Iragarkia
24. ALDIZKARIA - 2024ko otsailaren 1a
3. ESTATUKO ADMINISTRAZIOA
TRANTSIZIO EKOLOGIKORAKO ETA ERRONKA DEMOGRAFIKORAKO MINISTERIOA
Ebazpena, Energia Politika eta Meatzeetarako Zuzendaritza Nagusiak emana, zeinaren bidez administrazio baimena ematen baitzaio Energía Inagotable de Kaori SLri, Kaori haize-instalaziorako (33 MW-eko potentzia instalatua) eta energia ateratzeko haren azpiegiturarako, udal-mugarte hauetan: Luesia, Orés, Biota eta Uncastillo, Zaragozako probintzian; Erriberri, Martzilla, Azkoien, Caparroso, Alesbes, Cadreita, Valtierra eta Castejón, Nafarroako probintzian, eta Alfaro, Errioxako probintzian.
SEE/DGPEM/SGEE/PEol-718 ebazpena (AAP)
Energía Inagotable de Kaori SLk (aurrerantzean, sustatzailea) aurretiazko administrazio baimena eskatu zuen, 2021eko abuztuaren 25ean –ondotik, 2021eko irailaren 20an zuzenduta–, Kaori haize-instalaziorako (49,5 MW-eko potentzia instalatua) eta energia ateratzeko haren azpiegiturarako, Zaragozako probintziako Luesiako, Orésko eta Asíngo udal-mugarteetan.
Zuzendaritza nagusi honek, 2021eko irailaren 28an, metatzeko erabakia hartu zuen honako haize-parke hauen aurretiazko administrazio baimenari buruzko espedienteak batera izapidetzeko: Keneo, Kaori, Kari, Kasumi, Keiko eta Kirin, eta energia ateratzeko haren azpiegitura, Zaragoza, Nafarroa eta Errioxako probintzietan (lotutako espediente kodea: Peol-722 AC).
Espedienteari hasiera eman zitzaion Gobernuak Aragoin, Nafarroan eta Errioxan dituen Ordezkaritzetako Industria eta Energia Arlo Funtzionaletan, eta tramitatu zen bat etorriz Energia elektrikoa garraiatu, banatu eta merkaturatzeko jarduerak, haren hornidura eta haren instalazioetarako baimenen prozedurak arautzen dituen abenduaren 1eko 1955/2000 Errege Dekretuan eta Ingurumen Ebaluazioari buruzko abenduaren 9ko 21/2013 Legean xedatutakoarekin, eta kasuan kasuko txostenak eskatu zitzaizkien administrazioei, erakundeei eta zerbitzu publikoko edo interes orokorreko zerbitzuetako enpresei, instalazioak haien kargurako ondasunak eta eskubideak ukitzen dituen heinean.
Honako hauek erantzun dute, eta aurka ez daudela ondorioztatzen da erantzunetatik: Aragoiko Gobernuko Hezkuntza, Kultura eta Kirol Departamentuko Kultur Ondareko Zuzendaritza Nagusia; Aragoiko Gobernuko Osasun Departamentuko Osasun Publikoko Zuzendaritza Nagusia; Aragoiko Gobernuko Lehendakaritza eta Erakunde Harremanetarako Departamentuko Barne eta Babes Zibileko Zuzendaritza Nagusia; Telefónica SA; Nafarroako Gobernuko Kultura, Kirol eta Turismo Departamentuko Kultura Zuzendaritza Nagusia; Alfaroko Udala; Errioxako Gobernuko Jasangarritasun eta Trantsizio Ekologiko Kontseilaritzako Ingurumen Kalitate eta Ur Baliabide Zuzendaritza Nagusia; Errioxako Gobernuko Hezkuntza, Kultura, Kirol eta Gazteria Kontseilaritzako Kultura Zuzendaritza Nagusia; Errioxako Gobernuko Osasun eta Bozeramailetza Kontseilaritzako Larrialdi eta Babes Zibil Zuzendaritza Nagusia, eta Garraio, Mugikortasun eta Hiri Agendako Ministerioko Estatuko Errepideen Errioxako Demarkazioa. Sustatzaileari igorri zaizkio erantzun horiek, eta ados dagoela jakinarazi du.
