1. NAFARROAKO FORU KOMUNITATEA
1.7. BESTELAKOAK
116E/2024 EBAZPENA, martxoaren 5ekoa, Basoen eta Ehiza Kudeaketaren Zerbitzuko zuzendariak emana, 2024ko deialdiaren oinarriak onesten dituena Nafarroako Foru Komunitateko ehizarako lehenbiziko lizentzia administratiboa lortzeko beharrezko gaitasun probak egiteko.
Nafarroako Ehizari buruzko abenduaren 22ko 17/2005 Foru Legearen 13.1 artikuluan ezarrita dago ezen Nafarroako Foru Komunitatean ehiza lizentzia lehen aldiz eskuratu ahal izateko, aurretik gainditu beharko direla gaitasun probak eta ehizarekin lotutako gaiei buruzko azterketak.
Gaitasun proba horien baldintzak eta edukia ekainaren 11ko 48/2007 Foru Dekretuaren 5. artikuluan garatu ziren, dekretu horren bidez onetsi baitzen Nafarroako Ehizari eta Arrantzari buruzko abenduaren 22ko 17/2005 Foru Legea garatu eta betearazteko Erregelamendua. Besteak beste, aipatzen du beharrezkoa dela prestakuntza ikastaro homologatu bat egitea, eta ezartzen du nahitaezkoa dela gaitasun probak honako hauei buruzko ezagutzak jasotzea: ehizaren lege arloko alderdiak, basa faunari buruzko ezagutza, ehizari eta segurtasunari buruzko metodoak, eta ehizarako arteak eta bitartekoak eta horien erabilera.
Xedapen horiek betez, bidezkoa da deialdiak eta baldintzak ezartzea, ehizan estreinakoz aritu nahi dutenek froga dezaten beren ehizarako lehenbiziko lizentzia administratiboa lortzeko beharrezkoak diren ezagutzak dituztela.
Adierazitakoarekin bat, eta erabiliz Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legeak eta Landa Garapeneko eta Ingurumeneko Departamentuaren egitura organikoa onesten duen azaroaren 15eko 255/2023 Foru Dekretuak ematen dizkidaten eskudantziak.
Horrenbestez, eta erabiliz Ingurumeneko zuzendari nagusiaren azaroaren 8ko 107/2019 Ebazpenak ematen dizkidan eskumenak (ebazpen horren bidez, besteak beste, Basoen eta Ehizaren Zerbitzuko titularrari eskuordetzen zaizkio Ingurumeneko zuzendariaren zenbait eskumen),
EBAZTEN DUT:
1. Nafarroako Foru Komunitateko ehizarako lehenbiziko lizentzia administratiboa lortzeko beharrezko gaitasun probak egiteko deialdia onestea, 2024rako.
2. Deialdi hori arautuko duten oinarriak eta betebeharrak, ebazpen honen eranskinean ageri direnak, onestea.
3. Ebazpen hau eta eranskina Nafarroako Aldizkari Ofizialean argitaratzea.
4. Ebazpen honek ez du administrazio bidea amaitzen eta haren eta oinarrien aurka gora jotzeko errekurtsoa jar daiteke, Landa Garapeneko eta Ingurumeneko kontseilariari zuzendua, Nafarroako Aldizkari Ofizialean argitaratu eta biharamunetik hilabeteko epean.
Iruñean, 2024ko martxoaren 5ean.–Basoen eta Ehizaren Zerbitzuko zuzendaria, Fermín Olabe Velasco.
ERANSKINA.–2024KO DEIALDIAREN OINARRIAK, NAFARROAKO FORU KOMUNITATEKO EHIZARAKO LEHENBIZIKO LIZENTZIA ADMINISTRATIBOA LORTZEKO BEHARREZKO GAITASUN PROBAK EGITEKO
1. oinarria.–Xedea.
Ebazpen honen xedea da prestakuntza ikastarorako eta probetarako deialdia egitea, ehizarako gaitasun ziurtagiria lortzeko. Ziurtagiri hori beharrezkoa da Nafarroako Foru Komunitateko ehizarako lehenbiziko lizentzia administratiboa lortzeko (Landa Garapeneko eta Ingurumeneko Departamentuak ematen du lizentzia hori).
Izangai bakoitzak bi deialdi izanen ditu ehizarako gaitasun proba gainditzeko. Probara aurkezteko, nahitaezkoa da prestakuntza ikastaroa egitea.
2. oinarria.–Izen-ematea.
