Iragarkia
61. ALDIZKARIA - 2024ko martxoaren 21a
1. NAFARROAKO FORU KOMUNITATEA
1.7. BESTELAKOAK
23/2024 EBAZPENA, otsailaren 26koa, Lanbide Heziketako, Digitalizazioko eta Hezkuntza Zerbitzuetako zuzendari nagusiak emana, salbuespenak ezartzen dituena erdi mailako zikloetako sarrera-probaren eta sarrera-ikastaroaren esparruetarako eta goi mailako zikloetako sarrera-probaren eta sarrera-ikastaroaren zatietarako, Nafarroako Foru Komunitatearen eremuan.
Hezkuntzari buruzko maiatzaren 3ko 2/2006 Lege Organikoaren 41. artikuluaren arabera, Lanbide Heziketako erdi eta goi mailetako heziketa zikloetan sartzeko baldintza bat da sarrera-proba bat gainditzea; 52. artikuluaren arabera, arte plastikoetako eta diseinuko lanbide irakaskuntzetako erdi eta goi mailetako heziketa zikloetan sartzen ahal dira, baldintza akademikoak bete ez arren, sarrera proba gainditzen dutenak; eta, azkenik, 64. artikuluaren arabera, kirol irakaskuntzetako erdi eta goi mailetan sartzen ahal dira, eskatzen diren titulu edo ziurtagiriak izan ez arren, sarrera-proba bat gainditzen dutenak.
Bestalde, Lanbide Heziketa antolatu eta integratzeari buruzko martxoaren 31ko 3/2022 Lege Organikoak 46. artikuluan xedatzen duenez, hezkuntza-administrazioek sarrera-proben deialdia egin behar dute urtero, eta Lanbide Heziketako erdi eta goi mailako zikloetan sartzeko berariazko prestakuntza ikastaroak eskaini beharko dizkiete sartzeko baldintzak betetzen ez dituzten pertsonei.
Martxoaren 31ko 3/2022 Lege Organikoa garatuz, Lanbide Heziketaren sistemaren antolamendua garatzen duen uztailaren 18ko 659/2023 Errege Dekretuak erdi mailako eta goi mailako heziketa zikloetarako sarbidea arautzen du, eta baldintza gisa ezartzen du sarrera-proba bat gainditu behar dela, erdi mailakoa edo goi mailakoa, hurrenez hurren, edo Lanbide Heziketako erdi eta goi mailako zikloetan sartzeko berariazko prestakuntza ikastaro bat, hurrenez hurren. Sarrera-proba eta sarrera-ikastaro horiek helduentzako oinarrizko konpetentziak egiaztatzeko prozeduraren erregelamendu-garapenaren arabera antolatu beharko dira.
Era berean, Hezkuntzari buruzko maiatzaren 3ko 2/2006 Lege Organikoa garatuz, maiatzaren 4ko 596/2007 Errege Dekretuak, arte plastikoetako eta diseinuko lanbide irakaskuntzen antolamendu orokorra ezartzen duenak, erdi mailako eta goi mailako zikloetarako sarbidea arautzen du sarrera-proba gainditzen dutenentzat, eta aukera ematen die hezkuntza-administrazioei sarrera-probak prestatzeko ikastaroak ezartzeko. Era berean, aipatutako Lege Organikoa garatuz, urriaren 24ko 1363/2007 Errege Dekretuak, araubide bereziko kirol irakaskuntzen antolamendu orokorra ezartzen duenak, erdi mailako eta goi mailako zikloetara arautzen du sarrera-proba gainditzen dutenentzat, eta aukera ematen die hezkuntza-administrazioei sarrera-probak prestatzeko ikastaroak ezartzeko.
Sarrera-proben deialdia urtero egiten da, Lanbide Heziketako, Digitalizazioko eta Hezkuntza Zerbitzuetako zuzendari nagusiaren ebazpen bidez. Ebazpen horren ataletako batek zikloetara sartzeko probetan egon daitezkeen salbuespenak aipatzen ditu, eta salbuespen horiek ebazpen honetan zehazten dira.
