2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ZIZUR NAGUSIA
Ezohiko deialdia, ikastetxe publikoetako guraso elkarteei dirulaguntzak emateko, 2024/2025 ikasturteko eskola-garraioa antolatzeko. Laburpena
DDBN (identifikazioa): 799565.
Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan ezarritakoaren arabera, deialdiaren laburpena argitaratzen da. Haren testu osoa Dirulaguntzen Datu Base Nazionalean aurki daiteke (https://www.infosubvenciones.es/bdnstrans/GE/eu/convocatoria/799565).
Alkatearen 2024ko azaroaren 27ko 1895/2024 Ebazpenaren bidez onartua.
Lehena.–Onuradunak.
Zizur Nagusian egoitza soziala eta fiskala duten ikastetxe publikoetako gurasoen elkarteak, baldin eta legez eratuta eta Elkarteen Erregistroan inskribatuta eta eguneratuta badaude, baldintza orokorrak betetzen badituzte eta Dirulaguntzei buruzko azaroaren 17ko 38/2003 Lege Orokorraren 13. artikuluan ezarritako debeku-kausetako batean ere ez badaude.
Bigarrena.–Helburua.
Guraso elkarteek antolatutako eskola-garraioko zerbitzua bultzatzea, sustatzea eta babestea, eta Zizur Nagusiko Udalaren lankidetza arautzea.
Hirugarrena.–Oinarri arautzaileak.
Zizur Nagusiko ikastetxe publikoetako guraso elkarteentzako dirulaguntzen ezohiko deialdia, 2024/2025 ikasturtean eskola-garraioa antolatzeko.
Laugarrena.–Zenbatekoa.
27.000 euro.
Bosgarrena.–Eskabideak aurkezteko epea.
Eskabideak aurkezteko epea 7 egun naturalekoa izango da, deialdi hau Nafarroako Aldizkari Ofizialean laburbilduta argitaratu eta hurrengo egunetik aurrera.
Zizur Nagusian, 2024ko azaroaren 27an.–Alkatea, Jon Gondán Cabrera.
Iragarkiaren kodea: L2417302