Erantzun egin dute honako erakunde hauek: Ebroko Konfederazio Hidrografikoa; Red Eléctrica de España; Trenbide Azpiegituren Administratzailea (ADIF); Aragoiko Gobernuko Zaragozako Hirigintzako Probintzia Kontseilua; Aragoiko Gobernuko Lurralde Egituraketa, Mugikortasun eta Etxebizitza Departamentuko Lurralde Antolamenduko Zuzendaritza Nagusia; Zaragozako Probintzia Diputazioko Bide eta Lan Zerbitzua; Uncastilloko Udala; Nafarroako Gobernuko Osasun Departamentuko Osasun Zuzendaritza Nagusia; Nafarroako Gobernuko Barneko, Funtzio Publikoko eta Justiziako Departamentuko Barne Zuzendaritza Nagusiko Babes Zibileko eta Larrialdietako Zerbitzua; Errioxako Gobernuko Jasangarritasun eta Trantsizio Ekologiko Kontseilaritzako Biodibertsitate Zuzendaritza Nagusia; Errioxako Gobernuko Nekazaritza, Abeltzaintza, Landa Mundu, Lurralde eta Biztanleria Kontseilaritzako Lurralde Politika, Hirigintza eta Etxebizitza Zuzendaritza Nagusia, eta Errioxako Gobernuko Osasun eta Bozeramailetza Kontseilaritzako Osasun Publiko, Kontsumo eta Zainketa Zuzendaritza Nagusia; erantzun horietan sustatzaileak egin beharreko jarduketak gauzatzeko baldintzak ezarri dituzte. Sustatzaileari igorri zaizkio erantzun horiek, eta ados dagoela adierazi du.
Erantzun egin dute honako erakunde hauek: Aragoiko Gobernuko Ingurumena Kudeatzeko Aragoiko Institutua; Aragoiko Gobernuko Industria, Lehiakortasun eta Garapen Departamentuko Energiako eta Meatzeetako Zuzendaritza Nagusia; Aragoiko Lurraldea Antolatzeko Kontseilua; Aragoiko Gobernuaren Lurralde Egituraketa, Mugikortasun eta Etxebizitza Departamentuko Errepideetako Zuzendaritza Nagusia; Garraio, Mugikortasun eta Hiri Agendako Ministerioko Estatuko Errepideen Aragoiko Demarkazioa; Luesiako Udala; Biotako Udala; Nafarroako Gobernuko Lurralde Kohesiorako Departamentuko Lurralde Antolamenduko Zuzendaritza Nagusia, eta Nafarroako Gobernuko Landa Garapeneko eta Ingurumeneko Departamentuko Ingurumen Zuzendaritza Nagusia; erantzunetan proiekturako baldintza batzuk adierazi dituzte. Sustatzaileari igorri zaizkio erantzun horiek, eta erantzunean bere argudioak ematen ditu. Sustatzailearen azken erantzunari erakundeek eginiko ihardespenik jaso ez denez, ulertzen da ados daudela, halaxe xedatzen baitu abenduaren 1eko 1955/2000 Errege Dekretuaren 127.4 artikuluak.
Erriberriko Udalak emandako erantzunean proiektuaren aurka agertzen da, lehen erantzunean, ez baita bateragarria indarrean dagoen Erriberriko udal plan orokorraren hirigintza araudi partikularrean xedatutakoarekin. Sustatzaileari igorri zaio erantzun hori, eta jakinarazi du ez dagoela ados Udalarekin. Erriberriko Udalak, bigarren erantzunean, hasierako jarrera berretsi du.
Erantzuna jaso da, Errioxa Ekialdeko Paisaien eta Mahastien elkarteak emana; proiektuaren aurka agertzen da, gehien bat energia ateratzeko azpiegituraren gaineko kontuengatik eta proiektuaren ondoriozko ingurumeneko eta gizarteko ukipenengatik. Sustatzaileari igorri zaizkio Elkartearen alegazioak, eta erantzun egin die. Elkarteak, bigarren erantzunean, hasierako jarrera berretsi du.
Erantzuna jaso da, Errioxako Ekialdeko Lurren Aurrerapen Jasangarriaren Aldeko Elkarteak emana; proiektuaren aurka agertzen da, gehien bat energia ateratzeko azpiegituraren gaineko kontuengatik eta proiektuaren ondoriozko ingurumeneko eta gizarteko ukipenengatik. Sustatzaileari igorri zaizkio Elkartearen alegazioak, eta erantzun egin die. Elkarteak, bigarren erantzunean, hasierako jarrera berretsi du.
Galdetu egin zaie honako erakunde hauei: Aireko Segurtasuneko Estatu Agentzia (AESA); Endesa SL; Orésko Udala; Asíngo Udala; Cinco Villas eskualdea; Espainiako Ornitologia Elkartea (SEO-BIRDLIFE); Saguzarrak Kontserbatu eta Aztertzeko Espainiako Elkartea (SECEMU-BATLIFE); Ekologistak Martxan Aragoi; Nafarroako Gobernuko Industriako eta Enpresen Trantsizio Ekologiko eta Digitalerako Departamentuko Industriaren, Energiaren eta Proiektu Estrategikoen Zuzendaritza Nagusia; Nafarroako Gobernuko Lurralde Kohesiorako Departamentuko Herri-lanen eta Azpiegituren Zuzendaritza Nagusia; Ekologistak Martxan Nafarroa; Castejóngo Udala; Valtierrako Udala; Cadreitako Udala; Alesbesko Udala; Caparrosoko Udala; Azkoiengo Udala eta Martzillako Udala; Lurraren Lagunak Elkartea Errioxa, eta Ekologistak Martxan Errioxa. Ez da erantzunik jaso; horrenbestez, ados dagoela ulertzen da, abenduaren 1eko 1955/2000 Errege Dekretuaren 127.2 artikuluan xedatutakoaren arabera.