Lanbide Heziketaren zuzendari nagusiaren abuztuaren 11ko 87/2021 Ebazpenaren bidez arautzen da zer ezaugarri duten erdi mailako eta goi mailako zikloetara sartzeko berariazko prestakuntza ikastaroek antolamendu aldetik. Ikastaro hori hiru esparrutan antolatu da erdi mailan, erdi mailako zikloetara sartzeko proba antolatzen den moduan; goi mailan, aldiz, bi zatitan, goi mailako zikloetara sartzeko proba antolatzen den moduan.
Zikloetako sarrera-proben eta sarrera-ikastaroen salbuespenak estatuko Lanbide Heziketako sistemaren egungo arau-esparrura egokitzeko, beharrezkoa da inguruabar horiek guztiak eguneratzea, Hezkuntzari buruzko maiatzaren 3ko 2/2006 Lege Organikoari eta Lanbide Heziketa antolatu eta integratzeari buruzko martxoaren 31ko 3/2022 Lege Organikoari jarraituz.
Lanbide Heziketaren Plangintza eta Integraziorako Zerbitzuko zuzendariak aldeko txostena eman du ebazpen bat eman dadin salbuespenak ezartzeko erdi mailako zikloetako sarrera-probaren eta sarrera-ikastaroaren esparruetarako eta goi mailako zikloetako sarrera-probaren eta sarrera-ikastaroen zatietarako.
Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz,
EBAZTEN DUT:
1. Salbuespenak ezartzea erdi mailako zikloetako sarrera-probaren eta sarrera-ikastaroaren esparruetarako eta goi mailako zikloetako sarrera-probaren eta sarrera-ikastaroen zatietarako, Nafarroako Foru Komunitatearen eremuan, ebazpen honen 1. eranskinetik 3.era bitartean xedatutakoari jarraituz.
2. Ebazpen hau eta eranskinak Nafarroako Aldizkari Ofizialean argitaratzea.
3. Ebazpen hau eta haren eranskinak igortzea, behar diren ondorioak izan ditzaten, Hezkuntzako Ikuskapen Zerbitzura, Antolamendu, Prestakuntza eta Kalitate Zerbitzura, Inklusio, Berdintasun eta Bizikidetza Zerbitzura, Lanbide Heziketaren Modernizaziorako eta Berrikuntzarako Zerbitzura, Lanbide Heziketaren Plangintza eta Integraziorako Zerbitzura, Hezkuntzako Informazio Sistemen Zerbitzura, Hezkuntzako Teknologien eta IKT Azpiegituren Zerbitzura; orobat, Nafar Lansare-Nafarroako Enplegu Zerbitzuko Enplegua Sustatzeko eta Enpresentzako Zerbitzuetarako Zerbitzura, Lanbide Gaitasunak Garatzeko Zerbitzura, Lan Aktibaziorako eta Lurralde Koordinaziorako Zerbitzura; Ikasketak Antolatzeko Atalera, Inklusio Atalera, Arte Ikasketen Atalera, Ikastetxeetako Informazio Sistemen Garapenaren Atalera, Ikastetxeetako Informazioa Kudeatzeko Atalera, Kudeaketa Juridiko-administratiboaren Atalera, Eskolatze Bulegora eta Orientazio Bulegora.
Iruñean, 2024ko otsailaren 26an.–Lanbide Heziketako, Digitalizazioko eta Hezkuntza Zerbitzuetako zuzendari nagusia, Luis Calatayud Yuste.
1. ERANSKINA.–SALBUESPENAK ERDI MAILAKO ZIKLOETAKO SARRERA-PROBAREN ETA SARRERA-IKASTAROAREN ESPARRUETARAKO ETA SALBUESPENAK GOI MAILAKO ZIKLOETAKO SARRERA-PROBAREN ETA SARRERA-IKASTAROEN ZATIETARAKO
1.–Salbuespenak, erdi mailako zikloetako sarrera-probaren eta sarrera-ikastaroaren esparruetarako.
