36. ALDIZKARIA - 2024ko otsailaren 19a

3. ESTATUKO ADMINISTRAZIOA

TRANTSIZIO EKOLOGIKORAKO ETA ERRONKA DEMOGRAFIKORAKO MINISTERIOA

Ebazpena, Energia Politika eta Meatzeetarako Zuzendaritza Nagusiak emana, zeinaren bidez Energía Inagotable de Tebe SLri aurretiazko administrazio baimena ematen baitzaio Tebe instalazio fotovoltaikorako (44,20 MW-eko potentzia instalatua) eta energia ateratzeko haren azpiegituretarako, Castejón de Valdejasa, Ejea de los Caballeros, Biota eta Sábadako udal-mugarteetan (Zaragoza); Altsasuko udal-mugartean (Nafarroa); Gipuzkoa eta Arabako Partzuergo Orokorrean; Idiazabal, Ormaiztegi, Gabiria, Legazpi, Antzuola, Bergara eta Elgetako udal-mugarteetan (Gipuzkoa), eta Zaldibar, Mallabia, Berriz, Garai, Iurreta, Muxika, Amorebieta-Etxano, Larrabetzu, Lezama, Zamudio, Derio, Mungia eta Gatikako udal-mugarteetan (Bizkaia). SEE/DGPEM/SGEE/PEol-678 Ebazpena (AAP)

Energía Inagotable de Tebe SLk (hemendik aitzina, Tebe sustatzailea), 2021eko ekainaren 29an, aurretiazko administrazio baimena eta ingurumen eraginaren adierazpena eskatu zituen Tebe instalazio fotovoltaikorako (49,48 MW, modulu fotovoltaikotan, eta 44,20 MW, inbertsoretan), eta energia ateratzeko haren azpiegituretarako, Zaragozako eta Bizkaiko probintzietan.

Energía Inagotable de Ume SLk (hemendik aitzina, Ume sustatzailea), 2021eko ekainaren 29an, aurretiazko administrazio baimena eta ingurumen eraginaren adierazpena eskatu zituen Ume instalazio fotovoltaikorako (14,7 MW, modulu fotovoltaikotan, eta 14,38 MW, inbertsoretan), eta energia ateratzeko haren azpiegituretarako, Zaragozan, Nafarroan, Gipuzkoan eta Bizkaian. Espediente hori PFot-677 erreferentziarekin izapidetu zen.

2023ko abenduaren 29an, Energía Inagotable de Ume SLk laga egin zion Energía Inagotable de Tebe SLri energia ateratzeko ondorengo azpiegituren titulartasuna (ebazpen honen xede den PFot-678 espedientera gehitu ziren), eta azpiegitura horiei dagokienez egindako izapideen emaitza onartu zuen:

–Valdejasa 2 lotunea (9 zenbakiko euskarria) - Valdejasa lotunea (20 zenbakiko euskarria) 400 kV-eko GTAL goi tentsioko linea.

–Valdejasa lotunea (20 zenbakiko euskarria) - Sabinar lotunea (45 zenbakiko euskarria) 400 kV-eko GTAL goi tentsioko linea.

–Sabinar lotunea (45 zenbakiko euskarria) - Ejea lotunea (65 zenbakiko euskarria) 400 kV-eko GTAL goi tentsioko linea.

–Ejea lotunea (65 zenbakiko euskarria) - Bayo lotunea (166 zenbakiko euskarria) 400 kV-eko GTAL goi tentsioko linea.

–Altsasu lotunea (498 zenbakiko euskarria) - Promotores Gatica 220 kV-eko TAEko 400 kV-eko GTAL goi tentsioko linea.

PFot-678 espedientearen izapideei dagokienez, Tebe sustatzailearen eta Energía Inagotable de Ume SLren arteko akordioaren aitzinetik.

Zuzendaritza Nagusi honek, 2021eko uztailaren 26an, metatzeko erabakia eman zuen, Tebe (PFot-678) eta Telefo (PFot-730) instalazio fotovoltaikoen, eta energia ateratzeko haien azpiegituren, aurretiazko administrazio baimenerako espedienteen izapideak batera egiteko, Zaragozan eta Bizkaian, PFot-678AC espediente zenbaki lotuarekin.

Espedienteari hasiera eman zitzaion Gobernuak Aragoin duen Ordezkaritzako Industria eta Energiako Arlo Funtzionalean eta Gobernuak Bizkaian duen Ordezkariordetzako Industria eta Energia Sailean, eta tramitatu zen bat etorriz Energia elektrikoa garraiatu, banatu eta merkaturatzeko jarduerak, haren hornidura eta haren instalazioetarako baimenen prozedurak arautzen dituen abenduaren 1eko 1955/2000 Errege Dekretuan eta Ingurumen Ebaluazioari buruzko abenduaren 9ko 21/2013 Legean xedatutakoarekin, eta kasuan kasuko txostenak eskatu zitzaizkien administrazioei, erakundeei eta zerbitzu publikoko edo interes orokorreko zerbitzuetako enpresei, instalazioak haien kargurako ondasunak eta eskubideak ukitzen dituen heinean.

Honako hauek emandako erantzunetatik ez da aurkakotasunik ondorioztatzen: Aragoiko Gobernuaren Osasun Publikoko Zuzendaritza Nagusia; Aragoiko Gobernuaren Barne eta Babes Zibileko Zuzendaritza Nagusia; Zaragozako Probintzia Diputazioa (Bideak eta Obrak); Eusko Jaurlaritzako Osasun Sailaren Bizkaiko Lurralde Ordezkaritza; Bizkaiko Foru Aldundiko Interbiak SAMP; Kantaurialdeko Konfederazio Hidrografikoa; Telefónica de España SAU eta E-Distribución Redes Digitales SL, Tebe sustatzaileari helarazi zaizkio erantzun horiek, eta ados dagoela adierazi du.

Honako erakunde hauek emandako erantzunetan, berriz, baldintzak ezarri dituzte Tebe sustatzaileak gauzatu beharreko jarduketak egiteko: Ebroko Konfederazio Hidrografikoa; Zaragozako Hirigintzako Probintzia Kontseilua; Bizkaiko Foru Aldundiko Ondare Kulturaleko Saila; Bizkaiko Gobernuko Azpiegituretarako eta Lurralde Garapenerako Saila; Bizkaiko Foru Aldundiko Azpiegituretarako eta Lurralde Garapenerako Saileko Berrikuntza eta Bide Kudeaketako Zuzendaritza Nagusia, eta Aragoiko Gobernuko Kultura Ondareko Zuzendaritza Nagusia. Tebe sustatzaileari helarazi zaizkio erantzun horiek, eta ados dagoela adierazi du.

Honako erakunde hauek emandako erantzunetan alegazioak eta oharrak egin dituzte: Aragoiko Gobernuko Energia eta Meatzeetako Zuzendaritza Nagusia; Aragoiko Gobernuko Lurralde Antolamenduko Kontseilua (COTA); Aragoiko Gobernuaren Lurralde Antolamenduko Zuzendaritza Nagusia; Aragoiko Gobernuaren Errepideetako Zuzendaritza Nagusia; Eusko Jaurlaritzako Kultura Ondarearen Zuzendaritza; Eusko Jaurlaritzako Lurralde Plangintza, Etxebizitza eta Garraio Saila; Uraren Euskal Agentzia; Bizkaiko Foru Aldundiko Ingurumen Kalitatearen Zerbitzua; Gobernuak Araban duen Ordezkaritza; Bizkaiko Sustapen Arloa; Red Eléctrica de España SAU, eta Biota, Sádaba, Castiliscar, Mungia eta Gatikako udalak. Tebe sustatzaileak haiek guziak jaso ditu; erantzun zehatzak eman dizkie erakundeei, eta bere jarrera argudiatu du. Erakundeen erantzunik jaso ez denez, ulertzen da ados daudela, halaxe xedatzen baitu abenduaren 1eko 1955/2000 Errege Dekretuaren 127.4 artikuluak.

Bizkaiko Foru Aldundiko Iraunkortasuna eta Ingurune Naturala Zaintzeko Sailaren erantzuna jaso da, eta haren bidez ingurumen arloko alegazioak eta oharrak egin ditu. Tebe sustatzaileak alegazio horiei erantzun die, eta alegazioak berriz igorri dizkio erakundeari. Erakundeak, berriz, bigarren erantzunean, hasierako jarrera berretsi du, eta proiektuaren aurka agertu da. Nolanahi ere, Ingurumen arloko oharrak aztertu egin dira proiektuaren ingurumen eraginaren ebaluazio arruntaren izapidearen barnean; ebaluazio horretan oinarriturik ebatzi da proiektuaren ingurumen eraginaren adierazpena, bai eta Tebe sustatzaileak proiekturako kontuan hartu behar dituen baldintza eta neurri gehigarriak ere.

Aragoiko Ingurumena Kudeatzeko Erakundearen (INAGA) erantzuna jaso da; erantzun horren bidez ez da aurkakotasunik ondorioztatzen, eta ingurumen arloko zenbait ohar egiten ditu. Tebe sustatzaileak erantzun egin die INAGAk egindako oharrei. INAGAk, bigarren erantzunean, hasierako jarrera berretsi du. Nolanahi ere, Ingurumen arloko oharrak aztertu egin dira proiektuaren ingurumen eraginaren ebaluazio arruntaren izapidearen barnean; ebaluazio horretan oinarriturik ebatzi da proiektuaren ingurumen eraginaren adierazpena, bai eta Tebe sustatzaileak proiekturako kontuan hartu behar dituen baldintza eta neurri gehigarriak ere.

