1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
1/2024 EBAZPENA, urtarrilaren 30ekoa, Industriako eta Enpresen Trantsizio Ekologiko eta Digitalerako Departamentuko idazkari tekniko nagusiak emana, zeinaren bidez Industriako eta Enpresen Trantsizio Ekologiko eta Digitalerako Departamentuko zerbitzuetako zuzendarien esku uzten baita beren eskumeneko gaietan ziurtagiriak egiteko eskumena.
Nafarroako Foru Komunitateko Administrazioko idazkaritza tekniko nagusiak arautzeko Erregelamendua onesten duen otsailaren 21eko 29/2005 Foru Dekretuak idazkaritzen esku uzten du departamentuan dauden agiri eta datuen gainean fede emateko eta horien gaineko ziurtagiriak egiteko eskumena.
Jasotako ziurtagiri-eskaeren kopurua ikusita, eta haiek ahalik eta azkarren eman daitezen, egokitzat jotzen da ziurtagiriak egiteko eskumena departamentu honetako zerbitzuetako zuzendariei eskuordetzea.
Adierazitakoarekin bat, eta Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 11. eta 33. artikuluetan xedatutakoaren arabera,
EBAZTEN DUT:
1. Industriako eta Enpresen Trantsizio Ekologiko eta Digitalerako Departamentuko zerbitzuetako zuzendarien esku uztea beren eskumeneko gaietan ziurtagiriak egiteko eskumena.
2. Ebazpen hau interesdunei jakinaraztea, behar diren ondorioak izan ditzan.
3. Ebazpen hau Nafarroako Aldizkari Ofizialean argitaratzea, orok jakin dezan.
Iruñean, 2024ko urtarrilaren 30ean.–Industriako eta Enpresen Trantsizio Ekologiko eta Digitalerako Departamentuko idazkari tekniko nagusia, Miguel Ángel Pérez García.
Iragarkiaren kodea: F2401560