Orobat, eskaera jendaurrean jarri zen, abenduaren 1eko 1955/2000 Errege Dekretuan eta aipatutako abenduaren 9ko 21/2013 Legean ezarritakoarekin bat, zeina Estatuko Aldizkari Ofizialean argitaratu baitzen 2021eko abenduaren 23an (306. EAO), Zaragozako Probintziako Aldizkari Ofizialean 2021ko abenduaren 24an (294. zk.), Nafarroako Aldizkari Ofizialean 2022ko urtarrilaren 3an (1. zk.), eta Errioxako Aldizkari Ofizialean 2021eko abenduaren 28an (253. zk.). Zenbait alegazio jaso ziren, eta sustatzaileak erantzun egin zituen.
Halaber, aurreproiektuaren eta ingurumen-inpaktuaren azterketaren separatak igorri zitzaizkien, txosten eskaerekin batera, abenduaren 9ko 21/2013 Legean ezarritakoari jarraikiz, honako erakunde hauei: Aragoiko Gobernuko Ingurumena Kudeatzeko Aragoiko Institutua; Aragoiko Gobernuko Hezkuntza, Kultura eta Kirol Departamentuko Kultur Ondareko Zuzendaritza Nagusia; Aragoiko Gobernuko Osasun Departamentuko Osasun Publikoko Zuzendaritza Nagusia; Aragoiko Gobernuko Lehendakaritza eta Erakunde Harremanetarako Departamentuko Barne eta Babes Zibileko Zuzendaritza Nagusia; Ebroko Konfederazio Hidrografikoa; Nafarroako Gobernuko Kultura, Kirol eta Turismo Departamentuko Kultura Zuzendaritza Nagusia; Nafarroako Gobernuko Osasun Departamentuko Osasun Zuzendaritza Nagusia; Nafarroako Gobernuko Barneko, Funtzio Publikoko eta Justiziako Departamentuko Barne Zuzendaritza Nagusiko Babes Zibileko eta Larrialdietako Zerbitzua; Nafarroako Gobernuko Landa Garapeneko eta Ingurumeneko Departamentuko Ingurumen Zuzendaritza Nagusia; Errioxako Gobernuko Jasangarritasun eta Trantsizio Ekologiko Kontseilaritzako Ingurumen Kalitate eta Ur Baliabide Zuzendaritza Nagusia; Errioxako Gobernuko Hezkuntza, Kultura, Kirol eta Gazteria Kontseilaritzako Kultura Zuzendaritza Nagusia; Errioxako Gobernuko Osasun eta Bozeramailetza Kontseilaritzako Larrialdi eta Babes Zibil Zuzendaritza Nagusia; Errioxako Gobernuko Jasangarritasun eta Trantsizio Ekologiko Kontseilaritzako Biodibertsitate Zuzendaritza Nagusia, eta Errioxako Gobernuko Osasun eta Bozeramailetza Kontseilaritzako Osasun Publiko, Kontsumo eta Zainketa Zuzendaritza Nagusia.
Gobernuak Aragoin duen Ordezkaritzako eta eta Nafarroan duen Ordezkaritzako Industria eta Energia Arloek txostena eman zuten 2022ko azaroaren 15ean eta 2022ko irailaren 9an, hurrenez hurren; txosten horiek ondotik osatu dituzte. Gobernuak Errioxan duen Ordezkaritzako Industria eta Energia Arloak txostena eman zuen 2022ko maiatzaren 27an.
Kontuan izanik ezen, abenduaren 9ko 21/2013 Legearen 42. artikuluak ezartzen duenez, organo substantiboak behar bezala kontuan hartu beharko duela, proiektua baimentzeko prozeduran, egindako ingurumen-inpaktuaren ebaluazioa.
Instalazioaren aurreproiektuari eta haren ingurumen-inpaktuaren azterketari (aurrerantzean, IIAZ) ingurumen-inpaktuaren ebaluazioaren prozedura egin zaie, eta ingurumen-inpaktuaren aldeko adierazpena egin da (aurrerantzean, IIAD edo ingurumen-inpaktuaren adierazpena), zeina zehaztu baita Trantsizio Ekologikorako eta Erronka Demografikorako Ministerioaren Ingurumen Kalitatearen eta Ebaluazioaren zuzendaritza nagusiaren 2023ko urriaren 4ko Ebazpenaren bidez. Ebazpen horretan, ingurumen arloko baldintzak ezartzen dira, egindako ingurumen ebaluazioaren ondoriozkoak, prebenitu, zuzendu eta konpentsatzeko neurriak barne. Behar bezala argitaratuta dago Estatuko Aldizkari Ofizialean (256. zenbakia).
