Iragarkia

244. ALDIZKARIA - 2024ko abenduaren 2a

1. NAFARROAKO FORU KOMUNITATEA

1.7. BESTELAKOAK

440/2024 EBAZPENA, urriaren 22koa, Hezkuntzako zuzendari nagusiak emana, zeinaren bidez onesten baitira araubide bereziko hizkuntza irakaskuntzetako ziurtapen probak egiteko zehaztapenak, eta ezartzen baitira igoera eta ziurtapen baldintzak, 2024-2025 ikasturterako.

Abuztuaren 29ko 68/2018 Foru Dekretuaren bidez (haren bidez egokitu zen abenduaren 22ko 1041/2017 Errege Dekretua Nafarroako Foru Komunitatean) ezarri ziren Nafarroan Hezkuntzari buruzko maiatzaren 3ko 2/2006 Lege Organikoak ezarritako hizkuntzen irakaskuntzen oinarrizko mailako, tarteko mailako eta maila aurreratuko curriculumak.

Urtarrilaren 11ko 1/2019 Errege Dekretuak oinarrizko ebaluazio printzipio komun batzuk ezarri zituen araubide bereziko hizkuntzen irakaskuntzetako B1 eta B2 tarteko mailak eta C1 eta C2 maila aurreratuak ofizialki ziurtatzeko probetarako.

4. artikuluan, 6. puntuan, honako hau dio: "Hezkuntza administrazioek azterketaren zehaztapenen dokumentu bat eginen dute deitzen dituzten ziurtapenen ebaluazio prozesuetarako. Dokumentu horretan jasoko dira ziurtapenaren ebaluazioari aplikatu beharreko oinarrizko araudia eta araudi autonomikoa, bai eta kasuan kasuko proben ezaugarrien zehaztapena ere. [...] Azterketaren zehaztapenen dokumentua argitara emanen da, ziurtapenaren hautagaiek eta beste edozein interesdunek horren berri izan dezaten. Bertan, argitalpen-urtea adieraziko da, eta urte hori zehaztutako probak administratzen diren urtea izan beharko da".

Horrenbestez, Eleaniztasunaren eta Arte Ikasketen Zerbitzuko zuzendariak aldeko txostena aurkeztu du, argitara eman daitezen Nafarroako Foru Komunitatean araubide bereziko hizkuntza irakaskuntzetako probak egiteko zehaztapenak eta horiei 2024-2025 ikasturterako aplikatu beharreko igoera eta ziurtapen irizpideak.

Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz,

EBAZTEN DUT:

1. Araubide bereziko hizkuntza irakaskuntzetako ziurtapen probak egiteko zehaztapenak onestea. Ebazpen honen I., II., III., IV., V., VI., VII., VIII., IX., X., XI. eta XII. eranskinetan azaltzen dira.

2. Araubide bereziko hizkuntza irakaskuntzetako igoerarako eta ziurtapenerako irizpideak onestea. Ebazpen honen XIII. eranskinean deskribatzen dira.

3. Ebazpen hau eta I., IV., VII., X. eta XIII. eranskinak Nafarroako Aldizkari Ofizialean argitaratzea.

4. Ebazpen administratibo honen kontra gora jotzeko errekurtsoa aurkezten ahal da, Hezkuntza Departamentuko kontseilariari zuzendua, hilabeteko epean, argitaratu eta biharamunetik aitzina.

5. Ebazpen hau eta eranskin guztiak igortzea Eleaniztasunaren eta Arte Ikasketen Zerbitzura, Hezkuntzako Ikuskapen Zerbitzura, Arte eta Hizkuntza Ikasketen Atalera, Ikasketak Antolatzeko Atalera eta Nafarroako hizkuntza eskola ofizialetara, behar diren ondorioak izan ditzaten.

Iruñean, 2024ko urriaren 22an.–Hezkuntzako zuzendari nagusia, Gil Sevillano González.

I. ERANSKINA.–NAFARROAKO HIZKUNTZA ESKOLA OFIZIALETAKO ZIURTAPEN PROBETAKO AZTERKETA GIDA

B1 tarteko maila

1.–Azterketaren helburua.

B1 mailako azterketa hau zenbait probaz osaturik dago, zeinak diseinaturik baitaude izangaiek helburu komunikatibo orokorretarako hizkuntza jarduera nagusietan duten gaitasuna ebaluatzeko.

2.–Konstruktuaren definizioa.

Hizkuntza eskola ofizialetako B1 mailako ziurtapen probak xede hauetarako diseinatu dira: ebaluatu beharreko hizkuntza erabiltzean ikaslea nola moldatzen den neurtzea; eta ebaluatzea ea zenbateko gaitasuna duen helburu komunikatibo orokorretarako ahozko zein idatzizko testuak ulertzeko, produzitzeko, koproduzitzeko eta prozesatzeko.

Gaitasun probak estu loturik daude arloko adituek ezarri duten komunikaziorako hizkuntza gaitasun orokorraren ereduarekin. Europako Kontseiluak eredu hori onartu du Europako Erreferentzia Esparru Bateratuan eta Companion Volume argitalpenean. Komunikazioaren ikuspegian oinarriturik, eredu hori hizkuntza jarduerara bideratuta dago, hau da, hizkuntzaren erabilerara. Ulermenean, produkzioan, koprodukzioan eta prozesamenduan xede hizkuntza erabiltzeko gaitasun hori abenduaren 22ko 1041/2017 Errege Dekretuan ere aipatzen da. Mailari dagokionez, probek erreferentzia izanen dituzte, arau orokor gisa, helburu orokorrak eta espezifikoak eta hizkuntza bakoitzaren gutxieneko edukiak, hizkuntza bakoitzaren curriculumean jasotakoak.

Izangaiaren gaitasun orokorraren mailari antzematen zaio egiazko komunikazio egoerak simulatzen dituzten zereginetan bere ezagutzak, trebetasunak eta baliabideak nola erabiltzen dituen ikusita. Komunikaziorako gaitasun hori erakusteko, praktikan jarri behar dira bai hizkuntza gaitasun soila eta bai gaitasun soziokulturalak, soziolinguistikoak, estrategikoak, funtzionalak eta diskurtsiboak ere.

Eredu horren arabera, probek erakutsi behar dute zenbateko gaitasuna duen izangaiak hizkuntza jarduera batzuk ongi egiteko, egiazko komunikazio egoeretan egin behar lukeen bezala. Beraz, ebaluazioan aztertuko da zer prozesatzeko eta ekoizteko gauza den izangaia komunikazio egoeretan, eta ez soilik zer ezagutza formal dituen hizkuntzari buruz.

Hizkuntzaren sistema formalak zereginetan sartzen dira, izangaiak praktikan nola erabiltzen dituen ikusi ahal izateko.

Konstruktu orokor horretatik ondorioztatzen dira azterketa proben ezaugarri espezifikoak.

3.–Mailaren definizioa.

B1 mailak B1 gaitasun mailaren ezaugarriak izanen ditu, abuztuaren 29ko 68/2018 Foru Dekretuan dagoen definizioaren arabera (2018ko irailaren 13ko Nafarroako Aldizkari Ofiziala).

B1 maila hori duen ikasleak hizkuntza erabiltzen du nolabaiteko segurtasun eta malgutasunez, hartzaile nahiz sortzaile gisara, ahoz zein idatziz, baita hizkuntza desberdinetako hiztunen artean bitartekari jarduteko ere, bai egunerokoan bai horren ohikoak ez diren egoeretan, zeinetan beharrezkoa baita hizkuntza estandarreko askotariko testuak ulertzea eta sortzea, gai orokorrei, egunerokoei edo interes pertsonalekoei buruz, ohiko egiturak eta oso idiomatikoa ez den errepertorio lexiko arrunta erabilita.

4.–Izangaien betebeharrak.

–Azterketako ikasgelan eskatutakoan, izangaiek ikastetxeko txartela, NANa, pasaportea edo haien nortasuna frogatzeko beste agiri bat, argazkia duena, aurkeztu beharko dute.

–Izangaiak puntualak izanen dira, eta azterketa-gelan egonen dira deialdiaren ordutegia baino 15 minutu lehenago, deialdiko ordua azterketa egiten hasteko ordua baita.

–Izangaiek bolaluma urdina edo beltza erabiliko dute azterketa egiteko. Arkatzarekin edo ezabatzen ahal den tintarekin idatzitako probak ez dira zuzenduko (irakurle optikoaren orriko erantzunak izan ezik, haiek arkatzarekin betetzen ahal baitira).

–Idazteko materialaz beste tresnarik ezin da eduki mahai gainean

–Telefono mugikorrak eta beste edozein aparatu elektroniko itzalita eduki beharko dira une oro.

Azterketaren administratzaileek betebehar horiek bete daitezen begiratu behar dute, eta bete ezean jarduteko ahalmena dute.

5.–Azterketaren ezaugarri orokorrak.

5.1. Azterketaren zatiak.

–Azterketak bost proba ditu. Proba bakoitzak hizkuntza jarduera bat neurtuko du: testu idatziak ulertzea, ahozko testuak ulertzea, testu idatzien produkzioa eta koprodukzioa, ahozko testuen produkzioa eta koprodukzioa, eta bitartekotza.

–Izangaiek proba guztiak egin ditzakete; izan ere, ezein proba gainditzea ez da baldintza izanen hurrengoak egin ahal izateko.

–Azkeneko emaitza "gai" edo "ez-gai" izanen da. Hizkuntza jarduera bakoitzaren kalifikazioa 10 puntuko eskalan oinarritzen da eta 1 eta 10 bitarteko zenbaki baten bidez adieraziko da, dezimal batekin.

–Ahozko eta idatzizko ulermenetan, 26 itemetatik 13 zuzen erantzunez gero, 10etik 5 puntu lortuko dira. Nota bakoitza kalkulatzeko, item kopurua bider 10/26 egin behar da, eta dezimal batera biribildu. Ez dago penalizaziorik erantzun okerrengatik.

–Azterketa osoa gainditzeko eta, horrenbestez, ziurtagiria lortzeko, beharrezkoa izanen da gutxienez ere 6,5 puntu lortzea batez besteko puntuazio orokorrean. Azkeneko emaitza "gai" izan dadin, ezinbestekoa da hizkuntza jarduera bakoitzaren nota gutxienez ere 5 puntukoa izatea. Gutxienez ere 5 puntu lortzen badira proba batean edo gehiagotan, "gai" kalifikazioa ateratzen ahalko da, baldin eta proba guztien batezbesteko aritmetikoa 6,5 puntu edo gehiago bada. Azkeneko emaitza "gai" edo "ez-gai" izanen da.

–Deialdi arruntean 6,5 puntuko batezbesteko osora iristen ez denak, gutxienez 5eko puntuaziora iritsi ez den hizkuntza jarduera bakoitza errekuperatu behar izateaz gainera, deialdi berezian azterketa egiten ahalko du 6,5eko gutxienekora iritsi ez den proba guztietan (gutxienez 17 item zuzen idatziaren eta entzunaren ulermen probetan).

–Izangaia bi deialdietan aurkezten den zati guztietarako, aplikatuko zaion amaierako puntuazioa bietatik onena izanen da.

–Hizkuntza eskola ofizialetako irakasleei dagokie B1 tarteko mailako ziurtagiriak lortzeko probak administratzea, kasuan kasuko hezkuntza administrazioek ezartzen dituzten baldintzetan.

–Azterketa osoa bi saiotan eginen da, idatzizko zati batekin eta ahozko beste batekin, honako taula honetako hurrenkerari jarraituz:

–Zatiak egiteko hurrenkera eta denborak errespetatu beharko dira bai deialdi arruntean bai berezian.

–Antolaketa dela eta, eskola batek edo batzuek beste egun bat paratzen ahalko dute "Testu idatzien produkzioa eta koprodukzioa" eta "Idatzizko bitartekotza" probetarako. Data hori gutxienez 15 egun lehenago jakinaraziko zaie ikasleei.

5.2. Gaiak.

Izangaiak ulertu edo sortu beharko dituen testuak gai hauetaz arituko dira:

1. Identifikazio pertsonala.

2. Bidaiak eta oporrak.

3. Etxebizitza, etxea eta ingurua.

4. Osasuna eta gorputzaren zainketa.

5. Eguneroko jarduerak.

6. Erosketak eta merkataritza jarduerak.

7. Familia eta adiskideak.

8. Elikadura eta jatetxeak.

9. Harreman pertsonalak eta sozialak.

10. Ondasun eta zerbitzuak.

11. Lana eta zereginak.

12. Garraioa.

13. Hezkuntza eta ikasketak.

14. Klima eta ingurune naturala.

15. Hizkuntza eta komunikazioa.

16. Informazioaren eta komunikazioaren teknologiak.

17. Denbora librea eta aisia.

5.3. Kalifikazioak.

–Ikasleei ziurtapen proben emaitzari buruz emanen zaien informazioak barnean hartuko ditu probaren zati bakoitzeko puntuazioa eta dagokion kalifikazio partziala, bai eta proba osoari dagokion kalifikazio orokorra ere ("gai" edo "ez-gai").

–Egin ez den probaren zati bakoitzak "ez-aurkeztua" kalifikazioa jasoko du. Probaren azken kalifikazioa "gai" edo "ez-gai" izanen da. Izangaiak zatietako bat ere egiten ez badu, bere azken kalifikazioa orokorra "ez-aurkeztua" izanen da.

6.–Azterketako bost proben ezaugarriak.

6.1. Testu idatziak ulertzeko proba (CE).

Izangaiak gauza izan behar du ulertzeko, idatzi laburretan edo luzera ertainekoetan, testuaren zentzu orokorra, funtsezko informazioa, puntu nagusiak, xehetasun garrantzitsuenak eta egilearen iritzi eta jarrera esplizituak. Testuak argiak, ongi antolatuak eta hizkuntza estandarrean egindakoak izanen dira, eta jorratuko dituzte eguneroko gaiak, gai orokorren alderdi zehatzak, ohiko edo gaurkotasuneko gaiak, edo izangaiaren interesekin lotutakoak.

Probaren formatua: lau zeregin, 26 itemekin guztira, honela banatuak:

6.2. Ahozko testuak ulertzeko proba (CO).

Izangaiak gauza izan behar du ulertzeko, ahozko testu labur edo luzera ertainekoetan, baldin eta baldintza akustikoak onak badira eta esandakoa berriz entzuteko modua badu xehetasun batzuk baieztatu ahal izateko, testuaren zentzu orokorra, funtsezko informazioa, puntu nagusiak, xehetasun garrantzitsuenak eta hizlarien iritzi eta jarrera esplizituak. Testu horiek ongi egituratuak izanen dira, poliki edo abiadura ertainean eta argi ahoskatuak, eta ahots ozenez edo baliabide teknikoen bidez transmitituak, hizkuntzaren aldaera estandarrean; eta jorratuko dituzten gaiak egunerokoak edo ezagunak izanen dira, edo gai orokorrak edo gaurkotasunekoak, izangaiaren esperientziekin eta interesekin lotutakoak.

Probaren formatua: 4 zeregin 26 itemekin, honela banatuta:

6.3. Testu idatziak produzitzeko eta koproduzitzeko proba: idazmena (EE).

Izangaiak gauza izan behar du bakarka edo beste norbaitekin sortzeko, euskarria edozein dela ere, idatzizko testu laburrak edo luzera ertainekoak, sinpleak eta argi antolatuak, testuinguruari egokituta (hartzailea, egoera eta helburu komunikatiboa), eguneroko, ohiko edo norberaren intereseko gaiei buruz. Horretarako, aski zuzen erabili behar ditu lexikoaren eta egituren ohiko errepertorioa –egoera arruntenekin zerikusia duena– eta testuaren kohesiorako oinarrizko baliabideak, eta funtsezko ortografia eta puntuazio arauak errespetatu.

6.3.1. Probaren formatua.

6.3.2. Idazmena ebaluatzeko irizpideak.

a) Eraginkortasun komunikatiboa.

Ebaluatzen du ea izangaiak eraginkortasunez erantzuten dion komunikazio egoerari eta ongi lotzen zaion zereginari. Alegia:

–Ezarritako helburu komunikatiboa betetzen duen eta eraginkortasunez adierazten duen esan nahi duena: ezarritako eginkizunak (informatzea, eskatzea, etab.) betetzen dituen eta nahi bezalako eragina sortzen duen hartzailearengan. Zeregina betetzeko moduari buruzko inpresio orokorra positiboa den.

–Arau sozial eta diskurtsiboak errespetatzen dituen, testu motaren arabera (kontakizuna, deskribapena, argudiatzea, etab.), bai eta bakoitzerako testu formatu egokiak ere.

–Hizkera eta erregistro egokiak erabiltzen dituen, bai eta kortesia eta adeitasunezko estrategiak ere, hala dagokionean.

–Zeregina betetzeko jarraibideei lotzen zaien: ezarritako luzera betetzen duen, puntu guztiak garatzen dituen gidalerroei jarraituz, eta proposatutako gaiari buruz informazio nahikoa eta eduki jakingarriak eskaintzen dituen.

b) Koherentzia eta kohesioa.

Ebaluatzen du ea izangaia gauza den testu koherentea, ulerterraza eta kohesioduna sortzeko. Alegia:

–Informazio nahiko argia eta anbiguotasunik gabea ematen duen. Testua irakurterraza den.

–Informazioa eta argudioak ongi antolatzen dituen: ideia orokorra eta ikuspuntua ongi bereizita.