Eusko Jaurlaritzako Natura Ondarearen eta Klima Aldaketaren Zuzendaritzaren erantzuna jaso da; haren bidez proiektuari onartezin deritzo, eta izapidetzen ari diren PFot-677 (Ume parke fotovoltaikoa) espedientean argudiatutakoa aipatu du, zeinaren bidez baimena eskatzen baita energia ateratzeko linearen zati baterako; linea hori Tebe parke fotovoltaikoak ere erabiltzen du. Tebe sustatzailea ez dago ados erakundeak adierazitakoarekin. Bigarren erantzunean, erakundeak hasierako jarrera berretsi du, eta eskatu du jarduketa guzien berri emateko ingurumen organoari, espedientea izapidetzen jarraitzeko. Nolanahi ere, Ingurumen arloko oharrak aztertu egin dira proiektuaren ingurumen eraginaren ebaluazio arruntaren izapidearen barnean; ebaluazio horretan oinarriturik ebatzi da proiektuaren ingurumen eraginaren adierazpena, bai eta Tebe sustatzaileak proiekturako kontuan hartu behar dituen baldintza eta neurri gehigarriak ere.

Honako erakunde hauei galdetu zaie: Bizkaiko Foru Aldundiko Lurralde Antolamenduko eta Hirigintzako Ingurumen Ebaluazioko Zuzendaritza Nagusia; Eusko Jaurlaritzako Larrialdiei Aurre Egiteko eta Meteorologiako Zuzendaritza; Bizkaiko Foru Aldundiaren Natura Ondarearen Zerbitzua; Bizkaiko Foru Aldundiko Ingurumena Kudeatzeko Zerbitzua; Eusko Jaurlaritzako Energia eta Meatzeetako eta Industria Administrazioko Zuzendaritza; Eusko Jaurlaritzako Landaren eta Itsasertzaren Garapeneko eta Europar Politiketako Zuzendaritza; Eusko Jaurlaritzako Industria Sailburuordetza; EEE - Energiaren Euskal Erakundea; Bizkaiko Foru Aldundia; Ekonomiaren Garapen, Jasangarritasun eta Ingurumen Sailaren Bizkaiko Lurralde Ordezkaritza; Estatuko Errepideen Aragoiko Demarkazioa; Aireko Segurtasunaren Estatuko Agentzia; Trenbide Azpiegituren Administratzailea (ADIF); Iberdrola Distribución Eléctrica SAU; Espainiako Ornitologia Elkartea; Saguzarrak Kontserbatu eta Aztertzeko Espainiako Elkartea; Ekologistak Martxan; Lurgaia Fundazioa; Lur Maitea Elkarte Ekologista; Lanius Ornitologia Elkartea; Erreka Plataforma Ekologista; Castejón de Valdejasa eta Ejea de los Caballerosko udalak, eta Cinco Villas eskualdea. Erakundeen erantzunik jaso ez denez, ulertzen da ados daudela, halaxe xedatzen baitu abenduaren 1eko 1955/2000 Errege Dekretuaren 127.2 artikuluak.

Orobat, eskaera jendaurrean jarri zen, abenduaren 1eko 1955/2000 Errege Dekretuan eta aipatutako abenduaren 9ko 21/2013 Legean ezarritakoarekin bat, eta Estatuko Aldizkari Ofizialean argitaratu zen 2021eko urriaren 14an (246 zenbakia), eta 021eko urriaren 19an Zaragozako Probintziako Aldizkari Ofizialean (240 zenbakia) eta Bizkaiko Aldizkari Ofizialean (201 zenbakia). Zenbait alegazio jaso ziren, eta Tebe sustatzaileak erantzun egin zituen.

Era berean, aitzinproiektuen eta ingurumen eraginaren azterketaren separatak igorri zitzaizkien, txosten eskaerekin batera, Ingurumen Ebaluazioari buruzko abenduaren 9ko 21/2013 Legean ezarritakoarekin lotuta, honako erakunde hauei: Aragoiko Gobernuko Ingurumena Kudeatzeko Aragoiko Institutua; Ebroko Konfederazio Hidrografikoa; Aragoiko Gobernuko Kultura Ondareko Zuzendaritza Nagusia; Aragoiko Gobernuko Osasun Publikoko Zuzendaritza Nagusia; Aragoiko Gobernuko Barne eta Babes Zibileko Zuzendaritza Orokorra; Bizkaiko Foru Aldundiko Ondare Kulturaleko Saila; Bizkaiko Foru Aldundiko Iraunkortasuna eta Ingurune Naturala Zaintzeko Saila; Eusko Jaurlaritzako Kultura eta Hizkuntza Politika Saila; Eusko Jaurlaritzako Natura Ondarearen eta Klima Aldaketaren Zuzendaritza; Eusko Jaurlaritzako Osasun Sailaren Bizkaiko Lurralde Ordezkaritza; Eusko Jaurlaritzako Lurralde Plangintza, Etxebizitza eta Garraio Saila; Bizkaiko Foru Aldundiko Lurralde Antolamenduko eta Hirigintzako Ingurumen Ebaluazioko Zuzendaritza Nagusia; Uraren Euskal Agentzia; Eusko Jaurlaritzako Larrialdiei Aurre Egiteko eta Meteorologiako Zuzendaritza; Bizkaiko Foru Aldundiaren Ingurumen Kalitatearen Zerbitzua; Bizkaiko Foru Aldundiaren Natura Ondarearen Zerbitzua; Bizkaiko Foru Aldundiko Ingurumena Kudeatzeko Zerbitzua, eta Kantaurialdeko Konfederazio Hidrografikoa.

Gobernuak Aragoin duen Ordezkaritzako Industria eta Energiako Arlo Funtzionalak txostena eman zuen 2022ko apirilaren 1an, zeina osatu egin baitzuen ondotik, eta Gobernuak Bizkaian duen Ordezkariordetzako Industria eta Energia Sailak txostena eman zuen 2022ko apirilaren 9an, zeina osatu egin baitzuen ondotik.

PFot-677 espedientearen izapideei dagokienez, Energía Inagotable de Tebe SLren eta Ume sustatzailearen arteko akordioaren aitzinetik.

Espedienteari hasiera eman zitzaion Gobernuak Aragoin duen Ordezkaritzako Industria eta Energiako Arlo Funtzionalean, Gobernuak Nafarroan duen Ordezkaritzako Industria eta Energia Arloan, Gobernuak Bizkaian duen Ordezkariordetzako Industria eta Energia Sailean, eta Gobernuak Gipuzkoan duen Ordezkariordetzako Industria eta Energia Sailean, eta tramitatu zen bat etorriz Energia elektrikoa garraiatu, banatu eta merkaturatzeko jarduerak, haren hornidura eta haren instalazioetarako baimenen prozedurak arautzen dituen abenduaren 1eko 1955/2000 Errege Dekretuan eta Ingurumen Ebaluazioari buruzko abenduaren 9ko 21/2013 Legean xedatutakoarekin, eta kasuan kasuko txostenak eskatu zitzaizkien administrazioei, erakundeei eta zerbitzu publikoko edo interes orokorreko zerbitzuetako enpresei, instalazioak haien kargurako ondasunak eta eskubideak ukitzen dituen heinean.

Honako hauek emandako erantzunetatik ez da aurkakotasunik ondorioztatzen: Aragoiko Gobernuaren Osasun Publikoko Zuzendaritza Nagusia; Aragoiko Gobernuaren Barne eta Babes Zibileko Zuzendaritza Nagusia; Telefónica de España SAU; Zaragozako Probintzia Diputazioa (Bideak eta Obrak); Nafarroako Gobernuaren Kultura Zuzendaritza Nagusia; Industriaren, Energiaren eta S3 Proiektu Estrategikoen Zuzendaritza Nagusia; Bizkaiko Foru Aldundiko Ondare Kulturaleko Saila; Gobernuak Araban duen Ordezkaritza; Bizkaiko Sustapen Arloa, eta Eusko Jaurlaritzako Osasun Publikoaren eta Adikzioen Zuzendaritza. Ume sustatzaileari igorri zaizkio erantzun horiek, eta ados dagoela adierazi du.

Honako hauek emandako erantzunetan, berriz, baldintzak ezarri dituzte Ume sustatzaileak gauzatu beharreko jarduketak egiteko: Ebroko Konfederazio Hidrografikoa; Aragoiko Gobernuko Kultura Ondareko Zuzendaritza Nagusia; Red Eléctrica de España SAU; Zaragozako Hirigintzako Probintzia Kontseilua; Nafarroako Gobernuko Barneko eta Babes Zibileko Zuzendaritza Nagusia; Eusko Jaurlaritzako Kultura Ondarearen Zuzendaritza; Eusko Jaurlaritzako Larrialdiei Aurre Egiteko eta Meteorologiako Zuzendaritza; Gipuzkoako Foru Aldundiaren Kultura Zuzendaritza Nagusia, eta Adios, Biota eta Sábadako udalak. Ume sustatzaileari igorri zaizkio erantzun horiek, eta ados dagoela adierazi du.

