66. ALDIZKARIA - 2024ko apirilaren 2a

3. ESTATUKO ADMINISTRAZIOA

TRANTSIZIO EKOLOGIKORAKO ETA ERRONKA DEMOGRAFfIKORAKO MINISTERIOA

Ebazpena, Energia Politika eta Meatzeetarako Zuzendaritza Nagusiak emana, zeinaren bidez aurretiazko administrazio baimena ematen baitzaio Energía Inagotable de Providentia SLri 28 MW-eko Providentia parke eolikorako eta haren ebakuazio azpiegituretarako, Nafarroan, Araban eta Zaragozako eta Burgosko probintzietan.
SEE/DGPEM/SGEE/RESOLUCIÓN PEol-712 (peol-712ac) (aap)

Energía Inagotable de Providentia SLk, (aurrerantzean, sustatzailea) 2021eko abuztuaren 9an, aurretiko administrazio baimena eskatu zuen Providentia parke eolikorako (42 MW) eta haren ebakuazio azpiegituretarako, Tausten (Zaragozako probintzia), Berantevillan, Armiñonen eta Erriberabeitian (Araban) eta Miranda de Ebron (Burgosko probintzia).

Hona hemen eskaeraren irismena:

–42 MW-eko Providentia parke eolikoa.

–Erdi-tentsioko lurpeko sarea, sortutako energia haize-sorgailu bakoitzetik "30/400 kV-eko Abarca TAE" azpiestazio elektrikora garraiatzen duena.

–"30/400 kV-eko Abarca TAE" azpiestazio elektrikoa.

–400 kV-eko aireko ebakuazio linea, bi zatitan banatua (Abarca TAEtik Abarca lotuneraino doan lehen zatia, eta Miranda lotunetik "400/220 kV-eko Forestalia Miranda" azpiestazioraino doan bigarren zatia).

–"400/220 kV-eko Forestalia Miranda TAE" transformazio azpiestazio elektrikoa.

–220 kV-eko lurpeko linea, "400/220 kV-eko Forestalia Miranda TAE"tik "220 kV-eko Promotores Miranda TAE" azpiestaziora.

–"220 kV-eko Promotores Miranda TAE" azpiestazioa.

–220 kV-eko lurpeko linea, "220 kV-eko Promotores Miranda TAE" eta "220 kV-eko Miranda TAE" (Red Eléctrica de España SA) lotzen dituena.

Era berean, ebazpen honen irismenak jarraian zerrendatutako ebakuazio azpiegiturak hartzen ditu barne. Horiek beharrezkoak dira 220 kV-eko Miranda azpiestazioko garraio sareraino azpiegitura osatzeko, eta "400 kV-eko aireko ebakuazio linea, Abarka lotunetik Miranda lotuneraino" deitzen zaie. Energía Inagotable de Tara SL enpresak sustatzen du, eta honako elementu hauek biltzen ditu:

–220 kV-eko ebakuazio linea, Abarka lotunetik "Fréscano TAE" azpiestazioraino. Udal-mugarte hauetatik igarotzen da: Tauste, Gallur, Novillas, Mallén eta Fréscano (Zaragoza).

–"400/220 kV-eko Fréscano TAE" azpiestazio igotzailea, Fréscano udal-mugartean (Zaragoza).

–400 kV-eko ebakuazio linea, "400/220 kV-eko Fréscano TAE"tik Santa Engracia lotuneraino, Zaragozatik, Nafarroatik eta Errioxatik igarotzen dena.

–400 kV-eko ebakuazio linea, Santa Engracia lotunetik Miranda lotuneraino, Errioxatik eta EAEtik (Araba) igarotzen dena.

Energia Politika eta Meatzeetarako Zuzendaritza Nagusiak, 2021eko abuztuaren 16an, Robigus, Quirite, Providentia, Promitor, Recarano, Priamo, Pietas eta Othar parke eolikoen eta horien ebakuazio azpiegituren aurretiazko administrazio baimenaren espedienteak batera eta metatuta izapidetzeko erabakia hartu zuen.

Erabaki horretan adierazten zen arrazoizkoa zela espediente horiek batera eta metatuta izapidetzea erabakitzea, harik eta aurkeztutako eskabide bakoitza ebatzi arte.

Espediente metatua izapidetu zen Gobernuak Aragoin duen Ordezkaritzako eta Araban eta Burgosen dituen Ordezkariordetzetako industria eta energia arlo funtzionaletan, eta izapidetu zen bat etorriz Energia elektrikoa garraiatu, banatu eta merkaturatzeko jarduerak, haren hornidura eta haren instalazioetarako baimenen prozedurak arautzen dituen abenduaren 1eko 1955/2000 Errege Dekretuan eta Ingurumen Ebaluazioari buruzko abenduaren 9ko 21/2013 Legean xedatutakoarekin, eta kasuan kasuko txostenak eskatu zitzaizkien administrazioei, erakundeei eta zerbitzu publikoko edo interes orokorreko zerbitzuetako enpresei, instalazioak haien kargurako ondasunak eta eskubideak ukitzen dituen heinean.

Aragoiko Gobernuko Energia eta Meategien Zuzendaritza Nagusiaren, Telefónica de España SAUren, Aragoiko Gobernuko Zaragozako Hirigintzako Probintzia Kontseiluaren eta Gaztela eta Leongo Juntako Industria, Merkataritza eta Ekonomiako Lurralde Zerbitzuaren Burgosko Ordezkaritzaren erantzunak jaso dira, eta horietan ez da aurkakotasunik ondorioztatzen. Sustatzaileari igorri zaizkio erantzun horiek, eta horiekin ados dagoela jakinarazi du.

Gaztela eta Leongo Juntako Burgosko Sustapeneko Lurralde Zerbitzuaren, Ebroko Konfederazio Hidrografikoaren, Aragoiko Gobernuko Errepideetako Zuzendaritza Nagusiaren, Aragoiko Lurralde Antolamenduko Kontseiluaren, Espainiako Sare Elektrikoaren, Trenbide Azpiegituren Administratzailearen (ADIF) eta I-DE Redes Inteligentes SAUren (Iberdrola taldea) erantzunak jaso dira. Horietan baldintza teknikoak ezartzen dira, eta, hala badagokio, baimena eskatu behar zaie erakunde horiei, instalazioa beren eskumeneko ondasun edo zerbitzuekin gurutzatzeagatik edo horiek okupatzeagatik. Sustatzaileari igorri zaizkio erantzun horiek, eta ados dagoela jakinarazi du.

Tausteko Udalaren erantzuna jaso da. Bertan adierazten denez, proiektua lurzoru urbanizaezin gisa (lur ureztatu berriak) eta lurzoru urbanizaezin gisa sailkatutako lursailetan instalatuko da. Beraz, berariazko araudia bete beharko dute kasu bakoitzean. Sustatzaileari erantzun horren berri eman zaio, eta hark adierazi du proiektua bateragarria dela plangintza araudiarekin, hirigintzari dagokionez. Sustatzailearen azken erantzunari Udalak emandako erantzunik jaso ez denez, ulertzen da ados dagoela, halaxe xedatzen baitu abenduaren 1eko 1955/2000 Errege Dekretuaren 127.2 artikuluak.

Miranda de Ebroko Udalaren erantzuna jaso da. Bertan, proiektuaren aurka dagoela adierazten du, batez ere bere titulartasuneko ondasunei modu negatiboan eragiten dielako eta Hiri Antolamenduko Plan Orokorra (aurrerantzean, HAPO) betetzea justifikatzen ez duelako. Sustatzaileari erantzun horren berri eman zaio, eta, haren arabera, proiektuak indarrean dagoen udal araudia betetzen du, HAPO barne. Epez kanpo, sustatzaileari erantzuteko Udalaren idazkia jaso da: lehen txostenean adierazitako guztia berresten da, eta harik eta HAPO bete arte instalazio horiek garatzeari uko egiten zaiola adierazten da beste behin.

Bastidako Udalaren erantzuna jaso da. Bertan, proiektuaren aurka dagoela adierazten du, batez ere proiektuak ingurumenean izaten ahal dituen eragin larriengatik. Sustatzaileari erantzun horren berri eman zaio, eta Udalak planteatutako puntu bakoitzari erantzun dio. Sustatzailearen azken erantzunari Udalak emandako erantzunik jaso ez denez, ulertzen da ados dagoela, halaxe xedatzen baitu abenduaren 1eko 1955/2000 Errege Dekretuaren 127.2 artikuluak.

