Iragarkia

234. ALDIZKARIA - 2024ko azaroaren 19a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

410E/2024 EBAZPENA, urriaren 30ekoa, Toki Administrazioaren eta Despopulazioaren zuzendari nagusiak emana, zeinaren bidez ebazten baita honako deialdi hau: "Pirinioetako Planaren lurralde eremuan inskribatutako toki erakundeentzako dirulaguntza, etxebizitza eta enplegua lotzen dituzten, biztanleriaren finkapena eta inguruko lurralde garapena sustatzen dituzten proiektuen ziozko inbertsioetarako". DDBN identifikazioa: 776244.

Toki Administrazioaren eta Despopulazioaren zuzendari nagusiak uztailaren 22an emandako 213E/2024 Ebazpenaren bidez, honako dirulaguntza honetarako deialdia onetsi zen: "Pirinioetako Planaren lurralde eremuan inskribatutako toki erakundeentzako dirulaguntzak, etxebizitza eta enplegua lotzen dituzten, biztanleriaren finkapena eta inguruko lurralde garapena sustatzen dituzten proiektuen ziozko inbertsioetarako" (2024ko 169. Nafarroako Aldizkari Ofiziala, abuztuaren 20koa). Dirulaguntzaren zenbatekoa 982.593 euro da, "Pirinioetan bizitzeko eta lan egiteko espazioak sortzeko dirulaguntzak" izeneko 210002 21400 7609 922102 partidaren kargura; zehazki, 482.593 euro 2024ko ekitaldiko gastu-aurrekontutik eta 500.000 euro 2025eko ekitaldiko gastu-aurrekontuan horretarako gaitzen den partida baliokidetik.

Deialdiaren 8. oinarrian ezartzen da dirulaguntza emateko prozeduraren instrukzioa Toki Azpiegituren Zerbitzuaren gain egonen dela.

Eskaerak aurkezteko epea 2024ko irailaren 20an bukatu zen, eta guztira 15 eskaera erregistratu dira; horietako bat bikoizturik aurkeztu zen eta, hortaz, 14 eskaera baloratu dira.

Instrukzio-organoak aurkeztu diren eskabideak aztertu ditu, eta 9 eskaera zuzentzeko errekerimenduak egin ditu.

Erronka Demografikorako eta Lurralde Egituraketarako Zerbitzuak, 2024ko urriaren 25ean, eskaerak baloratzeko nahitaezko txostena eman du. Puntuazioen banakatze xehatua, proiektuka, ebazpen honen 1. eranskinean jaso da.

Instrukzio-organoak, bere eskudantzien barnean, 9 eskaera onartu ditu, 4 ez ditu onartu eta 1 ukatu du, ez betetzeagatik 213E/2024 Ebazpeneko oinarrietan ezarritako baldintzak (Toki Administrazioaren eta Despopulazioaren zuzendari nagusiaren 213E/2024 Ebazpena, uztailaren 22koa). Hala, 2024ko urriaren 28an, ebazpen proposamena egin du.

Bat etorriz martxoaren 11ko 11/2019 Foru Legearen 32. artikuluarekin (Nafarroako Foru Komunitateko Administrazioari eta foru-sektore publiko instituzionalari buruzko Foru Legea) eta azaroaren 15eko 249/2023 Foru Dekretuarekin (horren bidez ezarri zen Lurralde Kohesiorako Departamentuaren egitura organikoa),

EBAZTEN DUT:

1. Honako eskaera hauek ez onartzea, proiektuek deialdiaren 12. oinarrian ezarritako gauzatze epea gainditzen dutelako (2025eko urriaren 31):

2. Honako eskaera hauek onartzea, urte bakoitzerako onartzen diren zenbatekoekin:

3. Luzaideko Udalaren 0011-4029-2029-000006 eskaera ukatzea, ematen den dirulaguntzaren zenbatekoa proiektua gauzatzeko kostuaren %15 baino gutxiago delako, eta ez delako beste laguntza batzuk jaso izana frogatu, horiek baturik kostuaren %50 gutxienez egiteko adinakoak: ez da betetzen deialdiaren 8.6 oinarria.

4. Honako dirulaguntza hauek ematea "Pirinioetan bizitzeko eta lan egiteko espazioak sortzeko dirulaguntzak" izeneko 210002-21400-7609-922102 partidaren kargura (303.355,99 euro 2024ko ekitaldiko gastu-aurrekontutik eta 500.000 euro 2025eko ekitaldiko gastu-aurrekontuan horretarako gaitzen den partida baliokidetik):

5. Onartu ez diren zenbait eskaeraren zerrenda ordenatua onestea. Zehazki, eskaera horiek, nahiz eta onuradun izateko eskatzen diren baldintza administratibo eta teknikoak bete, ez dira onartu 2025eko deialdian ezarritako kredituaren gehieneko zenbatekoa gainditu delako:

6. Ohartarazten da ezen, deialdiaren xedea betetzeko, dirulaguntza jaso duten toki erakundeek, hala 2024an nola 2025ean, 2025eko urriaren 31n erabat gauzaturik eduki beharko dutela aurkeztu duten inbertsioa.

7. Ebazpen hau argitaratzea Nafarroako Aldizkari Ofizialean eta Dirulaguntzen Datu Base Nazionalean.

8. Ebazpen hau deialdian parte hartu duten toki erakundeei jakinaraztea, eta honako hauetara igortzea, behar diren ondorioak izan ditzan: Toki Administrazioaren eta Despopulazioaren Zuzendaritza Nagusiko Plangintzaren eta Azterlan Ekonomikoen Atalera eta Erronka Demografikorako eta Lurralde Egituraketarako Zerbitzura.

9. Ebazpen honek ez du administrazio-bidea amaitzen, eta, haren aurka, interesdunek gora jotzeko errekurtsoa jartzen ahalko dute, Lurralde Kohesiorako kontseilariari zuzendua, hilabeteko epean, ebazpena argitaratu eta biharamunetik aurrera.

Iruñean, 2024ko urriaren 30ean.–Toki Administrazioaren eta Despopulazioaren zuzendari nagusia, Jesús María Rodríguez Gómez.

1. ERANSKINA.–PUNTUAZIOEN BANAKATZE XEHATUA, PROIEKTUKA

Iragarkiaren kodea: F2416009