24. ALDIZKARIA - 2024ko otsailaren 1a

3. ESTATUKO ADMINISTRAZIOA

DEFENTSAKO ETXEBIZITZA, AZPIEGITURA ETA EKIPAMENDU INSTITUTUA

Ebazpena, Defentsako Etxebizitza, Azpiegitura eta Ekipamendu Institutua erakunde autonomoak emana, zeinaren bidez iragartzen baitira enkante publikoak, Iruñean (Nafarroa) eta Tuteran (Nafarroa) dituen bi jabetzarenak, goranzko proposamen ekonomikoak gutun-azal itxian aurkeztuta eginen direnak

Defentsaren Etxebizitza, Azpiegitura eta Ekipamenduaren Institutua erakunde autonomoko zuzendari kudeatzaileak emandako ebazpenaren bidez, erabaki da ondotik deskribatzen diren jabetzak enkante publikoan saltzea, goranzko proposamen ekonomikoak gutun-azal itxian aurkeztuta:

1.–Lokal bat, Sandoval kaleko 3an, behea (5. zenbakia), Iruñean (Nafarroa).

Iruñeko 2. Jabetza Erregistroan inskribatua: 1414. liburukia, 686. liburua, 158. orria, 31789. finka, lehen inskripzioa. IDUFIR: 31011000338642. Katastroko erreferentzia: 310000000002205684UK.

Erregistroaren araberako azalera: 28,74 metro koadro.

Hasierako prezioa hirugarren enkantean: 45.264,47 euro. Hasierako prezioa laugarren enkantean: 40.738,02 euro.

2.–Lokal bat, Diaz Bravo kaleko 16an, behea (2. zenbakia), Tuteran (Nafarroa).

Tuterako 1. Jabetza Erregistroan inskribatua: 3203. liburukia, 853. liburua, 94. orria, 37605. finka, lehen inskripzioa. C.R.U.: 31018000586493. Katastroko erreferentzia: 310000000002109228KS.

Erregistroaren araberako azalera: 147,98 metro koadro.

Hasierako prezioa hirugarren enkantean: 111.387,03 euro. Hasierako prezioa laugarren enkantean: 100.248,33 euro.

Jabetzen ezaugarri fisikoak, juridikoak, erregistro-inskripzioa, katastro-inskripzioa, ezaugarri teknikoak eta hirigintza erabilerak: enkantea arautzen duten agirietan jasotakoak.

Enkanteetan parte hartzeko eskaintzak eta dokumentazioa aurkezteko azken eguna:

Enkantearen iragarkia EAOn argitaratu eta biharamunetik hasita 2024ko martxoaren 4ko eguerdiko ordu bata arte, Defentsako Etxebizitza, Azpiegitura eta Ekipamendu Institutuaren erregistroan (Isaac Peral kalea 20-32, Madril). Epe hori amaituta aurkezten diren proposamenak ez dira onartuko. Posta ziurtatuaren bidez bidalitako eskaintzak ere onartuko dira; horrelakoetan, lizitatzaileak justifikatu beharko ditu bidalketaren eguna eta ordua posta bulegoan, eta bidalketaren berri emanen du INVIED erakunde autonomoko erregistroan, egun berean, fax bat bidaliz 916020885 zenbakira, edo mezu bat invied.subastasdeinmuebles@mde.es helbide elektronikora, lizitatzailea identifikatuta eta postako bidalketaren ziurtagiriaren kopia bat erantsita (pdf formatuan).

Proposamen ekonomikoen gutun-azalak enkanterako eratutako mahaiak irekiko ditu Defentsako Etxebizitza, Azpiegitura eta Ekipamendu Institutuaren egoitzan (Madrilgo Isaac Peral kalea 20-32), 2024ko martxoaren 21ean, goizeko hamaiketan hasita.

Agiriak eta informazioa eskuratzea: Defentsako Etxebizitza, Azpiegitura eta Ekipamendu Institutua erakunde autonomoko bulego nagusietan (INVIED erakunde autonomoa), Isaac Peral kalea 20-32, Madril (telefonoak: 916020844, 916020819, 916020916, 916020911, 916020881 eta 900210425, doako linea), bulego orduetan, edo web-orri honetan: www.invied.es. Halaber, Iruñeko (Nafarroa) eta Tuterako (Nafarroa) jabetzetarako, Defentsak Iruñean duen Ordezkariordetzako Ondare Arloaren bulegoan, Iruñeko Chinchilla jenerala kaleko 10ean (telefonoak: 948207626, 948207624, 948207622). Jabetzak bisitatzeko, hitzordua egin beharko da aldez aurretik Ondare Arloarekin.

Iragarki honetan akats materialik baldin badago, besterentzea arautzen duten baldintza teknikoen eta administratiboen agirietan ezarritakoa bete beharko da.

Madrilen, 2024ko urtarrilaren 3an.–INVIED erakunde autonomoko zuzendari kudeatzailea. Hura ordezkatuz, INVIED erakunde autonomoko idazkari nagusia, Rafael Rivera Plaza (abenduaren 29ko 1080/2017 EDaren 16.3 art.).

Iragarkiaren kodea: E2400727