Iragarkia

47. ALDIZKARIA - 2024ko martxoaren 5a

3. ESTATUKO ADMINISTRAZIOA

TRANTSIZIO EKOLOGIKORAKO ETA ERRONKA DEMOGRAFIKORAKO MINISTERIOA

Ebazpena, Energia Politikako eta Meatzeetako Zuzendaritza Nagusiak emana, zeinaren bidez aurretiazko administrazio-baimena ematen baitzaio Energía Inagotable de Tebe SLri 44,20 MW-eko potentzia instalatua duen "Tebe" instalazio fotovoltaikorako eta haren ebakuazio-azpiegituretarako, zeinak kokatuta baitaude honako udal-mugarte hauetan: Castejón de Valdejasa, Ejea de los Caballeros, Biota eta Sádaba (Zaragozako probintzia), Altsasu (Nafarroa), Gipuzkoako eta Arabako Partzuergo Orokorra, Idiazabal, Ormaiztegi, Gabiria, Legazpi, Antzuola, Bergara eta Elgeta (Gipuzkoa), eta Zaldibar, Mallabia, Berriz, Garai, Iurreta, Muxika, Amorebieta-Etxano, Larrabetzu, Lezama, Zamudio, Derio, Mungia eta Gatika (Bizkaia).
SEE/DGPEM/SGEE/PFot-678 Ebazpena (AAP)

Energía Inagotable de Tebe SLk (aurrerantzean, "Tebe" sustatzailea), 2021eko ekainaren 29an, aurretiazko administrazio-baimena eta ingurumen-inpaktuaren adierazpena eskatu zituen Zaragozako eta Bizkaiko probintzietan kokatuta dauden "Tebe" instalazio fotovoltaikorako (49,48 MW modulu fotovoltaikoetan eta 44,20 MW inbertsoreetan) eta haren ebakuazio-azpiegituretarako.

Energía Inagotable de Ume SLk (aurrerantzean, "Ume" sustatzailea), 2021eko ekainaren 29an, aurretiazko administrazio-baimena eta ingurumen-inpaktuaren adierazpena eskatu zituen Zaragozako, Nafarroako, Gipuzkoako eta Bizkaiko probintzietan kokatuta dauden "Ume" instalazio fotovoltaikorako (14,7 MW modulu fotovoltaikoetan eta 14,38 MW inbertitzaileetan) eta ebakuazio-azpiegituretarako. Espediente hori PFot-677 erreferentziarekin izapidetu zen.

2023ko abenduaren 29an, Energía Inagotable de Ume SLk Energía Inagotable de Tebe SLri laga zion ondotik zehazten diren ebakuazio-azpiegituren titulartasuna (azpiegitura horiek ebazpen honen xede den PFot-678 espedientean sartu ziren), eta azpiegitura horiei buruz egindako izapideen emaitza bere gain hartu zuen:

–Goi tentsioko aireko linea, 400 kV-ekoa, Valdejasa 2 adabegia (9. euskarria) – Valdejasa adabegia (20. euskarria).

–Goi tentsioko aireko linea, 400 kV-ekoa, Valdejasa adabegia (20. euskarria) – Sabinar adabegia (45. euskarria).

–Goi tentsioko aireko linea, 400 kV-ekoa, Sabinar adabegia (45. euskarria) – Ejea adabegia (65. euskarria).

–Goi tentsioko aireko linea, 400 kV-ekoa, Ejea adabegia (65. euskarria) – Bayo adabegia (166. euskarria).

–Goi tentsioko aireko linea, 400 kV-ekoa, Altsasu adabegia (498. euskarria) – Gatikako Promotores TAE.

PFot-678 espedientea izapidetzeari dagokionez, "Tebe" sustatzailearen eta Energía Inagotable de Ume SLren arteko akordioaren aurretik.

Zuzendaritza nagusi honek, 2021eko uztailaren 26an, metatze-erabakia eman zuen, batera izapidetzeko Zaragozako eta Bizkaiko probintzietako "Tebe" (PFot-678) eta "Telefo" (PFot-730) instalazio fotovoltaikoen eta haien ebakuazio-azpiegituren aurretiazko administrazio-baimenaren espedienteak, PFot-678AC espediente-zenbakiarekin.

Metatutako espedienteari hasiera eman zitzaion Gobernuak Aragoin duen Ordezkaritzako Industria eta Energiaren Arlo Funtzionalean eta Gobernuak Bizkaian duen Ordezkariordetzako Industria eta Energia Bulegoan, eta izapidetu zen bat etorriz Energia elektrikoa garraiatu, banatu eta merkaturatzeko jarduerak, haren hornidura eta haren instalazioetarako baimenen prozedurak arautzen dituen abenduaren 1eko 1955/2000 Errege Dekretuan eta Ingurumen Ebaluazioari buruzko abenduaren 9ko 21/2013 Legean xedatutakoarekin, eta kasuan kasuko txostenak eskatu zitzaizkien administrazioei, erakundeei eta zerbitzu publikoko edo interes orokorreko zerbitzuetako enpresei, instalazioak haien kargurako ondasunak eta eskubideak ukitzen dituen heinean.

Jaso diren honako hauen erantzunetan ondorioztatzen da ez daudela instalazioaren kontra: Aragoiko Gobernuko Osasun Publikoko Zuzendaritza Nagusia, Aragoiko Gobernuko Barne eta Babes Zibileko Zuzendaritza Nagusia, Zaragozako Probintziako Diputazioa (Bideak eta Obrak), Eusko Jaurlaritzako Osasun Sailaren Bizkaiko Lurralde Ordezkaritza, Bizkaiko Foru Aldundiko Interbiak ABMP, Kantauriko Konfederazio Hidrografikoa, Telefónica de España SAU eta E-Distribución Redes Digitales SL. Erantzun horien berri eman zaio "Tebe" sustatzaileari, eta ados dagoela adierazi du.

Jaso diren honako hauen erantzunetan baldintzak ezartzen dira "Tebe" sustatzaileak egin beharreko jarduerak gauza ditzan: Ebroko Konfederazio Hidrografikoa, Zaragozako Probintziako Hirigintza Kontseilua, Bizkaiko Foru Aldundiko Kultura Ondarearen Saila, Eusko Jaurlaritzako Azpiegitura eta Lurralde Garapen Saila, Bizkaiko Foru Aldundiko Azpiegituretarako eta Lurralde Garapenerako Saileko Berrikuntza eta Errepide Kudeaketako Zuzendaritza Nagusia eta Aragoiko Gobernuko Kultura Ondarearen Zuzendaritza Nagusia. "Tebe" sustatzaileari igorri zaizkio erantzun horiek, eta ados dagoela jakinarazi du.

Jaso diren honako hauen erantzunetan alegazioak eta oharrak azaltzen dira, eta "Tebe" sustatzaileak bildu eta erantzun zehatzak eman dizkio erakunde bakoitzari, bere jarrera argudiatzeko: Aragoiko Gobernuko Energiako eta Meatzeetako Zuzendaritza Nagusia, Aragoiko Gobernuko Lurralde Antolamenduko Kontseilua, Aragoiko Gobernuko Lurralde Antolamenduko Zuzendaritza Nagusia, Aragoiko Gobernuko Errepideen Zuzendaritza Nagusia, Eusko Jaurlaritzako Kultura Ondarearen Zuzendaritza, Eusko Jaurlaritzako Lurralde Plangintza, Etxebizitza eta Garraio Saila, Uraren Euskal Agentzia, Bizkaiko Foru Aldundiko Ingurumenaren Kalitatearen Zerbitzua, Gobernuak Araban duen Ordezkaritza-Bizkaiko Sustapen Arloa, Red Eléctrica de España SAU, eta Biotako, Sadabako, Castiliscarko, Mungiako eta Gatikako udalak. Ez da erakundeen ihardespenik jaso, eta, hortaz, ulertzen da ados daudela, halaxe xedatzen baitu abenduaren 1eko 1955/200 Errege Dekretuaren 127.4 artikuluak.

Bizkaiko Foru Aldundiko Iraunkortasuna eta Ingurune Naturala Zaintzeko Sailaren erantzuna jaso da. Bertan, ingurumenari buruzko alegazioak eta oharrak aurkeztu dira. "Tebe" sustatzaileak alegazio horiei erantzun die, eta berriro bidali zaizkio erakundeari. Bestalde, erakundeak, bigarren erantzunean, hasierako jarrera berretsi du, eta proiektuaren aurka dagoela adierazi. Edozein kasutan, ingurumen arloko oharrak proiektuaren ingurumen-inpaktuaren ebaluazio arruntean izapidetzen dira; ebaluazio horretan oinarriturik ebatzi da proiektuaren ingurumen-inpaktuaren adierazpena, bai eta "Tebe" sustatzaileak proiekturako kontuan hartu behar dituen baldintza eta neurri gehigarriak ere.

Aragoiko Ingurumen Kudeaketarako Institutuaren (INAGA) erantzuna jaso da, non zenbait ohar egiten baitira ingurumenari buruz, eta ondorioztatzen da ez dagoela instalazioaren kontra. "Tebe" sustatzaileak INAGAren oharrei erantzun die. Bestalde, INAGAk, bigarren erantzunean, hasierako jarrera berretsi du. Edozein kasutan, ingurumen arloko oharrak proiektuaren ingurumen-inpaktuaren ebaluazio arruntean izapidetzen dira; ebaluazio horretan oinarriturik ebatzi da proiektuaren ingurumen-inpaktuaren adierazpena, bai eta "Tebe" sustatzaileak proiekturako kontuan hartu behar dituen baldintza eta neurri gehigarriak ere.

