2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ZIZUR NAGUSIA
Eraikinak birgaitzeko, irisgarritasunerako, energia-efizientziarako eta hiria berroneratzeko dirulaguntzen 2024ko deialdia. Laburpena
Dirulaguntzen Datu Base Nazionala (identifikazioa): 744482.
Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan ezarritakoaren arabera, deialdiaren laburpena argitaratzen da. Horren testu osoa datu base nazionalean aurki daiteke. Diru-laguntzak (https://www.infosubvenciones.es/bdnstrans/GE/es/convocatoria/744482).
2024ko otsailaren 16ko Alkatetzaren 196/2024 Ebazpenaren bidez onetsia.
Lehena.–Onuradunak:
Deialdiaren 5. oinarrian ezarritako betekizunak edo baldintzak betetzen dituzten pertsona edo erakunde eskatzaileak.
Bigarrena.–Xedea:
Deialdi honen helburua da bizitegi-eraikinen eta haien instalazioen energia-efizientzia aurrezteko eta hobetzeko jarduketak dinamizatzea. Jarduera horiek irisgarritasuna hobetzeko obretara bidera daitezke, bai eraikinetan, bai ingurunean, arkitektura eta hirigintza jasangarria eta ingurumena errespetatzen duena babestuz.
Beste helburuetako bat da horrelako obrak egin nahi dituzten jabekideen erkidegoetan erabakiak hartzea erraztea, egoera ekonomiko ahulenean dauden bizilagunek ordaindu beharreko kuotaren zati handi bat finantzatuz.
Hirugarrena.–Oinarri arautzaileak:
Eraikinak birgaitzeko, irisgarritasunerako, energia-efizientziarako eta hiria berroneratzeko laguntzen deialdia, 2024.
Laugarrena.–Zenbatekoa:
75.000 euro.
Bosgarrena.–Eskaerak aurkezteko epea:
Deialdia Nafarroako Aldizkari Ofizialean argitaratu eta hurrengo egunetik aurrera. Deialdi honetako dirulaguntzen eskabideak aurkezteko azken eguna 2024ko azaroaren 30a izango da.
Zizur Nagusian, 2024ko otsailaren 16an.–Alkatea, Jon Gondán Cabrera.
Iragarkiaren kodea: L2402906
