1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
16/2024 EBAZPENA, martxoaren 19koa, Merkataritza eta Kontsumoko zuzendari nagusiak emana, Merkataritza eta Kontsumo Zuzendaritza Nagusiko zerbitzuetako zuzendarien aldi baterako ordezkoak izendatzen dituena.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 16. artikuluko 3. apartatuarekin bat etorriz, zerbitzuetako zuzendari titularren ordezkoak izendatzea hierarkikoki zerbitzu horien gainean dagoen organoari dagokio, salbu eta horri buruzko berariazko arauren bat badago.
Era berean, artikulu horren 7. apartatuak ezartzen duenez, ordezkotza bidez ematen diren ebazpenetan eta egintzetan, inguruabar horren berri eman beharko da, eta zehaztuko da nor den organoaren titularra eta nor den titular horren ordezkotzan diharduen pertsona.
Adierazitakoarekin bat, eta martxoaren 11ko Nafarroako Foru Komunitateko Administrazioari eta foru-sektore publiko instituzionalari buruzko 11/2019 Foru Legearen 32. artikuluak ematen dizkidan eskudantziak erabiliz,
EBAZTEN DUT:
1. Izendatzea Merkataritza eta Kontsumo Zuzendaritza Nagusiko zerbitzuetako zuzendarien ordez arituko diren pertsonak, zuzendari kargua hutsik gelditzen denean, titularra kanpoan edo gaixorik dagoenean edo ezintasun pertsonalen bat duenean; honako hauek, alegia:
a) Merkataritza Antolatu eta Sustatzeko Zerbitzuko zuzendaria honako hauek ordeztuko dute:
1. Kontsumo Zerbitzuko zuzendaria.
2. Merkataritza eta Artisautza Antolatzeko eta Laguntza Ekonomikoen Ataleko burua.
b) Kontsumo Zerbitzuko zuzendaria honako hauek ordeztuko dute:
1. Merkataritza Antolatu eta Sustatzeko Zerbitzuko zuzendaria.
2. Kontsumitzaileen Babeserako eta Kontsumoko Arbitrajerako Ataleko burua.
2. Ebazpen hau Nafarroako Aldizkari Ofizialean argitaratzea, orok jakin dezan.
Iruñean, 2024ko martxoaren 19an.–Merkataritza eta Kontsumoko zuzendari nagusia, Pablo Ezcurra Fernández.
Iragarkiaren kodea: F2404685