Honako hauei guztiei galdetu zaie eta ez denez haien erantzunik jaso, ulertzen da ados daudela, halaxe xedatzen baitu abenduaren 1eko 1955/2000 Errege Dekretuaren 127.2 artikuluak: Gaztela eta Leongo Juntako Etxebizitza, Arkitektura eta Hirigintzako Zuzendaritza Nagusia; Gaztela eta Leongo Juntako Lurralde Antolamendu eta Plangintzako Zuzendaritza Nagusia; Garraio, Mugikortasun eta Hiri Agenda Ministerioko Estatuko Errepideen Mugapea (Aragoin); Aire Segurtasuneko Espainiako Agentzia (AESA); Trenbide Azpiegituren Administratzailea (ADIF); Endesa; Ejea de los Caballeroseko Udala; Zaragozako Diputazio Probintzialeko Bide eta Obrak; Cinco Villas eskualdea; Baiako Industrialdea Kontserbatzeko Erakundea; Eusko Jaurlaritzako Energiaren, Meategien eta Industria Administrazioaren Zuzendaritza Nagusia; Eusko Jaurlaritzako Garraio Azpiegituraren Zuzendaritza; Arabako Foru Aldundiko Bide Azpiegituren Zuzendaritza; Guardiako kuadrilla, Añanako kuadrilla, Zanbranako, Santa Cruz del Fierroko, Gatzaga Buradongo, Ozioko, Lacorzanako, Lacorzanillako, Bastidako, Ribabellosako eta Ribagudako administrazio batzarrak; Erriberabeitiko Udala; Berantevillako Udala eta Armiñongo Udala.

Ondotik, sustatzaileak Aire Segurtasuneko Estatu Agentziak emandako aldeko ebazpena aurkeztu zuen.

Gaztela eta Leongo Juntako Energia eta Meategien Zuzendaritza Nagusiaren garaiz kanpoko erantzuna jaso da. Bertan, 220 kV-eko Miranda lotunean lotzen diren instalazio fotovoltaikoen, administrazio izapide aurreratua dutenen, zerrenda erantsi da.

Orobat, eskaera jendaurrean jarri zen, abenduaren 1eko 1955/2000 Errege Dekretuan eta aipatutako abenduaren 9ko 21/2013 Legean ezarritakoarekin bat, argitara eman baitzen 2021eko 131. Estatuko Aldizkari Ofizialean, azaroaren 12koan, 2021eko 260. Zaragozako Probintziako Aldizkari Ofizialean, azaroaren 12koan, 2021eko 221. Burgosko Aldizkari Ofizialean, azaroaren 19koan, eta 2021eko 131. Arabako Lurralde Historikoaren Aldizkari Ofizialean, azaroaren 17koan. Zenbait alegazio jaso ziren, eta sustatzaileak horiei erantzun zien.

Aurkeztu diren alegazioen artean, Ekienea SL enpresak aurkeztutakoa dago; hark 130 MWp-eko "FV Ekienea" parke fotovoltaikoa sustatzen du, eta proiektuaren ebakuazio linearen tratatuak ukituko luke. Sustatzaileak erantzunean adierazi duenez, ez du aurkitu aipatu instalazioa jendaurrean jarri izanaren argitalpenik eta, gainera, aipatu enpresaren esanetara jartzen da bi instalazioak bateragarri egin ahal izateko.

Zenbait erakunderi bidali zitzaizkien aurreproiektuaren eta ingurumen eraginaren azterketaren separatak, txosten eskaerekin batera, Ingurumen Ebaluazioari buruzko abenduaren 9ko 21/2013 Legean xedatutakoari dagokionez. Hona erakunde horiek: Aragoiko Gobernuko Aragoiko Ingurumen Kudeaketako Institutua; Aragoiko Gobernuko Kultura Ondareren Zuzendaritza Nagusia; Aragoiko Gobernuko Osasun Publikoaren Zuzendaritza Nagusia, Aragoiko Gobernuko Barne eta Babes Zibileko Zuzendaritza Nagusia; Espainiako Ornitologia Elkartea (BirdLife); Ekologistak Martxan elkartea; Saguzarrak Kontserbatu eta Ikertzeko Espainiako Elkartea (Batlife); Bardeako Ubideko Ureztatzaileen Komunitatea; Aragoiko Gobernuko Aragoiko Lurralde Antolamenduaren Kontseilua, Aragoiko Gobernuko Lurralde Antolamenduko Zuzendaritza Nagusia eta Aragoiko Gobernuko Zaragozako Hirigintza Kontseilu Probintziala; Burgosko Diputazioa; Gaztela eta Leongo Juntako Ingurumen Lurralde Zerbitzuaren Burgosko Ordezkaritza; Gaztela eta Leongo Juntako Ingurumen Kalitate eta Jasangarritasuneko Zuzendaritza Nagusia; Gaztela eta Leongo Juntako Natura Ondare eta Baso Politikako Zuzendaritza Nagusia; Gaztela eta Leongo Juntako Kultura eta Turismoko Lurralde Zerbitzuaren Burgosko Ordezkaritza; Gaztela eta Leongo Juntako Kultura Ondarearen Zuzendaritza Nagusia; Gaztela eta Leongo Juntako Babes Zibileko Agentzia; Gaztela eta Leongo Juntako Osasun Publikoko Zuzendaritza Nagusia; Gaztela eta Leongo Juntako Hirigintza eta Lurralde Antolamenduko Atalaren Burgosko Ordezkaritza; Gaztela eta Leongo Juntako Etxebizitza, Arkitektura eta Hirigintzako Zuzendaritza Nagusia; Gaztela eta Leongo Juntako Lurralde Antolamenduko eta Plangintzako Zuzendaritza Nagusia; Gaztela eta Leongo Juntako Landa Garapeneko Zuzendaritza Nagusia; Gobernuak Burgosen duen Ordezkariordetza; Burgosko Ecologistas en Acción elkartea; "Plataforma para Defensa de la Cordillera Cantábrica" plataforma; "Mesa Eólica Merindades de Burgos" elkartea, Oxígeno Fundazioa; Eusko Jaurlaritzako Natura Ondarearen Zuzendaritza; Eusko Jaurlaritzako Kultura Ondarearen Zuzendaritza; Eusko Jaurlaritzako Osasun Publikoaren eta Adikzioen Zuzendaritza; Eusko Jaurlaritzako Larrialdiei Aurre Egiteko Zuzendaritza; Eusko Jaurlaritzako Ingurumen Administrazioko Zuzendaritza; Arabako Foru Aldundiko Ingurumen eta Hirigintza Zuzendaritza; Eusko Jaurlaritzako Lurralde Plangintza, Hirigintza eta Hiri Berroneratzeko Zuzendaritza; Arabako Foru Aldundiko Kultura Zuzendaritza; Arabako Foru Aldundiko Babes Zibila; Uraren Euskal Agentzia; "Arabako Mendiak Aske", "Lautadako Naturzale Elkartea" eta "Ekologistak Martxan Araba" elkarteak; Arabako Foru Aldundiko Nekazaritza Zuzendaritza; Nafarroako Gobernuko Kulturaren Zuzendaritza Nagusia (Vianako Printzea Erakundea); Nafarroako Gobernuko Ingurumen Zuzendaritza Nagusia; Nafarroako Gobernuko Lurralde Antolamenduko Zuzendaritza Nagusia; Nafarroako Ekologistak Martxan elkartea; Nafarroako Gobernuko Barne Zuzendaritza Nagusia (Babes zibila); Nafarroako Gobernuko Osasun Zuzendaritza Nagusia; Errioxako Gobernuko Jasangarritasun eta Trantsizio Ekologikoko Kontseilaritzako Biodibertsitateko Zuzendaritza Nagusia; Errioxako Gobernuko Jasangarritasun eta Trantsizio Ekologikoko Kontseilaritzako Ingurumen Kalitate eta Baliabide Hidrikoen Zuzendaritza Nagusia; Errioxako Gobernuko Hezkuntza, Kultura, Kirol eta Gazteriako Kontseilaritzako Kulturako Zuzendaritza Nagusia eta Errioxako Gobernuko Osasun eta Bozeramailetza Kontseilaritzako Emergentzia eta Babes Zibileko Zuzendaritza Nagusia.