Eusko Jaurlaritzako Natura Ondare eta Klima Aldaketa Zuzendaritzaren erantzuna jaso da. Horren arabera, proiektua ez da onargarria, eta izapidetzen ari den PFot-677 espedientean ("Ume" parke fotovoltaikoa) argudiatutakoa aipatzen da. Espediente horretan, baimena eskatzen da "Tebe" parke fotovoltaikoarekin partekatzen den ebakuazio-linearen tarte baterako. "Tebe" sustatzailea ez dago ados erakundeak adierazitakoarekin. Bigarren erantzunean, erakundeak hasierako jarrera berretsi du, eta egindako guztia ingurumen organoari igor dakion eskatu, espedientea izapidetzen jarraitzeko. Edozein kasutan, ingurumen arloko oharrak proiektuaren ingurumen-inpaktuaren ebaluazio arruntean izapidetzen dira; ebaluazio horretan oinarriturik ebatzi da proiektuaren ingurumen-inpaktuaren adierazpena, bai eta "Tebe" sustatzaileak proiekturako kontuan hartu behar dituen baldintza eta neurri gehigarriak ere.

Honako hauei kontsulta eginda, ez da erantzunik jaso, eta, beraz, abenduaren 1eko 1955/2000 Errege Dekretuaren 127.2 artikuluan xedatutakoari jarraituz, ados daudela ulertzen da: Bizkaiko Foru Aldundiko Lurralde Antolamenduko eta Hirigintza eta Ingurumen Ebaluazioko Zuzendaritza Nagusiari, Eusko Jaurlaritzako Larrialdiei Aurre Egiteko eta Meteorologiako Zuzendaritzari, Bizkaiko Foru Aldundiko Natura Ondarea Zaintzeko Zerbitzuari, Bizkaiko Foru Aldundiko Ingurumenaren Kudeaketaren Zerbitzuari, Eusko Jaurlaritzako Energiaren, Meategien eta Industria Administrazioaren Zuzendaritzari, Eusko Jaurlaritzako Landaren eta Itsasertzaren Garapeneko eta Europar Politiketako Zuzendaritzari, Eusko Jaurlaritzako Industria Sailburuordetzari, Energiaren Euskal Erakundea-EEEri, Bizkaiko Aldundiari, Ekonomiaren Garapen, Jasangarritasun eta Ingurumen Saileko Bizkaiko Lurralde Ordezkaritzari, Estatuko Errepideen Aragoiko Barrutiari, Aireko Segurtasunaren Estatuko Agentziari, Trenbideko Azpiegituren Administratzaileari (ADIF), Iberdrola Distribución Eléctrica SAUri, Sociedad Española de Ornitologia elkarteari, Asociación Española para la Conservación y el Estudio de los Murciélagos elkarteari, Ekologistak Martxan erakundeari, Lurgaia Fundazioari, Lur Maitea elkarte ekologistari, Lanius ornitologia elkarteari, Erreka plataforma ekologistari, Castejón de Valdejasako eta Ejea de los Caballerosko udalei eta Cinco Villasko eskualdeari.

Orobat, eskaera jendaurrean jarri zen, abenduaren 1eko 1955/2000 Errege Dekretuan eta aipatutako abenduaren 9ko 21/2013 Legean aurreikusitakoarekin bat, argitara eman baitzen 2021eko 246. Estatuko Aldizkari Ofizialean, urriaren 14koan; 2021eko 240. Zaragozako Aldizkari Ofizialean, urriaren 19koan; eta 2021eko 201. Bizkaiko Aldizkari Ofizialean, urriaren 19koan. Zenbait alegazio jaso ziren, eta "Tebe" sustatzaileak erantzun zituen.

Era berean, honako hauei igorri zitzaizkien aurreproiektuen eta ingurumen-inpaktuaren azterketaren separatak, txosten eskaerekin batera, bat etorriz abenduaren 9ko 21/2013 Legean ezarritakoarekin: Aragoiko Gobernuko Aragoiko Ingurumen Kudeaketarako Institutuari, Ebroko Konfederazio Hidrografikoari, Aragoiko Gobernuko Kultura Ondarearen Zuzendaritza Nagusiari, Aragoiko Gobernuko Osasun Publikoko Zuzendaritza Nagusiari, Aragoiko Gobernuko Barne eta Babes Zibileko Zuzendaritza Nagusiari, Bizkaiko Foru Aldundiko Kultura Ondarearen Sailari, Bizkaiko Foru Aldundiko Iraunkortasuna eta Ingurune Naturala Zaintzeko Sailari, Eusko Jaurlaritzako Kultura eta Hizkuntza Politika Sailari, Eusko Jaurlaritzako Natura Ondare eta Klima Aldaketa Zuzendaritzari, Eusko Jaurlaritzako Osasun Sailaren Bizkaiko Lurralde Ordezkaritzari, Eusko Jaurlaritzako Lurralde Plangintza, Etxebizitza eta Garraio Sailari, Bizkaiko Foru Aldundiko Lurralde Antolamenduko eta Hirigintza eta Ingurumen Ebaluazioko Zuzendaritza Nagusiari, Uraren Euskal Agentziari, Eusko Jaurlaritzako Larrialdiei Aurre Egiteko eta Meteorologiako Zuzendaritzari, Bizkaiko Foru Aldundiko Ingurumen Kalitatearen Zerbitzuari, Bizkaiko Foru Aldundiko Natura Ondarearen Zerbitzuari, Bizkaiko Foru Aldundiko Ingurumenaren Kudeaketaren Zerbitzuari eta Kantauriko Konfederazio Hidrografikoari.

Gobernuak Aragoin duen Ordezkaritzako Industria eta Energiaren Arlo Funtzionalak txosten bat eman zuen 2022ko apirilaren 1ean, geroago osatua, eta Gobernuak Bizkaian duen Ordezkariordetzako Industria eta Energia Bulegoak txosten bat egin zuen 2022ko apirilaren 9an, geroago osatua.

PFot-677 espedientea izapidetzeari dagokionez, "Ume" sustatzailearen eta Energía Inagotable de Tebe SLren arteko akordioaren aurretik.

Espedienteari hasiera eman zitzaion Gobernuak Aragoin duen Ordezkaritzako Industria eta Energiaren Arlo Funtzionalean, Gobernuak Nafarroan duen Ordezkaritzako Industria eta Energia Arloan, Gobernuak Bizkaian duen Ordezkariordetzako Industria eta Energia Bulegoan eta Gobernuak Gipuzkoan duen Ordezkariordetzako Industria eta Energia Bulegoan, eta izapidetu zen bat etorriz Energia elektrikoa garraiatu, banatu eta merkaturatzeko jarduerak, haren hornidura eta haren instalazioetarako baimenen prozedurak arautzen dituen abenduaren 1eko 1955/2000 Errege Dekretuan eta Ingurumen Ebaluazioari buruzko abenduaren 9ko 21/2013 Legean xedatutakoarekin, eta kasuan kasuko txostenak eskatu zitzaizkien administrazioei, erakundeei eta zerbitzu publikoko edo interes orokorreko zerbitzuetako enpresei, instalazioak haien kargurako ondasunak eta eskubideak ukitzen dituen heinean.

Jaso diren honako hauen erantzunetan ondorioztatzen da ez daudela instalazioaren kontra: Aragoiko Gobernuko Osasun Publikoko Zuzendaritza Nagusia, Aragoiko Gobernuko Barne eta Babes Zibileko Zuzendaritza Nagusia, Telefónica de España SAU, Zaragozako Probintziako Diputazioa (Bideak eta Obrak), Nafarroako Gobernuko Kultura Zuzendaritza Nagusia, Nafarroako Gobernuko Industriaren, Energiaren eta S3 Proiektu Estrategikoen Zuzendaritza Nagusia, Bizkaiko Foru Aldundiko Kultura Ondarearen Saila, Gobernuak Araban duen Ordezkaritza-Bizkaiko Sustapen Arloa eta Eusko Jaurlaritzako Osasun Publikoaren eta Adikzioen Zuzendaritza. "Ume" sustatzaileari igorri zaizkio erantzun horiek, eta ados dagoela jakinarazi du.

Jaso diren honako hauen erantzunetan baldintzak ezartzen dira "Ume" sustatzaileak egin beharreko jarduerak gauza ditzan: Ebroko Konfederazio Hidrografikoa, Aragoiko Gobernuko Kultura Ondarearen Zuzendaritza Nagusia, Red Eléctrica de España SAU, Zaragozako Probintziako Hirigintza Kontseilua, Nafarroako Gobernuko Barne eta Babes Zibileko Zuzendaritza Nagusia, Eusko Jaurlaritzako Kultura Ondarearen Zuzendaritza, Eusko Jaurlaritzako Larrialdiei Aurre Egiteko eta Meteorologiako Zuzendaritza, Gipuzkoako Foru Aldundiko Kultura Zuzendaritza Nagusia eta Adiosko, Biotako eta Sadabako udalak. "Ume" sustatzaileari igorri zaizkio erantzun horiek, eta ados dagoela jakinarazi du.