IIADan ezarritakoaren arabera, proiektuari aplikatuko zaizkio ezarritako ingurumen arloko baldintzak, prebenitu, zuzendu eta konpentsatzeko neurriak eta, hala badagokio, IIAZn jasotako jarraipen neurriak, jendaurreko informazioaren eta kontsulten ondotik onetsitakoak, eta informazio gehigarrian proposatutakoak, betiere IIADan xedatutakoaren aurkakoak ez badira.
IIADan proiektuari ezarritako baldintza guztiak bete behar badira ere, hura baita nahitaezko txosten erabakigarria, ezartzen duena, abenduaren 9ko 21/2013 Legearen 41. artikuluarekin bat, zer baldintzatan garatzen ahal den proiektua, bai exekuzioan bai ustiapenean, proiektua definitzeko kontuan hartuko dira, bereziki eta besteak beste, IIADan xedatutako baldintza eta neurri hauek, eta, hala badagokio, horretarako beharrezkoa den dokumentazioa aurkeztuko da:
- Kaori haize-parkeko haize-sorgailuak (KOR-06, KOR-08 eta KOR-09) baztertu egin behar dira proiektutik, haiek ezartzeak ukipen nabarmena izanen baitu abifaunarengan, b.1.6 Fauna apartatuan zehaztu bezala, eta baliteke arriskuan jartzea, halaber, ugatzaren berreskurapen plana, Aragoiko Gobernuaren otsailaren 25eko 45/2003 Dekretuan ezarritakoa, bai eta «Santa Domingo eta Caballera mendilerroak eta Onsella ibaia» HBBaren eta «Luesiako Arba ibaia» ES2430065 KBEaren osotasuna ere, haien kontserbazio helburuak ukitzen baititu, baldintza orokorren gaineko 1. baldintzan ezarrita dagoen bezala.
- Sustatzaileak, «Ebro ibaia» KBEaren gaineko ikupenak ahalik eta txikienak izan daitezen, sustatu eginen du erabil daitezen, linearen azken tarterako (Erriberri lotunea - Castejón Promotores TAE, 264-72 euskarritik azpiestaziorainokoa), Azkoiengo parke fotovoltaikoak energia ateratzeko erabilitako korridore eta egitura berak (Ingurumen-inpaktuaren adierazpenari buruzko 2023ko urtarrileko 23ko ebazpena du), baldintza orokorren gaineko 3. baldintzan ezarrita dagoen bezala.
- Eraikitzeko administrazio baimenaren aurretik, sustatzaileak eraikuntza proiektua aurkeztu beharko die ukitutako autonomia erkidegoetako ingurumenaren arloko organo eskudunei, ezagut dezaten eta txostena egin dezaten, baldintza orokorren gaineko 8. baldintzan ezarrita dagoen bezala. Linea elektrikoen euskarriek hanka desberdinak izanen dituzte %10etik goitiko maldako eremuetan, zelaitze-lan eta lur mugimendu handirik egin behar izan ez dadin. Bidean bi adar ireki behar badira zimenduak dauden bi mailetara iristeko, itxi egin beharko da bideetako bat, eta lehengoratu. Orobat, malda handiko eremuetan, beso garabia edo panelak erabiliko dira muntaketa egiteko, Geologiari eta lurzoruei buruzko 9. baldintzan ezarrita dagoen bezala.
- Ebroko Konfederazio Hidrografikoak aldez aurretik baimendu beharko ditu jabari publiko hidraulikoan (JPH) edo haren polizia-eremuan egin beharreko jarduketa guztiak, Urari buruzko 1. baldintzan ezarrita dagoen bezala.
- Proiektuaren aldaketan sustatzaileak jada adierazitakoetan ez ezik, honako haize-sorgailu hauetan ere ezarriko dira detektatu eta geldiarazteko sistemak: Kaori, KOR-02, Faunari buruzko 4. baldintzan ezarrita dagoen bezala.
- Aztertu behar da protokoloa ezartzea teknikari espezialistek haize-sorgailuak zuzenean zaindu eta geldiarazteko. Protokolo hori ingurumenaren arloko administrazio eskudunari igorri beharko zaio, Faunari buruzko 5. baldintzan ezarrita dagoen bezala.