Ingurumen arloko elkarteek parte hartu dute; tartean, hauek: Errioxako Ecologistas en Acción, "Paisajes y Viñedos de la Rioja Oriental" elkartea eta Errioxako "Plataforma por el Progreso Sostenible de las Tierras Orientales" plataforma.

Ingurumen arloko oharrei proiektuaren ingurumen eragina ebaluazioaren izapidea egin zaie; ebaluazio horretan oinarriturik ebatzi da proiektuaren ingurumen eraginaren adierazpena, bai eta sustatzaileak proiekturako kontuan hartu behar dituen baldintza eta neurri gehigarriak ere.

Energía Inagotable de Tara SLk sustatutako "400 kV-eko aireko ebakuazio linea, Abarcako lotunetik Miranda lotuneraino" proiektua jendaurrean jartzearen eta hari lotutako kontsulten izapidetzeari dagokionez, Gobernuak Aragoin, Nafarroan eta Errioxan dituen Ordezkaritzetako eta Araban duen Ordezkariordetzako industria eta energia arloetan izapidetu zen espedientea, abenduaren 1eko 1955/2000 Errege Dekretuan eta aipatutako abenduaren 9ko 21/2013 Legean ezarritakoarekin bat, eta zerbitzu publikoko edo interes orokorreko zerbitzuetako administrazio, organismo eta enpresei dagozkien txostenak eskatu zaizkie, instalazioak beren kargura dituzten ondasun eta eskubideak ukitzen ahal duen zatian.

Tausteko Udalaren txosten teknikoa jaso da, hirigintzaren arlokoa. Sustatzaileri igorri zaizkio, eta hark txostenari erantzun dio. Erantzuna igorri dio sustatzaileak udalari. Ez denez erantzunik jaso, ulertzen da ados daudela, halaxe xedatzen baitu abenduaren 1eko 1955/200 Errege Dekretuaren 127.2 artikuluak.

Novillasko Udalaren txosten teknikoa jaso da. Bertan adierazten denez, sustatzaileak hirigintza-bateragarritasunaren arloko dagozkion baimenak bete beharko ditu. Sustatzaileari igorri zaio, eta hark adierazi du harekin ados dagoela.

Errioxako honako udal hauen txostenak jaso dira: Albelda de Ireguako Udala, Aldeanueva de Ebroko Udala, Alfaroko Udala, Arnedoko Udala, Briñasko Udala, Corerako Udala, Entrenako Udala, Galileko Udala, Hornos de Moncalvilloko Udala, Huércanosko Udala, Lagunilla del Juberako Udala, Medranoko Udala, Sotéseko Udala, Santa Engracia de Juberako Udala eta Uruñuelako Udala.

Sustatzaileari igorri zaizkio. Bigarren kexa-erantzunetan, Aldeanueva de Ebroko Udalaren, Alfaroko Udalaren, Briñasko Udalaren, Corerako Udalaren, Galileako Udalaren, Huércanosko Udalaren eta Lagunilla del Juberako Udalaren txostenak jaso dira. Ulertzen da bigarren erantzunean txostenik egin ez duten gainerako udalak ados daudela, abenduaren 1eko 1955/2000 Errege Dekretuaren 127.2 artikuluan xedatutakoaren arabera. Ingurumen kontsiderazioei ingurumen eraginaren ebaluazioaren izapidean heldu behar izan zaie; ebaluazio horretan oinarriturik ebatzi da 2023ko azaroaren 24ko Ebazpenaren bidez onartutako ingurumen eraginaren adierazpena.

Araban, honen xede den ebakuazio azpiegitura Bastida, Zanbrana eta Berantevilla udalerrietatik igarotzen da, eta eraginpeko beste erakunde batzuek ere parte hartu dute, udalerriz azpiko eta udalez gaindiko eremukoak, hala nola administrazio batzarrek (kontzejuak) eta kuadrillek (eskualdeak).

Bastidako, Zanbranako eta Berantevillako udalen txostenak jaso dira, baita Zanbranako Administrazio Batzarrarenak ere. Bastidako eta Zanbranako udalak eta Zanbranako Administrazio Batzarra proiektuaren aurka agertu dira. Sustatzaileak txostenei erantzun die. Bastidako Udalak bigarren txosten bat egin du, proiektuaren aurkako jarrerari eusten dio. Gainerako udalen eta aipatu administrazio batzarraren kasuan, ulertzen da ados daudela, halaxe xedatzen baitu abenduaren 1eko 1955/2000 Errege Dekretuaren 127.2 artikuluak.

Berantevillako Udalaren txostenean ingurumen arloko gaiak jorratzen dira batik bat. Txostena sustatzaileari helarazi zaio, eta azaldutako guztiarekin ados dagoela adierazi du. Erantzuna aipatu udalari igorrita, ez da erantzunik jaso; horrenbestez, ados dagoela ulertzen da, abenduaren 1eko 1955/2000 Errege Dekretuaren 127.2 artikuluan xedatutakoaren arabera. Ingurumen kontsiderazioei ingurumen eraginaren ebaluazioaren izapidean heldu behar izan zaie; ebaluazio horretan oinarriturik ebatzi da 2023ko azaroaren 24ko Ebazpenaren bidez onartutako ingurumen eraginaren adierazpena.

Errioxako Gobernuko Nekazaritza, Abeltzaintza, Landa Mundu, Lurralde eta Biztanleria Saileko Lurralde Politika, Hirigintza eta Etxebizitzako Zuzendaritza Nagusiak txostena egin du, eta bere eskumen eremuko baldintzak eman ditu.

Kontsulta egin zaie Cortesko Udalari, Buñuelgo Udalari, Ribaforadako Udalari, Ablitasko Udalari, Fontellasko Udalari, Tuterako Udalari, Murchanteko Udalari eta Corellako Udalari (Nafarroa), eta proiektuaren alde agertu dira. Bestalde, Cascanteko Udalak kontrako txostena egin du.

Nafarroako Gobernuko Lurralde Antolamenduko Zuzendaritza Nagusiak txostena igorri du, ingurumenaren eta lurralde antolamenduaren arloko alegazioekin. Sustatzaileari igorri zaizkio erantzun horiek, eta erantzun egin die. Ingurumen kontsiderazioei ingurumen eraginaren ebaluazioaren izapidean heldu behar izan zaie; ebaluazio horretan oinarriturik ebatzi da 2023ko azaroaren 24ko Ebazpenaren bidez onartutako ingurumen eraginaren adierazpena.

Mallengo Udalaren; Aragoiko Gobernuko Industria, Lehiakortasun eta Enpresa Garapeneko Departamentuko Energia eta Meategien Zuzendaritza Nagusiaren; Telefónicaren (Aragoin); Trenbide Azpiegituren Administratzailearen (Aragoin) (ADIF); Nafarroako Gobernuko Industriaren, Energiaren eta Proiektu Estrategikoen Zuzendaritza Nagusiaren; eta Nafarroako Gobernuko Herri-lanen eta Azpiegituren Zuzendaritza Nagusiaren erantzunak jaso dira, eta proiektuarekin bat datoz.

Honako hauen erantzunak jaso dira: Ebroko Konfederazio Hidrografikoa; Aragoiko Gobernuko Errepideen Zuzendaritza Nagusia; Aragoiko Lurraldearen Antolamendurako Kontseilua; Espainiako Sare Elektrikoa; Zaragozako Hirigintzako Kontseilu Probintziala; Estatuko Errepideen Mugapea (Errioxan); ENAGAS (Errioxan); Telefónica de España (Errioxan), Errioxako Lurralde Antolamendu eta Hirigintza Batzordea; ADIF (Errioxan); Errioxako Biodibertsitatearen Zuzendaritza Nagusia (abelbideei eta onura publikoko mendiei eragiteagatik); Arabako Foru Aldundiko Bide Azpiegituren Zuzendaritza; Uraren Euskal Agentzia, bere eskumenen esparruan. Horietan baldintza teknikoak ezartzen dira, eta, hala badagokio, baimena eskatu behar zaie erakunde horiei, instalazioa beren eskumeneko ondasun edo zerbitzuekin gurutzatzeagatik edo horiek okupatzeagatik. Sustatzaileari igorri zaizkio erantzun horiek, eta ados dagoela jakinarazi du.

