1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
2780/2024 Ebazpena, 2024ko azaroaren 26koa, Nafarroako Unibertsitate Publikoko errektoreak emana. Haren bidez, agintzen da argitara dadila Gobernu Kontseiluak 2024ko azaroaren 26an hartutako "Erabakia, Unibertsitateko teknikarien, eta kudeaketako eta administrazioko eta zerbitzuetako langileen 2024ko Lan Publikoaren Eskaintza onesten duena".
2003ko maiatzaren 12ko 110/2003 Foru Dekretuak onetsitako Unibertsitateko Estatutuetako 40. artikuluak ematen dizkidan eskumenak erabiliz, agintzen dut argitara dadila Gobernu Kontseiluak 2024ko azaroaren 26an hartutako erabakia, Unibertsitateko teknikarien, eta kudeaketako eta administrazioko eta zerbitzuetako langileen 2024ko Lan Publikoaren Eskaintza onesten duena.
"NAFARROAKO UNIBERTSITATE PUBLIKOKO GOBERNU KONTSEILUAREN ERABAKIA, UNIBERTSITATEKO TEKNIKARIEN, ETA KUDEAKETAKO ETA ADMINISTRAZIOKO ETA ZERBITZUETAKO LANGILEEN 2024ko LAN PUBLIKOAREN ESKAINTZA ONESTEN DUENA
Estatuko 2023. urterako Aurrekontu Orokorrei buruzko 2022ko abenduaren 23ko 31/2022 Legeak (aurrekontu orokorrak 2024. urterako luzatu dira), 20. artikuluan, administrazio eta erakunde publikoen lan publikoaren eskaintzak arautzen ditu, eta aditzera ematen du ezen, unibertsitate publikoei dagokienez, langileen birjarpen tasa hauen bidez artikulatuko direla eskaintzak:
–Tasa orokor bat, %120koa lehentasunezko sektoreetan, hala nola unibertsitate publikoetan.
–Tasa espezifiko bat, zeina, aipatutako legearen 20. artikuluaren Bi.4 apartatuan ezarritakoaren arabera, administrazio bakoitzak baimentzen ahalko baitu, salbuespen gisa, enplegu publikoan behin-behinekotasuna murrizteko neurri urgenteei buruzko 2021eko abenduaren 28ko 20/2021 Legean ezarritako helburua betetzeko, alegia, enplegu publikoan behin-behineko lanpostuak egiturazko lanpostuen ehuneko 8 baino gehiago ez izatea bere arloetako bakoitzean, betiere justifikatua baldin badago eduki beharreko urte anitzeko plangintza-tresnaren arabera.
20. artikuluaren Hiru apartatuak birjarpen tasa orokorra aplikatzeko arauak ezartzen ditu. Horren arabera, eta 2022ko abenduaren 23ko 31/2022 Legearen 20.Hiru artikuluan birjarpen tasa orokorra kalkulatzeko ezarritako irizpideak aplikatu ondoren, 24 lanpostu atera dira 2024ko ekitaldirako, eta, aipatu bezala %120 aplikatu behar denez, osotara 28 izanen dira.
Bestalde, Unibertsitateko Giza Kapitalaren Plangintzarako Kudeatzaileordetzak urte anitzeko plangintzarako dokumentu bat prestatu du, zeina erabaki honen bidez onesten baita eta eranskin gisa eransten baitzaio. Dokumentu horretako analisiaren eta aurreikuspenen arabera, tasa espezifiko bat onetsi behar da, 10 lanpostukoa, 20/2021 Legean, Enplegu publikoan behin-behinekotasuna murrizteko neurri urgenteei buruzkoan (2021eko abenduaren 28koa) ezarritako helburua lortzeko –alegia, enplegu publikoan behin-behineko lanpostuak egiturazko lanpostuen ehuneko 8 baino gehiago ez izatea arloetako bakoitzean–.
Hori guztia kontuan harturik, beharrezkoa da 2024. urteko Lan Publikoaren Eskaintza onestea, bai birjarpen tasaren eta bai aipatutako tasa espezifikoaren ondoriozko lanpostuak barne hartuta.
