Iragarkia

29. ALDIZKARIA - 2024ko otsailaren 8a

1. NAFARROAKO FORU KOMUNITATEA

1.7. BESTELAKOAK

1/2024 EBAZPENA, urtarrilaren 3koa, Garraioen Kudeaketa eta Antolamenduaren eta Mugikortasunaren Zerbitzuko zuzendariak emana, zeinaren bidez onesten baita errepideko garraiorako ibilgailu mota zenbaiten gidarien hasierako kualifikazioa frogatzeko gaitasun profesionalaren agiria lortzeko probak gainditu dituzten izangaien zerrenda. Probak 2023ko abenduaren 15ean egin ziren.

Garraioen Ikuskapen, Kudeaketa eta Antolamenduaren eta Mugikortasunaren Zerbitzuko zuzendariak urriaren 27an emandako 16/2022 Ebazpenaren bidez, deialdi bat onetsi zen salgaien edo bidaiarien errepideko garraiorako ibilgailu mota zenbaiten gidarien hasierako kualifikazioa frogatzen duen gaitasun profesionalaren agiria lortzeko probetan parte hartzeko, zehazki, 2023. urtean Nafarroako Foru Komunitatean egin behar zirenetan. Ebazpen hori 2022ko 234. Nafarroako Aldizkari Ofizialean argitaratu zen, azaroaren 24koan.

Horretarako izendatutako epaimahaiak 2023ko abenduaren 15ean egindako probak gainditu dituzten izangaien zerrenda aurkeztu du.

Horrenbestez, Lurralde Kohesiorako Departamentuaren egitura organikoa ezartzen duen azaroaren 15eko 249/2023 Foru Dekretuaren bigarren xedapen gehigarriaren 7. apartatuak eta Errepideko garraiorako ibilgailu mota zenbaiten gidarien hasierako kualifikazioa eta etengabeko prestakuntza arautu zituen apirilaren 20ko 284/2021 Errege Dekretuaren 17. artikuluak ematen dizkidaten eskumenak erabiliz,

EBAZTEN DUT:

1. Ebazpen honen eranskinean ageri den izangaien zerrenda onestea. Zerrenda horretan ageri dira gidarien hasierako kualifikazioa frogatzen duen gaitasun profesionalaren agiria eskuratu duten izangaiak, 2023ko abenduaren 15ean egindako probak gainditu ostean.

2. Garraioen Kudeaketa eta Antolamenduaren eta Mugikortasunaren Zerbitzuko Kudeaketa Atalari agintzea Garraioko Enpresen eta Jardueren Erregistroan inskriba ditzala probak gainditu dituzten izangaien hasierako kualifikazioa frogatzen duten gaitasun profesionalaren agiriak, eta, orobat, eman ditzala gaitasun txartel horiek.

3. Ebazpen hau Garraioen Kudeaketa eta Antolamenduaren eta Mugikortasunaren Zerbitzuko Kudeaketa Atalari jakinaraztea eta Nafarroako Aldizkari Ofizialean argitaratzea, behar diren ondorioak izan ditzan.

4. Ebazpen honek ez du administrazio bidea amaitzen, eta haren aurka interesdunek gora jotzeko errekurtsoa jar dezakete, Garraioen eta Mugikortasun Jasangarriaren zuzendari nagusiari zuzendua, hilabeteko epean, Nafarroako Aldizkari Ofizialean argitaratu eta biharamunetik aitzina.

Iruñean, 2024ko urtarrilaren 3an.–Garraioen Kudeaketa eta Antolamenduaren eta Mugikortasunaren Zerbitzuko zuzendaria, Santiago Alemán Carrica.

ERANSKINA.–HASIERAKO KUALIFIKAZIOA FROGATZEN DUEN GAITASUN PROFESIONALAREN AGIRIA LORTZEKO 2023KO ABENDUAREN 15EAN EGINDAKO AZTERKETA GAINDITU DUTENEN ZERRENDA

Iragarkiaren kodea: F2400108