- INAGAren eskaera aintzat hartuta, basoetan suteak sortzetik babesteko plana aurkeztu beharko du sustatzaileak, eta prebentzio neurriak zehaztu beharko ditu proiektu osoan suteen sorrera eta haien ondorioak arintzeko, proiektuaren kalteberatasunari buruzko 1. baldintzan ezarrita dagoen bezala.
- Sustatzaileak ingurumena zaintzeko programa eginen du, ingurumena zaintzeko programarako (IZP) baldintzei buruzko iii) apartatuan ezarrita dagoen bezala.
IIAZn eta IIADan ezarritako baldintza eta neurri bakoitza zehaztu eta aurrekontuan sartu beharko ditu sustatzaileak, proiektuan nahiz haren adenda batean, xehakatuta, halako eran non aipatutako IIADan zehaztutako neurri bakoitza identifikatzen ahalko baita onetsi aurretik.
Kontuan hartuta ezen, aipatutako IIAZn ezarritakoa ukatu gabe, gertatzen ahal dela, abenduaren 1eko 1955/2000 Errege Dekretuaren 115. artikuluan aurreikusitakoari jarraikiz, izapidetu behar izatea Sektore Elektrikoari buruzko abenduaren 26ko 24/2013 Legearen 53. artikuluan xedatutako nahitaezko baimenak.
Arestian aipatutakoa kontuan hartuta, abenduaren 1eko 1955/2000 Errege Dekretuaren 115. artikuluan ezarritakoa aplikatuko da aurretiazko administrazio baimena lortu duten sorkuntzarako instalazioetan aldaketa egiteko eta artikulu horretan ezarritako baldintza guztiak betetzeko.
Kontuan hartuta ezen, Sektore Elektrikoari buruzko abenduaren 26ko 24/2013 Legearen 53.1 artikuluaren arabera, ezin izanen dela sorkuntzarako instalazioetako administrazio baimenik eman titularrak ez baditu aldez aurretik lortu banaketa edo garraio sareetan sartzeko eta konektatzeko baimenak.
Proiektuak garraio sarera sartzeko baimena lortu du, sarera sartzeko bideragarritasun txostenaren bidez, konexiorako baldintza teknikoak betetzeari buruzko txostenaren bidez eta konexiorako baldintza teknikoen egiaztapenari buruzko txostenaren bidez, Red Eléctrica de España SAUren jabetzako Castejón 400 kV-eko azpiestazioan.
Beraz, energia elektrikoa ateratzeko azpiegiturak parkea eta garraio sarea lotuko ditu, Castejón 400 kV-eko azpiestazioan (Red Eléctrica de España SAUren jabetzakoa), garraio sareak azpiestazio horretan duen posizio berri baten bidez.
Abenduaren 1eko 1955/2000 Errege Dekretuaren 123.2 artikuluaren ondorioetarako, 2023ko azaroaren 30ean, Energía Inagotable de Kaori SLk eta Energía Inagotable de Kari SLk, Energía Inagotable de Kasumi SLk eta Energía Inagotable de Keiko SLk hitzarmena sinatu zuten Kaori eta Kari, Kasu eta Keiko haize-instalazioetako energia batera eta koordinatuta ateratzeko (espediente honen irismenetik kanpo gelditzen dira), Castejón 400 kV-eko azpiestazioko posizio berean.
Era berean, espedientean dago Iberenova Promociones SAk, EDP Renovables España SLUk eta RIGEL 860 Energías SLk egindako akordioa, 2021eko martxoaren 4koa, Castejón 400 kW-eko lotunearen interkonexiorako azpiegitura komunak garatzeko. Badago, halaber, Castejón 400 kW-eko lotunearen interkonexiorako azpiegitura komunak garatzeko akordioarekin bat egiteko kontratua, 2021eko uztailaren 14koa, honako sozietate hauek egindakoa: Energía Inagotable de Kaori, Energía Inagotable de Kari, Energía Inagotable de Kasumi, Energía Inagotable de Keiko, Energía Inagotable de Keneo, Energía Inagotable de Kirin, Energía Inagotable de Aiko eta Energía Inagotable de Atreo.
Ezertan ukatu gabe ebazpen honen, ingurumen-inpaktuaren adierazpenaren eta sustatzaileak izapidetzean onartutako baldintzen ondorioz egin beharreko aldaketak, honako jarduketa hauek aurreikusten dira energia ateratzeko azpiegituran:
- 30 kV-eko lurpeko lineak, Kaori haize-parketik Asín 30/400 kV-eko TAErainokoak.
- 30/400 kV-eko Asín transformazio azpiestazio elektrikoa (TAE).
- Asín TAE - Malpica lotunea 400 kV-eko goi tentsioko aireko linea (GTAL).
- Malpica lotunea - Bayo TAE 400 kV-eko goi tentsioko aireko linea (GTAL) (PEol-522 espedientean jasota).