2022ko abenduaren 23ko 31/2022 Legearen 20.Hiru.3 artikuluarekin bat etorriz, Lan Publikoaren Eskaintza baliozkoa izateko, lanpostuen deialdia hiru urteko epe luzaezinean egin beharko da, hura Nafarroako Aldizkari Ofizialean argitaratu eta biharamunetik kontatzen hasita.
Ikusirik Langileria Kudeatzeko Ataleko buruak egin duen txostena, Giza Baliabideen Zerbitzuko zuzendariak ontzat eman duena.
Proposamena Negoziazio Mahaian aurkeztuta, eta Nafarroako Unibertsitate Publikoan ordezkaritza duten sindikatuei entzun ondoren, kudeatzaileak proposaturik, honako hau da Gobernu Kontseiluak 2024ko azaroaren 26an egindako bileran hartu duen
ERABAKIA:
Lehenbizikoa.–Lan Publikoaren Eskaintzaren onespena.
Estatuko 2023. urterako Aurrekontu Orokorrei buruzko 2022ko abenduaren 23ko 31/2022 Legearen 20. artikuluan ezarritakoarekin bat etorriz (aurrekontu orokorrak 2024. urterako luzatu dira), Nafarroako Unibertsitate Publikoko teknikarien, eta kudeaketako eta administrazioko eta zerbitzuetako langileen 2024ko Lan Publikoaren Eskaintza onesten da.
Bigarrena.–Urte anitzeko plana.
Giza Kapitalaren Plangintzarako Kudeatzaileordetzak prestatutako urte anitzeko plana onesten da.
Urte anitzeko plangintzarako tresna horrek justifikatu egiten du tasa berezi bat onestea enplegu publikoan behin-behinekotasuna murrizteko neurri urgenteei buruzko 2021eko abenduaren 28ko 20/2021 Legean ezarritako egonkortasun helburua lortzeko, Estatuko 2023. urterako Aurrekontu Orokorrei buruzko 2022ko abenduaren 23ko 31/2022 Legearen 20.Bi.4 artikuluan ezarritakoarekin bat etorriz.
Hirugarrena.–Eskainitako lanpostuak.
Honako lanpostu hauek daude 2024ko Lan Publikoaren Eskaintzan:
a) Birjarpen tasa orokorrari dagozkion lanpostuak.
LANPOSTU
KOPURUA | POSTUA | MAILA | PLANTILLAKO
ZK. |
3 | Artxibo eta Liburutegietako teknikari laguntzailea | C | 391 612 856 |
3 | Zerbitzu Orokorrak | D | 688 690 696 |
5 | OLko administraria | C | 384 363 472 732 20 793 |
3 | Zerbitzuetako ofiziala | C | 867 841 839 |
1 | Mekanikako laborategiko ofiziala | C | 347 |
1 | Laborategi kliniko eta biomedikoko ofiziala | C | 666 |
2 | Elektronikako laborategiko ofiziala | C | 342 345 |
1 | OLko teknikaria (Informatika Zerbitzua) | A | 617 |
1 | OLko teknikaria (Artxiboak) | A | 578 |
1 | OLko teknikaria (Euskara) | A | 279 |
1 | OLko teknikaria (Mantentze-lanak) | A | 701 |
1 | OLko teknikaria (Adar Ekonomikoa) | A | 604 |
1 | OLko teknikaria (Adar Juridikoa) | A | 478 |
3 | OLko teknikaria | A | 25 677 581 |
b) Tasa bereziari dagozkion lanpostuak (2022ko abenduaren 23ko 31/2022 Legearen 20.Bi.4 artikulua).
LANPOSTU
KOPURUA | POSTUA | MAILA | PLANTILLAKO
ZK. |
4 | Liburutegiko OLko laguntzailea | B | 403 462 219 220 |
2 | Ofizial teknikoa (Informatika Zerbitzua) | C | 494 665 |
1 | OLko administraria | C | 761 |
1 | Laborategiko ofiziala (Kimika) | C | 517 |
1 | Kudeaketaria (Informatika Zerbitzua) | B | 248 |
1 | Abokatu aholkulari juridikoa | A | 888 |
Sarrera-prozeduraren bidez betetzeko deialdia onesten den egunean plantilla organikoan jasoak dauden baldintzekin eskainiko dira Lan Publikoaren Eskaintza honetako lanpostuak.