Kontsulta egin zaie zenbait erakunderi eta, ez dutenez erantzunik eman, ados daudela ulertzen da, abenduaren 1eko 1955/2000 Errege Dekretuaren 127.2 artikuluan xedatutakoaren arabera. Hona hemen erakundeak: Fréscanoko Udala, Gallurreko Udala, Cinco Villas eskualdea, Aragoiko Gobernuko Kultura Ondarearen Zuzendaritza Nagusia, Enagás (Aragoin), ENDESA, Iberdrola Distribución Eléctrica SAU, Bardeako Ubideko Ureztatzaileen Komunitatea, Zaragozako Probintzia Diputazioa, Ausejoko Udala, Autolgo Udala, Brionesko Udala, Clavijoko Udala, El Redaleko Udala, El Villar de Arnedoko Udala, Gimileoko Udala, Hormillejako Udala, Ocóngo Udala, Quelgo Udala, Ribafrechako Udala, San Asensioko Udala, Tudelillako Udala eta Ventosako Udala (Errioxa), Eusko Jaurlaritzako Energiaren, Meategien eta Industria Administrazioaren Zuzendaritza, Eusko Jaurlaritzako Garraio Azpiegituraren Zuzendaritza.

Orobat, eskaera jendaurrean jarri zen, abenduaren 1eko 1955/2000 Errege Dekretuan eta aipatutako abenduaren 9ko 21/2013 Legean aurreikusitakoarekin bat, argitara eman baitzen 2021eko 246. Estatuko Aldizkari Ofizialean, urriaren 14koan; 2021eko 240. Zaragozako Probintziako Aldizkari Ofizialean, urriaren 19koan; 2021eko 116. Arabako Lurralde Historikoaren Aldizkari Ofizialean, urriaren 11koan; 2021eko 245. Nafarroako Aldizkari Ofizialean, urriaren 22koan; eta 2021eko 205. Errioxako Aldizkari Ofizialean, urriaren 8koan. Ukitutako udalei ere bidali zitzaien, zegozkien ediktu tauletan argitara zezaten.

Viesgo Renovables SLren, Sustrai Erakuntza Fundazioaren, Paisajes y Viñedos de Navarra elkartearen, Natur Ingurunea Babesteko Nafarroako Funtsaren (Gurelur), Lanzaduriaren eta Ekologistak Martxan (Zangoza) elkartearen alegazioak jaso dira, eta sustatzaileak erantzun egin die.

Errioxari eragiten dion proiektuaren zatian, interesdunen 34 alegazio idazki jaso ziren, eta sustatzaileak zegokien erantzuna eman zien. Horrez gain, interesdunen 15 alegazio idazki jaso ziren, Asociación Paisajes y Viñedos de la Rioja Oriental elkartearen txostenari sustatzaileak emandako erantzunaren harira egindakoak (informazio publikoaren izapidean eta kontsultetan parte hartu duen ingurumen arloko elkartea da hori).

Arabari eragiten dion proiektuaren zatian, hainbat erakunde, enpresa edo partikularren alegazioak jaso dira, eta sustatzaileak guztiei eman die erantzuna.

Gobernuak Araban duen Ordezkariordetzako Industria eta Energia Arloak txostena egin zuen 2022ko apirilaren 8an, eta, 2022ko martxoaren 24an, "400 kV-eko aireko ebakuazio linea, Abarca lotunetik Miranda lotuneraino" proiektuari dagokion ebakuazio azpiegitura izapidetzen duen txostena egin zuen.

Gobernuak Burgosen duen Ordezkariordetzako Industria eta Energia Arloak txostena eman zuen 2022ko martxoaren 30ean, eta aurrerago eguneratze batzuekin osatu.

Gobernuak Aragoin duen Ordezkaritzako Industria eta Energia Arloak txostena egin zuen 2022ko apirilaren 25ean, eta, 2022ko martxoaren 31n, "400 kV-eko aireko ebakuazio linea, Abarca lotunetik Miranda lotuneraino" proiektuari dagokion ebakuazio azpiegitura izapidetzen duen txostena egin zuen.

Gobernuak Nafarroan duen Ordezkaritzako Industria eta Energia Arloak txostena egin zuen 2022ko otsailaren 25ean, "400 kV-eko aireko ebakuazio linea, Abarca lotunetik Miranda lotuneraino" proiektuari dagokion ebakuazio azpiegiturari dagokionez.

Gobernuak Errioxan duen Ordezkaritzako Industria eta Energia Arloak txostena egin zuen 2022ko martxoaren 18an, "400 kV-eko aireko ebakuazio linea, Abarca lotunetik Miranda lotuneraino" proiektuari dagokion ebakuazio azpiegiturari dagokionez.

Kontuan izanik ezen, abenduaren 9ko 21/2013 Legearen 42. artikuluak ezartzen duenez, organo substantiboak behar bezala kontuan hartu beharko duela, proiektua baimentzeko prozeduran, egindako ingurumen eraginaren ebaluazioa.

Instalazioaren aurreproiektuari eta haren ingurumen eraginaren azterketari egin zaie ingurumen eraginaren ebaluazioaren prozedura, eta ingurumen eraginaren adierazpena ere egin da Trantsizio Ekologikorako eta Erronka Demografikorako Ministerioaren Ingurumen Kalitatearen eta Ebaluazioaren Zuzendaritza Nagusiak 2023ko apirilaren 19an emandako Ebazpenaren bidez. Ebazpen horretan ingurumen arloko baldintzak ezartzen dira, egindako ingurumen ebaluazioaren ondoriozkoak, prebentzio, zuzenketa eta konpentsazio neurriak barne. Ebaluazioa 2023ko 243. Estatuko Aldizkari Ofizialean, urriaren 11koan, argitaratuta dago.

Ingurumen eraginaren adierazpenean ezarritakoaren arabera, proiektuari aplikatuko zaizkio ezarritako ingurumen arloko baldintzak, prebentzio, zuzenketa eta konpentsazio neurriak eta, hala badagokio, ingurumen eraginaren azterketan jasotako jarraipen neurriak, jendaurreko informazioa eta kontsultak egin ondotik onartutakoak, eta informazio gehigarrian proposatutakoak, betiere ingurumen eraginaren adierazpenean xedatutakoaren aurkakoak ez badira.

Ingurumen eraginaren adierazpenean proiektuari ezarritako baldintza guziak bete behar badira ere, hura baita nahitaezko txosten erabakigarria, ezartzen duena, abenduaren 9ko 21/2013 Legearen 41. artikuluarekin bat, zer baldintzatan garatzen ahal den proiektua, bai exekuzioan bai ustiapenean, proiektua definitzeko kontuan hartuko dira, bereziki eta besteak beste, ingurumen eraginaren adierazpenean xedatutako baldintza eta neurri hauek, eta, hala badagokio, horretarako beharrezkoa den dokumentazioa aurkeztuko da:

–Robigus, Quirite, Providentia, Recarano eta Promitor parke eolikoak. ROB-04, QTE-05, PVD-01, PVD-02, PDV-07, RCN-07, PMO-06 eta PMO-07 haize-sorgailuek sai arrearen (Gyps fulvus) heriotza tasa altuak dituzte. Aurreko ikusita, horien posizioa baztertu egin behar da (e atala).

–"Vértice Miranda-Promotores Miranda TAE" tartearen goi tentsioko linea: Zadorra ibaiaren kontserbazio bereziko eremuan (ES2110010) izaten ahal diren eraginak ikusita eta Eusko Jaurlaritzaren Natura Ondare eta Klima Aldaketa Zuzendaritzak adierazitakoa aintzat hartuta, lurpeko trazadura alternatibo bat aukeratu beharko da –zulaketa horizontalaren teknikaren bidez lurperatuko litzateke–, ibaiaren ibilgua libratzeko (e atala).

–Parke eolikoen eraikuntza proiektuaren behin betiko diseinuak bat etorri beharko du sustatzailearen behin betiko proposamenari buruzko "Ingurumen organoaren balorazioa" atalari buruz ingurumen organoaren balorazioan ezarritako aginduekin, baldintza orokorren 4. puntuan ezartzen den bezala.

–Eraikitzeko administrazio baimenaren aurretik, sustatzaileak eraikuntza proiektua aurkeztu beharko die ukitutako autonomia erkidegoetako ingurumenaren arloko organo eskudunei, ezagut dezaten eta txostena egin dezaten, baldintza orokorren 5. puntuan ezartzen den bezala.