- Bayo TAE - Bayo lotunea 400 kV-eko goi tentsioko aireko linea (GTAL) (PEol-522 espedientean jasota).
- Bayo lotunearen eta Olite lotunearen arteko 400 kV-eko goi tentsioko aireko linea (GTAL) (PEol-522 espedientean jasota).
- Olite lotunea - Castejón Promotores TAE 400 kV-eko goi mailako aireko tentsioa (GTAL).
- Castejón Promotores 30/400 kV-eko transformazio azpiestazio elektrikoa (TAE), zeina Nafarroako autonomia erkidegoa izapidetzen ari baita, SAT11133 espediente zenbakiarekin; aurretiazko administrazio baimena du, Industriaren, Energiaren eta S4 Proiektu Estrategikoen zuzendaritza nagusiak, 2023ko apirilaren 20ko ebazpenaren bidez, emana.
- Castejón Promotores TAE - Castejón REE 400 kV-eko TAE 400 kV-eko goi tentsioko aireko linea, zeina Nafarroako Autonomia Erkidegoa izapidetzen ari baita, SAT11133 espediente zenbakiarekin; aurretiazko administrazio baimena du, Industriaren, Energiaren eta S4 Proiektu Estrategikoen zuzendaritza nagusiak, 2023ko apirilaren 20ko ebazpenaren bidez, emana.
- Castejón 400 kV-eko TAE azpiestazioa, Red Eléctrica de España SAUren jabetzakoa, zerbitzuan dagoena.
Abenduaren 26ko 24/2013 Legeak enpresa ekimen askea aitortzen du energia elektrikoaren hornidurarako jardueretan aritzeko. Hala ere, abenduaren 26ko 24/2013 Legearen 53.4 artikuluaren arabera, sustatzaileak egiaztatu beharko du proiektua egiteko gaitasun legal, tekniko eta ekonomiko-finantzarioa duela. Horretarako, ebazpen proposamen bat bidali zaio Merkatuen eta Lehiaren Batzorde Nazionalari, dagokion txostena egin dezan, abenduaren 1eko 1955/2000 Errege Dekretuaren 127.6 artikuluan xedatutakoa kontuan hartuta.
Administrazio Publikoen Administrazio Prozedura Erkideari buruzko urriaren 1eko 39/2015 Legean ezarritakoarekin bat, zuzendaritza nagusi honen ebazpen proposamenari buruzko entzunaldia eman zaio sustatzaileari; sustatzaileak oharrak egin ditu eta dokumentazioa aurkeztu du, eta horiek aztertuta, zenbait ohar egin ditu, ebazpenera gehitu dira.
Kontuan hartuta ezen, abenduaren 26ko 24/2013 Legeak, energia elektrikoaren ekoizleen betebeharren artean, ezartzen duela energia elektrikoa ekoizteko beharrezkoak diren jarduera guztiak garatu beharra baimenean ezarritako baldintzetan eta, bereziki, instalatutako potentziaren segurtasunari, erabilgarritasunari eta mantentzeari dagokienez, eta eskatutako ingurumen arloko baldintzak betetzeari dagokionez.
Zuzendaritza nagusi honek, 2023ko azaroaren 21ean, indargabetu egin zuen honako haize-parke hauen aurretiazko administrazio baimenari buruzko espedienteak batera izapidetzeko metatze erabakia: Keneo, Kaori, Kari, Kasumi, Keiko eta Kirin, eta energia ateratzeko haren azpiegitura, Zaragoza, Nafarroa eta Errioxako probintzietan (lotutako espediente kodea: PEol-722 AC).
Baimen hori ematen bada ere, lurraldearen antolamenduari eta ingurumenari dagozkien eta beharrezkoak diren kontzesio eta baimenak beharko dira, bai eta aplikatzekoak diren xedapenek eragindako beste guztiak ere. Halaber, obra egiteko beharrezkoak diren gainerako baimen guztiak eskuratu beharko dira.
Azaldutakoaren ondorioz, Energia Politikako eta Meatzeetako Zuzendaritza Nagusi honek,
EBAZTEN DU:
Bakarra.–Energía Inagotable de Kaori SLri aurretiazko administrazio baimena ematea 33 MW-eko potentzia instalatuko Kaori haize-instalaziorako eta haren energia ateratzeko azpiegituretarako (ondotik zehazten dira), ebazpen honetan jasotako berezitasunekin.
Proiektuaren xedea da haize-instalazio bat eraikitzea, energia elektrikoa sortzeko eta energia hori sarera eramateko.
Haize-instalazio horren ezaugarri nagusiak PE Kaori aurreproiektuan jasota daude (2021eko abuztukoa), eta entzunaldi izapidean, ezarri beharreko haize-sorgailu ereduari dagokionez, aurkeztutakoa kontuan hartuta, honako hauek dira:
- Teknologia mota: Eolikoa.