Baliteke erabaki honen ondoriozko hautaketa-prozesuetan sartutako lanpostuen zenbaki zehatzak beste batzuk izatea, haren deialdia egin baino lehenagoko lekualdatze-lehiaketen emaitzen arabera; kasu horretan, gehitu eginen dira lehiaketa horien ondorioz gelditzen diren lanpostuak.
Baldin eta lanposturen bat lanpostu erreserbarik gabeko atalburutza bat betetzeari uzten dion funtzionario bati esleitzen bazaio, edo lekualdatze-lehiaketa batean parte hartuz borondatezko eszedentzia-egoeratik jarduneko zerbitzura itzultzen den bati, edo ordenamendu juridikoan aurreikusitako beste edozein prozeduraren bidez betetzen bada lanpostua eta horren ondorioz ez bada lanpostu zehatzik sortu, orduan lanpostu gutxiago deituko dira.
Laugarrena.–Desgaitasunen bat duten pertsonentzako erreserba-txandak
Lan Publikoaren Eskaintza honetako 3 lanpostu %33ko desgaitasun maila edo handiagoa aitortua dutenentzat gordeko dira.
Nafarroako Unibertsitate Publikoko kudeatzaileari ahalmena ematen zaio erreserba hori zer lanposturi aplikatuko zaien erabaki dezan.
Bosgarrena.–Genero-indarkeriaren biktima diren emakumeentzako erreserba-txanda
Lan Publikoaren Eskaintza honetako lanpostu bat genero-indarkeriaren biktima diren emakumeentzat gordeko da.
Nafarroako Unibertsitate Publikoko kudeatzaileari ahalmena ematen zaio erreserba hori zer lanposturi aplikatuko zaion erabaki dezan.
Seigarrena.–Espainiako nazionalitatea izatea beharrezkoa duten lanpostuak
Lanpostuetan sartzeko Espainiako nazionalitatea izatea eskatzeko ondorioetarako, Nafarroako Unibertsitate Publikoko kudeatzaileari ahalmena ematen zaio erabaki dezan zer lanpostutan erabili beharko diren ahalmen publikoak edo zer lanpostuk izanen duten erantzukizuna Nafarroako Unibertsitate Publikoaren interesak babesteko.
Zazpigarrena.–Lan Publikoaren Eskaintza betearaztea.
Birjarpen tasa betearazteko beharrezkoak diren hautaketa-prozesuak arautzen dituzten oinarri espezifikoak Nafarroako Aldizkari Ofizialean argitaratu behar dira hiru urteko epean beranduenez, Lan Publikoaren Eskaintza hau argitaratzen den egunetik kontatzen hasita.
Zortzigarrena.–Deialdiaren berri ematea.
Erabaki hau Kudeatzailetzari, Giza Baliabideen Zerbitzuari eta Nafarroako Gobernuaren Unibertsitateko, Berrikuntzako eta Eraldaketa Digitaleko Departamentuari helaraztea, eta Nafarroako Aldizkari Ofizialean argitaratzeko agintzea, baita Unibertsitatearen iragarki-ohol elektronikoan ere, urte anitzeko plana eranskin gisa gehituta.
Bederatzigarrena.
Erabaki honen aurka, zilegi da administrazioarekiko auzi-errekurtsoa jartzea Nafarroako Administrazioarekiko Auzietako Epaitegietan, bi hilabeteko epean, erabakia Nafarroako Aldizkari Ofizialean argitaratu eta biharamunetik kontatzen hasita, Administrazioarekiko Auzien Jurisdikzioari buruzko 1998ko uztailaren 13ko 29/1998 Legearen xedapenetan ezarritakoarekin bat."
Iruñean, 2024ko azaroaren 26an.–Errektorea, Ramón Gonzalo García.
Iragarkiaren kodea: F2417269