–Proiektuak bat etorri beharko du aplikatu beharreko hirigintza plangintzarekin eta lurralde antolamenduarekin, baldintza orokorren 10. puntuan ezartzen den bezala.

–Eraikuntza proiektuak eraikuntzako eta eraispeneko hondakinen kudeaketako azterlan bat izanen du, zeinak aintzat hartu beharko duen urriaren 10eko APM/1007/2017 Agindua, hondeatutako material naturalak betelanetan eta sortu ziren obrez bestelako obretan erabiltzeko balorizatzeko arau orokorrei buruzkoa, geologiari, lurzoruari eta hondakinei buruzko baldintzen 7. puntuan ezarritakoaren arabera.

–Aireko ebakuazio lineen euskarriek luzera aldakorreko hankak edukiko dituzte, kokatzeko orduan lursailera egokitu daitezen, azalera lauak sortu beharrik gabe, geologiari, lurzoruari eta hondakinei buruzko baldintzen 10. puntuan ezarritakoaren arabera.

–Jabari publiko hidraulikoaren erregelamenduan ezarritako legezko zortasunak errespetatuko dira. Hori horrela, ez da ibilguen jabari publiko hidraulikoa eta horren 5 metroko zabalerako zortasun-eremua okupatzen ahalko behin betiko edo behin-behineko instalazioekin (pilaketa guneak, obraren eremu osagarriak, eta abar). Edozein ibilgu publikoren polizia-eremuari eragiten dion edozein jarduketarako Ebroko Konfederazio Hidrografikoaren aldez aurreko baimena beharko da, urari buruzko baldintzen 1. puntuan ezartzen den bezala.

–Behin betiko proiektuak, segurtasun kalean jardun beharko litzatekeen eremuak zehatz-mehatz zehaztu ondotik –zuhaitz-landaredia inausi edo moztuz eginen da–, euskarriak handitzea aurreikusiko du, zuhaitzen gaineko eraginak minimizatzeko, Europar Batasunaren intereseko florari, landarediari eta habitatari buruzko baldintzen 9. puntuan ezartzen den bezala.

–Araban dagozkion baimenak lortzeko, Nekazaritza Sektorearen gaineko Eragina Ebaluatzeko Protokoloa egin behar da; izan ere, Araban proiektuak nekazaritza lurzorua okupatzen du –balio agrologiko handiko lurzoruak, hain zuzen ere–, Arabako Foru Aldundiko Nekazaritza Zuzendaritzak jasotzen duen bezala, Europar Batasunaren intereseko flora, landaredia eta habitatari buruzko baldintzen 11. puntuan ezartzen denaren arabera.

–Abeltegietarako gutxieneko distantzia animalien ongizateari eta zaratari buruzko lege sektorialen aplikazioaren arabera finkatu behar da, eta, nolanahi ere, gutxienez 300 metroko distantzia ezarri behar da haize-sorgailuen eta abeltegien posizioen artean, eta, emaitzen arabera, distantzia hori handitu egin beharko da. Gainera, ahalik eta abifauna sarraskijale eta oportunista gutxien egon daitezen abeltegietatik gertu, sustatzailea inplikatu beharra dago. Horretarako, abeltegiaren jabeari jakinarazi beharko dio azpiegitura eolikoa instalaziotik gertu egonen dela, arrisku horren berri izan dezan, faunari buruzko baldintzen 1. puntuan ezartzen den bezala.

–Aragoiko Lurralde Antolamendurako Estrategiaren 13.6 helburua ("Energia-azpiegituren eta paisaiaren bateragarritasuna") bete beharko da (13.6.E1 estrategia: "Ingurumen- eta paisaia-integrazioa" eta 13.6.N1 araua: "Energia-azpiegituren ingurumen-integrazioa"). Era berean, 5.2.E3 estrategia ("Proiektuak paisaian integratzea" aintzat hartuko da. Haren helburua da "Proiektuak paisaian integratzeko segurtasun arloko legeekin bateragarriak diren neurri espezifikoak sustatzea: a) Linea elektrikoak eta aireko beste linea batzuk eta b) Haize-sorgailuak eta telekomunikazio antenak". Gomendatzen da hauetan definitutakoa betetzea: 14.1.E1 estrategian ("Lurraldean azpiegiturak ezartzeko irizpideak"); 5.3 helburuan ("Paisaiaren kalitate galera konpentsatzeko neurriak") eta 5.5 helburuan ("Aragoiko paisaia sustatzea"), paisaiari buruzko baldintzen 1. puntuan ezartzen den bezala.

–Kontuan hartu beharko da A-127 errepidea bikoizteko proiektuaren azken trazadura, Aragoiko Gobernuko Errepideen Zuzendaritza Nagusiak adierazten duen bezala, kultura ondareari, onura publikoko mendiei, abelbideei eta jabari publikoari buruzko baldintzen 5. puntuan ezartzen den bezala.

–Geologia, geoteknia, hidrologia, uholde arrisku eta bestelako arrisku natural espezifikoen arloko azterlan bat aurkeztea, teknikari eskudun batek sinatua, obra egitea aurreikusita dagoen lursailen egokitasuna behar bezala egiaztatzen duena. Ingurumena zaintzeko programa osatu eta aldatu beharko da, ingurumen eraginaren adierazpenean ezarritako baldintzen arabera.

Ingurumen eraginaren azterketan eta ingurumen eraginaren adierazpenean ezarritako baldintza eta neurri bakoitza zehaztu eta aurrekontuan sartu beharko ditu sustatzaileak, proiektuan nahiz haren gehigarria batean, xehakatuta, halako eran non aipatutako ingurumen eraginaren adierazpenean zehaztutako neurri bakoitza identifikatzen ahalko baita onetsi aurretik.

Ingurumen organoak honako hauek kontuan hartu ditu lehen aipatutako ingurumen eraginaren adierazpenaren formulazioan: sustatzaileak Ingurumen Kalitatearen eta Ebaluazioaren Zuzendaritza Nagusiari 2022ko ekainaren 28an aurkeztutako gehigarria, bai eta proiektuaren aldaketak ere, proiektua izapidetu bitartean jasotako txosten eta alegazioetan azaldutako errekerimenduei erantzunez egin direnak eta Ingurumenaren Kalitatearen eta Ebaluazioaren Zuzendaritza Nagusiari 2023ko martxoaren 14ko errekerimenduaren ondotik aurkeztutako ingurumen eraginaren azterketaren eguneraketan sartu direnak. Horrenbestez, Energia Politika eta Meatzeetarako Zuzendaritza Nagusiari aurkeztu ez zaizkion proiekturen aldaketak sartu dira.

Energía Inagotable de Tara SLk sustatutako "400 kV-eko aireko ebakuazio linea, Abarca lotunetik Miranda lotuneraino" ingurumen eraginaren ebaluazioari dagokionez, aipatutako ebakuazio azpiegiturako tarteak honako hauek ditu:

–220 kV-eko ebakuazio linea, Abarka lotunetik "Fréscano TAE" azpiestazioraino. Udal-mugarte hauetatik igarotzen da: Tauste, Gallur, Novillas, Mallén eta Fréscano (Zaragoza).

–"400/220 kV-eko Fréscano TAE" azpiestazio igotzailea, Fréscano udal-mugartean (Zaragoza).

–400 kV-eko ebakuazio linea, "400/220 kV-eko Fréscano TAE"tik Santa Engracia lotuneraino, Zaragozatik, Nafarroatik eta Errioxatik igarotzen dena.

–400 kV-eko ebakuazio linea, Santa Engracia lotunetik Miranda lotuneraino, Errioxatik eta EAEtik (Araba) igarotzen dena.

Ingurumen eraginaren adierazpena du, Ingurumen Kalitatearen eta Ebaluazioaren Zuzendaritza Nagusiaren 2023ko azaroaren 24ko Ebazpenaren bidez onartua, Zaragoza, Nafarroa, Errioxa, Araba eta Burgosko probintzietan dauden "Tara eta Umiko parke fotovoltaikoak eta horien ebakuazio azpiegiturak" proiektuen gainean egindako ingurumen ebaluazioaren esparruan.