Izena emateko epea:
Lehenbiziko lizentzia lortzeko beharrezko gaitasun probetan izena emateko epea, bai lehen deialdian eta bai bigarrenean, baita aldez aurretiko prestakuntza-ikastaroa egiteko ere, bakarra izanen da, 10 egunekoa, deialdi hau Nafarroako Aldizkari Ofizialean argitaratu eta biharamunetik hasita.
Aurkezteko tokia:
Honela aurkezten ahal dira izena emateko agiriak:
–Erregistro telematikoaren bidez, https://www.navarra.es/eu/ingurumena webgunean, Nafarroako Gobernuaren tramiteen katalogoko "Ehiza-azterketa egiteko deialdia" fitxaren estekara sartuta, helbide honetan:
https://www.navarra.es/eu/tramites/on/-/line/convocatoria-para-realizar-el-examen-de-caza
–Aurrez aurre, Landa Garapeneko eta Ingurumeneko Departamentuko erregistroan (González Tablas kalea 9, 31005 Iruña), Nafarroako Gobernuaren Erregistro Orokorrean, Nafarroako Gobernuaren beste edozein erregistro-bulegotan, edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan adierazitako bestelako bideren bat erabiliz.
Eskaera posta bulego batean aurkeztuz gero, gutun-azal ireki batean aurkeztuko da, postako langileek data eta zigilua jar diezaioten eskabideari, ziurtatu aurretik.
Izena emateko dokumentazioa:
a) Prestakuntza-ikastaroa eta/edo azterketa egiteko inskripzio-orria, deialdi honen eranskineko ereduaren araberakoa.
b) Nortasun-agiri nazionalaren, pasaportearen, bisaren edo atzerritarren nortasun-txartelaren fotokopia.
c) Azterketa egiteko 12,48 euroko tasa ordaindu dela ziurtatzen duen ordainketa gutuna. Tasa hori Nafarroako Foru Komunitateko Administrazioaren eta haren erakunde autonomoen tasa eta prezio publikoei buruzko otsailaren 11ko 2/2021 Foru Legean ezarrita dago.
Tasa ordaindu izanaren frogagiria aurkezteak ez du inola ere aldatuko inskripzio eskaera behar den epean eta moduan aurkeztu beharra.
Tasa ez bada ordaintzen, izangaia baztertu eginen da.
Ikastaroa edo azterketa ez egiteak ez du tasa itzultzeko eskubiderik sortuko.
d) Hala badagokio, probak egokitzeko eskaera justifikatzen duten egiaztagiriak.
Eskabidea eta ordainketa-gutuna eskura egonen dira "Ehiza-azterketa egiteko deialdia" fitxan, Nafarroako Gobernuaren tramiteen katalogoan, helbide honetan:
https://www.navarra.es/eu/tramites/on/-/line/convocatoria-para-realizar-el-examen-de-caza
eta Landa Garapeneko eta Ingurumeneko Departamentuko bulegoetan ere (Gonzalez Tablas kalea 9).
3. oinarria.–Izangaien onarpena eta erreklamazioak.
Eskaerak aurkezteko epea bukatutakoan, onartutako eta baztertutako izangaien behin-behineko zerrenda argitaratuko da "Ehiza-azterketa egiteko deialdia" fitxan, Nafarroako Gobernuaren tramiteen katalogoan, helbide honetan:
https://www.navarra.es/eu/tramites/on/-/line/convocatoria-para-realizar-el-examen-de-caza
Halaber, Landa Garapeneko eta Ingurumeneko Departamentuko iragarki-taulan argitaratuko da (González Tablas kalea 9, Iruña).
Bazterturik gelditu direnek bost egun naturaleko epea izanen dute, behin-behineko zerrendak argitaratzen direnetik, erreklamazioak aurkezteko eta, akatsik egin badute, horiek zuzentzeko.
Erreklamazioak ebatzi eta gero, izangai onartu eta baztertuen behin betiko zerrenda argitaratuko da.
Azterketara aurkezteko deialdian eskatzen diren baldintzak betetzen dituzten pertsonen zerrenda eta azterketa egiteko eguna, ordua eta tokia "Ehiza-azterketa egiteko deialdia" fitxan argitaratuko dira, Nafarroako Gobernuaren tramiteen katalogoan, helbide honetan:
https://www.navarra.es/eu/tramites/on/-/line/convocatoria-para-realizar-el-examen-de-caza
Halaber, Landa Garapeneko eta Ingurumeneko Departamentuko iragarki-taulan argitaratuko dira (González Tablas kalea 9, Iruña).
Lehen deialdiko azterketa egin eta gero, emaitzak eta bigarren deialdiko azterketan onartutakoen zerrenda argitaratuko dira, baita bigarren azterketa zer egunetan, zer ordutan eta noiz eginen den ere.
