2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ZUÑIGA
Udal ordenantza, onesten dituena oinarrizko zerbitzuak eskuratzeko laguntza ekonomikoa. Hasierako onespena
Udalak, 2024ko martxoaren 7an egin osoko bilkura berezian, erabaki zuen hasiera batez onestea oinarrizko zerbitzuak eskuratzeko laguntza ekonomikoa arautzen duen udal ordenantza bat . Espedientea jendaurrean egonen da hogeita hamar egunean, iragarki hau Nafarroako Aldizkari Ofizialean argitaratu eta biharamunetik hasita, azter dadin eta, hala behar badu, komenigarri juzgatzen diren alegazioak aurkez daitezen; hori dena, bat etorriz apirilaren 2ko 7/1985 Legearen 49. eta 70.2 artikuluekin (Toki Araubidearen Oinarriak arautzen dituen Legea) eta urriaren 1eko 39/2015 Legearen 133.2 artikuluarekin (Administrazio Publikoen Administrazio Prozedura Erkideari buruzko Legea). Epe hori iraganik inork alegaziorik aurkeztu ez badu, behin betiko onetsitzat joko da ordenantza, eta horrek indarra hartuko du testu osoa Aldizkari Ofizial honetan argitaratu eta biharamunean.
Zuñigan, 2024ko martxoaren 24an.–Alkatea, Pedro María Oteiza Díaz.
Iragarkiaren kodea: L2405534
