Iragarkia

56. ALDIZKARIA - 2024ko martxoaren 15a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

1648E/2024 EBAZPENA, otsailaren 23koa, Barneko zuzendari nagusiak emana, zeinaren bidez bukaera ematen baitzaio Nafarroako Foru Komunitateko Administrazioaren eta haren erakunde autonomoen zerbitzuko suhiltzaile-kaboen 32 lanpostu huts lekualdatze lehiaketa bidez betetzeko prozedurari.

Barneko zuzendari nagusiak martxoaren 31n emandako 59/2023 Ebazpenaren bidez, deialdi bat onetsi zen Nafarroako Foru Komunitateko Administrazioaren zerbitzuko suhiltzaile-kaboen 32 lanpostu huts lekualdatze lehiaketa bidez betetzeko. Deialdi hori 2023ko 100. Nafarroako Aldizkari Ofizialean argitaratu zen, maiatzaren 12koan.

Ekainaren 14ko 101/2023 Ebazpenaren bidez eta uztailaren 5eko 117/2023 Ebazpenaren bidez, deialdi horretan onartutako izangaien behin-behineko zerrenda eta behin betiko zerrenda onetsi ziren, hurrenez hurren.

Azkenik, Barneko zuzendari nagusiaren urtarrilaren 17ko 567E/2024 Ebazpenaren bidez, lanpostu hutsak aukeratzeko ekitaldirako deia egin zen.

Lanpostu hutsak aukeratzeko ekitaldia deialdian ezarritakoari jarraikiz eginda, bidezkoa da orain lanpostuak esleitzea.

Horrenbestez, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen bidez esleitu dizkidaten ahalmenak erabiliz, bai eta Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren 21eko 30/2005 Foru Dekretuaren bidez emandakoak ere,

EBAZTEN DUT:

1. Bukaera ematea Nafarroako Foru Komunitateko Administrazioaren eta haren erakunde autonomoen zerbitzuko suhiltzaile-kaboen 32 lanpostu huts lekualdatze lehiaketa bidez betetzeko prozedurari, eta lanpostu hutsak honela esleitzea:

a) Funtzionario hauei lanpostua esleitzea:

b) Funtzionario hauei lanpostua esleitzea, itzultzeagatiko behin-behineko atxikipen egoeran:

2. Lehiaketan parte hartu dutenek 2024ko maiatzaren 1ean hasi beharko dute destino berrietan. Destino berrien jabetza hartzea inongo tramiterik gabe hartuko da egintzat.

3. Lekualdatze lehiaketaren ondorioz honako lanpostu hauek hutsik gelditu dira:

4. Ebazpen hau Nafarroako Aldizkari Ofizialean argitara dadila agintzea.

5. Ebazpen hau igortzea, behar diren ondorioak izan ditzan, Barne Zuzendaritza Nagusiko Nafarroako Suhiltzaileen Zerbitzura, Funtzio Publikoko Zuzendaritza Nagusiko Langileriaren Kudeaketako Zerbitzura, Langileriaren Erregistroaren Atalera eta Nominen eta Gizarte Segurantzaren Atalera, eta interesdunei jakinaraztea, eta aditzera ematea haren aurka gora jotzeko errekurtsoa jar dezaketela, Barneko, Funtzio Publikoko eta Justiziako kontseilariari zuzendua, hilabeteko epean, argitaratu eta biharamunetik hasita, bat etorriz Nafarroako Foru Komunitateko Administrazioari eta sektore publiko instituzionalari buruzko martxoaren 11ko 11/2019 Foru Legearen 126. artikuluarekin eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 122. artikuluarekin.

Iruñean, 2024ko otsailaren 23an.–Barneko zuzendari nagusia, Salvador Díez Zapata.

Iragarkiaren kodea: F2403445