Zerrenda horiek "Ehiza-azterketa egiteko deialdia" fitxan argitaratuko dira, Nafarroako Gobernuaren tramiteen katalogoan, helbide honetan:
https://www.navarra.es/eu/tramites/on/-/line/convocatoria-para-realizar-el-examen-de-caza
Halaber, Landa Garapeneko eta Ingurumeneko Departamentuko iragarki-taulan argitaratuko dira (González Tablas kalea 9, Iruña).
4. oinarria.–Prestakuntza ikastaroa.
Ikastaroaren helburua da "Nafarroako ehiztarien azterketa prestatzeko eskuliburuak (2013ko bertsioa)" eta "galderen liburuak (2016ko bertsioa)" dituzten edukiak lantzea, baita izangaiei eskuliburua ulertzen laguntzea ere, ezagutza handitu eta azterketa gainditu dezaten. Halaber, helburu du etorkizunean ehizan ariko direnentzat baliagarriak izanen diren ezagutzak irakastea.
–Gaitasun probak gainditu nahi dituzten izangai guztiek nahitaez egin behar dute ehizaren arloko prestakuntza ikastaroa.
2008. urtetik aurrera prestakuntza ikastarora joan izanaren ziurtagiria eskuratu duten izangaiek ez dute prestakuntza ikastaroa berriz egin beharko, baina eskubidea izanen dute hura egiteko, ikasgela birtualaren bitartez.
–Ikastaroa online eginen da.
Eskatzaileei posta elektronikoaren bidez bidaliko zaie nola sartu behar duten ikasgela birtualera, izen-ematea baliozkotu ondoan. Ikasgela birtuala erabiltzeko jarraibideak eskura egonen dira "Ehiza-azterketa egiteko deialdia" fitxan, Nafarroako Gobernuaren tramiteen katalogoan, helbide honetan:
https://www.navarra.es/eu/tramites/on/-/line/convocatoria-para-realizar-el-examen-de-caza
–Ikastaroa egiten dutenek ziurtagiri bat jasoko dute. Ziurtagiria nahitaezkoa da azterketara aurkeztu ahal izateko.
–Azterketaren eguna baino 15 egun natural lehenago bukatuko da ikastaroa egin eta ziurtagiria eskuratzeko epea.
–Azterketa-deialdi bakoitzean onartutakoen behin-behineko zerrenda aldez aurretik eta behar den denboraz argitaratuko dira. Erreklamazioak egiteko bi egun balioduneko epea izanen da, zerrendak argitaratzen direnetik. Ondoren, behin betiko zerrendak argitaratuko dira.
5. oinarria.–Probak egitea.
Probaren deskribapena:
Prestakuntza ikastaroa egin izanaren ziurtagiria eskuratu duten izangaiek bakarrik egiten ahal dute azterketa.
Izangaiek nortasun-agiri nazionala, pasaportea edo nortasuna egiaztatzeko legez onartutako beste edozein agiri eramanen dute azterketara, eta tinta beltzeko edo urdineko boligrafoa.
Azterketatik bazterturik geldituko dira adierazten diren egun, ordu eta tokian agertzen ez diren izangaiak, arrazoia edozein dela ere, edo identitatea behar bezala frogatzen ez dutenak.
Azterketan test moduko 30 galdera izanen dira, teorikoak, idatziz erantzutekoak, kalifikazio epaimahaiak aldez aurretik aukeratuak 500 galderaren artean.
Erantzun zuzenek puntu 1 balioko dute, eta erantzun oker bakoitzarengatik 1/3 puntu kenduko dira. Erantzun gabeko galderek eta erantzun bat baino gehiago dutenek ez dute punturik emanen, ezta kenduko ere.
"Gai" kalifikazioa lortzeko beharrezkoa izanen da gutxienez 15 puntu lortzea.
Proba hori egiteko, ordubete izanen da.
Azterketa egitean ezin da erabili kalkulagailurik, telefono mugikorrik, smartwatch gailurik edo beste material edo gailurik, tinta beltz edo urdineko boligrafoa ez bada.
"Nafarroako ehiztarien azterketa prestatzeko eskuliburua (2013ko bertsioa)" eta "galderen liburua (2016ko bertsioa)" eskura daude "Ehiza-azterketa egiteko deialdia" fitxan, Nafarroako Gobernuaren tramiteen katalogoan, helbide honetan:
https://www.navarra.es/eu/tramites/on/-/line/convocatoria-para-realizar-el-examen-de-caza
Izangai bakoitzak bi deialdi izanen ditu proba gainditzeko.