–Gaia garatzen duen, errepikapenak eta jauzi edo etenak saihestuz. Gai edo ikuspuntu desberdinen arteko trantsizioak baliatzen dituen.

–Ongi erabiltzen dituen paragrafoak, puntuazio zeinuak eta lokailuak. Ideiak ongi josita dauden paragrafo eta perpausen artean.

–Egokitasunez erabiltzen dituen kanpoko erreferentzia mekanismoak (espaziokoak, denborakoak) eta barnekoak (izenordainak, adberbioak, aditz denborak, komunztadura, etab.).

c) Lexikoaren aberastasuna.

Erabilitako hiztegiaren zabaltasuna eta konplexutasuna ebaluatzen ditu. Alegia:

–Maila honetarako behar bezain lexiko ugaria eta zehatza erabiltzen duen: gaiarekin zerikusia duen hiztegia, sinonimoak, hain ohikoak ez diren hitzak, eta adierazpideak edo bestelako baliabide estilistikoak.

–Arriskuak hartzen dituen maila honetako edo goragoko hizkuntza baliabideen erabileran, nahiz eta zehaztugabetasunen batean erori, baldin eta akats horiek ez badiote eragiten testuaren ulergarritasunari.

d) Zuzentasun gramatikala.

Gramatikaren erabileraren doitasuna edo zehaztasuna ebaluatzen du. Alegia:

–Nahiko zuzen erabiltzen dituen maila honetako ortografia, morfologia eta sintaxia.

–Zeregina egiteko beharrezkoak diren egiturak erabiltzen dituen.

6.4. Ahozko testuak produzitzeko eta koproduzitzeko proba: mintzamena (EO).

Izangaiak gauza izan behar du bakarka edo beste norbaitekin sortzeko, aurrez aurreko zein baliabide teknikoen bidezko komunikazioan, ahozko testu laburrak edo luzera ertainekoak, ongi antolatuak eta testuinguruari egokituak, eguneroko, ohiko edo norberaren intereseko gaiei buruz. Horretarako, gauza izan behar du diskurtsoaren haria zuzentasun eta etorri askirekin mantentzeko, ahoskera argiarekin, nahiz eta batzuetan nabarmenak izan kanpoko azentua edo etenaldiak (planifikazio sintaktiko edo lexikoa egiteko etenaldiak, edo esandakoa beste modu batez esateko edo okerrak zuzentzeko egiten direnak, solaskideak arazoren bat dagoela adierazten duenean), eta nolabaiteko laguntza behar izan interakzioari eusteko.

6.4.1. Probaren formatua.

–Proba bikoteka edo hirunaka eginen da, bi aztertzaileren aurrean, eta grabatu eginen da. Izangai bakarra badago, aztertzaileetako batek bikotekidearen rola jokatuko du koprodukzio lanerako.

–Txanda iristen denean, aztertzaile batek deituko die proba eginen den gelan sar daitezen. Ahozko bitartekotza ere saio berean eginen da, gida honen 5.1 puntuko tauletan adierazten den moduan.

–Bi zereginetarako prestaketa proba eginen den ikasgela berean eginen da, aztertzaileen aurrean.

6.4.2. Fase bakoitzaren deskribapena.

a) Harrera.

–Aztertzaileak esanen die izangaiei non eseri behar diren, eta eskatuko die beren burua identifikatzeko argazkia daukan dokumentu baten bidez.

–Aztertzaileak galdetuko die bertaratu direla justifikatzen duen agiririk behar ote duten (hasi baino lehen edo amaitzean).

b) Ahozko produkzioa.

–Aztertzaileak ahoz emanen ditu jarraibideak, eta ahozko produkzioa egiteko oinarria diren bi euskarri emanen dizkio A izangaiari, gai desberdinei buruzkoak. Euskarri bakoitza A4 neurriko orri plastifikatu bat izanen da; bi argazki izanen ditu eta 4 galdera.

–Euskarriak jaso ondoren, A izangaiak minutu 1 izanen du hautatzeko eta prestatzeko.

–Aztertzaileak hasteko agindua emanen du.

–A izangaiak, lehenik hitz egin behar duenak, ahozko produkzioa garatuko du, euskarrian dauden lau galderei erantzunez.

–A izangaia 3 edo 4 minutuz arituko da solasean eta bitartean aztertzaileek ez dute hitz eginen, egoera hauetan izan ezik: i) komunikazioa eteten bada; ii) solasa eskatutakoarekin bat ez badator edo iii) ez bada nahikoa mintzatzen.

–A izangaiak ahozko produkzioa amaitu eta gero, aztertzaileak B izangaiari beste bi euskarri emanen dizkio bere ahozko produkzioa prestatzeko, eta lehengo urratsak errepikatuko dira.

c) Ahozko koprodukzioa.

–Aztertzaileak jarraibideak emanen dizkie bi izangaiei, ahoz, eta azalduko die minutu 1 daukatela prestatzeko (aldi berean baina bakarka).

–Aztertzaileak ozen irakurriko du eginkizunaren kontsigna, eta izangaiek ongi ulertu dutela ziurtatu ondoren, bakoitzari bere euskarria emanen die. Euskarri hori A5 neurriko txartel bat izanen da, esaten duena zeintzuk izanen diren gaia, egoera eta elkarrizketan nahitaez jorratu beharreko 3 puntuak, bi izangaientzat berdinak.

–Prestatzeko denbora amaituta, aztertzaileak adieraziko du nor hasiko den hizketan (A izangaia).

–Bi izangaiek elkarrizketa bati emanen diote hasiera, euskarrian proposatzen den egoerari buruzko adostasunera heltzeko asmoz. Izangai bakoitza zereginaren denboraren erdian parte hartzen saiatuko da. B izangaiak bukatuko du elkarrizketa.

–Izangaien elkarrekintzak 4-5 minutu iraunen du eta bitartean aztertzaileek ez dute hitz eginen, egoera hauetan izan ezik: i) komunikazioa eteten bada; ii) solasa eskatutakoarekin bat ez badator edo iii) ez badira nahikoa mintzatzen.

6.4.3. Mintzamena ebaluatzeko irizpideak.

a) Eraginkortasun komunikatiboa.

Ebaluatzen du ea izangaiak eraginkortasunez erantzuten dion komunikazio egoerari eta ongi lotzen zaion zereginari. Alegia:

–Produkzioko zereginean:

• Ea esan nahi duena behar adinako eraginkortasunez adierazten duen. Diskurtsoaren hariari nahiko erraz jarraitzen zaion, informazio behar bezain argia ematen duen eta anbiguotasunik ez dagoen.
• Zereginari egokitzen zaion: ezarritako denbora betetzen duen, puntu guztiak garatzen dituen gidalerroei jarraituz, eta proposatutako gaiari buruz informazio nahikoa eta eduki jakingarriak eskaintzen dituen.
• Diskurtso etengabea egiten duen, maila honetarako egokia den erritmoan, nahiz eta zenbaitetan zalantza egin, hasitakoa eten edo zuzendu, edo esaldiren bat moztu. Ez duen diskurtsoa eteten isilune luze edo ugariekin.

–Koprodukzioko zereginean:

• Aski naturaltasunez eta eraginkortasunez parte hartzen duen elkarrekintzan: aktiboki jarduten duen igortzaile eta hartzaile gisara, solasaldiaren nondik norakoari moldatuz, eta egokiro erantzuten duen, eduki jakingarria eskainiz.
• Aski egoki erabiltzen dituen hitz egiteko txandak eta baliatzen dituen elkarlaneko estrategiak (adeitasuna, laguntza, ulertu izana erakustea, argibideak eskatzea, etab.), txanda mantendu edo lagatzekoak (intonazioa, diskurtsoaren markatzaileak, etab.) eta komunikazioaren norabidea aldatzekoak (gai aldaketa negoziatzea, etab.).

b) Kontrol fonologikoa.

Soinuen ahoskera, azentuazioa, erritmoa eta intonazioa ebaluatzen ditu. Alegia:

–Ea soinuen ahoskeran ez den gehiegi urruntzen estandarretik eta gauza den soinu multzoak zuzen artikulatzeko.

–Hitzei zuzen jartzen dien azentua.

–Azentu eta erritmo eredu egokiak erabiltzen dituen.

–Intonazioa erabiltzen duen esanahia nabarmentzeko.

c) Lexikoaren aberastasuna.

Erabilitako hiztegiaren zabaltasuna eta konplexutasuna ebaluatzen ditu. Alegia:

Maila honetarako behar bezain lexiko ugaria eta zehatza erabiltzen duen: gaiarekin zerikusia duen hiztegia, sinonimoak, hain ohikoak ez diren hitzak, eta adierazpideak edo bestelako baliabide estilistikoak.

d) Zuzentasun gramatikala.

Gramatikaren erabileraren doitasuna edo zehaztasuna ebaluatzen du. Alegia:

–Ea nahiko ongi erabiltzen dituen maila honetako morfologia eta sintaxia.

–Zeregina egiteko beharrezkoak diren egiturak erabiltzen dituen.

6.5. Bitartekotza proba: idatzizko bitartekotza eta ahozko bitartekotza.

Bitartekotza probak bi zeregin izanen ditu eta guztira 20 puntu balioko du. Lehenengoa, idatzizko bitartekotza, azterketa idatziaren saioan eginen da, eta bigarrena, ahozko bitartekotza, ahozko azterketaren egunean eginen da.

6.5.1. Idatzizko bitartekotza.

–Izangaiak gauza izan behar du idatziz adierazteko testu idatzien edukiaren ideia orokorra, puntu nagusiak eta xehetasun nabarmenak, eguneroko gorabeherei eta interes orokorreko, pertsonaleko edo gaurkotasuneko gaiei buruzko testuen informazio zati laburrak aztertuta, baldin eta sorburu testuek egitura argia badute, ez badaude hizkera espezializatuan idatzita, eta hizkuntzaren aldaera estandarra erabiltzen badute, ez oso idiomatikoa.

–Idatzizko bitartekotza probaren ezaugarriak eta formatua.

6.5.2. Ahozko bitartekotza.

Izangaiak gauza izan behar du hirugarrenei ahoz adierazteko testu idatzien edukiaren ideia orokorra, puntu nagusiak eta xehetasun nabarmenak, eguneroko gorabeherei eta interes orokorreko, pertsonaleko edo gaurkotasuneko gaiei buruzko testuen informazioa aztertuta, baldin eta testu horiek egitura argia badute, ez badaude hizkera espezializatuan idatzita, eta hizkuntzaren aldaera estandarra erabiltzen badute, ez oso idiomatikoa.

Ahozko bitartekotza probaren ezaugarriak eta formatua:

–Deialdi arruntean, ahozko bitartekotza proba banaka eginen da ahozko azterketaren saioan, ahozko testuak produzitzeko eta koproduzitzeko probaren aurretik.

–Deialdi berezian, ahozko bitartekotzako zeregina eta ahozko testuak produzitzeko eta koproduzitzeko proba egiteko hurrenkera izangaiak egiteko dituen proben mende egonen da.

6.5.3. Bitartekotza proba ebaluatzeko irizpideak.

a) Edukiaren interpretazioa.

Ebaluatzen du ea izangaiak eraginkortasunez burutzen duen zeregina. Alegia:

–Ea informazioa aukeratzen eta egokitzen duen hartzailea eta testuingurua kontuan harturik.

–Kontsigna zuzen interpretatu eta informazio egokia ematen duen.

b) Testuaren antolaketa.

Ea ongi antolatuta dagoen transmititutako informazioa (edo prozesatutako testua): koherentea eta erraz jarraitzeko modukoa den.

c) Informazioa transmititzea.

Ebaluatzen du ea izangaiak helburu komunikatiborako garrantzi handiena duen informazioa transmititzen duen, argitasunez eta eraginkortasunez transmititu ere, alegia:

–Zuzen prozesatzen duen testua: informazio, ideia edota datuak modu nahiko egokian transmititzen, laburbiltzen, parafraseatzen, konparatzen edo azaltzen dituen. Sortutako testua ez dagoen hitzez hitz hartuta testu-euskarritik.

–Ea estrategia egokiak aukeratzen dituen informazioa transmititzeko, proposatutako bitartekotza-egoeraren arabera, eta informazio hori modu nahiko eraginkorrean ulertarazten duen.

d) Hizkuntzaren zuzentasuna.

Ebaluatzen du ea izangaiak, maila honetarako, nahiko egoki erabiltzen duen hizkuntza kodea informazioaren transmisioan. Alegia:

–Ea egokiro erabiltzen duen halako hitz sorta bat.

–Maila honi dagozkion egiturak nahiko zuzen erabiltzen dituen.

–Maila honetarako aski zuzentasun eta naturaltasunez ahoskatzen duen eta diskurtsoa ulergarria den (ahozko bitartekotza).

7.–Azkeneko oharrak.

7.1. Emaitzen argitalpena.

Proben emaitzak argitara emanen dira datu pertsonalen babesari buruz indarrean dagoen legerian ezarritakoa betez.

Ikasleei ziurtapen proben emaitzari buruz emanen zaien informazioak barnean hartuko ditu probaren zati bakoitzeko puntuazioa eta dagokion kalifikazio partziala, bai eta proba osoari dagokion kalifikazio orokorra ere.

7.2. Erreklamazioak egiteko eskubidea.

Ikasleek, edo, hala behar denean, haien tutore edo legezko ordezkariek, beren probei eta emaitzei buruzko informazioa jasotzen ahalko dute ebaluazioaren ardura duten irakasleen aldetik, ikastetxean horretarako ezarritako egunean. Egun horretan bertaratzerik ez badute, beste egun batean egiteko eskatzen ahalko dute idatziz.

Irakasleak argibideak eman ondoren, lortutako azken kalifikazioarekin ados ez badaude, ikasleek, edo, hala behar denean, haien tutore edo legezko ordezkariek, ikastetxeko zuzendaritzari eskatzen ahalko diote, idatziz, berrikus dezala ziurtapen probaren zati batean edo batzuetan lortutako kalifikazioa. Lortutako kalifikazioak berrikusteko eskaera horiek hiru egun balioduneko epean aurkeztuko dira, azken kalifikazioa argitaratzen den egunetik hasita. (Hots, azterketaren berrikuspenaren egunetik hasita).

Erreklamazioa jaso ondoren, ikastetxeko zuzendariak erreklamazio espediente bat irekiko du. Kasuan kasuko hizkuntzaren departamentuak (erreklamazioa jarri zaien irakasleak bazter utzita), zuzendariak eskaturik eta erreklamazioa aurkeztu ondoko lehenengo egun baliodunean, erreklamazioa aztertuko du. Egiaztatuko du proba guztiak ebaluatu direla eta ezarritako ebaluazio irizpideak ongi aplikatu direla, eta ziurtatuko du ez dela akatsik egin probaren zati bakoitzeko kalifikazioaren eta azken kalifikazioaren kalkuluan, eta txostena eginen du.

Txostenak ikasketaburuari helaraziko zaizkio, eta hark, ahal den era eta epe azkarrenean, txostenaren kopia emanen dio ikasleari edo, hala behar denean, ikaslearen tutore edo legezko ordezkariari, PDF formatuko kopia bat igorriz haren helbide elektronikora. Gainera, mezua bidaliko zaio mugikorrera, jarri duen erreklamazioaren erantzuna bidali diotela jakinarazteko. Honela bukaera emanen zaio ikastetxean erreklamatzeko prozesuari.

Ikastetxearen ebazpenaren kontra gora jotzeko errekurtsoa paratzen ahalko da, Hezkuntzako zuzendari nagusiari zuzendua, jakinarazi eta biharamunetik hilabeteko epean.

Artikulu honetan aurreikusitako jarduketa guztiak desgaitasunen bat duten pertsonentzat irisgarriak izatea bermatuko da.

7.3. Berariazko premiak dituzten pertsonentzako egokitzapena.

Proba egokitzen ahalko da mugitzeko desgaitasuna, ikusteko desgaitasun erabatekoa edo partziala, mintzamenaren nahasmenduak, entzumen galera edo desgaitasun bat baino gehiago duten izangaien behar berezietarako.

Egokitzapenen bat behar duten ikasleek beren beharrak adierazi beharko dituzte ikasketaburuari zuzendutako idazki batean, eta desgaitasuna eta haren gradua egiaztatzen dituen ziurtagiria aurkeztuko dute behar horiek justifikatzeko. Eskaerak matrikula egitean aurkeztuko dira.

Baldintzak egokitzeak ez du inoiz ekarriko probaren zatiren bat egin behar ez izatea edo proba deialdi ofizialekoa ez beste egun batean egin ahal izatea.

7.4. Bertaratze agiriak.

Izangaiek azterketa egin izana frogatzeko agiria eska dezakete.

7.5. Elkarbizitzaren aurkako portaerak.

Azterketa, proba edo ariketa batean beste ikasle batzuei kopiatzea edo kopiatzen uztea elkarbizitzaren aurkako portaera da, eta berekin ekarriko du, abuztuaren 23ko 47/2010 Foru Dekretuaren arabera, azterketa, proba edo ariketa horretan kalifikazio negatiboa jasotzea.

8.–Aholkuak.

–Bete itzazu une oro azterketaren administratzaileen jarraibideak.

–Lasai egon zaitez eta proba egiteko jarraibideei arretaz erreparatu, batez ere ahozko ulermenaren ariketan.