- Instalatutako potentzia, ekainaren 6ko 413/2014 Errege Dekretuaren 3. artikuluaren arabera: 33 MW.
- Haize-sorgailu kopurua: 5 haize-sorgailu –bakoitza 6,6 MW-ekoa– (SGRE155/6.6 modeloa).
- Sarbiderako ahalmena, Red Eléctrica de España SAUk emandako sarbide eta konexio baimenetan ezarritakoaren arabera: 49,5 MW.
- Ukitutako udal-mugarteak: Luesia eta Orés, Zaragozako probintzian.
Energia ateratzeko azpiegiturak, zeinak jasota baitaude PE Kaori aurreproiektuan eta Asín TAE eta Promotores Castejón 400 kV-eko TAE lotzeko 400 kV-eko goi tentsioko linearen aurreproiektuan (2021eko abuztukoak), eta ASIN 400 kV-eko azpiestazio proiektuan (2021eko abuztukoa), honako hauek dira:
- 30 kV-eko lurpeko lineak, Kaori haize-parketik Asín 30/400 kV-eko transformazio azpiestazio elektrikorainokoak.
- Asín 30/400 kV-eko transformazio azpiestazio elektrikoa, Luesiako udal-mugartean (Zaragoza).
- Asín TAE - Malpica lotunea 400 kV-eko goi tentsioko aireko linea (GTAL), honako ezaugarri hauekin:
- Sistema: korronte alterno trifasikoa.
- Tentsioa: 400 kV.
- Luzera: 12,5 km.
- Ukitutako udal-mugarteak: Luesia, Biota eta Uncastillo.
- Olite lotunea - Castejón Promotores TAE 400 kV-eko goi mailako aireko tentsioa (GTAL), honako ezaugarri hauekin:
- Sistema: korronte alterno trifasikoa.
- Tentsioa: 400 kV.
- Luzera: 38 km.
- Ukitutako udal-mugarteak: Erriberri, Martzilla, Azkoien, Caparroso, Alesbes, Cadreita, Valtierra, Castejón (Nafarroa) eta Alfaro (Errioxa).
Aurrekoa gorabehera, ekoizpen instalazioak egokitu beharko du ingurumen-inpaktuaren adierazpen horren edukira eta baimen hau izapidetzean sustatzaileak onartutako baldintzetara. Zehazki, ingurumen-inpaktuaren adierazpenean eskatutako baldintzak eta aldaketak bete beharko dira, eta aplikatzekoa izanen da Energia elektrikoa garraiatu, banatu, merkaturatu eta hornitzeko jarduerak eta instalazioak baimentzeko prozedura arautzen dituen abenduaren 1eko 1955/2000 Errege Dekretuaren 115. artikuluan ezarritakoa, aurretiazko administrazio baimena lortu duten sorkuntzarako instalazioen aldaketei dagokienez, eta artikulu horretan ezarritako baldintza guztiak bete beharko dira. Aurretiazko administrazio baimena lortu behar da ingurumen-inpaktuaren adierazpena betetzearen ondorioz proposatzen eta egiten diren aldaketetarako, baldin ez badira betetzen aipatutako errege dekretuaren 115.2 artikuluko baldintzak.
Beraz, eraikitzeko administrazio baimena ezin izanen da eman, eta prestaketa obrak ezin izanen dira instalazioko ezein tokitan hasi abenduaren 1eko 1955/2000 Errege Dekretuaren 131.9 artikuluan aurreikusitako instalazioen kokapena egokitzeko, hau da, ez ebazpen honen xede diren ekoizpen-parkean, ez energia ateratzeko azpiegituretan, barne dagoela, hala badagokio, garraio edo banaketa sarearekiko konexioa, baldin eta titularrak ez baditu aldez aurretik bete baldintza hauek:
a) Titularrari administrazio baimena ematea, non jasotzen baitira aipatutako ingurumen-inpaktuaren adierazpenetik eta jendaurreko informazioaren eta kontsulten izapidetik eratorritako aldaketak, aurretiazko administrazio baimen hau aldatzea eskatzen dutenak, abenduaren 1eko 1955/2000 Errege Dekretuaren 115. artikuluan ezarritakoaren arabera.
b) Energia ateratzeko azpiegitura osatzen duten jarduketa guztiek, hau da, sorkuntza parketik garraio sareko lotunerainokoek, baimenak lortuta izatea. Horiek beste administrazio batek eman behar baditu, sustatzaileak zuzendaritza nagusi honetara bidali beharko ditu haien kopiak, edo argitaratu diren aldizkari ofizialaren aipamena.
c) Merkatuen eta Lehiaren Batzorde Nazionalak ematea gaitasun legal, tekniko eta ekonomikoak baloratzen dituen txostena, 1955/2000 Errege Dekretuaren 127.6 artikuluan, irailaren 20ko 17/2022 Errege Lege Dekretuak emandako idazketan, aipatzen dena.
d) Eguneratuta egotea sarera sartzeko bideragarritasun txostena, konexiorako baldintza teknikoak betetzeari buruzko txostena eta konexiorako baldintza teknikoen egiaztapenari buruzko txostena, Red Eléctrica de España SAUren jabetzako Castejón 400 kV-eko azpiestazioan, udal-mugarteak barne har daitezen baimenaren xede den proiektuan jasotakoekin bat etortzeko moduan.
