1. NAFARROAKO FORU KOMUNITATEA
1.7. BESTELAKOAK
606/2024 EBAZPENA, azaroaren 19koa, Toki Administrazioaren eta Despopulazioaren zuzendari nagusiak emana, zeinaren bidez epatzen baitira, Nafarroako Aldizkari Ofizialean argitara emanez, balizko interesdunak, ager daitezen Urzainkiko Udalak Nafarroako Justizia Auzitegi Nagusiko Administrazioarekiko Auzien Salan bideratu duen 372/2024 zenbakiko prozedura arruntean.
Urzainkiko Udalak administrazioarekiko auzi-errekurtso bat aurkeztu du Nafarroako Justizia Auzitegi Nagusiko Administrazioarekiko Auzien Salan, Nafarroako Gobernuko Lurralde Kohesiorako Departamentuko Toki Administrazioaren eta Despopulazioaren Zuzendaritza Nagusiak 2024ko abuztuaren 16an egindako errekerimendu baten aurka, zeinaren bidez Urzainkiko Udala premiatzen baita eskaera formala egitera Nafarroako Gobernuari, kudeaketa batzorde bat izenda dezan.
Administrazio honek dagokion administrazio espedientea igorri ondoren, Salako Justizia Administrazioaren letraduaren idazki baten bidez, Toki Administrazioaren eta Despopulazioaren Zuzendaritza Nagusiari eskatu zaio adieraz dezala balizko interesdunik dagoen, haiek epatzeko, Administrazioarekiko Auzien Jurisdikzioa arautzen duen uztailaren 13ko 29/1998 Legearen 49. artikuluan ezarritakoari jarraikiz.
Horrenbestez, Herritarrekiko Harremanetako Departamentuaren egitura organikoa ezartzen duen azaroaren 15eko 249/2023 Foru Dekretuaren bidez esleitu dizkidaten eskudantziak erabiliz,
EBAZTEN DUT:
1. Epatzea, ebazpen hau Nafarroako Aldizkari Ofizialean argitara emanez, balizko interesdunak, autoetan demandatu gisa ager daitezen Justizia Auzitegi Nagusiko Administrazioarekiko Auzien Salan, argitaratu eta bederatzi eguneko epean.
2. Ebazpen hau igortzea Nafarroako Justizia Auzitegi Nagusiko Administrazioarekiko Auzien Salara, eta Lehendakaritza eta Berdintasun Departamentuko Aholkularitza Juridikoaren Zerbitzura, eta jakinaraztea Urzainkiko Udalari, behar diren ondorioak izan ditzan.
Iruñean, 2024ko azaroaren 19an.–Toki Administrazioaren eta Despopulazioaren zuzendari nagusia, Jesús M.ª Rodríguez Gómez.
Iragarkiaren kodea: F2416923