–Zereginak egiteko duzun denbora egoki banatu. Denbora horiek probaren zati guztiak egiteko aski dira, aurretik kalkulatu baitira. Gomendagarria da azkenean minutu batzuk gordetzea azterketa errepasatu eta izan litezkeen akatsak zuzentzeko.

–Idazmenaren zatiko zereginei heldu baino lehen, gomendagarria da esan nahi duzunaren eskema bat egitea aurretik eta, zereginak bukatutakoan, dena errepasatzea.

–Probaren zati guztietan letra argiz idatzi eta azterketa txukun aurkeztu. Zuzentzat hartu dituzun erantzunak zeintzuk diren garbi gelditu dela ziurtatu.

I. GEHIGARRIA.–IDATZIZKO PRODUKZIOA ETA KOPRODUKZIOA EBALUATZEKO TAULA

II. GEHIGARRIA.–AHOZKO PRODUKZIOA ETA KOPRODUKZIOA EBALUATZEKO TAULA

III. GEHIGARRIA.–IDATZIZKO ETA AHOZKO BITARTEKOTZA EBALUATZEKO TAULA

IV. ERANSKINA.–NAFARROAKO HIZKUNTZA ESKOLA OFIZIALETAKO ZIURTAPEN PROBETAKO AZTERKETA GIDA

B2 tarteko maila

1.–Azterketaren helburua.

B2 mailako azterketa hau zenbait probaz osaturik dago, zeinak diseinaturik baitaude izangaiek helburu komunikatibo orokorretarako hizkuntza jarduera nagusietan duten gaitasuna ebaluatzeko.

2.–Konstruktuaren definizioa.

Hizkuntza eskola ofizialetako B2 mailako ziurtapen probak xede hauetarako diseinatu dira: ebaluatu beharreko hizkuntza erabiltzean ikaslea nola moldatzen den neurtzea, eta ebaluatzea ea zenbateko gaitasuna duen helburu komunikatibo orokorretarako ahozko zein idatzizko testuak ulertzeko, produzitzeko, koproduzitzeko eta prozesatzeko.

Gaitasun probak estu loturik daude arloko adituek ezarri duten komunikaziorako hizkuntza gaitasun orokorraren ereduarekin. Europako Kontseiluak eredu hori onartu du Europako Erreferentzia Esparru Bateratuan eta Companion Volume argitalpenean. Komunikazioaren ikuspegian oinarriturik, eredu hori hizkuntza jarduerara bideratuta dago, hau da, hizkuntzaren erabilerara. Ulermenean, produkzioan, koprodukzioan eta prozesamenduan xede hizkuntza erabiltzeko gaitasun hori abenduaren 22ko 1041/2017 Errege Dekretuan ere aipatzen da. Mailari dagokionez, probek erreferentzia izanen dituzte, arau orokor gisa, helburu orokorrak eta espezifikoak eta hizkuntza bakoitzaren gutxieneko edukiak, hizkuntza bakoitzaren curriculumean jasotakoak.

Izangaiaren gaitasun orokorraren mailari antzematen zaio egiazko komunikazio egoerak simulatzen dituzten zereginetan bere ezagutzak, trebetasunak eta baliabideak nola erabiltzen dituen ikusita. Komunikaziorako gaitasun hori erakusteko, praktikan jarri behar dira bai hizkuntza gaitasun soila eta bai gaitasun soziokulturalak, soziolinguistikoak, estrategikoak, funtzionalak eta diskurtsiboak ere.

Eredu horren arabera, probek erakutsi behar dute zenbateko gaitasuna duen izangaiak hizkuntza jarduera batzuk ongi egiteko, egiazko komunikazio egoeretan egin behar lukeen bezala. Beraz, ebaluazioan aztertuko da zer prozesatzeko eta ekoizteko gauza den izangaia komunikazio egoeretan, eta ez soilik zer ezagutza formal dituen hizkuntzari buruz.

Hizkuntzaren sistema formalak zereginetan sartzen dira, izangaiak praktikan nola erabiltzen dituen ikusi ahal izateko.

Konstruktu orokor horretatik ondorioztatzen dira azterketa proben ezaugarri espezifikoak.

3.–Mailaren definizioa.

B2 mailak B2 gaitasun mailaren ezaugarriak izanen ditu, abuztuaren 29ko 68/2018 Foru Dekretuan dagoen definizioaren arabera (2018ko irailaren 13ko Nafarroako Aldizkari Ofiziala).

Maila horren helburua da ikasleak gaitzea hizkuntza erabiltzen den tokietan era independentean bizitzeko; beste hizkuntza batzuetako hiztunekin harreman pertsonalak eta sozialak garatzeko, bai aurrez aurre eta bai baliabide teknikoen bidez; goi mailakoaren aurreko hezkuntza eremu batean ikasteko, edo behar den eraginkortasunez jarduteko inguru okupazional batean, lankidetza edo negoziazioa eskatzen duten egoeretan, inguru horretako ohiko gorabeherei buruz.

Horretarako, ikasleek lortu behar dituzte hizkuntza aski etorri onez eta naturaltasunez erabiltzea ahalbidetzen duten gaitasunak, aparteko ahaleginik gabe komunikatu ahal izateko, bai ohiko egoeretan, baita apur bat espezifikoagoak eta nahasiagoak direnetan ere, ahozko eta idatzizko testuak ulertu, produzitu, koproduzitu eta prozesatu ahal izateko, gai orokorren alderdi abstraktuei eta konkretuei buruz zein norberaren intereseko edo espezializazio eremuko gaiei buruz, hizkuntza estandarraren erregistro, estilo eta azentu askotarikoetan, eta erabiliz egitura ugari eta konplexuak dituen hizkera eta, orobat, erabilera arrunteko adierazpen idiomatikoak dituen errepertorio lexikoa, esanahiaren ñabardurak atzemateko eta adierazteko moduan.

4.–Izangaien betebeharrak.

–Azterketako ikasgelan eskatutakoan, izangaiek ikastetxeko txartela, NANa, pasaportea edo haien nortasuna frogatzeko beste agiri bat, argazkia duena, aurkeztu beharko dute.

–Izangaiak puntualak izanen dira, eta azterketa-gelan egonen dira deialdiaren ordutegia baino 15 minutu lehenago, deialdiko ordua azterketa egiten hasteko ordua baita.

–Izangaiek bolaluma urdina edo beltza erabiliko dute azterketa egiteko. Arkatzarekin edo ezabatzen ahal den tintarekin idatzitako probak ez dira zuzenduko (irakurle optikoaren orriko erantzunak izan ezik, haiek arkatzarekin betetzen ahal baitira).

–Idazteko materialaz beste tresnarik ezin da eduki mahai gainean.

–Telefono mugikorrak eta beste edozein aparatu elektroniko itzalita eduki beharko dira une oro.

–Azterketaren administratzaileek betebehar horiek bete daitezen begiratu behar dute, eta bete ezean jarduteko ahalmena dute.

5.–Azterketaren ezaugarri orokorrak.

5.1. Azterketaren zatiak.

–Azterketak bost proba ditu. Proba bakoitzak hizkuntza jarduera bat neurtuko du: testu idatziak ulertzea, ahozko testuak ulertzea, testu idatzien produkzioa eta koprodukzioa, ahozko testuen produkzioa eta koprodukzioa, eta bitartekotza.

–Izangaiek proba guztiak egin ditzakete; izan ere, ezein proba gainditzea ez da baldintza izanen hurrengoak egin ahal izateko.

–Azkeneko emaitza "gai" edo "ez-gai" izanen da. Hizkuntza jarduera bakoitzaren kalifikazioa 10 puntuko eskalan oinarritzen da eta 1 eta 10 bitarteko zenbaki baten bidez adieraziko da, dezimal batekin.

–Ahozko eta idatzizko ulermenetan, 26 itemetatik 13 zuzen erantzunez gero, 10etik 5 puntu lortuko dira. Nota bakoitza kalkulatzeko, item kopurua bider 10/26 egin behar da, eta dezimal batera biribildu. Ez dago penalizaziorik erantzun okerrengatik.

–Azterketa osoa gainditzeko eta, horrenbestez, ziurtagiria lortzeko, beharrezkoa izanen da gutxienez ere 6,5 puntu lortzea batez besteko puntuazio orokorrean. Azkeneko emaitza "gai" izan dadin, ezinbestekoa da hizkuntza jarduera bakoitzaren nota gutxienez ere 5 puntukoa izatea. Gutxienez ere 5 puntu lortzen badira proba batean edo gehiagotan, "gai" kalifikazioa ateratzen ahalko da, baldin eta proba guztien batezbesteko aritmetikoa 6,5 puntu edo gehiago bada. Azkeneko emaitza "gai" edo "ez-gai" izanen da.

–Deialdi arruntean 6,5 puntuko batezbesteko osora iristen ez denak, gutxienez 5eko puntuaziora iritsi ez den hizkuntza jarduera bakoitza errekuperatu behar izateaz gainera, deialdi berezian azterketa egiten ahalko du 6,5eko gutxienekora iritsi ez den proba guztietan (gutxienez 17 item zuzen idatziaren eta entzunaren ulermen probetan).

–Izangaia bi deialdietan aurkezten den zati guztietarako, aplikatuko zaion amaierako puntuazioa bietatik onena izanen da.

–Hizkuntza eskola ofizialetako irakasleei dagokie, kasuan kasuko hezkuntza administrazioak ezartzen dituen baldintzetan, B2 tarteko mailako ziurtagiriak lortzeko probak administratzea.

–Azterketa osoa bi saiotan eginen da, idatzizko zati batekin eta ahozko beste batekin, honako taula honetako hurrenkerari jarraituz:

–Zatiak egiteko hurrenkera eta denborak errespetatu beharko dira bai deialdi arruntean bai berezian.

–Antolaketa dela eta, eskola batek edo batzuek beste egun bat paratzen ahalko dute "Testu idatzien produkzioa eta koprodukzioa" eta "Idatzizko bitartekotza" probetarako. Data hori gutxienez 15 egun lehenago jakinaraziko zaie ikasleei.

5.2. Gaiak.

Izangaiak ulertu edo sortu beharko dituen testuak gai hauetaz arituko dira:

1. Identifikazio pertsonala.

2. Bidaiak eta oporrak.

3. Etxebizitza, etxea eta ingurua.

4. Osasuna eta gorputzaren zainketa.

5. Eguneroko jarduerak.

6. Erosketak eta merkataritza jarduerak.

7. Familia eta adiskideak.

8. Elikadura eta jatetxeak.

9. Harreman pertsonalak eta sozialak.

10. Garraioa.

11. Lana eta zereginak.

12. Ondasun eta zerbitzuak.

13. Hezkuntza eta ikasketak.

14. Klima eta ingurune naturala.

15. Hizkuntza eta komunikazioa.

16. Zientzia eta teknologia.

17. Denbora librea eta aisia.

18. Historia eta kultura.

5.3. Kalifikazioak.

–Ikasleei ziurtapen proben emaitzari buruz emanen zaien informazioak barnean hartuko ditu probaren zati bakoitzeko puntuazioa eta dagokion kalifikazio partziala, bai eta proba osoari dagokion kalifikazio orokorra ere ("gai" edo "ez-gai").

–Egin ez den probaren zati bakoitzak "ez-aurkeztua" kalifikazioa jasoko du. Probaren azken kalifikazioa "gai" edo "ez-gai" izanen da. Izangaiak zatietako bat ere egiten ez badu, bere azken kalifikazioa orokorra "ez-aurkeztua" izanen da.

6.–Azterketako bost proben ezaugarriak.

6.1. Testu idatziak ulertzeko proba (CE).

Izangaiak gauza izan behar du nahiko aise ulertzeko, kontzeptuen eta egituraren aldetik konplexuak diren testu idatzietan, baldin zati zailenak berriz irakurtzeko aukera badu, testuaren zentzu orokorra, funtsezko informazioa, puntu nagusiak, xehetasun garrantzitsuenak eta egilearen iritzi eta jarrerak, bai inplizituak, bai esplizituak. Testuek askotariko gaiak jorratuko dituzte, interes orokorrekoak, edo norberaren intereseko edo espezializazio eremukoak, hizkuntzaren aldaera estandarren bat erabiliko dute eta erabilera arrunteko adierazpen idiomatikoak izanen dituzte.

Probaren formatua: lau zeregin, 26 itemekin guztira, honela banatuak:

6.2. Ahozko testuak ulertzeko proba (CO).

Izangaiak gauza izan behar du ulertzeko, kontzeptuen eta egituraren aldetik konplexuak diren ahozko testuetan, entzuteko baldintzak onak ez direnean ere, testuaren zentzu orokorra, funtsezko informazioa, puntu nagusiak, xehetasun garrantzitsuenak eta egilearen iritzi eta jarrerak, bai inplizituak, bai esplizituak. Testuek askotariko gaiak jorratuko dituzte, interes orokorrekoak, edo norberaren intereseko edo espezializazio eremukoak, abiadura normalean ahoskatuta egonen dira, hizkuntzaren aldaera estandarrean, eta edozein kanalen bidez emanda.

Probaren formatua: lau zeregin, 26 itemekin guztira, honela banatuak:

6.3. Testu idatziak produzitzeko eta koproduzitzeko proba: idazmena (EE).

Izangaiak gauza izan behar du bakarka edo beste norbaitekin sortzeko, euskarria edozein dela ere, idatzizko testu luze samarrak, ongi antolatuak eta nahiko xeheak, askotariko gaiei buruz –izan gai orokorrak, norbere interesekoak edo norbere espezializazio eremukoak–. Horretarako, ongi erabili behar ditu hizkuntza idatziaren baliabide linguistikoak, mota askotakoak, eta erregistroa eta estiloa eraginkortasunez egokitu behar ditu egoera komunikatibora.

6.3.1. Probaren formatua.

Izangaiak sortu beharreko testuak eguneroko gai orokorrei buruzkoak izanen dira (B2 mailako curriculumean bilduak, abuztuaren 29ko 68/2018 Foru Dekretuan).

6.3.2. Ebaluazio irizpideak.

a) Eraginkortasun komunikatiboa.

Ebaluatzen du ea izangaiak eraginkortasunez erantzuten dion komunikazio egoerari eta ongi lotzen zaion zereginari. Alegia:

–Ezarritako helburu komunikatiboa betetzen duen eta eraginkortasunez adierazten duen esan nahi duena: ezarritako eginkizunak (informatzea, eskatzea, etab.) betetzen dituen eta nahi bezalako eragina sortzen duen hartzailearengan. Zeregina betetzeko moduari buruzko inpresio orokorra positiboa den.

–Arau sozial eta diskurtsiboak errespetatzen dituen, testu motaren arabera (kontakizuna, deskribapena, argudiatzea, etab.), bai eta bakoitzerako testu formatu egokiak ere.

–Hizkera eta erregistro egokiak erabiltzen dituen, bai eta kortesia eta adeitasunezko estrategiak ere, hala dagokionean.

–Zeregina betetzeko jarraibideei lotzen zaien: ezarritako luzera betetzen duen, puntu guztiak garatzen dituen gidalerroei jarraituz, eta proposatutako gaiari buruz informazio nahikoa eta eduki jakingarriak eskaintzen dituen.

b) Koherentzia eta kohesioa.

Ebaluatzen du ea izangaia gauza den testu koherentea, ulerterraza eta kohesioduna sortzeko. Alegia:

–Informazio nahiko argia eta anbiguotasunik gabea ematen duen. Testua irakurterraza den.

–Informazioa eta argudioak ongi antolatzen dituen: ideia orokorra eta ikuspuntua ongi bereizita.

–Gaia garatzen duen, errepikapenak eta jauzi edo etenak saihestuz. Gai edo ikuspuntu desberdinen arteko trantsizioak baliatzen dituen.

–Ongi erabiltzen dituen paragrafoak, puntuazio zeinuak eta lokailuak. Ideiak ongi josita dauden paragrafo eta perpausen artean.

–Egokitasunez erabiltzen dituen kanpoko erreferentzia mekanismoak (espaziokoak, denborakoak) eta barnekoak (izenordainak, adberbioak, aditz denborak, komunztadura, etab.).

c) Lexikoaren aberastasuna.

Izangaiak erabilitako hiztegiaren zabaltasuna eta konplexutasuna ebaluatzen ditu, maila honetan zer eskatzen den kontuan izanda. Alegia:

–Lexiko behar bezain zabala eta ugaria erabiltzen duen: gaiarekin zerikusia duen hiztegia, sinonimoak, hain ohikoak ez diren hitzak, adierazpideak edo bestelako baliabide estilistikoak, etab.

–Arriskuak hartzen dituen maila honetako edo goragoko hizkuntza baliabideen erabileran, nahiz eta zehaztugabetasunen batean erori, baldin eta akats horiek ez badiote eragiten testuaren ulergarritasunari.

d) Zuzentasun gramatikala.

Izangaiak erabilitako gramatikaren doitasuna edo zehaztasuna ebaluatzen du, maila honetan zer eskatzen den kontuan izanda. Alegia:

–Ea nahiko zuzen erabiltzen dituen ortografia, morfologia eta sintaxia.

–Zeregina egiteko beharrezkoak diren egiturak erabiltzen dituen.

