1. NAFARROAKO FORU KOMUNITATEA
1.7. BESTELAKOAK
62E/2024 EBAZPENA, otsailaren 26koa, Ekonomia Zirkularraren eta Berrikuntzaren Zerbitzuko zuzendariak emana, zeinaren bidez partez onartzen baita Berako udal-mugartean dagoen eta lorategirako, mendirako eta hondartzarako altzariak fabrikatzen dituen instalazio baten ingurumen-baimen bateratuan ezarritako funtzionamendu baldintzen aldaketa. Horren ondorioz, instalazioak eta hango jarduerak ebazpen honen eranskinean ezarritako baldintzak bete beharko dituzte. Instalazioaren titularra Manufacturas Alco SA da.
Egun martxan den instalazio horrek badu lehendik ingurumen-baimen bateratua, Ingurumenean Eragina duten Jarduerak arautzen dituen abenduaren 16ko 17/2020 Foru Legearen hirugarren xedapen iragankorra aplikatuz emana; izan ere, jarduera hori sarturik dago aipatutako foru lege horren 1. eranskineko 2.8 taldean.
2023ko azaroaren 20an, titularrak eskatu zuen ingurumen-baimen integratuan sartutako baldintzak aldatzeko, zehazki, ingurumen-baimen integratuaren III. eranskinean, sortutako hondakinen zerrendan, beste hondakin batzuk sartzeko, honako EHZ kode hauekin:
–150101: Papera eta kartoia.
–150102: Plastikoa.
–200138: Zura.
–150106*: Zabor industriala.
–120103: Aluminio-txatarra.
–120101: Txatarra zaharra.
–130110*: Olio hidraulikoa.
–160601*: Berun azidoko bateriak.
–160305*: Iraungitako produktu kimikoa.
–110108*: Koipe-kentze fosfatatua.
–200135*: Material elektriko-elektronikoa.
–110106*: Azido klorhidrikoa.
Ekonomia Zirkularraren eta Berrikuntzaren Zerbitzuak, aurkeztutako eskaera aztertuta, onargarria dela ondorioztatu du; izan ere, eskatzen dena bat dator instalazioak ingurumen aldetik eduki beharreko funtzionamendu egokiarekin eta teknika erabilgarri onenen aplikazioarekin. Halere, egur-hondakinetarako 200138 kodea proposatu den arren, 150103 kodea da onartzen dena, hondakin mota horrek jatorri generikoa duelako instalazioan. Era berean, eskatutako zerrendan 200135* kodea agertzen den arren, kasu horretan 160213* da onartzen dena, arrazoi beragatik.
Ingurumenean Eragina duten Jarduerak arautzen dituen abenduaren 16ko 17/2020 Foru Legearen 28. artikuluan xedatutakoa aplikatuz, bidezkoa da ingurumen-baimen bateratua aldatzea.
Ebazpen proposamena instalazioaren titularrari entzunaldia emateko tramitean egon da hamabost egunez, eta hark ez du proposamenaren aurkako alegaziorik aurkeztu.
Adierazitakoarekin bat, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidan eskudantziak erabiliz,
EBAZTEN DUT:
Lehena.–Partez onartzea Berako udal-mugartean dagoen eta lorategirako, mendirako eta hondartzarako altzariak fabrikatzen dituen instalazio baten ingurumen-baimen bateratuan ezarritako funtzionamendu baldintzen aldaketa; horren ondorioz, instalazioak eta hango jarduerak ebazpen honen eranskinean adierazitako baldintzak bete beharko dituzte. Instalazioaren titularra Manufacturas Alco SA da.
Bigarrena.–Ebazpen hau Nafarroako Aldizkari Ofizialean argitaratzea.
Hirugarrena.–Ebazpen honek ez du administrazio bidea amaitzen, eta interesdunek, administrazio publikoek izan ezik, gora jotzeko errekurtsoa jar dezakete, Landa Garapeneko eta Ingurumeneko Departamentuko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jar dezakete, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Ebazpen hau jakinarazi eta biharamunetik aurrera kontatuko dira epeak.
Laugarrena.–Ebazpen hau Manufacturas Alco SAra eta Berako Udalera igortzea, behar diren ondorioak izan ditzan.
Iruñean, 2024ko otsailaren 26an.–Ekonomia Zirkularraren eta Berrikuntzaren Zerbitzuko zuzendaria, Raúl Salanueva Murguialday.
Oharra: ebazpen honetan aipatzen diren eranskinak interesdunen eskura egonen dira Ingurumen Zuzendaritza Nagusiaren bulegoetan (González Tablas kalea 9, behea, Iruña; Ekonomia Zirkularraren eta Klima Aldaketaren Zerbitzua) eta Nafarroako Gobernuaren web-orri honetan: http://www.navarra.es/home_es/Temas/Medio+Ambiente/Evaluacion+ambiental/Autorizaciones+ambientales/.
Iragarkiaren kodea: F2403526