Aipatutako 2023ko azaroaren 24ko ingurumen eraginaren adierazpenean agerian geratzen da Energía Inagotable de Tara SLk, egindako ingurumen ebaluazioa egiteko prozesuan, informazio gehigarria aurkeztu duela, ebazpen honen xede den ebakuazio azpiegituraren trazaduraren aldaketak barne, Zuzendaritza Nagusi honen errekerimenduari eta jendaurreko informazioan jasotako gaiei erantzuteko. Aipatutako ingurumen eraginaren adierazpenak Energía Inagotable de Tara SLk proposatutako trazadurari buruzko iritzia ematen du, ingurumen eraginaren azterketaren informazio gehigarriaren eskaerari emandako erantzunean jasotako dokumentazioan.

Ingurumen eraginaren adierazpenean ezarritako "400 kV-eko aireko ebakuazio linea, Abarca lotunetik Miranda lotuneraino" proiektuari ezarritako baldintza guziak bete behar badira ere, hura baita nahitaezko txosten erabakigarria, ezartzen duena, abenduaren 9ko 21/2013 Legearen 41. artikuluarekin bat, zer baldintzatan garatzen ahal den proiektua, bai exekuzioan bai ustiapenean, proiektua definitzeko kontuan hartuko dira, bereziki eta besteak beste, ingurumen eraginaren adierazpenean xedatutako baldintza eta neurri hauek, eta, hala badagokio, horretarako beharrezkoa den dokumentazioa aurkeztuko da:

–Eraikitzeko administrazio baimena eman aurretik, ebakuazio linearen zati hori eraikitzeko proiektuari buruzko txostena egin beharko da, eta ukitutako autonomia erkidegoetan ingurumenaren arloan eskumena duten organoen aldeko txostena lortu beharko da (1).

–Ebakuazio linea zati horren eraikuntza proiektuaren behin betiko diseinuak ingurumen organoaren balorazioan ezarritako preskripzioak bete beharko ditu, ingurumen organoaren balorazioko 2. atalean jasotakoak, bai eta ingurumen eraginaren adierazpenean jasotako baldintzak ere.

–Sustatzaileak dokumentu tekniko bat egin beharko du, instalazio guztien babes, Zuzentzaile eta Konpentsatzaileen Plana barne hartzen duena. Dokumentu horretan, ingurumen eraginaren adierazpenean aurreikusitako neurriak, aurkeztutako informazio gehigarria, aurreko ingurumen zehaztapenak eta ingurumen eraginaren adierazpen honetan zerrendatzen diren zehaztapenak jasoko dira (5).

–Proiektua eraikitzeko administrazio baimenaren aurretik, sustatzaileak Aragoiko Gobernuko Ingurumen eta Turismo Saileko Natura Ingurunearen Zuzendaritza Nagusiari txosten xehatu bat aurkeztu beharko dio (aurrekontua eta kronograma barne), estepako abifaunarako habitata galtzea konpentsatzeko neurriei buruzkoa. Konpentsazio neurri horiek obrak hasi aurretik hasi beharko dira gauzatzen (39).

–Konpentsazio neurrien memoria horrek estepako hegaztien espezieak sustatzeko eta babesteko nekazaritza eta ingurumen neurrien programa bat garatuko du, instalazio fotovoltaikoen perimetro hesituak hartzen duen azalera berean, ingurumen eraginaren adierazpenaren 40. puntuan jasotako baldintzetan.

–Eraikuntza proiektuak balizko baso suteak sortzeko babes plan bat jasoko du, eta suteak eta horien ondorioak arintzeko prebentzio neurriak zehaztuko ditu, ingurumen eraginaren adierazpenaren 81. puntuan jasotako baldintzetan.

–Egindako azterketa teknikoaren arabera, ingurumen eraginaren azterketan aurreikusitako zaintza programa osatu egin behar da ingurumen eraginaren adierazpenaren ebazpen bidez sartzen diren alderdi gehigarriekin.

Kontuan hartuta ezen, 2023ko irailaren 19ko aipatutako ingurumen eraginaren adierazpenean eta "400 kV-eko aireko ebakuazio linea, Abarca lotunetik Miranda lotuneraino" zatirako 2023ko azaroaren 24an egindakoan ezarritakoa ukatu gabe, abenduaren 1eko 1955/2000 Errege Dekretuaren 115. artikuluan ezarritakoari jarraikiz, izapidetu beharko direla Sektore Elektrikoari buruzko abenduaren 26ko 24/2013 Legearen 53. artikuluan xedatutako nahitaezko baimenak.

Arestian aipatutakoa kontuan hartuta, abenduaren 1eko 1955/2000 Errege Dekretuaren 115. artikuluan ezarritakoa aplikatuko da aurretiazko administrazio-baimena lortu duten sorkuntzarako instalazioetan aldaketak egiteko eta artikulu horretan ezarritako baldintza guztiak betetzeko.

Kontuan hartuta ezen, Sektore Elektrikoari buruzko abenduaren 26ko 24/2013 Legearen 53.1 artikuluaren arabera, ez dela sorkuntzarako instalazioetako administrazio baimenik ematen ahalko titularrak ez baditu aldez aitzin lortu banaketa edo garraio sareetan sartzeko eta konektatzeko baimenak.

Proiektuak garraio sarera sartzeko baimena lortu du, sarera sartzeko bideragarritasun txostenaren bidez, konexiorako baldintza teknikoak betetzeari buruzko txostenaren bidez eta konexiorako baldintza teknikoen egiaztapenari buruzko txostenaren bidez, Red Eléctrica de España SAUren jabetzako 220 kV-eko Miranda azpiestazioan.

Beraz, energia elektrikoa ebakuatzeko azpiegiturak parke eolikoa eta garraio sarea lotuko ditu, 220 kV-eko Miranda azpiestazioan (Red Eléctrica de España SAUren jabetzakoa).

Abenduaren 1eko 1955/2000 Errege Dekretuaren 123.2 artikuluaren ondorioetarako, 2021eko ekainaren 30ean, Energía Inagotable de Robigus SL, Energía Inagotable de Quirite SL, Energía Inagotable de Promitor, Energía Inagotable de Cargas SL, Energía Inagotable de Priamo SL, Energía Inagotable de Pietas SL eta Energía Inagotable de Othar SL enpresek akordio bat sinatu zuten Robigus, Quirite, Providentia, Promitor, Recarano, Priamo, Pietas eta Othar parke eolikoetako ebakuazio azpiegitura komunak garatu, eraiki, modu partekatuan erabili eta, ondotik, ustiatu eta mantentzeko.

Horrez gain, eta abenduaren 1eko 1955/2000 Errege Dekretuaren 123.2 artikuluaren ondorioetarako, 2021eko ekainaren 30ean, Energía Inagotable de Providentia SL, Energía Inagotable de Robigus SL, Energía Inagotable de Quirite SL, Energía Inagotable de Promitor SL, Energía Inagotable de Cargas SL, Energía Inagotable de Priamo SL, Energía Inagotable de Pietas SL, Energía Inagotable de Othar SL, Sidartoca Renovables SL, 2 Meet Expectations SL, Mode On SL eta Leader Attitude SL enpresek akordio bat sinatu zuten 220 kV-eko Miranda azpiestazioan beren titulartasunekoak diren instalazioak batera eta modu koordinatuan ebakuatzeko.

Ezertan ukatu gabe ebazpen honen, ingurumen eraginaren adierazpenaren eta sustatzaileak izapidetzean onartutako baldintzen ondorioz egin beharreko aldaketak, ebazpen honen irismenari dagokionez honako jarduketa hauek aurreikusten dira energia ateratzeko azpiegituran:

–Erdi-tentsioko lurpeko sarea, sortutako energia haize-sorgailu bakoitzetik "30/400 kV-eko Abarca TAE" azpiestazio elektrikora garraiatzen duena.

–"30/400 kV-eko Abarca TAE" azpiestazio elektrikoa.

–400 kV-eko aireko ebakuazio linea, bi zatitan banatua (Abarca TAEtik Abarca lotuneraino doan lehen zatia, eta Miranda lotunetik "400/220 kV-eko Forestalia Miranda" azpiestazioraino doan bigarren zatia).