6.4. Ahozko testuak produzitzeko eta koproduzitzeko proba: mintzamena (EO).

Izangaiak gauza izan behar du bakarka edo beste norbaitekin sortzeko, kanala edozein dela ere, ahozko testu argi eta nahiko xeheak, luze samarrak, ongi antolatuak eta kasuan kasuko solaskideari eta komunikazio helburuari egokituak, askotariko gaiei buruz –izan gai orokorrak, norbere interesekoak edo norbere espezializazio eremukoak–, hizkuntza estandarreko hainbat estilo eta erregistrotan. Ahoskera argi eta naturalarekin egin behar du, eta berezkotasun, etorri eta zuzentasun askirekin, halako moldez, non eraginkortasunez komunikatzen ahal den, nahiz eta oraindik elkar ulertzea eragozten duen okerren bat egin noizean behin, baina gehienetan okerrez jabetuta eta zuzentzeko gai izanda.

6.4.1. Probaren formatua.

–Proba bikoteka edo hirunaka eginen da, bi aztertzaileren aurrean, eta grabatu eginen da. Izangai bakarra badago, aztertzaileetako batek bikotekidearen rola jokatuko du koprodukzio lanerako.

–Txanda iristen denean, aztertzaile batek deituko die proba eginen den gelan sar daitezen. Ahozko bitartekotza ere saio berean eginen da, gida honen 5.1 puntuko tauletan adierazi den moduan.

Bi zereginetarako prestaketa proba eginen den ikasgela berean eginen da, aztertzaileen aurrean.

6.4.2. Fase bakoitzaren deskribapena.

a) Harrera.

–Aztertzaileak esanen die izangaiei non eseri behar diren, eta eskatuko die beren burua identifikatzeko argazkia daukan dokumentu baten bidez.

–Aztertzaileak galdetuko die bertaratu direla justifikatzen duen agiririk behar ote duten (hasi baino lehen edo amaitzean).

b) Ahozko produkzioa.

–Aztertzaileak ahoz emanen ditu jarraibideak, eta ahozko produkzioa egiteko oinarria diren bi euskarri emanen dizkio A izangaiari, gai desberdinei buruzkoak. Euskarri horiek A4 neurriko txartelak izanen dira; bakoitzak bi argazki izanen ditu, eta 3 galdera.

–Euskarriak jaso ondoren, A izangaiak minutu 1 izanen du hautatzeko eta prestatzeko.

–Aztertzaileak hasteko agindua emanen du.

–A izangaiak, lehenik hitz egin behar duenak, ahozko produkzioa garatuko du, erantzun landuak emanez hiru galderei.

–A izangaia 3 edo 4 minutuz arituko da solasean eta bitartean aztertzaileek ez dute hitz eginen, egoera hauetan izan ezik: i) komunikazioa eteten bada; ii) solasa eskatutakoarekin bat ez badator edo iii) ez bada nahikoa mintzatzen.

–A izangaiak ahozko produkzioa amaitu eta gero, aztertzaileak B izangaiari beste bi euskarri emanen dizkio bere ahozko produkzioa prestatzeko, eta lehengo urratsak errepikatuko dira.

c) Ahozko koprodukzioa.

–Aztertzaileak jarraibideak emanen dizkie bi izangaiei, ahoz, eta azalduko die minutu bat daukatela prestatzeko (aldi berean baina bakarka).

–Aztertzaileak ozen irakurriko du eginkizunaren kontsigna, eta izangaiek ongi ulertu dutela ziurtatu ondoren, bakoitzari bere euskarria emanen die. Euskarri hori A5 neurriko txartel bat izanen da, eta han azalduko dira elkarrizketaren nondik norakoak: enuntziatu bat, enuntziatu horrek planteatzen duen testuinguruari buruz eztabaidatzeko lau puntu (berdinak bi izangaientzat), eta puntu libre bat. Ez dago puntu guztiak eztabaidatu beharrik.

–Prestatzeko denbora amaituta, aztertzaileak adieraziko du nor hasiko den hizketan (A izangaia).

–Bi izangaiek elkarrizketa bat izanen dute, euskarrian proposatzen den gaiari buruzko iritziak trukatzeko. Izangai bakoitza zereginaren denboraren erdian parte hartzen saiatuko da. B izangaiak bukatuko du elkarrizketa.

–Izangaien elkarrekintzak 4-5 minutu iraunen du eta bitartean aztertzaileek ez dute hitz eginen, egoera hauetan izan ezik: i) komunikazioa eteten bada; ii) solasa eskatutakoarekin bat ez badator edo iii) ez badira nahikoa mintzatzen.

6.4.3. Mintzamena ebaluatzeko irizpideak.

a) Eraginkortasun komunikatiboa.

Ebaluatzen du ea izangaiak eraginkortasunez erantzuten dion komunikazio egoerari eta ongi lotzen zaion zereginari. Alegia:

–Produkzioko zereginean:

• Ea esan nahi duena behar adinako eraginkortasunez adierazten duen. Diskurtsoaren hariari nahiko erraz jarraitzen zaion, informazio behar bezain argia ematen duen eta anbiguotasunik ez dagoen.
• Zereginari egokitzen zaion: ezarritako denbora betetzen duen, puntu guztiak garatzen dituen gidalerroei jarraituz, eta proposatutako gaiari buruz informazio nahikoa eta eduki jakingarriak eskaintzen dituen.
• Diskurtso etengabea egiten duen, maila honetarako egokia den erritmoan, nahiz eta zenbaitetan zalantza egin, hasitakoa eten edo zuzendu, edo esaldiren bat moztu. Ez duen diskurtsoa eteten isilune luze edo ugariekin.

–Koprodukzioko zereginean:

• Aski naturaltasunez eta eraginkortasunez parte hartzen duen elkarrekintzan: aktiboki jarduten duen igortzaile eta hartzaile gisara, solasaldiaren nondik norakoari moldatuz, eta egokiro erantzuten duen, eduki jakingarria eskainiz.
• Aski egoki erabiltzen dituen hitz egiteko txandak eta baliatzen dituen elkarlaneko estrategiak (adeitasuna, laguntza, ulertu izana erakustea, argibideak eskatzea, etab.), txanda mantendu edo lagatzekoak (intonazioa, diskurtsoaren markatzaileak, etab.) eta komunikazioaren norabidea aldatzekoak (gai aldaketa negoziatzea, etab.).

b) Kontrol fonologikoa.

Soinuen ahoskera, azentuazioa, erritmoa eta intonazioa ebaluatzen ditu. Alegia:

–Ea soinuen ahoskeran ez den gehiegi urruntzen estandarretik eta gauza den soinu multzoak zuzen artikulatzeko.

–Hitzei zuzen jartzen dien azentua.

–Azentu eta erritmo eredu egokiak erabiltzen dituen.

–Intonazioa erabiltzen duen esanahia nabarmentzeko.

c) Lexikoaren aberastasuna.

Erabilitako hiztegiaren zabaltasuna eta konplexutasuna ebaluatzen ditu. Alegia:

Maila honetarako behar bezain lexiko ugaria eta zehatza erabiltzen duen: gaiarekin zerikusia duen hiztegia, sinonimoak, hain ohikoak ez diren hitzak, eta adierazpideak edo bestelako baliabide estilistikoak.

d) Zuzentasun gramatikala.

Gramatikaren erabileraren doitasuna edo zehaztasuna ebaluatzen du. Alegia:

–Ea nahiko ongi erabiltzen dituen maila honetako morfologia eta sintaxia.

–Zeregina egiteko beharrezkoak diren egiturak erabiltzen dituen.

6.5. Bitartekotza proba: idatzizko bitartekotza eta ahozko bitartekotza.

Bitartekotza probak bi zeregin izanen ditu eta guztira 20 puntu balioko du. Lehenengoa, idatzizko bitartekotza, azterketa idatziaren saioan eginen da, eta bigarrena, ahozko bitartekotza, ahozko azterketaren egunean eginen da.

6.5.1. Idatzizko bitartekotza.

–Izangaiak gauza izan behar du idatziz adierazteko kontzeptuz eta egituraz konplexuak diren testu idatzien edukiaren zentzu orokorra, funtsezko informazioa, puntu nagusiak, xehetasun garrantzitsuenak eta iritzi eta jarrerak, bai inplizituak, bai esplizituak, baldin eta testuak ongi antolatuta eta hizkuntzaren aldaera estandar batean sortuta badaude, eta atal zailak berriro irakurtzeko aukera badu. Testuak alderdi abstraktuei zein konkretuei buruzkoak izan daitezke, gai orokorrei buruzkoak edo norberaren intereseko gaiei zein espezializazio eremuari buruzkoak.

–Idatzizko bitartekotza probaren ezaugarriak eta formatua.

6.5.2. Ahozko bitartekotza.

Izangaiak gauza izan behar du hirugarrenei ahoz adierazteko, laburtuta edo egokituta, testu idatzien edukiaren zentzu orokorra, funtsezko informazioa, puntu nagusiak, xehetasun garrantzitsuenak eta iritzi eta jarrerak, bai inplizituak, bai esplizituak, baldin eta testuak ongi antolatuta eta hizkuntzaren aldaera estandar batean sortuta badaude. Testuak alderdi abstraktuei zein konkretuei buruzkoak izan daitezke, gai orokorrei buruzkoak edo norberaren intereseko gaiei zein espezializazio eremuari buruzkoak.

Ahozko bitartekotza probaren ezaugarriak eta formatua:

–Deialdi arruntean, ahozko bitartekotza proba banaka eginen da ahozko azterketaren saioan, ahozko testuak produzitzeko eta koproduzitzeko probaren aurretik.

–Deialdi berezian, ahozko bitartekotzako zereginaren eta ahozko testuak produzitzeko eta koproduzitzeko probaren hurrenkera izangaiak egiteko dituen proben mende egonen da.

6.5.3. Bitartekotza proba ebaluatzeko irizpideak.

a) Edukiaren interpretazioa.

Ebaluatzen du ea izangaiak eraginkortasunez burutzen duen zeregina. Alegia:

–Ea informazioa aukeratzen eta egokitzen duen hartzailea eta testuingurua kontuan harturik.

–Kontsigna zuzen interpretatu eta informazio egokia ematen duen.

b) Testuaren antolaketa.

Ea ongi antolatuta dagoen transmititutako informazioa edo prozesatutako testua: koherentea eta erraz jarraitzeko modukoa den.

c) Informazioa transmititzea.

Ebaluatzen du ea izangaiak helburu komunikatiborako garrantzi handiena duen informazioa transmititzen duen, argitasunez eta eraginkortasunez transmititu ere, alegia:

–Zuzen prozesatzen duen testua: informazio, ideia edota datuak modu nahiko egokian transmititzen, laburbiltzen, parafraseatzen, konparatzen edo azaltzen dituen. Sortutako testua ez dagoen hitzez hitz hartuta testu-euskarritik.

–Ea estrategia egokiak aukeratzen dituen informazioa transmititzeko, proposatutako bitartekotza-egoeraren arabera, eta informazio hori modu nahiko eraginkorrean ulertarazten duen.

d) Hizkuntzaren zuzentasuna.

Ebaluatzen du ea izangaiak, maila honetarako, nahiko egoki erabiltzen duen hizkuntza kodea informazioaren transmisioan. Alegia:

–Ea egokiro erabiltzen duen halako hitz sorta bat.

–Maila honi dagozkion egiturak nahiko zuzen erabiltzen dituen.

–Maila honetarako aski zuzentasun eta naturaltasunez ahoskatzen duen eta diskurtsoa ulergarria den (ahozko bitartekotza).

7.–Azkeneko oharrak.

7.1. Emaitzen argitalpena.

–Proben emaitzak argitara emanen dira datu pertsonalen babesari buruz indarrean dagoen legerian ezarritakoa betez.

–Ikasleei ziurtapen proben emaitzari buruz emanen zaien informazioak barnean hartuko ditu probaren zati bakoitzeko puntuazioa eta dagokion kalifikazio partziala, bai eta proba osoari dagokion kalifikazio orokorra ere.

7.2. Erreklamazioak egiteko eskubidea.

Ikasleek, edo, hala behar denean, haien tutore edo legezko ordezkariek, beren probei eta emaitzei buruzko informazioa jasotzen ahalko dute ebaluazioaren ardura duten irakasleen aldetik, ikastetxean horretarako ezarritako egunean. Egun horretan bertaratzerik ez badute, beste egun batean egiteko eskatzen ahalko dute idatziz.

Irakasleak argibideak eman ondoren, lortutako azken kalifikazioarekin ados ez badaude, ikasleek, edo, hala behar denean, haien tutore edo legezko ordezkariek, ikastetxeko zuzendaritzari eskatzen ahalko diote, idatziz, berrikus dezala ziurtapen probaren zati batean edo batzuetan lortutako kalifikazioa. Lortutako kalifikazioak berrikusteko eskaera horiek hiru egun balioduneko epean aurkeztuko dira, azken kalifikazioa argitaratzen den egunetik hasita. (Hots, azterketaren berrikuspenaren egunetik hasita).

Erreklamazioa jaso ondoren, ikastetxeko zuzendariak erreklamazio espediente bat irekiko du. Kasuan kasuko hizkuntzaren departamentuak (erreklamazioa jarri zaien irakasleak bazter utzita), zuzendariak eskaturik eta erreklamazioa aurkeztu ondoko lehenengo egun baliodunean, erreklamazioa aztertuko du. Egiaztatuko du proba guztiak ebaluatu direla eta ezarritako ebaluazio irizpideak ongi aplikatu direla, eta ziurtatuko du ez dela akatsik egin probaren zati bakoitzeko kalifikazioaren eta azken kalifikazioaren kalkuluan, eta txostena eginen du. Txostenak ikasketaburuari helaraziko zaizkio, eta hark, ahal den era eta epe azkarrenean, txostenaren kopia emanen dio ikasleari edo, hala behar denean, ikaslearen tutore edo legezko ordezkariari, PDF formatuko kopia bat igorriz haren helbide elektronikora. Gainera, mezua bidaliko zaio mugikorrera, jarri duen erreklamazioaren erantzuna bidali diotela jakinarazteko. Honela bukaera emanen zaio ikastetxean erreklamatzeko prozesuari.

Ikastetxearen ebazpenaren kontra gora jotzeko errekurtsoa paratzen ahalko da, Hezkuntzako zuzendari nagusiari zuzendua, jakinarazi eta biharamunetik hilabeteko epean.

Artikulu honetan aurreikusitako jarduketa guztiak desgaitasunen bat duten pertsonentzat irisgarriak izatea bermatuko da.

7.3. Berariazko premiak dituzten pertsonentzako egokitzapena.

Proba egokitzen ahalko da mugitzeko desgaitasuna, ikusteko desgaitasun erabatekoa edo partziala, mintzamenaren nahasmenduak, entzumen galera edo desgaitasun bat baino gehiago duten izangaien behar berezietarako.

Egokitzapenen bat behar duten ikasleek beren beharrak adierazi beharko dituzte ikasketaburuari zuzendutako idazki batean, eta desgaitasuna eta haren gradua egiaztatzen dituen ziurtagiria aurkeztuko dute behar horiek justifikatzeko. Eskaerak matrikula egitean aurkeztuko dira.

Baldintzak egokitzeak ez du inoiz ekarriko probaren zatiren bat egin behar ez izatea edo proba deialdi ofizialekoa ez beste egun batean egin ahal izatea.

7.4. Bertaratze agiriak.

Izangaiek azterketa egin izana frogatzeko agiria eska dezakete.

7.5. Elkarbizitzaren aurkako portaerak.

Azterketa, proba edo ariketa batean beste ikasle batzuei kopiatzea edo kopiatzen uztea elkarbizitzaren aurkako portaera da, eta berekin ekarriko du, abuztuaren 23ko 47/2010 Foru Dekretuaren arabera, azterketa, proba edo ariketa horretan kalifikazio negatiboa jasotzea.

8.–Aholkuak.

–Bete itzazu une oro azterketaren administratzaileen jarraibideak.

–Lasai egon zaitez eta proba egiteko jarraibideei arretaz erreparatu, batez ere ahozko ulermenaren ariketan.

–Zereginak egiteko duzun denbora egoki banatu. Denbora horiek probaren zati guztiak egiteko aski dira, aurretik kalkulatu baitira. Gomendagarria da azkenean minutu batzuk gordetzea azterketa errepasatu eta izan litezkeen akatsak zuzentzeko.

–Idazmenaren zatiko zereginei heldu baino lehen, gomendagarria da esan nahi duzunaren eskema bat egitea aurretik eta, zereginak bukatutakoan, dena errepasatzea.

–Probaren zati guztietan letra argiz idatzi eta azterketa txukun aurkeztu. Zuzentzat hartu dituzun erantzunak zeintzuk diren garbi gelditu dela ziurtatu.

I. GEHIGARRIA.–IDATZIZKO PRODUKZIOA ETA KOPRODUKZIOA EBALUATZEKO TAULA

II. GEHIGARRIA.–AHOZKO PRODUKZIOA ETA KOPRODUKZIOA EBALUATZEKO TAULA

III. GEHIGARRIA.–IDATZIZKO ETA AHOZKO BITARTEKOTZA EBALUATZEKO TAULA

VII. ERANSKINA.–NAFARROAKO HIZKUNTZA ESKOLA OFIZIALETAKO ZIURTAPEN PROBETAKO AZTERKETA GIDA

C1 maila aurreratua

1.–Azterketaren helburua.

C1 mailako azterketa hau zenbait probaz osaturik dago, zeinak diseinaturik baitaude izangaiek helburu komunikatibo orokorretarako hizkuntza jarduera nagusietan duten gaitasuna ebaluatzeko.

