1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
2/2024 EBAZPENA, otsailaren 29koa, Migrazio Politiketako zuzendari nagusiak emana, zeinaren bidez izendatzen baitira Migrazio Politiketako Zuzendaritza Nagusiko zerbitzuetako zuzendarien aldi baterako ordezkoak.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 16.3 artikuluak ezartzen duenez, Foru Administrazio Publikoko gainerako buruak hierarkikoki zer organoren menpe dauden, hari egokituko zaio haien ordezkoak hautatzea, salbu eta horren gaineko berariazko arauren bat dagoenean.
Etxebizitzako, Gazteriako eta Migrazio Politiketako Departamentuaren egitura organikoa ezartzen duen azaroaren 15eko 241/2023 Foru Dekretuaren 20. artikuluaren arabera, Migrazio Politiketako Zuzendaritza Nagusia honako zerbitzu hauetan egituratzen da:
a) Karibu-Migratzaileei Harrera eta Lagun Egiteko Zerbitzua.
b) Ayllu-Kulturen arteko Bizikidetzarako eta Arrazismoaren eta Xenofobiaren aurkako Borrokarako Zerbitzua.
Horrenbestez, Etxebizitzako, Gazteriako eta Migrazio Politiketako Departamentuaren egitura organikoa ezartzen duen azaroaren 15eko 241/2023 Foru Dekretuak ematen dizkidan ahalmenak erabiliz,
EBAZTEN DUT:
1. Elkarren ordezko izendatzea, aldi baterako, horietako karguren bat hutsik dagoenean edo titularra kanpoan edo gaixorik dagoenean edo ezintasun pertsonalen bat duenean, Karibu-Migratzaileei Harrera eta Lagun Egiteko Zerbitzuko zuzendaria eta Ayllu-Kulturen arteko Bizikidetzarako eta Arrazismoaren eta Xenofobiaren aurkako Borrokarako Zerbitzuko zuzendaria.
2. Ebazpen hau interesdunei igortzea eta Nafarroako Aldizkari Ofizialean argitaratzea, orok jakin dezan.
Iruñean, 2024ko otsailaren 29an.–Migrazio Politiketako zuzendari nagusia, Marisol de la Nava Martín.
Iragarkiaren kodea: F2403764