Honako hauek emandako erantzunetan alegazioak eta oharrak egin dituzte: Aragoiko Gobernuko Energia eta Meatzeetako Zuzendaritza Nagusia; Aragoiko Gobernuko Lurralde Antolamenduko Kontseilua (COTA); Aragoiko Gobernuaren Lurralde Antolamenduko Zuzendaritza Nagusia; Aragoiko Gobernuaren Errepideetako Zuzendaritza Nagusia; Espainiako Ornitologia Elkartea (SEO-Birdlife); Nafarroako Gobernuko Lurralde Antolamenduko Zuzendaritza Nagusia; Nafarroako Gobernuko Osasun Zuzendaritza Nagusia; Eusko Jaurlaritzako Lurralde Plangintzaren eta Hiri Agendaren Zuzendaritza; EEE - Energiaren Euskal Erakundea; Bizkaiko Foru Aldundia, eta Añorbeko, Arakilgo, Arruazuko, Artaxoako, Bakaikuko, Itza Zendeako, Zizurko, Enerizko, Etxarri Aranazko, Irañetako, Oltza Zendeako, Lakuntzako, Legardako, Muruzabalgo, Uharte Arakilgo, Urdiaingo, Utergako, Mallabiko, Garaiko, Iurretako, Amorebieta-Etxanoko, Lezamako, Zamudioko, Derioko, Legazpiko eta Elgetako udalak. Ume sustatzaileak haiek guziak jaso ditu; erantzun zehatzak eman dizkie erakundeei, eta bere jarrera argudiatu du. Erakundeen erantzunik jaso ez denez, ulertzen da ados daudela, halaxe xedatzen baitu abenduaren 1eko 1955/2000 Errege Dekretuaren 127.4 artikuluak.

Aragoiko Ingurumena Kudeatzeko Erakundearen (INAGA) erantzuna jaso da; erantzun horren bidez ez da aurkakotasunik ondorioztatzen, eta ingurumen arloko zenbait ohar egiten ditu. Ume sustatzaileak erantzun egin die INAGAk egindako oharrei. INAGAk, bigarren erantzunean, hasierako jarrera berretsi du. Nolanahi ere, Ingurumen arloko oharrak aztertu egin dira proiektuaren ingurumen eraginaren ebaluazio arruntaren izapidearen barnean; ebaluazio horretan oinarriturik ebatzi da proiektuaren ingurumen eraginaren adierazpena, bai eta Ume sustatzaileak proiekturako kontuan hartu behar dituen baldintza eta neurri gehigarriak ere.

Nafarroako Gobernuko Ingurumen Zuzendaritza Nagusiak emandako erantzuna jaso da, zeinaren bidez aurkako txostena eman baitu, alegatuz jada egin zuela hala, arrazoi berengatik, PEol-522 (Kyoko parke eolikoa) espedientean. Ume sustatzaileak produktu desberdinak direla alegatu du. Erakundeak, berriz, bigarren erantzunean, hasierako jarrera berretsi du. Nolanahi ere, Ingurumen arloko oharrak aztertu egin dira proiektuaren ingurumen eraginaren ebaluazio arruntaren izapidearen barnean; ebaluazio horretan oinarriturik ebatzi da proiektuaren ingurumen eraginaren adierazpena, bai eta Ume sustatzaileak proiekturako kontuan hartu behar dituen baldintza eta neurri gehigarriak ere.

Eusko Jaurlaritzako Natura Ondarearen eta Klima Aldaketaren Zuzendaritzak emandako erantzuna jaso da, zeinaren bidez zenbait alegazio egin baititu, espedientea izapidetzean haiei ez dietela erantzun iritzita. Ume sustatzaileari igorri egin zaizkio, eta sustatzaileak bere jarrera argudiatu du, eta erantzun zehatzak eman dizkio planteatutako kontuei. Erakundeak bere jarrera berretsi du bigarren erantzunean, eta eskatu du jarduketa guzien berri emateko ingurumen organoari, espedientea izapidetzen jarraitzeko. Nolanahi ere, Ingurumen arloko oharrak aztertu egin dira proiektuaren ingurumen eraginaren ebaluazio arruntaren izapidearen barnean; ebaluazio horretan oinarriturik ebatzi da proiektuaren ingurumen eraginaren adierazpena, bai eta Ume sustatzaileak proiekturako kontuan hartu behar dituen baldintza eta neurri gehigarriak ere.

Uraren Euskal Agentziak eta Kantaurialdeko Konfederazio Hidrografikoak emandako erantzuna jaso da, zeinaren bidez zenbait alegazio egin baitituzte, eta azaldu baitute prebenitu eta zuzentzeko neurrien beharra. Ume sustatzaileari igorri egin zaizkio, eta sustatzaileak ados dagoela adierazi du; hitzeman du, orobat, 533 zenbakiko euskarria lehentasunezko fluxu eremutik kanpo mugituko duela erakundeen errekerimenduak betetzeko.

Bizkaiko Foru Aldundiko Iraunkortasuna eta Ingurune Naturala Zaintzeko Sailak emandako erantzuna jaso da, eta haren bidez ingurumen arloko alegazioak eta oharrak egin ditu. Ume sustatzaileak argudiatu egin du haien gainean. Erakundeak alegazioak berretsi egin ditu bigarren txostenean, eta adierazi du proiektua ez dela babestu behar. Nolanahi ere, Ingurumen arloko oharrak aztertu egin dira proiektuaren ingurumen eraginaren ebaluazio arruntaren izapidearen barnean; ebaluazio horretan oinarriturik ebatzi da proiektuaren ingurumen eraginaren adierazpena, bai eta Ume sustatzaileak proiekturako kontuan hartu behar dituen baldintza eta neurri gehigarriak ere.

Gipuzkoako Foru Aldundiko Ingurumen Zuzendaritza Nagusiak emandako erantzuna jaso da, zeinaren bidez adierazi baitu ez dagoela ados, iritzita ez direla egiaztatu proiektuaren komenigarritasuna eta interes orokorra, eta ez dituztela aski berme eman inpaktuak onargarriak izanen direla pentsatzeko. Ume sustatzaileari igorri egin zaio, eta sustatzaileak argudioak azaldu ditu erakundeak adierazitakoa baztertzeko. Azkenik, erakundeak jarrera berretsi du bigarren erantzunean. Nolanahi ere, Ingurumen arloko oharrak aztertu egin dira proiektuaren ingurumen eraginaren ebaluazio arruntaren izapidearen barnean; ebaluazio horretan oinarriturik ebatzi da proiektuaren ingurumen eraginaren adierazpena, bai eta Ume sustatzaileak proiekturako kontuan hartu behar dituen baldintza eta neurri gehigarriak ere.

Zaldibarko, Berrizko, Muxikako, Mungiako, Gatikako, Gabiriako eta Bergarako udalek emandako erantzuna jaso da, zeinaren bidez proiektuaren aurka agertu baitira. Ume sustatzaileari igorri egin zaio, eta sustatzaileak bere jarrera argudiatu du, eta erantzun zehatzak eman dizkio planteatutako kontuei. Erantzun horiek igorri egin zaizkie erakundeei, zeinek, kasu guzietan, aurkakotasuna berretsi baitute bigarren erantzunean. Nabarmentzekoa da Bergarako Udalaren kasua, aurkakotasuna ardazten baitu udalerriko Hiri Antolamenduko Plan Orokorreko 43. eremuaren gatazka ebatzi beharrean.

Honako erakunde hauei galdetu zaie: Estatuko Errepideen Aragoiko Demarkazioa; Nafarroako Gobernuko Herri-lanen eta Azpiegituren Zuzendaritza Nagusia; Eusko Jaurlaritzako Ingurumen Kalitatearen eta Ekonomia Zirkularraren Zuzendaritza; Eusko Jaurlaritzako Energia eta Meatzeetako eta Industria Administrazioko Zuzendaritza;Eusko Jaurlaritzako Landaren eta Itsasertzaren Garapeneko eta Europar Politiketako Zuzendaritza; Eusko Jaurlaritzako Proiektu Estrategikoen eta Industria Administrazioaren Zuzendaritza; Eusko Jaurlaritzako Garraio Azpiegituren Zuzendaritza; Eusko Jaurlaritzako Industria Sailburuordetza; Euskal Trenbide Sarea; Eusko Jaurlaritzako Osasun Sailaren Bizkaiko Lurralde Ordezkaritza; Bizkaiko Foru Aldundiko Lurralde Antolamenduko eta Hirigintzako Ingurumen Ebaluazioko Zuzendaritza Nagusia; Bizkaiko Foru Aldundiaren Natura Ondarearen Zerbitzua; Bizkaiko Foru Aldundiko Ingurumena Kudeatzeko Zerbitzua; Bizkaiko Gobernuko Azpiegituretarako eta Lurralde Garapenerako Saila; Bizkaiko Foru Aldundiko Interbiak SAMP; Ekonomiaren Garapen, Jasangarritasun eta Ingurumen Sailaren Bizkaiko Lurralde Ordezkaritza; Bizkaiko Foru Aldundiko Azpiegituretarako eta Lurralde Garapenerako Saileko Berrikuntza eta Bide Kudeaketako Zuzendaritza Nagusia; Gipuzkoako Foru Aldundiko Mendietako eta Natura Inguruneko Zuzendaritza Nagusia; Gipuzkoako Foru Aldundiko Bide Azpiegituretako Saila; Gipuzkoako Foru Aldundiko Prebentzio, Su Itzalketa eta Salbamendu Zuzendaritza Nagusia; Aireko Segurtasunaren Estatuko Agentzia; Trenbide Azpiegituren Administratzailea (ADIF); Endesa SL; Iberdrola Distribución Eléctrica SAU; Compañía Logística de Hidrocarburos (CLH); Saguzarrak Kontserbatu eta Aztertzeko Espainiako Elkartea; Ekologistak Martxan; Lurgaia Fundazioa; Lur Maitea Elkarte Ekologista; Erreka Plataforma Ekologista; Lanius Ornitologia Elkartea; Cinco Villas elkartea, eta Castejón de Valdejasako, Ejea de los Caballerosko, Altsasuko, Arbizuko, Beireko, Zarrakazteluko, Kasedako, Galipentzuko, Iturmendiko, Murillo el Frutoko, Olaztiko, Erriberriko, Pitillasko, Tafallako, Uxueko, Ziordiko, Larrabetzuko udalak, Gipuzkoa eta Arabako Partzuergo Orokorra, eta Idiazabalgo, Ormaiztegiko eta Antzuolako udalak. Erakundeen erantzunik jaso ez denez, ulertzen da ados daudela, halaxe xedatzen baitu abenduaren 1eko 1955/2000 Errege Dekretuaren 127.2 artikuluak.