2.–Konstruktuaren definizioa.

Hizkuntza eskola ofizialetako C1 mailako ziurtapen probak xede hauetarako diseinatu dira: ebaluatu beharreko hizkuntza erabiltzean ikaslea nola moldatzen den neurtzea; eta ebaluatzea ea zenbateko gaitasuna duen helburu komunikatibo orokorretarako ahozko zein idatzizko testuak ulertzeko, produzitzeko, koproduzitzeko eta prozesatzeko.

Gaitasun probak estu loturik daude arloko adituek ezarri duten komunikaziorako hizkuntza gaitasun orokorraren ereduarekin. Europako Kontseiluak eredu hori onartu du Europako Erreferentzia Esparru Bateratuan eta Companion Volume argitalpenean. Komunikazioaren ikuspegian oinarriturik, eredu hori hizkuntza jarduerara bideratuta dago, hau da, hizkuntzaren erabilerara. Ulermenean, produkzioan, koprodukzioan eta prozesamenduan xede hizkuntza erabiltzeko gaitasun hori abenduaren 22ko 1041/2017 Errege Dekretuan ere aipatzen da. Mailari dagokionez, probek erreferentzia izanen dituzte, arau orokor gisa, helburu orokorrak eta espezifikoak eta hizkuntza bakoitzaren gutxieneko edukiak, hizkuntza bakoitzaren curriculumean jasotakoak.

Izangaiaren gaitasun orokorraren mailari antzematen zaio egiazko komunikazio egoerak simulatzen dituzten zereginetan bere ezagutzak, trebetasunak eta baliabideak nola erabiltzen dituen ikusita. Komunikaziorako gaitasun hori erakusteko, praktikan jarri behar dira bai hizkuntza gaitasun soila eta bai gaitasun soziokulturalak, soziolinguistikoak, estrategikoak, funtzionalak eta diskurtsiboak ere.

Eredu horren arabera, probek erakutsi behar dute zenbateko gaitasuna duen izangaiak hizkuntza jarduera batzuk ongi egiteko, egiazko komunikazio egoeretan egin behar lukeen bezala. Beraz, ebaluazioan aztertuko da zer prozesatzeko eta ekoizteko gauza den izangaia komunikazio egoeretan, eta ez soilik zer ezagutza formal dituen hizkuntzari buruz. Hizkuntzaren sistema formalak zereginetan sartzen dira, izangaiak praktikan nola erabiltzen dituen ikusi ahal izateko.

Konstruktu orokor horretatik ondorioztatzen dira azterketa proben ezaugarri espezifikoak.

3.–Mailaren definizioa.

C1 mailak C1 gaitasun mailaren ezaugarriak izanen ditu, abuztuaren 29ko 68/2018 Foru Dekretuan dagoen definizioaren arabera (2018ko irailaren 13ko Nafarroako Aldizkari Ofiziala).

Maila honen helburua da ikasleak gaitzea eremu pertsonaleko eta publikoko egoera guztietan aritzeko, malgutasun eta zehaztasunez, ageriko ahaleginik gabe, eta hizkuntza-gabeziak erraz gaindituz konpentsazio-estrategien bidez; halaber, ikasleak gaitzen ditu goi mailako ikasketak egiteko, alor akademikoko mintegietan eta proiektuetan ziurtasunez parte hartzeko edo eraginkorki komunikatzeko eremu profesionaleko jarduera espezifikoetan.

Horretarako, ikasleek lortu behar dituzte hizkuntza erraztasun, malgutasun, eraginkortasun eta zehaztasun handiz erabiltzea ahalbidetzen duten gaitasunak, ahozko eta idatzizko testu luzeak, egitura konplexukoak eta zehatzak, ulertzeko, bakarrik zein beste batzuekin sortzeko, prozesatzeko eta transmititzeko, alderdi abstraktu zein konkretuetakoak izan, gai orokorrei edo espezializatuei buruzkoak; nahiz eta norberaren espezialitatetik kanpokoak izan, hizkuntzaren aldaera batean baino gehiagotan sortuak izan, egitura asko eta konplexuak eta adierazpide espezializatu, idiomatiko eta lagunartekoak dauzkan lexiko-errepertorio zabala izan, eta esanahi-ñabardura sotilak antzeman eta adierazteko moduan.

4.–Izangaien betebeharrak.

–Azterketako ikasgelan eskatutakoan, izangaiek ikastetxeko txartela, NANa, pasaportea edo haien nortasuna frogatzeko beste agiri bat, argazkia duena, aurkeztu beharko dute.

–Izangaiak puntualak izanen dira, eta azterketa-gelan egonen dira deialdiaren ordutegia baino 15 minutu lehenago, deialdiko ordua azterketa egiten hasteko ordua baita.

–Izangaiek bolaluma urdina edo beltza erabiliko dute azterketa egiteko. Arkatzarekin edo ezabatzen ahal den tintarekin idatzitako probak ez dira zuzenduko (irakurle optikoaren orriko erantzunak izan ezik, haiek arkatzarekin betetzen ahal baitira).

–Idazteko materialaz beste tresnarik ezin da eduki mahai gainean.

–Telefono mugikorrak eta beste edozein aparatu elektroniko itzali beharko dira.

Azterketaren administratzaileek betebehar horiek bete daitezen begiratu behar dute, eta bete ezean jarduteko ahalmena dute.

5.–Azterketaren ezaugarri orokorrak.

5.1. Azterketaren zatiak.

–Azterketak bost proba ditu. Proba bakoitzak hizkuntza jarduera bat neurtuko du: ahozko testuak ulertzea, testu idatziak ulertzea, testu idatzien produkzioa eta koprodukzioa, ahozko testuen produkzioa eta koprodukzioa, eta bitartekotza.

–Izangaiek proba guztiak egin ditzakete; izan ere, ezein proba gainditzea ez da baldintza izanen hurrengoak egin ahal izateko.

–Azkeneko emaitza "gai" edo "ez-gai" izanen da. Hizkuntza jarduera bakoitzaren kalifikazioa 10 puntuko eskalan oinarritzen da eta 1 eta 10 bitarteko zenbaki baten bidez adieraziko da, dezimal batekin.

–Ahozko eta idatzizko ulermenetan, 26 itemetatik 13 zuzen erantzunez gero, 10etik 5 puntu lortuko dira. Nota bakoitza kalkulatzeko, item kopurua bider 10/26 egin behar da, eta dezimal batera biribildu. Ez dago penalizaziorik erantzun okerrengatik.

–Azterketa osoa gainditzeko eta, horrenbestez, ziurtagiria lortzeko, beharrezkoa izanen da gutxienez ere 6,5 puntu lortzea batez besteko puntuazio orokorrean. Azkeneko emaitza "gai" izan dadin, ezinbestekoa da hizkuntza jarduera bakoitzaren nota gutxienez ere 5 puntukoa izatea. Gutxienez ere 5 puntu lortzen badira proba batean edo gehiagotan, "gai" kalifikazioa ateratzen ahalko da, baldin eta proba guztien batezbesteko aritmetikoa 6,5 puntu edo gehiago bada. Azkeneko emaitza "gai" edo "ez-gai" izanen da.

–Deialdi arruntean 6,5 puntuko batezbesteko osora iristen ez denak, gutxienez 5eko puntuaziora iritsi ez den hizkuntza jarduera bakoitza errekuperatu behar izateaz gainera, deialdi berezian azterketa egiten ahalko du 6,5eko gutxienekora iritsi ez den proba guztietan (gutxienez 17 item zuzen idatziaren eta entzunaren ulermen probetan).

–Izangaia bi deialdietan aurkezten den zati guztietarako, aplikatuko zaion amaierako puntuazioa bietatik onena izanen da.

–Hizkuntza eskola ofizialetako irakasleei dagokie, kasuan kasuko hezkuntza administrazioak ezartzen dituen baldintzetan, C1 maila aurreratuko ziurtagiriak lortzeko probak administratzea.

–Azterketa osoa bi saiotan eginen da, idatzizko zati batekin eta ahozko beste batekin, honako taula honetako hurrenkerari jarraituz:

–Zatiak egiteko hurrenkera eta denborak errespetatu beharko dira bai deialdi arruntean bai berezian.

–Antolaketa dela eta, eskola batek edo batzuek beste egun bat paratzen ahalko dute "Testu idatzien produkzioa eta koprodukzioa" eta "Idatzizko bitartekotza" probetarako. Data hori gutxienez 15 egun lehenago jakinaraziko zaie ikasleei.

5.2. Gaiak.

Izangaiak ulertu edo sortu beharko dituen testuak gai hauetaz arituko dira:

1. Identifikazio pertsonala.

2. Bidaiak eta oporrak.

3. Etxebizitza, etxea eta ingurua.

4. Osasuna eta gorputzaren zainketa.

5. Eguneroko jarduerak.

6. Enpresa eta merkataritza jarduerak.

7. Elikadura eta jatetxeak.

8. Harreman pertsonalak eta sozialak.

9. Politika eta gizartea.

10. Lana eta lanbide jarduerak.

11. Ondasun eta zerbitzuak.

12. Hezkuntza eta prestakuntza.

13. Klima eta ingurune naturala.

14. Hizkuntza eta komunikazioa.

15. Zientzia eta teknologia.

16. Denbora librea eta aisia.

17. Historia eta kultura.

5.3. Kalifikazioak.

–Ikasleei ziurtapen proben emaitzari buruz emanen zaien informazioak barnean hartuko ditu probaren zati bakoitzeko puntuazioa eta dagokion kalifikazio partziala, bai eta proba osoari dagokion kalifikazio orokorra ere ("gai" edo "ez-gai").

–Egin ez den probaren zati bakoitzak "ez-aurkeztua" kalifikazioa jasoko du. Probaren azken kalifikazioa "gai" edo "ez-gai" izanen da. Izangaiak zatietako bat ere egiten ez badu, bere azken kalifikazioa orokorra "ez-aurkeztua" izanen da.

6.–Azterketako bost proben ezaugarriak.

6.1. Testu idatziak ulertzeko proba (CE).

Izangaiak gauza izan behar du xehetasun osoz ulertzeko, kontzeptuen eta egituraren aldetik konplexuak diren idatzizko testu luze, zehatz eta xehetasunez beterikoen sorta handi batean, testuen zentzu orokorra, funtsezko informazioa, puntu nagusiak, alderdi eta xehetasun garrantzitsuak eta egileen iritzi eta jarrerak, inplizituak zein esplizituak, estilo zein erregistro desberdintasunei antzemanez, baldin zati zailenak berriz irakurtzen ahal baditu. Testuotako gaiak izangaiaren espezializazio eremutik kanpokoak ere izan daitezke.

Probaren formatua: lau zeregin, 26 itemekin guztira, honela banatuak:

6.2. Ahozko testuak ulertzeko proba (CO).

Izangaiak gauza izan behar du xehetasun osoz ulertzeko, kanala edozein delarik eta entzuteko baldintzak onak ez direnean ere, ahozko testu luze, zehatz eta xehetasunez beterikoen sorta handi batean, testuen asmo eta zentzu orokorra, funtsezko informazioa, puntu nagusiak, alderdi eta xehetasun garrantzitsuak eta hizlarien iritzi eta jarrerak, inplizituak zein esplizituak, askotariko doinu, erregistro eta estiloetan, baita hiztunak azkar ahoskatzen duenean eta kontzeptu-erlazioak berariaz seinalaturik ez daudenean ere, baldin xehetasunen batzuk berresteko modua badu, batez ere hiztunaren doinura ohituta ez badago.

Probaren formatua: lau zeregin, 26 itemekin guztira, honela banatuak:

6.3. Testu idatziak produzitzeko eta koproduzitzeko proba: idazmena (EE).

Izangaiak gauza izan behar du bakarka edo beste norbaitekin sortzeko, euskarria edozein dela ere, idatzizko luze eta xeheak, ongi antolatuak eta jarduketa eremu bakoitzari egokituak, eremu horietako gai konplexuei buruz. Ideia nagusiak azpimarratu behar ditu, bere ikuspuntuak zabalago azaldu eta defendatu –ideia osagarriak, zergatiak eta adibide egokiak emanez– eta, bukatzeko, ondorio egoki bat eman. Horretarako, zuzen eta taxuz erabili behar ditu egitura gramatikal konplexuak eta ortografiaren, puntuazioaren eta testuen aurkezpeneko konbentzio konplexuak, erakutsiz kohesiorako mekanismo konplexuen kontrola duela eta lexiko joria menderatzen duela, halako moldez, non esanahiaren ñabardurak adierazten ahal dituen, ironia, umorea eta zama afektiboa barne.

6.3.1. Probaren formatua.

Izangaiak sortu beharreko testuak eguneroko gai orokorrei buruzkoak izanen dira (C1 mailako curriculumean bilduak, abuztuaren 29ko 68/2018 Foru Dekretuan).

6.3.2. Idazmena ebaluatzeko irizpideak.

a) Eraginkortasun komunikatiboa.

Ebaluatzen du ea izangaiak eraginkortasunez erantzuten dion komunikazio egoerari eta ongi lotzen zaion zereginari. Alegia:

–Ezarritako helburu komunikatiboa betetzen duen eta eraginkortasunez adierazten duen esan nahi duena: ezarritako eginkizunak (informatzea, eskatzea, etab.) betetzen dituen eta nahi bezalako eragina sortzen duen hartzailearengan. Zeregina betetzeko moduari buruzko inpresio orokorra positiboa den.

–Arau sozial eta diskurtsiboak errespetatzen dituen, testu motaren arabera (kontakizuna, deskribapena, argudiatzea, etab.), bai eta bakoitzerako testu formatu egokiak ere.

–Hizkera eta erregistro egokiak erabiltzen dituen, bai eta kortesia eta adeitasunezko estrategiak ere, hala dagokionean.

–Zeregina betetzeko jarraibideei lotzen zaien: ezarritako luzera betetzen duen, puntu guztiak garatzen dituen gidalerroei jarraituz, eta proposatutako gaiari buruz informazio nahikoa eta eduki jakingarriak eskaintzen dituen.

b) Koherentzia eta kohesioa.

Ebaluatzen du ea izangaia gauza den testu koherentea, ulerterraza eta kohesioduna sortzeko. Alegia:

–Informazio adierazgarria eta ia anbiguotasunik gabea ematen duen. Testua irakurterraza den.

–Informazioa eta argudioak ongi antolatzen dituen: ideia orokorra eta ikuspuntua ongi bereizita.

–Diskurtsoaren hariari eusten dion, errepikapenak eta jauzi edo etenak saihestuz. Gai edo ikuspuntu desberdinen arteko trantsizioak baliatzen dituen.

–Ongi erabiltzen dituen paragrafoak, puntuazio zeinuak eta lokailuak. Ideiak ongi josita dauden paragrafo eta perpausen artean.

–Egokitasunez erabiltzen dituen kanpoko erreferentzia mekanismoak (espaziokoak, denborakoak) eta barnekoak (izenordainak, adberbioak, aditz denborak, komunztadura, etab.).

c) Errepertorio lexikoa.

Izangaiak erabilitako hizkuntza baliabideen zabaltasuna eta konplexutasuna ebaluatzen ditu, maila honetan zer eskatzen den kontuan izanda. Alegia:

–Ea zehaztasunarekin erabiltzen duen maila honetako lexikoa, kolokazioak naturalak diren, etab.

–Lexiko zabala eta egokia erabiltzen duen: gaiarekin zerikusia duen hiztegia, sinonimoak, askotariko lokailuak, adierazpideak edo bestelako baliabide estilistikoak, etab.

d) Hizkuntzaren zuzentasuna.

Izangaiak erabiltzen duen hizkuntza kodearen doitasun edo zehaztasuna ebaluatzen du, maila honetan zer eskatzen den kontuan izanda. Alegia:

–Ea zuzen erabiltzen dituen ortografia, morfologia eta sintaxia.

–Ea egitura sintaktiko eta gramatikal ugari erabiltzen dituen, askotarikoak eta halako konplexutasun bat dutenak.

6.4. Ahozko testuak produzitzeko eta koproduzitzeko proba: mintzamena (EO).

Izangaiak gauza izan behar du bakarka edo beste norbaitekin sortzeko, etorri eta berezkotasunez eta ia ahaleginik gabe, kanala edozein dela ere, mota askotako ahozko testu luze, argi eta xeheak, kontzeptuen eta egituraren aldetik konplexuak, hainbat erregistrotan. Horretarako, intonazio eta azentu egokiak erabili behar ditu esanahiaren ñabardurak adierazteko, eta erakutsi mota askotako baliabide linguistikoak eta estrategiak –estrategia diskurtsiboak, interakziokoak eta konpentsaziokoak– menderatzen dituela, halako moldez non ia ez diren nabaritzen esan nahi duena adierazteko noizbehinka dituen zailtasunak, eta diskurtsoa eraginkortasunez egokitzen ahal duen egoera komunikatibo bakoitzera.

6.4.1. Probaren formatua.

–Proba bikoteka edo hirunaka eginen da, bi aztertzaileren aurrean, eta grabatu eginen da. Izangai bakarra badago, aztertzaileetako batek bikotekidearen rola jokatuko du koprodukzio lanerako.

–Txanda iristen denean, aztertzaile batek deituko die proba eginen den gelan sar daitezen. Ahozko bitartekotza ere saio berean eginen da, gida honen 5.1 puntuko tauletan adierazi den moduan.