–400 kV-eko aireko ebakuazio linea, Abarca lotunetik Miranda lotunera, elementu hauek barne hartzen dituena:

  • 400 kV-eko ebakuazio linea, Abarka lotunetik "Fréscano TAE" azpiestazioraino.
  • "400/220 kV-eko Fréscano TAE" azpiestazio igotzailea.
  • 400 kV-eko ebakuazio linea, "Fréscano TAE" azpiestaziotik Santa Engracia lotuneraino.
  • 400 kV-eko ebakuazio linea, Santa Engracia lotunetik Miranda lotunera.

–"400/220 kV-eko Forestalia Miranda TAE" transformazio azpiestazio elektrikoa.

–220 kV-eko lurpeko linea, "400/220 kV-eko Forestalia Miranda TAE"tik "220 kV-eko Promotores Miranda TAE" azpiestaziora.

–"220 kV-eko Promotores Miranda TAE" azpiestazioa.

–220 kV-eko lurpeko linea, "220 kV-eko Promotores Miranda TAE" eta "220 kV-eko Miranda TAE" (Red Eléctrica de España SA) lotzen dituena.

Sektore Elektrikoari buruzko abenduaren 26ko 24/2013 Legeak enpresa ekimen askea aitortzen du energia elektrikoaren hornidurarako jardueretan aritzeko. Hala ere, abenduaren 26ko 24/2013 Legearen 53.4 artikuluaren arabera, sustatzaileak egiaztatu beharko du proiektua egiteko gaitasun legal, tekniko eta ekonomiko-finantzarioa duela. Horretarako, ebazpen proposamena bidali zitzaion Merkatuen eta Lehiaren Batzorde Nazionalari, dagokion txostena egin dezan, kontuan hartuta zer xedatzen duen abenduaren 1eko 1955/2000 Errege Dekretuak. Haren 127.6 artikulua aldatu zen irailaren 20ko 17/2022 Errege Lege Dekretuaren 2.3 artikuluaren bidez (17/2022 Errege Lege Dekretua, irailaren 20koa, energiaren esparruan presako neurriak hartzen dituena kogenerazio instalazioei ordainsari araubidea aplikatuz eta aldi baterako murrizten duena Europar Batasunaren barruko erregai jakin batzuen entregei, inportazioei eta eskurapenei aplikatu beharreko balio erantsiaren gaineko zergaren tasa).

Sustatzaileari Administrazio Publikoen Administrazio Prozedura Erkideari buruzko urriaren 1eko 39/2015 Legean aurreikusitako entzunaldi izapidea eman zitzaion, aldez aurretik eskatutako administrazio baimenari lotutako Energia Politika eta Meatzeetarako Zuzendaritza Nagusiaren ebazpen proposamenean. Sustatzaileak emandako erantzunak kontuan hartu dira ebazpen hau idazteko orduan.

Kontuan hartuta ezen, abenduaren 26ko 24/2013 Legeak, energia elektrikoaren ekoizleen betebeharren artean, ezartzen duela energia elektrikoa ekoizteko beharrezkoak diren jarduera guziak garatu beharra baimenean ezarritakoa betez, eta, bereziki, potentzia instalatuaren segurtasunari, erabilgarritasunari eta mantentzeari dagokienez, eta eskatutako ingurumen arloko baldintzak betetzeari dagokionez.

Energia Politika eta Meatzeetarako Zuzendaritza Nagusiak, 2023ko urriaren 25ean, Robigus, Quirite, Providentia, Promitor, Recarano, Priamo, Pietas eta Othar parke eolikoen eta horien ebakuazio azpiegituren (Araban eta Burgosko eta Zaragozako probintzietan) aurretiazko administrazio baimenaren espedienteak bereiz eta bakoitza bere aldetik izapidetzeko erabakia hartu zuen.

Esandakoaren ondorioz, Energia Politika eta Meatzeetarako Zuzendaritza Nagusi honek,

EBAZTEN DU:

Bakarra.–Energía Inagotable de Providentia SLri aurretiazko administrazio baimena ematea 28 MW-eko potentzia instalatuko Providentia parke eolikorako eta haren ebakuazio azpiegituretarako (ondotik zehazten dira), ebazpen honetan jasotako berezitasunekin.

Proiektuaren xedea da haize-parke bat eraikitzea, energia elektrikoa sortzeko eta energia hori sarera eramateko.

Haize-parkearen ezaugarri nagusiak hauek dira:

–Teknologia mota: eolikoa.

–Haize-sorgailuak: lau. Ingurumen eraginaren adierazpenarekin bat, ez dira baimentzen PVD-01, PVD-02 eta PVD-07 posizioak. Ildo horretan, abenduaren 1eko 1955/2000 Errege Dekretuaren 115.2 artikuluarekin bat, NORDEX N163/6.X eredura (7 MW) aldatzea proposatu du sustatzaileak. Proposatutako haize-sorgailuek 170 metroko errotore diametroa dute, eta 220 metroko guztizko altuera.

–Potentzia instalatua, ekainaren 6ko 413/2014 Errege Dekretuaren 3. artikuluaren arabera: 28 MW.

–Sarbiderako ahalmena, Red Eléctrica de España SAUk emandako sarbide eta konexio baimenetan ezarritakoaren arabera: 42 MW.

–Ukitutako udal-mugartea: Tauste (Zaragozako probintzia).

2021eko uztaileko "Providentia parke eolikoaren aurretiazko administrazio baimenaren proiektua" dokumentuan, 2021eko uztaileko "400 kV-eko Abarca azpiestazioaren proiektua" dokumentuan, 2021eko uztaileko "400 kV-eko goi tentsioko aireko eta lurpeko linearen aurreproiektua, Abarca TAE 220 kV-eko Promotores Miranda TAErekin lotzen duena (Miranda azpiestazio ebakitzailea)" dokumentuan, 2021eko uztaileko "400/220 kV-eko Forestalia Miranda azpiestazioaren proiektua" dokumentuan, eta 2021eko maiatzeko "220 kV Miranda azpiestazio ebakitzailearen eta 220 kV-eko Miranda azpiestazioarekin (REE) lotzen duen 220 kV-eko lurpeko konexioko linearen proiektu tekniko-administratiboaren aldaketa" dokumentuan jasotako ebakuazio azpiegiturek honako hauek dituzte:

–30 kV-eko lurpeko lineak, haize-sorgailu bakoitza "30/400 kV-eko Abarca TAE" azpiestazioarekin konektatu dutenak, Taustetik igarotzen dira (Zaragozako probintzia).

–30/400 kV-eko Abarca azpiestazioa Tausten dago (Zaragozako probintzia).

–400 kV-eko aireko linea elektrikoa "30/400 kV-eko Abarca TAE" azpiestazioan hasten da, eta "400/220 kV-eko Forestalia Miranda TAE" azpiestazioan amaituko da. Hona hemen ezaugarri nagusiak:

  • Sistema: korronte alterno trifasikoa.
  • Tentsioa: 400 kV.
  • Zirkuitu bakuna.
  • Ukitutako udal-mugarteak: Tauste (Zaragozako probintzia), Berantevilla (Araba) eta Miranda de Ebro (Burgosko probintzia).
  • Linea bi zatitan banatzen da:
    • Abarca TAEtik Abarca lotuneraino (4.205 m-ko luzera).
    • Miranda lotunetik "400/220 kV-eko Forestalia Miranda TAE" azpiestazioraino (3.288 m-ko luzera).

–"400/220 kV-eko Forestalia Miranda TAE" azpiestazioa Miranda de Ebron dago (Burgosko probintzia).

–220 kV-eko lurpeko linea elektrikoa "400/220 kV-eko Forestalia Miranda TAE" azpiestazioan hasten da, eta "220 kV-eko Promotores Miranda TAE" azpiestazioan amaituko da. Hona hemen ezaugarri nagusiak:

  • Sistema: korronte alterno trifasikoa.
  • Tentsioa: 220 kV.
  • Zirkuitu bakuna.
  • Ukitutako udal-mugarteak: Miranda de Ebro (Burgosko probintzia).
  • Luzera: 1.240 m.

–"220 kV-eko Promotores Miranda TAE" azpiestazioa Miranda de Ebron dago (Burgosko probintzia).

–220 kV-eko lurpeko linea elektrikoa "220 kV-eko Promotores Miranda TAE" azpiestazioan hasten da, eta "220 kV-eko Miranda TAE (REE)" azpiestazioan amaituko da. Hona hemen ezaugarri nagusiak:

  • Sistema: korronte alterno trifasikoa.
  • Tentsioa: 220 kV.
  • Zirkuitu bakuna.
  • Ukitutako udal-mugarteak: Miranda de Ebro (Burgosko probintzia).
  • Luzera: 171 m.

