................................................................................... jauna/andrea, ........................................................... (e)ko Udaleko/Kontzejuko idazkaria

ZIURTATZEN DUT:

–............................................................................................(e)ko Udaleko/Kontzejuko kontabilitatean dauden datuetatik ondorioztatzen dela diru-sarrera hauek lortu direla herri-ondasunen kanonaren bidez:

–2021. urtea: ................................................. euro.

–2022. urtea: ................................................. euro.

–2023. urtea: ................................................. euro.

Eta hala jasota gera dadin, ziurtagiri hau sinatzen dut, .................................................................................................................................................................... alkateak/buruak ontzat emana.

.............................................(e)n, 20......(e)ko .....................................aren ........(e)(a)n.

TOKI ERAKUNDEKO IDAZKARIA

Stua.:

XII. ERANSKINA–ABELTZAINTZAKO TOKI AZPIEGITURETARAKO LAGUNTZEN 20__. URTEKO DEIALDIKO PROIEKTUA ALDATZEKO ESKAERA

PROIEKTUAREN IZENA: ....................................................................................................................

.............................................(e)n, 20......(e)ko .....................................aren ........(e)(a)n.

TOKI ERAKUNDEKO IDAZKARIA

Stua.:

XIII. ERANSKINA.–ORDAINKETA ESKAERA

ABELTZAINTZAKO AZPIEGITURETARAKO LAGUNTZEN 2024KO DEIALDIKO ESKAERARI DAGOKION INBERTSIOA FROGATZEN DUTEN FAKTUREN ETA ZIURTAGIRIEN ZERRENDA

PROIEKTUAREN IZENA: ......................................................................................................................

.............................................(e)n, 20......(e)ko .....................................aren ........(e)(a)n.

TOKI ERAKUNDEKO IDAZKARIA

Stua.:

* Obra, proiektuaren idazketa, obra zuzendaritza...

XIV. ERANSKINA.–1. DOKUMENTUA: HORNITZAILEAREN AUKERAKETA JUSTIFIKATZEKO ZIURTAGIRIA (TOKI ERAKUNDEAK)

Espediente zk.: ........................................................................................................................................

Titularra: ..................................................................................................................................................

................................................................................................. jauna/andrea, udaleko/kontzejuko/beste toki erakunde bateko idazkaria, IFZa hau duena: ........................................

ZIURTATZEN DUT:

……../……../…….. egunean egindako bilkuran, ………………………………. herrian, abeltzaintzako toki azpiegiturak sortzeko eta hobetzeko obrak egiteko laguntzen esparruan (.............. urteko laguntzak, ............................................ neurriaren/ekintzaren bidezkoak), erabaki zela honako adjudikazio hau egitea:

Dokumentazio guztia ikusirik (publizitatea, arautzeko baldintza juridikoak, ekonomikoak eta teknikoak, jakinarazpenak, kontratuak, etab.), txostengile honek ondorioztatzen du lizitazioa bat datorrela Kontratu Publikoei buruzko apirilaren 13ko 2/2018 Foru Legearekin.

................................. (e)n, ................ (e)ko ................aren .........(e)(a)n.

Idazkaria:………………………………………, IFZa: ……………………………..

(1) Espedientean zenbat kontratazio prozedura egin diren, hainbat ziurtagiri eta balidazio eginen dira.

2. DOKUMENTUA: KONTRATAZIO PROZESUAREN BALIDAZIOA, KONTRATU PUBLIKOEI BURUZKO 2/2018 FORU LEGEAREN ARABERA

(Toki erakundeko idazkariak bete beharrekoa)

................................. (e)n, ................ (e)ko ................aren .........(e)(a)n.

Idazkaria:………………………………………, IFZa: ……………………………..

Sinatua:

Iragarkiaren kodea: F2405061