1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
GORA JOTZEKO ERREKURTSOA, oposizioaldiko (test motako azterketa) behin betiko emaitzen aurka, Nafarroako Foru Komunitateko Administrazioaren eta haren erakunde autonomoen zerbitzurako laneko arriskuen prebentzioko teknikarien zazpi lanpostu, gehienez ere, oposizio-lehiaketa bidez betetzeko sarrera-prozeduraren deialdian (Funtzio Publikoko zuzendari nagusiaren azaroaren 4ko 2894/2022 Ebazpenaren bidez onetsi zen deialdia, eta 2022ko 230. Nafarroako Aldizkari Ofizialean argitaratu, azaroaren 21ekoan).
Nafarroako Foru Komunitateko Administrazioaren eta haren erakunde autonomoen zerbitzurako laneko arriskuen prebentzioko teknikarien zazpi lanpostu, gehienez ere, oposizio-lehiaketa bidez betetzeko sarrera-prozeduraren deialdian (Funtzio Publikoko zuzendari nagusiaren azaroaren 4ko 2894/2022 Ebazpenaren bidez onetsi zen deialdia, enplegu publikoan behin-behinekotasuna murrizteko egonkortze-prozesuen esparruan, eta 2022ko 230. Nafarroako Aldizkari Ofizialean argitaratu, azaroaren 21ekoan), gora jotzeko errekurtso bana aurkeztu dute Asier Mendioroz Pérez de Ciriza jaunak, Ibán Pérez Endériz jaunak, Fermín Úriz Gómez jaunak eta Carmen Arnedo Rosel andreak, oposizioaldiko probaren behin betiko emaitzen aurka.
Bat etorriz Administrazio Publikoen Administrazio Prozedura Erkideari buruzko urriaren 1eko 39/2015 Legearen 118. eta 45. artikuluetan xedatutakoarekin, horren berri ematen zaie interesdun guztiei, iragarki hau argitaratu eta biharamunetik hamar egun balioduneko epean alegazioak aurkeztu ahal izateko, Erregistro Orokorrean (Orreaga etorbidea 11, Iruña) edo aipatutako legearen 16. artikuluan adierazitako bideetako bat erabiliz.
Lehendakaritzako, Berdintasuneko, Funtzio Publikoko eta Barneko kontseilariaren maiatzaren 14ko 59/2020 Foru Aginduaren 8. apartatuan ezarritakoa aplikatuz, jarritako errekurtsoaren kopia eskuratu nahi duten interesdunek hura bidaltzeko eskatzen ahalko dute erregistro orokor elektronikoaren bitartez (http://www.navarra.es/home_eu/Servicios/ficha/1718/Registro-General-Electronico). Horretarako, eskaeran adierazi beharko dute zer helbide elektronikotara nahi duten bidaltzea kopia hori.
Iruñean, 2024ko otsailaren 27an.–Funtzio Publikoko zuzendari nagusia, Rashid Mohamed Vázquez.
Iragarkiaren kodea: F2403465
