2. NAFARROAKO TOKI ADMINISTRAZIOA
2.1. OPOSIZIOAK ETA LEHIAKETAK. LAN PUBLIKOAREN ESKAINTZA
UHARTE
Deialdia, lanpostu hutsak merezimendu-lehiaketaren bidez betetzeko, aldi baterako enplegua egonkortzeko eta finkatzeko prozesu bereziaren barnean. Administrari-ofizialak, zerbitzu anitzetako enplegatua (lorezaintza) eta zerbitzu anitzetako enplegatua (2. mailako ofiziala) izendatzea
Uharteko alkateak 2024/1343 Ebazpena eman zuen 2024ko azaroaren 4an. Hona hemen:
Ikusi da lanpostu hutsak merezimendu-lehiaketaren salbuespenezko sistemaren bidez betetzeko deialdia, aldi baterako enplegua egonkortzeko eta finkatzeko prozesu bereziaren barnean. Deialdiaren oinarriak Alkatetzaren 2022-0706 Ebazpenaren bidez onetsi ziren, eta 2022ko 253. Nafarroako Aldizkari Ofizialean argitaratu ziren, abenduaren 19an. Deialdia jasota dago 861/2022 espedientean.
Prozesua amaituta, eta bat etorriz kalifikazio-epaimahaiak egindako izendapen-proposamenarekin, puntuazio handiena lortu duten pertsonak izendatu behar dira, eskatutako dokumentazioa aurkeztu ondoren eta deialdi honetako oinarriak betez.
Horrenbestez,
EBAZTEN DUT:
1. Jarraian aipatzen diren pertsonak izendatzea Uharteko Udalaren zerbitzuko langile lan-kontratudun finko, eta adjudikatzea adierazitako lanpostu hutsak, plantilla organikokoak:
10.8 lanpostua. Administrari-ofiziala: Celia Martínez de Lizarrondo Albeniz. Administrazio-araubidea.
10.9 lanpostua. Administrari-ofiziala: María Pilar Zubitur Soroa. Administrazio-araubidea.
50.3 lanpostua. Administrari-ofiziala: Elena Martínez Liquiniano. Lan-araubidekoa.
40.13 lanpostua. Zerbitzu anitzetako enplegatua (lorezaintza): Joseba Ekisoain Torrecilla. Lan-araubidekoa.
40.9 lanpostua. Zerbitzu anitzetako enplegatua (2. mailako ofiziala): Gustavo Marsal Esnaola. Lan-araubidekoa.
2. Izendatutako izangaiei ohartaraztea honako egunetan jabetu beharko dutela lanpostuez:
10.8, 10.9 eta 50.3 lanpostuak: 2024ko abenduaren 19an.
40.13 lanpostua: 2024ko azaroaren 25ean.
40.09 lanpostua: 2024ko azaroaren 29an.
Hori guztia, uztailaren 1eko 19/2022 Foru Legearen 6.4 artikuluari jarraikiz (lege horren bidez neurriak hartzen dira Nafarroako Administrazio Publikoetan egonkortze prozesuak gauzatzeko, Enplegu publikoan behin-behinekotasuna murrizteko premiazko neurriei buruzko abenduaren 28ko 20/2021 Legearen ondorioz) eta deialdiaren 11.4 oinarriari.
3. Ebazpen hau argitara ematea Nafarroako Aldizkari Ofizialean eta Udalaren web-orrian.
Ebazpen honen aurka, hautara, errekurtso hauetako bat aurkez daiteke:
–Berraztertzeko errekurtsoa, egintza eman duen organoari zuzendua, hilabeteko epean, ebazpen hau Uharteko Udalaren web-orrian argitaratu eta biharamunetik hasita.
–Gora jotzeko errekurtsoa, Nafarroako Administrazio Auzitegiari zuzendua, hilabeteko epean, ebazpen hau Uharteko Udalaren web-orrian argitaratzen denetik hasita.
–Administrazioarekiko auzi-errekurtsoa, Administrazioarekiko Auzien Epaitegiari zuzendua, bi hilabeteko epean, argitaratu eta biharamunetik hasita.
Uharten, 2024ko azaroaren 7an.–Alkatea, Alfredo Arruiz Sotés.
Iragarkiaren kodea: L2416198