Orobat, eskaera jendaurrean jarri zen, abenduaren 1eko 1955/2000 Errege Dekretuan eta aipatutako abenduaren 9ko 21/2013 Legean ezarritakoarekin bat, eta 2021eko irailaren 28an argitaratu zen Estatuko Aldizkari Ofizialean (232 zenbakia) eta Gipuzkoako Aldizkari Ofizialean (193 zenbakia), 2021eko urriaren 6an Bizkaiko Aldizkari Ofizialean (193 zenbakia), 2021eko urriaren 7an Zaragozako Probintziako Aldizkari Ofizialean (231 zenbakia), eta 2021eko urriaren 8an Nafarroako Aldizkari Ofizialean (236 zenbakia). Zenbait alegazio jaso ziren, eta erantzun egin zien Ume sustatzaileak.

Nabarmentzekoa da Siemens Gamesa Renewable Energy Wind Farms SA Unipersonal sustatzaileak egindako alegazioa; izan ere, eskatu du kontuan har daitezela PEol-390AC espedientean jasotako Siemens Gamesaren proiektuei (Ejea eta Sádaba parke eolikoak) eragindako interferentziak. Ume sustatzaileak, berriz, iritzi dio Ejea eta Sábada proiektuen zalantzazko heldutasuna dela-eta proiektu horiek ez dituztela eskuratzen ahalko dagozkien administrazio baimenak.

Era berean, aurreproiektuen eta ingurumen eraginaren azterketaren separatak igorri zitzaizkien, txosten eskaerekin batera, Ingurumen Ebaluazioari buruzko abenduaren 9ko 21/2013 Legean ezarritakoarekin lotuta, honako erakunde hauei: Aragoiko Gobernuko Ingurumena Kudeatzeko Aragoiko Institutua; Ebroko Konfederazio Hidrografikoa; Kantaurialdeko Konfederazio Hidrografikoa; Uraren Euskal Agentzia; Aragoiko Gobernuko Kultura Ondareko Zuzendaritza Nagusia; Aragoiko Gobernuko Osasun Publikoko Zuzendaritza Nagusia; Aragoiko Gobernuko Barne eta Babes Zibileko Zuzendaritza Orokorra; Nafarroako Gobernuko Kultura Zuzendaritza Nagusia; Nafarroako Gobernuko Ingurumen Zuzendaritza Nagusia; Nafarroako Gobernuko Barne eta Babes Zibileko Zuzendaritza Nagusia; Nafarroako Gobernuko Osasun Zuzendaritza Nagusia; Eusko Jaurlaritzako Kultura Ondarearen Zuzendaritza; Eusko Jaurlaritzako Natura Ondarearen eta Klima Aldaketaren Zuzendaritza; Eusko Jaurlaritzako Osasun Publikoaren eta Adikzioen Zuzendaritza; Eusko Jaurlaritzako Lurralde Plangintzaren eta Hiri Agendaren Zuzendaritza; Eusko Jaurlaritzako Larrialdiei Aurre Egiteko eta Meteorologiako Zuzendaritza; Eusko Jaurlaritzako Ingurumenaren Kalitatearen eta Ekonomia Zirkularraren Zuzendaritza; Bizkaiko Foru Aldundiko Ondare Kulturaleko Saila; Bizkaiko Foru Aldundiko Iraunkortasuna eta Ingurune Naturala Zaintzeko Saila; Eusko Jaurlaritzako Osasun Sailaren Bizkaiko Lurralde Ordezkaritza; Bizkaiko Foru Aldundiko Lurralde Antolamenduko eta Hirigintzako Ingurumen Ebaluazioko Zuzendaritza Nagusia; Bizkaiko Foru Aldundiko Natura Ondarearen Zerbitzua, eta Bizkaiko Foru Aldundiko Ingurumena Kudeatzeko Zerbitzua.

Gobernuak Aragoin duen Ordezkaritzako Industria eta Energiako Arlo Funtzionalak txostena eman zuen 2022ko martxoaren 29an; Gobernuak Nafarroan duen Ordezkaritzako Industria eta Energia Arloak txostena eman zuen 2022ko apirilaren 8an; Gobernuak Bizkaian duen Ordezkariordetzako Industria eta Energia Sailak txostena eman zuen 2022ko maiatzaren 13an, Gobernuak Gipuzkoan duen Ordezkariordetzako Industria eta Energia Sailak txostena eman zuen 2022ko ekainaren 23an; horiek guziak osatu egin dituzte ondotik.

Kontuan izanik ezen, abenduaren 9ko 21/2013 Legearen 42. artikuluak ezartzen duenez, organo substantiboak behar bezala kontuan hartu beharko duela, proiektua baimentzeko prozeduran, egindako ingurumen-inpaktuaren ebaluazioa.

Instalazioaren aitzinproiektuei eta haren ingurumen eraginaren azterketari (hemendik aitzina, InEA) ingurumen eraginaren ebaluazioaren prozedura egin zaie, eta ingurumen eraginaren aldeko adierazpena egin da (hemendik aitzina, IEA edo ingurumen eraginaren adierazpena), zeina zehaztu baita Trantsizio Ekologikorako eta Erronka Demografikorako Ministerioaren Ingurumen Kalitatearen eta Ebaluazioaren zuzendaritza nagusiak 2023ko urriaren 17an emandako Ebazpenaren bidez. Ebazpen horretan, ingurumen arloko baldintzak ezartzen dira, egindako ingurumen ebaluazioaren ondoriozkoak, prebenitu, zuzendu eta konpentsatzeko neurriak barne. Behar bezala argitaratuta daude Estatuko Aldizkari Ofizialean.

IEAn ezarritakoaren arabera, proiektuari aplikatuko zaizkio ezarritako ingurumen arloko baldintzak, prebenitu, zuzendu eta konpentsatzeko neurriak eta, hala badagokio, InEAn jasotako jarraipen neurriak, jendaurreko informazioaren eta kontsulten ondotik onetsitakoak, eta informazio gehigarrian proposatutakoak, betiere IEAn xedatutakoaren aurkakoak ez badira.

IEAn proiektuari ezarritako baldintza guziak bete behar badira ere, hura baita nahitaezko txosten erabakigarria, ezartzen duena, abenduaren 9ko 21/2013 Legearen 41. artikuluarekin bat, zer baldintzatan garatzen ahal den proiektua, bai exekuzioan bai ustiapenean, proiektua definitzeko kontuan hartuko dira, bereziki eta besteak beste, IEAn xedatutako baldintza eta neurri hauek, eta, hala badagokio, horretarako beharrezkoa den dokumentazioa aurkeztuko da:

–Eraikitzeko administrazio baimenaren aitzinetik, sustatzaileak eraikuntza proiektua aurkeztu beharko die ukitutako autonomia erkidegoetako ingurumenaren arloko organo eskudunei, ezagut dezaten eta aldeko txostena egin dezaten, hori guzia baldintza orokorrari (1) jarraikiz.

–Proiektua gauzatu aitzinetik, landaretzari, Europar Batasunaren intereseko habitatei eta faunari buruzko neurri guzi-guziak adostu beharko dira Aragoiko Gobernuko ingurune naturalaren eta biodibertsitatearen arloko organo eskudunarekin (Aragoin proiektatutako azpiegiturei dagokienez), bai eta Bizkaiko Foru Aldundiko eta Eusko Jaurlaritzako jasangarritasunaren eta ingurune naturalaren arloko organo eskudunarekin ere (EAEn proiektutako azpiegiturei dagokienez), hori guztia bat etorriz prebenitzeko, zuzentzeko eta konpentsatzeko neurriei buruzko 1.2 baldintzarekin.

–Lurzoruaren gaineko plaken jariatzearen ondorioak prebenitzeari dagokionez, sustatzaileak azken eraikuntza proiektuak diseinatu ondotik, jakinarazi beharko zaizkie bai Aragoiko autonomia erkidegoko ingurune naturalaren eta biodibertsitatearen arloko organo eskudunari, bai Ebroko Konfederazio Hidrografikoari euri urak husteko drainatze sareari buruz azkenik proposatzen dituzten jarduketak, hori guztia Lurzoru, lurpe eta geodibertsitateari buruzko baldintzari (4) jarraikiz.

–Bai jabari publiko hidraulikoan, bai haren zortasun- eta polizia-eremuetako (5 eta 100 metro, hurrenez hurren) jarduketa oro egiteko, bai eta hondakin urak lursail edo ibilgu publikoetara isurtzeko ere, administrazio hidrauliko eskudunaren nahitaezko baimenik beharko da, Uraren Euskal Agentzian izapidetu ondotik. Baimen horren esparruan aztertuko dira ezaugarriak eta ukipenak zehazki, eta ezarriko dira, hala badagokio, egokiak diren preskripzioak, hori guzia Urari eta hidrologiari buruzko baldintzari (2) jarraikiz.