Jaso diren honako hauen erantzunetan alegazioak eta oharrak azaltzen dira, eta "Ume" sustatzaileak bildu eta erantzun zehatzak eman dizkio erakunde bakoitzari, bere jarrera argudiatzeko: Aragoiko Gobernuko Energiako eta Meatzeetako Zuzendaritza Nagusia, Aragoiko Gobernuko Lurralde Antolamenduko Kontseilua, Aragoiko Gobernuko Lurralde Antolamenduko Zuzendaritza Nagusia, Aragoiko Gobernuko Errepideen Zuzendaritza Nagusia, Sociedad Española de Ornitología (SEO-Birdlife), Nafarroako Gobernuko Lurralde Antolamenduko Zuzendaritza Nagusia, Nafarroako Gobernuko Osasun Zuzendaritza Nagusia, Eusko Jaurlaritzako Lurralde Plangintzaren eta Hiri Agendaren Zuzendaritza, Energiaren Euskal Erakundea-EEE, Bizkaiko Foru Aldundia eta Añorbeko, Arakilgo, Arruazuko, Artaxoako, Bakaikuko, Itza zendeako, Zizurko, Enerizko, Etxarri Aranazko, Irañetako, Oltza zendeako, Lakuntzako, Legardako, Muruzabalgo, Uharte Arakilgo, Urdiaingo, Utergako, Mallabiko, Garaiko, Iurretako, Amorebieta-Etxanoko, Lezamako, Zamudioko, Derioko, Legazpiko eta Elgetako udalak. Erakundeen ihardespenik jaso ez denez, ulertzen da ados daudela, halaxe xedatzen baitu abenduaren 1eko 1955/200 Errege Dekretuaren 127.4 artikuluak.

Aragoiko Ingurumen Kudeaketarako Institutuaren (INAGA) erantzuna jaso da, non zenbait ohar egiten baitira ingurumenari buruz, eta ondorioztatzen da ez dagoela instalazioaren kontra. "Ume" sustatzaileak INAGAren oharrei erantzun die. Bestalde, INAGAk, bigarren erantzunean, hasierako jarrera berretsi du. Edozein kasutan, ingurumen arloko oharrak proiektuaren ingurumen-inpaktuaren ebaluazio arruntean izapidetzen dira; ebaluazio horretan oinarriturik ebatzi da proiektuaren ingurumen-inpaktuaren adierazpena, bai eta "Ume" sustatzaileak proiekturako kontuan hartu behar dituen baldintza eta neurri gehigarriak ere.

Nafarroako Gobernuko Ingurumen Zuzendaritza Nagusiaren erantzuna jaso da. Erantzun horrek kontrako txostena egiten du, PEol-522 espedientean ("Kyoko" haize-parkea) arrazoi berberak eman zirela alegatuz. "Ume" sustatzaileak esan du proiektu desberdinak direla. Bestalde, erakundeak, bigarren erantzunean, hasierako jarrera berretsi du. Edozein kasutan, ingurumen arloko oharrak proiektuaren ingurumen-inpaktuaren ebaluazio arruntean izapidetzen dira; ebaluazio horretan oinarriturik ebatzi da proiektuaren ingurumen-inpaktuaren adierazpena, bai eta "Ume" sustatzaileak proiekturako kontuan hartu behar dituen baldintza eta neurri gehigarriak ere.

Eusko Jaurlaritzako Natura Ondare eta Klima Aldaketa Zuzendaritzaren erantzuna jaso da, zeinetan zenbait alegazio azaltzen baitira, haren ustez, erantzun ez direnak espedientea izapidetu bitartean. "Ume" sustatzaileari igorri zaio, eta hark bere jarrera argudiatu eta planteatutako gaiei erantzun zehatzak eman dizkie. Erakundeak bere horretan jarraitzen du bigarren erantzunean, eta egindako guztia ingurumen organoari igor dakion eskatu du, espedientea izapidetzen jarraitzeko. Edozein kasutan, ingurumen arloko oharrak proiektuaren ingurumen-inpaktuaren ebaluazio arruntean izapidetzen dira; ebaluazio horretan oinarriturik ebatzi da proiektuaren ingurumen-inpaktuaren adierazpena, bai eta "Ume" sustatzaileak proiekturako kontuan hartu behar dituen baldintza eta neurri gehigarriak ere.

Uraren Euskal Agentziaren eta Kantauriko Konfederazio Hidrografikoaren erantzuna jaso da. Alegazio batzuk egin dituzte, eta prebentzio-neurriak eta neurri zuzentzaileak hartu behar direla azaldu dute. "Ume" sustatzaileari igorri zaio, eta hark, adostasuna adierazita, konpromisoa hartu du 533. euskarria lehentasunezko fluxu eremutik kanpo mugitzeko, erakundeen eskakizunak betetzeko.

Bizkaiko Foru Aldundiko Iraunkortasuna eta Ingurune Naturala Zaintzeko Sailaren erantzuna jaso da. Bertan, ingurumenari buruzko alegazioak eta oharrak aurkeztu dira. "Ume" sustatzaileak argudioak emanez erantzun ditu. Erakundeak alegazioak berretsi ditu bigarren txosten batean, eta proiektua ez dela baimendu behar adierazi. Edozein kasutan, ingurumen arloko oharrak proiektuaren ingurumen-inpaktuaren ebaluazio arruntean izapidetzen dira; ebaluazio horretan oinarriturik ebatzi da proiektuaren ingurumen-inpaktuaren adierazpena, bai eta "Ume" sustatzaileak proiekturako kontuan hartu behar dituen baldintza eta neurri gehigarriak ere.

Gipuzkoako Foru Aldundiko Ingurumen Zuzendaritza Nagusiaren erantzuna jaso da, non adierazi baitu ez dagoela ados proiektuarekin, ez daudelako behar bezala frogatuta haren komenigarritasuna eta interes orokorra eta ez duelako behar adina bermatzen inpaktuak onargarriak izanen direla. "Ume" sustatzaileari igorri zaio, eta hark bere argudioak azaldu ditu, eta erakundeak adierazitakoa arbuiatu. Azkenik, erakundeak bigarren erantzunean adierazitakoa berretsi du. Edozein kasutan, ingurumen arloko oharrak proiektuaren ingurumen-inpaktuaren ebaluazio arruntean izapidetzen dira; ebaluazio horretan oinarriturik ebatzi da proiektuaren ingurumen-inpaktuaren adierazpena, bai eta "Ume" sustatzaileak proiekturako kontuan hartu behar dituen baldintza eta neurri gehigarriak ere.

Zaldibarko, Berrizko, Muxikako, Mungiako, Gatikako, Gabiriako eta Bergarako udalek erantzun dute proiektuaren aurka daudela. "Ume" sustatzaileari igorri zaio, eta hark bere jarrera argudiatu eta planteatutako gaiei erantzun zehatzak eman dizkie. Erantzun horiek erakundeetara igorri dira, eta, kasu guztietan, aurka daudela berretsi dute bigarren erantzunean. Nabarmentzekoa da Bergarako Udalaren kasua, proiektuaren aurka baitago udalerriko Hiri-antolamenduko Plan Orokorreko 43. eremuko gatazka konpondu beharra dagoelako.

Honako hauei kontsulta eginda, ez da erantzunik jaso, eta, beraz, abenduaren 1eko 1955/2000 Errege Dekretuaren 127.2 artikuluan xedatutakoari jarraituz, ados daudela ulertzen da: Estatuko Errepideen Aragoiko Barrutiari, Nafarroako Gobernuko Herri-lanen eta Azpiegituren Zuzendaritza Nagusiari, Eusko Jaurlaritzako Ingurumen Kalitatearen eta Ekonomia Zirkularraren Zuzendaritzari, Eusko Jaurlaritzako Energiaren, Meategien eta Industria Administrazioaren Zuzendaritzari, Eusko Jaurlaritzako Landaren eta Itsasertzaren Garapeneko eta Europar Politiketako Zuzendaritzari, Eusko Jaurlaritzako Proiektu Estrategikoen eta Industria Administrazioaren Zuzendaritzari, Eusko Jaurlaritzako Garraio Azpiegituren Zuzendaritzari, Eusko Jaurlaritzako Industria Sailburuordetzari, Euskal Trenbide Sareari, Eusko Jaurlaritzako Osasun Sailaren Bizkaiko Lurralde Ordezkaritzari, Bizkaiko Foru Aldundiko Lurralde Antolamenduko eta Hirigintza eta Ingurumen Ebaluazioko Zuzendaritza Nagusiari, Bizkaiko Foru Aldundiko Natura Ondarearen Zerbitzuari, Bizkaiko Foru Aldundiko Ingurumenaren Kudeaketaren Zerbitzuari, Bizkaiko Foru Aldundiko Azpiegituretarako eta Lurralde Garapenerako Sailari, Bizkaiko Foru Aldundiko Interbiak ABMPri, Ekonomiaren Garapen, Jasangarritasun eta Ingurumen Sailaren Bizkaiko Lurralde Ordezkaritzari, Bizkaiko Foru Aldundiko Azpiegituretarako eta Lurralde Garapenerako Saileko Berrikuntza eta Errepide Kudeaketako Zuzendaritza Nagusiari, Gipuzkoako Foru Aldundiko Mendietako eta Natura Inguruneko Zuzendaritza Nagusiari, Gipuzkoako Foru Aldundiko Bide Azpiegituretako Departamentuari, Gipuzkoako Foru Aldundiko Prebentzio, Su Itzalketa eta Salbamendu Zuzendaritza Nagusiari, .Aireko Segurtasunaren Estatuko Agentziari, Administrazioaren eta Trenbide Azpiegituren Administratzaileari (ADIF), Endesa SLri, Iberdrola Distribución Eléctrica SAUri, Compañía Logística de Hidrocarburosi (CLH), Asociación Española para la Conservación y el Estudio de los Murciélagos elkarteari, Ekologistak Martxan elkarteari, Lurgaia Fundazioari, Lur Maitea elkarte ekologistari, Erreka plataforma ekologistari, Lanius elkarte ornitologikoari, Cinco Villas eskualdeari eta Castejón de Valdejasako, Ejea de los Caballerosko, Altsasuko, Arbizuko, Beireko, Zarrakazteluko, Kasedako, Galipentzuko, Iturmendiko, Murillo el Frutoko, Olaztiko, Erriberriko, Pitillasko, Tafallako, Uxueko, Ziordiko, Larrabetzuko udalei, Gipuzkoako eta Arabako Partzuergo Orokorrari, Idiazabalgo, Ormaiztegiko eta Antzuolako udalei.