Probak egiteko egunak eta tokiak.
–Lehendabiziko deialdia: 2024ko maiatzaren 25a.
Lehen deialdiko onartuen zerrendan zehaztuko da izangai bakoitzak zer tokitan eta ordutan agertu behar duen.
–Bigarren deialdia: 2024ko ekainaren 8a.
Bigarren deialdiko onartuen zerrendan zehaztuko da izangai bakoitzak zer tokitan eta ordutan agertu behar duen.
Izangai guztiek eskubidea dute bi deialdietara aurkezteko, baldin eta prestakuntza ikastaroa egin izanaren ziurtagiria lortu badute deialdi bakoitzean onartutako pertsonen zerrenda argitaratzen den egunean.
6. oinarria.–Gaindituen zerrenda eta erreklamazioak.
Proba kalifikatu ondoan, lehen deialdian nahiz bigarrenean, epaimahaiak izangaien emaitzak zerrenda batean argitaratuko ditu, "Ehiza-azterketa egiteko deialdia" fitxan, Nafarroako Gobernuaren tramiteen katalogoan, helbide honetan:
https://www.navarra.es/eu/tramites/on/-/line/convocatoria-para-realizar-el-examen-de-caza
eta Nafarroako Gobernuaren iragarki-taulan argitaratuko ditu (Karlos III.aren etorbidea 2, Iruña).
7. oinarria.–Kalifikazio epaimahaia.
Hauek izanen dira kalifikazio epaimahaiko kideak:
Epaimahaiburua: Cristina Arana Marquina andrea, Landa Garapeneko eta Ingurumeneko Departamentuko Ehiza Kudeaketarako Ataleko burua.
Ordezkoa: Fermín Olabe Velasco jauna, Landa Garapeneko eta Ingurumeneko Departamentuko Basoen eta Ehiza Kudeaketaren Zerbitzuko zuzendaria.
Epaimahaikidea: M.ª Carmen Primo Alfageme andrea, Landa Garapeneko eta Ingurumeneko Departamentuko Ehiza Kudeaketarako Ataleko teknikaria.
Ordezkoa: Esperanza Ursúa Sesma andrea, Landa Garapeneko eta Ingurumeneko Departamentuko Ehiza Kudeaketarako Ataleko teknikaria.
Idazkaria: María Rosario Erviti Esparza andrea, Landa Garapeneko eta Ingurumeneko Departamentuko Basoen eta Ehiza Kudeaketaren Zerbitzuko administraria.
Ordezkoa: María García López de Arana andrea, Landa Garapeneko eta Ingurumeneko Departamentuko Basoen eta Ehiza Kudeaketaren Zerbitzuko administraria.
Epaimahaia ezin izanen da eratu, ez eta jardun ere, kideen gehiengoa bertan ez bada.
Epaimahaiak gehiengoz ebatziko ditu deialdiko oinarrien interpretazioari eta aplikazioari buruz sortzen diren gorabehera guztiak.
ERANSKINA.–EHIZA LIZENTZIARAKO AZTERKETAN IZENA EMATEKO ESKAERA. 2024. URTEA
(Idatzi letra larriz, eta bete dena osorik)
Izen-deiturak | |
NANa | |
Helbidea (kalea, zenbakia, solairua) | |
Herria | |
Posta kodea | |
Telefonoa | |
Posta elektroniko pertsonala, ikastarorako erabiliko dena |
Adierazi aurreko urteetan prestakuntza ikastaroa egin duzun edo ez (X bat jarri dagokion tokian) Baiezkoan, esan zer urtetan. | |
Proba egiteko hautatutako hizkuntza | Gaztelania Euskara |
Adierazi proba idatzirako nolabaiteko egokitzapenik behar duzun. Baiezkoan, labur deskribatu egokitzapen horrek nolakoa behar duen izan: |
Azaltzen dut Nafarroako Foru Komunitateko ehizarako lehenbiziko lizentzia administratiboa lortzeko beharrezko gaitasun probak egiteko 2024ko deialdiko oinarriak oso-osorik onartzen ditudala.
Horregatik eta aipatu deialdian eskatzen den dokumentazioa erantsita (NANaren edo agiri baliokidearen fotokopia, azterketa tasaren ordainketa gutuna eta, kasua bada, probak egokitzeko eskaera justifikatzen duten agiriak).
ESKATZEN DUT izena ematea PRESTAKUNTZA IKASTAROA (ikus oin-oharra) eta GAITASUN AZTERKETA egiteko, ehizarako lehendabiziko lizentzia edukitzeko beharrezkoa den gaitasun ziurtagiria eskuratzeko.