Sustatzaileak izapidetzean onartutako baldintzak bete beharko ditu, bai eta Ingurumen Kalitatearen eta Ebaluazioaren Zuzendaritza Nagusiaren ingurumen-inpaktuaren adierazpenean ezarritako baldintzak ere.
Era berean, bete beharko ditu Sistemaren Operadoreak ezartzen dituen arau teknikoak eta jarduteko prozedurak.
Baimen hau emateak ez du ezertan ukatzen aplikatu beharreko beste xedapen batzuen arabera beharrezkoak diren bestelako kontzesio eta baimenak lortzea, eta, bereziki, lurraldearen antolamenduari eta ingurumenari dagozkionak; halaber, obra gauzatzeko behar diren gainerako baimenak ere beharko dira.
Energia ateratzeko gainerako azpiegitura, garraio sarearekiko konexioraino, ebazpen honen irismenetik kanpo gelditzen da, eta beste espediente batzuen xede izanen da (Nafarroako Autonomia Erkidegoko SGEE/PEol-522 eta SAT11133), bai eta Castejón 400 kV-eko azpiestazioa, Red Eléctrica de España SAUrena, zerbitzuan dagoena.
Abenduaren 26ko 24/2013 Legearen 21.5 artikuluan xedatutakoaren ondorioz, ez da eraikitzeko administrazio baimenik emanen harik eta espedienteek dagokien ebakuazio-azpiegitura eraikitzeko administrazio baimena lortzen duten arte.
Eraikitzeko administrazio baimena eta proiektuaren onura publikoa zehazki deklaratzea lortzeko, hiru hilabete igaro baino lehen, sustatzaileak exekuzio proiektua aurkeztuko du, IIADan eta aurretiazko administrazio baimen honetan ezarritakoari jarraikiz egin beharreko aldaketak eginda, eta gehitu beharko ditu, hala badagokio, instalatutako potentziari eusteko hartutako neurriak; halaber, beharrezko jotzen duen beste edozein elementu aurkeztuko du. Era berean, aurkeztutako exekuzio proiektuari, zeina arloko erregelamendu teknikoen arabera prestatuko baita, aplikatzekoa zaion araudia bete dela egiaztatzeko erantzukizunpeko adierazpenarekin batera, behar den dokumentazioa erantsiko zaio, bai eta IIADan ezarritako baldintzak betetzen direla ziurtatzen duen erantzukizunpeko adierazpena ere, ebazpen honetan adierazitakoarekin bat eta abenduaren 26ko 24/2013 Legearen 53.4 artikuluan xedatutakoa betez.
Baimen hau iraungiko da baldin eta aipatu epea iraganik sustatzaileak ez badu eraikitzeko administrazio baimenik eskatu, edo ez baditu eman arestian aipatutako agiriak, exekuzio proiektua gauzatu ahal izateko behar den eraikitzeko administrazio baimena lortzeko. Edonola ere, sustatzaileak ezarritako epea luzatzea eskatzen ahalko du, justifikatutako arrazoiengatik, baina beti kontuan harturik Ekonomia berpizteko energia arloko eta beste arlo batzuetako neurriak onesten dituen ekainaren 23ko 23/2020 Errege Lege Dekretuaren 1. artikuluan ezarritako epeak.
Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluetan eta Sektore Publikoaren Araubide Juridikoari buruzko urriaren 1eko 40/2015 Legearen 62.2.i) artikuluan xedatutakoarekin bat, ebazpen honek ez du administrazio bidea amaitzen, eta haren kontra gora jotzeko errekurtsoa aurkezten ahalko da, Energiaren Estatuko Idazkaritzari zuzendua, ebazpena jakinarazi eta biharamunetik hasita hilabeteko epean.
Epe hori iraganik errekurtsoa jarri gabe, ebazpena irmoa izanen da ondorio guztietarako. Epeak hilabeteka zenbatzeko, urriaren 1eko 39/2015 Legearen 30. artikuluan xedatutakoa bete beharko da.
2024ko urtarrilaren 4an.–Zuzendari nagusia, Manuel García Hernández.
Iragarkiaren kodea: E2400497
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50
