Iragarkia

71. ALDIZKARIA - 2024ko apirilaren 9a

1. NAFARROAKO FORU KOMUNITATEA

1.7. BESTELAKOAK

80/2024 EBAZPENA, martxoaren 14koa, Hezkuntzako zuzendari nagusiak emana, zeinaren bidez baliozkotzen baita eskolaldi modalitatearen aldaketa, 2024-2025 ikasturtetik aurrera eskolaldi zatitutik eskolaldi jarraitu edo malgura pasatzeko, Nafarroako Foru Komunitateko lurralde-eremuan Haur Hezkuntzako bigarren zikloko, Lehen Hezkuntzako eta Hezkuntza Bereziko ikasketak ematen dituzten ikastetxe publikoetan.

Hezkuntzako kontseilariak azaroaren 9an emandako 106/2023 Foru Aginduaren bidez, eskolaldi motak erregulatu ziren Nafarroako Foru Komunitateko lurralde-eremuan Haur Hezkuntzako bigarren zikloko, Lehen Hezkuntzako eta Hezkuntza Bereziko ikasketak ematen dituzten ikastetxeetarako.

Hezkuntzako kontseilariaren azaroaren 9ko 106/2023 Foru Aginduaren xedapen iragankor bakarrean ezarritakoa betetzeko, Hezkuntza Departamentuak, Hezkuntzako zuzendari nagusiaren azaroaren 30eko 479/2023 Ebazpenaren bidez, aukera eman du hezkuntza-komunitateek beraiek erabaki dezaten, ikastetxeen autonomia pedagogikoan eta antolaketakoan oinarrituta, 2024-2025 ikasturtean eskolaldi jarraitua edo eskolaldi malgua ezarri nahi duten.

Ebazpen horretan ezartzen dira ikastetxek bete beharko dituzten baldintzak Hezkuntza Departamentuan gai horren gaineko eskumena duen zuzendaritza nagusiak baliozkotu dezan eskolaldiaren aldaketa, eskolaldi zatitutik eskolaldi jarraitu edo malgura pasatzeko.

Ebazpen horretan ezarritako prozedura amaitu ondoren, jaso dira Hezkuntzako Ikuskapen Zerbitzuaren eta Hezkuntza Zerbitzuen eta Ikasketetarako Laguntzen Zerbitzuaren txostenak, eta Antolamendu, Prestakuntza eta Kalitate Zerbitzuak ere txostena egin du eskolaldi modalitatearen aldaketa baliozkotzeari buruz, 2024-2025 ikasturtetik aurrera eskolaldi zatitutik eskolaldi jarraitu edo malgura pasatzeko, Nafarroako Foru Komunitateko lurralde-eremuan Haur Hezkuntzako bigarren zikloko, Lehen Hezkuntzako eta Hezkuntza Bereziko ikasketak ematen dituzten ikastetxe publikoetan. Orain, hortaz, bidezkoa da horri buruzko ebazpena ematea.

Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz,

EBAZTEN DUT:

1. Baliozkotzea eskolaldi modalitatearen aldaketa, 2024-2025 ikasturtetik aurrera eskolaldi zatitutik eskolaldi jarraitura pasatzeko, Nafarroako Foru Komunitateko lurralde-eremuan Haur Hezkuntzako bigarren zikloko, Lehen Hezkuntzako eta Hezkuntza Bereziko ikasketak ematen dituzten ikastetxe publikoetan, ebazpen honen I. eranskinean jaso direnetan, Hezkuntzako kontseilariaren azaroaren 9ko 106/2023 Foru Aginduan eta azaroaren 30eko 479/2023 Ebazpenean ezarritako baldintzak betetzeagatik.

2. Baliozkotzea eskolaldi modalitatearen aldaketa, 2024-2025 ikasturtetik aurrera eskolaldi zatitutik eskolaldi malgura pasatzeko, Nafarroako Foru Komunitateko lurralde-eremuan Haur Hezkuntzako bigarren zikloko, Lehen Hezkuntzako eta Hezkuntza Bereziko ikasketak ematen dituzten ikastetxe publikoetan, ebazpen honen II. eranskinean jaso direnetan, Hezkuntzako kontseilariaren azaroaren 9ko 106/2023 Foru Aginduan eta azaroaren 30eko 479/2023 Ebazpenean ezarritako baldintzak betetzeagatik.