Orobat, eskaera jendaurrean jarri zen, abenduaren 1eko 1955/2000 Errege Dekretuan eta aipatutako abenduaren 9ko 21/2013 Legean aurreikusitakoarekin bat, argitara eman baitzen 2021eko 232. Estatuko Aldizkari Ofizialean, irailaren 28koan; 2021eko 193. Gipuzkoako Aldizkari Ofizialean, irailaren 28koan; 2021eko 193. Bizkaiko Aldizkari Ofizialean, urriaren 6koan; 2021eko 231. Zaragozako Aldizkari Ofizialean, urriaren 7koan; eta 2021eko 236. Nafarroako Aldizkari Ofizialean, urriaren 8koan. Zenbait alegazio jaso ziren, eta "Ume" sustatzaileak erantzun zituen.

Aipatzekoa da Siemens Gamesa Renewable Energy Wind Farms SA Unipersonal sustatzaileak egindako alegazioa, non eskatzen baitu kontuan har daitezela PEol-390AC espedientean sartuta dauden Siemens Gamesaren "Ejea" eta "Sádaba" haize-parkeen proiektuei eragindako nahasmenduak. "Ume" sustatzaileak, bere aldetik, uste du ezen, "Ejea" eta "Sabada" proiektuen heldutasuna zalantzazkoa denez, ezin izanen dituztela dagozkien administrazio-baimenak lortu.

Era berean, honako hauei igorri zitzaizkien aurreproiektuen eta ingurumen-inpaktuaren azterketaren separatak, txosten eskaerekin batera, bat etorriz abenduaren 9ko 21/2013 Legean ezarritakoarekin: Aragoiko Gobernuko Aragoiko Ingurumen Kudeaketarako Institutuari, Ebroko Konfederazio Hidrografikori, Kantauriko Konfederazio Hidrografikoari, Uraren Euskal Agentziari, Aragoiko Gobernuko Kultura Ondarearen Zuzendaritza Nagusiari, Aragoiko Gobernuko Osasun Publikoko Zuzendaritza Nagusiari, Aragoiko Gobernuko Barne eta Babes Zibileko Zuzendaritza Nagusiari, Nafarroako Gobernuko Kultura Zuzendaritza Nagusiari, Nafarroako Gobernuko Ingurumen Zuzendaritza Nagusiari, Nafarroako Gobernuko Barne eta Babes Zibileko Zuzendaritza Nagusiari, Nafarroako Gobernuko Osasun Zuzendaritza Nagusiari, Eusko Jaurlaritzako Kultura Ondarearen Zuzendaritzari, Eusko Jaurlaritzako Natura Ondare eta Klima Aldaketa Zuzendaritzari, Eusko Jaurlaritzako Osasun Publikoaren eta Adikzioen Zuzendaritzari, .Eusko Jaurlaritzako Lurralde Plangintzaren eta Hiri Agendaren Zuzendaritzari, Eusko Jaurlaritzako Larrialdiei Aurre Egiteko eta Meteorologiako Zuzendaritzari, Ingurumen Kalitatearen eta Ekonomia Zirkularraren Zuzendaritzari, Bizkaiko Foru Aldundiko Kultura Ondarearen Sailari, Bizkaiko Foru Aldundiko Iraunkortasuna eta Ingurune Naturala Zaintzeko Sailari, Eusko Jaurlaritzako Osasun Sailaren Bizkaiko Lurralde Ordezkaritzari, Bizkaiko Foru Aldundiko Lurralde Antolamenduko eta Hirigintza eta Ingurumen Ebaluazioko Zuzendaritza Nagusiari, Bizkaiko Foru Aldundiko Natura Ondarearen Zerbitzuari eta Bizkaiko Foru Aldundiko Ingurumenaren Kudeaketaren Zerbitzuari.

Gobernuak Aragoin duen Ordezkaritzako Industria eta Energiaren Arlo Funtzionalak txostena egin zuen 2022ko martxoaren 29an; Gobernuak Nafarroan duen Ordezkaritzako Industria eta Energia Arloak txostena egin zuen 2022ko apirilaren 8an; Gobernuak Bizkaian duen Ordezkariordetzako Industria eta Energia Bulegoak txostena egin zuen 2022ko maiatzaren 13an, eta Gobernuak Gipuzkoan duen Ordezkariordetzako Industria eta Energia Bulegoak txostena egin zuen 2022ko ekainaren 23an (guztiak geroago osatu ziren).

Kontuan izanik ezen, abenduaren 9ko 21/2013 Legearen 42. artikuluak ezartzen duenez, organo substantiboak behar bezala kontuan hartu beharko duela, proiektua baimentzeko prozeduran, egindako ingurumen-inpaktuaren ebaluazioa.

Instalazioaren aurreproiektuei eta haren ingurumen-inpaktuaren azterketari (aurrerantzean, IIAZ) ingurumen-inpaktuaren ebaluazioaren prozedura egin zaie, eta aldeko ingurumen-inpaktuaren adierazpena egin da (aurrerantzean, IIAD edo ingurumen-inpaktuaren adierazpena), zeina zehaztu baita Trantsizio Ekologikorako eta Erronka Demografikorako Ministerioaren Ingurumen Kalitatearen eta Ebaluazioaren Zuzendaritza Nagusiaren 2023ko urriaren 17ko Ebazpenaren bidez. Ebazpen horretan, ingurumen arloko baldintzak ezartzen dira, egindako ingurumen-ebaluazioaren ondoriozkoak, prebentzio-, zuzenketa- eta konpentsazio-neurriak barne. Behar bezala argitaratuta dago Estatuko Aldizkari Ofizialean.

IIADan ezarritakoaren arabera, proiektuari aplikatuko zaizkio ezarritako ingurumen arloko baldintzak, prebentzio-, zuzenketa- eta konpentsazio-neurriak eta, hala badagokio, IIAZn jasotako jarraipen-neurriak, jendaurreko informazioaren eta kontsulten ondoren onetsitakoak, eta informazio gehigarrian proposatutakoak, betiere IIADan xedatutakoaren aurkakoak ez badira.

IIADan proiektuari ezarritako baldintza guztiak bete behar badira ere, hura baita nahitaezko txosten erabakigarria, ezartzen duena, abenduaren 9ko 21/2013 Legearen 41. artikuluarekin bat, zer baldintzatan gara daitekeen proiektua, bai exekuzioan bai ustiapenean, proiektua definitzeko kontuan hartuko dira, bereziki eta besteak beste, IIADan xedatutako baldintza eta neurri hauek, eta, hala badagokio, horretarako beharrezkoa den dokumentazioa aurkeztuko da:

–Eraikitzeko administrazio-baimena eman aurretik, sustatzaileak eraikuntza-proiektua aurkeztu beharko dio ukitutako autonomia erkidegoetan ingurumen arloan eskudun den organoari, jakinaren gainean egon dadin eta aldeko txostena eman dezan, hori guztia baldintza orokorrarekin bat (1).

–Landarediari, Batasunaren intereseko habitatei eta faunari buruzko neurri guztiak, proiektua gauzatu aurretik, adostu beharko dira Aragoiko Gobernuan ingurune naturalaren eta biodibertsitatearen arloan eskumena duen organoarekin (Aragoirako proiektatutako azpiegiturei dagokienez), bai eta Bizkaiko Foru Aldundian eta Eusko Jaurlaritzan jasangarritasunaren eta ingurune naturalaren arloan eskumena duen organoarekin ere (Euskal Autonomia Erkidegorako proiektatutako azpiegiturei dagokienez), hori guztia neurri prebentibo, zuzentzaile eta konpentsatzaileen baldintzarekin bat (1.2).

–Plaketako jariatzeak lurzoruan izanen dituen ondorioak prebenitzeko asmoz, sustatzaileak azken eraikuntza-proiektua diseinatu ondoren, Aragoiko Autonomia Erkidegoan natura-ingurunearen eta biodibertsitatearen arloan eskumena duen organoari eta Ebroko Konfederazio Hidrografikoari jakinarazi beharko zaie zer jarduketa proposatzen den azkenean drainatze sarean euri-urak husteko, hori guztia lurzoruaren, lurpearen eta geodibertsitatearen baldintzarekin bat (4).

