2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ZIZUR NAGUSIA
Merkataritza-establezimenduen errotulazioan euskara erabiltzeko dirulaguntzen deialdia. Laburpena
Dirulaguntzen Datu Base Nazionala (identifikazioa): 744750.
Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan ezarritakoaren arabera, deialdiaren laburpena argitaratzen da. Horren testu osoa datu base nazionalean aurki daiteke (https://www.infosubvenciones.es/bdnstrans/GE/es/convocatoria/744750).
Alkatetzaren 2024ko otsailaren 13ko 254/2024 Ebazpenaren bidez onartua.
Lehena.–Onuradunak.
Dirulaguntza eskatu ahalko dute Zizur Nagusiko merkatariek, beraien establezimenduko errotulazioan euskara erabiltzen badute (errotulazioa fatxada, erakusleiho, toldo eta merkataritzako ibilgailuetan).
Bigarrena.–Xedea.
Deialdi honen helburua da Zizur Nagusiko merkatariak laguntzea errotulazio berrien gastuekin, horietan euskara erabiliz gero.
Hirugarrena.–Oinarri arautzaileak.
Zizur Nagusiko merkataritza-establezimenduetako errotuluetan euskara erabiltzeko dirulaguntzen deialdia.
Laugarrena.–Zenbatekoa.
1.200 euro.
Bosgarrena.–Aurkezteko epea.
Eskaerak aurkezteko epea 2024ko azaroaren 30ean bukatuko da.
Zizur Nagusian, 2024ko otsailaren 19an.–Alkatea, Jon Gondán Cabrera.
Iragarkiaren kodea: L2402975