3. Baimenik ez ematea eskolaldiaren aldaketarako, eskolaldi zatitutik eskolaldi jarraitura pasatzeko, III. eranskineko ikastetxeei, zeinetan, eskola garraioa edukita eta eskolaldiaren aldaketa zenbait baldintzarekin egiteko prozedura abiarazi ondoren, ez baita onartu eskolaldi jarraitura pasatzeko aldaketaren proposamena inplikatutako ikastetxe guztietako eskola kontseiluetan, hala eskatzen baitu Hezkuntzako kontseilariaren azaroaren 9ko 106/2023 Foru Aginduak 15.3 artikuluan eta Hezkuntzako kontseilariaren azaroaren 30eko 479/2023 Ebazpenak IX.2 atalean.

4. Ebazpen honen eta eranskinen aurka gora jotzeko errekurtsoa jartzen ahalko da, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.

5. Ebazpen hau eta eranskinak Nafarroako Aldizkari Ofizialean argitaratzea.

6. Ebazpen hau eta haren eranskinak igortzea, behar diren ondorioak izan ditzaten, Antolamendu, Prestakuntza eta Kalitate Zerbitzura, Hezkuntza Zerbitzuen eta Ikasketetarako Laguntzen Zerbitzura, Hezkuntzako Ikuskapen Zerbitzura, Hezkuntzako Teknologien eta IKT Azpiegituren Zerbitzura eta Ikastetxeetako Informazioa Kudeatzeko Atalera.

Iruñean, 2024ko martxoaren 14an.–Hezkuntzako zuzendari nagusia, Gil Sevillano González.

I. ERANSKINA.–ESKOLALDIAREN ALDAKETA BALIOZKOTU ZAIEN IKASTETXEAK, 2024-2025 IKASTURTETIK AURRERA ESKOLALDI ZATITUTIK ESKOLALDI JARRAITURA PASATZEKO

Bat etorriz Hezkuntzako kontseilariak azaroaren 9an emandako 106/2023 Foru Aginduaren 16.2 artikuluan ezarritakoarekin, I. eranskin honetan jasotako ikastetxeek ezin izanen diote eskolaldia hautatzeko beste deialdi bati heldu 2027-2028 ikasturtera arte. Ikasturte horretatik aurrera (ikasturte hori barne), ikastetxeek betebeharra izanen dute urtero foru agindu horren 10. artikuluan jasotako aurretiazko jarduketak abiatzeko. Betebehar hori izanen dute prozedura berri bat hasitzat jotzen den ikasturtera arte.

II. ERANSKINA.–ESKOLALDIAREN ALDAKETA BALIOZKOTU ZAIEN IKASTETXEAK, 2024-2025 IKASTURTETIK AURRERA ESKOLALDI ZATITUTIK ESKOLALDI JARRAITURA PASATZEKO

Bat etorriz Hezkuntzako kontseilariak azaroaren 9an emandako 106/2023 Foru Aginduaren 16.2 artikuluan ezarritakoarekin, II. eranskin honetan jasotako ikastetxeek ezin izanen diote eskolaldia hautatzeko beste deialdi bati heldu 2027-2028 ikasturtera arte. Ikasturte horretatik aurrera (ikasturte hori barne), ikastetxeek betebeharra izanen dute urtero foru agindu horren 10. artikuluan jasotako aurretiazko jarduketak abiarazteko. Betebehar hori izanen dute prozedura berri bat hasitzat jotzen den ikasturtera arte.

III. ERANSKINA.–ESKOLALDIAREN ALDAKETA BAIMENDU EZ ZAIEN IKASTETXEAK, ESKOLALDI ZATITUTIK ESKOLALDI JARRAITURA PASATZEKO

Bat etorriz Hezkuntzako kontseilariak azaroaren 9an emandako 106/2023 Foru Aginduaren 16.2 artikuluan ezarritakoarekin, III. eranskin honetan jasotako ikastetxeek ezin izanen diote eskolaldia hautatzeko beste deialdi bati heldu 2027-2028 ikasturtera arte. Ikasturte horretatik aurrera (ikasturte hori barne), ikastetxeek betebeharra izanen dute urtero foru agindu horren 10. artikuluan jasotako aurretiazko jarduketak abiarazteko. Betebehar hori izanen dute prozedura berri bat hasitzat jotzen den ikasturtera arte.

Iragarkiaren kodea: F2404453