–Edozein jarduera egin ahal izateko jabari publiko hidraulikoan, zortasun-eremuan (5 metro) eta polizia-eremuan (100 metro), eta lursailera edo ibilgu publikoetara hondakin-urak isurtzeko, beharrezkoa izanen da administrazio hidrauliko eskudunaren nahitaezko baimena edukitzea, Uraren Euskal Agentzian izapidetu ondoren. Baimen horretan aztertuko dira kasuan-kasuan ezaugarriak eta ukipenak, eta, hala badagokio, egoki diren aginduak ezarriko dira, hori guztia uraren eta hidrologiaren baldintzarekin bat (2).

–Lurrazaleko zein lurpeko urak hartzeko, beharrezkoa izanen da nahitaezko emakida izatea, dagokion konfederazio hidrografikoak edo Uraren Euskal Agentziak emana, nork duen eskumena. Era berean, obrak egiten diren bitartean lursailera eta ibilgu publikoetara isurketak egiteko, gogorarazten da beharrezkoa izanen dela aldez aurretik isurtzeko baimena izatea. Baimen horretan ezarriko dira, hala badagokio, kasuan kasuko aginduak. 220 kV-eko Gatikako Promotores TAEaren instalazioei dagokienez, komunak egitea aurreikusten denez, isurketa-baimena eskatu beharko zaio Uraren Euskal Agentziari. Horri dagokionez, udal sare batera konektatzea bideragarria denean, sare horretara konektatu beharko dira eska daitezkeen baldintzetan, hori guztia uraren eta hidrologiaren baldintzarekin bat (3).

–Lurpeko ebakuazio-linearen kasu zehatzerako, eraikuntza-metodologia egokiarekin egin beharko dira lurperatzeko obrak, inongo ibilgurik desbideratu ez dadin eta alda ez dadin edozein dimentsio espazialetan. Horretarako, arroko erakundearen edo, hala badagokio, Uraren Euskal Agentziaren administrazio-baimena beharko da. Horri dagokionez, kontuan hartu beharko dira Urari buruzko 2000/60/EE Esparru Zuzentarauaren gidalerroak (zuzentarau horren transposizioa abenduaren 30eko 62/2003 Legearen bidez egin zen, zeinak aldatu baitzuen Urei buruzko Legearen testu bategina, zeinak urak babesteko helburuak eta jabari publiko hidraulikoa finkatzen baititu), uraren eta hidrologiaren baldintzarekin bat (5).

–Lehentasunezko fluxu eremuan ez da baimenduko erdi tentsioko edo goi tentsioko instalaziorik edo transformadorerik eraikitzea, baldin eta produktuak biltegiratu, eraldatu, manipulatu, sortu edo jabari publiko hidraulikora isurtzen badituzte edo giza osasunerako eta ingurunerako kaltegarriak badira. Halaber, ez da baimenduko eremu horretan eguzki-plakarik paratzea. Uholde-eremuaren barnean, eguzki-plakak jartzen ahalko dira baldin eta plaken beheko aldearen eta lursailaren arteko distantzia txikiagoa bada puntu horretan urak duen sakonera baino, hori guztia uraren eta hidrologiaren baldintzarekin bat (7).

–Baimena lortu baino lehen, landaredia leheneratzeko eta paisaia integraziorako plan bat txertatu beharko da eraikuntza planean, eskalan eta behar adinako xehetasunekin. Plan horretan bildu beharko dira sustatzaileak proiektuan sartu dituen leheneratze jarduketa guztiak, ebazpen honetan adierazitakoak barne, honako hauek zehaztuta eta kuantifikatuta: lan-eremuak, lurzorua prestatzeko metodoak, erabiliko diren landare espezieak, ereintza edo landatze metodoak eta gainerako preskripzio teknikoak. Horiez gain, jarduketa guztien aurrekontua eta kronograma sartuko dira, eta autonomia erkidegoan ingurumen arloan eskudun den organoari bidali beharko zaizkio, Batasunaren intereseko flora, landaredia eta habitaten baldintzarekin bat (4).

–Estepako hegaztiei dagokienez, instalazio fotovoltaikoengatik kendutako adinako azalerarekin konpentsatu beharko da. Edozein kasutan, neurri hori Aragoiko Gobernuko erakunde eskudunarekin adostu beharko da, eta hari buruzko txostena eman, hori guztia faunaren baldintzarekin bat (3).

–Aragoiko Gobernuko erakunde eskudunekin adostu beharko da zer landare eta nolakoak ezarriko diren instalazio fotovoltaikoen perimetroan landare-pantaila gisa, hori guztia paisaiaren baldintzarekin bat (4).

–Sustatzailearen prospekzio arkeologiko eta paleontologikoko txostenak aurkeztu beharko dira proiektua eraikitzeko baimena eman aurretik, Aragoiko Gobernuko edo Eusko Jaurlaritzako (kasua zein den) erakunde eskudunean, hori guztia kultura-ondarearen, ondasun materialen eta abelbideen baldintzarekin bat (2).

–Sustatzaileak proposatzen duen lurpeko ebakuazio-lineak ukitutako eremuaren kasuan, proiektua eraikitzeko baimena eman aurretik, lurpeko tarteen azken konfigurazioaren berri eman beharko zaie Aragoiko Gobernuko edo Eusko Jaurlaritzako erakunde eskudunei, kasua zein den. Erakunde horiek beharrezkotzat jotzen dituzten baldintzak edo neurriak ezartzen ahalko dituzte, beren eskumenen arabera, hori guztia kultura-ondarearen, ondasun materialen eta abelbideen baldintzarekin bat (6).

–Ingurumena zaintzeko programa IIADko baldintzetan jasotzen diren alderdi gehigarriekin osatu beharko da, eta, bereziki, 1.3 atalean adierazitakoarekin.

"Ume" sustatzaileak "Tebe" sustatzaileari lagatako ebakuazio-azpiegituren irismenari dagokionez, proiektua definitzeko, kontuan hartuko dira, bereziki eta besteak beste, ondotik zehazten diren baldintzak eta neurriak, IIADan adierazi zirenak (IIAD Ingurumen Kalitatearen eta Ebaluazioaren Zuzendaritza Nagusiaren 2023ko azaroaren 13ko Ebazpenaren bidez onetsi zen, "Zaragozako Castejón de Valdejasako udal-mugartean dagoen UME eguzki-instalazio fotovoltaikoa, 14,7 MWp-koa, eta horrekin lotutako ebakuazio-azpiegitura" proiektuaren gainean egindako ingurumen-ebaluazioaren esparruan), eta, hala badagokio, horretarako beharrezkoa den dokumentazioa aurkeztuko da:

–Eraikitzeko administrazio-baimena eman aurretik, sustatzaileak eraikuntza-proiektua aurkeztu beharko die, proiektuaren osagaiekin, xedapenekin eta behin betiko neurriekin batera, kasuan kasuko autonomia-erkidegoetan ingurumen arloan eskudun diren organoei, jakinaren gainean egon daitezen eta aldeko txostenak eman ditzaten, hori guztia baldintza orokorrarekin bat (1).

–Sustatzaileak bete beharko ditu ebazpen honetako e) atalean (Ingurumen-organoaren balorazioa) xedatutakoa eta baldintza hauetan jasotako baldintzak, hori guztia baldintza orokorrarekin bat (3). Hona hemen baldintza horiek:

Sustatzaileak aurkeztutako dokumentazioaren eta informazioaren arabera, 498. euskarritik 547. euskarriraino, REEren "Itxaso-Castejon/Muru" 400 kV-eko garraio-linearen ondoan (proiektatzen ari da) igarotzen da "Altsasuko adabegia-Gatika TAE" 400 kV-eko goi tentsioko aireko linearen tarteko ebakuaziorako linea elektrikoa. Ingurumen-ukipenak murrizteko asmoz, zuzendaritza nagusi honek ezartzen du bi lineak 498. euskarritik 547.erainoko tartean bateratzea dela irtenbiderik onena ingurumenaren aldetik, eta tarte horretan bete egin behar dira «Itxaso-Castejon/Muru 400 kV» proiektuaren ingurumen-inpaktuaren adierazpenean REEren linearako ezarritako baldintzak, baldin eta teknikoki eta segurtasunaren aldetik bideragarria bada linea horiek bateratzea, eta, hala badagokio, ezarri beharreko baimenak eta akordioak edukitzen badira.
Ikusi da azpiegiturek landare natural garrantzitsuak ukitzen ahal dituztela Euskal Autonomia Erkidegorako proiektatutako ebakuazio-linearen tartean, 548. euskarritik 673. euskarriraino, salbu eta "Itxaso-Castejón/Muru" 400 kV-eko goi tentsioko aireko linearen tartean, airekoa baita. Honako hau proposatu da:
- Dorreak handitzea. Euskarriak: 548., 549., 555., 556., 557., 560., 565., 569.etik 578.era bitarteko tartea, 586., 587., 588., 593., 594., 597., 598., 612., 613., 615., 616., 619., 621.etik 624.era bitarteko tartea, 630., 631., 634., 635., 638., 642., 643., 644., 649., 650., 653., 655., 656., 659., 665. eta 667.
- Gomendatzen da euskarri hauek birkokatzeko aukera aztertzea. Lehenik eta behin, 555. euskarrirako; kasu honetan, gainera, beste trazadura bat aztertu beharko da haren sarbiderako. Ahal dela, 565. euskarria pagaditik kanpo kokatuko da. 662. euskarriaren posizioa doitu beharko da, ahal den neurrian, Batasunaren intereseko 9340 habitatari ez eragiteko (Quercus ilex eta Quercus rotundifolia espezieetako basoak). Azkenik, 666. euskarria birkokatuko da, ahal dela, eremuan dagoen amezti eurosiberiarretik kanpo. 572. euskarriko lan-zelaia proiektatzen da Batasunaren intereseko 4030 habitata (Txilardi lehor europarrak) duen azalera batean; beraz, habitat horren gaineko ukipenak minimizatzeko, zelai horren azalera murriztuko da ahal den neurrian.
Aragoiko Autonomia Erkidegoa zeharkatzen duen ebakuazio-linearen tartea lurperatzea ("Valdejasa I TAE-Bayo adabegia" goi tentsioko aireko linearen tartea). Sustatzaileak lurpean sartzeko proposatu dituen ebakuazio-lineako tarteez gain, 119. euskarritik 157.erainoko tartea ere lurperatu behar da.

