2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ANTSOAIN
Aldaketa, 14. ordenantza fiskalean: Ordenantza, prezio publikoak arautzen dituena hezkuntza, kultura, kirol edo gizarte arloetan Udalak eta udal zerbitzuek antolatzen dituzten ikastaro eta jardueretan sartu, izena eman edo matrikulatzeko. Behin betiko onespena
Antsoaingo Udalak, 2024ko martxoaren 26an egindako ohiko osoko bilkuran, hasiera batez onetsi zuen 14. ordenantza fiskalaren aldaketa.
"Ikusi da 14. ordenantza fiskala aldatzeko espedientea. Ordenantza horrek, hain zuzen, prezio publikoak arautzen ditu hezkuntza, kultura, kirol edo gizarte arloetan Udalak eta udal zerbitzuek antolatzen dituzten ikastaro eta jardueretan sartu, izena eman edo matrikulatzeko.
Ikusi da Berdintasuneko, Euskarako eta Zerbitzu Orokorretako Informazio Batzordearen aldeko irizpena, 2024ko martxoaren 20koa.
Horiek horrela, eta bat etorriz xedatuarekin martxoaren 10eko 2/1995 Foru Legearen 12., 13. eta 35. artikuluetan (Nafarroako Toki Ogasunei buruzko Foru Legea), eta uztailaren 2ko 6/1990 Foru Legearen 325. artikuluan (Nafarroako Toki Administrazioari buruzko Foru Legea),
ERABAKITZEN DA:
1. Hasiera batez onestea 14. ordenantza fiskalaren aldaketa. Ordenantza horrek, hain zuzen, prezio publikoak arautzen ditu hezkuntza, kultura, kirol edo gizarte arloetan Udalak eta udal zerbitzuek antolatzen dituzten ikastaro eta jardueretan sartu, izena eman edo matrikulatzeko.
2. Espedientea jendaurrean jartzea hogeita hamar egunean, iragarkia argitaratuta Udalaren ediktuen taulan eta Nafarroako Aldizkari Ofizialean.
3. Jendaurrean egoteko epea iragaten bada inork erreklamazio, kexa edo oharrik aurkeztu gabe, ordenantzaren aldaketa behin betikoa dela ulertuko da, bat etorriz Nafarroako Toki Administrazioari buruzko uztailaren 2ko 6/1990 Foru Legearen 325. 1.c) artikuluan ezarritakoarekin. Egoera horretan, ordenantza aldatuaren testu osoa argitaratuko da Nafarroako Aldizkari Ofizialean.
Antsoainen, 2024ko martxoaren 27an.–Alkatea, Marta Díez Napal.
Iragarkiaren kodea: L2405176