Bi zereginetarako prestaketa proba eginen den ikasgela berean eginen da, aztertzaileen aurrean.

6.4.2. Fase bakoitzaren deskribapena.

a) Harrera.

–Aztertzaileak esanen die izangaiei non eseri behar diren, eta eskatuko die beren burua identifikatzeko argazkia daukan dokumentu baten bidez.

–Aztertzaileak galdetuko die bertaratu direla justifikatzen duen agiririk behar ote duten (hasi baino lehen edo amaitzean).

b) Ahozko produkzioa.

–Aztertzaileak ahoz azalduko ditu jarraibideak, eta bi euskarri emanen dizkio A izangaiari. Euskarri bakoitzak landuko den gaia jasoko du, baita hiru galdera ere, ahozko ekoizpena egiteko oinarri izanen dena hauta dezan.

–Izangaiak minutu bat izanen du gaia aukeratzeko eta bere jarduna prestatzeko.

–A izangaiak, lehenik hitz egin behar duenak, ahozko produkzioa garatuko du, erantzun landuak emanez euskarriko hiru galderei.

–A izangaia 3 edo 4 minutuz arituko da solasean, eta bitartean aztertzaileek eskatzen ahalko diote bere iritziak justifika ditzala edo argi gelditu ez den alderdiren bat gara dezala.

–A izangaiak ahozko produkzioa amaitu eta gero, aztertzaileak B izangaiari beste bi euskarri emanen dizkio bere ahozko produkzioa prestatzeko, eta lehengo urratsak errepikatuko dira.

c) Ahozko koprodukzioa.

–Aztertzaileak jarraibideak emanen dizkie bi izangaiei, ahoz, eta azalduko die 2 minutu dauzkatela prestatzeko (aldi berean baina bakarka).

–Aztertzaileak euskarri bana emanen die. Euskarri hori txartel bat izanen da, eta han azalduko dira solasaldiaren nondik norakoak: gai bat eta eztabaidatzeko hiru edo lau enuntziatu. Ez dago enuntziatu guztiak eztabaidatu beharrik.

–Prestatzeko denbora amaituta, aztertzaileak adieraziko du nor hasiko den hizketan (A izangaia).

–Bi izangaiek elkarrizketa bat izanen dute, euskarrian proposatzen den gaiari buruzko iritziak trukatzeko. Izangai bakoitza zereginaren denboraren erdian parte hartzen saiatuko da. B izangaiak bukatuko du elkarrizketa.

–Izangaien elkarrekintzak 5-6 minutu iraunen du eta bitartean aztertzaileek ez dute hitz eginen, egoera hauetan izan ezik: i) komunikazioa eteten bada; ii) solasa eskatutakoarekin bat ez badator edo iii) ez badira nahikoa mintzatzen.

6.4.3. Mintzamena ebaluatzeko irizpideak.

a) Eraginkortasun komunikatiboa.

Ebaluatzen du ea izangaiak eraginkortasunez erantzuten dion komunikazio egoerari eta ongi lotzen zaion zereginari. Alegia:

–Produkzioko zereginean:

• Ea eraginkortasunez adierazten duen esan nahi duena. Diskurtsoaren hariari zailtasunik gabe jarraitzen zaion, informazio argia ematen duen eta ia batere anbiguotasunik ez dagoen.
• Zereginari egokitzen zaion: ezarritako denbora betetzen duen, puntu guztiak garatzen dituen gidalerroei jarraituz, eta proposatutako gaiari buruz informazio nahikoa eta eduki jakingarriak eskaintzen dituen.
• Berezkotasunez erantzuten duen, ia zalantzarik egin gabe. Diskurtso jarraitua egiten duen, erritmo naturalean.

–Koprodukzioko zereginean:

• Ea naturaltasun, malgutasun eta eraginkortasunez parte hartzen duen interakzioan: aktiboki jarduten duen igortzaile eta hartzaile gisa, solasaldiaren nondik norakoari moldatuz, eta egokitasunez erantzuten duen, eduki jakingarria eskainiz.
• Egoki erabiltzen dituen hitz egiteko txandak (intonazioa, diskurtsoaren markatzaileak, etab.) eta baliatzen elkarlaneko estrategiak (adeitasuna, laguntza, ulertu izana erakustea, argibideak eskatzea, etab.) eta komunikazioaren norabidea aldatzekoak (gai aldaketa negoziatzea, etab.), eta bere ideiak trebetasunez lotzen dituen beste hiztunen ideiekin (adostasuna edo desadostasuna agertzea, argudiatzea, etab.).

b) Lexikoaren aberastasuna.

Erabilitako hiztegiaren zabaltasuna eta konplexutasuna ebaluatzen ditu. Alegia:

Lexiko joria, askotarikoa eta zehatza erabiltzen duen zeregina egiteko: gaiarekin zerikusia duen hiztegia, sinonimoak, hain ohikoak ez diren hitzak, eta adierazpide idiomatikoak edo bestelako baliabide estilistikoak.

c) Kontrol fonologikoa.

Soinuen ahoskera, azentuazioa, erritmoa eta intonazioa ebaluatzen ditu. Alegia:

–Ea soinuen ahoskeran ez den gehiegi urruntzen estandarretik eta gauza den soinu multzoak zuzen artikulatzeko.

–Hitzei zuzen jartzen dien azentua.

–Hitzak adiera-unitateetan multzokatzen dituen eta esaldiaren erritmoari eusten dion.

–Intonazioa erabiltzen duen informazioari ñabardurak eransteko.

d) Zuzentasun gramatikala.

Gramatikaren erabileraren doitasuna edo zehaztasuna ebaluatzen du. Alegia:

–Ea zuzen erabiltzen dituen morfologia eta sintaxia.

–Zeregina egiteko beharrezkoak diren egiturak erabiltzen dituen.

6.5. Bitartekotza proba: idatzizko bitartekotza eta ahozko bitartekotza.

Bitartekotza probak bi zeregin izanen ditu eta guztira 20 puntu balioko du. Lehenengoa, idatzizko bitartekotza, azterketa idatziaren saioan eginen da, eta bigarrena, ahozko bitartekotza, ahozko azterketaren egunean eginen da.

6.5.1. Idatzizko bitartekotza.

–Izangaiak gauza izan behar du iturri batetik eta bestetik hartutako askotariko ahozko testuetan (esate baterako, hedabideetako testuak, mota bateko eta besteko testu akademikoak, txostenak edo agiri profesionalak) dauden informazioa, iritziak eta argudioak idatziz emateko, testu berri eta koherente batean, haiek parafraseatuz edo laburtuz.

–Idatzizko bitartekotza probaren ezaugarriak eta formatua.

6.5.2. Ahozko bitartekotza.

Izangaiak gauza izan beharko du iturri batetik eta bestetik hartutako askotariko testu idatzi luze eta zehatzetan (esate baterako, saiakera-testuetan edo hitzaldietan) dauden informazioa, iritziak eta argudioak ahoz emateko, testu berri eta koherente batean, haiek parafraseatuz edo laburtuz.

Ahozko bitartekotza probaren ezaugarriak eta formatua:

–Deialdi arruntean, ahozko bitartekotza proba banaka eginen da ahozko azterketaren saioan, ahozko testuak produzitzeko eta koproduzitzeko probaren aurretik.

–Deialdi berezian, ahozko bitartekotzako zeregina eta ahozko testuak produzitzeko eta koproduzitzeko proba egiteko hurrenkera izangaiak egiteko dituen proben mende egonen da.

6.5.3. Ahozko bitartekotza ebaluatzeko irizpideak.

a) Edukiaren interpretazioa.

Ebaluatzen du ea izangaiak kontsigna egokitasunez interpretatzen duen eta helburu komunikatiborako (hartzailea eta testuingurua) adierazgarria den informazioa identifikatzen eta aukeratzen duen.

b) Testuaren antolaketa.

Ea ongi antolatuta dagoen transmititutako informazioa (edo prozesatutako testua): koherentea eta erraz jarraitzeko modukoa den.

c) Informazioa transmititzea.

Ebaluatzen du ea izangaiak helburu komunikatiborako garrantzi handiena duen informazioa transmititzen duen, argitasunez eta eraginkortasunez transmititu ere, alegia:

–Zuzen prozesatzen duen testua: informazio, ideia edota datuak modu nahiko egokian transmititzen, laburbiltzen, parafraseatzen, konparatzen edo azaltzen dituen. Sortutako testua ez dagoen hitzez hitz hartuta testu-euskarritik.

–Ea estrategia egokiak aukeratzen dituen informazioa transmititzeko, proposatutako bitartekotza-egoeraren arabera, eta informazio hori modu nahiko eraginkorrean ulertarazten duen.

d) Hizkuntzaren zuzentasuna.

Ebaluatzen du ea izangaiak, maila honetarako, nahiko egoki erabiltzen duen hizkuntza kodea informazioaren transmisioan. Hau da, ea egokitasunez erabiltzen duen halako hitz sorta bat eta nahiko zuzen erabiltzen dituen maila honi dagozkion egiturak.

Ahozko bitartekotzan, ahoskeraren zuzentasuna eta naturaltasuna ere ebaluatzen dira.

7.–Azkeneko oharrak.

7.1. Emaitzen argitalpena.

Proben emaitzak argitara emanen dira datu pertsonalen babesari buruz indarrean dagoen legerian ezarritakoa betez.

Ikasleei ziurtapen proben emaitzari buruz emanen zaien informazioak barnean hartuko ditu probaren zati bakoitzeko puntuazioa eta dagokion kalifikazio partziala, bai eta proba osoari dagokion kalifikazio orokorra ere.

7.2. Erreklamazioak egiteko eskubidea.

Ikasleek, edo, hala behar denean, haien tutore edo legezko ordezkariek, beren probei eta emaitzei buruzko informazioa jasotzen ahalko dute ebaluazioaren ardura duten irakasleen aldetik, ikastetxean horretarako ezarritako egunean. Egun horretan bertaratzerik ez badute, beste egun batean egiteko eskatzen ahalko dute idatziz.

Irakasleak argibideak eman ondoren, lortutako azken kalifikazioarekin ados ez badaude, ikasleek, edo, hala behar denean, haien tutore edo legezko ordezkariek, ikastetxeko zuzendaritzari eskatzen ahalko diote, idatziz, berrikus dezala ziurtapen probaren zati batean edo batzuetan lortutako kalifikazioa. Lortutako kalifikazioak berrikusteko eskaera horiek hiru egun balioduneko epean aurkeztuko dira, azken kalifikazioa argitaratzen den egunetik hasita. (Hots, azterketaren berrikuspenaren egunetik hasita).

Erreklamazioa jaso ondoren, ikastetxeko zuzendariak erreklamazio espediente bat irekiko du. Kasuan kasuko hizkuntzaren departamentuak (erreklamazioa jarri zaien irakasleak bazter utzita), zuzendariak eskaturik eta erreklamazioa aurkeztu ondoko lehenengo egun baliodunean, erreklamazioa aztertuko du. Egiaztatuko du proba guztiak ebaluatu direla eta ezarritako ebaluazio irizpideak ongi aplikatu direla, eta ziurtatuko du ez dela akatsik egin probaren zati bakoitzeko kalifikazioaren eta azken kalifikazioaren kalkuluan, eta txostena eginen du. Txostenak ikasketaburuari helaraziko zaizkio, eta hark, ahal den era eta epe azkarrenean, txostenaren kopia emanen dio ikasleari edo, hala behar denean, ikaslearen tutore edo legezko ordezkariei, PDF formatuko kopia bat igorriz haien helbide elektronikora. Gainera, mezua bidaliko zaio mugikorrera, jarri duen erreklamazioaren erantzuna bidali diotela jakinarazteko. Honela bukaera emanen zaio ikastetxean erreklamatzeko prozesuari.

Ikastetxearen ebazpenaren kontra gora jotzeko errekurtsoa paratzen ahalko da, Hezkuntzako zuzendari nagusiari zuzendua, jakinarazi eta biharamunetik hilabeteko epean.

Artikulu honetan aurreikusitako jarduketa guztiak desgaitasunen bat duten pertsonentzat irisgarriak izatea bermatuko da.

7.3. Berariazko premiak dituzten pertsonentzako egokitzapena.

Proba egokitzen ahalko da mugitzeko desgaitasuna, ikusteko desgaitasun erabatekoa edo partziala, mintzamenaren nahasmenduak, entzumen galera edo desgaitasun bat baino gehiago duten izangaien behar berezietarako.

Egokitzapenen bat behar duten ikasleek beren beharrak adierazi beharko dituzte ikasketaburuari zuzendutako idazki batean, eta desgaitasuna eta haren gradua egiaztatzen dituen ziurtagiria aurkeztuko dute behar horiek justifikatzeko. Eskaerak matrikula egitean aurkeztuko dira.

Baldintzak egokitzeak ez du inoiz ekarriko probaren zatiren bat egin behar ez izatea edo proba deialdi ofizialekoa ez beste egun batean egin ahal izatea.

7.4. Bertaratze agiriak.

Izangaiek azterketa egin izana frogatzeko agiria eska dezakete.

7.5. Elkarbizitzaren aurkako portaerak.

Azterketa, proba edo ariketa batean beste ikasle batzuei kopiatzea edo kopiatzen uztea elkarbizitzaren aurkako portaera da, eta berekin ekarriko du, abuztuaren 23ko 47/2010 Foru Dekretuaren arabera, azterketa, proba edo ariketa horretan kalifikazio negatiboa jasotzea.

8.–Aholkuak.

–Bete itzazu une oro azterketaren administratzaileen jarraibideak.

–Zereginak egiteko duzun denbora egoki banatu. Denbora horiek probaren zati guztiak egiteko aski dira, aurretik kalkulatu baitira. Gomendagarria da azkenean minutu batzuk gordetzea azterketa errepasatu eta izan litezkeen akatsak zuzentzeko.

–Probaren zati guztietan letra argiz idatzi eta azterketa txukun aurkeztu. Zuzentzat hartu dituzun erantzunak zeintzuk diren garbi gelditu dela ziurtatu.

–Probaren zati eta zeregin bakoitzerako ematen diren jarraibideak arretaz irakurri.

–Lasai egon zaitez eta proba egiteko jarraibideei arretaz erreparatu, batez ere ahozko ulermenaren ariketan.

–Idazmenaren zatiko zereginei heldu baino lehen, gomendagarria da esan nahi duzunaren eskema bat egitea aurretik eta, zereginak bukatutakoan, dena errepasatzea.

I. GEHIGARRIA.–IDATZIZKO PRODUKZIOA ETA KOPRODUKZIOA EBALUATZEKO TAULA

II. GEHIGARRIA.–AHOZKO PRODUKZIOA ETA KOPRODUKZIOA EBALUATZEKO TAULA

III. GEHIGARRIA.–IDATZIZKO ETA AHOZKO BITARTEKOTZA EBALUATZEKO TAULA

X. ERANSKINA.–NAFARROAKO HIZKUNTZA ESKOLA OFIZIALETAKO ZIURTAPEN PROBETAKO AZTERKETA GIDA

C2 maila aurreratua

1.–Azterketaren helburua.

C2 mailako azterketa hau zenbait probaz osaturik dago, zeinak diseinaturik baitaude izangaiek helburu komunikatibo orokorretarako hizkuntza jarduera nagusietan duten gaitasuna ebaluatzeko.

2.–Konstruktuaren definizioa.

Hizkuntza eskola ofizialetako C2 mailako ziurtapen probak xede hauetarako diseinatu dira: ebaluatu beharreko hizkuntza erabiltzean ikaslea nola moldatzen den neurtzea; eta ebaluatzea ea zenbateko gaitasuna duen helburu komunikatibo orokorretarako ahozko zein idatzizko testuak ulertzeko, produzitzeko, koproduzitzeko eta prozesatzeko.

Gaitasun probak estu loturik daude arloko adituek ezarri duten komunikaziorako hizkuntza gaitasun orokorraren ereduarekin. Europako Kontseiluak eredu hori onartu du Hizkuntzetarako Europako Erreferentzia Esparru Bateratuan eta Companion Volume argitalpenean. Komunikazioaren ikuspegian oinarriturik, eredu hori hizkuntza jarduerara bideratuta dago, hau da, hizkuntzaren erabilerara. Ulermenean, produkzioan, koprodukzioan eta prozesamenduan xede hizkuntza erabiltzeko gaitasun hori abenduaren 22ko 1041/2017 Errege Dekretuan ere aipatzen da.

Mailari dagokionez, probek erreferentzia izanen dituzte, arau orokor gisa, helburu orokorrak eta espezifikoak eta hizkuntza bakoitzaren gutxieneko edukiak, hizkuntza bakoitzaren curriculumean jasotakoak.

Izangaiaren gaitasun orokorraren mailari antzematen zaio egiazko komunikazio egoerak simulatzen dituzten zereginetan bere ezagutzak, trebetasunak eta baliabideak nola erabiltzen dituen ikusita. Komunikaziorako gaitasun hori erakusteko, praktikan jarri behar dira bai hizkuntza gaitasun soila eta bai gaitasun soziokulturalak, soziolinguistikoak, estrategikoak, funtzionalak eta diskurtsiboak ere.