–Urak, azalekoak zein lurpekoak izan, biltzeko, dagokion konfederazio hidrografikoaren emakida, edo Uraren Euskal Agentziarena, izanen da nahitaezkoa, eskumena zeinek duen. Era berean, obrak egin bitartean lursailera edo ibilgu publikoetara isurketak egiteari dagokionez, oroitarazi behar dugu horretarako ere beharko dela isurketa aitzinetik baimentzea, eta baimen horren esparruan ezarriko dira, hala badagokio, egokiak diren preskripzioak. Promotores Gatica 220 kV-eko TAEko instalazioei dagokienez, komunak egitea aitzinikusita dagoenez, isurketaren baimena eskatu beharko zaio Uraren Euskal Agentziari. Horri dagokionez, udal sare bati konektatzea bideragarria denean, horri konektatu beharra egonen da galdagarriak zaizkien baldintzetan, hori guzia Urari eta hidrologiari buruzko baldintzari (3) jarraikiz.

–Energia ateratzeko lurpeko linearen kasu zehatzari dagokionez, hura lurperatzeko beharrezko diren obrak egitean, eraikitzeko metodologia egokia erabili beharko da ibilgurik ez desbideratzeko eta ibilguen espazio dimentsiorik alda ez dadin; hori horrela, arroko erakundearen baimena izanen da beharrezkoa, edo Uraren Euskal Agentziarena, hala badagokio. Horri dagokionez, kontuan hartu beharko dira Urari buruzko 2000/60/EE Esparru Zuzentarauaren jarraibideak. Esparru Zuzentarau horren transposizioa abenduaren 30eko 62/2003 Legearen bidez egin zen, zeinak Urari buruzko Legearen testu bategina aldatu baitzuen; testu bategin horrek urak eta jabari publiko hidraulikoa babesteko helburuak ezarri zituen, hori guzia Urari eta hidrologiari buruzko baldintzari (5) jarraikiz.

–Energia ateratzeko lurpeko linearen kasu zehatzari dagokionez, hura lurperatzeko beharrezko diren obrak egitean, eraikitzeko metodologia egokia erabili beharko da ibilgurik ez desbideratzeko eta ibilguen espazio dimentsiorik alda ez dadin; hori horrela, arroko erakundearen baimena izanen da beharrezkoa, edo Uraren Euskal Agentziarena, hala badagokio. Horri dagokionez, kontuan hartu beharko dira Urari buruzko 2000/60/EE Esparru Zuzentarauaren jarraibideak. Esparru Zuzentarau horren transposizioa abenduaren 30eko 62/2003 Legearen bidez egin zen, zeinak Urari buruzko Legearen testu bate egina aldatu baitzuen; testu bategin horrek urak eta jabari publiko hidraulikoa babesteko helburuak ezarri zituen, hori guzia Urari eta hidrologiari buruzko baldintzari (6) jarraikiz.

–Lehentasunezko fluxu-eremuan ez da baimenduko transformadoreak eta erdi eta goi tentsioko instalazioak eraikitzea, baldin eta produktuak biltegiratu, eraldatu, manipulatu, sortu eta jabari publiko hidraulikora isurtzeko arriskua badute eta kaltegarriak badira giza osasun eta ingurunerako; ez da baimenduko, bestalde, eremu horretan eguzki plakak eraikitzea. Uholde-eremuaren barruan eguzki plakak paratzeko aukera egonen da, betiere haien beheko aldearen eta lursailaren arteko tartea txikiagoa bada toki horretako uraren kalatua baino, hori guzia Urari eta hidrologiari buruzko baldintzari (7) jarraikiz.

–Baimenaren aitzineko urrats gisa, eraikuntza proiektuak barne hartu beharko du landaredia leheneratzeko eta paisaia integraziorako plan bat, eskalan eta behar besteko xehetasunekin. Plan horretan bildu beharko dira sustatzaileak proiektuan sartu dituen leheneratze jarduketa guziak, ebazpen honetan adierazitakoak barne, honako hauek zehaztuta eta kuantifikatuta: lan-eremuak, lurzorua prestatzeko metodoak, erabiliko diren landare espezieak, ereintza edo landatze metodoak eta gainerako preskripzio teknikoak. Horiez gain, jarduketa guzien aurrekontua eta kronograma sartuko dira, eta autonomia erkidegoko organo eskudunari bidali beharko zaizkio, hori guzia Batasunaren intereseko flora, landaredi eta habitatei buruzko baldintzari (4) jarraikiz.

–Estepako hegaztiei dagokienez, instalazio fotovoltaikoen ondorioz kendutako azaleraren azalera baliokidea konpentsatu beharra egonen da. Neurri hori, nolanahi ere, Aragoiko Gobernuaren erakunde eskudunarekin informatu eta adostu beharko da, hori guzia Faunari buruzko baldintzari (3) jarraikiz.

–Aragoiko Gobernuaren erakunde eskudunekin adostu beharko dira instalazio fotovoltaikoen perimetroan landare pantaila modura ezarri beharreko landareen ezaugarriak eta mota, hori guzia Paisaiari buruzko baldintzari (4) jarraikiz.

–Sustatzaileak egindako azterketa arkeologiko eta paleontologikoari buruzko txostenak aurkeztu beharko dira, proiektua eraikitzeko baimenaren aitzinetiko urrats gisa, Aragoiko Gobernuaren edo Eusko Jaurlaritzaren erakunde eskudunean, zeini dagokion, hori guztia Kultura ondareari, ondasun materialei eta abelbideei buruzko (2) baldintzari jarraikiz.

–Sustatzaileak proposatutako energia ateratzeko lurpeko lineak ukitutako eremuari dagokionez, proiektua eraikitzea baimendu aitzinetiko urrats gisa, Aragoiko Gobernuko edo Eusko Jaurlaritzako erakunde eskudunei jakinarazi beharko zaie, zeini dagokion, lurperatutako zatien azken konfigurazioa. Erakunde horiek beharrezko iritzitako baldintzak eta neurriak ezartzen ahalko dituzte, dituzten eskumenen arabera, hori guzia Kultura Ondareari, ondasun materialei eta abelbideei buruzko baldintzari (6) jarraikiz.

–Ingurumena Zaintzeko Programa osatu beharko da IEAren baldintzetan ezarritako alderdi gehigarriekin eta, zehazki, 1.3 atalean adierazitakoarekin.

Ume sustatzaileak Tebe sustatzaileari laga dizkion energia ateratzeko azpiegituren irismenari dagokionez, proiektua definitzeko, kontuan hartuko dira bereziki eta besteak beste, IEAn ezarritako honako baldintza eta neurri hauek; IEA hori onartu zen Ingurumen Kalitatearen eta Ebaluazioaren zuzendaritza nagusiak 2023ko urriaren 13an emandako Ebazpenaren bidez, "UME eguzki-instalazio fotovoltaikoa, 14,7 MWp-koa, eta hari lotutako energia ateratzeko azpiegitura, Castejón de Valdejasako udal-mugartean, Zaragozako probintzian" izeneko proiektuaren gainean egindako ingurumen ebaluazioaren esparruan, eta hartarako beharrezko zen dokumentazioa aurkeztu zen:

–Eraikitzeko administrazio baimenaren aitzinetik, sustatzaileak eraikuntza proiektua, proiektuaren elementu, xedapen eta behin betiko neurriekin batera, aurkeztu beharko die ukitutako autonomia erkidegoetako ingurumenaren arloko organo eskudunei, ezagut dezaten eta aldeko txostena egin dezaten, hori guzia baldintza orokorrari (1) jarraikiz.

–Sustatzaileak ebazpen honetako e) atalean (Ingurumen organoaren balorazioa) xedatutakoa bete beharko du, bai eta baldintza hauetan ezarritako baldintzak ere, hori guzia baldintza orokorrari (3) jarraikiz. Jarraian, baldintza horiek zerrendatzen dira:

  • Sustatzaileak aurkeztutako dokumentazioaren eta informazioaren arabera, 498. euskarritik 547. euskarriraino, Altsasu lotunea - Gatika TAEko 400 kV-ko GTALko zatiko energia ateratzeko linea elektrikoa korridore batetik doa «Itxaso-Castejon/Muruarte 400 kV» deitutako REEren garraio linea proiektatuarekin batera. Ingurumen ukipenak ahalik eta txikienak izan daitezen, Zuzendaritza Nagusi honek ezartzen du bi lineek 498. eta 547. euskarrien arteko zatian trinkotzea dela ingurumenaren aldetik aterabiderik onena; hori horrela, zati horretan bete beharko dira «Itxaso-Castejon/Muruarte 400 kV» proiektuaren ingurumen eraginaren adierazpenean REEren linearako ezarritako baldintzak, betiere lineak trinkotzeko aterabide hori teknikoki eta segurtasunari dagokionez bideragarria bada, eta ezarri beharreko baimenak eta akordioak baditu.
  • Baliteke azpiegiturek ukitzea landaretza natural nabarmeneko unitateak EAEn proiektatutako energia ateratzeko linearen zatian zehar, 548. euskarritik 673. euskarriraino (alde batera utzita Itxaso-Castejón/ Muruarte 400 kV-eko GTALko zatia, aireko zatia baita). Honako hau proposatu da:
    • Dorreak handitzea. Euskarriak: 548, 549, 555, 556, 557, 560, 565, 569.etik 578.erako zatia, 586, 587, 588, 593, 594, 597, 598, 612, 613, 615, 616, 619, 621.etik 624.erako zatia, 630, 631, 634, 635, 638, 642, 643, 644, 649, 650, 653, 655, 656, 659, 665 eta 667.
    • Euskarri hauen kokapena berriz aztertzea gomendatzen da. Lehenik, 555. euskarrirako, zeinarentzat, gainera, sarbidearen ordezko trazadura aztertu beharko baita. 565. euskarria pagadi masatik kanpo jarri beharko da; 662. euskarriaren kokapena doitu beharko da, ahal den neurrian, Europar Batasunaren intereseko 9340 habitata (Quercus ilex eta Quercus rotundifolia espezien basoak). Azkenik, 666. euskarriari beste toki batean kokatzen saiatu behar da amezti eurosiberiarretik kanpoan. 572. euskarriko lan-zelaia proiektatzen da Europar Batasunaren intereseko 4030. habitata («Txilardi lehor europarrak») dagoen azaleran; hori dela eta, habitat horren gaineko ukipenak ahalik eta txikienak izan daitezen, zelai horren eremua ahal den neurrian txikiagotzen saiatuko da.
  • Aragoiko autonomia erkidegoa zeharkatzen duen energia ateratzeko linearen zatia (Valdejasa I - Bayo lotunea TAEko GTAL zatia) lurperatzea. Sustatzaileak lurperatzea jada proposatutako energia ateratzeko linearen zatiez gain, lurperatu egin behar da 119. eta 157. euskarrien arteko zatia.

–Aztertu beharko da euskarri guztiak igotzea edo handitzea sare hidrografikoarekin gurutzatzen diren toki guzietan, katenariaren altuera handiagoari esker erriberako landaretza errespeta dadin, zuhaitzak barne, hori guzia Urari buruzko baldintzari (7) jarraikiz.

–Arroko erakundearen administrazio baimena beharrezko izanen da, Urari buruzko Legearen testu bategina, uztailaren 20ko 1/2001 Legegintzako Errege Dekretuaren bidez onetsitakoa, betez, zeinaren bidez xedatzen baita jabari publiko hidraulikoan eta haren zortasun- eta polizia-eremuetan obrak edo lanak egiteko, arroko erakundearen administrazio baimena beharko dela. EAEren kasuan, eskaera Uraren Euskal Agentzian eginen da. Baimen horretan ebaluatuko da ea proposatutako jarduketak bateragarriak diren Uraren araudi sektorialean ezarritako uholde-eremuko erabileretarako mugak betetzearekin, hori guzia Urari buruzko baldintzari (10) jarraikiz.

–Zortasun-eremua, 5 metrokoa, ur-ibilgu publikoen mugatik neurtuta, bi ertzetan, libre eta erabilgarri utzi beharko dela eta baimentzen ahalko dira soilik uholdeen aitzinean kalteberak ez diren jarduerak, beti ere bide horren urak husteko gaitasunaren murrizketa handirik eragiten ez badute, hori guzia Urari buruzko baldintzari (11) jarraikiz.

–Aireko lineen euskarriek luzera aldakorreko hankak edukiko dituzte, kokatzeko orduan lursailera egokitu daitezen, azalera lauak sortu beharrik gabe, hori guzia Geologiari eta lurzoruari buruzko baldintzari (8) jarraikiz.

–Proiektu espezifikoa aurkeztu beharko da, leheneratzeko jarduketak barne hartuta, ingurumen administrazio autonomiko eskudunak onets dezan, eta horren barnean sartu beharko dira landareen mantentze-lanak, harik eta erabat sustraitzen diren arte, hori guzia Europar Batasunaren intereseko landaretzari, florari eta habitatei buruzko baldintzari (9) jarraikiz.

–Sustatzaileak egindako azterketa arkeologiko eta paleontologikoari buruzko txostenak aurkeztu beharko dira, proiektua eraikitzeko baimenaren aitzinetiko urrats gisa, Aragoiko Gobernuaren, Nafarroako Gobernuaren edo Eusko Jaurlaritzaren erakunde eskudunean, zeini dagokion, hori guztia Kultura ondareari, ondasun materialei eta abelbideei buruzko (1) baldintzari jarraikiz.

–Energia ateratzeko lurpeko lineak ukitutako eremuari dagokionez, proiektua eraikitzea baimendu aitzinetiko urrats gisa, Aragoiko Gobernuko erakunde eskudunei jakinarazi beharko zaie, zeini dagokion, lurperatutako zatien azken konfigurazioa. Erakunde horiek beharrezko iritzitako baldintzak eta neurriak ezartzen ahalko dituzte, dituzten eskumenen arabera, hori guzia Kultura Ondareari, ondasun materialei eta abelbideei buruzko baldintzari (3) jarraikiz.

–Ingurumena Zaintzeko Programa osatu beharko da IEAren baldintzetan ezarritako alderdi gehigarriekin eta, zehazki, iii) atalean adierazitakoarekin.

InEAn eta IEAn ezarritako baldintza eta neurri bakoitza zehaztu eta aurrekontuan sartu beharko ditu sustatzaileak, proiektuan nahiz haren adenda batean, xehakatuta, halako eran non aipatutako IEAn zehaztutako neurri bakoitza identifikatzen ahalko baita onetsi aitzinetik.

IEA horrek kontuan hartu ditu proiektua izapidetu bitartean jasotako txosten eta alegazioetan azaldutako errekerimenduak, zeinak jasota baitaude Ingurumen Kalitatearen eta Ebaluazioaren zuzendaritza nagusiari aurkeztutako dokumentazio gehigarrian. Proiektuan aldaketa nagusi hauek egin zituzten:

–Lurperatzea 9. euskarritik 10.era bitartean (1. euskarritik 9.era bitarteko lurperatzea jasota dago PFot-733 "Telemaco" espedientean), 13. euskarritik 44.era bitartean eta 44. euskarritik 64.era bitartean; guziak daude Valdejasa 2 lotunetik Ejea lotunera arteko linearen zatian.

–Aireko trazadura aldatzea 65. euskarritik 71.era, 74. euskarritik 90.era, 119. euskarritik 140.era eta 140. euskarritik 157.era bitartean; guziak daude Ejea lotunearen eta Bayo lotunearen arteko linearen zatian.

–553., 568., 627. eta 628. euskarriak beste toki batean kokatzea; guziak daude Altsasu lotunearen eta Promotores Gatica 220 kV-eko TAEren arteko linea zatian.

Kontuan hartuta ezen, aipatutako IIAZn ezarritakoa ukatu gabe, gertatzen ahal dela, abenduaren 1eko 1955/2000 Errege Dekretuaren 115. artikuluan ezarritakoari jarraikiz, izapidetu behar izatea Sektore Elektrikoari buruzko abenduaren 26ko 24/2013 Legearen 53. artikuluan xedatutako nahitaezko baimenak.

Arestian aipatutakoa kontuan hartuta, abenduaren 1eko 1955/2000 Errege Dekretuaren 115. artikuluan ezarritakoa aplikatuko da aurretiazko administrazio baimena lortu duten sorkuntzarako instalazioetan aldaketa egiteko eta artikulu horretan ezarritako baldintza guziak betetzeko.

Kontuan hartuta ezen, Sektore Elektrikoari buruzko abenduaren 26ko 24/2013 Legearen 53.1 artikuluaren arabera, ez dela sorkuntzarako instalazioetako administrazio baimenik ematen ahalko titularrak ez baditu aldez aitzin lortu banaketa edo garraio sareetan sartzeko eta konektatzeko baimenak.

Proiektuak garraio sarera sartzeko baimena lortu du, sarera sartzeko bideragarritasun txostenaren bidez, konexiorako baldintza teknikoak betetzeari buruzko txostenaren bidez eta konexiorako baldintza teknikoen egiaztapenari buruzko txostenaren bidez, Red Eléctrica de España SAUren jabetzako Gatica 220 kV-eko azpiestazioan.

Beraz, energia elektrikoa ateratzeko azpiegiturak parke fotovoltaikoa eta garraio sarea lotuko ditu, Gatica 220 kV-eko azpiestazioan (Red Eléctrica de España SAUren jabetzakoa), garraio sareak azpiestazio horretan duen posizio berri baten bidez.

Abenduaren 1eko 1955/2000 Errege Dekretuaren 123.2 artikuluaren ondorioetarako, 2021eko apirilaren 25ean, Energía Inagotable de Tebe SLk eta Energía Inagotable de Gaki SLk, Energía Inagotable de Fuyu SLk, Energía Inagotable de Hector SLk, Energía Inagotable de Hotei SLk, Energía Inagotable de Ikusa SLk, Energía Inagotable de Ima SLk, Energía Inagotable de Inagumi SLk, Energía Inagotable de Inari SLk, Energía Inagotable de Ino SLk, Energía Inagotable de Izanagi SLk eta Energía Inagotable de Telefo SLk hitzarmena sinatu zuten honako hauen energia batera eta modu koordinatuan ateratzeko: Tebe instalazio fotovoltaikoa eta Gaki, Fuyu, Hector, Hotei, Ikusa, Ima, Inagumi, Inari, Ino eta Izanagi instalazio eolikoak eta Telefo instalazio fotovoltaikoa (espediente honetatik kanpo gelditzen dira), Gatica 220 kV-eko REE azpiestazioan.