Salbuespen hauek ezartzen dira erdi mailako zikloetako sarrera-proben eta sarrera-ikastaroaren esparruetarako, eta dokumentazio honekin egiaztatzen dira:
–Komunikazioaren esparrutik salbuestea:
FROGATU BEHARREKO BETEBEHARRA | AURKEZTU BEHARREKO DOKUMENTAZIOA |
Gaindituak izatea Helduen Bigarren Hezkuntzako komunikazioaren esparruko 4. moduluak | Ikasketen ziurtagiriaren fotokopia |
Gainditua izatea arlo soziolinguistikoa edo komunikazioaren esparrua 2008. urtetik aurrera (hori barne) Nafarroako Foru Komunitatean antolatutako deialdiren batean | Ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera |
Gainditua izatea komunikazioaren esparrua, Nafarroan, erdi mailan sartzeko ikastaroan | Ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera |
Hizkuntzako 2. mailako funtsezko konpetentziak dituela frogatzen duen ziurtagiri bat edukitzea | Hizkuntzako 2. mailako funtsezko konpetentziak dituela frogatzen duen ziurtagiriaren fotokopia |
Gaindituak izatea Hasierako Lanbide Kualifikazioko Programa bateko nahitaezko moduluak, DBHko graduatu titulua lortu gabe | Ikasketen ziurtagiriaren fotokopia |
Gainditua izatea Oinarrizko Lanbide Heziketako ziklo bat, 2020-2021 ikasturtean edo aurrekoetan, baina DBHko graduatu titulua lortu gabe (Arte Plastikoetako eta Diseinuko erdi mailako zikloetan edo Kirol irakaskuntzetako zikloetan sartzeko) | Nafarroan lortu bada, ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera Beste erkidego batean lortu bada, ikasketen ziurtagiriaren fotokopia |
Gainditua izatea Lanbide Lantegi bat, 2014-2015 ikasturtetik aurrera (hori barne) | Ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera |
–Gizarte esparrutik salbuestea:
FROGATU BEHARREKO BETEBEHARRA | AURKEZTU BEHARREKO DOKUMENTAZIOA |
Gaindituak izatea Helduen Bigarren Hezkuntzako gizarte esparruko 4. moduluak | Ikasketen ziurtagiriaren fotokopia |
Gainditua izatea arlo soziolinguistikoa edo gizarte esparrua 2008. urtetik aurrera (hori barne) Nafarroako Foru Komunitatean antolatutako deialdiren batean | Ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera |
Gainditua izatea gizarte esparrua, Nafarroan, erdi mailan sartzeko ikastaroan | Ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera |
Gaindituak izatea Hasierako Lanbide Kualifikazioko Programa bateko nahitaezko moduluak, DBHko graduatu titulua lortu gabe | Ikasketen ziurtagiriaren fotokopia |
Gainditua izatea Oinarrizko Lanbide Heziketako ziklo bat, 2020-2021 ikasturtean edo aurrekoetan, baina DBHko graduatu titulua lortu gabe (Arte Plastikoetako eta Diseinuko erdi mailako zikloetan edo Kirol irakaskuntzetako zikloetan sartzeko) | Nafarroan lortu bada, ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera Beste erkidego batean lortu bada, ikasketen ziurtagiriaren fotokopia |
Gainditua izatea Lanbide Lantegi bat, 2014-2015 ikasturtetik aurrera (hori barne) | Ikasketen ziurtagiriaren fotokopia |
–Esparru zientifiko-teknologikotik salbuestea:
FROGATU BEHARREKO BETEBEHARRA | AURKEZTU BEHARREKO DOKUMENTAZIOA |
Lanbide Hastapeneko Programa bat gainditua izatea, lanbide lantegien edo lanbide hastapenaren modalitatean | Ikasketen ziurtagiriaren fotokopia |
Gaindituak izatea Helduen Bigarren Hezkuntzako esparru zientifiko-teknologikoko 4. moduluak | Ikasketen ziurtagiriaren fotokopia |
Gainditua izatea matematika arloa edo arlo zientifiko-teknologikoa edo esparru zientifiko-teknologikoa 2008. urtetik aurrera (hori barne) Nafarroako Foru Komunitatean antolatutako deialdiren batean | Ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera |
Gainditua izatea esparru zientifiko-teknologikoa, Nafarroan, erdi mailan sartzeko ikastaroan | Ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera |
Gutxienez urtebeteko lan esperientzia (lanaldi osokoa) frogatzea | Besteren konturako langileak: Gizarte Segurantzaren Diruzaintza Nagusiaren edo Lan Mutualitatearen ziurtagiria (lan bizitzaren txostena), enpresa, lan kategoria (kotizazio taldea) eta kontratazioaldia jasotzen dituena |
Langile autonomoak: Gizarte Segurantzaren Diruzaintza Nagusiaren ziurtagiria (lan bizitzaren txostena), autonomoen araubide berezian alta emanik egondako aldiak jasota | |
Langile boluntarioak edo bekadunak: Laguntza zer entitatetan eman den, hark egindako ziurtagiria, berariaz adierazita honako hauek: egindako lanak eta eginkizunak, zer urtetan egin diren eta horietan emandako orduen kopuru zehatza. | |
Gutxienez 1. mailako profesionaltasun ziurtagiria baduela frogatzea | Profesionaltasun ziurtagiriaren fotokopia |
Matematikako 2. mailako funtsezko konpetentziak dituela frogatzen duen ziurtagiri bat edukitzea | Matematikako 2. mailako funtsezko konpetentziak dituela frogatzen duen ziurtagiriaren fotokopia |
Gaindituak izatea Hasierako Lanbide Kualifikazioko Programa bateko nahitaezko moduluak, DBHko graduatu titulua lortu gabe | Ikasketen ziurtagiriaren fotokopia |
Gainditua izatea Oinarrizko Lanbide Heziketako ziklo bat, 2020-2021 ikasturtean edo aurrekoetan, baina DBHko graduatu titulua lortu gabe (Arte Plastikoetako eta Diseinuko erdi mailako zikloetan edo Kirol irakaskuntzetako zikloetan sartzeko) | Nafarroan lortu bada, ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera. Beste erkidego batean lortu bada, ikasketen ziurtagiriaren fotokopia |
Gainditua izatea Lanbide Lantegi bat, 2014-2015 ikasturtetik aurrera (hori barne) | Ikasketen ziurtagiriaren fotokopia |
2.–Goi mailako zikloetan sartzeko probaren zatietarako salbuespenak.
Honako hauek dira goi mailako zikloetan sartzeko probaren zatietarako salbuespenak eta hori egiaztatzen duten agiriak:
ZATI KOMUNA EGITETIK SALBUESTEA | FROGATU BEHARREKO BETEBEHARRA | AURKEZTU BEHARREKO DOKUMENTAZIOA |
Modalitate hauetako zati komunetik salbuestea: –Zientziak eta Ingeniaritza –Osasun Zientziak –Gizarte Zientziak –Giza Zientziak –Arteak | Gainditua izatea aipatutako proba modalitateetako edozeinen zati komuna 2008. urtetik aurrera (hori barne) Nafarroako Foru Komunitatean antolatutako deialdiren batean. Gainditua izatea zati komuna, Nafarroan, goi mailan sartzeko ikastaroan | Ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera |
Modalitate hauetako zati komunetik salbuestea: –Giza Zientziak –Arteak | Gainditua izatea goi mailako Arte irakaskuntzetan sartzeko heldutasun proba, Nafarroan, 2008. urtetik aurrera (hori barne) | Ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera |
Modalitate hauetako zati komunetik salbuestea: –Giza Zientziak –Arteak | Gaindituak izatea 3. mailako Hizkuntzako eta Atzerriko Hizkuntzako funtsezko konpetentziak ebaluatzeko probak | 3. mailako Hizkuntzako eta Atzerriko Hizkuntzako funtsezko konpetentziak dituela frogatzen duen ziurtagiriaren fotokopia |
Modalitate hauetako zati komunetik salbuestea: –Zientziak eta Ingeniaritza –Osasun Zientziak –Gizarte Zientziak | Gaindituak izatea 3. mailako Matematikako, Hizkuntzako eta Atzerriko Hizkuntzako funtsezko konpetentziak ebaluatzeko probak | 3. mailako Matematikako, Hizkuntzako eta Atzerriko Hizkuntzako funtsezko konpetentziak dituela frogatzen duen ziurtagiriaren fotokopia |
