4. PROZEDURA JUDIZIALAK
KONSTITUZIO AUZITEGIA
900-2023 konstituzio-kontrakotasuneko arazoa, Nafarroako Toki Ogasunei buruzko martxoaren 10eko 2/1995 Foru Legearen 175.2 artikuluari dagokionez (2015eko apirilean indarrean zegoen testuaren arabera), Konstituzioaren 31.1 artikulua ustez urratzeagatik
Konstituzio Auzitegiak aurtengo 2024ko urriaren 22ko Osoko Bilkuran emandako probidentziaren bidez, erabaki du tramitatzeko onartzea 900-2023 konstituzio-kontrakotasuneko arazoa, Nafarroako Justizia Auzitegi Nagusiko Administrazioarekiko Auzien Salak planteatua, 12/2022 kasazio-errekurtso autonomikoan, Nafarroako Toki Ogasunei buruzko martxoaren 10eko 2/1995 Foru Legearen 175.2 artikuluari dagokionez (2015eko apirilean indarrean zegoen testuaren arabera), ustez urratzeagatik Konstituzioaren 31.1 artikulua, eta, bat etorriz Konstituzio Auzitegiari buruzko Lege Organikoaren 10.1 c) artikuluan xedatutakoarekin, Bigarren Salaren esku uztea, txanda objektiboaren arabera hari baitagokio gai honetaz arduratzea.
Konstituzio Auzitegiari buruzko Lege Organikoaren 37.2 artikuluan ezarritakoarekin bat, 12/2022 errekurtsoan alderdi direnak auzitegi honetan pertsonatu daitezke, ediktu hau Estatuko Aldizkari Ofizialean argitaratu eta hamabost eguneko epean.
Madrilen, 2024ko urriaren 22an.–Konstituzio Auzitegiko Osoko Bilkurako Justiziako idazkaria, Alfonso Pérez Camino.
Iragarkiaren kodea: J2415631
