1. NAFARROAKO FORU KOMUNITATEA
1.7. BESTELAKOAK
15/2024 EBAZPENA, otsailaren 8koa, Lanbide Heziketako, Digitalizazioko eta Hezkuntza Zerbitzuetako zuzendari nagusiak emana, zeinaren bidez baimena ematen baita Lizarrako "Lizarra Ikastola" Haur eta Lehen Hezkuntzako eta Derrigorrezko Bigarren Hezkuntzako ikastetxe pribatuaren erregistro-inskripzioa aldatzeko, titularraren izenaren eta haren posta helbidearen datuak eguneratzearren.
Ikusirik Lizarra Ikastola sozietate kooperatiboak, hots, Lizarrako "Lizarra Ikastola" Haur eta Lehen Hezkuntzako eta Derrigorrezko Bigarren Hezkuntzako ikastetxe pribatuaren entitate titularrak, aurkeztu duen eskabidea eta erantsitako dokumentazioa, non eskatzen baita zuzen daitezela Nafarroako Ikastetxeen Erregistroan dituen posta helbideko datuak.
Ikusirik, orobat, Hezkuntzako Teknologien eta IKT Azpiegituren Zerbitzuak aurkeztu duen proposamen txostena, aldaketaren aldekoa.
Nafarroako Foru Komunitatean irakaskuntza ez-unibertsitarioak ematen dituzten ikastetxe pribatuak baimentzeko prozedura ezarri zuen ekainaren 6ko 251/1992 Foru Dekretuak bigarren artikuluan eta hirugarren tituluan ezarritakoaren ondorioz.
Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz,
EBAZTEN DUT:
1. Baimena ematea Lizarrako "Lizarra Ikastola" Haur eta Lehen Hezkuntzako eta Derrigorrezko Bigarren Hezkuntzako ikastetxe pribatuaren erregistro-datuak aldatzeko, 2023-2024 ikasturtearen hasieratik aurrerako ondorioekin, "Titularraren izena" atalekoak hain zuzen, hemendik aurrera "Lizarra Ikastola sozietate kooperatiboa" izanen baita, eta, orobat, "Posta helbidea" atalekoak, hemendik aurrera "Frantzisko Xabierkoa kalea zenbakirik gabe" izanen baita. Gainerako erregistro-datuak bere horretan mantenduko dira, eta aldaketa horien berri Estatuko Ikastetxeen Erregistrora igorriko da, hilabeteko epean.
2. Ebazpen hau ikastetxearen titularrari jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hasita hilabeteko epean.
3. Ebazpen hau igortzea Azterlan Ekonomikoen eta Ikastetxeen Finantzaketaren Zerbitzura, Nominen eta Gizarte Aseguruen Zerbitzura, Hezkuntzako Azpiegituren Zerbitzura, Eleaniztasunaren eta Arte Ikasketen Zerbitzura, Hezkuntzako Ikuskapen Zerbitzura, Hezkuntzako Teknologien eta IKT Azpiegituren Zerbitzura eta Ikastetxeetako Informazioa Kudeatzeko Atalera.
4. Ebazpen hau argitaratzea Nafarroako Aldizkari Ofizialean.
Iruñean, 2024ko otsailaren 8an.–Lanbide Heziketako, Digitalizazioko eta Hezkuntza Zerbitzuetako zuzendari nagusia, Luis Calatayud Yuste.
Iragarkiaren kodea: F2402633