BERARIAZKO ZATIA EGITETIK SALBUESTEA | FROGATU BEHARREKO BETEBEHARRA | AURKEZTU BEHARREKO DOKUMENTAZIOA |
Modalitate hauetako berariazko zatitik salbuestea: –Zientziak eta Ingeniaritza –Osasun Zientziak –Gizarte Zientziak –Giza Zientziak –Arteak | Gainditua izatea kasuan kasuko modalitateko probaren berariazko zatia 2008. urtetik aurrera (urte hori barne) Nafarroako Foru Komunitatean antolatutako deialdiren batean | Ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera |
Modalitate hauetako berariazko zatitik salbuestea: –Zientziak eta Ingeniaritza –Osasun Zientziak –Gizarte Zientziak | Gainditua izatea berariazko zatia, Nafarroan, goi mailan sartzeko ikastaroan | Ez da agiririk aurkeztu behar, ofizioz egiaztatuko baitu koordinazio epaimahaiak edo Antolamendu eta Ebaluaziorako Atalak, dagokionaren arabera |
Modalitate hauetako berariazko zatitik salbuestea: –Osasun Zientziak –Gizarte Zientziak –Giza Zientziak Gorputz eta kirol jardueren lanbide arloko goi mailako ziklo bat egin behar duten goi mailako edo errendimendu handiko kirolarientzat. | Goi mailako eta errendimendu handiko kirolari izaera frogatzea, Goi Mailako eta Errendimendu Handiko Kirolariei buruzko uztailaren 13ko 971/2007 Errege Dekretuan ezarritakoarekin bat, edo Nafarroako Foru Komunitateko errendimenduko kirola eta goi mailako kirolarien zerrenda arautzen dituen otsailaren 22ko 9/2012 Foru Dekretuan ezarritakoaren arabera | Goi mailako edo errendimendu handiko kirolari izaera frogatzen duen dokumentazioaren fotokopia |
Modalitate hauetako berariazko zatitik salbuestea: –Osasun Zientziak –Gizarte Zientziak –Giza Zientziak | Kirol teknikariaren titulu bat izatea | Kirol teknikariaren tituluaren fotokopia |
Edozein proba modalitatetako berariazko zatia egitetik salbuestea | Teknikari laguntzaileen titulu bat izatea, ebazpen honetako 2. eranskinean proba modalitate bakoitzerako adierazitako lanbide arloetako batekoa | Teknikari laguntzailearen tituluaren fotokopia |
Edozein proba modalitatetako berariazko zatia egitetik salbuestea | 2. mailako edo goragoko profesionaltasun ziurtagiri bat izatea, ebazpen honetako 3. eranskinean proba modalitate bakoitzerako adierazitako lanbide arloetako batekoa | Lan administrazio eskudunak emandako profesionaltasun ziurtagiriaren fotokopia, kualifikazio maila berariaz adierazten duena |
Edozein proba modalitatetako berariazko zatia egitetik salbuestea | Gutxienez bi urteko lan esperientzia (lanaldi osokoa) frogatzea, ebazpen honetako 3. eranskinean proba modalitate bakoitzerako aipatzen diren lanbide arloetako batean | Besteren konturako langileen kasuan: –Gizarte Segurantzaren Diruzaintza Nagusiaren edo Lan Mutualitatearen ziurtagiria (lan bizitzaren txostena), enpresa, lan kategoria (kotizazio taldea) eta kontratazioaldia jasotzen dituena, eta –Lantoki izandako enpresaren ziurtagiria, datu hauek agertzen dituena berariaz: kontratuaren iraupena, gauzatutako jarduera eta noiz aritu den jarduera horretan |
Langile autonomoak: –Gizarte Segurantzaren Diruzaintza Nagusiaren ziurtagiria (lan bizitzaren txostena), langile autonomoen araubide berezian kotizatutako aldia jasotzen duena, eta –Ekonomia-jardueren gaineko zergan altan egondako aldiaren ziurtagiria | ||
Langile boluntarioak edo bekadunak: Laguntza zer entitatetan eman den, hark egindako ziurtagiria, berariaz adierazita honako hauek: egindako lanak eta eginkizunak, zer urtetan egin diren eta horietan emandako orduen kopuru zehatza |