Ebakuazio azpiegituraren gainerakoa, hots:

–220 kV-eko ebakuazio linea, Abarka lotunetik "Fréscano TAE" azpiestazioraino. Udal-mugarte hauetatik igarotzen da: Tauste, Gallur, Novillas, Mallén eta Fréscano (Zaragoza).

–"400/220 kV-eko Fréscano TAE" azpiestazio igotzailea, Fréscano udal-mugartean (Zaragoza).

–400 kV-eko ebakuazio linea, "400/220 kV-eko Fréscano TAE"tik Santa Engracia lotuneraino, Zaragozatik, Nafarroatik eta Errioxatik igarotzen dena.

–"400 kV-eko ebakuazio linea, Santa Engracia lotunetik Miranda lotuneraino", Errioxatik eta EAEtik (Araba) igarotzen da.

2021eko uztaileko "Aurreproiektua: 400 kV-eko goi tentsioko aireko eta lurpeko linea, TAUSTE J2 TAE-TIK 220 kV-EKO JUNDIZ TAE-RAKO KONEXIOA" eta 2021eko uztaileko "400/220 kV-eko Fréscano azpiestazioaren proiektua" dokumentuetan definitutako ezaugarriekin.

Lehen aipatutako 2023ko azaroaren 24ko ingurumen eraginaren adierazpenaren formulazioan, ingurumen organoak kontuan hartu ditu sustatzaileak Ingurumen Kalitatearen eta Ebaluazioaren Zuzendaritza Nagusiari aurkeztutako gehigarria, bai eta proiektuaren aldaketak ere –proiektua izapidetzeko prozesuan jaso diren alegazioetan eta txostenetan azaldutako errekerimenduei jarraikiz egin dira–. Horrenbestez, Energia Politika eta Meatzeetarako Zuzendaritza Nagusiari aurkeztu ez zaizkion eta ebazpen honen xede ez diren proiektuaren aldaketak sartu dira. Dena dela, sustatzaileak egokitu eginen ditu aipatu ingurumen eraginaren adierazpena betetzeko eta 1955/2000 Errege Dekretuaren 115. artikuluan xedatutakoa aplikatuko da, eta, hala badagokio, abenduaren 9ko 21/2013 Legearen 7. artikuluan xedatutakoa.

Horrela, ekoizpen instalazio osoa –barne hartuta parke eolikoa eta haren ebakuazio azpiegiturak eta, horien barruan, baita garraio sarearekiko konexioa ere– 2023ko irailaren 19ko eta 2023ko azaroaren 24ko ingurumen eraginaren adierazpenen edukira egokitu beharko da, bai eta Energía Inagotable de Providentia SL eta Energía Inagotable de Tara SL sustatzaileak baimen hau izapidetzeko prozesuan onartu dituen baldintzetara ere. Zehazki, ingurumen eraginaren adierazpenetan eskatutako baldintzak eta aldaketak bete beharko dira, eta, hala badagokio, energia ateratzeko azpiegiturako edozein elementu lurperatu, aplikatzekoa izanen baita abenduaren 1eko 1955/2000 Errege Dekretuaren 115. artikuluan ezarritakoa, aurretiazko administrazio baimena lortu duten sorkuntzarako instalazioen aldaketei dagokienez, eta artikulu horretan ezarritako baldintza guziak bete beharko dira. Aurretiazko administrazio baimena lortu behar da ingurumen eraginaren adierazpena betetzearen ondorioz proposatzen eta egiten diren aldaketetarako, baldin ez badira betetzen abenduaren 1eko 1955/2000 Errege Dekretuaren 115.2 artikuluko baldintzak.

Beraz, eraikitzeko administrazio baimena ez da ematen ahalko, eta abenduaren 1eko 1955/2000 Errege Dekretuaren 131.9 artikuluan ezarritako instalazioen kokapena egokitzeko prestaketa obrak ez dira instalazioko ezein tokitan hasten ahalko, hots, ez ekoizpen parkean, ez ebakuazio azpiegituretan, barne harturik, hala badagokio, garraio edo banaketa sarearekiko konexioa, baldin eta titularrak ez baditu aitzinetik bete baldintza hauek:

a) Titularrari ematea ingurumen eraginaren adierazpenen ondoriozko aldaketak jasotzen dituen administrazio baimena.

b) Merkatuen eta Lehiaren Batzorde Nazionalak ematea gaitasun legal, tekniko eta ekonomikoak baloratzen dituen txostena, 1955/2000 Errege Dekretuaren 127.6 artikuluan, irailaren 20ko 17/2022 Errege Lege Dekretuak emandako idazketan, aipatzen dena.

Sustatzaileak izapidetzeko prozesuan onartutako baldintzak bete beharko ditu, bai eta Ingurumen Kalitatearen eta Ebaluazioaren Zuzendaritza Nagusiaren 2023ko irailaren 19ko eta 2023ko azaroaren 24ko ingurumen eraginaren adierazpenetan ezarritako baldintzak ere.

Era berean, bete beharko ditu Sistemaren Operadoreak ezartzen dituen arau teknikoak eta jarduteko prozedurak.

Baimen hau emateak ez du ezertan ukatzen aplikatu beharreko beste xedapen batzuen arabera beharrezkoak diren bestelako kontzesio eta baimenak lortzea, eta, bereziki, lurraldearen antolamenduari eta ingurumenari dagozkionak; halaber, obra gauzatzeko behar diren gainerako baimenak ere beharko dira.

Proiektua eraikitzeko administrazio baimena lortzeko, hiru hilabete igaro baino lehen, sustatzaileak justifikatu beharko du ingurumen eraginaren adierazpenean eta ebazpen honetan ezarritako baldintzek aurretiazko administrazio baimen honetako potentzia instalatua murriztea dakarten edo ez, eta sartu beharko ditu, hala badagokio, aurkeztutako eskaeran hitzartutako potentzia mantentzeko hartu dituen neurriak; halaber, beharrezko jotzen duen beste edozein elementu aurkeztuko du. Era berean, aurkeztutako exekuzio proiektuari, zeina arloko erregelamendu teknikoen arabera prestatuko baita, aplikatzekoa zaion araudia bete dela egiaztatzeko erantzukizunpeko adierazpenarekin batera, behar den dokumentazioa erantsiko zaio, bai eta ingurumen eraginaren adierazpenetan ezarritako baldintzak betetzen direla ziurtatzen duen erantzukizunpeko adierazpena ere, ebazpen honetan adierazitakoarekin bat eta abenduaren 26ko 24/2013 Legearen 53.4 artikuluan xedatutakoa betez.

Baimen hau iraungiko da baldin eta aipatu epea iraganik sustatzaileak ez badu eraikitzeko administrazio baimenik eskatu, edo ez baditu eman arestian aipatutako agiriak, exekuzio proiektua gauzatu ahal izateko behar den eraikitzeko administrazio baimena lortzeko. Edonola ere, sustatzaileak ezarritako epea luzatzea eskatzen ahalko du, justifikatutako arrazoiengatik, baina beti kontuan harturik Ekonomia berpizteko energia arloko eta beste arlo batzuetako neurriak onesten dituen ekainaren 23ko 23/2020 Errege Lege Dekretuaren 1. artikuluan ezarritako epeak.

Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluetan eta Sektore Publikoaren Araubide Juridikoari buruzko urriaren 1eko 40/2015 Legearen 62.2.i) artikuluan xedatutakoarekin bat, ebazpen honek ez du administrazio bidea amaitzen, eta haren kontra gora jotzeko errekurtsoa aurkezten ahalko da, Energiaren Estatuko Idazkaritzari zuzendua, ebazpena jakinarazi eta biharamunetik hasita hilabeteko epean.

Epe hori iraganik errekurtsoa jarri gabe, ebazpena irmoa izanen da ondorio guzietarako. Epeak hilabeteka zenbatzeko, urriaren 1eko 39/2015 Legearen 30. artikuluan xedatutakoa bete beharko da.

2023ko abenduaren 18an.–Zuzendari nagusia, Manuel García Hernández.

Iragarkiaren kodea: E2404168