Halaber, 2021eko martxoaren 9an eta maiatzaren 6an, Energía Inagotable de Tebe SLk eta beste sustatzaile batzuek hitzarmenak sinatu zituzten Tebe instalazioko energia batera eta modu koordinatuan ateratzeko Gatica 220 kV-eko REE azpiestazioan (espediente honen irismenetik kanpo gelditzen dira) garraio sareko beste azpiestazio batzuetan.

Ezertan ukatu gabe ebazpen honen, ingurumen-inpaktuaren adierazpenaren eta sustatzaileak izapidetzean onartutako baldintzen ondorioz egin beharreko aldaketak, honako jarduketa hauek aurreikusten dira energia ateratzeko azpiegituran:

–Lurpeko linea 30 kV-eko 3 zirkuiturekin, Tebe instalaziotik Valdejasa 2 30/400 kV-eko TAEraino.

–Valdejasa 2 30/400 kV-eko TAE.

–Valdejasa 2 lotunea 30/400 kV - Valdejasa 2 lotunea 400 kV-eko TAE goi tentsioko linea (GTL).

–Valdejasa 2 - Bayo lotunea 400 kV-eko TAE goi tentsioko linea, honako zati hauetan banatuta: Valdejasa 2 lotunea (9. euskarria) - Valdejasa lotunea (20. euskarria), Valdejasa lotunea (20. euskarria) - Sabinar lotunea (45. euskarria), Sabinar lotunea (45. euskarria) - Ejea lotunea (65. euskarria), Ejea lotunea (65. euskarria) - Bayo lotunea (166. euskarria).

–Bayo lotunea - Altsasu lotunea 400 kV-eko goi tentsioko linea (GTL) (SGEE/PEol-522 espedientean jasota).

–Altsasu lotunea - Promotores Gatica 220 kV-ko TAEko 400 kV-eko goi tentsioko linea (GTL).

–Promotores Gatica 220/400 kV-eko TAE.

–Promotores Gatica 220 kV-eko TAE - Gatica 220 kV-ko REE TAEko 220 kV-eko goi tentsioko linea (GTL).

–Gatica 220 kV-eko TAE, Red Eléctrica de España SAUren jabetzakoa, zerbitzuan dagoena.

Abenduaren 26ko 24/2013 Legeak enpresa ekimen askea aitortzen du energia elektrikoaren hornidurarako jardueretan aritzeko. Hala ere, abenduaren 26ko 24/2013 Legearen 53.4 artikuluaren arabera, sustatzaileak egiaztatu beharko du proiektua egiteko gaitasun legal, tekniko eta ekonomiko-finantzarioa duela. Horretarako, ebazpen proposamen bat bidali zaio Merkatuen eta Lehiaren Batzorde Nazionalari, dagokion txostena egin dezan, abenduaren 1eko 1955/2000 Errege Dekretuaren 127.6 artikuluan xedatutakoa kontuan hartuta.

Administrazio Publikoen Administrazio Prozedura Erkideari buruzko urriaren 1eko 39/2015 Legean ezarritakoarekin bat, zuzendaritza nagusi honen ebazpen proposamenari buruzko entzunaldia eman zaio sustatzaileari; sustatzaileak oharrak egin ditu eta agiriak aurkeztu ditu horri erantzuteko; agiri horiek aztertu dira, eta hala zegokionean, ebazpenera gehitu dira partzialki.

Kontuan hartuta ezen, abenduaren 26ko 24/2013 Legeak, energia elektrikoaren ekoizleen betebeharren artean, ezartzen duela energia elektrikoa ekoizteko beharrezkoak diren jarduera guziak garatu beharra baimenean ezarritakoa betez, eta, bereziki, instalatutako potentziaren segurtasunari, erabilgarritasunari eta mantentzeari dagokienez, eta eskatutako ingurumen arloko baldintzak betetzeari dagokionez.

2023ko azaroaren 22an, Energia Politika eta Meatzeetarako Zuzendaritza Nagusiak banatzeko erabakia eman zuen, Zaragoza eta Bizkaiko probintzietako Tebe eta Telefo parke fotovoltaikoen eta haien energia ateratzeko azpiegituren aurretiazko administrazio baimenerako espedienteak bereiz izapidetzeko.

Energia elektrikoa garraiatzeko eta banatzeko sareetarako sarbideari eta konexioari buruzko abenduaren 29ko 1183/2020 Errege Dekretuak honako hau xedatzen du, bere bosgarren xedapen iragankorrean, errege dekretuak indarra hartzean izapidetzen ari diren instalazio elektrikoen espedienteei buruzkoan:

"1 Abenduaren 26ko 24/2013 Legearen 53. artikuluan aurreikusitako baimenen administrazio-izapideen ondorioetarako, azken xedapenetako hirugarrenaren lehenengo puntuan jasotzen den potentzia instalatuaren definizio berriak ondorioak sortuko ditu izapidetzen hasita dauden baina behin betiko ustiapen-baimena oraindik lortu ez duten instalazioetan.

2. Oro har, errege dekretu honek indarra hartu aitzinetik instalazio elektrikoak baimentzeko hasitako prozedurei potentzia instalatuaren definizio berria aplikatuko zaie. (...)".

Era berean, abenduaren 29ko 1183/2020 Errege Dekretuaren azken xedapenetako hirugarrenak ekainaren 6ko 413/2014 Errege Dekretuaren 3. artikuluaren bigarren paragrafoa aldatzen du (errege dekretu horren bidez arautu zen energia-iturri berriztagarrietatik, kogeneraziotik eta hondakinetatik energia elektrikoa ekoizteko jarduera). Hona hemen idazketa berria:

"Instalazio fotovoltaikoen kasuan, instalatutako potentzia honako bi hauen artean txikiena izanen da:

a) Instalazioko modulu fotovoltaikoen gehieneko potentzia unitarioen batura, baldintza estandarretan neurtuta, dagokion UNE arauaren arabera.

b) Inbertsorearen gehieneko potentzia edo, hala badagokio, instalazioa osatzen duten inbertsoreen potentzien batura".

Baimen hori ematen bada ere, lurraldearen antolamenduari eta ingurumenari dagozkien eta beharrezkoak diren kontzesio eta baimenak beharko dira, bai eta aplikatzekoak diren xedapenek eragindako beste guziak ere. Halaber, obra egiteko beharrezkoak diren gainerako baimen guziak eskuratu beharko dira.

Azaldutakoaren ondorioz, Energia Politikako eta Meatzeetako Zuzendaritza Nagusi honek

EBAZTEN DU:

Bakarra.–Energía Inagotable de Tebe SLri aurretiazko administrazio baimena ematea 44,20 MW-eko potentzia instalatuko Tebe instalazio fotovoltaikorako eta haren energia ateratzeko azpiegituretarako (ondotik zehazten dira), ebazpen honetan jasotako berezitasunekin.

Proiektuaren xedea da instalazio fotovoltaiko bat eraikitzea, energia elektrikoa sortzeko eta energia hori sarera eramateko.

Hauek dira instalazio fotovoltaiko horren ezaugarri nagusiak, 2021eko urriko "Tebe instalazio fotovoltaikoa" aitzinproiektuan jasotakoak:

–Teknologia mota: Eguzki-energia fotovoltaikoa.

–Instalatutako potentzia, ekainaren 6ko 413/2014 Errege Dekretuaren 3. artikuluaren arabera: 44,20 MW.

–Moduluen potentzia, orotara: 49,48 MW.

–Inbertsoreen potentzia, orotara: 44,20 MW.

–Sarbiderako ahalmena, Red Eléctrica de España SAUk emandako sarbide eta konexio baimenetan ezarritakoaren arabera: 38,20 MW.

–Ukitutako udal-mugartea: Castejón de Valdejasa, Zaragozako probintzian.

Energia ateratzeko azpiegitura, zeina jasota baitago agiri tekniko hauetan: Tebe parke fotovoltaikoaren aitzinproiektua, 2021eko ekainekoa, eta Valdejasa 2 400 kV-eko 90 MVA-ko azpiestazioaren proiektua, Valdejasa 2 TAE eta Gatica 220 kV-eko TAE (REE) konektatzeko 400 kV-eko goi tentsioko aireko linearen aitzinproiektua, Valdejasa 1 TAE eta Gatica 400 kV-eko TAE (REE) konektatzeko 400 kV-eko goi tentsioko aireko linearen aitzinproiektua eta Promotores Gatica 220 kV-eko azpiestazioaren proiektua, 2021eko maiatzekoak. Honako hauek osatzen dute:

–Lurpeko linea, 30 kV-ekoa, 3 zirkuiturekin, Tebe instalazio fotovoltaikoa eta Valdejasa 2 30/400 kV-eko TAE lotuko dituena.

–Valdejasa 2 30/200 kV-eko TAE azpiestazioa (90 MVA-ko transformadorea), Castejón de Valdejasan (Zaragoza).

–Aireko linea Valdejasa 2 30/400 kV-eko TAEtik Valdejasa 2 lotuneraino, ezaugarri nagusi hauekin:

  • Sistema: korronte alterno trifasikoa.
  • Luzera: 423,33 m.
  • Tentsioa: 400 kV.
  • Mota: Zirkuitu bakun duplexa.
  • Ukitutako udal-mugarteak: Castejón de Valdejasa eta Ejea de los Caballeros, Zaragozako probintzian.