–Aurreikusi beharko da euskarriak goratzea edo handitzea sare hidrografikoa gurutzatzen den bakoitzean, katenaria altuagoa izanik ibaiertzeko landare-formazioen osotasuna errespetatu dadin, zuhaitzak barne, hori guztia uraren baldintzarekin bat (7).

–Urei buruzko Legearen Testu Bategina bete beharrez, zeina uztailaren 20ko 1/2001 Legegintzako Errege Dekretuaren bidez onetsi baitzen, bertan ezarrita dagoen bezala, arroko erakundearen administrazio-baimena beharko da jabari publiko hidraulikoan eta bere zortasun- eta polizia-eremuetan obrak edo lanak egiteko. Euskal Autonomia Erkidegoaren kasuan, eskaera Uraren Euskal Agentzian eginen da. Baimen horretan, ebaluatuko da proposatutako jarduketak bateragarriak diren urari buruzko araudi sektorialean uholde-arriskuko eremuko erabilerei ezarritako mugak betetzearekin, hori guztia uraren baldintzarekin bat (10).

–5 metroko zortasun-eremua, ibilgu publiko ororen mugatik neurtuta, bi ertzetan, libre eta erabilgarri utzi beharko da, eta bertan, baimentzen ahalko dira, soilik, uholdeen aurrean kalteberak ez diren eta ura husteko ahalmena nabarmenki murrizten ez duten jarduerak, hori guztia uraren baldintzarekin bat (11).

–Aireko lineen euskarriek luzera aldakorreko hankak izanen dituzte lurrera egokitzeko, azalera lauak sortu beharrik gabe haiek kokatzeko orduan, hori guztia Geologia eta Lurzoru baldintzarekin bat (8).

–Lehengoratze-jarduketak jasotzen dituen proiektu espezifiko bat aurkeztu beharko da, ingurumen arloan eskudun den administrazio autonomikoak onar ditzan, eta bertan aurreikusi beharko da mantentze-lanak eginen direla landareak erabat errotu arte, hori guztia Batasunaren intereseko landaredia, flora eta habitaten baldintzarekin bat (9).

–Sustatzailearen prospekzio arkeologiko eta paleontologikoko txostenak aurkeztu beharko dira proiektua eraikitzeko baimena eman aurretik, Aragoiko Gobernuko, Nafarroako Gobernuko edo Eusko Jaurlaritzako (kasua zein den) erakunde eskudunean, hori guztia kultura-ondarearen, ondasun materialen eta abelbideen baldintzarekin bat (1).

–Lurpeko ebakuazio-lineak ukitutako eremuaren kasuan, proiektua eraikitzeko baimena eman aurretik, lurpeko tarteen azken konfigurazioaren berri eman beharko zaie Aragoiko Gobernuko erakunde eskudunei. Erakunde horiek beharrezkotzat jotzen dituzten baldintzak edo neurriak ezartzen ahalko dituzte, beren eskumenen arabera, hori guztia kultura-ondarearen, ondasun materialen eta abelbideen baldintzarekin bat (3).

–Ingurumena zaintzeko programa IIADko baldintzetan jasotzen diren alderdi gehigarriekin osatu beharko da, eta, bereziki, iii) atalean adierazitakoarekin.

Onespenaren aurretik, IIAZn eta IIADan ezarritako baldintza eta neurri bakoitza zehaztu eta aurrekontuan sartu beharko ditu "Tebe" sustatzaileak, proiektuan nahiz haren adenda batean, xehakatuta, halako eran non aipatutako IIADan zehaztutako neurri bakoitza identifikatzen ahalko baita onetsi aurretik.

Aipatutako IIADak kontuan hartu ditu proiektua izapidetu bitartean jasotako txosten eta alegazioetan azaldutako errekerimenduei helduta egin diren aldaketak, zeinak jasota baitaude Ingurumen Kalitatearen eta Ebaluazioaren Zuzendaritza Nagusian aurkeztutako dokumentazio gehigarrian. Hona hemen proiektuan sarturiko aldaketa nagusiak:

–Linea lurperatzea 9. eta 10. euskarrien artean (1. eta 9. euskarrien arteko lurperatzea PFot-733 "Telemaco" espedientean jasota dago), 13. eta 44. euskarrien artean eta 44. eta 64. euskarrien artean (guztiak "Valdejasa 2" adabegiaren eta "Ejea" adabegiaren arteko lineako tartean).

–Aireko trazadura aldatzea 65. euskarritik 71.era, 74.etik 90.era, 119.etik 140.era eta 140.etik 157.era (guztiak "Ejea" adabegiaren eta "Bayo" adabegiaren arteko linean).

–553., 568., 627. eta 628. euskarriak birkokatzea (guztiak "Altsasu" adabegiaren eta "220kV Gatica Promotores" TAEaren arteko lineako tartean).

Kontuan hartzen da ezen, aipatutako IIADan ezarritakoa ukatu gabe, gerta daitekeela, abenduaren 1eko 1955/2000 Errege Dekretuaren 115. artikuluan aurreikusitakoaren arabera, izapidetu behar izatea Sektore Elektrikoari buruzko abenduaren 26ko 24/2013 Legearen 53. artikuluan xedatutako nahitaezko baimenak.

Arestian aipatutakoa kontuan hartuta, abenduaren 1eko 1955/2000 Errege Dekretuaren 115. artikuluan ezarritakoa aplikatuko da aurretiazko administrazio-baimena lortu duten sorkuntzarako instalazioetan aldaketa egiteko eta artikulu horretan ezarritako baldintza guztiak betetzeko.

Kontuan hartzen da Sektore Elektrikoari buruzko abenduaren 26ko 24/2013 Legearen 53.1. artikuluaren arabera ezin izanen dela sorkuntzarako instalazioetako administrazio-baimenik eman titularrak ez baditu aldez aurretik lortu banaketa- edo garraio-sareetan sartzeko eta konektatzeko baimenak.

Proiektuak garraio-sarera sartzeko baimena lortu du, sarera sartzeko bidegarritasun txostenaren bidez, konexiorako baldintza teknikoen betetzeari buruzko txostenaren bidez eta konexiorako baldintza teknikoen egiaztapenari buruzko txostenaren bidez, Red Eléctrica de España SAUren jabetzako 220kV-eko Gatika azpiestazioan.

Beraz, energia elektrikoaren ebakuazio-azpiegiturak parke fotovoltaikoa eta garraio-sarea konektatuko ditu, 220kV-eko Gatika azpiestazioan (Red Eléctrica de España SAUren jabetzakoa), garraio-sareak azpiestazio horretan izanen duen posizio berri baten bidez.

Abenduaren 1eko 1955/2000 Errege Dekretuaren 123.2 artikuluaren ondorioetarako, 2021eko apirilaren 25ean, ondotik zehazten direnek akordio bat sinatu zuten batera eta koordinatuta energia ebakuatzeko "Gatika 220kV REE" azpiestaziora "Tebe" instalazio fotovoltaikotik eta "Gaki", "Fuyu", "Hector", "Hotei", "Ikusa", "Ima", "Inagumi", "Inari", "Ino" eta "Izanagi" instalazio eolikoetatik eta "Telefo" instalazio fotovoltaikotik (espediente honetatik kanpo daude): Energía Inagotable de Tebe SL eta Energía Inagotable de Gaki SL, Energía Inagotable de Fuyu SL, Energía Inagotable de Hector SL, Energía Inagotable de Hotei SL, Energía Inagotable de Ikusa SL, Energía Inagotable de Ima SL, Energía Inagotable de Inagumi SL, Energía Inagotable de Inari SL, Energía Inagotable de Ino SL, Energía Inagotable de Izanagi SL eta Energía Inagotable de Telefo SL.

Era berean, 2021eko martxoaren 9an eta maiatzaren 6an, Energía Inagotable de Tebe SLk eta beste sustatzaile batzuek akordioak sinatu zituzten energia batera eta koordinatuta ebakuatzeko "Tebe" instalaziotik "Gatika 220kV REE" azpiestaziora eta garraio-sareko beste azpiestazio batzuetara (espediente honetatik kanpo daude).

