4. PROZEDURA JUDIZIALAK
KONSTITUZIO AUZITEGIA
8264-2024 konstituzio-kontrakotasuneko arazoa, uztailaren 1eko 19/2022 Foru Legearen 5.3 eta 9.1 artikuluei dagokienez, Espainiako Konstituzioaren 23.2 eta 14. artikuluak ustez urratzeagatik. Foru lege horren bidez neurriak hartu ziren Nafarroako Administrazio Publikoetan egonkortze prozesuak gauzatzeko, Enplegu publikoan behin-behinekotasuna murrizteko premiazko neurriei buruzko abenduaren 28ko 20/2021 Legearen ondorioz.
Konstituzio Auzitegiak, 2024ko abenduaren 3ko osoko bilkuran emandako probidentziaren bidez, erabaki du izapidetzeko onartzea 8264-2024 konstituzio-kontrakotasuneko arazoa, Nafarroako Justizia Auzitegi Nagusiko Administrazioarekiko Auzien Salak 109-2023 prozedura arruntean planteatutakoa, uztailaren 1eko 19/2022 Foru Legearen 5.3 eta 9.1 artikuluei dagokienez, Espainiako Konstituzioaren 23.2 eta 14. artikuluak ustez urratzeagatik (foru lege horren bidez neurriak hartu ziren Nafarroako Administrazio Publikoetan egonkortze prozesuak gauzatzeko, Enplegu publikoan behin-behinekotasuna murrizteko premiazko neurriei buruzko abenduaren 28ko 20/2021 Legearen ondorioz), eta, bestalde, Konstituzio Auzitegiari buruzko Lege Organikoaren 10.1 c) artikuluan xedatutakoarekin bat, beretzat hartzea arazo horren ardura.
Konstituzio Auzitegiaren Lege Organikoaren 37.2 artikuluan ezarritakoarekin bat, 109-2023 prozedura arruntean alderdi direnak epaitegi honetan pertsonatzen ahalko dira ediktu hau Estatuko Aldizkari Ofizialean argitaratu ondoko hamabostean.
Madrilen, 2024ko abenduaren 3an.–Konstituzio Auzitegiko Osoko Bilkurako Justiziako idazkaria, Alfonso Pérez Camino.
Iragarkiaren kodea: J2417815