–Aireko linea Valdejasa 2 lotunetik Valdejasa lotuneraino, ezaugarri nagusi hauekin:

  • Sistema: korronte alterno trifasikoa.
  • Luzera: 4.199 m.
  • Tentsioa: 220 kV, 400 kV.
  • Mota: Zirkuitu bikoitz duplexa.
  • Ukitutako udal-mugarteak: Ejea de los Caballeros, Zaragozako probintzian.

–Aireko linea Valdejasa lotunetik Sabinar lotuneraino, ezaugarri nagusi hauekin:

  • Sistema: korronte alterno trifasikoa.
  • Luzera: 8.816 m.
  • Tentsioa: 400 kV.
  • Mota: Bost zirkuitu duplex-kuadruplexa.
  • Ukitutako udal-mugarteak: Ejea de los Caballeros, Zaragozako probintzian.

–Aireko linea Sabinar lotunetik Ejea lotuneraino, ezaugarri nagusi hauekin:

  • Sistema: korronte alterno trifasikoa.
  • Luzera: 7.496 m.
  • Tentsioa: 220 kV, 400 kV.
  • Mota: Bost zirkuitu duplex-triplex-kuadruplexa.
  • Ukitutako udal-mugarteak: Ejea de los Caballeros, Zaragozako probintzian.

–Aireko linea Ejea lotunetik Bayo lotuneraino, ezaugarri nagusi hauekin:

  • Sistema: korronte alterno trifasikoa.
  • Luzera: 34.581 m.
  • Tentsioa: 400 kV.
  • Mota: Bost zirkuitu duplex-kuadruplexa.
  • Ukitutako udal-mugarteak: Ejea de los Caballeros, Biota eta Sádaba, Zaragozako probintzian.

–Aireko linea Altsasu lotunetik Promotores Gatica 220 kV-eko TAEraino, ezaugarri nagusi hauekin:

  • Sistema: korronte alterno trifasikoa.
  • Luzera: 79.168 m.
  • Tentsioa: 400 kV.
  • Mota: Bi zirkuitu kuadruplexa.
  • Ukitutako udal-mugarteak: Altsasu (Nafarroa), Gipuzkoa eta Arabako Partzuergo Orokorra, Idiazabal, Ormaiztegi, Gabiria, Legazpi, Antzuola, Bergara eta Elgeta (Gipuzkoa), eta Zaldibar, Mallabia, Berriz, Garai, Iurreta, Muxika, Amorebieta-Etxano, Larrabetzu, Lezama, Zamudio, Derio eta Mungia (Bizkaia).

–Promotores Gatica 220/400 kV-eko TAE azpiestazioa (635 MVA-ko transformadorea), Mungian (Bizkaia).

–Aireko linea Promotores Gatica 220 kV-eko TAEtik Gatica 220 kV-eko TAEraino, ezaugarri nagusi hauekin:

  • Sistema: korronte alterno trifasikoa.
  • Luzera: 1.570 m.
  • Tentsioa: 220 kV.
  • Mota: Zirkuitu bikoitz-bakun kuadruplexa.
  • Ukitutako udal-mugarteak: Mungia eta Gatika, Bizkaian.

Aitzinekoa goiti-beheiti, ekoizpen instalazioa egokitu beharko da ingurumen-inpaktuaren adierazpen horren edukira eta baimen hau izapidetzean sustatzaileak onartutako baldintzetara. Zehazki, ingurumen-inpaktuaren adierazpenean eskatutako baldintzak eta aldaketak bete beharko dira, eta, hala badagokio, energia ateratzeko azpiegiturako edozein elementu lurperatu, aplikatzekoa izanen baita abenduaren 1eko 1955/2000 Errege Dekretuaren 115. artikuluan ezarritakoa (errege dekretu horren bidez energia elektrikoa garraiatu, banatu, merkaturatu eta hornitzeko jarduerak eta instalazioak baimentzeko prozedura arautu ziren), aurretiazko administrazio baimena lortu duten sorkuntzarako instalazioen aldaketei dagokienez, eta artikulu horretan ezarritako baldintza guziak bete beharko dira. Aurretiazko administrazio baimena lortu behar da ingurumen-inpaktuaren adierazpena betetzearen ondorioz proposatzen eta egiten diren aldaketetarako, baldin ez badira betetzen aipatutako errege dekretuaren 115.2 artikuluko baldintzak.

Beraz, eraikitzeko administrazio baimena ez da ematen ahalko, eta abenduaren 1eko 1955/2000 Errege Dekretuaren 131.9 artikuluan ezarritako instalazioen kokapena egokitzeko prestaketa obrak ez dira instalazioko ezein tokitan hasten ahalko, hots, ez ebazpen honen xede diren ekoizpen-parkean, ez energia ateratzeko azpiegituretan, barne harturik, hala badagokio, garraio edo banaketa sarearekiko konexioa, baldin eta titularrak ez baditu aitzinetik bete baldintza hauek:

a) Titularrari administrazio baimena ematea, non jasotzen baitira aipatutako ingurumen eraginaren adierazpenetik eta jendaurreko informazioaren eta kontsulten izapidetik eratorritako aldaketak, aurretiazko administrazio baimen hau aldatzea eskatzen dutenak, abenduaren 1eko 1955/2000 Errege Dekretuaren 115. artikuluan ezarritakoaren arabera.

b) Merkatuen eta Lehiaren Batzorde Nazionalak ematea gaitasun legal, tekniko eta ekonomikoak baloratzen dituen txostena, 1955/2000 Errege Dekretuaren 127.6 artikuluan, irailaren 20ko 17/2022 Errege Lege Dekretuak emandako idazketan, aipatzen dena.

Sustatzaileak izapidetzean onartutako baldintzak bete beharko ditu, bai eta Ingurumen Kalitatearen eta Ebaluazioaren Zuzendaritza Nagusiaren ingurumen eraginaren adierazpenean ezarritako baldintzak ere.

Era berean, bete beharko ditu Sistemaren Operadoreak ezartzen dituen arau teknikoak eta jarduteko prozedurak.

Baimen hau emateak ez du ezertan ukatzen aplikatu beharreko beste xedapen batzuen arabera beharrezkoak diren bestelako kontzesio eta baimenak lortzea, eta, bereziki, lurraldearen antolamenduari eta ingurumenari dagozkionak; halaber, obra gauzatzeko behar diren gainerako baimenak ere beharko dira.

Energia ateratzeko gainerako azpiegitura, garraio sarearekiko konexioraino, ebazpen honen irismenetik kanpo gelditzen da, eta SGEE/PEol-522 espedientearen xede izanen da, bai eta Gatica 220 kV-eko azpiestazioa, Red Eléctrica de España SAUrena, zerbitzuan dagoena.

Abenduaren 26ko Sektore Elektrikoari buruzko 24/2013 Legearen 21.5 artikuluan xedatutakoaren ondorioz, ez da eraikitzeko administrazio baimenik emanen harik eta espedienteek dagokien ebakuazio-azpiegitura eraikitzeko administrazio baimena lortzen duten arte.

Eraikitzeko administrazio baimena lortzeko, hiru hilabete igaro baino lehen, sustatzaileak justifikatu beharko du IEAn eta ebazpen honetan ezarritako baldintzek aurretiazko administrazio baimen honetako potentzia instalatua murriztea dakarten edo ez, eta sartu beharko ditu, hala badagokio, aurkeztutako eskaeran hitzartutako potentzia mantentzeko hartu dituen neurriak; halaber, beharrezko jotzen duen beste edozein elementu aurkeztuko du. Era berean, aurkeztutako exekuzio proiektuari, zeina arloko erregelamendu teknikoen arabera prestatuko baita, aplikatzekoa zaion araudia bete dela egiaztatzeko erantzukizunpeko adierazpenarekin batera, behar den dokumentazioa erantsiko zaio, bai eta IEAn ezarritako baldintzak betetzen direla ziurtatzen duen erantzukizunpeko adierazpena ere, ebazpen honetan adierazitakoarekin bat eta abenduaren 26ko 24/2013 Legearen 53.4 artikuluan xedatutakoa betez.

Baimen hau iraungiko da baldin eta aipatu epea iraganik sustatzaileak ez badu eraikitzeko administrazio baimenik eskatu, edo ez baditu eman arestian aipatutako agiriak, exekuzio proiektua gauzatu ahal izateko behar den eraikitzeko administrazio baimena lortzeko. Edonola ere, sustatzaileak ezarritako epea luzatzea eskatzen ahalko du, justifikatutako arrazoiengatik, baina beti kontuan harturik Ekonomia berpizteko energia arloko eta beste arlo batzuetako neurriak onesten dituen ekainaren 23ko 23/2020 Errege Lege Dekretuaren 1. artikuluan ezarritako epeak.

Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluetan eta Sektore Publikoaren Araubide Juridikoari buruzko urriaren 1eko 40/2015 Legearen 62.2.i) artikuluan xedatutakoarekin bat, ebazpen honek ez du administrazio bidea amaitzen, eta haren kontra gora jotzeko errekurtsoa aurkezten ahalko da, Energiaren Estatuko Idazkaritzari zuzendua, ebazpena jakinarazi eta biharamunetik hasita hilabeteko epean.

Epe hori iraganik errekurtsoa jarri gabe, ebazpena irmoa izanen da ondorio guzietarako. Epeak hilabeteka zenbatzeko, urriaren 1eko 39/2015 Legearen 30. artikuluan xedatutakoa bete beharko da.

2024ko urtarrilaren 13an.–Zuzendari nagusia, Manuel García Hernández.

Iragarkiaren kodea: E2401781