Eredu horren arabera, probek erakutsi behar dute zenbateko gaitasuna duen izangaiak hizkuntza jarduera batzuk ongi egiteko, egiazko komunikazio egoeretan egin behar lukeen bezala. Beraz, ebaluazioan aztertuko da zer prozesatzeko eta ekoizteko gauza den izangaia komunikazio egoeretan, eta ez soilik zer ezagutza formal dituen hizkuntzari buruz. Hizkuntzaren sistema formalak zereginetan sartzen dira, izangaiak praktikan nola erabiltzen dituen ikusi ahal izateko.

Konstruktu orokor horretatik ondorioztatzen dira azterketa proben ezaugarri espezifikoak.

3.–Mailaren definizioa.

C2 mailak C2 gaitasun mailaren ezaugarriak izanen ditu, abuztuaren 29ko 68/2018 Foru Dekretuan dagoen definizioaren arabera (2018ko irailaren 13ko Nafarroako Aldizkari Ofiziala).

C2 maila aurreratuko irakaskuntzen xedea da ikasleak gaitzea, inolako zailtasunik gabe eta hiztun ikasi bat bezainbateko kalitatearekin komunikatu ahal izan daitezen konplexutasun handiko egoeretan, esparru pertsonalean, publikoan, akademikoan zein profesionalean; esaterako, maila goreneko ikasketak egiteko, graduatu ondokoak eta doktoregoa barne, edo aktiboki eta aise parte hartzeko bizitza akademikoan (tutoretzak, mintegiak, nazioarteko konferentziak); proiektu konplexuetan edo maila handikoetan arlo anitzeko lantaldeak gidatzeko, edo eraginkortasunez negoziatu eta argudiatu ahal izateko goi zuzendaritzaren mailan, nazioarteko inguru profesionaletan.

Horretarako, ikasleek hizkuntza erabateko naturaltasunarekin erabili ahal izateko behar dituzten gaitasunak eskuratuko dituzte, era guztietako egoeretan parte hartu ahal izateko, esparru pertsonalean, publikoan, akademikoan zein profesionalean, baldin eta beharrezkoa badute ahozko eta idatzizko testu askotarikoak, luzeak eta konplexuak sortzea, beste batzuekin batera sortzea edo prozesatzea gai orokorren edo espezializatuen alderdi abstraktuei eta konkretuei buruz, norberaren espezializazio eremuan nahiz hortik kanpo, erregistro eta estilo askotarikoak eta hitzen zein egituren errepertorio joria erabiliz, barnean hartzen dituena adierazpide idiomatikoak, lagunartekoak, tokian tokikoak eta espezializatuak, eta esanahiaren ñabardura sotilak atzemateko eta adierazteko aukera emanen duena.

4.–Izangaien betebeharrak.

–Azterketako ikasgelan eskatutakoan, izangaiek ikastetxeko txartela, NANa, pasaportea edo haien nortasuna frogatzeko beste agiri bat, argazkia duena, aurkeztu beharko dute.

–Izangaiak puntualak izanen dira, eta azterketa-gelan egonen dira deialdiaren ordutegia baino 15 minutu lehenago, deialdiko ordua azterketa egiten hasteko ordua baita.

–Izangaiek bolaluma urdina edo beltza erabiliko dute azterketa egiteko. Arkatzarekin edo ezabatzen ahal den tintarekin idatzitako probak ez dira zuzenduko (irakurle optikoaren orriko erantzunak izan ezik, haiek arkatzarekin betetzen ahal baitira).

–Idazteko materialaz beste tresnarik ezin da eduki mahai gainean.

–Telefono mugikorrak eta beste edozein aparatu elektroniko itzali beharko dira.

Azterketaren administratzaileek betebehar horiek bete daitezen begiratu behar dute, eta bete ezean jarduteko ahalmena dute.

5.–Azterketaren ezaugarri orokorrak.

5.1. Azterketaren zatiak.

–Azterketak bost proba ditu. Proba bakoitzak hizkuntza jarduera bat neurtuko du: testu idatziak ulertzea, ahozko testuak ulertzea, testu idatzien produkzioa eta koprodukzioa, ahozko testuen produkzioa eta koprodukzioa, eta bitartekotza.

–Izangaiek proba guztiak egin ditzakete; izan ere, ezein proba gainditzea ez da baldintza izanen hurrengoak egin ahal izateko.

–Azkeneko emaitza "gai" edo "ez-gai" izanen da. Hizkuntza jarduera bakoitzaren kalifikazioa 10 puntuko eskalan oinarritzen da eta 1 eta 10 bitarteko zenbaki baten bidez adieraziko da, dezimal batekin.

–Ahozko eta idatzizko ulermenetan, 26 itemetatik 13 zuzen erantzunez gero, 10etik 5 puntu lortuko dira. Nota bakoitza kalkulatzeko, item kopurua bider 10/26 egin behar da, eta dezimal batera biribildu. Ez dago penalizaziorik erantzun okerrengatik.

–Azterketa osoa gainditzeko eta, horrenbestez, ziurtagiria lortzeko, beharrezkoa izanen da gutxienez ere 6,5 puntu lortzea batez besteko puntuazio orokorrean. Azkeneko emaitza "gai" izan dadin, ezinbestekoa da hizkuntza jarduera bakoitzaren nota gutxienez ere 5 puntukoa izatea. Gutxienez ere 5 puntu lortzen badira proba batean edo gehiagotan, "gai" kalifikazioa ateratzen ahalko da, baldin eta proba guztien batezbesteko aritmetikoa 6,5 puntu edo gehiago bada. Azkeneko emaitza "gai" edo "ez-gai" izanen da.

–Deialdi arruntean 6,5 puntuko batezbesteko osora iristen ez denak, gutxienez 5eko puntuaziora iritsi ez den hizkuntza jarduera bakoitza errekuperatu behar izateaz gainera, deialdi berezian azterketa egiten ahalko du 6,5eko gutxienekora iritsi ez den proba guztietan (gutxienez 17 item zuzen idatziaren eta entzunaren ulermen probetan).

–Izangaia bi deialdietan aurkezten den zati guztietarako, aplikatuko zaion amaierako puntuazioa bietatik onena izanen da.

–Hizkuntza eskola ofizialetako irakasleei dagokie, kasuan kasuko hezkuntza administrazioak ezartzen dituen baldintzetan, C2 maila aurreratuko ziurtagiriak lortzeko probak administratzea.

–Azterketa osoa bi saiotan eginen da, idatzizko zati batekin eta ahozko beste batekin, honako taula honetako hurrenkerari jarraituz:

–Zatiak egiteko hurrenkera eta denborak errespetatu beharko dira bai deialdi arruntean bai berezian.

–Antolaketa dela eta, eskola batek edo batzuek beste egun bat paratzen ahalko dute "Testu idatzien produkzioa eta koprodukzioa" eta "Idatzizko bitartekotza" probetarako. Data hori gutxienez 15 egun lehenago jakinaraziko zaie ikasleei.

5.2. Gaiak.

Izangaiak ulertu edo sortu beharko dituen testuak gai hauetaz arituko dira:

1. Identifikazio pertsonala.

2. Bidaiak eta oporrak.

3. Etxebizitza, etxea eta ingurua.

4. Osasuna eta gorputzaren zainketa.

5. Eguneroko jarduerak.

6. Enpresa eta merkataritza jarduerak.

7. Elikadura eta jatetxeak.

8. Harreman pertsonalak eta sozialak.

9. Politika eta gizartea.

10. Lana eta lanbide jarduerak.

11. Ondasun eta zerbitzuak.

12. Hezkuntza eta prestakuntza.

13. Klima eta ingurune naturala.

14. Hizkuntza eta komunikazioa.

15. Zientzia eta teknologia.

16. Denbora librea eta aisia.

17. Historia eta kultura.

5.3. Kalifikazioak.

–Ikasleei ziurtapen proben emaitzari buruz emanen zaien informazioak barnean hartuko ditu probaren zati bakoitzeko puntuazioa eta dagokion kalifikazio partziala, bai eta proba osoari dagokion kalifikazio orokorra ere ("gai" edo "ez-gai").

–Egin ez den probaren zati bakoitzak "ez-aurkeztua" kalifikazioa jasoko du. Probaren azken kalifikazioa "gai" edo "ez-gai" izanen da. Izangaiak zatietako bat ere egiten ez badu, bere azken kalifikazioa orokorra "ez-aurkeztua" izanen da.

6.–Azterketako bost proben ezaugarriak.

6.1. Testu idatziak ulertzeko proba (CE).

Testu idatzien ulermenaren gaitasun orokorra neurtzeko zeregin egokienek helburutzat dute izangaiaren jarduna ahalik eta gehien hurbil dadin egiazko komunikazio jardueretara: testuan dagoen informazioari edo egileen iritziei buruzko galderak erantzutea; izenburua edo goiburua jartzea askotariko testuei; testutik atera diren elementuak berriz kokatzea testuan; hitz bat igartzea testuinguruari erreparatuta.

Horrelako jarduerak, formaz berdin-berdinak ez badira ere, funtsean bat datoz hiztunek entzuten dituzten testuekin egin ohi duten horrekin: testuotatik informazioa eta ideiak ateratzen dituzte, eta horretarako ongi ulertu behar dituzte osotasuna eta xehetasunak, eskura dituzten baliabide estrategikoak, diskurtsiboak eta linguistikoak erabiliz.

Probaren formatua: lau zeregin, 26 itemekin guztira, honela banatuak:

6.2. Ahozko testuak ulertzeko proba (CO).

Ahozko ulermenaren gaitasun orokorra neurtzeko zeregin egokienek helburutzat dute izangaiaren jarduna ahalik eta gehien hurbil dadin egiazko komunikazio jardueretara: audio testuan dagoen informazioari edo hiztunek azaldutako iritziei buruzko galderak erantzutea; izenburua edo goiburua jartzea audio testu batzuei.

Horrelako jarduerak, formaz berdin-berdinak ez badira ere, funtsean bat datoz hiztunek entzuten dituzten testuekin egin ohi duten horrekin: testuotatik informazioa eta ideiak ateratzen dituzte, eta horretarako ongi ulertu behar dituzte osotasuna eta xehetasunak, eskura dituzten baliabide estrategikoak, diskurtsiboak eta linguistikoak erabiliz.

Probaren formatua: lau zeregin, 26 itemekin guztira, honela banatuak:

6.3. Testu idatziak produzitzeko eta koproduzitzeko proba: idazmena (EE).

Izangaiak, euskarria edozein dela ere, kalitatezko testu idatziak produzitu eta koproduzitu beharko ditu, errorerik gabe (hutsegite tipografikoren bat izan ezik), gai konplexuei buruz, baita gai teknikoei buruz ere, estilo egoki eta eraginkorrarekin eta egitura logikoarekin, irakurleari ideia eta alderdi esanguratsuenak identifikatzen eta gordetzen laguntzeko, eta esanahi-ñabardura sotilak zehaztasunez transmititzeko, hizkuntzaren hitz-erdikako erabilerak barne.

6.3.1. Probaren formatua.

Izangaiak sortu beharreko testuak eguneroko gai orokorrei buruzkoak izanen dira (C2 mailako curriculumean bilduak, abuztuaren 29ko 68/2018 Foru Dekretuan).

6.3.2. Idazmena ebaluatzeko irizpideak.

a) Eraginkortasun komunikatiboa.

Ebaluatzen du ea izangaiak eraginkortasunez erantzuten dion komunikazio egoerari eta ongi lotzen zaion zereginari. Alegia:

–Ezarritako helburu komunikatiboa betetzen duen eta eraginkortasunez adierazten duen esan nahi duena: ezarritako eginkizunak (informatzea, eskatzea, etab.) betetzen dituen eta nahi bezalako eragina sortzen duen hartzailearengan. Zeregina betetzeko moduari buruzko inpresio orokorra positiboa den.

–Arau sozial eta diskurtsiboak errespetatzen dituen, testu motaren arabera (kontakizuna, deskribapena, argudiatzea, etab.), bai eta bakoitzerako testu formatu egokiak ere.

–Hizkera eta erregistro egokiak erabiltzen dituen, bai eta kortesia eta adeitasunezko estrategiak ere, hala dagokionean.

–Zeregina betetzeko jarraibideei lotzen zaien: ezarritako luzera betetzen duen, puntu guztiak garatzen dituen gidalerroei jarraituz, eta proposatutako gaiari buruz informazio nahikoa eta eduki jakingarriak eskaintzen dituen.

b) Koherentzia eta kohesioa.

Ebaluatzen du ea izangaia gauza den testu koherentea, ulerterraza eta kohesioduna sortzeko. Alegia:

–Informazio adierazgarria eta anbiguotasunik gabea ematen duen. Testua irakurterraza den.

–Informazioa eta argudioak ongi antolatzen dituen: ideia orokorra eta ikuspuntua ongi bereizita.

–Diskurtsoaren hariari eusten dion, errepikapenak eta jauzi edo etenak saihestuz. Gai edo ikuspuntu desberdinen arteko trantsizioak baliatzen dituen.

–Ongi erabiltzen dituen paragrafoak, puntuazio zeinuak eta lokailuak. Ideiak ongi josita dauden paragrafo eta perpausen artean.

–Egokitasunez erabiltzen dituen kanpoko erreferentzia mekanismoak (espaziokoak, denborakoak) eta barnekoak (izenordainak, adberbioak, aditz denborak, komunztadura, etab.).

c) Lexikoa.

Izangaiak erabilitako hizkuntza baliabideen zabaltasuna eta konplexutasuna ebaluatzen ditu, maila honetan zer eskatzen den kontuan izanda. Alegia:

Lexiko zabala, egokia eta espezializatua erabiltzen duen: gaiarekin zerikusia duen hiztegia, sinonimoak, askotariko lokailuak, adierazpideak edo bestelako baliabide estilistikoak, etab.

d) Morfosintaxia.

Izangaiak erabiltzen duen hizkuntza kodearen doitasun edo zehaztasuna ebaluatzen du, maila honetan zer eskatzen den kontuan izanda. Alegia:

–Ea zuzen erabiltzen dituen ortografia, morfologia eta sintaxia.

–Ea egitura sintaktiko eta gramatikal ugari erabiltzen dituen, askotarikoak eta konplexuak.

6.4. Ahozko testuak produzitzeko eta koproduzitzeko proba: mintzamena (EO).

Izangaiak gauza izan behar du bakarka edo beste norbaitekin sortzeko, naturaltasun, erosotasun, erraztasun eta etorriz, ahozko testu luze eta xeheak, formaren aldetik zuzenak eta sarritan azpimarragarriak, bizitza pertsonal, sozial, profesional eta akademikoko edozein egoeratan komunikatzeko. Horretarako, estiloa eta erregistroa eraginkortasun osoz egokitu behar ditu erabilera testuinguru bakoitzera, akatsik egin gabe, noizbehinkako "lapsus linguae"ren bat izan ezik, eta malgutasun handia erakutsiz adierazpen, azentu eta intonazio-patroien errepertorio aberatsa erabiltzeko orduan, esanahi-ñabardura sotilak zehaztasunez transmititu ahal izateko.

6.4.1. Probaren formatua.

–Proba, ahal dela, hirunaka eginen da. Bi aztertzaileren aurrean eginen da eta grabatuko da. Izangai bakarra badago, aztertzaileetako batek bikotekidearen rola jokatuko du koprodukzio lanerako.

–Txanda iristen denean, aztertzaile batek deituko die proba eginen den gelan sar daitezen. Ahozko bitartekotza ere saio berean eginen da, gida honen 5.1 puntuko tauletan adierazi den moduan.

–Bi zereginetarako prestaketa proba eginen den ikasgela berean eginen da, aztertzaileen aurrean.

6.4.2. Fase bakoitzaren deskribapena.

a) Harrera.

–Aztertzaileak esanen die izangaiei non eseri behar diren, eta eskatuko die beren burua identifikatzeko argazkia daukan dokumentu baten bidez.

–Aztertzaileak galdetuko die bertaratu direla justifikatzen duen agiririk behar ote duten (hasi baino lehen edo amaitzean).

b) Ahozko produkzioa.

–Aztertzaileak ahoz emanen ditu jarraibideak, eta A izangaiari bi txartel emanen dizkio gai banarekin, izangaiak aukera dezan zein gai izanen den ahozko produkzioaren oinarria.

–Gaia aukeratutakoan, aztertzaileak gai horri buruzko hiru galdera eginen dizkio izangaiari.

–A izangaiak, lehenik hitz egin behar duenak, ahozko produkzioa garatuko du, erantzun landuak emanez hiru galderei.

–A izangaia gehienez 5 minutuz arituko da solasean, eta bitartean aztertzaileek eskatzen ahalko diote bere iritziak justifika ditzala edo argi gelditu ez den alderdiren bat gara dezala.

–A izangaiak ahozko produkzioa amaitu eta gero, aztertzaileak B izangaiari beste bi euskarri emanen dizkio bere ahozko produkzioa prestatzeko, eta lehengo urratsak errepikatuko dira. Ondoren, gauza bera eginen du C izangaiarekin.

c) Ahozko koprodukzioa.

–Aztertzaileak jarraibideak emanen dizkie hiru (ahal dela) izangaiei, ahoz, eta azalduko die minutu bat daukatela prestatzeko (aldi berean baina bakarka).

–Aztertzaileak euskarri bat emanen dio izangai bakoitzari. Euskarri hori txartel bat izanen da, eta han azalduko dira solasaldiaren nondik norakoak: gai bat eta eztabaidatzeko hiru edo lau enuntziatu (desberdinak izanen dira izangai bakoitzarentzat). Ez dago enuntziatu guztiak eztabaidatu beharrik.