.............................................(e)n, 2024ko .....................................aren ........(e)(a)n.
Eskatzailearen sinadura
Argibideak eskatzailearentzat:
–Prestakuntza ikastaroa egiteko jarraibideak, eta 1. deialdiko zein 2. deialdiko azterketa egiteko izangai bakoitzari ezarriko zaion tokia eta ordua www.navarra.es webgunean argitaratuko dira, esteka honetan:
https://www.navarra.es/eu/tramites/on/-/line/convocatoria-para-realizar-el-examen-de-caza?pageBackId=7571695
–Prestakuntza ikastaroa egitea nahitaezkoa da azterketara aurkeztu ahal izateko. Prestakuntza ikastaroa egin izanaren ziurtagiria eskuratzen duten izangaiek bakarrik egiten ahal dute azterketa.
–Prestakuntza ikastaroa 2008. urtetik aurrera egin eta bertaratze ziurtagiria lortu duten izangaiek ez dute ikastaroa egin behar deialdi honetan.
–Ikastarora edo azterketara ez joateak ez du tasa itzultzeko eskubiderik sortuko.
Oharra: Izena emateko orria eta ordainketa gutuna eskuragarri daude esteka honetan (https://www.navarra.es/eu/tramiteak/on/-/line/ehiza-azterketa-egiteko-deialdia?pageBackId=7571695) eta Landa Garapeneko eta Ingurumeneko Departamentuko bulegoetan ere (Iruñeko Gonzalez Tablas kalea 9).
Izena emateari buruz kontsultak egiteko, bidali mezu elektronikoa caza@navarra.es helbidera edo deitu 848 42 67 33 telefonora.
Ikastaroari buruzko kontsultetarako, idatzi aulacaza@navarra.es helbidera.
BASOEN ETA EHIZAREN KUDEAKETAREN ZERBITZUKO ZUZENDARIA.
DATUEN BABESARI BURUZKO INFORMAZIOA |
DATUEN TRATAMENDUAREN ARDURADUNA. Identitatea: Landa Garapeneko eta Ingurumeneko Departamentua. Helbidea: González Tablas kalea 9, 31005 Iruña. Helbide elektronikoa: gestinfo@navarra.es. Datuen babeseko ordezkaria: Helbide elektronikoa: dpd@navarra.es. |
DATU PERTSONALEN TRATAMENDUAREN HELBURUA. Datu pertsonalak deialdi honekin lotutako tramiteak egiteko tratatuko dira. Datu pertsonalak prozedura izapidetzeko eta ebazteko behar den denboran gordeko dira. |
DATU PERTSONALEN TRATAMENDUAREN LEGITIMAZIOA. Europako Parlamentuaren eta Kontseiluaren 2016ko apirilaren 27ko 2016/679 (EB) Erregelamenduaren 6.1.a) artikulua: interesduna ados da bere datu pertsonalak tratatzeko berariazko helburu baterako edo gehiagotarako. 3/2018 Lege Organikoa, abenduaren 5ekoa, Datu Pertsonalak Babestekoa eta Eskubide Digitalak Bermatzekoa. |
DATUEN NAZIOARTEKO LAGAPEN EDO TRANSFERENTZIEN HARTZAILEAK. Datu pertsonalak ez dira lagako eta ez dira transferituko, lege betebeharra egon ezean. |
INTERESDUNEN ESKUBIDEAK. Interesdunak eskubidea du datu pertsonaletan sartzeko, haiek zuzentzeko, deuseztatzeko, tratamendua mugatzeko, kontra egiteko eta datuak eramateko. Horretarako, idatzizko eskaera igorri behar dio Departamentuko Informazioa Kudeatzeko Atalari, goian adierazitako helbidera edo gestinfo@navarra.es helbide elektronikora, eta bere NANaren edo identifikazio agiri baliokidearen kopia erantsi beharko du. Halaber, interesdunek Datuak Babesteko Espainiako Bulegora jo dezakete erreklamazio bat aurkezteko, uste badute ez zaiola behar bezala erantzun beren eskaerari. |
DATUEN JATORRIA, INTERESDUNAK BERAK EMAN EZ DITUENEAN. Zure eskaerarako beharrezkoa bada, administrazio publikoaren eskuan dagoen informazioa egiaztatuko da. |
INFORMAZIO OSAGARRIA. Honako web-orri honen bidez: www.gobiernoabierto.navarra.es/eu. |
Iragarkiaren kodea: F2404119
