24. ALDIZKARIA - 2024ko otsailaren 1a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

ZIZUR NAGUSIA

2024ko hiri-kanpalekuen datak, ordutegiak eta prezioak

Zizur Nagusiko Udalak, 2023ko abenduaren 22an egin bilkuran, erabaki zuen 2024ko hiri-kanpalekuen datak, ordutegiak eta prezioak onestea.

Zizur Nagusian, 2023ko abenduaren 22an.–Alkatea, Jon Gondán Cabrera.

HIRI-KANPALEKUAK 2024

Beste behin, oporren garaian, hiri-kanpalekuak antolatuko ditugu; zehazki, honako hauek:

Inauterietako, udaberriko, udako eta neguko kanpalekuak 2024

Xede orokorra.

Aisialdirako eta hezkuntzarako eta gozamenerako gune bat sortzea Zizur Nagusiko haurrentzat, gurasoen lan-bizitza eta familia bateragarri egiteko eskolako oporraldietan.

Berariazko helburuak.

–Seme-alabei arreta egiteak eta haiek zaintzeak familiari ekartzen dion gehiegizko zama arintzea, eta, hala, erraztasunak ematea aisialdiaz gozatzeko.

–Aisialdiko eta hezkuntzako zerbitzuen eskaintza handitzea 3 eta 12 urte bitartekoentzat.

–Emakumeen eta gizonen arteko aukera-berdintasunean eta erantzunkidetasunean oinarria duten jarrerak eta balioak sustatzea haurrengan, eta sustatzea, halaber, aniztasunarekiko eta ingurumenarekiko errespetua eta kontsumo arduratsua.

Aurreikusitako egunak, eskola-egutegiaren arabera aldatzen ahalko direnak.

–Inauterietako kanpalekuak: otsailaren 12tik 14ra (3 egun).

–Udaberriko kanpalekuak: apirilaren 2tik 5era (4 egun).

–Udako kanpalekuak:

  • 1. astea: ekainaren 24tik 28ra (6 egun).
  • 2. astea: uztailaren 1etik 5era (5 egun).
  • 3. astea: uztailaren 8tik 12ra (5 egun).
  • 4. astea: uztailaren 15etik 19ra (5 egun).
  • 5. astea: uztailaren 22tik 26ra (4 egun).
  • 6. astea: uztailaren 29tik abuztuaren 2ra (5 egun).
  • 7. astea: abuztuaren 5etik 9ra (5 egun).
  • 8. astea: abuztuaren 12tik 16ra (4 egun).
  • 9. astea: abuztuaren 19tik 23ra (5 egun).
  • 10. astea: abuztuaren 26tik 30era (5 egun).
  • 11. astea: irailaren 2tik 7ra (5 egun).

–Neguko kanpalekuak:

  • Abenduaren 23tik 27ra (4 egun).
  • Abenduaren 30etik urtarrilaren 3ra (4 egun).

Tokia.

Ziur aski kirol-instalazioetan izanen dira.

Zerbitzuak.

–Goizeko gela (07:30etik 09:00etara).

–Nahitaezko jarduerak, 09:00etatik 14:00etara (irteera malgua: 14:00ak eta 14:30 bitartean).

–Jantokia: 14:00etatik 15:30era.

Izena ematen dutenen arabera, gaztelaniazko eta euskarazko taldeak sortuko dira jardueretarako; jantokia eta goizeko gela elebitan izanen dira.

Zerbitzuen kostuak.

–"Goizeko gela" zerbitzuaren kostua.

  • Begiralea: 27,82 euro orduko.

–Jardueren kostua (09:00etatik 14:00etara).

  • Begiralea: 27,82 euro orduko, BEZa barne.
  • Koordinatzailea: 28,34 euro orduko.

–Jantoki-zerbitzuaren kostua.

  • Begiralea: 27,82 euro orduko.

–Banakako menuaren prezioa: 4,11 euro.

Beste gastu batzuk:

–Bazkari osasungarriak (elikagaiak eta materiala).

–Garbiketa zerbitzua.

Prezioak.

Eskaintzen diren zerbitzuetan izena emateko prezioak kalkulatu dira kontuan hartuz Zizur Nagusian hiri-kanpalekuen zerbitzua emateagatik prezio publikoaren eta jardueraren gaineko araua (2021eko 110. Nafarroako Aldizkari Ofizialean argitaratua, maiatzaren 12an) eta kontsultaturiko aurrekontua.

–Goizeko gelan izena emateko prezioa.

  • Doan.

–Jardueretan izena emateko prezioa.

  • 91 euro 7 egunetarako.
  • 65 euro 5 egunetarako.
  • 52 euro 4 egunetarako.
  • 39 euro 3 egunetarako.

–Jantokian izena emateko prezioa.

  • 49 euro 7 egunetarako.
  • 34 euro 5 egunetarako.
  • 28 euro 4 egunetarako.
  • 21 euro 3 egunetarako.

Iragarkiaren kodea: L2400849