2. ERANSKINA.–TEKNIKARI LAGUNTZAILE TITULUEN ARLOAK (I. LH)
Probako berariazko zatirako salbuespena
TEKNIKARI LAGUNTZAILEEN TITULUEN ARLOAK | PROBA MODALITATE HONETAN ESKA DAITEKE BERARIAZKO ZATITIK SALBUESTEA |
Administrazioa eta Merkataritza arloa | Gizarte Zientziak |
Nekazaritza arloa | Zientziak eta Ingeniaritza |
Osasun Zientziak | |
Arte Grafikoak arloa | Zientziak eta Ingeniaritza |
Giza Zientziak | |
Arteak | |
Automobilgintza arloa | Zientziak eta Ingeniaritza |
Eraikuntza eta Obrak arloa | Zientziak eta Ingeniaritza |
Elektrizitatea eta Elektronika arloa | Zientziak eta Ingeniaritza |
Ostalaritza eta Turismoa arloa | Osasun Zientziak |
Gizarte Zientziak | |
Giza Zientziak | |
Arteak | |
Irudia eta Soinua arloa | Zientziak eta Ingeniaritza |
Arteak | |
Zurgintza arloa | Zientziak eta Ingeniaritza |
Itsasoko eta Arrantzako Jarduerak arloa | Zientziak eta Ingeniaritza |
Metalgintza arloa | Zientziak eta Ingeniaritza |
Meatzaritza arloa | Zientziak eta Ingeniaritza |
Moda eta Jantzigintza arloa | Zientziak eta Ingeniaritza |
Arteak | |
Ile-apainketa eta Estetika arloa | Osasun Zientziak |
Gizarte Zientziak | |
Larrugintza arloa | Zientziak eta Ingeniaritza |
Arteak | |
Kimika arloa | Zientziak eta Ingeniaritza |
Osasun Zientziak | |
Osasuna arloa | Osasun Zientziak |
Gizarte Zientziak | |
Ehungintza arloa | Zientziak eta Ingeniaritza |
Arteak | |
Beira eta Zeramika arloa | Zientziak eta Ingeniaritza |
Arteak | |
Arte Aplikatuak eta Lanbide Artistikoak | Arteak |
3. ERANSKINA.–LAN ESPERIENTZIA ETA BOLUNTARIOTZAKOA - PROFESIONALTASUN ZIURTAGIRIAK
Probako berariazko zatirako salbuespena
MODALITATE HONETAKO BERARIAZKO ZATIA EGITETIK SALBUESTEA | PROFESIONALTASUN ZIURTAGIRIAREN LANBIDE ARLOA. | |
ZIENTZIAK ETA INGENIARITZA | Nekazaritza Arte Grafikoak Eraikuntza eta Obra Zibila Elektrizitatea eta Elektronika Energia eta Ura Fabrikazio Mekanikoa Irudia eta Soinua Elikagaien Industriak Erauzketa Industriak | Informatika eta Komunikazioak Instalazioa eta Mantentze-lanak Zurgintza, Altzarigintza eta Kortxogintza Itsasoko eta Arrantzako Jarduerak Kimika Segurtasuna eta Ingurumena Ehungintza, Jantzigintza eta Larrugintza Garraioa eta Ibilgailuen Mantentze-lanak Beira eta Zeramika |
OSASUN ZIENTZIAK | Gorputz eta Kirol Jarduerak Nekazaritza Ostalaritza eta Turismoa Irudi Pertsonala "Instalazioa eta Mantentze-lanak", baina bakarrik Laneko arriskuen prebentzioaren esparruan | Kimika Osasuna Segurtasuna eta Ingurumena Gizarte eta Kultur Zerbitzuak eta Komunitatearentzako Zerbitzuak |
GIZARTE ZIENTZIAK | Gorputz eta Kirol Jarduerak Administrazioa eta Kudeaketa Merkataritza eta Marketina Ostalaritza eta Turismoa Irudi Pertsonala "Instalazioa eta Mantentze-lanak", baina bakarrik Laneko arriskuen prebentzioaren esparruan | Informatika eta Komunikazioak Osasuna Segurtasuna eta Ingurumena Gizarte eta Kultur Zerbitzuak eta Komunitatearentzako Zerbitzuak |
GIZA ZIENTZIAK | Gorputz eta Kirol Jarduerak Arte Grafikoak "Instalazioa eta Mantentze-lanak", baina bakarrik Laneko arriskuen prebentzioaren esparruan | Ostalaritza eta Turismoa Gizarte eta Kultur Zerbitzuak eta Komunitatearentzako Zerbitzuak |
ARTEAK | Arte Plastikoetako eta Diseinuko lanbide arloak Arte Grafikoak Ostalaritza eta Turismoa | Irudia eta Soinua Ehungintza, Jantzigintza eta Larrugintza Beira eta Zeramika |
Iragarkiaren kodea: F2403469
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50