Ezertan galarazi gabe ebazpen honekin, ingurumen-inpaktuaren adierazpenarekin eta sustatzaileak izapidetzean onartutako baldintzekin bat egin beharreko aldaketak, ebakuazio-azpiegituran honako jarduketa hauek aurreikusten dira:

–Lur azpiko linea, 30 kV-eko 3 zirkuiturekin, "Tebe" instalaziotik "Valdejasa SET 230/400kV" TAEraino.

–"Valdejasa 2 30/400 kV" TAE.

–"400 kV-eko Valdejasa 2 TAE – 30/400 kV-eko Valdejasa 2 adabegia" goi tentsioko linea.

–"Valdejasa 2 adabegia – Bayo adabegia" 400 kV-eko goi tentsioko linea, tarte hauetan banatuta: "Valdejasa 2 adabegia (9. euskarria) – Valdejasa adabegia (20. euskarria)", "Valdejasa adabegia (20. euskarria) – Sabinar adabegia (45. euskarria)", "Sabinar adabegia (45. adabegia) – Ejea adabegia (65. euskarria)", "Ejea adabegia (65. euskarria) – Bayo adabegia (166. euskarria)".

–"Bayo adabegia – Altsasu adabegia" 400 kV-eko goi tentsioko linea (SGEE/PEol-522 espedientean jasoa).

–"400 kV-eko Altsasu adabegia – 220 kV-eko Gatikako Promotores TAE" goi tentsioko linea.

–"Gatikako Promotores 220/400kV" TAE.

–"Gatikako Promotores 220 kV-eko TAE – Gatika 220 kV-eko TAE (REE)" goi tentsioko linea.

–220 kV-eko Gatika TAE, Red Eléctrica de España SAUren jabetzakoa, zerbitzuan dagoena.

Abenduaren 26ko 24/2013 Legeak enpresa ekimen askea aitortzen du energia elektrikoaren hornidurarako jardueretan aritzeko. Hala ere, abenduaren 26ko 24/2013 Legearen 53.4 artikuluaren arabera, sustatzaileak egiaztatu beharko du proiektua egiteko gaitasun legal, tekniko eta ekonomiko-finantzarioa duela. Horretarako, ebazpen proposamen bat bidali zaio Merkatuen eta Lehiaren Batzorde Nazionalari, dagokion txostena egin dezan, abenduaren 1eko 1955/2000 Errege Dekretuaren 127.6 artikuluan xedatutakoa kontuan hartuta.

Administrazio Publikoen Administrazio Prozedura Erkideari buruzko urriaren 1eko 39/2015 Legean xedatutakoarekin bat, zuzendaritza nagusi honen ebazpen proposamenari buruzko entzunaldia eman zaio sustatzaileari. Erantzun gisa, sustatzaileak oharrak eta agiriak aurkeztu ditu, eta, haiek aztertu ondoren, ebazpenari erantsi zaizkio, hein batean.

Kontuan hartzen da abenduaren 26ko 24/2013 Legeak energia elektrikoaren ekoizleen betebeharren artean ezartzen duela energia elektrikoa ekoizteko beharrezkoak diren jarduera guztiak garatu behar direla baimenean aurreikusitako baldintzetan eta, bereziki, instalatutako potentziaren segurtasunari, erabilgarritasunari eta mantentzeari dagokienez eta eska daitezkeen ingurumen arloko baldintzak betetzeari dagokionez.

2023ko azaroaren 22an, Energia Politikako eta Meatzeetako Zuzendaritza Nagusiak espedienteen metaketa desegiteko erabakia eman zuen, bereiz izapidetu daitezen "Tebe" eta "Telefo" parke fotovoltaikoen eta haien ebakuazio-azpiegituren aurretiazko administrazio-baimenen espedienteak, Zaragozako eta Bizkaiko probintzietan.

Energia elektrikoa garraiatzeko eta banatzeko sareetarako sarbideari eta konexioari buruzko abenduaren 29ko 1183/2020 Errege Dekretuak honako hau xedatzen du, bere bosgarren xedapen iragankorrean, errege dekretuak indarra hartzean izapidetzen ari diren instalazio elektrikoen espedienteei buruzkoan:

"1. Abenduaren 26ko 24/2013 Legearen 53. artikuluan aurreikusitako baimenen administrazio-izapideen ondorioetarako, azken xedapenetako hirugarrenaren lehenengo puntuan jasotzen den potentzia instalatuaren definizio berriak ondorioak sortuko ditu izapidetzen hasita dauden baina behin betiko ustiapen-baimena oraindik lortu ez duten instalazioetan.

2. Oro har, errege dekretu honek indarra hartu aurretik instalazio elektrikoak baimentzeko hasitako prozedurei potentzia instalatuaren definizio berria aplikatuko zaie. (...)."

Era berean, abenduaren 29ko 1183/2020 Errege Dekretuaren azken xedapenetako hirugarrenak ekainaren 6ko 413/2014 Errege Dekretuaren 3. artikuluaren bigarren paragrafoa aldatzen du (errege dekretu horren bidez arautu zen energia-iturri berriztagarrietatik, kogeneraziotik eta hondakinetatik energia elektrikoa ekoizteko jarduera). Hona hemen idazketa berria:

"Instalazio fotovoltaikoen kasuan, instalatutako potentzia honako bi hauen artean txikiena izanen da:

a) Instalazioko modulu fotovoltaikoen gehieneko potentzia unitarioen batura, baldintza estandarretan neurtuta, dagokion UNE arauaren arabera.

b) Inbertsorearen gehieneko potentzia edo, hala badagokio, instalazioa osatzen duten inbertsoreen potentzien batura".

Baimen hori ematen bada ere, lurraldearen antolamenduari eta ingurumenari dagozkien eta beharrezkoak diren kontzesio eta baimenak beharko dira, bai eta aplikatzekoak diren xedapenek eragindako beste guztiak ere. Halaber, obra egiteko beharrezkoak diren gainerako baimen guztiak eskuratu beharko dira.

Azaldutakoaren ondorioz, Energia Politikako eta Meatzeetako Zuzendaritza Nagusi honek,

EBAZTEN DU:

Bakarra.–Energía Inagotable de Tebe SLri aurretiazko administrazio-baimena ematea 44,20 MW-eko potentzia instalatuko "Tebe" instalazio fotovoltaikorako eta haren ebakuazio-azpiegituretarako (ondoren zehazten dira), ebazpen honetan jasotako berezitasunekin.

Proiektuaren xedea da instalazio fotovoltaiko bat eraikitzea, energia elektrikoa sortzeko eta energia hori sarera eramateko.

Hauek dira instalazio fotovoltaiko horren ezaugarri nagusiak, 2021eko ekaineko "Tebe parke fotovoltaikoa" aurreproiektuan jasotakoak:

–Teknologia mota: Eguzki-energia fotovoltaikoa.

–Instalatutako potentzia, ekainaren 6ko 413/2014 Errege Dekretuaren 3. artikuluaren arabera: 44,20 MW.

–Moduluen potentzia, guztira: 49,48 MW.

–Inbertsoreen potentzia, guztira: 44,20 MW.

–Sarbiderako ahalmena, Red Eléctrica de España SAUk emandako sarbide eta konexio baimenetan ezarritakoaren arabera: 38,20 MW.

–Ukitutako udal-mugartea: Castejón de Valdejasa, Zaragozako probintzian.

Honako hauek osatzen dute ebakuazio-azpiegitura, bilduta dagoena 2021eko ekaineko "Tebe parke fotovoltaikoa" aurreproiektuko agiri teknikoetan, "Valdejasa 2 400kV 90MVA azpiestazioa" proiektukoetan, "Valdejasa 2 TAE – Gatika 220kV-eko TAE (REE)" loturako 400kV-ko goi tentsioko aireko linea aurreproiektukoetan, "Valdejasa 1 TAE – 400kV-ko Gatika TAE (REE)" loturako 400kV-ko goi tentsioko aireko linearen aurreproiektukoetan eta "Gatikako Promotores 220kV-ko azpiestazioaren proiektukoetan (2021eko maiatzekoak dira):

–Lur azpiko 30 kV-eko linea, 3 zirkuiturekin, "Tebe" instalazio fotovoltaikoa eta Valdejasa 2 30/400 kV TAE lotuko dituena.

–Valdejasa 2 30/400 kV TAE azpiestazioa (90 MVA-eko transformadorea), Castejón de Valdejasan kokatua (Zaragoza).

–Aireko linea, Valdejasa 2 30/400 kV TAE azpiestaziotik Valdejasa 2 adabegiraino, honako ezaugarri nagusi hauekin:

Sistema: korronte alterno trifasikoa.
Luzera: 423,33 m.
Tentsioa: 400kV.
Mota: Duplex zirkuitu bakuna.
Ukitutako udal-mugarteak: Castejón de Valdejasa eta Ejea de los Caballeros, Zaragozako probintzian.

–Aireko linea, Valdejasa 2 adabegitik Valdejasa adabegiraino, honako ezaugarri nagusi hauekin:

Sistema: korronte alterno trifasikoa.
Luzera: 4.199 m.
Tentsioa: 220kV, 400kV.
Mota: Duplex zirkuitu bikoitza.
Ukitutako udal-mugarteak: Ejea de los Caballeros, Zaragozako probintzian.

