2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
MURIETA
2024rako zerga-tasak
Murietako Udalak, 2024ko urtarrilaren 25ean egindako ohiko osoko bilkuran, honako erabaki hau onetsi zuen hasiera batez, jarraikiz martxoaren 10eko 2/1995 Foru Legeari (Nafarroako Toki Ogasunei buruzko Foru Legea):
Lehenbizikoa.–2024rako karga-tasak onestea. Hona hemen:
–%0,21eko karga-tasa ezartzea, lurraren kontribuzioa ordainarazteko.
–%4,50eko karga-tasa ezartzea, eraikuntza, instalazio eta obren gaineko zergarako.
–1,24ko indizea finkatzea, ekonomia-jardueren gaineko zergarako.
–%10,30eko karga-tasa ezartzea, hiri-lurren balio-gehikuntzaren gaineko zergarako.
Onestea, zerga horretarako, sortzapenaren unean lurraren balioaren gainean aplikatu beharko diren koefizienteak, balio-gehikuntza sortzen den epearen arabera:
KOEFIZIENTEA | SORTZEALDIA |
0,38 | 20 urte edo hortik gora |
0,16 | 19 urte |
0,10 | 18 urte |
0,06 | 17 urte |
0,06 | 16 urte |
0,08 | 15 urte |
0,20 | 14 urte |
0,20 | 13 urte |
0,25 | 12 urte |
0,32 | 11 urte |
0,37 | 10 urte |
0,50 | 9 urte |
0,54 | 8 urte |
0,48 | 7 urte |
0,42 | 6 urte |
0,36 | 5 urte |
0,30 | 4 urte |
0,32 | 3 urte |
0,30 | 2 urte |
0,20 | Urtebete |
0,06 | Urtebetetik behera |
Aipatutako koefizienteek ondorioak izanen dituzte iragarki hau Nafarroako Aldizkari Ofizialean argitaratzen denetik aitzina.
Bigarrena.–Horri guztiari dagokion erabakia argitaratzea Nafarroako Aldizkari Ofizialean eta Udalaren iragarki-taulan, ediktuak paratuz, jarraikiz urriaren 1eko 39/2015 Legearen 45. artikuluari (Administrazio Prozedura Erkideari buruzko Legea).
Murietan, 2024ko urtarrilaren 26an.–Alkatea, Felipe Ajona Chasco.
Iragarkiaren kodea: L2401460
