6. BESTELAKO IRAGARKIAK
6.2. PARTIKULARREN IRAGARKIAK
TAUSTEKO UBIDEKO UREZTATZAILEEN SINDIKATUA
Batzar nagusi arrunta
Batzar nagusi arrunterako deia egiten zaie Tausteko ubideko ureztatzaile guztiei. Batzarra abenduaren 17an izanen da, asteartearekin, Tausteko (Zaragoza) Kultur Etxeko ekitaldi-aretoan (Aragoi plaza z.g.). Bi deialdi izanen dira, lehenengoa arratsaldeko 18:00etan, eta bigarrena arratsaldeko 19:00etan; hori guztia, bete dadin sindikatu honen Araudiaren 41. artikulua. Gai-zerrenda honako hau izanen da:
1. Aurreko bilerako akta irakurri eta, hala badagokio, onestea.
2. 2024ko lehen seihileko kontuen eta jardueren memoria.
3. 2025eko ekitaldirako diru-sarreren eta gastuen aurrekontua.
4. Batzarrak egindako txostenak.
5. Galderak eta eskaerak.
Batzarrerako arauak:
"Botoak zenbatzeko sistema partaide bakoitzak duen azaleraren proportzioaren araberakoa izanen da. Barruti bakoitzean dagoen lur hektarea bakoitzeko boto bat zenbatuko da, eta gehienez ere hogeita bost boto emanen dira. Hektarea bateko gutxieneko azalera ez duten partaideek elkartu ahal izango dira, harik eta azalera horretara iritsi arte, eta beren artetik Batzarrean beren ordezkaria izendatu ahal izango dute; horretarako, akta bat egingo dute, aldez aurretik sindikatuari bidaliko zaiona (gutxienez, ekitaldia baino ordu erdi lehenago), dagozkion ondorioetarako" – 46. artikulua –.
"Partaideak ordezkatu ahal izango dituzte Batzar Nagusian beste partaide batzuek, administratzaileek edo legezko ordezkariek. Ordezkaritza borondatezkoa bada, nahikoa izanen da Erkidegoko idazkariak askietsitako idatzizko baimen soila. Ordezkariak Erkidegoko edozein gai erabakitzeko ahalmena izango du.
Baimen soila eta, hala badagokio, legezko ahala dagokionean aurkeztuko zaizkio Ureztatzaileen Sindikatuari, egiazta ditzan.
Sindikatuko partaide batekin ezkontza-harremana edo ahaidetasuna izateak ez du esan nahi, inola ere, ezkontideari edo senideari ordezkaritza-ahalmena esleitzen zaionik" –47. artikulua–.
Tausten, 2024ko urriaren 15ean.–Zuzendaria, Miguel Murillo Supervía.
Iragarkiaren kodea: P2416165