–Aireko linea, Valdejasa adabegitik Sabinar adabegiraino, honako ezaugarri nagusi hauekin:

Sistema: korronte alterno trifasikoa.
Luzera: 8.816 m.
Tentsioa: 400kV.
Mota: Bost zirkuitu (duplex-kuadruplex).
Ukitutako udal-mugarteak: Ejea de los Caballeros, Zaragozako probintzian.

–Aireko linea, Sabinar adabegitik Ejea adabegiraino, honako ezaugarri nagusi hauekin:

Sistema: korronte alterno trifasikoa.
Luzera: 7.496 m.
Tentsioa: 220kV, 400kV.
Mota: Bost zirkuitu (duplex-triplex-kuadruplex).
Ukitutako udal-mugarteak: Ejea de los Caballeros, Zaragozako probintzian.

–Aireko linea, Ejea adabegitik Bayo adabegiraino, honako ezaugarri nagusi hauekin:

Sistema: korronte alterno trifasikoa.
Luzera: 34.581 m.
Tentsioa: 400kV.
Mota: Bost zirkuitu (duplex-kuadruplex).
Ukitutako udal-mugarteak: Ejea de los Caballeros, Biota eta Sádaba, Zaragozako probintzian.

–Aireko linea, Altsasu adabegitik Gatikako Promotores 220 kV-eko TAEraino, honako ezaugarri nagusi hauekin:

Sistema: korronte alterno trifasikoa.
Luzera: 79.168 m.
Tentsioa: 400kV.
Mota: Kuadruplex bi zirkuitu.
Ukitutako udal-mugarteak: Altsasu, Nafarroako probintzian; Gipuzkoako eta Arabako Partzuergo Orokorra; Idiazabal, Omaiztegi, Gabiria, Legazpi, Antzuola, Bergara eta Elgeta, Gipuzkoako probintzian; eta Zaldibar, Mallabia, Berriz, Garai, Iurreta, Muxika, Amorebieta-Etxano, Larrabetzu, Lezama, Zamudio, Derio eta Mungia, Bizkaiko probintzian.

–Gatikako Promotores 220/400 kV-eko TAE azpiestazioa (635 MVA-ko transformadorea), Mungian kokatua (Bizkaia).

–Aireko linea, Gatikako Promotores 220 kV-eko TAE azpiestaziotik Gatika 220 kV TAEraino, honako ezaugarri nagusi hauekin:

Sistema: korronte alterno trifasikoa.
Luzera: 1.570 m.
Tentsioa: 220kV.
Mota: Kuadruplex zirkuitu bikoitz-bakuna.
Ukitutako udal-mugarteak: Mungia eta Gatika, Bizkaiko probintzian.

Aurrekoa gorabehera, ekoizpen instalazioak egokitu beharko du ingurumen-inpaktuaren adierazpen horren edukira eta baimen hau izapidetzean sustatzaileak onartutako baldintzetara. Zehazki, ingurumen-inpaktuaren adierazpenean eskatutako baldintzak eta aldaketak bete beharko dira, eta, hala badagokio, ebakuazio-azpiegiturako edozein elementu lurperatu, aplikatzekoa izanen baita abenduaren 1eko 1955/2000 Errege Dekretuaren 115. artikuluan ezarritakoa (errege dekretu horren bidez energia elektrikoa garraiatu, banatu, merkaturatu eta hornitzeko jarduerak eta instalazioak baimentzeko prozedura arautu ziren), aurretiazko administrazio-baimena lortu duten sorkuntzarako instalazioen aldaketei dagokienez, eta artikulu horretan ezarritako baldintza guztiak bete beharko dira. Aurretiazko administrazio-baimena lortu behar da ingurumen-inpaktuaren adierazpena betetzearen ondorioz proposatzen eta egiten diren aldaketetarako, baldin ez badira betetzen aipatutako errege dekretuaren 115.2 artikuluko baldintzak.

Beraz, eraikitzeko administrazio-baimena ezin izanen da eman, eta prestaketa-obrak ezin izanen dira instalazioko ezein tokitan hasi abenduaren 1eko 1955/2000 Errege Dekretuaren 131.9 artikuluan aurreikusitako instalazioen kokapena egokitzeko, hau da, ez ebazpen honen xede diren ekoizpen-parkean, ez ebakuazio-azpiegituretan, barne dagoela, hala badagokio, garraio- edo banaketa-sarearekiko konexioa, baldin eta titularrak ez baditu aldez aurretik bete baldintza hauek:

a) Titularrari administrazio-baimena ematea, non jasotzen baitira aipatutako ingurumen-inpaktuaren adierazpenetik eta jendaurreko informazioaren eta kontsulten izapidetik eratorritako aldaketak, aurretiazko administrazio-baimen hau aldatzea eskatzen dutenak, abenduaren 1eko 1955/2000 Errege Dekretuaren 115. artikuluan aurreikusitakoaren arabera.

b) Merkatuen eta Lehiaren Batzorde Nazionalak ematea gaitasun legal, tekniko eta ekonomikoak baloratzen dituen txostena, 1955/2000 Errege Dekretuaren 127.6 artikuluan, irailaren 20ko 17/2022 Errege Lege-dekretuak emandako idazketan, aipatzen dena.

Sustatzaileak izapidetzean onartutako baldintzak bete beharko ditu, bai eta Ingurumen Kalitatearen eta Ebaluazioaren Zuzendaritza Nagusiaren ingurumen-inpaktuaren adierazpenean ezarritako baldintzak ere.

Era berean, bete beharko ditu Sistemaren Operadoreak ezartzen dituen arau teknikoak eta jarduteko prozedurak.

Baimen hau emateak ez du ezertan ukatzen aplikatu beharreko beste xedapen batzuen arabera beharrezkoak diren bestelako kontzesio eta baimenak lortzea, eta, bereziki, lurraldearen antolamenduari eta ingurumenari dagozkionak; halaber, obra gauzatzeko behar diren gainerako baimenak ere beharko dira.

Ebakuazio-azpiegituraren gainerako zatia, garraio-sarearekin lotu artekoa, ebazpen honen irismenetik kanpo gelditzen da (SGEE/PEol-522 espedientea), bai eta dagoeneko zerbitzuan den 220 kV-eko Gatika azpiestazioa ere, Red Eléctrica de España SAUren jabetzakoa.

Sektore Elektrikoari buruzko abenduaren 26ko 24/2013 Legearen 21.5 artikuluan xedatutakoaren ondorioetarako, ez da eraikitzeko administrazio-baimenik emanen harik eta espedienteek dagokien ebakuazio-azpiegitura eraikitzeko administrazio-baimena lortzen duten arte.

Eraikitzeko administrazio-baimena lortzeko, hiru hilabete igaro baino lehen, sustatzaileak justifikatu beharko du IIADan eta ebazpen honetan ezarritako baldintzek aurretiazko administrazio-baimen honetako potentzia instalatua murriztea dakarten edo ez, eta sartu beharko ditu, hala badagokio, aurkeztutako eskaeran hitzartutako potentzia mantentzeko hartu dituen neurriak; halaber, beharrezko jotzen duen beste edozein elementu aurkeztuko du. Era berean, aurkeztutako exekuzio proiektuari, zeina arloko erregelamendu teknikoen arabera prestatuko baita, aplikatzekoa zaion araudia bete dela egiaztatzeko erantzukizunpeko adierazpenarekin batera, behar den dokumentazioa erantsiko zaio, bai eta IIADan ezarritako baldintzak betetzen direla ziurtatzen duen erantzukizunpeko adierazpena ere, ebazpen honetan adierazitakoarekin bat eta abenduaren 26ko 24/2013 Legearen 53.4 artikuluan xedatutakoa betez.

Baimen hau iraungiko da baldin eta aipatu epea iraganik sustatzaileak ez badu eraikitzeko administrazio-baimenik eskatu, edo ez baditu eman arestian aipatutako agiriak, exekuzio proiektua gauzatu ahal izateko behar den eraikitzeko administrazio-baimena lortzeari begira. Edonola ere, sustatzaileak ezarritako epea luzatzea eskatzen ahalko du, justifikatutako arrazoiengatik, baina beti kontuan harturik Ekonomia berpizteko energia arloko eta beste arlo batzuetako neurriak onesten dituen ekainaren 23ko 23/2020 Errege Lege-dekretuan ezarritako epeak.

Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluetan eta Sektore Publikoaren Araubide Juridikoari buruzko urriaren 1eko 40/2015 Legearen 62.2.i) artikuluan xedatutakoarekin bat, ebazpen honek ez du administrazio bidea amaitzen, eta haren kontra gora jotzeko errekurtsoa aurkezten ahalko da, Energiaren estatu-idazkariari zuzendua, ebazpena jakinarazi eta biharamunetik hasita hilabeteko epean.

Epe hori iraganik errekurtsoa jarri gabe, ebazpena irmoa izanen da ondorio guztietarako. Epeak hilabeteka zenbatzeko, urriaren 1eko 39/2015 Legearen 30. artikuluan xedatutakoa bete beharko da.

2024ko urtarrilaren 13an.–Zuzendari nagusia, Manuel García Hernández.

Iragarkiaren kodea: E2402628

Sarbidea

Loturiko estekak

Nafarroako Aldizkari Ofiziala

Paseo Pablo Sarasate, 38, 2.º izda.

31001 - Iruña

848 42 12 50

bon@navarra.es