–Prestatzeko denbora amaituta, aztertzaileak adieraziko du nor hasiko den hizketan (A izangaia).

–Hiru izangaiek elkarrizketa bat izanen dute, euskarrian proposatzen den gaiari buruzko iritziak trukatzeko. Izangai bakoitza zereginaren denboraren erdian parte hartzen saiatuko da. C izangaiak bukatuko du elkarrizketa.

–Elkarrekintzak 9-12 minutu iraunen du (6-8 minutu, bikote bat bada) eta bitartean aztertzaileek ez dute hitz eginen, egoera hauetan izan ezik: i) komunikazioa eteten bada; ii) solasa eskatutakoarekin bat ez badator edo iii) ez badira nahikoa mintzatzen.

6.4.3. Mintzamena ebaluatzeko irizpideak.

a) Eraginkortasun komunikatiboa.

Ebaluatzen du ea izangaiak eraginkortasunez erantzuten dion komunikazio egoerari eta ongi lotzen zaion zereginari. Alegia:

–Produkzioko zereginean:

• Ea eraginkortasunez adierazten duen esan nahi duena. Diskurtsoaren hariari zailtasunik gabe jarraitzen zaion, informazio argia ematen duen eta anbiguotasunik ez dagoen.
• Zereginari egokitzen zaion: ezarritako denbora betetzen duen, puntu guztiak garatzen dituen gidalerroei jarraituz, eta proposatutako gaiari buruz informazio zehatza eta eduki jakingarriak eskaintzen dituen.
• Berezkotasunez eta zalantzarik egin gabe erantzuten duen. Diskurtso jarraitua egiten duen, erritmo naturalean.

–Koprodukzioko zereginean:

• Ea naturaltasun, malgutasun eta eraginkortasunez parte hartzen duen interakzioan: aktiboki jarduten duen igortzaile eta hartzaile gisa, solasaldiaren nondik norakoari moldatuz, eta egokitasunez erantzuten duen, eduki jakingarria eskainiz.
• Egoki erabiltzen dituen hitz egiteko txandak (intonazioa, diskurtsoaren markatzaileak, etab.), eta baliatzen elkarlaneko estrategiak (adeitasuna, laguntza, ulertu izana erakustea, argibideak eskatzea, etab.), komunikazioaren norabidea aldatzekoak (gai aldaketa negoziatzea, etab.) eta elkarrekintzakoak (pentsatzeko baliabideak, interesa agertzekoak, etab.), eta bere ideiak trebetasunez lotzen dituen beste hiztunen ideiekin (adostasuna edo desadostasuna agertzea, argudiatzea, etab.).

b) Lexikoaren aberastasuna.

Erabilitako hiztegiaren zabaltasuna eta konplexutasuna ebaluatzen ditu, alegia:

Lexiko joria, askotarikoa eta zehatza erabiltzen duen zeregina egiteko: gaiarekin zerikusia duen hiztegia, sinonimoak, hain ohikoak ez diren hitzak, eta adierazpide idiomatikoak edo bestelako baliabide estilistikoak.

c) Kontrol fonologikoa.

Soinuen ahoskera, azentuazioa, erritmoa eta intonazioa ebaluatzen ditu. Alegia:

–Ea ahoskera argia eta naturala den, berezko hiztunaren oso parekoa.

–Intonazioa aldatzen duen eta enfasia zuzen kokatzen duen informazioari ñabardurak gehitzeko.

–Ahoskera argia eta naturala den, 1. hizkuntzaren eraginik gabe.

–Soinuei dagokienez: Ez den gehiegi urruntzen estandarretik, eta gai den soinu multzoak artikulatzeko.

–Hitzei zuzen jartzen dien azentua.

–Hitzak adiera-unitateetan multzokatzen dituen eta esaldiaren erritmoari eusten dion.

–Intonazioa erabiltzen duen esanahia indartzeko edo informazioari ñabardurak eransteko.

d) Zuzentasun gramatikala.

Gramatikaren erabileraren doitasuna edo zehaztasuna ebaluatzen du. Alegia:

–Ea zuzen erabiltzen dituen morfologia eta sintaxia.

–Zeregina egiteko beharrezkoak diren egiturak erabiltzen dituen.

6.5. Bitartekotza proba: idatzizko bitartekotza eta ahozko bitartekotza.

Bitartekotza probak bi zeregin izanen ditu eta guztira 20 puntu balioko du. Lehenengoa, idatzizko bitartekotza, azterketa idatziaren saioan eginen da, eta bigarrena, ahozko bitartekotza, ahozko azterketaren egunean eginen da.

6.5.1. Idatzizko bitartekotza.

Izangaiak gauza izan behar du idatziz emateko, behar bezain zehatz, kontzeptuz eta egituraz konplexuak diren edo ezaugarri idiosinkrasikoak (tokian tokiko moldeak, literatura-hizkuntza, lexiko espezializatua, eta abar) dauzkaten ahozko testuen edo testu idatzien zentzu orokorra, funtsezko informazioa, puntu nagusiak eta xehetasun garrantzitsuenak eta iritzi eta jarrera inplizitu zein esplizituak, ager daitezkeen inplikazioekin batera; eta estiloen eta erregistroen arteko aldeak eta asmoaren ñabardurak identifikatzeko.

Idatzizko bitartekotza probaren ezaugarriak eta formatua:

6.5.2. Ahozko bitartekotza.

Izangaiak gauza izan behar du:

–Ahoz jakinaraztea, behar bezain zehatz, kontzeptuz eta egituraz konplexuak diren edo ezaugarri idiosinkrasikoak (tokian tokiko moldeak, literatura-hizkuntza, lexiko espezializatua, eta abar) dauzkaten idatzizko testuen zentzu orokorra, funtsezko informazioa, puntu nagusiak eta xehetasun garrantzitsuenak eta iritzi eta jarrera inplizitu zein esplizituak, ager daitezkeen inplikazioekin batera; eta estiloen eta erregistroen arteko aldeak eta asmoaren ñabardurak identifikatzea.

–Hainbat iturritako informazioa eta ideiak ahoz parafraseatzea eta laburtzea, argudioak eta egitateak behar bezalako zehaztasunez berreraikiz, koherentziaz, xehetasun garrantzitsurik alde batera utzi gabe eta beharrezkoak ez diren xehetasun edo elementurik sartu gabe, naturaltasunez eta eraginkortasunez.

–Aldibereko interpretazioa egitea norberaren espezialitateari lotutako hainbat eremutako askotariko gaiei buruz, erregistro- eta estilo-ñabardurak behar den zehaztasunez emanez.

Ahozko bitartekotza probaren ezaugarriak eta formatua:

–Deialdi arruntean, ahozko bitartekotza proba banaka eginen da ahozko azterketaren saioan, ahozko testuak produzitzeko eta koproduzitzeko probaren aurretik.

–Deialdi berezian, ahozko bitartekotzako zeregina eta ahozko testuak produzitzeko eta koproduzitzeko proba egiteko hurrenkera izangaiak egiteko dituen proben mende egonen da.

6.5.3. Bitartekotza proba ebaluatzeko irizpideak.

a) Edukiaren interpretazioa.

Ebaluatzen du ea izangaiak kontsigna egokitasunez interpretatzen duen eta helburu komunikatiborako (hartzailea eta testuingurua) adierazgarria den informazioa identifikatzen eta aukeratzen duen.

b) Testuaren antolaketa.

Ea ongi antolatuta dagoen transmititutako informazioa (edo prozesatutako testua): koherentea eta erraz jarraitzeko modukoa den.

c) Informazioa transmititzea.

Ebaluatzen du ea izangaiak helburu komunikatiborako garrantzi handiena duen informazioa transmititzen duen, argitasunez eta eraginkortasunez transmititu ere, alegia:

–Zuzen prozesatzen duen testua: informazio, ideia edota datuak modu egokian transmititzen, laburbiltzen, parafraseatzen, konparatzen edo azaltzen dituen. Sortutako testua ez dagoen hitzez hitz hartuta testu-euskarritik.

–Ea estrategia egokiak aukeratzen dituen informazioa transmititzeko, proposatutako bitartekotza-egoeraren arabera, eta informazio hori modu eraginkorrean ulertarazten duen.

d) Hizkuntzaren zuzentasuna.

Ebaluatzen du ea izangaiak, maila honetarako, nahiko egoki erabiltzen duen hizkuntza kodea informazioaren transmisioan. Alegia:

Behar bezala erabiltzen duen hiztegi egokia, zehatza eta espezializatua, beharrezkoa denean, bai eta mailako egiturak ere.

Ahozko bitartekotzan, ahoskeraren zuzentasuna eta naturaltasuna ere ebaluatzen dira, ea berezko hiztun baten paretsu ahoskatzen duen.

7.–Azkeneko oharrak.

7.1. Emaitzen argitalpena.

Proben emaitzak argitara emanen dira datu pertsonalen babesari buruz indarrean dagoen legerian ezarritakoa betez.

Ikasleei ziurtapen proben emaitzari buruz emanen zaien informazioak barnean hartuko ditu probaren zati bakoitzeko puntuazioa eta dagokion kalifikazio partziala, bai eta proba osoari dagokion kalifikazio orokorra ere.

7.2. Erreklamazioak egiteko eskubidea.

Ikasleek, edo, hala behar denean, haien tutore edo legezko ordezkariek, beren probei eta emaitzei buruzko informazioa jasotzen ahalko dute ebaluazioaren ardura duten irakasleen aldetik, ikastetxean horretarako ezarritako egunean. Egun horretan bertaratzerik ez badute, beste egun batean egiteko eskatzen ahalko dute idatziz.

Irakasleak argibideak eman ondoren, lortutako azken kalifikazioarekin ados ez badaude, ikasleek, edo, hala behar denean, haien tutore edo legezko ordezkariek, ikastetxeko zuzendaritzari eskatzen ahalko diote, idatziz, berrikus dezala ziurtapen probaren zati batean edo batzuetan lortutako kalifikazioa. Lortutako kalifikazioak berrikusteko eskaera horiek hiru egun balioduneko epean aurkeztuko dira, azken kalifikazioa argitaratzen den egunetik hasita. (Hots, azterketaren berrikuspenaren egunetik hasita).

Erreklamazioa jaso ondoren, ikastetxeko zuzendariak erreklamazio espediente bat irekiko du. Kasuan kasuko hizkuntzaren departamentuak (erreklamazioa jarri zaien irakasleak bazter utzita), zuzendariak eskaturik eta erreklamazioa aurkeztu ondoko lehenengo egun baliodunean, erreklamazioa aztertuko du. Egiaztatuko du proba guztiak ebaluatu direla eta ezarritako ebaluazio irizpideak ongi aplikatu direla, eta ziurtatuko du ez dela akatsik egin probaren zati bakoitzeko kalifikazioaren eta azken kalifikazioaren kalkuluan, eta txostena eginen du.

Txostenak ikasketaburuari helaraziko zaizkio, eta hark, ahal den era eta epe azkarrenean, txostenaren kopia emanen dio ikasleari edo, hala behar denean, ikaslearen tutore edo legezko ordezkariei, PDF formatuko kopia bat igorriz haien helbide elektronikora. Gainera, mezua bidaliko zaio mugikorrera, jarri duen erreklamazioaren erantzuna bidali diotela jakinarazteko. Honela bukaera emanen zaio ikastetxean erreklamatzeko prozesuari.

Ikastetxearen ebazpenaren kontra gora jotzeko errekurtsoa paratzen ahalko da, Hezkuntzako zuzendari nagusiari zuzendua, jakinarazi eta biharamunetik hilabeteko epean.

Artikulu honetan aurreikusitako jarduketa guztiak desgaitasunen bat duten pertsonentzat irisgarriak izatea bermatuko da.

7.3. Berariazko premiak dituzten pertsonentzako egokitzapena.

Proba egokitzen ahalko da mugitzeko desgaitasuna, ikusteko desgaitasun erabatekoa edo partziala, mintzamenaren nahasmenduak, entzumen galera edo desgaitasun bat baino gehiago duten izangaien behar berezietarako.

Egokitzapenen bat behar duten ikasleek beren beharrak adierazi beharko dituzte ikasketaburuari zuzendutako idazki batean, eta desgaitasuna eta haren gradua egiaztatzen dituen ziurtagiria aurkeztuko dute behar horiek justifikatzeko. Eskaerak matrikula egitean aurkeztuko dira.

Baldintzak egokitzeak ez du inoiz ekarriko probaren zatiren bat egin behar ez izatea edo proba deialdi ofizialekoa ez beste egun batean egin ahal izatea.

7.4. Bertaratze agiriak.

Izangaiek azterketa egin izana frogatzeko agiria eska dezakete.

7.5. Elkarbizitzaren aurkako portaerak.

Azterketa, proba edo ariketa batean beste ikasle batzuei kopiatzea edo kopiatzen uztea elkarbizitzaren aurkako portaera da, eta berekin ekarriko du, abuztuaren 23ko 47/2010 Foru Dekretuaren arabera, azterketa, proba edo ariketa horretan kalifikazio negatiboa jasotzea.

8.–Aholkuak.

–Bete itzazu une oro azterketaren administratzaileen jarraibideak.

–Zereginak egiteko duzun denbora egoki banatu. Denbora horiek probaren zati guztiak egiteko aski dira, aurretik kalkulatu baitira. Gomendagarria da azkenean minutu batzuk gordetzea azterketa errepasatu eta izan litezkeen akatsak zuzentzeko.

–Probaren zati guztietan letra argiz idatzi eta azterketa txukun aurkeztu. Zuzentzat hartu dituzun erantzunak zeintzuk diren garbi gelditu dela ziurtatu.

–Probaren zati eta zeregin bakoitzerako ematen diren jarraibideak arretaz irakurri.

–Lasai egon zaitez eta proba egiteko jarraibideei arretaz erreparatu, batez ere ahozko ulermenaren ariketan.

–Idazmenaren zatiko zereginei heldu baino lehen, gomendagarria da esan nahi duzunaren eskema bat egitea aurretik eta, zereginak bukatutakoan, dena errepasatzea.

I. GEHIGARRIA.–IDATZIZKO PRODUKZIOA ETA KOPRODUKZIOA EBALUATZEKO TAULA

II. GEHIGARRIA.–AHOZKO TESTUEN PRODUKZIOA ETA KOPRODUKZIOA EBALUATZEKO TAULA

III. GEHIGARRIA.–IDATZIZKO ETA AHOZKO BITARTEKOTZA EBALUATZEKO TAULA

XIII. ERANSKINA.–MAILAZ IGOTZEKO ETA ZIURTAPENA LORTZEKO IRIZPIDEAK, NAFARROAKO FORU KOMUNITATEAN ARAUBIDE BEREZIKO HIZKUNTZA IRAKASKUNTZETAKO MAILETAN APLIKATU BEHARREKOAK

1.–Igoera irizpideak ikasle ofizialentzat.

a. A1 oinarrizko maila, A2 oinarrizko maila, B2.1 tarteko maila eta C2.1 maila aurreratua.

Ikasleak mailaz igoko dira deialdi arruntean etengabeko ebaluazioaren bidez edo deialdi berezian (iraileko azterketa) gutxienez 5 puntu lortuta (edo %50) ebaluatzen den hizkuntza jarduera bakoitzean.

b. B1 tarteko maila, B2.2 tarteko maila eta C1 maila aurreratua.

Ikasleak mailaz igoko dira gutxienez 5 puntu lortuta (edo %50) ebaluatzen den hizkuntza jarduera bakoitzean kasuan kasuko ziurtapen proban.

Maila igoeraren gaineko kalifikazioa honela jasoko da ebaluazio agirietan: "Mailaz igotzen da" idatzita, eta horren ondoren zenbakizko nota (5 edo hortik gorakoa, dezimal batekin), edo, bestela, "Ez-gai" idatzita.

2.–Ziurtapen irizpideak ikasle ofizial zein libreentzat.

a. A1 oinarrizko maila eta A2 oinarrizko maila.

Ikasleek, indarreko zehaztapenen arabera, ziurtapena lortuko dute guztira 6ko edo hortik gorako nota jasotzen badute 10en gainean (edo guztizkoaren %60). Gainera, probaren barruko hizkuntza jarduera bakoitza gainditu beharko dute, 5eko edo 5etik gorako nota lortuta (edo %50).

b. B1, B2.2, C1 eta C2.2 mailak.

Ikasleek, indarreko zehaztapenen arabera, ziurtapena lortuko dute guztira 6,5eko edo hortik gorako nota jasotzen badute (edo guztizkoaren %65), eta, gainera, probaren barruko hizkuntza jarduera bakoitzean gutxienez 5 puntu lortu beharko dituzte (edo guztizkoaren %50).

Ziurtapenaren gaineko kalifikazioa honela jasoko da ebaluazio agirietan: "Gai" idatzita, eta horren ondoren zenbakizko nota jarrita dezimal batekin, "Ez-gai" idatzita, edo "Ez-aurkeztua" idatzita.

3.–"Mailaz igotzen da" nota ikasle libreentzat.

Ikasle libreek, dagokien egiaztapen proban "gai" izan ez arren, ebaluatutako trebetasun guztietan gutxienez 5 puntu lortu badituzte, mailaketa proba gisa erabiltzen ahalko dituzte beren kalifikazioak, baldin eta Nafarroako eskola ofizialetako batean ikasle ofizial gisa matrikulatu nahi badute.

Iragarkiaren kodea: F2415427