1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
352/2024 EBAZPENA, urriaren 22koa, Nafarroako Osasun Publikoaren eta Lan Osasunaren Institutuko zuzendari kudeatzaileak emana, Asier Acuña Juanbeltz jauna Nafarroako Osasun Publikoaren eta Lan Osasunaren Institutuko Laneko Istripuen Prebentziorako Unitateko buru izendatzen duena bitarte baterako.
Foru dekretuaren 54. artikuluak ezartzen du zerbitzuetako, ataletako eta unitateetako buruak azaroaren 22ko 347/1993 Foru Dekretuan ezarritakoari jarraikiz izendatuko eta kargutik kenduko direla, horren bidez arautu baitzen Osasunbidea-Nafarroako Osasun Zerbitzuan sartu eta bertako lanpostuak betetzeko modua.
Asier Acuña Juanbeltz jaunak 2024ko irailaren 11n hartu zuen laneko arriskuen arloko teknikariaren lanpostuaren jabetza, Nafarroako Foru Komunitateko Administrazioaren zerbitzuko funtzionario gisa.
Aztertu da NOPLOIko Lan Osasuneko Zerbitzu Teknikoko zuzendariaren txostena, proposatzen duena Asier Acuña Juanbeltz jauna Laneko Istripuen Unitateko buru izendatzea.
Nafarroako Osasun Publikoaren eta Lan Osasunaren Institutuaren estatutuak onesten dituen azaroaren 15eko 248/2023 Foru Dekretuaren 11. artikuluan langileen arloan ezarritako eskudantziak erabiliz,
EBAZTEN DUT:
1. Asier Acuña Juanbeltz jauna Nafarroako Osasun Publikoaren eta Lan Osasunaren Institutuko Laneko Istripuen Prebentziorako Unitateko buru izendatzea bitarte baterako, 2024ko urriaren 1etik aurrerako ondorioekin.
2. Ebazpen hau jakinaraztea Asier Acuña Juanbeltz jaunari eta igortzea Osasun Departamentuko zuzendari nagusiari, Laneko Osasunaren Zerbitzu Teknikoari, Funtzio Publikoko zuzendari nagusiari, Nafarroako Osasun Publikoaren eta Lan Osasunaren Institutuko zuzendari kudeatzaileari eta Profesionalen Ataleko buruari, behar diren ondorioak izan ditzan.
3. Ebazpen hau Nafarroako Aldizkari Ofizialean argitaratzea, orok jakin dezan.
Iruñean, 2024ko urriaren 22an.–Nafarroako Osasun Publikoaren eta Lan Osasunaren Institutuko zuzendari kudeatzailea, M.ª Ángeles Nuin Villanueva.
Iragarkiaren kodea: F2415536
